Innehållsförteckning för December 2021 - January 2022 från Weg!

The Blue Train Pretoria tot Kaapstad Vanaf die Jakarandastad tot Jou Ma Se-stad, hierdie rit is een vir die boeke. Konings, presidente en bekendes het al die manjifieke, 5-ster hotel op wiele na hartelus geniet, tesame met ‘gewone mense’ wat smag na ’n happie van die luukse lewe. Een ding is waar, daar is niks eenvoudig omtrent hierdie blou juweel nie. Gat-in-die-muur Koffiebaai, Oos-Kaap Volgens die legende, het ’n pragtige meisie van die land verlief geraak op een van die See Mense. Haar pa het dit glad nie goedgekeur nie. Die See Mense het toe besluit om die twee verliefdes ’n kans te gee om saam te verdwyn, deur ’n hengse vis te gebruik en ’n gat deur die rots te slaan. Dalk het hierdie liefdesverhaal jou ’n gat in…

Droomland toe in ’n doringboom Ek het hierdie luiperd in September 2021 by die Bedinktwatergat noord van die Nossob-ruskamp in die Kgalagadioorgrenspark afgeneem. My vrou, Lize, het voëls in die bome gesoek en ek het die takke gefynkam en my verbeel ek sien iets beweeg – dalk die kwispel van ’n stert? Ek het met my selfoon ingezoem en sowaar! Die luiperd was vas aan die slaap en goed gekamoefleer. WILLIE TRAUT, DWARSKERSBOS Beplan jou eie toer na die Kgalagadi met die nuwe Weg Kalahari-reisgids (R112). Dis propvol idees vir ’n lekker Kalahari-vakansie binne én buite die park. Die tydskrif is nou in supermarkte beskikbaar en jy kan ook ’n kopie bestel by yumna. tofey@media24.com Speel kese met knikkers? Ons het by die Letabarivierbrug in die Krugerwildtuin gestop om tee…

Vleis: Die omvattende gids Deur Annelien Pienaar, Human & Rousseau R380 in boekwinkels Hierdie resepteboek is ’n viering van vleis en behoort enige karnivoorkok se hart bly te maak. Annelien Pienaar is ’n voedselwetenskaplike en sy het meer as 100 resepte vir beesvleis, lam en skaap, vark, pluimvee, afval en wildsvleis saamgestel. Daar is ook ’n afdeling met marinades, souse, en soute wat goed saam met vleis werk. Die disse is propvol geur: filet met gerookte mossels en sampioene; hoendersaté met grondboontjiebottersous; eendborsies met ’n porten-kersiesous... Met hierdie omvattende boek in jou kombuis sal jy nie net kook dat dit spat nie, maar ook iets leer. Pienaar verduidelik die verskillende vleissnitte en kookmetodes, hoe om vleis te vries en te verouder, en definieer vleisterme. Gou sal jy woorde soos “bardeer”,…

NAMAKWA- NASIONALE PARK Namakwa-blomkampe Verbeel jou iemand kom sit soggens om 7 vm. ’n fles kookwater voor jou tent neer. Jy klim traag uit jou snoesige bed (toegerus met ’n elektriese kombers), rits die tentflap oop en adem vars soutlug in. Die eerste lig flonker op die see se deinings. So ver jy kan sien, staan derduisende blommetjies wat nou-nou, sodra die son ’n bietjie hoër sit, in neonoranje, skelpienk en ligtepers gaan pronk. Maar nou is daar nog ’n byt in die lug; dus gaan trek jy eers jou donsbaadjie aan, maak dan ’n koppie filterkoffie en gaan sit in ’n gemaklike kampstoel buite die tent. Só breek nog ’n tawwe dag in Afrika aan... Chiefs Tented Camps kom slaan elke lente twee van dié luukse kampe tussen plate…

Kan jy nog onthou hoe lyk ’n trapesium? Dis basies ’n driehoek gekruis met ’n reghoek: Twee skuins sye en twee parallelle sye. Dís hoe die Oudebosch-Harold Porter-roete se hoogteprofiel min of meer lyk. Reeds met die intrapslag in die Kogelberg-natuurreservaat lê daai skuinste netjies voor jou. Maar moenie dat dit jou ontmoedig nie, want rondom jou is die fynbos vrolik! Die roete swenk links van die tweespoorpad af wat agter Kaapse Natuurbewaring se ontvangskantoor verbyloop. Dit kronkel verby die ekohuisies tot teen die flank van die berg. Sommer hier al verwelkom ’n koningsprotea jou! Die roete loop oor twee reservate. Die Kogelberg-natuurreservaat (180 km²) en die Harold Porter- botaniese tuin (2 km²). Daar kom sowat 1 800 plantspesies hier voor waarvan 150 nét hier te vinde is. Onthou dus…

Party swemstrande het ’n haaiwagter wat by ’n uitkykpunt sit en die see vir haaie fynkam. Wanneer ’n grootwithaai gewaar word, waarsku hy die swemmers en branderplankryers met ’n vlag. Dís wat die vlae beteken: Groen Die water is mooi helderskoon, en daar is nie ’n haai in sig nie. Swart Die haaiwagter kan nie mooi sien wat in die water aangaan nie, maar hy het nog nie ’n haai gesien nie. Rooi Wees versigtig. Hier was ’n rukkie gelede ’n haai naby. Wit Hier’s ’n haai, kom uit die water uit! (Die haaiwagter laat dan ’n sirene loei.)…

Eina! ’n Bielie van ’n reëndruppel tref my voorkop. Maar wat het ek verwag? As ’n mens kop agteroor na ’n blaredak staar, vra jy mos daarvoor. Dit reën al twee dae sonder ophou, en die woudvloer is oortrek met stroompies en vet reënpaddas. Ek is besmeer met modder, deurdrenk van kop tot tone, en dun strepies bloed loop teen my skene af. En dan is daar ook nog twee boggels bedek deur my nikswerd reënjas: ’n rugsak vol peuselhappies en veldgidse agter en ’n sak vol elektroniese en optiese toerusting voor. In my linkerhand het ek ’n mikrofoonskottel die grootte van ’n Weber-braai se deksel, en in my regterhand ’n verkyker wat meer kos as my kar. As Jan Alleman my nóú op hierdie bospaadjie raakloop, sal ek hom…

Onlangs stap vriende van my een van die skofte van die Kruger Trail, omtrent 100km in ’n week waar ’n mens die wildernis op sy primitiefste ervaar. Dis net jy en jou stapmaats – omring deur duisende wilde diere – wat dag vir dag met groot omsigtigheid deur ongerepte veld beweeg. Die roete, nou hoog op my al langer wordende moetdoenlysie, laat ’n mens wonder hoe dit gekom het dat ons spesie so dominant op aarde geword het. Ons is nie so sterk soos ’n leeu, so groot soos ’n olifant of so vinnig soos ’n jagluiperd nie. Miere, bye, wildehonde en bobbejane het – nes ons – ook die vermoë om saam te werk. Die kenners sê dit was die mens se unieke manier om taal te gebruik. Nie…

De Waalpark in Oranjezicht is vir menige Kapenaar ’n welkome stukkie groen in die middestad. Dis hier waar mense in die middag met hulle honde speel, vriende in die buitelug ontmoet of onder ’n boom lê en lees. So van bome gepraat... Die park spog met 630 bome wat oor die jare heen aangeplant is; menige hiervan is inheems en skenkings van die Vriende van De Waalpark-vereniging. Parkbesoekers kan deesdae – danksy die inisiatief van die boomentoesias Tielman Haumann – ’n toer van dié bome onderneem. Skaf ’n kaart (R10) by die klein orkespaviljoen (waar jy koffie en warmsjokolade kan koop) in die middel van die park aan en begin rondkyk! Die bome wat deel van die roete uitmaak, is op die kaart genommer en elkeen het ’n ooreenstemmende plaatjie.…

Daar is báie padstalle in Suid-Afrika, maar nie almal van hulle kan as ’n ware instelling beskou word nie. Die Veldskoen-padstal is egter een van die meer deurwinterde aftrekplekke langs ons land se hoofweë. Veldskoen staan knap langs die N1, min of meer halfpad tussen Worcester en Touwsrivier. Of jy dus op pad binneland toe is en proviand kort, of afry Kaap toe en voor die laaste skof deur die tonnel wil bene rek –is dit ’n lekker stilhouplek. Die mooi gebou met sy roostuin en koelteplekkies vir piekniek hou, lok ’n mens reeds die oomblik wanneer jy stilhou. En binne wuif ’n swetterjoel lekkernye jou van die rakke af nader. Hier’s selfs ’n paar produkte wat jy nie sommer oral aantref nie, soos flesse gepiekelde kwarteleiers (R119,50), vrugterolle (vanaf…

GERRIE BOTHA Ca-o- EOS 7D Mk. II Tamro- 150-600 mm-le-s GERRIE VERTEL: Ons woon in ’n aftreeoord genaamd Wigwam sowat 10 km buite Rustenburg aan die voet van die Magaliesberg. ’n Paar witkoluiltjies het in ’n boom op die perseel nesgemaak en ek het die hele broeiproses dopgehou. Ek wou ’n vriend wys waar die uiltjies broei toe dié uiltjie skielik uit ’n moerbeiboom gevlieg kom en voor ons in die pad te lande kom – met ’n jong papegaaiduif in sy kloue! Die uil was ongeveer 10 m van ons af, en ons kon duidelik sien hoe die prooi verwurg word. Ek het plat gaan lê en foto’s geneem, want ek wou ’n neutrale agtergrond hê. Ná sowat drie minute het die uil met die jong duif in sy…

SOPHIA VAN TAAK BARRYDALE HAND WEAVERSKUSSINGSLOPE Wanneer ’n mens iets van dié wewery in die Klein-Karoo koop, weet jy jy ondersteun ’n gemeenskap waar werk skaars is. Jy kan selfs op hulle webwerf gaan kyk wie die wewers is wie se handewerk jy aanskaf. ’n Wye reeks produkte is beskikbaar, van plekmatjies en servette tot matte en komberse. Alles word van plaaslik verboude katoen met die hand geweef. Dié kussingslope (50 x 50 cm) is beskikbaar met rooi, ligblou, donkerblou, wit, steenkool of grys strepies. R340 per sloop. barrydaleweavers.co.za FEAT.-SOKKIES Sokkies hoef nie ’n verbeeldinglose geskenk te wees nie. Jy kan kies tussen strepiesokkies of prentjiesokkies, en van laasgenoemde is daar ’n hele klomp eg Suid-Afrikaanse temas: walvisse, olifante, renosters, Muizenberg se strandhutjies, sardientjies, springbokke... selfs janfrederikkies! Én 20% van…

O ons reis na die noorde van Botswana begin in die Khama Rhino Sanctuary in Sentraal-Botswana waar ons die eerste nag deurbring voordat ons ry na die granietrotseiland Lekhubu vir ’n nag onder die sterre op die Makgadikgadipanne. Die volgende oggend kan dié wat vroeg opstaan, koffie en beskuit geniet onder kremetarte voordat die groep met ’n tweespoorpad vertrek al op die rand van die soutpanne om ons 4x4-vernuf te toets. Die groep geniet ’n ligte piekniekmiddagete op pad na die volgende kampterrein 30 km buite Maun. Die kampplek is langs die Botetirivier waar ons twee dae deurbring en die geleentheid kry omdie uitgestrekte Okavangodelta en sy ekostelsel te verken, asook die plaaslike markte of, as jy wil, in die kamp ontspan voor ’n laatmiddagrit op die Boteti. Ons volgende…

In September 2017 was ek en my vriend Warrick Davey op ’n week lange vakansie in die Kgalagadi-oorgrenspark. Een oggend het ons al met die Nossobrivier langs opgery, en ná ’n ent teruggedraai na die Twee Rivieren-kamp. Warrick het bestuur en ek was op die agtersitplek (sodoende het elkeen genoeg spasie vir sy kameratoerusting). Omtrent 8.15 vm. het ek ’n rooikat tussen die kreupelhout sien hurk. Dit het gelyk asof die kat in die kameeldoringboom bo hom iets gewaar, en het die boom bekruip. Ek het die boom met my verkyker gefynkam en gesien wat die rooikat interesseer: ’n vaalboskat het in die boomtop gesit. WAT SÊ DIE KENNER? L.D. VAN ESSEN, WILDLEWEKENNER Wat Simon gesien het, was inderdaad ’n magspel. Ons noem dit interspesifieke kompetisie, waar diere om gebied…

Hoeveel kee- het die teëspoed jou al ge-y? As ek vinnig tel, was daar 13 gevalle, van vassit op ’n modderige grondpad tussen ’n trop olifante in die wildtuin (vir twee ure!) tot ’n petroljoggie op Bitterfontein wat per ongeluk petrol in my dieselvoertuig gegooi het. Watte- geval was die angswekkendste? In 2011 het ek ná swaar reën buite Patensie op ’n plaas met ’n Suzuki Jimny gery. Die pad het ingegee en ek het met voertuig en al teen ’n heuwel afgerol en op die dak te staan gekom. Gelukkig het ek nie vinnig gery nie. Die boere raak knorrig as jy vinniger as 20 km/h tussen hulle lemoene ry en dus was daar geen ernstige beserings nie. En die snaaksste een? Terwyl dit gebeur, is dit natuurlik glad…

Slange kan redelik goed sien, maar hulle sig is spesifiek aangepas om beweging waar te neem. Vandaar die bekende waarskuwing: Wanneer jy op ’n slang afkom, moenie roer nie! Nog beter raad is: Stap stadig agteruit en maak dat jy wegkom. Sodra jy meer as vyf meter van ’n slang af staan, is jy relatief veilig en dis onwaarskynlik dat die dier jou sal byt. Slange val nie stilstaande voorwerpe óf mense aan nie... tensy dit soos prooi lyk of ruik. Gelukkig is daar darem net twee slangspesies in Suid-Afrika wat se sig só goed is dat hulle stilstaande prooi kan uitken: die boomslang en die takslang. Die meeste slange het monokulêre visie; dus registreer die een oog nie ’n beeld in koördinasie met die ander oog nie. Maar dié…

Dis ’n Maandagoggend in April. Ek sit saam met oom Gustav Nortjé (81) op die voorstoep van sy turkoois huis in die Baviaanskloof. Dis betrokke. Die wolke wíl, maar wil ook nie. In die voortuin karring ’n deurmekaar wind aan ’n oes koejawelboompie se takke. Van die dakrand af hang ’n ploegskaar en deurgesnyde plastiekkoeldrankbottels vol vetplantjies aan oranje baaltou. In een hoek staan groot varings. Oom Gustav lyk soos ’n boer: leerstewels, rugbybroekie, two-tone kortmouhemp met ’n selfoon en ’n pen in die bosak. Maar hy’s eintlik ’n winkelier. Wel, deesdae. Die turkoois huis grens aan sy winkel wat knap langs die enigste pad deur die Kloof staan. ’n Katjie kom uit die huis gedrentel, maar vlug dadelik oor die stoepmuurtjie toe sy my sien. “Ou Strepies! Wat is…

MELDENE ROBINSON Crayfish Whar--restaurant, Paternoster “ ’n Besoek aan die Kaap Columbine-vuurtoring is ’n moet. Dis regtig iets om te aanskou!” HUGOLINA HICKMAN Timeless Treasures, Dwarskersbos “My liefde vir Dwarskersbos kom al ’n lang pad, uit die 1950’s, toe ons familie vakansietye hier kom kamp het. Dit is ’n lekker swemstrand – mooi, skoon en veilig.” RASHID SAKAMA Fork West Farm “Ek het in 2014 van Malawi af hierheen getrek. Die Weskus is nie net pragtig nie, sy mense is ook hartlik en vriendelik.”…

Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan in die volgende uitgawe só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat dan in “Mense se Lense” gepubliseer word. Dié produk is beskikbaar by winkel.weg.co.za…

Steurgarnale met tamatie Vir 4 Voorbereityd 20 minute Gaarmaaktyd 20 minute Jy benodig • 1 ciabattabrood • 4 eetlepels olyfolie • 2 knoffelhuisies, gekap • 1 middelslag-rooiui, gekap • 1 eetlepel tamatiepasta • 3 groot tamaties, in blokkies gesny • 1 rooi brandrissie, gekap • ’n knippie borrie -opsioneel) • 1koppie droë witwyn • 800 g steurgarnale in die dop, derm verwyder • ’n groot klont botter • 2 eetlepels platblaarpietersielie, gekap • sout en varsgemaalde swartpeper na smaak Só maak jy 1 Sny twee dik snye ciabatta en sny dié dan in klein blokkies. Verhit 1 eetlepel olie en braai die broodblokkies tot bros. Verkrummel dit en hou eenkant. 2 Verhit die res van die olyfolie in ’n pan oor matige hitte en braai die knoffel en ui tot glansend. Roer die tamatiepasta, tamaties, rissie en borrie by en braai vir nog…

Die Krugerwildtuin is ’n wonderlike plek, maar soms voel ’n mens jy betaal nogal báie vir ’n redelike saai rondawel. Maar jy’s tússen die diere, regverdig ’n mens dan dikwels die prys... Wel, by Jackalberry is jou blyplek spiekeries, verskeie diere kom besoek aflê én jy is net 20 minute van die Krokodilbrughek af. Elke safaritent staan in sy eie stukkie mopaniebos. Die mense het aan álles gedink toe hulle die plek ontwerp het. Die tente se safaridekor laat voel jou soos ’n verkenner êrens op ’n ekspedisie op die Afrika-vlaktes. Buite het elke tent ’n plonspoel en ’n braaiplek en onder ’n afdak is ’n tafel en twee dekstoele. Stel jou wekker sodat jy vroeg op die klein dek bo die kombuis koffie kan drink. Die eintlike rede om…

Die meeste vissoorte se skelet (dit is ’n ander woord vir “geraamte”) is van been, net soos ons s’n. Maar haaie s’n is van kraakbeen (soos jou neus en ore). Dit kan effens buig en is ook ligter as been, wat help dat ’n haai vinniger deur die water kan beweeg. • Die meeste visse het ’n gasblaas vol lug wat maak dat hulle op een plek kan dobber. Haaie het nie só ’n “lugsak” nie, en sink sodra hulle ophou swem. • ’n Vis het gewoonlik ’n dekseltjie oor sy kieue. ’n Haai se kieue sit oop en bloot soos lang snye aan weerskante van sy kop. • ’n Vis se stertvin het twee ewe lang punte, maar op ’n haai se stert is die boonste punt groter.…

IG: @simon_smith_photography Ek was nog net een keer in die Kgalagadi, maar kan nie wag om terug te gaan nie! Die park het só ’n uiteenlopende verskeidenheid fauna en flora dat ek dit vir enigeen sal aanbeveel. Die woestyn lééf van insekte en muise tot slange, roofvoëls en groot soogdiere. Buiten die unieke landskappe en die ongelooflike biodiversiteit het die verskillende temperature op een dag my ook opgeval. Snags kan dit naby vriespunt raak terwyl die son jou bedags wil doodskroei. Terwyl ons motor eendag in die son gestaan het, het die temperatuurmetertjie tot by 52° C gedraai! Binne-in ons tent het dit onuithoudbaar warm geword. Ons het op die middaguur liewer uitgery na ’n watergat, onder ’n skaduboom stilgehou en met die ruite afgedraai die hitte saam met die…

UITGAWES Hierdie pryse is na raming. Die Gurneys het hierdie reis in 2018 onderneem; tariewe sou sedertdien gestyg het. HAIFA Haifa-hostel: R1 600 p.n. vir 2 mense Falafel: R120 per pita (by HaZkenim) Toegang tot die Hangende Tuine van Haifa: gratis GALILEA EN GOLANHOOGTE Toegang tot Hippos: gratis Pelter-kelder: R65 p.p. vir die proe van vyf wynsoorte; R300 vir ’n kaasbord vir 2 mense JERIGO Sweefspoor: R220 p.p. Toegang tot klooster en grot: gratis RAMON-KRATER Toegang: R100 p.p. Kamp: R300 p.p. 4x4-roete: Gratis BETHLEHEM Walled Off-hotel: R2 400 p.n. vir 2 mense (ontbyt ingesluit) JERUSALEM Hotel HaRova: R2 200 p.n. vir 2 mense VERSKEPING RoRo (roll on, roll off) vir die Hilux: R8 000 (van Mersin in Turkye na Haifa in Israel) Akkommodasie aanboord: R2 200 p.p. (maaltye ingesluit) Doeaneklaring:…

Ek hou van die winter. Hoe kouer en natter dit is, hoe lekkerder bondel ek in my kokon van warm drankies, Brontë-boeke en Harry Potter-flieks. Sedert Covid-19 die meeste mense se sosiale uitstappies gekanselleer het, voel my eenvroukluisenaarspartytjie glad nie vreemd nie. Die winter herinner my altyd aan Mrs Crossman, my Engelse juffrou op hoërskool, se lesse oor Shakespeare se Macbeth. Dié tragiese verhaal van ’n magsugtige generaal is van die begin af reeds taamlik droewig, en sy sou dit by ons indruis: “Die mikrokosmos word weerspieël in die makrokosmos!” Daarmee saam het sy die boek in die lug geswaai om haar punt te beklemtoon. As ek haar reg verstaan, het sy bedoel die ongure weer waarin die verhaal afspeel, versinnebeeld die neerslagtigheid wat in Macbeth se gemoed – sowel…

Ek was aan’t rondry in die Skukuza-deel van die Kruger toe ek ’n paar karre teen die padskouer gewaar. Een van die bestuurders het vertel dat hulle ’n luiperd dophou wat in ’n essenhoutboom opgeklim het; ek kon egter net die kat se stert uit die blare sien hang. Ek het besluit om ook stil te hou en te wag. Die son het gesak en van die ander motors het al begin terugdraai ruskamp toe. Ek het besluit om nog vyf minute te wag, maar dan sou ek ook moes wikkel as ek die hektyd wou haal. Dit was die regte besluit, want die luiperd het skielik uit die essenhout gespring en in ’n ander boom gaan opklim – kompleet asof hy die sonsondergang uit ’n beter hoek wou betrag.…