Innehållsförteckning för Apr/May 2022 från Weg!

Daar is mense wat glo die vinnigste manier om jou liefde vir iets te laat taan is om dit jou werk te maak. Wanneer mense hoor ek werk vir Weg, is die reaksie dikwels: “Jy het seker die lekkerste job in die wêreld… julle is mos heeltyd op vakansie!” Die waarheid is ja én nee. Ja, die werk is deksels lekker, maar dis steeds werk en nie ’n betaalde vakansie nie. Byna elke Weg-kollega het ’n staaltjie hoe hy of sy buite seisoen in ’n misreën in ’n dolleë kampterrein ’n vuurtjie probeer stook sodat die broodnodige “gesellige kampvuur-selfie” geneem kan word. Ander kere is dit ’n dolle gejaag om ’n week se doendinge in een dag afgehandel te kry, want die storie oor die buurdorp moet ook nog geskryf…

Jitsonova Vol. 1 – Compos Mentis Deur Jitsvinger R127 by bandcamp.com Jitsvinger se vindingryke hip-hop is – in sy eie woorde – “musiek wat jou siel gryp”. Jy gaan 100 keer na hierdie album luister en elke slag nog ’n lagie betekenis tussen al die slim lirieke ontdek. Die ritmes is vlugvoetig en jazzy, en die stemme veelvuldig en strelend op die oor, met talle gaskunstenaars wat bydra sodat jy soms saam-”oo” op ’n R&Bkoortjie (“Toffie”), en elders kop kan bons op die maat van die wakker woorde: “hier’s ’n vuisvol vir die oordrom” (“Balaklava”). “Fletselites” besing die musiek- en politieke helde op die Kaapse Vlakte, “Die Profeet” toer die Khoisan-toekoms in (“Boesmanland, vat my hand... / lei my na Camissa vanaand”), en die hoogtepunt is “Super Afrikaner”:…

Monique en Richard Kahn, met Graham (9 maande oud), Waterberg Farmstay Richard: Ek is oorspronklik van Krugersdorp en Monique van Pretoria. Ons het gedink Vaalwater gaan nie vir ons werk as blyplek nie, want ons is nog jonk en ’n mens dink mos jy het die stad nodig. Maar nou is ons al vier jaar op Vaalwater en daar’s nie ’n kans dat ek weer in die stad gaan bly nie! Monique: Ek was vier maande swanger toe ek by Waterberg Farmstay begin werk het – Richard werk in en om Vaalwater vir ’n sekerheidsmaatskappy. Ek waardeer die oopte van die wêreld hier, veral as jy rondry. Richard: Hier’s min verkeer, en nie ouens wat voor jou injaag nie! Hier by Waterberg Farmstay stap die njalas en rooibokke soms sommer…

Slegs 7 km van die naaste KFC af op Port St. Johns is Silaka die toeganklikste van al die Wildekusreservate. Behalwe die laaste twee kilometer ry jy net teerpad tot by die reservaat. Die piepklein reservaat strek vir net 4 km teen die kus af tot by die imposante Sugarloaf Rock-rotsformasie. Hier is ’n strand, staproetes, ’n ryk voëllewe en jy gewaar dalk ’n blouwildebees of sebra. Waar bl- ek? Hier is 17 netjiese chalets, R607 p.n. vir twee mense, slaapplek vir tot 4 mense. Koste Daaglikse bewaringstarief: R26 p.p., R13 per kind. Jy kan ook by ontvangs ’n gids bespreek teen R183 vir 2 ure. Kontak 043 492 0883; bookonline.ecpta.co.za…

Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan in die volgende uitgawe só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat dan in “Mense se Lense” gepubliseer word. Dié produk is beskikbaar by winkel.weg.co.za…

CAMELBAK CHASE In 1989 was Michael Eidson, ’n jong Amerikaanse mediese tegnikus, op die punt om weg te spring op die Hotter’N Hell 100, ’n moordende fietswedren in Texas, VSA. Waterpunte was skaars, en Eidson het inderhaas ’n binneaarse voedingsak met water volgemaak, dit in ’n sokkie gedruk en die hele spul agter by sy fietshemp ingestop. Hy’t ’n wasgoedpennetjie gebruik om die rubberbuis toe te klamp en siedaar... die moderne watersak is gebore. Eidson het daarna CamelBak gestig, ’n maatskappy wat vandag bekend is vir sy watersakke. Genadiglik is die Chase ver verwyder van die oorspronklike binneaarse voedingsak! Hierdie is ’n liggewig harnas wat van maasstof gemaak word en dus maklik “asemhaal”. Jy dra jou water in ’n 1,5 ℓ-rubberwaterblaas wat agterin pas. Die Chase is spesifiek vir fietsryers…

KAMP NOORD-KAAP & AI-AI/RICHTERSVELD-OORGRENSPARK • 10 dae, 9 nagte • Kamp en chaletblyplek • R17 000 per persoon • 18-27 Augustus 2022 Die eerste twee aande bring ons langs die Oranjerivier naby Vioolsdrift deur waar die kabbelwater jou aan die slaap sus. Jy kan op die rivier roei of op die oewers stap. Die volgende dag ry ons oor asembenemende bergpasse die Richtersveldbewaringsgebied binne na Eksteenfontein waar ons leer oor die kultuurgeskiedenis van die landskap en ons onder die sterre kamp. Die volgende twee aande bly ons in die Kokerboomkloof in die Ai-Ais/Richtersveld-oorgrenspark en ontdek die park se unieke plante, diere en geologie. Daarna mik ons terug na die Oranjerivier vir twee nagte by De Hoop op die oewer van die rivier. Hierdie afgeleë kampplek is op sagte sand langs die rivier en hier…

Ek het Kleinmond twee en ’n half jaar gelede die eerste keer gesien. Dit was ’n vroegoggend in September toe ek die dorp met die R44 van Hermanus se kant af binnery. Op linkerhand het die Kleinmondstrandmeer sonder ’n rimpel op sy waters uitgestrek in skril kontras met die woeste branders op die strand net ’n entjie daaragter. Regs van die pad was die dorp se rolbal- en tennisbane grasgroen. Soos menige Wes-Kaapse dorpie lê Kleinmond tussen natuurskanse – aan die een kant die Kogelberg, aan die ander kant die see. Dis ’n dun derm wat noodgedwonge sywaarts moes uitbrei en die uiteenlopende boustyle in ’n enkele straat was opvallend. ’n A-raamhouthut het langs ’n blink glasstruktuur gestaan, met sý buurman ’n blokkige huis uit die jare sewentig. Die tweede…

Ek en my vrou, Annemarie, het in Oktober 2021 die eerste keer in meer as 20 jaar die Krugerwildtuin besoek. Ons sou aanvanklik in Julie gaan, maar die pandemie het ’n stokkie voor ons planne gesteek en ons moes geduldig wag. Ons het tien dae in die park vertoef en talle wonderlike dinge gesien, maar dié insident staan uit. Soms neem jy per ongeluk ’n ánder foto as die een wat jy dínk jy neem. Laat ek verduidelik... Dit was laatmiddag en ons was met die S110 op pad na die Berg-en-Dal-ruskamp. Ek wou in die sagte lig nog ’n laaste paar foto’s neem en ons stop toe waar ons ’n dwergmuishond op ’n dooie tak sien. 1 My kamera (Canon EOS R6 met ’n Canon 100-400 mm-lens) was toevallig…

MAROKKO Hoof-tad Rabat Tale Arabies, Berbers Geldeenheid Dirham Bevolking 37 miljoen Aantal dae in die land 39 Af-tand gery 3 000 km DOT SÊ: Marokko is eksoties, kleurryk en uiteenlopend. Dis ’n land wat jy gerus kan besoek en verken. MAURITANIË Hoof-tad Nouakchott Tale Arabies, Pulaar, Soninke, Wolof, Frans Geldeenheid Ouguiya Bevolking 4,5 miljoen Aantal dae in die land 3 Af-tand gery 750 km DOT SÊ: Gedurende my kort besoek het ek uiterste armoede aanskou. Dit is nie op my lys van plekke wat ek weer wil besoek nie. SENEGAL Hoof-tad Dakar Tale Wolof, Frans Geldeenheid CFA-Franc Bevolking 16 miljoen Aantal dae in die land 8 Af-tand gery 580 km DOT SÊ: Dit is ’n land sonder winter, en die disse is net so hitsig!…

Wanneer het jy by Weg gewerk- Van 2011 tot 2014. Ek was die tydskrif se eerste fotoredakteur en het saam met al drie redakteurs gewerk: Bun Booyens, Barnie Louw and Pierre Steyn. Ek was daar toe die redaksie aan Weg #100 gewerk het. Nou trek die tydskrif al verby sy 200ste uitgawe – dit laat my skoon oud voel! Waarom bly jy in die Karoo- As rondreisende fotograaf is die Karoo-dorp Prins Albert een van my drie tuistes, saam met Kaapstad en Katmandu, Nepal. Afgesien van sy stilte is die Karoo die een wat die meeste tot my spreek. Al vier my grootouers het in ’n stadium iewers in die Karoo gewoon. ’n Mens kan maar sê ek voel dié landskap in my gebeente. Wat is jou vroegste herinnering aan…

Sommige van die gewoontes wat ons tydens die grendeltyd aangeleer het, is hier om te bly. Soos om groente aanlyn te bestel. Dis goedkoper, bring ’n mens nader aan die oorsprong van dít wat jy eet, jy ondersteun die plaaslike boere én verminder die gebruik van verpakkingsmateriaal. Hier’s ’n paar verspreiders. WES-KAAP Little Oaks Dié bekende verskaffer lewer deesdae ook by huise af. Deur vennootskappe met klein ondernemings en sjefs uit die omgewing te smee, verskaf Little Oaks ook nou werfeiers, boetiekbrode, onverwerkte heuning, kase, konfyte en bevrore maaltye. Be-tel by littleoaks.co.za Be-kikbaar vir Die Overberg, Overstrand en dorpies langs Roete 62, al die pad tot by Barrydale. Farm Fresh Direct Johannes en Shelley Viljoen het dié aanlyn-plaasmark in 2013 gestig. Jy kan enigiets van werfeiers en organiese vleis tot…

Mense vra my dikwels dié vraag, spesifiek met verwysing na giftige spesies wat jou dood kan veroorsaak. Ek dink dit sal aanmatigend wees om enige spesie se bestaansrede te betwyfel – hulle is immers almal belangrike rolspelers in ekostelsels wat inskakel by die groter prentjie van lewe op aarde. Maar kom ons bekyk nietemin die slang se rol van nader: Eerstens, slange beheer die aanwas van ongediertes. Ja, jy kan redeneer dat ander diere soos roofvoëls en klein karnivore ook dié rol vervul sonder om ’n bedreiging vir mense in te hou, maar slange is uniek: Wanneer daar ’n ontploffing in die knaagdierbevolking is, kan slange 20 keer meer as gewoonlik vreet om só ’n plaag onder beheer te bring. Ons het eenkeer in Limpopo ’n wipneuskobra gekry wat twee…

Ver-el ons van die s-ap-og. Nadat ek verlede jaar in Pretoria matriek geskryf het, het ek besluit om oor die Waterberg – die bergmassief sowel as die plato – te stap. Maar eers moes ek ’n roete uitwerk, en daarvoor het ek by Richard Wadley, die skrywer van die boek Waterberg Echoes: A Guide to the History of the Waterberg, gaan aanklop. Saam het ons met behulp van sy kaarte ’n roete oor vier dae uitgewerk. Richard ken die omgewing se geskiedenis goed. Ken Maud, die stigter van Waterberg-toerisme, en ’n plaaslike skilder, Elizabeth Hunter, het gehelp om blyplek te reël. Dit was ’n ware spanpoging! Ek het aan die onderpunt van Tarentaalstraatpas buite Modimolle, op die suidelike rand van die hoofberg, begin stap. Die eerste drie dae het ek…

Tydens die Anglo-Boereoorlog beland ’n Nieu-Seelandse meisie genaamd Florence Eleanor (Tottie) Cross in Suid-Afrika as ’n verpleegster. Ná afloop van die oorlog bly sy aan, trou met ’n Van Reenen wat ’n saagmeule in die Knysna-bos besit en open in 1922 haar eie slaghuis en algemene handelaarwinkel op Rheenendal. Dié winkel is steeds in besit van die familie, maar dis deesdae Tottie’s Country Market waar ’n mens op Sondae alles van vars brood en kleinkoekies tot pampoen, roomys en middagete kan koop. Hier’s ook ’n koffietrokkie en ’n paar klerestalletjies. Waar? ’n Klipgooi oos van Rheenendal, teen die Rheenendal-pad. Dis naby die Drupkelder-staproete – gaan stap dus op ’n Sondag en kom smul agterna! Koste Die Harvester’s Plate (verskeie slaaie, quiches en bobotie) kos R100 p.p. en ’n bord kookkos…

GEOFFREY ELLIS Nikon D7500 Nikon 200-500-lens GEOFFREY SKRYF: Ons het in die hitte van die dag in die Mankweskuiling in die Pilanesberg-wildreservaat gesit en iets geëet. Ek het later ’n paar witkruiswindswaels gewaar wat weer en weer met dieselfde roete gevlieg het. Ek kon later voorspel dat hulle keer op keer op dieselfde kol – langs die hoek van die skuiling – sou verbyvlieg, en ek kon my skoot beplan. Ná ’n hele paar pogings wat uit fokus was, kon ek ’n paar foto’s neem waarop ek trots is. Dié piepklein voëls is blitsig. Ek het ’n sluiterspoed van 1/1 000ste van ’n sekonde gebruik, ’n lens-opening van f6.3 en ’n ISO van 400. TOAST SÊ: Geoffrey, ek moet gou net eers uit my stoel opstaan en hande klap! Om…

NIKON Z 5 Dit het ’n rukkie gevat... Hoewel mededingers soos Fujifilm en Sony die weg gebaan het, is Nikon nou ordentlik by wanneer dit kom by spieëllose kameras. Die Z 5 is sy bekostigbaarste volraamkamera (onder die spieëllose kameras) en sy 24.3 megaspikkel-FX-formaatsensor beteken dat jy lekker groot leggers sal hê waarop jy later kan inzoem en jou foto op die rekenaar herraam sonder om veel gehalte in te boet. Ek het die Z 5 ’n week lank in Limpopo met die Nikon Z 24-200 mm-lens getoets. Dit is ’n gedugte kombinasie, want met dié veeldoelige lens kon ek sorgeloos padvat en – sonder om lense te ruil – met gemak die een oomblik landskapfoto’s langs die Levuvhu neem, dan ’n reismaat se portret kiek en later daai Pafuri-buffel…

Die Groot-Winterhoekberg het nie baie paaie wat die klowe en valleie binnedring nie; dus ook nie baie mense nie. Wanneer jy op ’n Vrydagmiddag ná werk uit Kaapstad ry tot waar die pad doodloop en jou naweektassie uitlaai, begin jy dadelik herlaai. Die ruim kliphuis staan op sy eentjie teen die boloop van die Olifantsrivier. Hier’s ’n swempoel, ’n mooi wilgerboom, ’n braaiplek en ’n uitsig. Hier is slaapplek vir tien volwassenes en drie kinders. Die hoofhuis het ’n oopplan-kombuis-en-eetkamer, ’n knus sitkamer met leerbanke, ’n kaggel en twee en suite-dubbelkamers. Die huis het aan twee kante ’n stoep, elk met ’n houttafel. Hier is ook boontjiesakke vir gemaklik leeglê. Teen die houttrap op is ’n gesinseenheid met ’n dubbelbed en drie enkelbeddens wat ’n badkamer deel. Dan is hier…

Ons het 13 wonderlike jare in Namibië gewoon en in dié tyd plekke soos Etosha, Damaraland en die Okavango besoek. Dis vir ons belangrik om die klein dingetjies (eerder as net die Groot Vyf ) te waardeer waar ook al ons toer. Ons is nou sewe jaar terug in Suid-Afrika en het sedertdien talle van die nasionale parke in die Oos- en Wes-Kaap, sowel as die Kgalagadi, besoek. Hoewel ons albei in ons jonger jare afsonderlik in die Kruger was, het ons dit nog nooit saam besoek nie. Ook hier was dit vir ons belangrik om aandag te skenk aan wat die kleiner diere doen – dit het juis gelei tot die neem van hierdie foto’s. Elke ondervinding soos dié gee mens ’n dieper waardering vir die natuur.…

Het jy geweet jy kan ’n gemsbok kalmeer deur ’n bietjie brandewyn op sy rug te gooi? Nee, ek ook nie. Maar dis die soort ding wat jy oor ’n koppie koffie leer by Betta, in ’n kampstoel rondom laasnag se dik laag as waar enorme steaks gebraai is vir die groep Upingtonners wat op pad Meobbaai toe is op ’n visvangtrippie. Dié manne eet tans ontbyt in die onthaallokaal onder die wakende glasoë van ’n gestopte luiperd, en twee van die grootste koedoebulle wat jy in ’n lang tyd gesien het. ’n Span honde – sommige kort en fris, ander langasems en hoog op been – woel rond op die sementvloer binne, of op die sand buite. Jy kan Betta in sommige kaartboeke opspoor, maar nie in almal nie.…

Mooi maar giftig Ek en my vrou, Martie, en ons twee dogters het die afgelope Desember laatmiddag op die strand naby Hartenbos gaan stap. Hordes bloublasies het op die strand uitgespoel, maar nie almal het hierdie helder kleure gehad nie. Ek is baie lief vir foto’s neem, maar het net by selfoon by my gehad – ek dink my Samsung Galaxy Note het hom goed van sy taak gekwyt. Die son het mooi op die nat sand weerkaats en die pienk, blou en pers van die bloublasie uitgelig. Die kleurvolle seeslakkies wat die bloublasie omring het, het ook my oog gevang. BARTHLO BARNARD, Pretoria Moenie ’n wilde perd in die bek kyk nie Ek het die afgelope Desember tyd saam met die wilde perde van die Overberg deurgebring. Dié trop…

In die tyd van die gif: ’n Jaar en ’n half in stories Deur Dana Snyman, Tafelberg R275 in boekwinkels As jy ’n boek van Dana Snyman oopslaan, weet jy wat om te verwag: Hy is ’n skrywer wat sy omgewing en die mense daarin fyn dophou, hy skrik nie vir ’n stewige dosis nostalgie nie, en hy skryf in ’n Afrikaans sonder tierlantyntjies, maar vol nuanse. Sy jongste versameling bevat 75 kórt stories – lekker as jy net hier en daar ’n paar minute vir lees kan afknyp. Hy skryf oor die 18 maande sedert die Wêreldbekerrugbytoernooi se eindstryd in November 2019: Die Bokke se oorwinning; die verwarring en vrees toe die Covid-19-virus in Suid-Afrika begin posvat; en dinge soos geloof, onsekerheid en verlies... Daar is ook ’n paar…

Die Vaalwa-er Rollermeule doen al bykans 70 jaar sake in die hart van Vaalwater. Vra vir Gert Mathlabe en sy kollegas om vir jou ’n sakvol growwe mieliemeel te maal (R50 vir 5 kg, perfek vir braaipap). As jy hoenders in die agterplaas aanhou, koop pitvoer vir R80 (10 kg), of voëltjiesaad vir R80 (10 kg). Al die produkte kom van plase in die omgewing – die grondboontjies is eersteklas! Waar? In die middel van die dorp, langs die R33 Oop Ma.-Vr.: 7.30 vm.-4.30 nm.; Sat.: 7.30 vm.-12 nm. Kon-ak 014 755 3613 (André), vlrmeule@gmail.com…

• Kyk wat die getye maak op die dae wat julle wil in- en uitroei. Tydens hoogwater gee die see jou ’n effense hupstootjie stroomop; met laagwater is daar twee, drie vlak plekke waar julle dalk sal moet uitklim om die kano oor ’n bankie rivierklippe te help. Loer aanlyn by tideschart.com. • Waterskoene is ’n moet. Daarmee kan jy op die rivierbodem vastrap sonder om seer te kry. • Onthou jou hoed en dra ’n langmouhemp vir die roeiery sodat jy nie brand nie. Ek het ook ’n sarong in die water gedoop en oor my bene gegooi. • ’n Mens mag by die hut visvang. Onthou om ’n varswaterhengellisensie by die poskantoor uit te neem. • Daar is nie selfoonopvangs of kragpunte by die hut nie. Koste Vanaf R1 570 p.n. vir tot…

Dwesa, Cwebe en Hluleka is mariene beskermde gebiede – hengel word dus streng beheer. In Dwesa mag jy slegs tussen die ingangshek en die Kobolerivier lyn natmaak, en in Cwebe slegs tussen die strand voor The Haven Hotel en die noordelike grens van die reservaat. Geen hengel word toegelaat in Hluleka nie, maar jy kan by ’n kol net buite die hek visvang. Slegs een vis mag per dag vir die pan gevang word, en geen visse mag die park verlaat nie. Jy kan by The Haven Hotel vir die sjef vra om jou vis gaar te maak. Elke hengelaar moet ’n permit hê en mag slegs tussen 6 vm. en 7nm. in die somer en 7 vm. tot 6 nm. in die winter hengel.…

HOEKOM? Ons plaas in elke uitgawe ’n keur van lesersfoto’s. Stuur elke maand jou drie beste foto’s vir ons. Toe, moenie skaam wees nie! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik.…

Romerige roereier Vir 4 Voorbereityd 10 minute Gaarmaaktyd 5 minute Jy benodig • 6 ekstra-groot eiers • 2 eetlepels gesoute botter • sout en varsgemaalde swartpeper • 1 teelepel grasuie, gekap • ½ koppie gerookte salmlinte • 4 teelepels crème fraîche • 4 vars croissants, oopgesny en gerooster Só maak jy 1 Verhit ’n swaarboompan oor matige hitte en smelt 1 eetlepel botter daarin. Breek die eiers in die pan en vou die eiers versigtig om soos wat jy dit stadig in die botter braai. 2 Voeg ná ’n minuut se braai nog ’n eetlepel botter by en hou aan oorvou. Sodra die eiers romerig en goed gemeng voorkom, kan jy dit van die hitte verwyder. Die oorblywende hitte in die pan sal dit aanhou kook en jy wil dit…

HOE LANK IS DIE TOER? 10 dae, 9 nagte TOERDATUM 8-17 Augustus 2022 WAT KOS DIT? R25 500 -er -ersoon (10% bybetaling vir enkel-ersone) BEGINPUNT Canyon Roadhouse, Visriviercanyon EINDPUNT Swako-mund INGESLUIT BY DIE PRYS • Alle verblyfkoste in lodges en gastehuise • Alle etes (drie maaltye -er dag) • Alle geadverteerde aktiwiteite • Toegangstariewe vir -arke • Professionele toerleier en fotograaf • 50% afslag o- Weg se Neem Beter Foto’s-aanlynkursus WAT MOET EK BRING? • Jou eie voertuig (een wat nie skrik vir grond-aaie nie) • Brandstof • Grens-ostariewe en -adbelasting • Drinkgoed en versna-eringe • Versekeringsdekking vir mediese noodgevalle en ontruiming HOOGTEPUNTE • Visriviercanyon • Kolmansko • Aus se wilde erde • Tirasberge en woestyntonele • Sossusvlei, Dooievlei en Sesriemcanyon • Swako-mund en Walvisbaai • Sandvishawe-4x4-uitstappie…

Die Tomjachu Bush Retreat is ’n gunsteling onder Laeveldse stappers. Die naam is ’n samevoeging van die drie Fillerybroers – Tom, Jack en Hugo – se name. Hulle grootouers, Gordon en Vikki, het dié stuk grond in 1985 aangeskaf. Dié 550 ha strek oor grasveld, bosveld en berge en die meeste van die uitgemerkte roetes oor die verskillende terreine kan ook met ’n bergfiets gery word. Soos jy kan raai, loop hier heelwat wild. “Ja, jy sal dalk die kameelperde sien, en blesbok, blouwildebees, koedoe, vlakvark, rooibok, bosbok... ook muskeljaatkatte en rooijakkalse,” vertel die bestuurder, Jay-Dean Sloane. “En daar’s 297 spesies op ons voëllys.” Die Noordelike Vlak-e-roe-e is, in kombinasie met die Groo-vy-sirkelroe-e (blou roete), ’n gemaklike 4,5 km lank en die beste keuse as jy diere wil sien. Dit…

Handelsmerk en model 1998 Ford Transit Odometerlesing -oor -ertrek 87 000 km Prys €2 000 (sowat R35 000) Ek het vir die laaibak ’n houtvloer ingesit en bo-op dit ’n enkelbed oor die breedte van die bussie ingebou met twee laaie wat onder dit inpas (foto heel bo). ’n Gasstoof, opwasbak en tenks vir vars sowel as gryswater is eenkant in ’n kabinet ingebou (foto bo). Die Porta Potti kon onder dié toonbank inskuif. Die bussie het ook ’n klerekas gehad, sowel as ’n rusbank met stoorplek onder die sitplek. Bo-op die dak het ek ’n semibuigsame 100 watt-monokristallynsonpaneel met ’n jelbattery en wisselrigter geïnstalleer. Al die ombouings het altesaam sowat R40 000 gekos.…

Die Laer-Tsi-sa-wa-erval noord van M-ha-ha in die Oos-Kaap is een van ons land se moois-es, maar verbasend min mense kom ooi- daar. Die bes-e -yd om di- -e besoek is laa-somer, wanneer die s-reek gewoonlik goeie reën kry in die opvangsgebied van die Tsi-sarivier rondom Nqanqarhu (Maclear), verder s-roomop. Nader aan Nqanqarhu is daar ook die kleiner Bo-Tsi-sa-wa-erval, maar dis die Laer-Tsi-sa-wa-erval wa- die ein-like skouspel is. Ry só om hier ui- -e kom: Neem die N2 noord van M-ha-ha en draai regs op die grondpad onmiddellik nada- die N2 die Tsi-sarivier kruis. Volg dié grondpad vir ongeveer 19 km.…