Innehållsförteckning för Aug/Sept 2025 från Weg!

MARIETJIE ACKERMANN van Centurion skryf: Ons het in Januarie 2025 in Sedgefield vakansie gehou. Ons was verras om verskeie soorte suikerbekkies in die tuin te sien. Ons het eendag ’n waatlemoenskil op die gras gesit om te kyk wat gebeur, maar al het hierdie swartsuikerbekkie nader gevlieg, het hy glad nie daarin belang gestel nie. Hy het eerder ’n insek uit die gras opgepik. Kan julle ons meer vertel oor die suikerbekkie se eetgewoontes? Die voëlkenner LUKAS NIEMAND antwoord: Suikerbekkies leef hoofsaaklik van nektar, maar sal ook vrugte en klein ongewerweldes soos insekte en spinnekoppe vreet. Hulle het uitstekende sig met tetrachromatiese visie – dit beteken hulle kan ’n groter verskeidenheid kleure as mense onderskei. Hulle gebruik hierdie visie om voedselbronne soos nektarproduserende plante te herken. Hulle word oorwegend deur…

Walking Wild: Hiking the length of Kruger National Park Deur José A Neves, HPH Publishing R395 in boekwinkels Neves is in uitgelese geselskap: Nie net is hy deel van ’n klein groep mense wat die ses skofte van die Kruger Trail voltooi het nie, maar hy het ook ’n boek daaroor geskryf! Die Kruger Trail strek oor die lengte van die wildtuin, van Crook’s Corner in die noorde tot by Malelane in die suide. Die roete is 650 km lank en jy stap twee skofte per jaar saam met gewapende gidse. Jy doen goed waaroor ander besoekers aan die park net kan droom: Stap tussen wilde diere en slaap in die veld. In hierdie memoir deel Neves sy ervaringe op die roete oor die jare heen. Hy is ’n goeie…

JENS GOUWS Canon EOS 1200DCanon 18-55 mm-lens JENS SKRYF: Ek is 16 jaar oud en woon op ’n plaas naby Jan Kempdorp in die Noord-Kaap. Ek het hierdie foto in ’n pol biesies geneem waar baie insekte is – ek noem dit sommer die “rowerswoud,” want daar is baie roofvlieë, soos hierdie een. Ek het nie ’n makrolens nie, maar het gehoor dat jy jou eie een kan maak deur ’n gewone 18-55 mm-lens verkeerdom op jou kamera te monteer. Jy het ’n spesiale adapter hiervoor nodig. Ek het ook ’n kameraflits gebruik met ’n selfgemaakte diffuser om die lig meer egalig en sagter te maak. Later het ek die foto verder geredigeer en basies net die kleur effens verander. TOAST SÊ: Jens, hierdie is fantasties! Ek moet bieg dat…

Ford het die Tourneo Custom, Kia die Carnival, Hyundai die Staria en Volkswagen sal binnekort sy T7 Transporter bekend stel – almal leefstylvoertuie gebaseer op kommersiële platforms. Nie net bied hulle hope ruimte, ekstra sitplekke en praktiese konfigurasies om dinge soos fietse en ekstra bagasie te akkommodeer nie, maar hulle ry soos gemaksmotors en het al die moderne geriewe wat jy nodig het. Die begeerlikste minibus is die luukse Mercedes-Benz V-klas, maar dit kos ’n allemintige R2,3 miljoen. Daarom maak die nuwe Vito Select, teen ’n miljoen rand minder, maar vir dieselfde premiumsterkenteken op sy sierrooster, veel meer sin. Dis beskikbaar in twee variante: Die Mixto (R1 264 200) met vyf sitplekke en ’n massiewe 4.1 m²-laairuim wat jou bergfiets en al jou kamptoerusting sal insluk, en die Tourer (R1…

Op soek na ’n lekker dag in die veld nie te ver van die stad af nie? Castle Gorge in die Magaliesberg is skaars ’n uur en ’n half se ry uit Johannesburg. Maar die mooi uitsigte en boeiende rotsformasies sal jou laat dink jy’s iewers diep in die hartjie van die Sederberg! Jy kan die kloof van twee kante af benader: Deur die “voordeur”aan die suidekant, of deur die “agterdeur”aan die noorde. Ek en my stapmaat, Saudah Ally, besluit op die noordelike roete wat by die Maretlwane-wildernisskool naby Mooinooi begin en spring weg met ons kameras en ’n rugsak vol peuselkos. ’n Mens stap eers vir sowat 45 minute met ’n tweespoor langs tot waar die werklike voetpad by ’n kampplek begin. Hier is ’n watervalletjie – net die…

‘Grímsey-eiland is die eerste stop. Dit lê sowat 40 km see-in en net-net binne die Noordpoolsirkel.’ Die Dacia Duster sit tot teen sy onderstel vas in die sand van die swart vulkaniese strand. En skaars ’n paar kilometer verder is ’n vulkaan aan’t uitbars! Bollings rook borrel al hoër die lug in. Dis September 2024 en Ysland beleef een van haar gereelde woelinge in die aardkors. Lawa kook oor naby die dorp Grindavík, in die suidweste van die land. Ons het kuslangs rondgesnuffel op soek na Ysland se versteekte branderryplekke, maar nou lyk dit asof dinge handuit kan ruk. Ek loer bekommerd in my seun, Robert (19), se rigting, maar hy is met sy foon doenig. “Uhh... volgens Google moet hier ’n pad wees, maar dalk loop dit ’n bietjie…

Peter Zitha, die hoofgids by die Berg-en-Dal-ruskamp in die Krugerwildtuin, het vertel dat ’n luiperdgesin – ’n wyfie, Tatiana, en mannetjie, Maximus, en hulle kroos Nala en Mzimo – tussen die Malelane-hek en Matjule-brug op die H3 hou. Ons het die oggend 4.30 vm. by die ruskamp uitgery en vir Nala naby die brug gesien. Sy het reg langs die pad voor ’n bos gesit; sowat 1 m van ons af. Lus om jou eie luiperdfoto te neem? Weg Kruger 2025-’06 is propvol wenke waar om dié katte en nog wat op te spoor, en hoe om die beste vakansie ooit in die wildtuin te geniet. Dis tans op die rak of bestel een by 🖰 media24shop.com teen R145.…

Wat maak die lewe lekker in Durban? Die stad het ietsie van alles. Hier’s strande, kuswoude en kos wat nie net vorentoe smaak nie, maar ook ryk is aan geskiedenis – soos die bunny chow. Die iSimangaliso-vleilandpark en Drakensberg is ook nie ver nie. Daarby kan ’n mens Durban in die winter ook besoek. Die seewater raak nie koud nie en dit reën bykans nooit nie. Dis heerlik om die oggend met ’n sonsopkoms op die strand te begin en dan by Humble Coffee in Windermereweg te gaan ontbyt eet. Jy is duidelik lief vir stap. Watter dagroetes in die Durban-omgewing sal jy aanbeveel? Die roete tot by die Mackintosh-waterval in die Giba Gorge-bergfietspark is taai maar belonend. Ek gaan stap graag op Umdlotistrand of in die aangrensende Sibaya-reservaat se…

Ons nasionale voël sukkel in die Overberg Die bloukraanvoël se status is onlangs verander van byna bedreig tot kwesbaar op die Rooidatalys. In die Overberg, waar die grootste konsentrasie van dié spesie in die land voorkom, is hulle getalle aan die daal. Daar’s verskeie redes: Hoër temperature as gevolg van klimaatsverandering, sowel as versteurings soos kragdrade (Eskom help wel om die drade meer sigbaar te maak). Die bloukraanvoël kom meestal op graanlande voor en boere se gifstowwe om ganse en knaagdiere uit te roei, kan hulle ook doodmaak. Alles dra daartoe by dat elke broeipaar minder kuikens grootmaak; te min om die bevolking te laat groei. Indien jy iewers ’n beseerde of dooie bloukraanvoël sien, rapporteer dit by 🖰 support@bluecrane.org.za of ✆ 066 289 5988. NUWE TUISTE VIR DIE BLOUSWAEL…

Deesdae is kameras en kameralense so goed ontwikkel dat dit maklik is om ’n treffende foto te neem. Kykers sien ’n goeie foto van byna enige dierespesie onder die son, maar binne ’n oogwink is die beeld vergete. Hoe groei ’n mens dus tot ’n uitsonderlike natuurfotograaf? In sy sesde boek, Once Upon a Time, probeer die veteraanfotograaf Hannes Lochner nuwe hoeke. Wanneer dit by leeus en luiperds kom, het Hannes al elke komposisie denkbaar afgeneem. Met dié boek volg hy egter ’n speelse, onkonvensionele benadering om die natuurlewe van Suider-Afrika se wildste plekke en diere vas te vang. Heelwat van die foto’s is in die Okavangodelta geneem waar Hannes vir twee en ’n half jaar saam met sy vrou, die filmmaker Noa Koefler, gewerk het. Ander beeld tonele uit…

By Kapteinskloof ontdek ’n mens weer die heerlike vermoë om net mooi niks te doen nie. Hier’s nie selfoonontvangs nie en die Wi-Fi is skraps en dus moes ek en my vrou en ons drie dogters ander maniere vind om onsself te vermaak. Ons het in die tuin suurlemoene gepluk en limonade gemaak; ons het gekyk hoe bokmakieries in die krismisrose rinkink; ons het vir die perde oorryp koejawels gevoer, en Scrabble gespeel met ’n stel waarvan die blokkies nog van hout gemaak is. En ons het gestaar: In die dag na die berge, en saans na die Melkweg – sommer uit die stookbad. Die kinders was ook dapper genoeg om in die winter die gewone swembad se koue water aan te durf! Die kothuis dateer uit 1831. Gedurende die…

Die renostervoël kom in ons noordelike provinsies se savanne- en bosveldstreke voor, asook in Angola, Namibië, Botswana, Zimbabwe, Mosambiek en die Koninkryk van eSwatini. Hulle broei in ’n holte in ’n boomstam, maar sal ook soms in ’n rotsskeur nes bou. ’n Renostervoël lê twee tot vyf eiers op ’n keer. Die wyfie en die mannetjie sit om die beurt op die nes. Die kuikens broei na sowat 13 dae uit. Voëls van dieselfde swerm help om mekaar se kuikens groot te maak en te beskerm. Wat vreet ’n renostervoël? Renosters. (Grappie!) Die renostervoël leef van die parasiete wat in allerlei wildspesies se pelshare krioel. Hy gryp met sy sterk kloue aan die gasheerdier se hare vas en fynkam dit dan met sy snaweltjie vir iets te ete. Ja, jy…

Op hierdie epiese avontuur verken ons dele van Namibië en Zambië waar die meeste van ons nog nooit was nie. Dit sluit in Namibiese nasionale parke soos Nkasa Rupara aan die Linyantirivier, Mudumo en BwaBwata (Horseshoe Bend). In Zambië besoek ons die Sioma Ngwezi- nasionale park, die land se derde grootste reservaat waar ’n mens die indrukwekkende Ngonye-waterval kan besoek. Die Liuwa-vlakte- nasionale park is ons tuiste vir vier nagte. Dis in die weste van Zambië, ’n ongerepte wildernis veral bekend vir sy troppe blouwildebeeste, wilde honde en ryk voëllewe. Ons reis begin by Kongola in Namibië en ons gebruik die eerste paar dae om die Zambesi-streek, sy nasionale parke en natuurskoon te verken. Dan ry ons noord, Zambië toe waar ons die Sioma Ngwezinasionale park by ’n klein grenspos…

’n Baltiese beer! Ek het in Mei 2023 ’n konferensie in Tallinn, die hoofstad van Estland, bygewoon. Min mense sal Estland as ’n reisbestemming oorweeg en tog is dit een van die mooiste lande wat ek al ooit besoek het. Behalwe vir hulle ongelooflike kultuurerfenis, wat ’n mengsel van Europese en Russiese invloede insluit, is Estland se natuur wonderskoon. Ek wou nog altyd graag ’n beer sien en het my kans benut en die Lahemaa- nasionale park in ’n huurkar verken. Lahemaa is eintlik ’n biosfeer, met klein dorpies, oerwoude en ’n allermooiste kus. Daar is ook ou Duitse herehuise op dorpies soos Palmse en Sagadi, maar dele van Lahemaa is werklik ongerep. En hier, ’n paar kilometer van die ou vissersdorpie Altja sien ek toe wraggies dié bruinbeer! Sommer…

Leanne Dryburgh kry my buite die White Rabbit-kroeg op Fisherhaven. Ons ry met haar kombi en sy’ t skaars na tweede rat oorgeskakel toe ons die eerste wildeperde sien: ’n groepie van sewe wat sommer net so langs die pad op kikoejoegras wei. “Dis die Palomino-trop,” sê sy. “Die pelse laat mense gereeld dink dat hulle nie aan die ander wildeperde verwant is nie, maar dis eintlik net ’n resessiewe geen wat hulle dié kleur gee – soos ’n koningjagluiperd, of ’n witleeu.” Leanne parkeer die kombi ’n entjie weg en ons klim uit. Maar die perde verdwyn vinnig tussen die plantegroei in. “Dis presies waarop ek gehoop het,” sê Leanne. “Die oomblik wat hulle mense gewoond raak, gaan die moeilikheid begin. Ek sê altyd: bewonder die perde slegs van…

Romerige steak-ensampioenpastei Vir 6Voorbereityd 1 uurGaarmaaktyd 3 uurOondtemperatuur 200 °C Jy benodig 250 g spek of pancetta, gekap 3 eetlepels olyfolie 800 g biefblokkies (verkieslik dikrib) ⅓ koppie meel 1 teelepel braaivleisspeserye sout na smaak 1 ui, fyn gekap 400 g portabellini-sampioene, gekap 2 knoffelhuisies, gekap 1 eetlepel tamatiepasta 1½ koppies biefaftreksel 1 teelepel gemaalde swartpeperkorrels 2 aartappels, in klein blokkies gesny ½ koppie room 400 g blaardeeg, ontdooi ’n bietjie geklitste eier Só maak jy 1 Braai die spek in die olyfolie bros. Skep die spek uit en behou die gegeurde olie. Rol die bief in die meel en geur met die braaispeserye en, indien die speserye nie sout bevat nie, sout na smaak. Braai die vleis tot mooi bruin; werk in sarsies as jy moet en hou die…

FIRST ASCENTMERINOWOLFROKKIE Net soos ’n ryk bolognesevleissous begin met ’n Sofrito-basis van gekapte ui, wortel en seldery, sal jou onderlae (dink aan hulle as onderklere op opkikkers) bepaal of jy ’n gelukkige of ’n gestresde stapper is. Aangesien dit die eerste kontakpunt van vel met klere is, beveel ons natuurlike materiale soos bamboes of merinowol aan. Hierdie langmouhemp van 100% merinowol is nie net sag nie, maar dit gee jou vel kans om asem te haal (en nie vog te behou soos ’n katoen-T-hemp sou nie). Dis natuurlik reukbestand en beskikbaar in vroue- en mansgroottes in slegs stofbruin. R1 299 🖰 firstascent.co.za K-WAY-BAMBOESLANGPYPONDERBROEK Hoe herken jy jou landgenote oorsee? Soek net vir die K-Waypofbaadjie sodat jy die “Jis, Boet! So waar kom jy vandaan?”-gesprek kan begin. Dit sal ’n uitdaging…

BORNEO SE MOSSIEGROT Verbeel jou: dis anderkant 40 °C en die humiditeit 100% vet druppels. Jy stap iewers in ’n reënwoud op die eiland Borneo met ’n heldergeel plastiekveiligheidshelm op jou kop. Laasjaar is ’n toeris oorlede toe ’n tak op hom geval het. Nou is dit veiligheid eerste en oral is waarskuwings wat lees “pasop vir vallende takke”. Okei, okei, ek dik ’n bietjie aan. Dié valhelm is eintlik vir die finale bestemming: die Gomantong-grot. Ek, my vrou, Ronél, en twee Franse twentysomethings is op pad na die grot in die staat Sabah, wat deel is van Maleisië, in die noorde van Borneo. Gomantong word beskou as een van die wêreld se top-100 voëlkykbestemmings en al lank op my wenslys. Die grot se bek lyk nie besonders indrukwekkend nie,…