Innehållsförteckning för June 2020 från Weg!

E en van die dinge in hierdie onsekere tyd wat soos ’n kameelperd op ’n kaal vlakte uitstaan, is dat ons nie weet wat die toekoms inhou nie. Indien ons te veel tob oor ’n toekoms waaroor ons geen beheer het nie, verval ons maklik in iets wat een van my slim universiteitsprofessors “geestesteater” gedoop het. Angs en onsekerheid veroorsaak dat ons allerlei ongegronde aannames maak, en ons bou voor ons geestesoog ’n wêreld wat nie bestaan nie. Die prof het nie gesê ons moet nooit planne maak nie, maar eerder gemaan dat ons nie vasgevang raak in ’n donker plek wat ons energie en optimisme blus nie. Ek probeer my dus by die hede bepaal. Maar dis moeilik! Totdat ek Toast Coetzer se storie oor Copperton lees (bl.38) en…

Die bergadder is een van Suid-Afrika se kleiner adders – hulle word gemiddeld tussen 30 cm en 40 cm lank. Soos die naam aandui, hou dié slang van hoogliggende gebiede. Hulle kan tot 3 000 m bo seevlak voorkom. . Die enigste plek waar jy bergadders naby die see sal vind, is in die berge by Bettysbaai in die Wes-Kaap. Bergadders is redelik volop in sekere gebiede. Hulle is egter gewild onder reptielsmokkelaars omdat hulle in Europa gesog is as troeteldiere. Bevolkings word op vier plekke aangetref: die Kaapse Plooiberg, die Drakensberg (in Mpumalanga en KZN) en die ooste van Zimbabwe. Genetiese navorsing van dié vier bergadderbevolkings in Suider-Afrika toon dat hulle al duisende jare geografies van mekaar geïsoleer is. Daar is groot variasies tussen die bevolkings, soveel so dat…

it lyk asof die maan vandees- D maand min gepla is om enige sosiale afstand te handhaaf! Oor twee weke doen die maan vyf planete aan en jy kan al hierdie “besoeke” met die blote oog waarneem. Dis ’n lekker projekkie om aan te pak. Wees egter gewaarsku: Jy gaan ’n paar uur se slaap inboet, en die laaste skof gaan fyn kyk verg. Die eerste besoek is dúidelik! Op 8 Junie beweeg Jupiter, Saturnus en die groeiende maan nader aan mekaar totdat al drie binne 6° van mekaar af is. Dit hang af van waar in Suid-Afrika af jy kyk, maar die maan begin van 9 nm. van die ooste af na dié posisie beweeg. Die koukusgroepie is op sy mooiste teen slaaptyd – hier rondom 10.30 nm., want…

Wat van hierdie genre het jou aangegryp? Die storie-aspek. Storie, spanning en vaart speel ’n al hoe groter rol in fiksie. Misdaadfiksie is by uitstek daarvoor geskik. En natuurlik die navorsing, wat dikwels joernalistieke vaardighede vereis. Die verhaal speel af in plekke soos Londen, Antwerpen, Hermanus, en Port Nolloth. Het jy na elkeen gereis? Ek moes al hierdie plekke besoek om die tekstuur van die stede of dorpe te beleef sodat dit kon deel word van die storie. Een van die vonke vir die boek was onder meer ’n gesprek met ’n Uber-bestuurder wat eens ’n sekerheidswag op die diamantmyne naby die Namibiese grens was en vertel het van hoe diamante in vrugte Kaap toe gesmokkel word. Ek het êrens gelees op Port Nolloth word met die meeste diamante in…

ELMAR VENTER Canon EOS 1Dx Canon 500 mm-lens met ’n 1.4x-omsetter ELMAR SKRYF: Ek het hierdie foto van ’n onvolwasse baardaasvoël by Giant’s Castle se aasvoëlskuiling geneem. Ek het vier dae agtereenvolgend die skuiling besoek en gehoop dat een van dié besonderse voëls my met ’n landing sou bederf. Op die laaste oggend het alles in plek geval. Ek hou veral van die simmetriese postuur van die voël op die foto. TOAST SÊ: Vier dae in ’n ry! Dís nou toewyding! Soms is daar geen ander manier nie. Jy weet presies watter foto jy soek. Jy is reeds op die regte plek. Nou moet jy geduldig wees, en wag... Die baardaasvoël is nie sommer enige aasvoëlspesie nie – dis verreweg ons mees bedreigde aasvoël. Vir konteks: In 2019 se Wêreldbekerrugbybyeenkoms…

Potgebraaide lamsblad met dadels Genoeg vir 6 Bereidingstyd 30 minute Gaarmaaktyd 4 uur Jy benodig • 2 kg lamsblad, deurgesaag • 4 eetlepels olyfolie • 4 rooiuie, geskil en in dik ringe gesny • 2 heel knoffelbolle, steeltjie afgesny • sout en varsgemaalde swartpeper • 6 dadels, ontpit en middeldeur gesny • 4 lourierblare • ’n bossie vars tiemie • 1 kaneelstokkie • ½ teelelepel droë rissievlokkies • 1½ koppie hoenderaftreksel • 400 g jong wortels • 2 eetlepels granaatmelasse of dadelstroop • 2 eetlepels rooiwynasyn Só maak jy 1 Verhit die olie in ’n platboompot waarin die blad pas en braai die vleis oraloor tot goudbruin en bros. (Jy kan dit ook oor warm kole braai.) 2 Haal die pot van die hitte af, skep die vleis uit en rangskik die ui saam met die knoffel in ’n eweredige laag op die boom.…

Die R60 tussen Ashton en Swellendam is een van my gunstelingpaaie. Vrugteboorde en grasgroen weivelde, bespikkel met skape al kouend aan ’t mediteer, flits verby jou. Met die Langeberg wat deurgaans aan jou linkerkant waghou. Die rit tussen die twee dorpe neem skaars 40 minute, en terwyl jy nog droom oor ’n huisie op die platteland, dui ’n bordjie aan jou linkerkant die afdraai na die Eenuurkopgasteplaas aan. Jy hoef nie ’n kwantumfisikus te wees om te sien hoekom Tersia en Jeremy Puren hulle 110 ha-plaas Eenuurkop gedoop het nie. Die mees imposante van Swellendam se bekende uurkoppe (hier’s ook ’n Twaalf-, Elf- en Tienuurkop) troon bo die landskap uit. In die dae voor horlosies kon die plaaslike inwoners jou vertel hoe laat dit is afhangende van watter kop ’n…

Afstand Skeure toe en terug is sowat 5 km, wat jou 3 tot 4 uur sal neem. Die rotsboog is nog 3,7 km (dus 7,5 km uit en tuis) se stap. Jy kan in ’n dag na die rotsboog en terug stap – begroot sowat 8 uur vir die avontuur. Hoe kom ek daar? Ry noord met die N7 en draai 28 km ná Citrusdal af na regs vir die Algeria-ruskamp. Hou reguit op dié grondpad vir 46 km tot by Dwarsrivier en die Sanddrif-vakansieoord. Beste tyd om te stap? Heeljaar – selfs al raak dit bloedig warm in die somer, bly dit koel in die skeure. Spring vroeg weg terwyl daai steil opdraande na die skeure nog in die skaduwee is. Pak ’n hoed en sonroom. Waar los ek…

ELNA VAN NIEKERK Kwekery-eienaar Jare gelede sou almal op Boxing Day by “Barberton Beach” langs die dam in die Barbertonnatuurreservaat piekniek hou. Dit was dié plek om te wees! Deesdae ry ek minstens een keer per maand met die Georoete langs vir ’n dag uit Badplaas toe en loer ook dan in by die ou Msaulipersoneeldorpie by die Diepgezetmyn wat nou net ’n spookdorp is. Van dié pad af sien ’n mens die berge uit ’n heel ander hoek. CLIVE MORROW Afgetrede sakeman Die Georoete is die mooiste vanuit ’n motorfiets se saal of uit ’n kar met ’n afslaankap. Ek en ’n pêl koop vir ons vis-en-tjips by die Elands Café and Fisheries in Generalstraat, klim dan op ons Harleys en ry op tot by die Makhonjwa-Lebombo-uitkykpunt vir ’n…

Hoeveel kos dit per dag? Om in jou eie voertuig deur Suid-Amerika te toer kos min of meer dieselfde as in Suid-Afrika. Ons begroot vir R1 300 tot R1 500 per dag en dit sluit kos, blyplek vir twee, diesel én motordienste in. Om geld te spaar kamp ons gereeld wild. Ons bly net in formele akkommodasie wanneer daar geen ander keuse is nie. En as ek nie my eie ryding het nie? Jy kan in Bolivia – en die res van Suid-Amerika – op die busdiens staatmaak. Dis doeltreffend en daar is heelwat opsies. Óf jy kan ’n tweedehandse oorlandvoertuig aanskaf – dis veral gewild in Chili. Dit vereis sorgvuldige beplanning om met jou eie voertuig in Argentinië en Chili te ry soos ons, want dis onwettig om jou…

Hoekom reis jy? Reis is in my DNS. Ek het ’n joernalis geword omdat dit jou na plekke neem waar jy nie andersins sou reis nie. Ek onderneem elke jaar twee of drie lang reise, baiekeer om te skryf. Ek skat ek was waarskynlik al in 80 lande. Wat maak dat jy ’n plek altyd onthou? Ek is lief vir geskiedkundige plekke... effe afgeleef en ietwat verweer. Plekke soos Istanboel, Buenos Aires, Hanoi, Porto, Palermo. Die teenoorgestelde is Dubai. Dis saai en karakterloos; ek verpes Dubai. Wat versamel jy op jou reise? My restauranten-gastehuis op Riebeek-Kasteel in die Wes-Kaap lyk soos ’n etnografiese museum: ’n oorspronklike rooi-en-goud Sowjet-fluweelkleed met Lenin se kop daarop, Mexikaanse engele, ’n antieke perkamentrol van Timboektoe, ’n Koptiese perkament uit Eritrea en Vietnamese oorlogsplakkate… Wat reis…

Kweek ’n digitale woud Die Forest-app help jou om gefokus te bly op ’n innoverende digitale manier – of jy nou werk, studeer of tyd saam met familie of vriende wil deurbring. Elke keer as jy ’n nuwe taak aanpak, “plant” jy ’n saadjie en sleutel jou taak in, asook die tydperk waarin jy dit wil voltooi. Pleks van jou foon se gewone tuisskerm, is die saadjie en ’n klokkie sigbaar op jou skerm. Dié saadjie groei geleidelik tot ’n volwasse boom. As jy jou selfoon gedurende die spesifieke tydperk gebruik, vrek jou boompie. Maar hoe meer gedissiplineerd jy is, hoe meer bome groei, en binnekort het jy ’n digitale woud! Hierdie visuele voorstelling van jou produktiwiteit is ’n verbasend goeie motiveerder. Boonop word jou virtuele woud gekoppel aan regte…

Jy is ’n geologiespreker op ’n ekspedisieskip. Ja. Ek het in 2011 my honneursgraad in aardwetenskappe aan die Universiteit Stellenbosch voltooi, maar wou nie dadelik begin werk nie. My droom was om ’n beroepsbranderplankryer te word! Ek is vier maande lank Hawaii toe om van die grootste golwe ter wêreld te ry. Ek het my doelwitte bereik en massiewe golwe gery, maar roem en rykdom het my ongelukkig ontwyk. Ek het teruggekeer huis toe. Ek was onseker oor my toekoms. ’n Familievriend het my van die ekspedisievaartbedryf vertel, maar dit het my nie juis geprikkel nie. ’n Rukkie later laat weet sy hulle soek dringend ’n geoloog, en uit desperaatheid stuur ek my CV. Hulle het my byna onmiddellik gebel. Ek het ’n naweek gehad om my voor te berei…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op…

WAT BETEKEN DIE TEGNIESE TAAL? WR Watergradering Dit staan ook bekend as “hydrostatic head rating” of waterkolomgradering en toets hoeveel water of waterdruk ’n waterbestande laag kan weerstaan voordat dit lek. As jy dus iets sien soos 10 000 WP, W/P of 10 000 mm, beteken dit die materiaal kan ’n kolom van 10 000 mm water weerstaan voordat water begin deursyfer. DWR Durable Water Repellent Dis ’n laag wat aangewend word om materiaal waterwerend te maak. MVTR Moisture Vapour Transmission Rate Hierdie word aangebied as g/m²/24 en verduidelik hoeveel vog in 24 uur deur ’n vierkante meter materiaal in kan beweeg. Hoe hoër die waarde, hoe beter beweeg die vog deur die materiaal. Dis ’n manier om te bepaal hoe goed die materiaal kan asemhaal. Patagonia…

In Suider-Afrika is net tussen 8 000 en 100 00 kransaasvoëls in die natuur oor. En die enigste plek in die Wes-Kaap met ’n broeikolonie van dié skaars voëls is die De Hoop-natuurreservaat tussen Arniston en Infanta. Kom meld hier aan om dié voëls te sien in hulle natuurlike habitat hoog bo die kranse van die Potberg. Gidse begelei stappers omdat die Potberg-deel van die reservaat met groot sorg bewaar word. Die roete loop vir sowat ’n kilometer op ’n voetpaadjie deur ’n vallei en kruis dan ’n bergstroompie. ’n Kort opdraande volg. Julle klim een en ’n half kilometer tussen fynbos. Van hier kan ’n mens nie die see sien nie, maar die Atlantiese Oseaan lê net agter die berg en elke dan en wan ruik jy ’n vars…

Die stapel boeke wat sy op die tafel neersit, beklemtoon Sheryn Nader se woorde: “Dís die dorp waar ek woon.” Ons ontmoet mekaar by die gewilde Barbertonse restaurant The Genesis vir aandete en pienk G&T’s. “Ek het sommer ’n paar boeke gebring om jou te wys hoeveel daar al oor dié dorp geskryf is. By die huis lê meer as 200 boeke met verwysings na Barberton.” Reëndruppels klater op die sinkdak bo ons – musiek vir Barberton se mense wat al hóé lank aan die droogte wurg. Ons blaai Sheryn se boeke een ná die ander oop: Dynamite and Daisies deur Piet Meiring, Lost Trails in the Makhonjwa Mountains deur Bernard John Lovell de Souza, Grace H. Hall se No Time to Die en Hans Bronman se twee, Pioneers of…

VOËLS IS PARTYTJIEDIERE Kan jy nog jou eerste skoolsokkie onthou? Dit was waarskynlik op ’n Vrydagaand en die meisies het in ’n groepie gestaan en giggel en die seuns het aan die oorkant van die saal saamgebondel. Dalk was daar ’n groepsdans waartydens almal dit darem op die dansvloer kon waag. En moenie die NikNaks vergeet nie. Daar was beslis ’n berg NikNaks en ’n stroom Sparletta. Nou vir ’n paar hoërskooljare verder. Die tjips en gaskoeldrank is steeds in die prentjie, maar die sosiale dinamika het verander en elkeen ken sy plek in die hiërargie. Groepies is gevorm: Die botterbulletjies gooi ’n rugbybal buite op die gras rond, die skaatsplankryers rook skelm agter ’n heining en die musikante beman die CD-speler. Deur die loop van die aand mag ’n…

KRUGERWILDTUIN Ek en my vrou, Leoni, het die eerste week van 2020 in die Kruger se Satara-ruskamp deurgebring. Laatmiddag op 2 Januarie het ons na die Ngotso-gebied (noord van Satara, in die rigting van Olifants) gery aangesien dit bekend is vir luiperds sien. Volgens ons inligting was daar ’n mannetjie, wyfie én jonge in die gebied. Blouwildebeeste het in Desember begin kalf en dus was daar g’n tekort aan prooi nie. Ons het die jong luiperd opgespoor en dopgehou hoe sy probeer om ’n wildebeeskalf te vang. Die wyfie was onder die pad in ’n dreineringspyp waar sy gerus het. Die mannetjie was blykbaar ook in die omgewing, maar ons het hom nie gesien nie. Die kalf het onder ’n boom gelê, ongeveer 200 m van die jong luiperd af.…

Ek is gisteraand weg uit die Kaap en het vanoggend gesnuffel tussen duur sigarette, whiskey en ontwerperparfuums op Dubai se lughawe. Nou sit ek laatmiddag in China en wag vir die laaste vlug na my eindbestemming in Mongolië. ’n Mens vlieg mos langpad as jy met die goedkoopste vlugte oorsee wil vakansie hou. Wanneer jy só reis, raak dit ’n worsteling om jouself wakker te hou gedurende die gewag op lughawens. Jy is later so vliegvoos dat jy soos ’n breindood zombie met ’n paspoort in die hand van een ry na die ander strompel. Jy is beswaarlik wakker. Ek sit in ’n restaurant op die tweede verdieping van Beijing se internasionale lughawe en bestel ’n koppie swart koffie. Ek probeer lees, maar dit maak my oë so moeg dat…

Het jy geweet ons het ook ’n podcastreeks, Weg! Stories? François Haasbroek is die gasheer en die episodes handel oor die snaaksste en opwindendste rubrieke en reisverhale in die tydskrif, asook onderhoude met die skrywers. Soek dit op jou gunsteling-podcast-app! HOE LUISTER EK NA ’N PODCAST? Jy kan die podcasts hiernaas direk op die betrokke webwerwe luister (live streaming) of jy kan dit van ’n podcast-app af laai, soos Podcast-app (iPhonefone) of Google Play Music (Android-fone).…

’n Mens vra nie veel van ’n piekniekplek langs ’n agterpad nie. En die R56 tussen Middelburg en Steynsburg ís ’n agterpad, selfs al is dit ’n teerpad. (Jy ’t al hier gery? Jy jok!) Wat jy graag sou wou hê, is skaduwee, en dié piekniekplek het presies 43 bloekombome van verskillende groottes (in een is ’n koringvoëlnes; beskaafde geselskap), versprei aan albei kante van die pad. Laasgenoemde is ook iets wat in hierdie piekniekplek se guns tel, want dit maak nie saak of jy oos- of weswaarts reis nie – jy kan veilig aftrek. Aan albei kante van die pad is sementtafeltjies en -stoeltjies in skaduwee. Suid-Afrikaners kan ’n vernielsugtige spulletjie wees. Vir party van ons is dit vreedsaam om in die middel van nêrens te wees. Veral hier…

Robey Leibbrandt: ’n Lewe van fanatisme deur Albert Blake, Jonathan Ball R260 in boekwinkels Robey Leibbrandt (1913-1966) se naam het al verskeie kere in Weg opgeduik, veral in stories oor die Namakwalandse kus. Leibbrandt was ’n voormalige polisieman en  Springbokbokser. Op 14 Junie 1941 het hy op ’n geheime Nazi-sending, Operasie Weissdorn, met ’n rubberbootjie by Koringkorrelbaai aan wal gekom. Leibbrandt is sonder twyfel een van Suid-Afrika se kleurrykste karakters – iets tussen ’n plaaslike Rocky Balboa en John Rambo. In die skrywer Albert Blake se woorde: “ ’n Moeiliker man om te tem was daar beswaarlik te bevinde.” Hy word ook deur ander as “ ’n onverskrokke derduiwel” en “ ’n dominerende grootbek” beskryf. In hierdie boeiende biografie – met ’n paar klassieke foto’s en koerantuitknipsels – kry jy…

Osprey Ultralight Rain Cover Hierdie is ’n belegging indien jou rugsak nie sy eie bedekking het nie. Dit het ook sy eie drasak. R600 by Outdoor Warehouse Mac In A Sac ’n Piepklein waterbestande baadjie vir wanneer jy onkant betrap word. ’n Broek is ook beskikbaar. R850 by Trappers Storm Waterproof+ spray Bespuit jou klere en maak dit meer waterdig. Daar is ook ’n weergawe genaamd Storm beskikbaar om jou stewels te behandel. R150 by Cape Union Mart Coughlan’s Waterproof Matches Hou dié vuurhoutjies byderhand as tweede opsie in reënweer. R60 by Outdoor Warehouse Slingsby Waterproof Maps Hou koers met jou Slingsby-kaart. Elkeen is gedruk op waterbestande papier. R170 by Cape Union Mart…

Verken die Okavangodelta, die groot riviere van die Caprivistrook en die magtige Victoriawaterval. Ons kundige gidse sal seker maak dat jy ten alle tye veilig, gevoed en gemaklik is. Hierdie selfrytoer is van die gewildste toere wat Bhejane aanbied. Die rede is eenvoudig: Jy ervaar ’n ware Afrika-avontuur teen ’n redelike prys, en jy het geen spesiale ryvaardighede nodig nie. Saam reis ons van die uitgestrekte Makgadikgadipanne om die Okavangodelta en op teen die pypsteel. Ons vertoef by die geheimsinnige Tsodilokoppies, ’n wêreldbekende rotskunskol. Dan ry ons oos deur die Caprivi in Namibië en terug na Botswana oor die indrukwekkende Victoriawaterval in Zimbabwe. Die toer eindig met ’n bootreis op die Choberivier, waar jy ’n skemerkelkie geniet terwyl die olifante bad. Bhejane voorsien al die kamptoerusting, en slaan self kamp…

Die laaste keer toe ek só na die agterkant van my pa se pers rugsak gestaar het, was voorverlede jaar op die Camino-pelgrimstog in Spanje. En toe – nes nou – het ek geswets oor die gewig van my rugsak. Ek kon die tent gelos het en in die oopte slaap, maar die lug was koel toe ek gisteraand gepak het. En op die ou einde is die tent in; saam met ’n slaapsak, oprolmatras, gasstofie, warm baadjie, drie bottels water én ’n driepoot. Ek trek die rugsak se bande stywer vas, vee die sweet van my voorkop af en volg die klipperige paadjie met my oë teen die rantjie uit. Doer bo sien ek hoe die dag se eerste sonstrale oor die silhoeët van die Wolfbergskeure breek. Die smal…

Ervaar goudkoors ’n Mens kan op verskeie uitstappies saam met Dusty Tracks gaan, van staproetes in die Mountainlandsnatuurreservaat, spoelgoud soek, ’n myn besoek of selfs na die Kruger of die Koninkryk van eSwatini ry. “Ons dag lange alles-in-een-toer is die gewildste,” reken Wynand. “Op ’n draai van 50 km ry ons ’n ent deur Mountainlands, gaan kyk hoe lyk die murasies van die ou myndorpie Eureka City, besoek Edwin Bray se Golden Quarry en die Sheba-myn én ons gaan panwas vir spoelgoud in die Suid-Kaaprivier by die Digger’s Retreat-hotel. Dis die hele goudstormloopervaring!” Koste R795 p.p. (minimum 4 per groep) vir ’n toer van sowat 6-7 uur. Kontak 072 668 4063 (Wynand) dustytracks.co.za Bekyk klippe Pak ’n piekniekmandjie en volg die Georoete. Dis 38 km lank en begin by die…

DIE FEITE Bruin-, gevlekte en gestreepte hiënas tree op as stofsuiers van die ekostelsel. Hulle het sterk immuunstelsels en kan amper enige ding vreet, ook diere wat lankal gevrek het. Só hou hulle die omgewing skoon en voorkom dat siektes versprei. Hiënas lyk dalk soos honde, maar hulle is nader aan katte. Muishonde en sivetkatte is hulle naaste familie. GEVLEKTE HIËNA 60kg Die hiëna se gewig. 80cm D¡e hoogte tot by sy skouer. 48000 Soveel van die dier is oor. Hulle speel meer met hulle kleintjies as enige van die ander groot katte. Hulle is uitstekende jagters – net so goed soos leeus, luiperds en jagluiperds! DIS GEVLEKTE HIËNAS WAT SO KEKKEL Hulle jag in troppe en dis een van die maniere hoe hulle met mekaar “praat”. DAAI…

Ons vlieg Argentinië toe en reis tot by El Boson, ’n dorpie in die middel van die land aan die voet van die Andesgebergte. Dis middel Mei en die sneeu val reeds plek-plek. Ek en Hanlie was nog altyd gaande oor berge. Die Andes strek oor 7 lande en oor meer as 7 000 km – dis die langste bergreeks op aarde. Hier is van die hoogste spitse ter wêreld, verskeie vulkane en die ruïnes van antieke beskawings. Die plan is om van El Boson af noord te ry en deurentyd so na en hoog as moontlik aan dié bergreeks te bly. In die winter sluit die bergpasse tussen Argentinië en Chili gereeld weens sneeustorms; dus hou ons aan die Argentynse kant. Die volgende dorp, Bariloche, is een van Argentinië…