Innehållsförteckning för Aug/Sept 2024 från Weg!

PIERRE SÊ Vanoggend, net voor sonop, hou dit vir die eerste keer in twee dae op met reën. Dis my kans om die kaggelhout wat agter die huis staan, vrag vir vrag in ’n wingerdmandjie te sit en onder die stoepafdak uit te pak. Dis bytend koud, en daar word swaar reën vir die res van die week voorspel. Ek gaan sommer al van vroeg af vuur maak. Dit het gister hier op Stellenbosch so gehael dat die Helshoogtepas soos ’n pad êrens in die Switserse Alpe gelyk het. As ek die digte wolkekombers wat nou oor Simonsberg lê effe kon lig, sou ek verseker sneeu sien. Bedremmelde Kaapse wewers en mossies kwetter ongeduldig terwyl hulle my uit ’n ou olienhoutboom beloer. Hulle wonder seker hoekom is ek nou so…

Is dit dalk die beste sementpiekniektafeltjie in die land? Ek dink so! Verbeel jou vir ’n oomblik: Dis ’n vars herfsoggend en onder jou lê die Oos-Kaap se groene en wasige bloue uitgestrek. Jy haal jou Stanley-fles uit, skink ’n mondjievol stomende warm koffie wat jy vanoggend gemaak het. Dalk het jy by die Intaba Lodge (intabalodge.co.za) aan die onderpunt van die Barklypas, of by die Mountain Shadows Hotel ( mountainshadowshotel.co.za) aan die pas se bopunt oornag. Albei lê sowat 30 km oos van hier af, soos die kransaasvoël vlieg. En albei is ’n uitstekende basis waarvandaan ’n mens die Otto du Plessispas kan verken. Albei die oornagplekke lê langs die R58-teerpad wat Khowa (voorheen Elliot) met Barkly-Oos verbind. Jy volg eenvoudig die R58 suid na Khowa en draai dan…

CAROLINE ROWBOTTOM Canon EOS 90D Sigma 150-600 mm-lensIG: @caroline_rowbottom CAROLINE SKRYF: Ek het dié foto in Junie 2024 by die Diepriviermonding naby die Woodbridge-eiland in Milnerton, Kaapstad, geneem. Dit was omtrent 11 vm. en ’n kalm wintersdag, met bykans geen wind nie. Dié kleinflamink het sierlik kom land. Ek het ’n hele reeks foto’s van die landing geneem. My sluiterspoed was 1/1 600ste van ’n sekonde, met ’n lensopening van f8 en ’n ISO van 200. TOAST SÊ: Wat ’n lekker foto! Flaminke is van nature grasieus en sorg altyd vir goeie foto’s – of hulle nou vlieg of in die vlakwater snuffelvreet. Weet jy hoe om ’n groot- en kleinflamink van mekaar te onderskei? Wel, die groter een is natuurlik groter (tot 165 cm lank, vergeleke met die kleinflamink…

CAMP MASTERBROODPOT Daar is min dinge so lekker soos warm brood wat oor die kole gebak word. Eintlik is enige warm brood met ’n smeer plaasbotter, ook uit die oond uit, nie te versmaai nie. Toe die kinders nog in die huis was, het ek altyd my platboompot gebruik om potbrood te bak. Maar deesdae is dit doodeenvoudig te veel brood en dit voel ’n mens mors. Hierdie outjie, gemaak uit gegote yster met sy eie deksel om ’n eweredige verspreiding van hitte te verseker, is net die regte grootte vir twee mense of ’n klein gesin. Jy kan eksperimenteer met jou eie deeg, of jy kan kortpad vat met winkeldeeg om binne ’n uur vars brood te maak – laag oor die hitte met kole bo-op die deksel om…

Om ’n wimpelvlerknaguil te sien is enige voëlkyker se droom. Om so ’n ontmoeting in Suid-Afrika te bewerkstellig kos fyn beplanning, ’n bespreking in Novembermaand op ’n nagrit uit die Punda Maria-ruskamp in die Krugerwildtuin (die noorde van die wildtuin is die enigste betroubare plek waar jy hierdie voël kan sien), asook ’n goeie skoot geluk. Eintlik amper meestal geluk, want een aand is die wimpelvlerknaguil nog daar om sy “wimpels” ten toon te stel en die volgende aand sien niemand hom weer nie... Wat is dié wimpels? Die mannetjie ontwikkel elke jaar twee ékstra-lang (gemiddeld 62 cm) vlerkvere waarmee hy spoggerig rondvlieg om wyfies te lok tydens hierdie spesie se paartyd in die vroegsomer. Gelukkig was geluk aan ons kant... Ek en ’n vriendin het in 2023 deelgeneem aan…

Hennie van Deventer van Melkbosstrand vertel: In 1976 is ons gesin op ’n sabbatsjaar Amerika toe. Ons wou graag die land verken. Natuurlik so goedkoop as moontlik. Ons koop toe ’n 1972-model Toyota Corona Mark II-stasiewa teen USD1 500. Dosyne kere het ek, my vrou, Tokkie, en ons kinders, Johan (5) en Marisa (3), die agterste sitplek platgevou en ’n matras oopgerol. ’n Blik sardientjies kos maar min! Daardie winter met sy talle sneeustorms is deur koerante die “Big Freeze” gedoop. Vir sneeugroentjies (ons kom van Randburg) af was dit ’n groot uitdaging. In Kanada moes ons ’n keer 60 km deur ’n sneeuveld teen ’n slakkegang van 40 km per uur kruip. Langs die pad was verskeie motors wat in sneeubanke vasgery of net steeks geraak het. Met die…

Dis reeds dertien korhaanroepe ná sewe, maar ek was al voor sonop staande en besig om my tent af te slaan, op te rol en weg te pak in die kampterrein hier by die Nata Bird Sanctuary. Van die kampterrein af is dit sowat 7 km se ry tot hier waar ek nou sit, onder die grasdaksambreel van ’n oulike houtpiekniektafel en bankie wat uitkyk oor Sowapan, die oostelike deel van die Makgadikgadi-panne. Op pad hierheen het ek blouwildebeeste en volstruise afgeneem, asook witvlerkkorhane. Laasgenoemde verskaf die oggend se klankbaan hier teen die soom van die panne, tesame met kleiner voëltjies soos lewerike. My nuwe ketel (gekoop by ’n netjiese buitelewewinkel op Modimolle toe ek twee weke gelede uit Suid-Afrika na Botswana vertrek het) het ook reeds klaar gesing op…

Vasgekeer in Die Hel Op Maandag 8 April 2024 was ek en my vrou, Annette, op pad na die Gamkaskloof, oftewel Die Hel. Ons het oornagverblyf by die Fontein-gasteplaas bespreek. Die Swartbergpas was toe onder mis en ons het stadig gevorder. Ek het hierdie reënboogfoto ongeveer 20 km van die afdraai na Gamkaskloof geneem – later sou ek dit “Stilte voor die storm” doop. Drie ure later bereik ons Fontein en word vriendelik ontvang. Ná heerlike braaivleis kruip ons in. Ek word in die nag van ’n hewige donderstorm wakker en dit reën tot opstaantyd die volgende oggend – volgens die reënmeter het 101 mm geval. Die Gamkarivier het sy walle oorstroom en gou besef ons ons sal nie uit die kloof kan kom nie. Die weer het mettertyd opgeklaar…

KORTLIKS Teen dié tyd weet jy dat luiperds uiters sku is en hulle bes doen om nie gesien te word nie. Gewoonlik is die enigste leidraad dat ’n luiperd iewers was, die tekens wat hy agterlaat. Kom ons bekyk dié leidrade van nader. Die eerste tekens is spore. Die afdruk wat gelaat word as ’n dier op ’n sagte oppervlak trap, vertel ’n hele storie – mits jy weet hoe om dit te lees. Eerstens moet jy seker wees dat dit wel ’n luiperdspoor is en nie dié van ’n ander groot roofdier soos ’n jagluiperd, strandjut of ’n hiëna nie. Luiperds is deel van die katfamilie wat almal kloue heeltemal in die tone terugtrek wanneer hulle loop; anders as by hondagtiges bly daar geen naelmerkies aan die voorpunte van…

REISJOERNAAL In die stad Ipailes op die grens met Ecuador blaai ’n immigrasiebeampte deur ons paspoorte, stoot dit dan eenkant toe en verklaar: “Julle het 30 dae oor.” Wat?! Twee weke gelede het ons – ná ’n frustrerende proses – visums vir 56 dae in Colombia gekry. (Gewoonlik kry Suid-Afrikaners visums vir 90 dae, maar in ons geval was daar niks “gewoon” met ons visums nie...) Nou beweer die man dat byna die helfte van die aantal dae reeds verstryk het. Ons smeek. Ons verduidelik in ons beste Spaans dat ons oorlandreisigers is en dat 30 dae eenvoudig nie voldoende is om sy mooi land te verken nie. Maar hy hou voet by stuk. Wat sake nog verder versuur, is dat ons Land Rover van Cartagena, ’n hawestad in die…

Is jy op soek na ’n vinnige wegbreek minder as twee ure se ry van Kaapstad af? Paternoster is propvol selfsorgblyplekke, gastehuise en restaurante. Gaan stap laatmiddag op die strand, met meeue in die vlakwater en die laaste lig wat saggies op die horison lê. En gaan sit dan aan by die Voorstrandt-restaurant of Gaaitjierestaurant, rég op die strand… Paternoster bly een van die gewildste vakansieplekke aan die Weskus – lees meer in Weg Weskus, ons nuwe gids tot dié streek en sy aangrensende binneland, wat Namakwaland insluit. Dit sluit in ’n artikel oor blomroetes vir als van dagbesoeke aan Darling tot langer kuiers in die Nieuwoudtville-distrik.…

Namibia Self-Drive Guide: Edition 3 Deur Tracks4Africa R595 in boekwinkels, by Outdoor Warehouse en tracks4africa.co.za As jy ’n langerige padvakansie in Zambië, Botswana of Namibië wil aandurf, is Tracks4Africa se kaarte, GPS-toepassings en omvattende gidse vir elke land uitstekende reisgenote (saam met Weg Namibië en Weg Botswana, natuurlik). Tracks4Africa se immergewilde gids oor Namibië is nou in sy derde uitgawe. Dis ’n bielie van 400 bladsye wat in drie afdelings verdeel word. In die eerste deel kry jy ’n oorsig van die land, asook praktiese inligting oor grensposte, mediese voorsorg, veeartsenybeheerpunte, paklyste, voertuigvoorbereiding en voorgestelde roetes. Die tweede deel dek 15 streke in die land, met inligting oor die groot toeristetrekpleisters en verblyfplekke in elke streek. Die derde deel behels 33 bladsye se kaarte op ’n skaal van 1:1 000…

Vlatert Vir 10 Voorbereityd 30 minute Baktyd 40 minute Oondtemperatuur 180 °C Jy benodig • ½ koppie botter, gesmelt• 10 velle filodeeg• 2 eiers• 1 blik (385 g) kondensmelk• volroommelk (1 kondensmelkblik vol)• 1 teelepel fyn kaneel• 1 ml amandelgeursel (opsioneel)• kaneelsuiker vir voorsit Só maak jy 1 Voorverhit die oond. Verf ’n diep, ronde (25 cm) oondbak met ’n bietjie gesmelte botter (ek het ’n gietysterpan gebruik). 2 Vou en rol die deegvelle: Verf een vel op ’n slag oraloor met ’n bietjie botter voordat jy dit oor die lengte soos ’n papierwaaiertjie in sigsagstroke van 2 cm breed vou. Rol dan die lang strook op om ’n rosie te vorm en pak die rosies styf langs mekaar op die bodem van die bak. 3 Bak die gebotterde deeg…

Daar is min voertuie in hierdie bakkiemal land van ons wat so baie koppe gaan laat draai soos die nuwe Ineos Grenadier Quartermaster. Die Grenadier-stasiewa word nou al ’n paar maande plaaslik verkoop, en die bakkie is die jongste toevoeging tot ’n familie Grenadiers wat een van die dae ’n kortgat-driedeurboetie gaan bykry. Dat die Grenadier sterk herinner aan die oorspronklike Land Rover Defender is geen toeval nie. Toe Land Rover in 2016 besluit het om sy hardekoejawel 4x4 die doodskoot te gee en op die luukse sy van die mark te fokus, het Ineos se Britse baas, sir Jim Ratcliffe, besef dit skep nie net ’n enorme leemte nie, maar ook ’n geleentheid. Hy en ’n groepie vriende het ’n jaar later in The Grenadier, hulle gunsteling-pub in Londen,…