Innehållsförteckning för Weg! Karoo 2023 från Weg!

Waar begin en eindig “die Karoo”? Hierdie is ’n lekker vraag vir laataand om die kampvuur iewers anderkant Williston in die Bo-Karoo – of is dit in die Hardemanskaroo? Daar is stukkies Karoo in die Vrystaat, Wes-Kaap, Oos-Kaap en Noord-Kaap, maar as jy na die plantegroei kyk, strek die Nama-Karoo-ekostreek noordweswaarts om selfs die suide van Namibië in te sluit. Die aangrensende Karoo-Sukkulente-ekostreek sluit weer die Namakwaland én die Richtersveld in. (Sien die webwerf 🖰 onsknk.co.za vir ’n lekker kaart wat al die Karoostreke aandui.) Maar ek het nog nooit ’n toeris ontmoet wat gesê het hy gaan “Karoo toe” en dan daarmee Kamieskroon bedoel nie. Daarom het ons in Weg Karoo ons fokus op die Karoo van die volksmond gehou. Van die Tankwa-Karoo in die weste tot die Kamdeboo…

BARRYDALE Waar die R62 aan die kant van dié gewilde dorp deurdraf, staan die eetplekke ingeryg: Diesel & Crème (🖰 dieselandcreme.co.za), Karoo Daisy (🖰 karoodaisy.co.za), Camel Horse Café (🕽 074 180 7241), The Country Pumpkin (🕽 028 572 1019), The Farm Deli (🕽 060 316 3229) en MUD (🖰 mud.co.za), waar jy onder meer handgemaakte produkte van die Barrydale Hand Weavers kan koop. Loer ook in by Mez Karoo Kitchen (🕽 082 775 980) by Van Riebeeckstraat 24 vir heerlike Mediterreense geregte. Verder is hier winkels om te snuister na oudhede en kunswerke – of jy kan sommer net die dorp se grondstrate te voet verken en self begin droom oor ’n plekkie op die platteland... Vir meer oor Barrydale: 🖰 barrydale.org.za Karoo Art Hotel Hierdie hotel is in 2021…

Ek is een van die bevoorregtes. In 1977 word ek op die Karoo-dorp Cradock gebore. Die Karoo was nog altyd vir my die mooiste plek op aarde, want ek verstaan iets omtrent sy plante, diere en landskappe. Ek kan ’n dassie doer ver op ’n klip eien. Die fatsoen van ’n witgatboom is my welbekende vriend. Op hierdie reis besoek ek ou plekke én nuwe plekke. Ek ontmoet mense vir die eerste keer, en ander vir die hoeveelste keer. Party het ek reeds as jong mens ontmoet en ander, wel, sommer op Facebook. Wat ek en dié mense gemeen het, is dat ons die Karoo se ruimtes lief het. Die Karoo is ’n ander plek sedert my kinderdae. Grondeienaars dink anders oor wat jy op ’n plaas kan doen. Party…

TOERE Ons reis na die noorde van Botswana begin in die Khama Rhino Sanctuary in Sentraal-Botswana waar ons die eerste nag deurbring voordat ons ry na die granietrotseiland Lekhubu vir ’n nag onder die sterre op die Makgadikgadipanne. Die volgende oggend kan dié wat vroeg opstaan, koffie en beskuit geniet onder kremetarte voordat die groep met ’n tweespoorpad vertrek al op die rand van die soutpanne om ons 4x4-vernuf te toets. Die groep geniet ’n ligte piekniekmiddagete op pad na die volgende kampterrein 30 km buite Maun. Die kampplek is langs die Botetirivier waar ons twee dae deurbring en die geleentheid kry om die uitgestrekte Okavangodelta en sy ekostelsel te verken, asook die plaaslike markte of, as jy wil, in die kamp ontspan voor ’n laatmiddagrit op die Boteti. Ons…

Op ’n vroeë oggend in Februarie volg ek ’n kort konvooi motors op ’n grondpad net buite Prins Albert. Ons ry verby die gholfbaan en die munisipale stortingsterrein. Skielik hou die voorste kar stil, ’n fyn gryskopvrou klim uit, maak die hek na die Wolwekraal-natuurreservaat oop en beduie dat ons maar kan deurry en parkeer. Die son is skaars uit, en die oggend ruik na tandepasta en karoobossies toe ons groepie rondom Sue Milton-Dean saambondel. Sue is ’n plantkundige. Altans, dit is haar formele titel, maar ek verkies om aan haar as ’n vroulike weergawe van die towenaar Gandalf te dink. Sy’s wys, nederig en deel graag haar magdom kennis oor plante. Ons is almal hier om sowat twee ure saam met Sue in die veld deur te bring. Ek…

Marchelle van Zyl verskyn op die Montagu Country Hotel se voorstoep. Sy’s uitgedos in ’n das en baadjie, met ’n Oliver Twist-keps op die kop. Die kakielangbroek is by geel sokkies ingesteek en daarby dra sy ’n paar velskoene. Dis allesbehalwe gewone fietsrydrag! Maar hierdie is ook allesbehalwe ’n gewone fietstoer. Dis April en fietsryers van reg oor die land is die naweek hier vir die jaarlikse Eroica-fees, ’n Italiaans geïnspireerde viering van alles wat met klassieke fietse te make het. Ons is ’n groepie vriende wat lief is vir ouskool fietse en gaan saam met Marchelle die dorp met singende speke verken. Sy lei ons met Badstraat langs en die eerste stop is voor Montagu se imposante NG Kerk. Die sakeman Joseph Barry na wie die buurdorp Barrydale genoem…

Die Karoo sal jou om elke kiertsregop koppie en stekelrige turksvy verras, want hier is nie net “niks” nie... Weg het ’n paar gesoute Karoo-reisigers gevra waar hulle graag bly, waar hulle vir ’n lekker koppie koffie of plaaslike lekkerny aftrek, op waffer agterpaaie steenbokkies hou en ander interessante dinge om te doen. Hierdie lywige lys van 101 doendinge sal jou na die hart van die Karoo lei. En teen die tyd wat jy daar doer tussen Rietbron en Aberdeen rondpiekel, sal jy maklik nog 101 dinge by die lys kan voeg. Laat weet ons gerus wat jóú gunstelinge is! Gebruik die kaart op die volgende blad om elke doending op te spoor en jou volgende Karoo-toer mee te beplan. Geniet dit! NEEM KENNIS Al die besonderhede – van kos…

Winters kruip die koue tot deur die been, somers sweet jy totdat dit voel asof jy uit jou vel wil klim. Tydens droogtes se maer, uitgerekte jare stoei jy met God asof met ’n dronk man in ’n kroeg. Maar begin dit reën, dan staan jy dankbaar met die hoed in die hand, en die hoof gebuig. Ek is tuis in dié landskap van uiterstes. Van verwarring, maar tegelyk ook verwondering. Van die min wat het én die veles wat nie het nie, van spoke uit die ongemaklike verlede en hallusinasies oor presies wat die toekoms vir ons inhou. Ek is in 1963 gebore op Kookhuis, suid van Cradock. Hoewel ek lank in Johannesburg gewerk het as rekenmeester, woon ek weer sedert 2006 uit vrye keuse in die Karoo. Die…