Innehållsförteckning för June/July 2025 från Weg!

South African Indigenous Garden Plants: The Gardener’s Guide Deur Elsa Pooley, Geoff Nichols en Andrew Hankey, Struik Nature R850 in boekwinkels Wil jy jou grasperk uithaal en jou tuin in ’n eko-vriendelike, waterslim oase omskep? Hierdie omvattende, praktiese gids sal jou help. Die inleiding sal beginners touwys maak oor plantname, tuinmaakterme, die klimaat en die verskillende tuinstyle (formeel, informeel, fynbos...). Dit leer jou ook hoe om bestuiwers, voëls en soogdiere na jou tuin te lok en hoe om jou ontwerp te beplan en onderhou. Die hoofafdeling van die gids bestaan uit ’n katalogus van 2 400 inheemse plante. Elke spesie word kortliks beskryf en het ’n kleurfoto by. Hier is ook ’n afdeling wat jou volgende besoek aan die kwekery sal vergemaklik – dit verskaf plantlyste vir spesifieke doelwitte en…

JEANETTA HOEKSTRA Canon EOS 250D Sigma 18-300 mm-lens JEANETTA VERTEL: Ek het hierdie Kaapse wewer in Oktober 2023 in ons tuin hier in Sandbaai, Hermanus, afgeneem. Ek het met my kamera op ons balkon gestaan toe dié wewermannetjie skielik in ons wilde piesangboom (Strelitzia alba) kom sit. Ek het ’n hele paar foto’s geneem waar hy in verskillende posisies op die blom sit. Ek hou van die komposisie, want as ’n mens jou verbeelding inspan, lyk dit asof die wewer in die bek van ’n ander, groter voël inkyk en die stamper van die blom soos ’n tongetjie lyk wat uitsteek. Die kamera was gestel op ’n sluiterspoed van 1/1 000ste van ’n sekonde met ’n lensopening van f6.3 en ISO 200. Terloops: My man, Tierck, het nie lank voordat…

Die motor wat reeds die grootste opskudding in die Suid-Afrikaanse mark vir luukse veldryers gemaak het, is die Lexus GX. Hierdie is nie net ’n Toyota Prado opgetooi in ’n Versace-aandrok nie, maar ’n gedugte 4x4 met ’n laestrekratkas, ewenaarslotte en ’n bielie van ’n V6-petrolturbo-enjin. Dis veral die sterker enjin wat baie Prado-eienaars aan hulle koppie boeretroos gaan laat stik. Hoewel die GX die Prado se onderstel en baie ander 4x4- eienskappe deel, is die Prado se 2.8 ℓ-dieselenjin nie een van hulle nie. Die GX is beskikbaar in twee afwerkings: Die SE, ’n sewesitpleksportnuts gemik op stadsjapies en -sannies met 22 duimwiele en ’n Mark Levinson-klankstelsel met 21 luidsprekers. Maar dis die vyfsitplek-Overtrail met 18 duimwiele en veldrybande wat die meeste Suid-Afrikaners se aandag gaan trek. Teen R1…

Miskien het jy nog altyd verby hierdie rubriek geblaai. Dalk dink jy “Vir die Voëls” is, wel, vir die voëls, of die gogga het jou bloot nog nooit gebyt nie (seker ’n dik laag Tabard). En as die klompie so opgewonde raak oor ’n kleinkolblaarspringer of ’n ding, rol jy net jou oë. In daai geval het ek vir jou ’n truuk wat behoorlik die kat tussen die duiwe loslaat. Wag vir ’n aand waar ’n klomp kranige voëlkykers rondom ’n kampvuur sit. Dan werk jy die woord “bosloerie”toevallig in die geselskap in. Maak seker om te noem dat dit eintlik ’n heel algemene knaap is, en dat jy hom al heelwat raakgeloop het. En lees die res van dié artikel vir ’n paar feite om jou storie te te…

Wat was die grootste lesse wat jy uit die toer geleer het? Sjoe, dis ’n groot vraag. Só groot dat ek pas ’n boek daaroor voltooi het! Die reis het my die geleentheid gebied om myself teen ’n ander agtergrond te beleef. Die toer het gemaak dat sekere aspekte van myself, wat gewoonlik ongesiens verbygaan, op gefokus word. Vrae oor wat saakmaak, wat ek glo, en of ek die moed het om eerlik daaroor te wees, hou my kop nogal besig. Die mense van Afrika het tyd vir mekaar, én vir vreemdelinge soos ons. Wanneer ’n mens stilhou om water te drink, hou hulle langs jou stil; een na die ander om te vra of jy orraait is, of hulle jou met iets kan help. Hulle lewe met net die…

Dream I’m A Bird Deur Simon van Gend Band US$8 by 🖰 bandcamp.com Hierdie versameling van 15 liedjies gaan niemand op die kroegtoonbank laat dans nie – dis eerder vir trane pink oor ’n glas rooiwyn terwyl die worshond in sy mandjie lê en snork. Maar skuif nader, want hier is báie om te geniet... Simon van Gend het laas in 2015 ’n vollengte album die lig laat sien, en daarom is dit lekker om weer sy stem te hoor, vars soos ’n opgerolde oggendkoerant, toe sulke dinge nog bestaan het. Dit klink asof daar intussen rowwe waters onder sy brug deur is – die dobberende oorblyfsels van verlore liefde, byvoorbeeld, en dan die groot populierstomp van sterflikheid. Die musiek is akoesties, met die ervare Ross Campbell op tromme en…

Dalk klink ’n nag in ’n grot in die Drakensberg vir sommige na net te veel van ’n avontuur. Maar die stap (en oorslaap) na die Sleeping Beautygrot is alte lekker en ’n goeie kennismaking met dié magtige bergreeks met sy tallose roetes. “Julle is gelukkig, die son skyn al heeldag,” gesels Zandile Duma, ’n veldwagter van Ezemvelo KZN Wildlife terwyl ons die verpligte bergregister by die vertrekpunt invul.“Ons het onlangs baie reën gehad, en julle gaan die rivier ses keer moet oorsteek. Daar’s nie brûe nie, slegs klippe.” Sy loer na ons stapskoene. “Maar ás dit dalk later weer begin reën, behoort julle darem in die grot beskut te wees.” Die weervoorspelling dui inderdaad dat ons in die namiddag ’n donderstorm te wagte kan wees. Met dié ligte bekommernis…

In November 2024 was ek in die Kgalagadi en het by die Cubitje Quap-watergat noord van die Nossob-ruskamp gaan sit en wag om berghane af te neem. Hulle kom drink gewoonlik in die middel van die dag water. ’n Paar jong berghane het mettertyd hulle opwagting gemaak, asook ’n paar gemsbokke en koedoes. ’n Rooijakkals het rondgehang; waarskynlik in die hoop om iewers iets te aas. Hy het selfs een van die berghane met lang oë gestaan en betrag! Later die middag – net ná vyfuur – het die jakkals onder een van die doringbome aan die kant van die watergat kom staan. Hy het in die boom opgekyk en die lug met sy lang snoet besnuffel. Ek het dadelik vermoed dat daar dalk nou iets kan gebeur... Ek het…

Dis merkbaar hoe dit ál later lig word soos ons noordwaarts vorder. Dag 58, en ons is vroeg al aan die pak op die dorp Koundara in die noordweste van Guinee. Tambacounda, ’n stad in Senegal, is 182 km weg – ons klim op die motorfietse en laat waai. Die plantegroei padlangs herinner aan die noorde van die Krugerwildtuin. By die Guinee-grenspos is daar geen drama nie – die Senegal-grenspos is 20 km se niemandsland verder. Ons gee vet, want dis reguit, stil teerpad. ’n Bosbok spring skielik uit die ruigtes en teen my kantsak vas, en die Husqvarna se gat gee twee, drie swaaie links en regs – en trek dan weer reguit. De Witt is voor my, en omdat ons valhelm-interkomstelsel nie meer werk nie, is hy salig…

Vinnig en vry Ons was onlangs vroegoggend op Clarencerylaan langs die Valsbaaikus en net duskant Gordonsbaai het ons beweging in die water gesien. Dit was ’n stil, windlose dag en die water was spieëlglad – ons kon die wit van water wat spat, van ver af sien. Ons het afgetrek en ek het deur my kameralens gekyk: ’n Groot skool dolfyne het visse in ’n aasbal gejaag! Hulle was redelik na aan die kus en dit was só stil ons kon hulle hoor asemhaal. Ek het maar net my kamera gemik en druk – dit was moeilik om te bepaal waar presies hulle sou uitduik omdat hulle so vinnig geswem het! HANNEKE FOURIE-BENEKE, Strand SKRYF AAN ONS EN WEN! Hanneke wen ’n stel Zartek TX-8-tweerigtingradio’s ter waarde van R1 299.…

Waar kom jou passie vir reis vandaan? Ek grap altyd dat dit al in die baarmoeder begin het. Ek is in Ierland gebore, maar my pa was ’n offisier in die Ierse weermag wat vir die Verenigde Nasies diens gedoen het, en ons het na Damaskus in Sirië getrek. As volwassene het ek in die finansiëletegnologiebedryf in Oostenryk, Australië en Ierland gewerk en ek het dikwels ’n jaar afgevat om te reis. In die vroëe 1990’s het ek al langs die kus van Suid-Afrika geryloop en op die land verlief geraak. In 1998 het ek my in Dublin gevestig, waar ek vir ’n maatskappy met kliënte in Suid-Afrika gewerk het. Ek moes dikwels na Johannesburg reis vir werk en het begin om vakansies in die Krugerwildtuin in te sluit. Ek…

Baklava Vir 24 blokkiesVoorbereityd 30 minuteBaktyd 40 minuteOondtemperatuur 180 °C Jy benodig • 1 x 500 g-pak (9 velle) filodeeg, ontdooi• ½ koppie botter, gesmelt VIR DIE STROOP 1 koppie kookwater VIR DIE VULSEL 300 g gemengde neute Só maak jy 1 Vir die stroop: Los die suiker en heuning in die kookwater op en kook saam vir 10 minute (moenie roer nie). Verwyder van die hitte, roer die suurlemoensap en -skil, sowel as die rooswater, by en laat afkoel. Sit die stroop in die yskas sodat dit yskoud kan word. 2 Voorverhit die oond. Verf ’n reghoekige oondpan met ’n bietjie botter. Rol die filodeeg oop en hou dit onder ’n klam vadoek om te keer dat dit uitdroog. Verf die eerste drie deegvelle met botter en stapel dit…

Hierdie oulike plek lê in die Hexriviervallei. Tussen die samevloeiing van die Amandel- en Sanddriftrivier om presies te wees. In die winter tuimel hier helder strome water uit die berge. Mara en Marais le Roux (foto onder, regs) boer met tafeldruiwe, maar toe hulle dogter Marli in 2017 op trou staan, het hulle besluit om die ou pakskuur op hulle plaas Klipheuwel in ’n trouvenue te omskep. En toe verander Mara van die ander ongebruikte geboue op die plaas ook in verblyf. Klipheuwel Farm is ideaal: Dis na aan Kaapstad (130 km, sowat 2 ure se ry) vir ’n naweek se vinnige wegbreek, dis in ’n pragtige plaasomgewing (met wingerde alkant) én jy kan kies tussen ’n selfsorghuisie of kampplek. Dit lyk en voel soos die platteland, maar jy kan…