Innehållsförteckning för August - September 2021 från Weg!

Waar ek woon, kla ’n mens nie oor reën nie. Ek skat dit geld waar ook al Weg se lesers bly. ’n Weg-skrywer leer baie vroeg jy moet vra of dit al gereën het as daar platteland toe gebel word. Reën is iets waarvoor gebid word; ’n seën wat nie weggewens mag word nie. ’n Nat en koue winter soos wat die Boland vanjaar beleef, kan wel sake bemoeilik as jy die natuur se lafenis wil opsoek wanneer die vier mure jou inhok. Julle weet mos wat word ’n perfekte sonskyndag in die middel van ’n Kaapse winter genoem? Ja, sy naam is Maandag! Maar elke dan en wan maak ’n windlose sonvenster oop oor ’n naweek, ’n skeppie asem tussen die kouefronte. Op juis só ’n fris Saterdag gaan…

Die African Snakebite Institute het akkurate verspreidingskaarte van al die slangspesies wat in Suid-Afrika voorkom. Dié data word vir die samestelling van veldgidse en ook in wetenskaplike publikasies gebruik en natuurlik is dit ook van nut om slange te identifiseer. Wanneer ’n boer van Kuruman my byvoorbeeld kontak en vertel dat hy ’n groenmamba op sy plaas gesien het, kan ek hom met taamlike sekerheid inlig dat hy nie ’n groenmamba nie, maar waarskynlik ’n boomslangmannetjie gewaar het. Groenmambas kom slegs naby die see in KwaZulu-Natal voor. Bygesê, van tyd tot tyd dop ’n slang wel uit in ’n gebied waar dit nie veronderstel is om voor te kom nie. Dit mag wees dat navorsers die spesifieke spesie se teenwoordigheid in die streek voorheen misgekyk het, soos die swartmamba wat…

As jy lief is vir Suid-Afrika se wilde plekke en diere sal die naam Clive Walker ’n klokkie lui. Die kans is ook goed dat sy boek Signs of the Wild iewers op jou boekrak staan. Dié legendariese gids oor ons soogdiere het in 1981 die lig gesien en is sedertdien al 17 keer herdruk! As kind was dit een van die gidsboeke wat áltyd ingepak is wanneer ons die wildtuin besoek het. Vandag sit Clive Walker, nou 85, rustig in ’n stoel oorkant my. Sy seun, Anton, en Anton se vrou, René (albei 52) is ook hier. Ons gesels in die Livingstone Lounge, die restaurantdeel van die Waterberg Living Museum naby Vaalwater. Die museum is eintlik ses geboue wat versprei staan oor die terrein. Die Waterberg self is ook…

Innosense Deur Duncan Marcel Souchon $9 op amazon.com Die Kapenaar Duncan Marcel Souchon het nou met sy vriend Daniel Eppel saamgewerk vir hierdie album en ook groot geeste betrek soos Tony Cedras op klavier en trompet en Steve Newman op akoestiese kitaar – glo my, dis die A-span van vernuf en vaardigheid! Die eindresultaat is ’n boeiende, ambisieuse album wat bestaan uit 13 kitaargedrewe instrumentele snitte wat jy in die agtergrond kan speel terwyl jy die lamsboud kerf, maar ook harder kan draai op die ooppad deur ’n landskap wat soebat vir ’n klankbaan, soos die Tankwa-Karoo of die Wildekus. Innosense is diep rustig en die klank is byna tydloos. My gunstelingsnitte is die roerende “The Work of Reconciliation”, die jolige “Barrydale” en “Waiting for Rain on the Highveld” wat…

• Die Baviaanskloof vra vir ’n 4x4-ryding of ten minste een met goeie grondvryhoogte. Van die weste af sal jy nog met ’n gewone sedan teen Nuwekloofpas kan af om by heelwat van die plase uit te kom, maar die passe in die wildernisgebied toon geen genade nie. Ná groot reën is die pad ook dikwels verspoel en die driwwe diep – maak vooraf by die boere seker dat jy sal uitkom waar jy wil wees. • Maak jou motor se tenk vooraf vol op Patensie, Uniondale of Willowmore. • Bring jou bergfiets – ’n mens kan op die meeste plase en ook met die grootpad deur die Kloof langs ry. • Hier is nie outobanke of kaartmasjiene in die Kloof nie. Betaal jou verblyf vooruit en bring genoeg kontant saam. • Hout (sowat R40…

Audrey Lategan, Hondeklipbaai “Moenie Hondeklipbaai misloop nie. Die dorpie is uniek; jy vind rustigheid. Om só na aan die see te wees bly ’n voorreg.” Serene en Lottie van Wyk, Wolwepoort- en Blouklippe-plaa- “Moenie jou blindstaar teen die massas oranje blomme nie, stap die wandelpaaie en kyk na al die ander verskillende soorte veldblomme. En verken die minder bekende dele van die park. Jy voel na aan die natuur en jou Skepper wanneer jy oor hierdie pragtige landskap uitkyk.” Ray en Linda Castelyn, Soebatsfontein “Jy móét uit jou kar uit klim om die blomme behoorlik te waardeer. Praat met die mense om te hoor waar die blomme is, want dit verskil van jaar tot jaar. Hier is ander mooi dinge ook, soos die pad Riethuis toe. Daar het ons al…

“Vriende van Blouberg help die reservaat met praktiese bewaringskwessies. Anders as die regeringsdepartement het ons nie red tape om deur te sukkel nie; dus kan ons vinnig inspring en help as byvoorbeeld ’n waterpomp gaan staan. “Van ons suksesvolle projekte in onlangse jare sluit in die regmaak van die pad oor Rampanyanasnek, wat voorheen rof was. Ons het ook die uitkykpunt gebou waarvandaan aasvoëls weer vrygelaat word nadat hulle gerehabiliteer is – en ook die groot hok waarin dié voëls aansterk. “Blouberg is een van daai plekke. Jy kies nie vir Blouberg nie – Blouberg kies vir jóú. Ek het nog altyd ’n sagte plek vir buffels en aasvoëls, en dít het my tot die reservaat aangetrek. ’n Mens raak ook meegevoer wanneer iets ’n suksesstorie is, soos die aasvoëls…

Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan in die volgende uitgawe só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat dan in “Mense se Lense” gepubliseer word. Dié produk is beskikbaar by winkel.weg.co.za…

HOUTEMA RIVER CABINS, KOGELBERG Ons gesin kuier gereeld in die Kogelberg-natuurreservaat tussen Bettysbaai en Kleinmond, en het al telkemale verby die mooi Houtema River Cabins op die oewer van die Palmietrivier gery. Trouens, ek het die bou van dié twee ekovriendelike houthutte op die plaas langsaan die reservaat fyn dopgehou en dit dadelik ge-Google toe die naambord verskyn. Maar dit was ’n bietjie duur. En ’n groot beswaar van my man se kant af: Daar was net ’n gasbraai (vanweë die brandgevaar). Ons kon nog ’n plan maak met die begroting, maar wie kan naweek hou sonder die geknetter van ’n vuurtjie? En so gaan kamp ons weer by Kleinmond se Palmiet-woonwapark. Ná ’n paar jaar van verlangend na die houthutte op die oewer van die Palmietrivier staar, vertel vriende…

In die vorige uitgawe het ek vertel hoe bekaf ek in Mosambiek was toe my vriend ’n seldsame koekoekspesie te sien gekry het. Dít terwyl ek net heeldag my musiekbyte gekrap en ’n stuk of 70 blaarspesies tot my lewenslysie kon voeg. Dié keer is ek in Botswana se Chobe- nasionale park op die spoor van ’n lysternagtegaal. Dit verander ’n mens se lewe wanneer jy ’n nagtegaal die eerste keer hoor roep. Dis ’n klank wat kunstenaars en digters al eeue lank inspireer. Wanneer ek die dag op my sterfbed lê, sal ek die verpleegster vra om die webwerf xeno-canto.org oop te maak sodat een van hulle nagtegaalklankgrepe my die ewigheid kan inlei. ’n Mens se indruk van dié voëls verander egter wanneer jy eers een sien. Dis maar.. meh.…

Instagram: @mp_wildlifephotography Ek is 16 jaar oud, hou van fotografie en gebruik elke geleentheid wat ek het om foto’s te neem. My ma en pa, Estellè en Leon, is ook lief vir die natuur en help my baie. Dis ’n groot voorreg om op die Hoedspruit Wildlife Estate te woon. Hier is onder meer vlakvarke, sebras en boksoorte soos koedoe, rooibok en waterbok. Saans kan jy ystervarke, sivetkatte, nagapies en jakkalse sien – soms selfs hiënas of luiperds! Die Kruger is natuurlik na aan Hoedspruit en ons gaan gereeld wildtuin toe. Van my vriende woon in private reservate waar die Groot Vyf hou, wat ook goeie fotogeleenthede bied.…

Hoe het jy in Kanada beland? My suster, Allison, is ’n Kanadese burger. Sy het haar 17 jaar gelede hier gevestig nadat sy reg oor die wêreld heen gewerk het. Ek het twee keer by haar gekuier en besluit om Kanada my huis te maak. Dit is my basis terwyl ek besluit waar ek uiteindelik wil woon. Waaraan moes jy gewoond raak? Om aan die regterkant van die pad te bestuur! Dis ook pret om my eie petrol in te gooi. Toe ek hier land, was die inperking streng: My bewegings is deur ’n app gemonitor en ek moes elke dag aanmeld. ’n Mens is skoon ontsenu oor hoe doeltreffend die owerhede hier werk. Die nuus is ’n belewenis. ’n Plaaslike televisienuuskanaal het onlangs ’n berig uitgesaai oor ’n houtheining…

The Soul of the Waterberg deur Clive Walker & J. du P. Bothma (African Sky) Baobab Trails deur Clive Walker (Jacana) The Rhino Keepers deur Clive & Anton Walker (Jacana) A Rhino In My Garden deur Conita Walker (Jacana) Rhino Revolution deur Clive & Anton Walker (Jacana) THE WATERBERG LIVING MUSEUM Waar- Volg die teerpad van Vaalwater in die rigting van Melkrivier vir 25 km. Die museum is op linkerhand. Koste R120 vir volwassenes; R100 per kind 12-18 jaar oud; R60 per kind 6-11 jaar oud; gratis vir kinders 5 jaar en jonger. (Dit is duurder indien jy deur ’n gids begelei word.) Toegang tot die Livingstone Lounge (restaurant) is gratis. Oop Dinsdag tot Saterdag: 9 vm.-5 nm.; Sondag: 9 vm.-2 nm. Kontak 078 187 7782; themuseum.org.za…

Waaroor handel jou boek? Ek het die kuslyn sewe jaar lank verken, van Melkbosstrand in die suide tot by Oranjemund in Namibië in die noorde. Die gids dek dus die hele Weskus, soos ons dit in die suide ken (van Melkbos tot by Lambertsbaai), asook die Diamantkus in die noorde (van Doringbaai tot Alexanderbaai, die Oranjerivier en Oranjemund). Ek fokus op die geskiedenis en natuurgeskiedenis van al die kusdorpe, nasionale parke en natuurreservate. Ek het ook volksverhale en bekende Weskussers soos Pieter-Dirk Uys en wyle Pieter Pieterse ingesluit, asook ander interessante karakters. En daar is ook ’n paar binnelandse dorpe soos Darling, Aurora, Redelinghuys, Vredendal en Lutzville in die gids. Wa- maak die Weskus spesiaal? Dis nie net ’n geografiese gebied nie – dis ’n unieke ervaring, ’n leefstyl. Om…

Fortune:“Ek het in Johannesburg grootgeword, maar my pa se wortels lê hier by Senwabarwana. As kind het ek soms saam met hom plaas toe gekom – die grond is al drie generasies in ons familie se besit; sedert 1926. Ek het 16 jaar lank vir Sun International gewerk, maar later besef dat ek iets anders soek; die leefstyl in ’n stad kan oppervlakkig wees. Daarom het ek in 2010 besluit om die lodge hier op ons plaas te begin. Hier kan ek régtig lewe – en in pas met die natuur. “Die lodge is genoem na die Makgabengplato – die berg wat jy van hier kan sien. Jy kan Blouberg ook sien, maar Makgabeng is nader aan ons. Jy sal dit nie glo nie, maar Blouberg het géén rotskuns nie…

HOEKOM? Ons plaas in elke uitgawe ’n keur van lesersfoto’s. Stuur elke maand jou drie beste foto’s vir ons. Toe, moenie skaam wees nie! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik.…

Lamstjops met gerookte paprika Vir 12 tjops Voorbereityd 20 minute, plus 30 minute marineertyd Gaarmaaktyd sowat 12 minute Jy benodig • 12 lamstjops (lende of rib) • 1-2 eetlepels olyfolie • 1 eetlepel tamatiepasta • vars suurlemoensap na smaak VIR DIE VRYFSOUT • 1 eetlepel komynsaad • 1 eetlepel koljandersaad • 1 eetlepel gerookte paprika • 1 teelepel mosterdpoeier • 2 teelepels sagte bruinsuiker • ’n knippie fyn wonderpeper • 1 teelepel varsgemaalde swartpeper • 1 eetlepel seesoutvlokkies Só maak jy 1 Skroei die komyn en koljander vir 2 minute in ’n droë pan tot geurig en stamp dit dan fyn. Meng dit met die res van die vryfsout se bestanddele. 2 Meng die vryfsout met die olyfolie en tamatiepasta en vryf die tjops goed daarmee in. Laat staan dit ten minste 30 minute om teen kamertemperatuur te marineer terwyl jy solank…

Oons reis na die noorde van Botswana begin in die Khama Rhino Sanctuary in Sentraal-Botswana waar ons die eerste nag deurbring voordat ons ry na die granietrotseiland Lekhubu vir ’n nag onder die sterre op die Makgadikgadipanne. Die volgende oggend kan dié wat vroeg opstaan, koffie en beskuit geniet onder kremetarte voordat die groep met ’n tweespoorpad vertrek al op die rand van die soutpanne om ons 4x4-vernuf te toets. Die groep geniet ’n ligte piekniekmiddagete op pad na die volgende kampterrein 30 km buite Maun. Die kampplek is langs die Botetirivier waar ons twee dae deurbring en die geleentheid kry omdie uitgestrekte Okavangodelta en sy ekostelsel te verken, asook die plaaslike markte of, as jy wil, in die kamp ontspan voor ’n laatmiddagrit op die Boteti. Ons volgende stop…

Het jy geweet? Kyk net hoe hulle verskil! • Proteas groei meestal teen die berge in die Wes-Kaap, Suid-Kaap en Oos-Kaap tussen ander fynbos. • Die Proteaceae-familie is óú plante wat al 140 miljoen jaar op aarde is. Die dinosourusse het dalk proteas geëet! • Veldbrande is goed vir proteas. Hulle saadjies lê vir lang tye onder die grond en wag totdat ’n vuur oor dit beweeg. Die hitte van die vuur maak dan dat die saadjies ontkiem. • Die protea word ook die suikerbos genoem omdat dié blomme baie nektar (die soet stroop binne-in ’n blom) het. In die ou dae het die mense een spesifieke spesie, die Protea repens, se nektar in emmers laat uitloop en stroop daarvan gekook. Hulle het dit as suiker en ook as medisyne gebruik. Bronne biodiversityexplorer.info; britannica.com;…

Laat in Oktober groet ons Bulgarye en ry Griekeland by die Makaza-Nymphaea-grenspos binne. “Kalimera, waarheen is julle op pad?”vra die doeanebeampte. Hy gaan die Carnet de Passage vir Kukuza, ons Hilux, na en glimlag. “Geniet dit! Griekeland is die beste!” Ons is opgewonde om die volgende ses weke die somer se laaste sonstrale hier in Zeus se agterplaas na te jaag. Maar aarde, ons Griekelandreisplan is vólgepak! Die Makazapas lei ons teen die platorand af en terwyl ons daal, verander die plantegroei en klimaat byna dadelik. Naaldbome maak plek vir bossieveld, dit raak warmer en selfs die lug ruik anders. Ons lê die 1 000 km Athene toe oor twee dae af. Ons bly in die kunsvoorstad Exarcheia en maak ’n afspraak om Kukuza ’n slag te diens. Die 3…

’n Goue eland Ek het onlangs alleen die Rietvlei-natuurreservaat besoek – dis my gunstelingreservaat in Pretoria. Ek dink dis een van die beste plekke in die land om elande te sien en af te neem, want hulle is volop in die reservaat en die landskap is mooi oop. Ek het vroegoggend ’n groot trop naby die Maraisdam gekry en kon hulle sowat ’n uur volg terwyl hulle rustig rondbeweeg het. Die son het die veld in goud gebaai – dit was idillies! LEIGHTON FERREIRA, PRETORIA Een reier in die ry Die Sunsetdam naby Onder-Sabie in die Krugerwildtuin bied altyd wonderlike fotogeleenthede as jy ’n lekker parkeerplek langs die dam kan kry. Hierdie lang ry nimmersatte was besig om ontbyt te eet. As jy die foto van nader bekyk, sal jy…

REËNBOOGSTATISTIEK Op 24 September vier ons Erfenisdag en heelwat wonderlike aspekte van ons uiteenlopende land. Hier’s ’n paar feite om langs die braaivuur mee te spog: 2 Suid-Afrika is die enigste land in die wêreld waar twee Nobel-vredespryswenners dieselfde adres gehad het – Nelson Mandela sowel as Desmond Tutu het albei in ’n stadium in Vilakazistraat in Soweto, Gauteng, gewoon. 3 Die Bokke deel die rekord van drie Wêreldbekerrugbyoorwinnings met die All Blacks. Ons manne in groen-en-goud het die Web Ellis-trofee in 1995, 2007 én 2019 huis toe gebring. 10 Dís hoeveel Unesco-wêrelderfenisgebiede binne ons landsgrense lê. Dié plekke is om verskeie redes noemenswaardig – van kultureel tot natuurlik – en sluit plekke soos Robbeneiland, die Wieg van die Mensdom en die Vredefortkoepel in. Gaan na unesco.org vir die volledige lys.…

Die Leeuvanger van Nossob, Elias le Riche Deur Koos Marais, self uitgegee R300 (plus R100 koerier) by kosiemarais@gmail.com Toe die destydse Kalahari-Gemsbok- nasionale park in 1931 geproklameer is, is Johannes le Riche as die eerste parkhoof aangestel. Johannes sterf egter onverwags in 1934 aan malaria en word deur sy broer Joseph, beter bekend as Joep, opgevolg. Joep beklee die pos tot in 1970, waarna sy oudste seun Stoffel tot 1980 oorneem (Stoffel is ook onverwags aan ’n hartaanval dood). Elias, Joep se ander seun, word hierna aangestel en hy is parkhoof tot sy aftrede in 1995. Hoewel die boek die lewensverhaal van Elias vertel, leer die leser al die ander Le Riche’e ook ken, asook jare lange kollegas van Elias, soos Willem de Waal, navorsers soos prof. Fritz Eloff en…

Kamp Die Baviaanskloofreservaat het drie kampterreine waarvan twee – Doodsklip en Rooihoek (5 stanings elk) – slegs per 4x4 bereik kan word. Dié boskampe het ’n tafel en banke, ’n braaiplek en ’n eko-toilet. Alles anders moet jy self saambring. Die driester-Komdomo-kampterrein (27 stanings) langs die Grootrivier het kragpunte en ablusiegeriewe en is geskik vir woonwaens. Onderdak Die Geelhoutbos-chalets is tans gesluit vir restourasiewerk. Die Bergplaatz-staphut (stapelbeddens vir 12, stort en toilet, maar geen ander geriewe nie) bo-op die plato is ’n gawe basiskamp waarvandaan jy die reservaat te voet kan verken. Stappers moet in gedagte hou dat hier gevaarlike diere (luiperds, buffels...) in die wildernisgebied loop, en daarom is dit belangrik om wanneer jy bespreek ook aan te dui watter dae jy waarlangs gaan stap sodat ’n veldwagter kan…

• Hier is nie formele fietsroetes nie, maar jy kan enige van die openbare paaie op jou bergfiets verken, hoewel die dik sand op die kusdeel jou kuite gaan uitdaag. • Bring jou visstok en duikpak as jy lief is vir seekos, want jy mag hengel en kreefduik (binne kreefseisoentyd) in spesifieke sones langs die kus. Kry ’n kaart by ontvangs sodat jy weet waar jy toegelaat word. Gewilde sones vir hengel (kabeljou, steenbras, stompneus) en kreefduik is by Delwerskamp, Abjoel, Bamboeskamp, Boulderbaai en Policeman’s Helmet. Maak seker jy neem vooraf ’n permit uit by enige poskantoor.…

“Jy gaan ver moet reis om die bome van Blouberg te beat, want die verskeidenheid spesies wat jy in ’n klein gebied kry, soos byvoorbeeld rondom ons wildevywoud – sal jy nie sommer elders in die Bosveld sien nie. Ook langs die Brakrivier se vloedvlakte is die huilboerboon en apiesdoring veral mooi. “Ek het in 1992 hier begin werk en – behalwe vir ’n kort tydjie by ’n ander Limpopo-reservaat – is ek nog heeltyd hier. “Ek en my vrou, Michelle, bly hier en ons het ook twee dogters, een nog op hoërskool en die ander al klaar met skool. Loopbaangewys sal ek nie sommer van hier af skuif nie – dis afgeleë maar ’n lekker leefstyl, selfs al het die reservaat sy uitdagings. Die reservaat is amper soos ’n…

PIERRE JORDAAN Can-n EOS 7D Can-n EF 200-400 mm-lens met ’n 1.4x--msetter PIERRE SKRYF: Ek het in Maart vanjaar afgetree en ek en my vrou, Christa, het besluit om ’n Nayela Okapi-boswoonwa te koop waarmee ons deur die land kan reis. Ons eerste bestemming was die Krugerwildtuin. Dit was baie lekker om Weg se Kruger-gids te lees terwyl ons daar was! Ons het vier nagte by Berg-en-Dal, vier nagte by Pretoriuskop, sewe nagte by Onder-Sabie, vier nagte by Satara, twee nagte by Olifantskop en vier nagte by Skukuza gebly. Op dié dag het Christa bestuur. Ons het besluit om van Pretoriuskop na Afsaal se piekniekplek te ry. Net voor Afsaal het ek aasvoëls in die lug gewaar, en ons besluit toe om verby die piekniekplek in die rigting van Malelane…

FUJIFILM X-S10 Wat het ons hier? Fujifilm is al ’n geruime tyd in die voorste koor wanneer dit kom by spieëllose kameras. Daar is die laaste paar jaar gedurig nuwe modelle op die mark, en die reeks lense wat jy saam met dié kameras kan gebruik, is ook aan die groei. Die Fujifilm X-S10 is geskik vir fotograwe wat dalk voorheen ’n D-SLR-kamera gebruik het, maar nou wil oorskakel na spieëllose tegnologie – sonder om die “gevoel” van ’n D-SLR te verloor. Omdat die X-S10 ’n lekker handgreep het, en die knoppies en kontroles baie herinner aan ’n D-SLR, is hierdie ’n goeie kamera vir ernstige amateurs. Wat -ry e- vir my geld? Met 26,1 megaspikkels gaan niemand kla nie, en die 4K-videokapasiteit staan vir niks terug nie. Die ingeboude…

MERRELL BELAYSTAPBROEK Dié Amerikaanse maatskappy is eintlik bekend vir sy stapskoene, maar daar skort min met sy ander staptoebehore. Die Belay is geskik om in die herfs of winter ’n staptog aan te pak. Dis warm en waterwerend, en die snit is van so ’n aard dat die broek onder jou rugsak sit en dus nie skaaf nie. Die gehalte van die stiksel is uitstekend, asook die klein details wat ’n goeie stapbroek van ’n gemiddelde een onderskei. Die twee broeksakke en die een kantsak maak byvoorbeeld met duursame ritssluiters toe en daar is net genoeg rek in die broeksband om dit gemaklik te laat pas. Hierdie is ’n uitstekende stapbroek vir sy prys. R499 merrell.co.za HI-TEC-STAPBROEK Dís die liggewig broek wat jy vinnig aanglip as jy met die hond…

Op hierdie roete sal gaste nie net hope wild en ongerepte landskappe sien nie, maar ook oor asemrowende passe ry, natuurlike wonders ervaar en geskiedkundige dorpies verken. Gaste begin hierdie toer in ’n kampplek naby Kenton-on-Sea van waar julle die branders vroegmôre hoor. Hiervandaan reis die groep na die Addo-olifant- nasionale park, insluitend die minder bekende suidelike en noordelike seksies. Dan draai die geselskap wes en reis deur die Karoo tot by die westelike ingang van die Baviaanskloof. Die reis lei ons ooswaarts deur rivierkruisings en oor bergpasse totdat ons die lengte van die Kloof afgelê het. Van Patensie af volg ons die Gamtoosrivier tot by die oseaan. Hier verken ons die speelplek van olifante en bobbejane en takel epiese gruispaaie. OP DIÉ TOER Jy benodig ’n viertrekvoertuig met goeie…

Ek woon saam met my ouers, jonger boetie en ouer suster op die Hoedspruit Wildlife Estate in Mpumalanga. Hierdie landgoed is ’n bewaringsgebied en wild loop vryelik tussen die huise rond. Op 18 Maart 2021 het ek iets buite ons huis gehoor. Ek vat toe my Canon PowerShot SX50-kamera en gaan kyk wat aangaan. Eers het ek net ’n skilpad gewaar – ’n Speke se skarnierskilpad, wat skaars is by ons. 1 Ek het nadergestap om foto’s te neem. Skielik daag ’n familie van sowat vyf dwergmuishonde op. Dit was dalk húlle wat ek gehoor het, want hulle maak squeak-geluide. Hulle was eers baie nuuskierig oor wat ek doen en het my dopgehou. Party het tot na aan my gekom, skaars een meter weg! 2 Dis maar in hulle natuur…

Die Hoëveldse donderstorm laatmiddag was heel aanskoulik, maar nou raak die Southern Sun-hotelkamer benoud. Daar moet iewers in hierdie plek ’n kroegie of stoep wees waar ek met ’n leesboek die tyd tot aandete kan verwyl. Die hysbak gly geluidloos ondertoe waar ’n robotstem ietwat verbaas aankondig: “Ground… floor.” Wat het ons hier? Die ingangsportaal is vol groepies gaste wat met ’n drankie in die hand hulleself aan eetgoed help. Is ek ongenooid by ’n private geselligheid? Maar dan bied ’n kelner my ook ’n glas rooiwyn aan voor ete. Die atmosfeer is ’n kombinasie van die kamma gemak by ’n skoolreünie en die somberheid van tee in die kerksaal ná ’n begrafnis. Om die hoek is ’n sitkamertjie en ek gewaar ’n oop rusbank. Met die sitslag glimlag ek…