Innehållsförteckning för Jun/Jul 2022 från Weg!

Laat hoop jy jou verlofdae op vir Desember? Of dalk het die kinders se sporttoere ’n groot hap uit die spaarvarkie gevat. Selfs al kan jy nie hierdie wintervakansie weggaan nie, kan jy steeds jou kop laat reis – danksy boeke! Ons is dol op dié vyf onafhanklike boekwinkels. Laat weet ons wat jóú gunsteling is! FABLES BOOKSHOP Dié boekwinkel wat in Africana-boeke spesialiseer was vroeër jare in Makhanda (Grahamstad) naby die Rhodes Universiteit. Die eienaar, Ian Balchin, is al drie dekades lank in die bedryf en die man om te kontak indien jy op soek is na boeke wat uit druk is. Kom snuffel rond vir ’n skaars vonds (sommige van die boeke word selfs as nasionale skatte beskou), of koop ’n leesboek van een van jou gunsteling- plaaslike…

Dis taamlik skaars, maar slangbyte kom wel voor. En wanneer dit gebeur, het die meeste mense gewoonlik nie ’n benul watter soort slang hulle bygekom het nie. Dié insidente vind meestal in die nag plaas en die slang is dan in ’n oogwink weg, wat dit nog moeiliker maak om die skuldige te identifiseer. Nie dat ’n mens in die daglig ’n veel groter kans het nie. Daar is ten minste 175 soorte slange in Suider-Afrika en dit is geensins maklik om hulle uitmekaar te ken nie. Daar is al baie oor noodhulp vir slangbyte geskryf, maar die belangrikste is om so gou as moontlik by ’n hospitaal uit te kom. Die noodlottigste slangbyte is dié soort wat die slagoffer se asemhaling belemmer; by ’n hospitaal kan die persoon ten…

Koöperasiestories Deur P.G. du Plessis, Tafelberg R240 in boekwinkels Kuier weer op die stoep van die koöperasie op Gezinasrus saam met geliefde karakters soos Veldsman en Genis met hierdie heruitgawe van 30 van P.G. du Plessis se immergewilde kortverhale. Die voorblad belowe dis die“allerbeste doepa teen beswaardheid”en jy kan uitsien na verhale soos“’n Kwessie van tyd”,“Genis, geeste en gesies” en“Die verkeerde vat”. Dis ’n lekker skoot nostalgie en humor om met jou kinders en kleinkinders te deel. Jy kan selfs ’n episode of twee van die gelyknamige televisiereeks uit die vroeë 1980’s op YouTube opsoek. Palaces of Stone: Uncovering ancient Southern African kingdoms Deur Mike Main en Tom Huffman, Struik Travel & Heritage R250 in boekwinkels As ’n erfenistoer van die Mapungubwe-heuwel, waar die eerste koninkryk in Suider-Afrika geleë was,…

Addo is een van die min plekke in Suider-Afrika waar die vlerklose miskruier (Circellium bacchus) nog voorkom. Hulle is veral lief vir die mishope van groot grasvretende diere soos olifante en buffels. ’n Olifant kan tot 300 kg plantmateriaal per dag verorber. Maar omdat olifante so vraatsig vreet, is dié mis nooit goed verteer nie – jy kan die takkies en spekboomblaartjies nog duidelik uitmaak – en slegs volwasse miskruiers kan dié mis vreet. Maar buffels is herkouers met vier pense (soos beeste) en lewer ’n sagter, beter verteerde mis – die ideale broeikas vir die miskruiers se larwes. Hou ’n bietjie dop hoe hulle te werk gaan: Dis die wyfiemiskruier wat ’n bolletjie vorm, wegrol en iewers in sagte sand gaan grawe. Die enetjie wat haar agternasit, is ’n…

• Die park het ’n paar botaniese bewaringsgebiede. Mega-herbivore soos olifante, renosters en buffels het nie toegang tot dié omheinde kolle nie, daarom kan die parkbestuur die plantegroei se herstelkoers hier meer akkuraat bestudeer. • Toe die park gestig is, was hier ’n trop van 30 buffels en die huidige bevolking is steeds hulle afstammelinge. Addo se buffels leef dus generasies reeds in afsondering en is daarom siektevry, sonder enige gevalle van beestering, korridorsiekte of beken-klouseer. Dit maak Addo-buffels baie gesog op wildveilings. • Die Colchester-kusgebied is nie oop vir besoekers nie. Die nabygeleë St. Croix- en Voëleiland huisves onderskeidelik Afrika se grootste broeikolonies witmalgasse en brilpikkewyne.…

Die Tour de Addo is ’n jaarlikse fondsinsameling vir die bewaringsprojekte van ereveldwagters in Addo. Buiten vyf dae te fiets deur die veld behels dit ook luukse tentkampe, lekker etes, ’n wildrit en selfs high tea – alles in die Nyathi-, Zuurberg-, Kabouga- en Darlington-dele. Daaglikse afstande wissel van 12 km tot 36 km en gewapende veldwagters begelei die groep. Koste R14 950 p.p. (inskrywings sluit 1 Augustus) Wanneer? 24-29 Augustus Kontak tourdeaddo.com Veldlopers kom jaarliks byeen vir die Addo Elephant Trail Run vir drie gróót wedlope. Kies tussen 44 km, 76 km (Ryan Sandes hou tans die rekord op net minder as 7 ure) of die 100 myl (160 km, jy hardloop dan so net-net langer as ’n dag en ’n nag... aaneen). Die 100 myl-wedloop begin by die…

KLEIN PELLA ’n Enorme dadelplaas net wes van Pella met lieflike kampplekke en netjiese ablusies. Ook ’n gastehuis, restaurant en ’n mooi swembad. Koste Kamp: R150 p.p. Gastehuis: vanaf R500 p.p. Kontak 054 972 9712; kpguesthouse@karsten.co.za BOESMANLAND VELDHUISIE Dié huisie is weggesteek in die Boesmanlandse veld tussen Kakamas en Loeriesfontein. As stiltes, sterre, ooptes en stap vir jou goed klink, moet jy vir ’n hele paar dae kom. Koste R350 p.p. Kontak 078 320 2272 of soek “Boesmanland Veldhuisie” op Facebook ROOIBERG GASTEPLAAS Pragtige en netjiese selfsorgverblyf op die Van Schalkwyks se plaas, Vleiwerf, sowat 20 km buite Williston. Drie slaapkamers met plek vir ses mense. Koste Vanaf R270 p.p. Kontak 082 373 6701 of soek “Rooiberg Guest Farm” op Facebook BIESIESLAAGTE GASTEPLAAS Dié ou plaashuis is mooi opgeknap en…

HOEKOM? Ons plaas in elke uitgawe ’n keur van lesersfoto’s. Stuur elke maand jou drie beste foto’s vir ons. Toe, moenie skaam wees nie! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik.…

Oondgebakte hoenderkerrie Vir 6 ruim porsies Voorbereityd 30 mi-ute plus mari-eertyd Gaarmaaktyd sowat 1 uur Oondtemperatuur 180 °C Jy benodig • 12 hoe-derboudjies • 1 eetlepel tamatiepasta • 2 eetlepels matige masala • 2 k-offelhuisies, gekap • 2cm vars gemmer, geskil e- gerasper • sap va- ’- halwe suurlemoe-• sout e- varsgemaalde swartpeper -a smaak • 2 lourierblare, gekrummel • 1 koppie jogurt • 1 groot eiervrug, i- duskyfies ges-y • sowat 300 g pampoe-, i- duskyfies of blokkies ges-y • 1 eetlepel olyfolie • 1 teelepel vi-kelsaad • 1 blik (400 g) gekapte tamatie • 1 koppie room • 1 rooi bra-drissie, gekap • 100 g geroosterde kasjoe-eute • gestoomde rys e- roti’s vir voorsit Só maak jy 1 Gebruik ’n skerp mes en maak twee diep insnydings in elke stuk hoender – dit help dat die geure beter intrek. Meng nou die tamatiepasta, masala, knoffel, gemmer,…

Die skerp fluit van ’n gewone willie klink op. Ek kyk rond. Rondom my reik die bome sonwaarts. Al met die voetpad langs kabbel ’n stroompie en die lug is swaar en vogtig. ’n Skielike flits van rooi vang my oog. Wat was dit? Ek tree uit die paadjie om die helderrooi streep tot by ’n mingerhoutboom te volg. En daar sit hy – ’n bosloerie, ’n uiters gesogte spesie op enige voëlkyker se lys. Wat ’n gesig! Ek stryk aan en ’n paar minute later staan ek by ’n helder poel aan die voet van ’n waterval. Hierdie plek is soos die paradys, en dit was nie eens moeilik om hier uit te kom nie nie. Om die waarheid te sê die Watervalroete is die mees toeganklike staproete in…

O, jy wil begin voëls kyk? Het daai “Besig om voëls te kyk – hou verby!”- bufferplakkers jou oortuig? Voordat dié gesprek enigsins verder gaan, moet ek jou waarsku: Dié saak is ’n eenrigtingstraat. Sodra jy begin, is jy reeds by omdraai verby. Voor jy weet, beplan jy elke vakansie rondom spesies wat nog op jou lewenslysie kort – en dít behels droombestemmings soos die verlate vlaktes rondom Brandvlei, iSimangaliso se moerasse vol muskiete en – durf ek dit noem! – Strandfontein se rioolwerkaanlegte. Jy gaan al jou spaargeld op Duitse lense blaas. Ook vlugte op die laaste nippertjie bespreek na plekke waar skaars voëltjies hou. Jy sien, voëlkyk is maar net die drumpeldwelm wat onvermydelik tot ’n nóg groter probleem lei: avontuur. Want dis gratis en pret en ’n…

GAMBIË Hoofstad Banjul Tale Mandinka, Wolof, Engels Geldeenhe-d Die Gambiese dalasi Bevolk-ng 2,4 miljoen DOT SÊ:Dis ’n klein, arm land wat deur die Gambiërivier oorheers word. Die manglietwoude langs dié watermassa is indrukwekkend. GUINEE Hoofstad Conakry Tale Pula, Mandinka, Susu, Kissi, Kpelle, Toma en Frans Geldeenhe-d Guinese frank Bevolk-ng 13 miljoen DOT SÊ: Die mense wat ek ontmoet het, was vriendelik, maar die land word deur onderontwikkeling lamgelê. DIE IVOORKUS Hoofstad Yamoussoukro Tale Bété, Dyula, Baoule, Abron, Agni, Cebaara Senufo en Frans Geldeenhe-d Wes-Afrika frank (CFA) Bevolk-ng 26,4 miljoen DOT SÊ: Die land is oortrek met plantasies en het ’n pragtige kuslyn.…

Nie net mooi vir sy mamma nie Ek het hierdie dierbare oomblik in Januarie 2022 vasgevang toe ons in die noorde van die Krugerwildtuin was. Ons het die S63-grondpad verby die bekende koorsboomwoud en die Pafuri-piekniekplek gery en op ’n troppie blouape afgekom. Daar was heelwat kleintjies, maar hierdie een het my aandag getrek. Hy het aardige gesigsuitdrukkings gehad, van kwaad tot tong uitsteek, maar hierdie oomblik het my hart gesteel. MARELIZE OTTO, Pretoria My taak is volbring Ek het hierdie visarend uit die voëlskuiling by die Mankwedam in die Pilanesberg-wildreservaat afgeneem. Ons besoek die reservaat gereeld om die verskeidenheid voëls en diere, insluitend die Groot Vyf, te sien. Ek is lief vir voëlfotografie en die skuilings in die reservaat bied besonderse fotogeleenthede. My hoofdoel met my onlangse vakansie was…

CapeNature het weer ’n spesiale aanbod van ’n allemintige 40% afslag op sekere van sy selfsorgeenhede en kampplekke van 1Mei tot 31 Augustus. Pak jou fiets, stapskoene, voëlgids, verkyker en rooiwyn vir voor die kaggel! Die aanbod geld by dié reservate: Anysberg (slegs kamp) Cederberg (Algeria-kothuise, Kliphuis-kothuise en kamp) Gamkaberg Goukamma Grootvadersbosch Keurboomsrivier Kogelberg Limietberg (TweedeTol-kampterrein) Marloth Rocherpan Robberg Vrolijkheid Hoe bespreek ek? booking.capenature.co.za; reservation.alert@capenature.co.za; 0870878250 Let op die B’s & V’s op die webwerf. Die Walvis-staproete, berghutte, Gamkaskloof-natuurreservaat en alle selfsorgverblyf in die Anysberg-reservaat is byvoorbeeld uitgesluit.…

1919Maj. P.J. Pretorius kry opdrag om die laaste olifante in die gebied uit te skiet. 1931Met slegs 11 olifante oor word die Addo-olifant- nasionale park (45 km2) gestig. Die diere verniel egter steeds plase en beland voor treine. Die destydse veldwagter, S.H. Trollope, sit lemoene, pampoene, lusern en pynappels uit om die olifante binne die parkgrense te hou. 1954Die parkbestuurder Graham Armstrong span -n olifantbestande heining rondom die bewaringsgebied. Hy gebruik 4 m lange tremspoorstawe vir sparre en hysbakkabels vir draad. Teen dié tyd is daar 22 olifante in die park. 1956-1958Springbokke word in die park vrygelaat, maar vrek op -n streep van hartwater. Oor die volgende 20 jaar word swartrenosters en seekoeie in afsonderlike kampe met uitkykpunte teenaan die heining gevestig. Addo kry ook elande, sebras en vlakvarke. 1960’s-n…

Die Hapoordam is genoem na ’n bul wat van 1944-1968 sy septer hier geswaai het. ’n Jaggeweer was glo die oorsaak van die groot hap uit sy linkeroor en die insident het die ou vir die res van sy lewe beduiweld gelaat. Weens sy woede het hy in 1959 ’n ander bul, Bellevue, gedood toe dié hom tot ’n tweegeveg uitgedaag het, en Hapoor was ook verantwoordelik vir die dood van ’n koei, Ouma – sy is dood ná vier tandsteke in die kop. Sy tirannie het in 1968 tot ’n einde gekom toe een van Ouma se kleinseuns, Lanky, die 44-jarige Hapoor onttroon het. Vir die res van sy lewe het hy alleen rondgedwaal, en op ’n dag oor Armstrong se ondeurdringbare grensdraad geklim. Die veldwagters was verplig om…

Hektye Oktober tot Maart: 5.30 vm. tot 6.30 nm. April tot September: 6 vm. tot 6nm. Ongeag by watter hek jy inry of watter deel jy besoek, betaal jy ’n daaglikse bewaringstarief van R90 p.p. en R45 per kind (gratis met ’n Wild Card). Geen sitrus! Addo se olifante storm nog steeds wanneer hulle lemoene ruik – los eerder daai sakkie by die huis. Wildritte Daar vertrek elke dag ses wildritte op verskillende tye uit die Hoofkamp. Vir die meeste kan jy ’n uur voor die tyd plek bespreek, behalwe die eerste vroegoggendrit (wat om 6 vm. vertrek) – daarvoor moet jy ’n dag vooruit bespreek. Alle opsies kos R439,35 p.p. (R219,17 vir kinders tussen 6 en 11 jaar oud), behalwe vir die nagrit wat duurder is: R469,65 p.p. en…

Die eksklusiewe Nyathi-ruskamp lê 12 km van die Hoofkamp af in ’n omheinde gebied met leeus, olifante, swartrenosters, buffels en elande. Die selfsorgeenhede het elk ’n braai op ’n houtdek en die groter eenhede het ook elkeen ’n plonspoel. ’n Eenheid met slaapplek vir twee kos R2 350 p.n., een met slaapplek vir vier kos R5 200 p.n. en die gesinseenheid (slaapplek vir ses) kos R4930 p.n. vir die eerste vier mense, R530 per ekstra persoon, R265 per kind. Die Narina-boskamp in die Zuurberg-gebied bestaan uit vier tweemantente met gemeenskaplike ablusieblok en ’n toegeruste kombuisie. Die kamp word as ’n eenheid verhuur. Dit kos vanaf R1 545 vir die eerste vier kampeerders, R290 per ekstra persoon, R145 per kind. Hier is geen elektrisiteit nie.…

WES-KAAP Die Kaapse Plooiberge kry bykans elke jaar sneeu. Matroosberg naby Ceres is gewoonlik eerste aan die beurt. Verder weg van Kaapstad af is die Sederberg en die Swartberg puik sneeukykplekke waar gewoonlik minder skares saamtrek. CERES Nandi William- van Houtbaai -kryf: In Augustus verlede jaar hoor ons Ceres het pas ’n vars sneeukombersie gekry. Met die minimum voorbereiding klim ons summier in ons Landie, Lula, om te gaan sneeukyk. Volgende keer sal ons beslis meer warm klere saamvat! Op pad soontoe besef ek dat die ganse Kaapse bevolking van die sneeu te hore gekom het, want ’n rit wat gewoonlik sowat twee ure duur, trek naderhand by vyf! My man, Grant, grom al meer. Hy’s is dol op avontuur, maar haat verkeer. Moet ons nie eerder omdraai nie? Maar…

Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan in die volgende uitgawe só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat dan in “Mense se Lense” gepubliseer word. Dié produk is beskikbaar by winkel.weg.co.za…

“Dit voel asof ’n mens deur Skotland reis,” is hoe my broer die Clarensomgewing beskryf. Voordat jy dink hy is die liriese digtersoort, moet jy self die R712 kom ry wat eers deur die Golden Gate-Hoogland- nasionale park kronkel voordat dit 38 km later by Clarens uitkom. Waar anders loop ’n streekspad deur ’n park? Waar die Drakensberg groot en goud bo jou glinster, en ’n rooijakkals of kleingrysmuishond oor die teer skiet na skuiling in die grasvlaktes... Wanneer jy Clarens uit die noorde van Bethlehem af nader, daal die R712 deur die Naauwpoortnek tot aan die voet van die Rooiberg. Die pienk kranse gee die dorp ’n stywe druk. En ten suide troon die pers kurwes van die Malutiberg duskant Lesotho se grens hoog die lug in. Juistement dat…

ZOELOELAND - MAPUTALAND HOE LANK IS DIE TOER? 8 nagte, 9 dae (verblyf in tente) TOERDATUMS 27 November – 5 Desember 2022 HOEVEEL KOS DIT? Koste R15 750 p.p. Halfprys vir kinders jonger as 10 WAT INGESLUIT IS • Die dienste van ’n ervare toergids • Tweerigting-radio’s vir alle voertuie • Alle kamptariewe, toegangstariewe, en geadverteerde aktiwiteite • Alle tente en kamptoerusting, insluitend eetgerei en breekgoed • Drie maaltye elke dag, plus koffie en tee by die kampplek WAT JY MOET BRING • Jouself en jou gesin • Jou eie voertuig en brandstof • Jou eie stoele • Jou eie drink- en snoepgoed TENT VERBLYF Dag 1: Hluhluwe-iMfolozi Die groep ontmoet by die Memorial Gate in die noordelike hoek van die Hluhluwe-iMfolozi-wildreservaat. Die gids deel inligting oor die toer, deel radio’s uit en ons geniet middagete. Die pad na…

Die kampterrein, net ’n klipgooi van die see af, is dolleeg. Al wat op die strand rondhang, is ’n paar vaalstrandkiewiete en ’n skare bamboes. Dis seker nie ongewoon vir ’n Weskusdorpie nie, maar dis 2 Januarie en nog hóógseisoen. Al langs die kus wemel stranddorpies van sambrele, kinders op fietse, tieners, surfers en stalletjies... Nie op Hondeklipbaai nie. Dié dorpie met ’n stuk of 400 huisies omring deur vlaktes grysbossieveld lê soos die kraai vlieg 90 km noordwes van Garies. Jy gaan nie sommer hier verbyry nie; jy kom omdat jy die plek liefhet of omdat jy nuuskierig is. Van waar ek op die dek van een van die huisies van die Honne-pondokkies-oord sit, het ek ’n uitsig oor ’n groot deel van die dorpie. Hier’s nie ghrênd Toskaanse…

Suidelike noorkappers migreer tussen Junie en Oktober van Antarktika af na Wes-Kaapse baaie om te kalf. Daar word al om die drie jaar lugopnames in die gebied tussen Nature’s Valley en Muizenberg gemaak om die aantal koeie en kalfies te tel. In 2016 is die laagste getal – 55 pare – in 32 jaar getel. In Oktober 2021 was daar darem meer as 191 pare, maar dié syfer is steeds te laag. “Sedert walvisjagtery gestaak is, is die herstel van die suidelike noorkapperbevolking ’n groot suksesverhaal. Maar oor die laaste dekade raak walvisse maerder, kalf minder gereeld en verlaat hulle teelwaters vroeër,” verduidelik dr. Els Vermeulen, bestuurder van die walvis-eenheid van die Universiteit van Pretoria se soogdiernavorsingsinstituut. Laasgenoemde monitor die suidelike noorkappers al sedert 1969 – dis die langste aaneenlopende…

Koste Jy betaal slegs die daaglikse bewaringstarief (R90 p.p., R45 per kind) om die roete te stap. Verblyf Jy hoef nie die Alexandria-roete (kassie hiernaas) te stap om in die twee Langebos-staphutte te bly nie. Elke hut het slaapplek vir vier (een dubbel- en twee enkelbeddens) en ’n oopplan-leefvertrek-en-kombuis. Die twee hutte deel ’n braaiplek en badkamer. Die Langebos-kamp word as ’n geheel verhuur teen R1 770 p.n. vir die eerste vier mense (R290 per ekstra persoon, R145 per kind). Die Umsintsi Cottage is ’n ou brandwagtoring wat in ’n huisie omskep is. Onder is ’n kombuisie, met ’n dubbelkamer bo. R1 180 p.n. vir twee. Kontak 041 468 0916; matyholweni @sanparks.org (Matyholweni hanteer Woody Cape se besprekings) STAP SEE TOE Die twee dae lange Alexandriaroete (36 km) loop van die…

Verblyf Tariewe wissel na gelang van die seisoen. Matyholweni het selfsorgeenhede, maar g’n winkel of vulstasie nie. ’n Kothuis met slaapplek vir twee: vanaf R1 695 p.n. Die kothuise met slaapplek vir vier is dieselfde geprys vir die eerste twee gaste; jy betaal R290 per ekstra persoon, R145 per kind. In die Addo-hoofkamp is daar verskeie opsies: Kamp (met krag): vanaf R350 en ’n woonwastaning (met krag) vanaf R365 vir die eerste twee mense, R100 vir elke ekstra persoon. Safaritent vir twee (gedeelde kombuis en ablusie): vanaf R945 p.n. Chalets met slaapplek vir twee: vanaf R1 265 p.n. ’n Eenheid met twee enkelbeddens en ’n uitvouslaapbank: vanaf R1 790 p.n. vir die eerste twee mense (R300 per ekstra persoon, R150 per kind). ’n Selfsorg-gesinschalet: vanaf R2480 p.n. Domkrag- en Hapoor-gastehuis:…

Bedrogfontein-4x4 R655 per voertuig per dag. Waar? Die Kabouga-hek is naby Kirkwood. Volg Sonopstraat noord uit die Hoofstraat, draai regs in Eurekaweg en hou vir 2,5 km aan. Verblyf Die Kabouga-plaashuis het slaapplek vir ses mense en alles werk met gas. Hier’s ’n lieflike sementdam om in te swem, en neffens dit ’n leë dam wat as braailapa dien. Dit kos R740 p.n. vir die eerste twee mense, R290 per ekstra persoon, R145 per kind. Die Mvubu-kampterrein het ses stanings (maksimum vier mense) naby die sameloop van die Kabougas- en Sondagsrivier. Dis eintlik net ’n grasveldjie met ablusie. In 1992 is seekoeie in die Sondagsrivier vrygelaat en die trop wat tans hier hou, is sowat 20 diere. Wees gewaarsku: Jy kamp op eie risiko. As jy kans sien om die…

DOMINIQUE MAREE IG: @dominique_wildlife_ photography Nikon D810 Nikon -00 mm-lens DOMINIQUE VERTEL: Ons was in Desember 2018 op toer deur die Kgalagadi-oorgrenspark en het vroeg een oggend van Nossob af in die rigting van Twee Rivieren gery. Ons kom toe ’n troppie leeus teë en stop by twee ander voertuie wat staan en kyk. ’n Wyfie het onder ’n boom gelê met twee welpies wat by haar speel. Later stap ’n groot trop springbokke stadig nader al met die Nossobrivier langs. Dit het die welpies geweldig geïnteresseer. Hulle ma was rustig en het hulle gelos om die trop springbokke dop te hou. Toe die springbokke redelik na aan die welpies was, het die wind skielik gedraai. Die trop het die gevaar geruik en wegbeweeg. Dis toe dat ek hierdie foto…

Oorkantste blad. As fietsry nie vir jou is nie, is perderitte beskikbaar om die dorpsplein ( 073 695 8759). Groet vir kwaaikat Olivia-Hope by House of Woven Art, of lees die stories geskryf in die kranse bo die Glen Reenen-ruskamp, Golden Gate-Hoogland- nasionale park. Jocelyn Hayward, Clarens In-eriors “Jare gelede het ’n groep kinders ’n groot smiley face op die kennisgewingbord geverf wat by Berg Horeb staan. Mense stap graag na die bord om ’n foto te neem. Tik ‘Smiley face on Mount Horeb’ in op Google Maps. Die meeste van die plase rondom Clarens het ook staproetes om te verken soos die Yellowstone-roete ( 083 297 7209) op pad na Bethlehem. “Daar is ’n oulike skemerkelkiekroeg oorkant die Metodistekerk, Triple Two On Main 078 005 2224). Dit is tradisie…

Ek en my vriende Toy en Marianne Kruger was in Mei 2021 in die Krugerwildtuin. Tweeuur een middag ry ons op die S30-roete van die Mlondozidam af in die rigting van Skukuza. Toe ons by ’n laagwaterbruggie stop om te kyk wat in die spruitjie aangaan, sien ons ’n berghaanwyfie op die sand naby die water. Sy stap rond asof sy na iets soek, en spring toe skielik op ’n klip en pluk ’n vis uit die vlak water! 1 Die vis was reeds dood, maar blykbaar nog vars genoeg om te eet. Ek het begin foto’s neem met my Panasonic Lumix FZ2500. Ons was die enigste kar wat gestop het om te kyk wat gebeur. Die berghaan gewaar toe iets in die lug – ’n roofarend – en sy…

Dis ’n nagmerrie om uit Dakar te kom. Dis al donker toe ek buite ’n kerk ’n staanplekkie vir die aand kry. Die brandwond op my been (ek het te na aan ’n motorfiets se uitlaatpyp gestaan, sien Weg #201) het begin ontsteek, en my nagrus was ongedurig. Teen sonsopkoms is ek op pad. Daar lê vandag twee veerbootkruisings voor; die eerste een by Foundiougne oor die Saloumrivier. Daar gekom, is slegs een van die twee veerbote in gebruik. Die voertuie wat staan en wag om aanboord te gaan, is swaar gelaai. Logge vragte goed is tot bo-op die dakke vasgebind. Hulle oorskadu letterlik my bussie, BlueBelle. Dis ’n mooiweersdag met slegs ’n paar wolkies wat op die rivierwater weerkaats. Die plaaslike vissermanne se kleurryke handgemaakte bote lê aan wal…