Innehållsförteckning för Feb/Mar 2024 från Weg!

PIERRE SÊ Die skep van elke uitgawe van Weg en die lees daarvan is soos om deur die fotoalbums van my verlede te blaai, maar terselfdertyd maak ek wenslysies vir die toekoms. Die wenfoto van die seekoeikoei en haar kalf in die Kosimeer op bl.70 is dalk dieselfde twee wat ek verlede jaar op ’n bootvaart op die einste meer lank dopgehou het terwyl hulle rustig gewei het. Daai padbord naby Onseepkans waaroor Toast op bl. 126 skryf? Ja! Ons het hom gesien toe ons jare gelede soontoe is om op die Oranjerivier te gaan roei. En ek onthou hoe ek as tiener menige somernaweek skuiling agter die hutjies op Muizenberg se strand (bl.129) gesoek het wanneer die suidooster klokslag op die middaguur sand begin rondwaai. Maar die vyfdagstap in…

Die insekkenner DUNCAN MACFADYEN antwoord: Dis ’n harige gouewawielwebspinnekop en kom algemeen in Suid-Afrika voor. Die mannetjies is baie kleiner as die wyfies en paar gewoonlik net met een wyfie in hulle leeftyd, deels omdat hulle nie altyd die paringsproses oorleef nie. Die mannetjies het buisvormige organe wat hulle gebruik om voort te plant. Hulle breek hierdie organe binne-in die wyfie se twee geslagsopeninge af om die spermselle oor te dra en om ander mannetjies se pogings om te paar te keer totdat die wyfie haar eiers gelê het. Die wyfie maak soms die mannetjie tydens die proses dood en sal hom ook opvreet – die mannetjies van die spesie het aangepas en kan hulle bene amputeer om te ontsnap. Die spinnekop maak graag sy web waar prooi volop is,…

KORTLIKS Luiperds is beslis die ontwykendste van al die groot katte. Daar is wel ’n paar plekke waar hulle redelik gewoond is aan wildkykvoertuie, maar in die algemeen doen hulle hulle bes om skimme te bly. Navorsers moet ander maniere vind om data in te samel, en dis een gebied waar tegnologie ’n enorme verskil gemaak het. Veldkameras – ook genoem strikkameras – raak al gewilder. Natuurleweentoesiaste, navorsers, wildbewaarders, boere en teenstropingseenhede gebruik deesdae hierdie doeltreffende en onopvallende toestelle om te sien wat diere (en soms mense!) alles aanvang. Aanvanklik is afstandskameras slegs gebruik om diere vir die mooiheid af te neem. Die eerste ware strikkameras dateer uit die laat 1800’s. Dit was basiese eenhede wat met ’n struikeldraad gewerk het: ’n Dier sou aan ’n stukkie aas byt en…

PROFIEL “Kyk, daar vlieg twee!” Hugh Chittenden beduie na twee groterige, donkerkleurige voëls wat met swaar vlerkgeklap uit die heuphoogte gras tot bo in ’n boompie vlieg. Dis ’n bedompige, bewolkte oggend in Februarie en ons staan in ’n vleierige stuk grasveld in die Umlalazi-natuurreservaat langs Mtunzini in KwaZulu-Natal. Die voëls is swartvleiloeries wat – hoewel redelik wydverspreid reg oor Afrika – een van die skaarsste spesies is om in Suid-Afrika te sien. Dié andersins onmerkwaardige stukkie veld is een van hulle vestings, en Hugh hou al seisoene lank hulle broeigewoontes dop. Ek stap versigtig nader om ’n nabyskoot van een van die swartvleiloeries te kry – die ander een het reeds weggehop en in die gras verdwyn waar hulle kos soek. Dan stap ons terug na Hugh se wit…

Hoender met nektariens en heuning Vir 4Voorbereityd 30 minuteGaarmaaktyd 45 minute Jy benodig • 4 hoenderkwarte (bouden dystukke of 8 dye)• 1 teelepel matige kerriepoeier• sout en peper na smaak• 2 eetlepels olyfolie• 1 eetlepel botter• 1 teelepel paprika• 1 selderystingel, gekap• 3 preie se wit gedeeltes, gekap• 3 knoffelhuisies, gekap• 1 koppie hoenderaftreksel• 1 koppie lemoensap• 2 ryp nektariens, ontpit en elkeen in 8 wiggies gesny• 1 eetlepel heuning• 2 eetlepels platblaarpietersielie, gekap Só maak jy 1 Sny diep kepe deur die vel van die hoenderstukke tot op die been, sowat 1,5 cm uitmekaar. Vryf die kerriepoeier, sout en peper oraloor die hoenderstukke – tot onder die vel ook. 2 Verhit die olie en botter saam in ’n oondvaste pan en braai die hoenderstukke tot oraloor goudbruin. Roer die…

Wieeeeee... hoor jy vaagweg doer bo die blaredak. As jy jou oë skrefies trek, sien jy ’n fyn lyn wat van die oostelike krans na die westelike krans van die kloof strek. ’n Piepklein figuur bengel aan dié lyn – dis die ouens van Knysna Ziplines wat vroegoggend die glykabels nagaan. Jy kyk dankbaar af na jou tekkies wat geanker staan op die sagte grond van die woudvloer. Maar dié paadjie hou ook heelwat avontuur in! Die Kranshoek-dagroete is vir diegene wat die ikoniese vyf dae lange Otter wil stap, maar sukkel om die tyd af te knyp. Die 9 km- sirkelroete loop deur die Harkerville-deel van die Tuinroete- nasionale park en gee vir jou ’n blik van wat jy te wagte kan wees op die Otter. En dis ook…

OOSAFRIKA Deel 3REISJOERNAAL Dit het ’n hele paar taxiritte gekos om van die dorpie Songwe by die Malawi-Tanzanië-grens tot by Nkhata Bay aan die oewer van die Malawimeer te vorder – dié skof van 315 km het sowat 12 ure geneem. Die bestuurders is gereeld by padblokkades deur die polisie afgetrek om een of ander boete te betaal... kwansuis omdat hulle vyf zungus (wit mans) in die motor het. Dit het ons telkens sowat 20 minute en R20 gekos om die situasie te ontlont. My seun, Ryan, my vriende Pete Meyer en Paul Kalil, en Paul se seun, Josh, reis saam met my. By Nkhata Bay neem ons ons intrek vir drie nagte by die Soul Rebel Lodge & Backpackers. Dis ’n welkome blaaskans en ons beoog om ’n slag…

PIERRE SÊ Ons publiseer vandeesmaand die laaste aflewering van Ian Tyrer en sy vriende se baldadige reisjoernaal (sien bl. 118). Ian se vrou, Mandy, het ’n onmisbare rol gespeel deur die ekspedisie se leisels uit die“hoofkwartier”op hulle plaas by Richmond, KwaZulu-Natal, vas te hou. Mandy, hoe hou jou senuwees dit wanneer Ian in die gramadoelas verdwyn? Ek het groot waardering vir Ian se avontuurlus – dis immers wat my twintig jaar gelede na hom toe aangetrek het. Ek is nooit bekommerd wanneer hy op reis gaan nie. Hoe meer dinge skeefloop, hoe beter is die stories wat hy na die tyd kom vertel! Ian kan in die meeste situasies kophou, maar sou hy werklikwaar in groot moeilikheid beland, weet ek ek sal kalm bly en een of ander plan bedink.…

EDDIE COOMBES Canon EOS 7D Mk. IICanon 70-200 mm-lens EDDIE SKRYF: In September 2023 het ons sewe wonderlike dae in die Kruger geniet. Vroeg een oggend het ons van Satara af suidooswaarts gery in die rigting van die N’wanetsi-piekniekplek. Kort voor die piekniekplek het ek op die ingewing van die oomblik besluit om suid te draai na die Sweni-voëlskuiling. Skaars een kilometer van Sweni af kom ons toe af op 15 wildehonde! Dit was ’n besonderse sighting, want vir ’n goeie kwartier lank het ons die ses volwasse en nege jong wildehonde nét vir ons gehad. Hierna het drie ander voertuie opgedaag en saam kon ons vir nog 15 minute die honde waarneem. Ek het talle foto’s geneem, maar hierdie een was my gunsteling. Die sluiterspoed was 1/4 000ste van…

Soos wat enige goeie en volwasse liefdesverhouding betaam, is ek versot op Suzi Quatro, my klein olyfgroen Suzuki Jimny, ondanks al haar tekortkominge. Sy’s nie prakties nie – net drie deure en ’n piepklein kattebak wat eintlik net bruikbaar is as jy die agterste sitplekkies heeltemal platslaan. Sy’s ook nie vinnig nie. Op die teerpad moet jy jou verbysteekslae ’n week vooruit beplan, en enige spoed vinniger as 110 km/h voel onbetaamlik. Want Suzi is so aërodinamies soos Ox Nche, maar Ox se hart klop veel sterker as die 1,5 ℓ-enjintjie onder die Jimny se enjinkap. Maar hoe rowwer en onbeskofter die omgewing, hoe meer gedug is my klouterkabouter. Soos ’n dapper muis, is daar niks – sand, duin of klippe – waarvoor sy skrik nie. En as ’n stadsmotortjie…

Wat het jy op jou matriekvakansie gemaak? Foute? Die meeste van Pretoria se jeug is met ’n kas bier en ’n swembroek see toe... Ballito, Umhlanga of Margate. Ek en ’n paar vriende het dié eeue oue tradisie voortgesit. Ná ’n week van moeilikheidsoek saam met my pelle, het ek gaan voëlsoek. Heel eerste op my agenda was die dikbekfret. In daai stadium was daar ’n spesifieke dorpie aan die Natalse Suidkus waar voëlkykers dié een gaan soek het. Park Rynie? Pennington? Ek kan nie mooi onthou nie – dis al meer as twee dekades gelede. In elk geval, ek ry toe maar rond totdat ek in ’n voorstad met groot bome beland. Onthou, hierdie was lank voordat jou voëlkykvriend net vir jou ’n pin gestuur het! Ek parkeer op…

Ek stop gereeld by plekke in die middel van nêrens waar ek kan sien dat mense lank vir ’n geleentheid gesit en wag het. In dele van ons land waar mooi bome staan, sal só ’n wagplek altyd onder ’n boom wees. Maar in sommige streke is daar nie skadubome nie. Dan wag die ryloper maar by ’n padbord, wat darem op ’n sekere uur skaduwee bied. By sulke padborde talm ek dikwels, want ek weet ook dat wagtende rylopers verveeld raak en dan goed op die borde skryf. Dis gewoonlik net ’n naam, of so en so wat lief is vir so en so. Soms ’n vloekwoord in hoofletters. In Juniemaand laasjaar ry ek van Onseepkans die Boesmanland in. Dis ’n sinkplaatpad wat jou afgelope dekade se tandartswerk goed…

Dis net mýne! Ons het in November 2023 in die Sandrivierboskamp in die Krugerwildtuin gebly. Dis naby die Skukuza-ruskamp en word deur Sanparke se ereveldwagters bestuur. Ons het een middag net buite die kamp op hierdie luiperd en sy vangs afgekom. Hiënas het onder die boom gewag en die rooibok se lam het onder ’n bos weggekruip. Ons het veilig foto’s uit ons voertuig geneem totdat die luiperd homself uit die voete gemaak het – kyk net daardie oë! Die volgende oggend het ons saam met ’n gids in die gebied gestap en net die rooibokkarkas was oor. Wat ’n ongelooflike ervaring! EMILL HABIG, Vereeniging SKRYF AAN ONS EN WEN! Emill wen ’n Zartek ZA-476-LED-kollig ter waarde van R2 350. Hierdie kollig is herlaaibaar en lewer ’n sterk ligstraal van…

The Woodpecker Mystery: The Inevitability of the Improbable Deur Nick Norman, The Franschhoek PressR295 in boekwinkels Die geoloog Nick Norman was hard aan die werk aan ’n mynprojek in Brasilië in die 1970’s toe hy eendag iets eienaardigs in die veld in die suide van Bahia opmerk: ’n Speg wat byna net soos die spegte lyk wat hy tuis in Suid-Afrika ken. Op sy vele besoeke aan Suid-Amerika later jare het hy nog soortgelyke voël- en boomspesies gesien en hy het begin wonder: Hoe het hulle aan die ander kant van die Atlantiese Oseaan beland? Hierdie boek is sy poging om hierdie raaisel op te los. Norman verdiep hom in ’n verskeidenheid onderwerpe soos vastelandskuiwing, plaattektoniek en seestrome. Hy is bekend vir sy boeke oor geologie, insluitend Geological Journeys: A…

NORTH FACE MULLET BRIMMER Net soos jou stewels, rugsak en stapstok is ’n goeie en gemaklike breërandhoed een van daai goed wat op ’n lang staptog die verskil tussen ’n foltering en ’n fees kan maak. Maar soos Weg se stapghoeroe en redakteur van ons Stapgids Sophia van Taak tereg sê: “ ’n Vol rugsak en die agterkant van ’n hoed wat heeltyd teen mekaar stamp, is nie goeie pasmaats nie”. Sy het haar al moeg gesoek na ’n hoofbedekking met ’n lekker breë rand voor en ’n flap agter wat ’n mens se nek teen die son beskerm. Dié hoed van North Face is ’n goeie oplossing. Dit lyk dalk soos die haarstyl van ’n Australiese rugbyspeler, en soos met enige goeie mullet word die sake voorlangs gedoen terwyl…

Twee paradysvlieëvangers het in Oktober 2021 in ’n silwereik in ons tuin in die voorstad Klein Windhoek begin nesbou. Ek het in verwondering toegekyk hoe die voëls boumateriaal in hulle snawels aandra: worteltjies, bollings spinnerakke, stukkies bas, droë blare... Die vlak nessie het gou vorm gekry. Daarna het hulle dit mooi gekamoefleer en die buitekant versterk. Die nes het in ’n vurk aan die einde van ’n tak gesit 1 , en was só geplaas dat ek dit maklik kon afneem. Ek het ’n Nikon D850 en het die meeste van die foto’s met ’n 500 mm-lens geneem waarmee ek “naby” genoeg kon kom sonder om die voëls te versteur. Die mannetjie was heel paraat en het ander voëls uit die onmiddellike omgewing verjaag. Daarna het die hofmakery begin: Hy…

Alda en Sassie Fick van Caledon tuur oor die ongerepte vlaktes by Xai-Ais se wilderniskampplek in Namibië se Palmwagkonsessie. Woestynaangepaste leeus besoek soms die nabygeleë watergat. Jy kan hier slegs met ’n 4x4 uitkom, en ’n permit is nodig. Daarby moet jy selfversorgend wees en als van drink- en waswater tot kos en brandstof saamry. Jy kan dinge makliker maak deur op ’n begeleide toer te gaan. Heuningland se volgende toer na dié deel van Namibië is van 26 Mei tot 7 Junie 2024. Sien heuningland.com vir meer inligting.…