Innehållsförteckning för April - May 2021 från Weg!

Soms besin ons redaksielede saam oor ’n tema vir ’n spesifieke uitgawe, soos byvoorbeeld die onlangse Desember-Januarie-uitgawe wat in die somervakansie te koop was. Daar was stories oor gunstelingplekke by die see, voorstelle vir Kersgeskenke en resepte vir ’n feesmaal in die buitelug saam met familie en vriende. Die meeste stories het by die seisoen gepas. Dan is daar uitgawes (my gunstelinge) waar ’n tema onbeplan en gelukkig-toevallig sy verskyning maak. Namate reën vroeg vanjaar oor groot dele van Suider-Afrika neergesif het, is ons Instagram-profiele @menseselense en @gomagsa oorstroom met pragfoto’s van ’n groen Kalahari, mense wat hulle verlustig aan die Kurumanrivier wat die eerste keer in dekades vloei, ons grootste damme wat oorloop, en water wat donderend oor die Augrabies en ander watervalle tuimel. Ons behae in hierdie oorvloed…

Sweef oor die Oribi-ravyn, bak in die son in die Golden Gate- Hoogland- nasionale park, stap by Kaap Agulhas om die suidpunt van Afrika of drentel deur die Luvuvhu-koorsboomwoud in Limpopo... terwyl jy op jou eie stoep sit. Suid-Afrika Toerisme het saam met Google Arts & Culture ’n aanlyn-uitstalling genaamd South Africa: An Explorer’s Paradise geskep wat ons land se natuurskoon in ’n reeks virtuele toere, video’s, fotoverhale en geskrewe stories tentoonstel. Daar is afdelings oor ons natuurgeskiedenis, die ryk kulturele erfenis en die wildlewe en van Suid-Afrika se staproetes, reservate, kuns en straattonele, terwyl allerlei bakens en ander plekke van belang soos die Wieg van die Mensdom, Robbeneiland en Hole in the Wall “besoek” kan word. Dit is ’n multimedia-skouspel soos min en sal jou hart weer warm laat…

APRIL LAASTE KWARTIER 4 APRIL DOOIEGETY: 5 APRIL HOOGGETY: 10.28VM. & 11.30NM. NUWEMAAN 12 APRIL SPRINGGETY: 12 APRIL HOOGGETY: 3.29 VM. & 3.46 NM. EERSTE KWARTIER 20 APRIL DOOIEGETY: 20 APRIL HOOGGETY: 8.56 VM. & 10.03 NM. VOLMAAN (DIAMANTMAAN) 27 APRIL SPRINGGETY: 27 APRIL HOOGGETY: 3.10 VM. & 3.41 NM. MEI LAASTE KWARTIER 3 MEI DOOIEGETY: 4 MEI HOOGGETY: 10.10 VM & 10.56 NM. NUWEMAAN 11 MEI SPRINGGETY: 12 MEI HOOGGETY: 3.27 VM. & 3.49 NM. EERSTE KWARTIER 19 MEI DOOIEGETY: 19 MEI HOOGGETY: 8.28 VM. & 9.17 NM. VOLMAAN ›RYPMAAN› 26 MEI SPRINGGETY: 26 MEI HOOGGETY: 2.47 VM. & 3.23 NM Hierdie is die hoogwatertye vir Kaapstad. Vir ander plekke tel jy minute by of trek dit af. (Let wel, hierdie is benaderde tye): Saldanha: +5; Hermanus: -4; Port…

1 Hoor die water druis Die hoofwaterval is sowat 250 m se stap van die ontvangskantoor af. Plankiespaaie lei jou na die sewe uitkykpunte wat oor die ravyn kyk. Mik eers regs na die dekke waar jy die hoofwaterval van naby kan bekyk voordat jy links teen die ravyn afstap om van ver af te sien hoe die water teen die krans aftuimel. Wanneer die Oranjerivier in vloed is, is hier ook soms kleiner watervalle wat oor die noordelike wand van die ravyn stort – die grootste een van die sywatervalle word die Bruid se Sluier genoem. Jy hoef nie topfiks te wees om na die waterval te stap nie, maar die terrein is ongelyk op plekke en as jy soms sukkel met ’n seer knie, kan die hoë trappe…

Die Augrabies-waterval- nasionale park bied verskeie avontuuraktiwiteite deur die loop van die jaar aan. In 2021 kan jy uitsien na: • Die Klipspringer Challenge, ’n tweedagveldwedloop van sowat 65 km, vind op 1-2 Mei plaas.klipspringerchallenge.co.za • Die Trans-Augrabies-bergfietsren strek oor 3 dae en 228 km, waarvan 72 km in die park is. Laat sing jou speke op 17-19 Junie. transaugrabies.co.za • Tydens die Kalahari Augrabies Extreme-marathon hardloop jy 15-23 Oktober ’n stywe 250 km deur die park en omliggende plase.kaem.co.za *Augrabies het ’n aktiewe Facebook-blad waar jy op die hoogte kan bly van alles wat in die park gebeur. Soek na “SANParks – Augrabies Falls National Park”.…

Waar? De Kockstraat 37 (skuif eersdaags na die ou Barrydale-kelder aan die westekant van die dorp) Oop Ma. tot Do.: 8 vm.-5 nm.; Vr.: 8 vm.-1 nm. Kontak 028 572 1488; barrydaleweavers.co.za Waar kan ek weefwerk aanskaf? Die wewery se webwerf het ’n aanlynwinkel. MUD aan die oostelike punt van die R62 verkoop ook dié produkte. Jy kan ook koffie, ontbyt en ligte middagetes hier geniet en tuisgebakte suurdeegbrood teen R30 stuk koop. Die winkel is elke dag oop van 8 vm. tot 3nm. 028 572 1125; mud.co.za Van die produkte is beskikbaar op yuppiechef.com…

Mez Karoo Kitchen Mez se tuin is mals, die stoele en tafels guitige rooi en groen, die kunswerke keurig, die drie inwonende katte vol geite... jy kon netsowel iewers op die Spaanse platteland wees. Die restaurantjie wat Michelle Berry saam met haar seun Kyle (bo) bedryf, is intiem. Lanterns wieg in die aandbriesie, die musiek is meesleurend en in die kombuis klink ’n gesellige gerinkel op waar die twee saam met Merencia Britz doenig is. Dis ’n driemanvertoning; dus is die spyskaart beperk. Jy sou dink dit maak ’n mens se keuse makliker, maar álles lyk lekker! “Die Klein-Karoo is baie Mediterreens in sy klimaat al het ons nie ’n see nie,” vertel Michelle. “Hier’s lamsvleis en dinge soos olywe, tamaties en eiervrug aard goed, en dít is waarmee ons…

GERT JANZEN VAN VUUREN IG: @vuurengert Canon EOS R6 Canon 100-500 mm-lens GERT SKRYF: Ons sien gereeld ’n paar reusevisvangers by die Otterbrug in die Rietvlei-natuurreservaat naby ons tuisdorp, Centurion. Ek en my vrou, Ester, probeer veral in die somer die reservaat elke naweek besoek. By Otterbrug vang die reusevisvangers vissies of krappe. In die middag parkeer ons só dat die son van agter ons skyn en op die brug val. Ons sit soms ure lank daar en hou die gedrag van die visvangers dop. Hulle is veral bedrywig tussen tweeuur en vyfuur in die middag. In Oktober 2020 was ons weer daar. Die mannetjie (wat jy kan uitken aan sy baksteenkleurige bors; die wyfie se onderlyf is baksteenkleurig) het gesit en wag vir krappe om oor die driffie te…

Joe Welman het reeds as tiener ’n oog vir fotografie gehad toe hy met sy -a se ou Pentax S-otmatic begin ronds-eel het. Hy’ t ál sy sakgeld elke maand o- Fuji Provia 100-film uitgegee en rondom die watergat naby sy ouers se huis in Secunda allerlei skuilings en wegkrui--lekke o-gerig waaruit hy voëls van naby kon afneem. Ongelukkig het jong Joe se foto’s net nie soos sy helde s’n gelyk nie… dis nou gesoute wildlewefotograwe soos Frans Lanting, Vincent Munier en Koos van der Lende. Dinge het egter verander toe hy sy droomwerk losslaan as veldwagter by die beroemde MalaMala-wildreservaat in die Sabi Sand-konsessie binne die Krugerwildtuin. Sy aanstelling vir vier jaar het saamgeval met die o-gang van digitale fotografie. Hy hoef dus nie meer gewag het totdat ’n…

Bermanzi se Watervalsirkelroete (12 km) kan as ’n dagstap getakel word, maar dan loop jy ’n sonsopkoms mis oor die vallei waar Mpumalanga se naashoogste waterval aftuimel. Hier is van basiese staphutte tot die luukse Vakashani-gastehuis vir oorbly (Vakashani beteken “om lekker te kuier” in Zoeloe en Swazi volgens die eienaar Attie van Niekerk). Die staproete begin by Vakashani. Die eerste paar treë is bergaf tot waar die pad skei. Links loop die korter Wapadroete. Hou regs op die Watervalroete en gou kronkel jy deur rotsskeure al teen die rand van die krans af. Hierlangs groei indrukwekkende geelhoutbome. By die Dassieskeur toring die klipwande 30 m hoog aan weerskante van ons. Al voel dit soos ’n ander wêreld, lê die plato nog naby. Die smal, donker klipgang dop ons uiteindelik…

VOËLKYKFLATERS Wat is jou grootste verleentheid nog? ’n Oop gulp tydens ’n aanbieding? ’n Glipsie met ’n kraan op die eerste dag by jou nuwe werk wat maak dat die hele kantoor soos ’n vloedgebied lyk? Albei het my al oorgekom, maar niks laat my rooier bloos as ’n verkeerde voëlidentifikasie nie. Ek het simpatie met beroepsvoëlgidse, kundiges wat betaal word om voëls korrek te eien. As jy egter mooi daaroor dink, is die rede hoekom kliënte bereid is om vir ’n voëlgids te betaal juis omdat dit so ’n moeilike vaardigheid is om te bemeester. Vele geveerde karnallies lyk en klink dieselfde; hulle is piepklein en rats, en van nature katvoet vir mense; en dan kan hulle boonop wegvlieg die oomblik wanneer hulle lus kry! Stel jou voor: Julle…

Luke Patterson is bekend vir sy foto’s van branderplankryers. Op dié betrokke somersdag aan die KwaZulu-Natalse noordkus was die branders nie groot genoeg om surfers te lok nie. Luke het met sy hommeltuig iets anders gesoek om af te neem. Dié lugfoto wys die getypoel by Clarkebaai in Ballito. “Uit die lug kan ’n mens mooi sien hoe die getypoel se muurtjies by die rotsagtige kuslyn aansluit,”vertel Luke. “Ek hou van hoe prominent hierdie punt in die branders steek; soos ’n rigtingwyser.”…

Luiperds is mooi, geheimsinnige diere en soms jou buurman as jy in die Wes-Kaap woon! Luiperds in dié provinsie hou grootliks in bergagtige gebiede en is van nature uiters sku – selfs meer as hulle Bosveld-nefies! Die Cape Leopard Trust (CLT) vra nou lede van die publiek om te help om data oor dié subspesie in te samel. Enigeen kan help: registreer op app.capeleopard.org.za. Nou kan jy as ’n “burgerlike wetenskaplike” enige tekens van ’n luiperd op die CLT se webwerf aanteken. Alle inligting word waardeer – van ’n luiperd in lewende lywe sien of ’n karkas vind wat jy dink ’n luiperd se vangs was tot ’n strikkamera wat ’n kolkat op jou plaas afgeneem het. Ook spore, mis, krapmerke teen ’n boom, ’n strik of slagyster wat vir…

Die gehuggie Waterpoort lê aan die noordekant van die Soutpansberg waar die Sandrivier deur die berg wriemel op sy koers na Musina en die Limpoporivier. Die R523 tussen Waterpoort en Vivo is ’n teerpad, maar dis beslis ook ’n agterpad. Want waarheen ry jy as jy hierlangs ry? As jy hier boer, dan ry jy seker wes, dorp toe, Vivo toe – daar waar die Soutpansberg ophou. Of oos tot by die N1, en dan óór die Soutpansberg na Louis Trichardt. Of jy is – soos ek – toevallig op pad van Vivo na Tshipise, maar nie lus om te vroeg op die N1 te klim nie. Daar’s nog ’n laaste tolhek (Baobab Plaza) kort duskant die afdraai van die N1 na Tshipise wat ek wil misry. Met die R47…

Planetarium Deur Raman Prinja, Protea Boekhuis R450 in boekwinkels As ’n uitstappie na ’n planetarium heel boaan jou kind se wenslysie is, maar julle kom net nie daarby uit nie, kan jy haar solank paai met dié indrukwekkende boek oor sterrekunde. Planetarium is deel van die Welkom by die Museum-reeks en Raman Prinja, ’n astrofisikaprofessor aan die University College London in die Verenigde Koninkryk, het virtuele museumuitstallings saamgestel vir die boek. Dis gemik op kinders 9 tot 14 jaar oud, maar volwassenes kan saam leer oor ruimteteleskope, die sonnestelsel, die Melkweg en swartkolke. Die teks is uit Engels vertaal deur Burgert Behr en ’n bron met die sterrekundige terme in Afrikaans is altyd nuttig wanneer jy laat op ’n Sondagmiddag moet help om ’n skooltaak aanmekaar te slaan. Het…

Om met ’n baba te reis bied talle uitdagings. ’n Verlate petrolstasie op Keetmanshoop, ’n agterstraat op Vanrhynsdorp en ’n plaaspad buite Malmesbury was maar van die ongewone plekke waar ek al geborsvoed het. En dan is daar die ekstra pakkaas wat moet saam: Doeke, spoegdoeke, borslappe, ’n babarugsak, bottels, roompies, doepas, fopspene en moet om hemelsnaam nie vir Bersie vergeet nie! Daar is nuwe ouers wat asosiaal raak sodra die baba opdaag en dan hoogstens net met Ouma en Oupa kuier. Aan die ander kant is daar ouers soos ek en my man, Tobie, wat dink “nee wat, ’n baba gaan nie ons lewe verander nie”. Daar is mense wat met hulle kinders reis en dit maklik laat lyk. Gits, ’n vriendin was reeds twee keer oorsee met haar…

Albertus Hanekom en Naomi Hoon, saam met AJ (15) en Moira (12) Hanekom, Kathu “Die hoofwaterval is ongelooflik en as jy so ’n entjie teen die ravyn afstap, kan jy twee reënboë in die sproeireën sien – ons is papnat!” Bernice Loxton, Keimoes “Die grootsheid van die Augrabies-waterval en sy oorverdowende gedruis laat my weer en weer terugkeer. Die hoogtes by Ararat en Oranjekom is duiselingwekkend en die uitsig oor die ravyn sal jou lank bybly...” Francois en Loreta Basson, saam met Christian-Joy (17) en Charisse (7) Basson en Zayden Isaks (2), Upington “Ons het spesiaal deurgery om die water te kom kyk. Die waterval in vloed is moeilik om te beskryf – dis net wow. Dis ’n massiewe klomp water.”…

KAMPTERREIN Hier kan jy jou tentpenne by een van 40 staanplekke met kragpunte inkap. Die staanplekke is op sand, maar hier is skadubome, groen grasperke en braaigeriewe vir lekker uitspan. Die ablusiegeriewe is netjies en skoon en hier is ook ’n gebou waar jy jou klere en skottelgoed kan was. R303 p.n. vir die eerste 2 mense, R100 per ekstra volwassene en R50 per ekstra kind jonger as 11 jaar (slaapplek vir 6 mense). CHALETS EN KOTHUISE Die park het 59 selfsorghuisies met slaapplek vir 2 tot 6 mense. Die huisies is rondom die ontvangsgebou naby die waterval uitgelê en sommige kyk uit oor die ravyn. Daar is verskillende kombinasies van enkelbeddens, slaapbanke en dubbelbeddens in die eenhede. Die huisies het ’n kombuisie met die nodige eetgerei en ’n mikrogolf.…

Jackie Fortuin (regs), wewer “Saamstaan is Barrydale se ding. Hier ken almal mekaar se kinders. Ek sal dié dorp nooit verlaat nie!” Arran Bastable (onder), eienaar van Barrydale Hand Weavers “My vrou, Kate, se ouers woon hier; dus het ons oor die jare baie kom kuier. “In 2018 het ek my werk as elektriese ingenieur vaarwel geroep en die wewery gekoop. Barrydale het ’n kunssinnige gemeenskap en die inwoners is ’n mengelmoes van regoor Suid-Afrika én die wêreld. Op Woensdae speel almal – van 12 tot 80 jaar oud – saam rolbal.”…

Barrydale in Bloom is ’n naweek lange tuinfees waartydens besoekers met ’n kaart in die hand deur Barrydalers se tuine kan toer. Hier is plaastuine, dorpstuine en selfs groentetuine te sien. Wanneer? Die 2de naweek van Oktober Tydens die Barrydale Art Meander is kunstenaars se ateljees oop vir besoek en die manne van Magpie bou in samewerking met ’n paar welsynsorganisasies ’n Kersfees-installasie waarna die liggies aangeskakel word. Kore en orkeste tree op en die inwoners neem deel aan ’n optog en toneelstuk waarvoor enorme marionette gebou word. facebook.com/ BarrydaleArtMeander Wanneer? 16 Desember…

Daniël Gari, Mooivlei (Rooibokkraal) “Ek werk al 20 jaar op hierdie plaas. Ek lei water en sorg dat die drade in stand gehou word. Ons plant waatlemoene en buffelgras. Hier is baie wild op die plaas, soos swartwitpens, bastergemsbok, eland, rooihartbees, en natuurlik krokodille in die rivier.” Jan Beukes, Tweerivier (Steenbokpan) “Ek het hier grootgeword en ek en my vrou, Joan, boer met pampoene en beeste, maar hier is ook wild en ons jag met oorsese ouens soos die Spanjaarde. Maar sjoe, die hitte vang hulle hier teen dag drie, al sit jy daai ou onder die grootste koelteboom...” Rudie du Toit, Limpopo Tented Camp (Stockpoort) “Dis ’n groot voorreg om hier te wees – ek ken ook nie ander wêreld nie! Ons is baie dankbaar vir vanjaar se reën,…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op…

Soetbrood met karamelsuiker Vir 1 groot potbrood Voorbereityd 30 minute plus rystyd Gaarmaaktyd 50 minute Jy benodig • 6 koppies koekmeel, plus ’n bietjie ekstra vir knie • 20 g kitsgis • ¼ koppie bruinsuiker • 1 eetlepel sout • sowat 2 koppies louwarm water • ½ koppie olie • 1 eier • sowat 1 koppie karamelsuiker • ½ koppie gesmelte botter Só maak jy 1 Meng die meel, gis, suiker en sout in ’n groot mengbak saam. Maak ’n holte in die middel en voeg die water, olie en eier by. Meng die droë bestanddele geleidelik met sirkelbewegings van jou hand by die nat bestanddele in totdat die mengsel te dik word om verder te kan “roer”. Knie nou die deeg tot glad en elasties en nie meer klewerig nie. Strooi ekstra meel oor soos nodig. 2 Vorm…

K om ry saam met ons al langs Suid-Afrika se Weskus: Van Kaapstad tot by die Namibiese grens. Op hierdie toer ontdek ons kusdorpies, ru kuslyn en windverwaaide strande. Ons eet plaaslike lekkernye soos snoek, kreef en bokkoms en leer meer oor die unieke ekostelsel. Die toerleier is ’n ervare bewaringskundige en avontuurgids wat ten alle tye in radiokontak met die span is en sy biologie-, kulturele en geskiedeniskennis met ons deel, asook sy 4x4-vaardighede. Ons bossjef sal drie heerlike etes per dag voorberei en natuurlik sal die koffiepot tot laat op die vuur prut. Jy het nie enige vorige ervaring met bestuur op sand of rotse nodig nie, maar daar is altyd ’n kundige byderhand sou enigeen op die toer hulp nodig hê. Die ondersteuningspan vervoer ook die nodige…

Instagram: @marlize1127 “Sedert ek en my broer en suster in doeke was, het ons ouers ons wildtuin toe geneem vir vakansies. Sodra ek daai grasdakreuk ruik, dan weet ek: Dís waar ek hoort. “Nadat ons verloof geraak het, het ek ook vir Alvin aan die wildtuin bekend gestel. Nou is ons ten minste twee keer per jaar in die park – soms net die twee van ons, ander kere saam met my ouers en dan gaan ek ook soms saam met my broer. “My gunstelingomgewing is Shingwedzi in die noorde, waar dit rustiger is omdat minder mense daar kom. Ek hou egter ook van Satara se ooptes en groot katte, en Olifants, Balule, Letaba...”…

’n Kombuiskuier met ’n uilskuiken ’n Paartjie gevlekte ooruile maak al agt jaar lank in ’n blombak reg onder ons kombuisvenster nes en in September laasjaar het twee kuikens uitgebroei. Die uile is uitstekende jagters en ons is telkens verbaas oor hoe gou hulle iets vang wanneer hulle skemertyd begin jag. Hulle eet meestal muise, rotte en duiwe, maar het laasjaar selfs ’n vlermuis en drie slange opgedis. Op die foto is die kuikens sopnat gereën – hoewel baie van ons bure uilbokse het, verkies dié ouerpaar ’n oop blombak in die son, wind, en weer. Die kuikens het in November die nes verlaat en ek, my vrou, Cilmi, en ons kinders, Christiaan en Linke, hoop ons sien hulle weer in 2021! PIETER STEYN, GEORGE Suid-Afrika se mooiste bergreeks Ek…

Wanneer die maan voor ’n ster of ’n planeet verbybeweeg, noem sterrekundiges dit ’n okkultasie. Maar wat is nou so danig uitsonderlik hieraan? Gebeur dit nie maar alnag nie? Nie hééltemal nie. Gemiddeld vind okkultasies van die helderste sterre (helderder as magnitude 1) elke 44 dae plaas terwyl dit elke twee uur met die dofste sterre (magnitude 7) gebeur. Die helder maanlig maak dit egter baie moeilik (of selfs onmoontlik) om te sien. Wanneer so ’n okkultasie wel sigbaar is, is dit fassinerend om te sien. Vanweë die manier waarop die maan beweeg, lyk dit van die aarde af asof die sterre aan sy oostekant verdwyn en tot ’n uur later (hy skuif elke uur met sy eie deursnee aan) weer aan die westelike rand van die maan verskyn. Die…

Vergeet ’n oomblik van mambas en kobras: Daar is ’n ánder slang wat glad nie so gevaarlik lyk nie, maar waarvoor Suid-Afrikaners beslis moet ligloop: Bibron se sypikslang, ook genoem die moladder. Dié knapie lyk dalk onskadelik, maar sy byt is allermins! Die sypikslang is gewoonlik aan die kort kant – sowat 30 tot 40 cm lank – hoewel sommige van tot 70 cm lank al aangeteken is. Dié slang het ’n donkerbruin tot swart kleur reg rondom, behalwe in die noordelike streke waar die pens wit is. Sypikslange kom wyd in die noorde en ooste van die land voor, van die verre noordooste van die Oos-Kaap, regdeur KwaZulu-Natal en Swaziland, Oos-Mpumalanga, Limpopo, Gauteng en Noordwes, tot in dele van die Noord-Kaap. Dié slangetjie bring die meeste van sy dae…

Van die InKaroo-gastehuisie se voorstoep af sien ek hoe wolke teen die flank van die Langeberg afseil. Vir die dorp se onthalwe wens ek dit wil reën bring, die leiwaterdam lê halfleeg. Maar dis net wind. Die kontras tussen hiér, in die Klein-Karoo, en skaars 20km suid hiervandaan, in die Overberg, is skreiend as jy van die N2 af deur die Tradouwpas Barry-dale toe ry: Aan daardie kant is die wêreld welig en boer mense met melkbeeste; hier maak wingerdstok en vrugteboom tussen nabankklippe op genade staat. ’n Seuntjie ry stadig op sy fiets verby en loer oor sy skouer of ek notisie neem. Ek waai, en hy jaag skaam weg. Dis ’n lekker sit hierdie. Om die dorp te betrag terwyl die Barrydalers op ’n Maandagoggend hulle week begin.…

BESOEK HOUSE OF BOOKS Dié huis by Van Riebeeckstraat 37 is van die vloer tot plafon vól boeke! Jy kan maklik ure lank hier ronddwaal. Die boeke is volgens kategorieë ingedeel, billik geprys en sal maak dat jou beursie jou brand. KOOP KERAMIEK Die kunstenaar Helen Vaughan se werk is te koop in The Maker’s Brew se gebou langs die R62. Haar bekers, bakke, kersblakers en vase het unieke aardse skakerings en teksture. By Red Seal Design Studio in die nywerheidsgebied (volg die R324 na die Tradouwpas en draai links in Nywerheidslaan) kan jy plantpotte teen ’n appel en ’n ei aanskaf. Die werkswinkel is op weeksdae oop van 7.30 vm. tot 5nm. en oor naweke van 8 vm. tot 2nm. SWEM IN DIE TRADOUW Die Tradouwpas (sowat 15 km…

Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan volgende maand só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat dan in “Mense se lense” gepubliseer word. Dié produk is beskikbaar by winkel.weg.co.za…

GOODWILL MOUNTAIN RETREAT, STANFORD Wanneer ’n blyplek ’n “villa” genoem word, is ek gewoonlik van meet af aan agterdogtig. Maar die villa op die plaas Goodwill mag maar só genoem word: Hier voel jy afgesonder van die mensdom (selfs al lê die bedrywige naweekdorpie Stanford skaars ’n klipgooi weg). En die ruimte, stilte en – is jy reg hiervoor? – ’n dam so groot soos ’n Olimpiese swembad rég buite jou slaapkamer plaas dié naweekblyplek in ’n klas van sy eie. Op die plaas se webwerf vertel die eienaars, Richard Perryer en Patricia Sundstrom, dat die naam Goodwill van die Afrikaanse “welgesind”afgelei is, en ’n mens voel sommer met die intrapslag dat alles hier saamwerk om jou goed te laat voel. Dit is ’n gróót huis met vier slaapkamers (slaapplek…

Die plan is eenvoudig: Ons wil van Marie se grootworddorp in Frankryk, Valence, terug na Johannesburg, Suid-Afrika, ry. Maar die reis begin nie soos ons ons dit voorgestel het nie. Om die waarheid te sê begin dit glád nie, want dit is ’n hengse gesukkel om ons geliefde toerkar, Kukuza (’n 2001 Toyota Hilux KZTE), in Valence te kry. Die voertuig is na Antwerpen, België, verskeep en dié takie van ses weke het ontaard in ’n drie maande lange beproewing. Ons beskikbare toertyd was reeds aan ’t minder word en ons het gejeuk om op die pad te kom. Maar eers moes ons die administratiewe rompslomp uitsorteer. Die skeepsagentskap het ons reeds vroeg teleurgestel. Hy het aangedring dat die Belgiese doeane ons Carnet de Passage (’n “paspoort” vir die voertuig)…