Innehållsförteckning för April/May 2025 från Weg!

Ek’s oortuig die verloop van tyd versnel hoe ouer ’n mens word. Êrens moet daar ’n wiskundige vergelyking wees wat dit verduidelik. Want hoe is dit moontlik dat die laaste dertig minute van elke skooldag voor die lui van daai laaste klok destyds soos ’n ewigheid gevoel het, maar dat die eerste drie maande van 2025 in ’n oogwink verbygeflits het. Vrek, hoe is dit al 2025?! Wat dinge nog verder in Weg se wêreld laat spoed optel, is ons produksieskedule wat reeds diep tot in 2026 strek. Hier is so baie om na uit te sien, maar ook só baie om te doen. En dis uitstekende nuus, nie net vir ons nie, maar ook vir julle – ons getroue lesers. Terloops, volgens die jongste statistiek van die Uitgewersnavorsingsraad is…

In die voorwoord van die boek beskryf jy getypoele as ’n toevlug. Hoekom is dié poele so spesiaal? Getypoele is ’n veilige hawe – nie net vir my en my medeswemmers nie, maar ook vir die seelewe wat andersins onstuimige waters moet trotseer. Die poele is ’n balsem vir liggaam en siel en bied verwondering, genot en kalmte te midde van die gejaag van ons daaglikse lewe. Ek het in 1999 van Johannesburg na Kaapstad getrek en die poele het gou vir my ’n heenkome geword. Naas my werk as skrywer en navorser, takel ek ook komplekse opvoedkundige uitdagings in Liberië, Sierra Leone, Rwanda, Ghana en Suid-Afrika, waar ek programme uitbrei om kinders te help. Getypoele is waar ek herlaai en nadink en vergeet van die eise van my werk.…

Rob Smith verken graag die woude naby sy tuisdorp, Plettenbergbaai. In September 2024 het hy afgekom op ’n broeipaar blouvisvangers en hulle elke dag begin afneem. Sy medefotograaf Karin Braby het later kom help om seker te maak hulle mis níks nie. Ek het die Piesangrivier verken in ’n woud wat deel is van die Plettenberg Bay Country Club toe ek ’n reënboogkleurige voël in die skadu ongeveer 20 m verder sien... Ek kon met behulp van my verkyker seker maak – ja, dit was wraggies die seldsame blouvisvanger! Die volgende oggend is ek terug na dieselfde kol – hierdie keer met my Nikon D850 en Nikon 200-400 mm-lens. Die blouvisvanger was weer daar, en nie alleen nie! Dit was ’n broeipaar! 1 Hierdie toevallige ontmoeting het gelei tot ’n…

Tulbagh is die vierde oudste dorp in die land en bestaan reeds sedert die 1700’s. Die Kaaps-Hollandse, Eduardiaanse en Victoriaanse geboue getuig hiervan. Die geskiedkundige dorp word aan drie kante omring deur die Groot-Winterhoek, Witzenberg- en Obiekwaberg... ja, hier is dus hope te sien en doen: Die perdryroetes is veral gewild, asook ’n stap na die waterval in die Watervalnatuurreservaat. Wenk: Kole en Deeg in Van der Stel-straat is dié plek vir vars roosterkoek ( 079 489 7428). In die omgewing is ’n gevestigde wynroete met bekroonde landgoedere en een hiervan is Montpellier. Dié landgoed is ’n gewilde venue vir troues (hier is ’n mooi kapel en genoeg slaapplek vir die nuwe skoonmense), maar jy kan ook hierheen uitwyk vir wynproe en ’n ete onder die bome (die pizzas proe…

REIK NA DIE STERRE(TJIES) Tussen die seepbakkie en die kraan loer twee ogies na my. Vir ’n oomblik haak my brein vas, en ek staan met die tandeborsel in my mond en die Colgate wat oor my ken drup. Wat de duiwel? Dis ’n rooibeenvleipadda; ’n lifer vir my. Ek beskou dit as ’n goeie teken vir die dag wat voorlê. Ons is op San Sebastian-skiereiland in Mosambiek, suid van die Bazaruto-eilandgroep en oos van die dorpie Vilankulos – en op die spoor van die spesiale Arabiese sterretjie. Dié oulike outjies is in 2019 die eerste keer in Suidelike Afrika opgemerk. Hulle bewegings bly ’n raaisel: Nadat hulle nesskop langs die Persiese Golf, Rooisee en die Horing van Afrika, verdwyn hulle skielik van die aardbol af. Maar om ’n paar…

Die Roode Elsbergdam in die Sanddriftskloofrivier lê diep in die Matroosberg, noord van die Hexriviervallei. Die dam is in 1968 gebou en spog met ’n indrukwekkende 72 m hoë wal. Ek het hierdie foto in Augustus 2024 geneem toe die dam ná goeie winterreën oorgeloop het. Ongelukkig is die dam nie oop vir lede van die publiek nie, maar as ’n mens op die nabygeleë Klipheuwel-plaas tuisgaan, kan jy vra om dit te besoek. Klipheuwel het selfsorgverblyf en ’n kampterrein op ’n mooi stuk gras met wingerde en berge rondom. Gaan na 🖰 klipheuwelfarm.co.za…

Wat het jou verras? Die koue. Ons het die laaste keer in hulle winter (tydens die Desember-vakansie) gegaan. My suster Gaynor is al vir drie jaar ’n Engelsonderwyser op die dorp Munsan, sowat ’n uur per trein van die hoofstad Seoul af. Op die koudste dag was dit -12 °C! – en dit het gereeld gesneeu. Die strate is ongelooflik skoon en netjies vir so ’n digbevolkte land. Seoul het dubbel soveel mense as Kaapstad! Daar is nie sprake van rommelstrooi nie; mense sal eerder hulle rommel saamdra tot by ’n vullisblik, of dit by die huis gaan weggooi. Waarvan hou jy? Openbare vervoer loop klokslag; jy kan met ’n bus of trein na omtrent enige plek in die land reis. Die Koreane is dol op hulle koffie en dus…

Selfs nog voordat ons ontmoet, is daar reeds ’n sweempie avontuur in die lug. Bring ’n knipmes en ’n koplamp, het Gary Goldman se WhatsApp-boodskap gisteraand gelees, gevolg deur aanwysings na ons rendezvouspunt. Nou staan ek donkeroggend en bibber in een van die Nuweland-buurt se hoogste straatjies. ’n Bakkie hoër op in die straat se ligte flits en ’n silhoeët klim uit. Twee vierpotige skaduweetjies plof agterna. Gary groet met ’n wasemwolkie voordat hy vir ons elkeen ’n mandjie agter uit sy bakkie haal, sag na die hondjies roep en my na ’n hekkie in ’n heining lei – dis ’n kortpad tot in die Nuweland-bos. Jô! Só het ek die bos nog nooit ervaar nie: Die brakkies – Jack en Russell – draf vooruit in ons swiepende ligbane. Mosbegroeide…

Staatmakercarbonara Vir 2Voorbereityd 25 minuteGaarmaaktyd 10 minute Jy benodig • 100 g pancetta-repies, in blokkies gesny (ek gebruik Checkers se Forage and Feastreeks s’n)• 2 eiergele• 125 ml gerasperde pecorino of parmesaan• 200 g gedroogde eiertagliatelle of -spaghetti• varsgemaalde swartpeper Só maak jy 1 Kook die pasta in water – gegeur met sout – tot al dente. (Volg die aanwysings op die pakkie.) 2 Braai intussen die pancettablokkies stadig in ’n groot pan tot bros. Braai die vleis in sy eie vet; reguleer die hitte en pasop vir te warm. 3 Klits die eiergele saam met die helfte van die kaas en ’n ¼ koppie warm pastawater (sommer so uit die pot geskep) in ’n bakkie en hou eenkant. 4 Skep die gaar pasta nat-nat uit die water direk oor…

‘Aan die see se kant van die pad staan kuierplekkies wat die verte in kyk. Palmbome. ’n Lang vakansiestrand. Aan die ander kant: grashutte, skarrelende hoenders...’ Daar bars ’n storm los net toe ons uit Cotonou, ’n hawestad in Benin, wil ry. Dis 2023 en laat in Oktobermaand; dag 45 van ons avontuur. Terwyl ons wag dat die reën bedaar, gesels ons met Yasmina, raakvatter van die plaaslike motorfietsklub. Sy vertel van Benin en Togo, wat eintlik een land moet wees, maar lukraak tydens die koloniale era verdeel is. Op plekke loop die grens regdeur woonhuise. Sy vertel van ’n ou wie se huis ’n grenspos is. Jy loop uit Togo by die agterdeur in, betaal jou oorgrenstarief, en loop weer by die voordeur uit, Benin in. Yasmina en twee…

Kan ek saam kamp? Ek en my man, Eben, wou nog altyd die Kgalagadi-oorgrenspark besoek om leeus te sien en in Desember 2024 het ons by Khiding 1 in die Mabuasehube-deel van die park gekamp – ons was vreeslik opgewonde om in ons daktent te slaap in hierdie onomheinde kampplek. Ons het vroeg een oggend koffie en beskuit onder die A-raamafdak geniet toe ons ’n leeu hoor brul. Toe die tweede brul opklink, het ons net ons selfone gegryp en in ons Cruiser gespring – net betyds om twee leeumannetjies te sien opdaag. Ons het foto op foto geneem. Die tyd het begin aanstap, maar ons het geweet daar is niks wat ons kan doen nie – ons wou nie die leeus verjaag nie. My man het later teen die…

StorieKos – Op reis na resepte Deur Frik de Jager, NalediR300 in boekwinkels Sommige lesers sal Frik de Jager dalk ken aan sy bydraes tot die RSG-program Klets en Kook, of dalk het jy ’n slag by sy restaurant, Benjamin’s, op Rosendal in die Vrystaat gaan eet. (Dié is deesdae onder nuwe eienaarskap – Frik woon nou in Pretoria.) Frik het al wye draaie in sy lewe geloop, en elkeen van die plekke wat ’n merk gelaat het op sy manier van kosmaak, word in StorieKos gevier. Die titel van elke hoofstuk is ’n pleknaam, en dan vertel Frik kortliks ’n staaltjie oor die mense en geregte waarmee hy daar kennisgemaak het. Hierop volg ’n resep of drie, en mooi volkleurfoto’s. Die geregte is niks ingewikkelds of fênsie nie; dis…

WILLEM KRUGER Nikon D5Nikon 600 mm-lens WILLEM SKRYF: Hierdie foto is geneem in die Karongwe- private natuurreservaat buite Hoedspruit. Daar is ’n ondergrondse fotoskuiling by een van die watergate, wat hierdie soort foto moontlik maak. Teen vroegdag – hierdie foto is om 7.15 vm. geneem – het ’n span tarentale hulle opwagting gemaak. Terwyl hulle doenig was, kon ek ’n paar foto’s neem. Hierdie tarentaal was besig om kos te soek onder ’n boomstomp wat langs die watergat gelê het. My sluiterspoed was gestel op 1/1 000ste van ’n sekonde, teen ’n lensopening van f18 en ISO 3 200. Ek het my kameraflits gebruik vir ekstra beligting in hierdie foto. TOAST SÊ: Daar is deesdae ondergrondse fotografieskuilings by verskeie private reservate in Suid-Afrika en in ons buurlande. Jy kry hier…

Toe my ouer suster, Gaynor, in Maart 2022 Suid-Korea toe trek om Engelsklasse te gee, het ek skielik ’n rede om oorsee te reis. Boonop stel sy toe voor dat ons daardie Kersfees by haar kom kuier. Uiteindelik sou ek – ’n gebore Swartlander van Malmesbury – ook ’n wit Kersfees ervaar! Maar eers moes die opwinding plek maak vir praktiese reëlings. Ek, my babasussie Mary-Beth en ons nefie Jarryd (my ouers het nie kans gesien vir die lang reis nie) het ure lank buite die departement van binnelandse sake se kantoor op Malmesbury tougestaan vir nuwe paspoorte. Die proses het seepglad verloop, maar ongelukkig het die een wat die dokument saamstel, my bos krulhare uit die foto “geknip” om dit in die spasie te laat inpas – en toe…