Innehållsförteckning för Weg! Toerfiets från Weg!

Dit het Jenny Tough net meer as ses dae geneem om die ongenaakbare 1 145 km van sand-, grond- en enkelspoorpaaie tussen Marrakesj en Agadir met haar rooi Shand-avontuurfiets af te lê. Ses dae van hitte, stof, min slaap en ’n konstante gestamp deur die arms wat ’n lugdrukboor se trillings na ’n Thaise masseuse op die maat van ’n Enya-snit laat voel het. Maar vir hierdie moeite kon sy die boonste trap van die podium bestyg – en ’n handdruk ontvang as wentjek. Die wêreld van avontuurrenne is nie vir sissies nie. Daarvan is die hoë uitvalsyfer by elke ren ’n tasbare teken. Lang afstande tussen waterpunte, onherbergsame roetes, dun lugdruk en uiterste temperature tussen dag en nag maak dat deelnemers aan dié tipe renne waar jy op jouself…

100% Speedcraft XS-kinderbril Beskerm kinderoë Ywerige jong fietsryers se siggesondheid is belangrik. Sonbestraling en stof werk nie mooi met jou oë nie, en veral kindergesigte sukkel met fietsrysonbrille vir volwassenes wat los skud op grondpaaie en enkelspoorroetes. Gelukkig het 100% ’n nuwe XS (ekstraklein)-weergawe van hul gewilde Speedcraft-bril. Die bril weeg slegs 27 g en is gevorm vir ’n gesig met kleiner verhoudings. Die gehaltelense uit Frankryk verskerp buiteligdetail en verminder skadelike sonstrale, terwyl die raam verdampingsgate het om wasem teen te werk. R2 700 Pirelli Scorpion XC RC-toerbande F1 op die grondpad F1-geesdriftiges sal bekend wees met hierdie Italiaanse bandvervaardiger, maar Pirelli steek nou ook sy kleim af in die bergfietsmark. Die Scorpion XC RC is ’n ligte 29 x 2.2”-renband wat slegs 660 g weeg, maar taai genoeg…

Hoe kom ek daar Vanuit Bloemfontein vat jy die N1 noord, voor die N5 jou om Lesotho neem deur Senekal na Harrismith. Van daar val jy met die N3 KZN binne tot jy die R103-afdraai sien na Howick. Johannesburg en Pretoria se fietsryers sal die gewone N3-vakansiehoofroete gebruik en dan ook uitkyk vir die R103-afdraai. Binne Howick ry jy deur die dorp totdat jy die Karkloof-bordjie sien. Verblyf en kostes Howick is per voertuig naby aan die meeste Karkloof-gasteplase en bied ’n verskeidenheid inkopieplekke. Daar is ook ’n winkel, Dovehouse Organics, vir vegetariërs en diegene wat glo in organiese kos. Dit word deur die Duncans besit wie se kleinseun Keira een van Suid-Afrika se belowendste jong bergfietsryers is. Oupa Arthur Duncan trap self ’n barshou in sy 80’s, en het…

In die bedryf staan die Sweedse boffins by Thule as die Rolls-Royce van wegpakstelsels bekend, en dis g’n wonder hoekom nie. ’n Thule-rak gaan jou ’n paar rand ekstra kos. Maar in ruil kry jy ’n stuk toerusting wat nie net deeglik aanmekaargesit is nie, dit is ook funksioneel, goed deurdink en heel skaflik om na te kyk. As jou naweek-ryding ’n gewone klein sportnuts is, sal jy vind jou pakplek agter die agterste rugleunings raak gou beknop. Vervaardigers sê vinnig ’n laairuim sluk 300 liter, maar daardie berekening sluit die vreemdste hoekies en holtes in. Om ’n gewone stuk bagasie soos jou kajuit-tas in te laai, neem maklik die helfte van jou beskikbare plek in beslag. Dit is waar die dakrak by die venster ingevlieg kom soos Superman by…

Die meeste Suid-Afrikaners dink bergklim, luiperds, rotsformasies, staproetes en wyn as hulle “Sederberg” hoor, tog is hier ook ’n voortreflike versameling fietsryroetes. Iets vir almal. Sedert 2004 bekend as ’n Wêrelderfenisgebied, is die Sederberge naby genoeg aan die Kaap vir ’n wegbreeknaweek. Enige natuurskepper wat ’n amper volmaakte bergfietsomgewing wou bou, sou dit ’n spieëlbeeld van die Sederberge maak. Afgesonder. Ongerep. Groot. Hierdie berge laat jou nederig voel. Dit bied ook ’n uiteenlopende verskeidenheid ry-oppervlakke en hellings wat wissel van matig tot angswekkend. Bergfietsryers wat voorbereiding vir ’n Cape Epic of J2C (Joburg to Sea) wil doen, kom gereeld Sederberge toe vir ’n week se basis opbou vir langafstand-trap. Met ’n oorvloed grondpad, steiltes en min skaduwee kan jy jouself pantser vir die jaar se bergfietsren-uitdagings met ’n reeks Sederberg-oefenritte.…

Slowenië – ’n woudagtige popspeelland in die hoek van ou Oos-Europa. Eksoties, nuut en gewis ook ’n toets vir ’n fietsryer. Asof dit nie genoeg bulte vir my kuite was nie, wou ek dit boonop solo aanpak. Vrou-alleen, met net my tent en slaapsak agterop my bergfiets gelaai. Plus ’n GPS-roete, wat dalkbestaande paadjies deur die woude kan volg. Mense vra altyd waarom ek vrou-alleen ’n fietstoer in die vreemde wil aanpak. Die antwoord is maklik. Vandat ek my eerste toer in Skandinawië gaan doen het, van Swede se ooskus na Noorweë se weste, het die gogga gebyt. Behoorlik. Dis daardie gevoel van absolute vryheid wat jy op die stil plattelandse paadjies kry. Net jy, jou fiets en jou toerusting vir vanaand se veldkamp. Met geen sorge of gedagtes aan…

Met die lokke van die vurige Franse voorspeler Sébastien Chabal en die lyf van Rocky is Riaan Manser die argetipe van die hardebaard fietstoerder. In ’n tyd wat langpadtoer met jou fiets nog iets ongewoons was in Suid-Afrika, het hy besluit ’n pretrit om die Skiereiland, of selfs van Sani na die see, is nie genoeg van ’n uitdaging nie. As jy wil see toe ry, doen jy dit ordentlik. Soos in permanent al langs die see, totdat jou voorwiel weer eindig waar jy aan die kontinent se onderpunt begin het. Vandag is Riaan Manser se epiese traptog reg rondom Afrika geëts in fietsryers se kollektiewe geheue. Die standaard waaraan enige nuwe toer gemeet word. As jy gedink het jou toer deur die Karoo was ’n bulletjie, gaan kyk ’n…

Voor jy die wiele pomp Nie al die renne se datums was al gefinaliseer toe ToerFiets na die drukkers moes gaan nie. Waar onduidelik, het ons die maand waarin dit gewoonlik aangebied word, genoem. Pryse kan wissel (solo of pare, kort of lang roete) en is in plaaslike geldeenhede aangegee. Maak vroegtydig seker van die registrasiedatum, wat maklik vier maande voor ’n ren kan wees. Renne sonder ’n skof-aanduiding is die nuwe avontuurrenne waar jy jou eie pas bepaal en net by kontrolepunte moet aanmeld. SUID-AFRIKA 06/02/2021 Ren TransCape Streek Suid-Afrika Afstand 600 km, 7 dae Oppervlak Grond ’n Gemakliker alternatief vir die hardebaardrenne, deur die Tuinroete na die Kaap. www.transcapemtb.co.za Augustus Ren The 1000 Miler Streek Suid-Afrika Afstand 1 600 km, 9 dae Oppervlak Grond Geskoei op die lees…

Wie het dit nog nie beleef nie? Met daardie harde oefensessie (tekkies of bergfiets) pas agter die blad, sluit jy natgesweet by die res van die kuiergroep om die vuur of by die kuierplek aan. En binne oomblikke skuif die eerste een opsy. Moet asseblief nie strek vir daardie glas nie. Ons gaan omkap langs jou. Dis die kruis van mensgemaakte vesels. Die oorgrote meerderheid van vandag se tegniese kledingstukke, soos ons draf- en fietsryhemde maar ook daardie langmoutop of pluisveselbaadjie, is van poliëster of nylon gemaak. ’n Wondermiddel vir die klerebedryf in die 20ste eeu toe dit al hoe gewilder vir aktiwiteitsklere geraak het. Maar vandag het dit sy tekortkominge. Stilweg op die agtergrond het aktiwiteitsdrag van merinowol ál meer op die voorgrond begin tree as ’n fantastiese alternatief…

Hoe kom ek daar Uit die Kaap toer jy noord op die N7 se Namibiëroete, deur die Swartland en oor die Piekenierskloofpas. Ongeveer 28 km ná Citrusdal is daar ’n afdraai na die Algeria-wildernisgebied, wat jou by die Sederberge se noordelike poort inneem. Die suidelike roete vat jou deur die Hugenote-tonnel op die N1, dan met die R43 Ceres toe, waarna jy die R303 volg tot Op-die-Berg, voor jy die Sederberg-afdraai sal sien. Verblyf en kostes Jou laaste groot kans vir inkopies of kontant trek is op Citrusdal of Op-die-Berg, na gelang van hoe jy die Sederberg benader – van noord of suid. Mount Ceder en Sanddrif het winkeltjies met braai- en basiese benodigdhede. As jy wil uiteet, bied Kromrivier, Ceder Oasis en Mount Ceder restaurante. Dwarsrivier se Sanddrifoord het…

Klimaat en kultuur As ’n ontluikende ekonomie van die voormalige Oosblok-lande kan Slowenië as die bergryke suster van haar meer bekende buurman Kroasië beskou word. Die landskap is treffend met turkoois riviere en mere, ’n Venesiese kuslyn, groen woude en sneeubedekte berge in die weste. Hoewel die pragtige hoofstad, Ljubljana, in 2016 as Europa se Groen Hoofstad van die Jaar aangewys is, kan jy ook op die platteland klein dorpies met historiese argitektuur en omring met wingerde en boorde verwag. Die land strek vanaf die Adriatiese See, met Italië aan sy westelike grens tot noord by Oostenryk en Kroasië aan sy oostelike grens. Die amptelike taal is Sloweens, maar die Westerse alfabet word vir padaanwysings gebruik en die afstand is goed aangedui. Slowenië het ’n matige Europese klimaat: Verwag warm…

In ’n helder oomblik in 1980 pen die verloopte Skot Colin Hay dié enigmatiese woorde vir sy Aussierockgroep Men at Work neer: “Traveling in a friedout Kombi, on a hippie trail, head full of zombie.” Dis een van die eerste frases op hul groot treffer “Down Under”, en vier dekades later sing almal steeds lustig saam oor die deugde en vergrype van die mense Doer Onder. Maak nie saak wat jou opinie oor kangaroes of skuurpapier is nie. Dis middel September en ek en my fiets is op pad na Kreta vir ’n twee weke lange toervakansie. Maar eers moet jy Griekeland se krom alfabet op kennisgewingborde, en ’n unieke benadering tot orde, baasraak. Die beknopte Griekse lughawe is propvol gryskop Santorini-gangers in geblomde hemde, en by die metaalverklikker sukkel…

Jou boek het eers tien jaar ná jul toer van 2009 verskyn. Het jy eers later besluit dis ’n storie wat jy wil vertel? Dit was seker so ses weke in die toer in wat ek en Mike besef het ons het hier ’n verhaal wat ons met die res van die wêreld kan deel. Van toe af het ons doelbewus foto’s en videogrepe begin neem, en ek het elke aand in my dagboek geskryf. Maar ek het beslis nie toe al geweet of ek wel eendag die manuskrip gaan voltooi nie. Of dat ek ’n uitgewer sou vind, en mense sou belangstel om dit te lees nie. Ek wou dit net skryf. Dit was eintlik terapeuties om ná al die jare die teks finaal klaar te skryf. En toe…

Die 1980’s was voorwaar ’n vreemde tyd. Saterdagaande het Don Johnson Afrikaans gepraat op Misdaad in Miami, en Donderdagaande het Eon de Vos probeer verduidelik sonder om te verduidelik waarom party van die snitte op sy treffersparade sonder woorde gespeel moes word. In die geval van een liedjie wat ek veral onthou – sy naam was “Boom Boom (Let’s go back to my room)” – kon ek nooit verstaan hoekom die mense by die SAUK gedink het ’n liedjie oor iemand wat té hard aan ’n kamerdeur klop, is nie geskik vir die volk se ore nie. ’n Ander koddigheid was dat bykans elke koerant in die land verplig gevoel het om die een of ander fietsren te borg. Daar was natuurlik die Rapport-toer (die Republiek se eie Tour de…

Silverback Stratos AL SX Die Boere-Duitser Moenie dat Silverback se Duitse vlag op die raam jou mislei nie. Hierdie fietse het sterk plaaslike wortels. Deon Retief is Silverback se eienaar en uit die maatskappy se Nürtingen-ontwerpkantoor word toekomstige fietsrybegrippe in werklikhede omskep. In die hart van hierdie Stratos 120 mm-aluminiumraam In die hart van hierdie Stratos 120 mm-aluminiumraam is ’n reuse-wiellaer. Die Stratos het dalk ’n dun agterste driehoek, maar met die vering se lading wat op daardie groot hoofwiellaer laai, beloof instandhoudingskoste om laer te wees as baie ander veelskakel-bergfietsrame. Ontwerpgesinde fietsryers kan die Stratos se aantreklike lyne waardeer, terwyl ingenieurs sal raaksien dat daardie voorste driehoek se kruisstaaf die raam sterker maak. Met sy stuurhoek van 67,5° behoort jy heel gemaklik te voel op daai steil afdraandes wanneer…

Jy hoef nie ’n aardrykskunde-vasvra-kampioen te wees om te weet dat ’n omgewing met hoë berge die beste bergfietspaaie sal opdis nie. In Suid-Afrika is KwaZulu-Natal (KZN) seker dié landskap waarna jy soek as dit by bergspitse kom, met die Drakensberg ons land se rotskruin-meesterstuk. Tog is die Piesangboere se groot fietsry-aantrekking nie die Drakensberg se eie spitse nie, maar iets baie laer. Soos die Drakensbergreeks afplat en ’n skakeling heuwels vorm wat oor sowat 77 km strek, Greytown se kant toe, omarm dit ’n boerdery- en ’n bewaringsgebied met uitstekende grondpad- en bergfiets-geleenthede. Net noord van die rustige Howick is daar ’n skatkis van grondpaaie en enkelspoor-woudroetes in die Karkloofvallei. Vir die Hoëvelders wat graag ’n bietjie minder agter hul leefstyl-ontwikkelings se mure en meer tussen die bome wil…

Fietsryers is meer gepla oor gewig as ’n laekostelugdiens se bagasiebeampte. Die logika is eenvoudig: Hoe ligter jou fiets en bewegende onderdele, hoe minder energie word ingespan om aan die ry te bly. Dit beteken gewoon dat ligte koolstofveselbergfietse en-wiele jou toelaat om vinniger en langer te ry, met dieselfde fiksheidspeil. Tog is daar ’n haakplek: prys. Koolstofvesel is peperduur om te vervaardig omdat dit met die hand verwerk en gevorm moet word. Duursaamheid is nog ’n vangplek by bergfietsrame en-wiele van koolstofvesel. Jou ingenieurswese-handboek sal meld dat koolstofvesel sterker as aluminium is, maar ’n strawwe bergfietsroete is nie jou gewone toetsomgewing nie. Koolstofvesel kan ligter en sterker gebou word as aluminium, maar wanneer dit breek, is jou kans op herstelwerk baie gering. Skerp rotse, waarvan Suid-Afrikaanse roetes ’n oorvloed…

VOLKSWAGEN T-CROSS Meer as net ’n Polo met vellies Dis eintlik verbasend dit het Volkswagen so lank geneem om met dié wenskuif vorendag te kom: ’n Sportnuts gebou op die gewilde Polo se onderstel. Ons hou van sy bedeesde voorkoms, hoewel die afwerkings binnelangs ’n raps meer waaghalsig kon wees. Ry jy ’n Polo, sal jy dadelik die inligtingskerm en gewone instrumente herken. Twee volwassenes voor en twee tieners agter sal met gemak in die T-Cross kan inskuif, en agter sal jy ’n sagte sportsak of drie kan inlaai. Meganika is als net so uit die VW-onderdelemandjie geneem: Die bekende 1.0-liter-turbo (85 kW, 200 Nm) bied billike krag, terwyl die moderne sewegang-outomatiese ratkas vir seepgladde verrigting help sorg. Verbruik is ’n matige 7,7 liter (die kruis van klein enjins wat…

Bergfietsremme werk hard vir ’n lewe. Remvloeistof raak besoedel en kry lugborrels met tyd en strawwe gebruik. Met ’n keuse van skywe wat wissel van 140 mm tot 203 mm, is moderne bergfietsremme ongelooflik kragtig. Selfs groot fietsryers kan nou met volle vertroue ’n rem vasgryp – teen die steilste afdraandes af. Om te sorg dat jou bergfiets se skyfremme op hul beste werk, moet dit gebloei word sodra jy sponserige remterugvoer begin kry. Met slim wenke om te keer dat die moersleutels in jou garage vlieg, help Andrew Savage van Stoke Suspension Works ons deur die stappe. 1 Berei eerstens goed voor deur al die stappe te ken, en die regte gereedskap byderhand te hê. Stel vas watter remvloeistof jou fiets gebruik en kies dan die spuitnaald- of bakkiemetode.…

Titan se eerste koolstofveselfiets is die nuwe Cypher-reeks, beskikbaar in 100 mm (RS)- en 120 mm-weergawes, waarvan lg. ons toetsfiets was, in die Pro-toerustingvlak. Wêreldwyd is daar ’n beweging na langer rame, met ’n bietjie meer vering. Waar 100 mm altyd die goudstandaard vir ernstige bergfietsjaers was, is al hoe meer ryers vandag geneig om ’n 120 mm-veerstelraam te oorweeg, iets wat met meer selfvertroue op rowwer roetes ry. Die Cypher Pro is hoofsaaklik ontwerp om as ’n langafstand-renbergfiets te dien: Iets wat doeltreffend sal kan klim tydens ’n Wines2Whales-sneldeel, maar terselfdertyd ook groot afstande grondpad met min moeite kan kafdraf. Titan wou ook seker maak dat ’n Cypher Pro nie goor sou wees om by tegniese rotsdele af te ry nie. Alles wat jy op ’n renbergfiets sou verwag,…

Klimaat en kultuur Kreta is die grootste van Griekeland se magdom eilande, maar steeds redelik kompak. Die ovaalvormige eiland strek 260 km van kant tot kant, maar is slegs 60 km op sy “dikste” en net 12 km noord na suid by die dunste gedeelte van sy middellyf. Ingewurm tussen Griekeland en Turkye is Kreta se ekonomie om die helfte op toerisme en landbou gefokus. Die eiland het ’n tipiese Mediterreense klimaat: warm, droë somers (Mei tot Oktober) en koel, nat winters (November tot Februarie). Die landskap herinner sterk aan die Wes-Kaapse omgewing. Die hooftoerismeseisoen is Junie tot Augustus, wanneer dit ook die warmste is en pryse oor die algemeen die duurste. Die skouerseisoene van April-Mei en September-Oktober bied temperature weerskante van 30 °C, met die piekseisoen wat hier by…

INSTAGRAM @LEANA.NIEMAND Ons wil graag jou wegbreekfoto’s sien. Dalk was jy ook soos Leana Niemand êrens eksoties. Of het jy net in pragtige Suid-Afrika ’n mini-avontuur beleef. Stuur gerus jou foto’s aan ons en vertel ook ’n bietjie meer oor wat jy op jou ervarings gesien en beleef het, en waarom dit ’n spesiale oomblik was. Ons sal ’n keur van ons gunstelingfoto’s in die volgende uitgawe plaas. Stuur na: kompetisie@toerfiets.co.za om ons voor 31 Maart 2021 te bereik. Onthou jou naam en adres, en meld ook waar en wanneer jy die foto geneem het.…