Indholdsfortegnelse for June - September 2024 i Baba & Kleuter

Een Afrikaanse woord (van vele) wat ek my Duitse man al geleer het, is die konsep van “die sonnetjie”. Dis meer as ’n woord, want dit verwys na ’n spesifieke soort sonskyn – die soort wat in die winter in Johannesburg skyn. Ek sit in die winter eintlik meer gereeld as in die somer buite in die sonnetjie, want die winterson hier is ’n Gouelokkies-son: nie te warm nie, nie te koud nie, nét reg. Die nuwe kantoorkat waardeer dit ook en is al vroegdag hier op ’n stoel by die venster in die sonnetjie waarvandaan hy omtrent nie beweeg nie. Hy snork selfs ’n bietjie. Ek is jaloers op daai sonkolletjie, maar dit werk nie om met ’n rekenaarskerm daar te probeer sit nie. Een van my rituele in…

Die Suid-Afrikaanse velsorgreeks Bramley weet dat die meeste vroue besorg is oor droogheid en rekmerke. Bramley is ook bewus van ons almal se knap begrotings! Dis hoekom die reeks net gehalte-bestanddele inspan om die vel te bevogtig, te voed en te behandel, en dit teen ’n bekostigbare prys. Veral twee spesiale bestanddele, vitamien E en hul eie Bio-pharm-olie, help om die voorkoms van rekmerke en littekens te verbeter. Dit bevogtig en versag die vel, en help ook om vog te behou sodat die vel ferm, elasties en egalig bly.…

Eers ’n bietjie slegte nuus... Daar is geen medisyne wat verkoue en griep kan genees nie. Nog ’n bietjie slegte nuus... Kinders kry baie meer verkoue en griep as volwassenes. Dis heel normaal dat ’n kind tot sewe lugweginfeksies per jaar opdoen, en die outjies by dagsorg tot 14 keer per jaar. In die eerste plek is dit omdat kleingoed se immuunstelsel nog nie heeltemal ontwikkel het nie. En in die tweede plek is dit omdat kinders nog nie die gewoontes aangeleer het wat grootmense help om kiemoordrag te vermy nie. Verkoue en griep is baie aansteeklik en babas en peuters wat alles in hul mond druk, baie in groepe aan mekaar vat, speelgoed deel en ook nie higiëniese hoesen niesgewoontes ken nie, loop dus deur. raakgekoop Die tegnologie van…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNER “DIE HELE PROSEDURE VAN BEGIN TOT EINDE DUUR GEWOONLIK SOWAT 20 TOT 30 MINUTE.” DR. PETER KOLL ANTWOORD: Die voorbereiding op jou keisersnee sal al in die kraamsaal begin voor jy na die teater oorgeplaas word. Die narkotiseur sal ’n draai kom maak, ’n volledige geskiedenis vra en jou ondersoek om seker te maak dat jy geskik is om spinale verdowing te kry. Hulle sal die prosedure ook kortliks aan jou verduidelik. Die saalverpleegsuster sal jou dan help om jou teaterklere aan te trek en wanneer die teater gereed is, sal ’n portier jou in die saal kom haal en in jou bed na die wagdeel buite die teater stoot. Wanneer die narkotiseur en chirurg…

Terug werk toe As jy in die mark is vir ’n nuwe kinderoppasser en jy weet nie waar om te begin nie, is hierdie boek ’n moet. Lara Schoenfeld is op ’n missie om werkende ouers en kinderoppassers te help om saam te werk sodat die kleingoed gelukkig en gestimuleer bly. The Nanny Solution – The Guilt Free Guide to Ensuring Exceptional Child Care for Back to Work Moms kos R120. Bestel by goingbacktowork.co.za of koop die digitale weergawe op Amazon. Soek sommer ook by nannynme.co.za na kinderoppasserkursusse. Vir vry hande Die SnuggleRoo Baby Carrier is ’n besonder gemaklike babadrasak. Jou baba word teen jou lyf vasgehou, soos ’n drukkie, wat ’n kalm, sensoriese ervaring skep. R730 by snuggletimebaby.co.za. Doeke wat spaar As jy vir die omgewing omgee en dus…

WAT IS MEKONIUM? Dit is die swart, taai en klewerige poef wat jou pasgeborene die eerste dag of twee ná sy geboorte uitskei. Mekonium bestaan uit alles wat jou baba in die baarmoeder gesluk het, soos slym, vrugwater, epiteelselle, lanugo (die haartjies wat op sy vel was), water en gal. Hierdie taai poefdoek maak dit nie maklik om sy boudjies agterna skoon te maak nie, al ruik dit nie juis na iets nie. BORSVOEDING HELP Kolostrum – die eerste melk wat jou liggaam ná jou baba se geboorte vervaardig – is min, maar ryk, maklik verteerbaar en propvol teenliggaampies. Dit het lakserende eienskappe wat help om van die mekonium ontslae te raak, verduidelik die borsvoedingsgroep La Leche League International op hul webtuiste llli.org. Dit reinig ook die spysverteringskanaal en vorm…

Dis oor en oor bewys dat kinders wat as babas en peuters reg gestimuleer is, as hoërskoolleerders beter vaar in wiskunde en leestoetse en oor die algemeen hoër IK’s het as die outjies wat nie doeltreffend gestimuleer was nie. Maar voor jy nou paniekerig raak oor wat reg en verkeerd is, is dit goed om te weet dat baie van die dinge wat ouers van nature met hul baba aanvang, juis die perfekte stimulasie is. Vertrou dus jou instink en volg ons planne, en daardie breintjie sal pragtig groei. JOU NUWE BABA Span jou baba se sintuie in om sy breinbedrading te stimuleer. Pasgebore babas leer deur aanraking baie oor die nuwe wêreld waarin hulle hul bevind. Vryf oor jou baba se lyfie met verskillende materiaalteksture soos satyn, wol of…

Voel dit vir jou jou kind het vyf jaar laas groente geëet (al is hy net vier jaar oud)? Jy kan jou beter laat voel deur ’n paar resepte vol weggesteekte groente of vrugte te prakseer. Dié voorstelle is alles vir resepte wat gewoonlik in kinders se smaak val. Dieetkundiges se beswaar teen verdoeselde groente is dat kinders eintlik moet leer om groente net so te eet en geniet. As dit altyd verbloem is, leer hulle dit nie ken nie en sal dan nie later as volwassenes gesonde keuses maak nie. Moet dus nie nét verdoeselde groente gee nie. Maak seker jy sit nog steeds met elke maaltyd groente in hul herkenbare vorm ook voor. Die idees hieronder sal jou egter help om minder bekommerd en gestres te voel wanneer…

Speel met elektronika Nex Playground is ’n splinternuwe aktiewe speelstelsel wat ontwerp is om jou sitkamer in ’n interaktiewe speelgrond te verander wat die gesin bymekaarbring vir vermaaklike, fisieke aktiwiteit. Die kubus huisves ’n ultrawye-hoekkamera wat in staat is om spelerbeweging op te spoor en dit te omskep in akkurate aksie op die skerm. Die aktiewe speelstelsel koppel aan TV's. Vir R3 499 sluit Nex Playground vier speeltitels in. Intekening van R399 per kwartaal of R1 199 per jaar bied direkte toegang tot 20 speletjies, met meer nuwe speletjies wat elke seisoen bekendgestel word. Beweeg, bons, wip en klim van die rusbank af! Vir meer inligting besoek playground.nex.inc. Speel veilig SunKin is KANSA-goedgekeurde sonsorgklere vir kinders wat met trots die Smart Choice Seal dra. SunKin se natuurlik beskermende SBF 50+-materiaal…

Meneer Robot Hierdie boksspeelding gaan lei tot ure se verbeeldingspel. Gebruik jul robotstemme terwyl julle dit maak! BENODIGDHEDE ■ 1 boks van sowat 500 x 400 x 800 mm■ Kunsvlytmes■ Dik maskeerband■ Foelie■ Silwer papier, met of sonder patroon■ Gom■ 2 stukkies swembadpyp van sowat ’n meter lank■ 4 toiletrolle■ 1 blik silwer sproeiverf■ 1 blik blink silwer sproeiverf■ Swart spons■ Wasgoedlyn in ’n helder kleur■ 1 ou gloeilampie■ Wondergom■ ’n Vel sagte sponsplastiek■ Swart vloerbeskermingsplakkers■ Dik swart kokipen BOU DIE ROBOT SÓ 1. Sny ’n venster in die boks waardeur jou kind kan kyk terwyl hy die boks onder vashou. Meet versigtig deur hom in die boks te laat staan voor jy sny. 2. Sny twee gate in die kante vir die swembadpyp. 3. Plak die bokant van die…

Baie mense se finansiële krisis kon voorkom gewees het, as ’n paar eenvoudige lessies oor geld nagekom is ... Daar is nie ’n onuitputbare bron van geld nie; as jy geld leen moet jy dit terugbetaal, as jy iets nie kan bekostig nie behoort jy dit nie te koop nie. Selfs ’n klein kind kan dit verstaan, maar steeds is daar baie volwassenes wat daarmee sukkel. Sorg dat jou kind van jongs af toegerus word met ’n verantwoordelike houding teenoor geld. Praat met jou kind oor geld, want die lesse wat sy nou leer, gaan die basis vorm van haar toekomstige finansiële gedrag. Net soos jy jou kind leer van tafelmaniere of higiëne, moet jy haar ook leer om na haar geld om te sien. Dis nie nodig om geldelike…

Nuwe ouers se leerkurwe is enorm! My kinders is byna oud genoeg om die nessie te verlaat, maar die kurwe plat nog steeds nie af nie. Ek sal seker maar altyd oor hulle gesondheid en veiligheid bekommerd wees, veral noudat hulle begin bestuur het. Dit maak nie saak hoe paraat jy is nie, jou kinders sal soms siek word en hulle sal soms ongelukkies en einas oorkom wat jy meestal beter kan soen. Dis deel van grootword. Ouers kan egter beslis ’n verskil maak deur hulself te bewapen teen ernstige beserings en reperkussies van siektes deur beskermende en voorkomende aksie te neem en deur te weet wat om in ’n noodgeval te doen. Net sodat jy weet... koors en valle het ’n manier om op die mees ongeleë tye en…

Die voorbereiding vir jou nuweling se koms het nege maande geduur. Jy is nou ’n ouer en jou wêreld word op sy kop gekeer. Jou doelwit is om jou baba veilig en gesond te hou. Dit begin wanneer julle die hospitaal verlaat om huis toe te gaan en daarvoor het jy ’n motorstoeltjie nodig. KIES ’N MOTORSTOELTJIE Babas word veral blootgestel aan beserings aan die kop en spinale koord omdat hul bene en ligamente nog aan die ontwikkel is. ’n Baba se kop is proporsioneel groter as die nek, sodat die strukturele ondersteuningstelsel nog ’n bietjie wankelrig is. Daar is twee soorte motorstoeltjies wat elk spesifieke vereistes het vir behoorlike installasie. Wanneer jy ’n stoeltjie kies, onthou dat jou baba se kop en nek die grootste risiko dra, maar dat…

1ANAFILAKSE (’N ALLERGIESE REAKSIE) Anafilaktiese skok is ’n erge teenreaksie wat die hele liggaam affekteer op ’n stof soos sekere kossoorte (grondboontjies), ’n bysteek of medikasie. Anafilakse tree onmiddellik ná blootstelling aan ’n allergeen in. Dis ernstig en betrek die hele liggaam. Dit is vreesaanjaend en vereis dadelik optrede. Oorsake ■ Kos Grondboontjies is gereeld die sondebok wanneer dit met kinders gebeur. Selfs ’n titseltjie daarvan kan anafilakse by iemand wat allergies is daarvoor, veroorsaak. Ander kossoorte wat ’n allergiese reaksie kan laat opvlam is vis, skulpvis, vrugte en sekere speserye, voedselkleursel en bymiddels. ■ Insekbyte en -steke van bye, perdebye en jellievisse. ■ Medikasie Spesifieke medisyne soos penisillien, verdowingsmiddels en pynstillers. Tekens en simptome Die simptome ontwikkel vinnig, dikwels binne sekondes, en kan insluit: ■ Angstigheid. ■ Buikpyn. ■…

Dis nie altyd maklik om te besluit of jy jou kind dokter, of selfs noodeenheid, toe moet neem nie – veral nie as simptome snags ontwikkel nie. Die reël is: hoe jonger jou baba, hoe dringender moet jy mediese sorg soek. Babas se gesondheid kan vinnig agteruitgaan, dus moet jy liewers veilig speel. Soos jou kind grootword, sal jy meer ervare raak om hom self te monitor, sy skete en pyne te behandel en meer geneig wees om self ’n oog oor hom te hou en te kyk of dinge verbeter. Wat ook al jou kind se ouderdom, vertrou jou instink. Jy kan liefs agterna besef jy was onnodig besorgd. Moenie uitstel omdat jy nie jou dokter met ’n onbenulligheid wil pla nie. KOORS Liggaamstemperatuur wissel deur die loop van…

VOORBLADWENNER HOE HET SY GEBOORTE VERLOOP? Cameron het ons almal verras deur vroeg op te daag. Ek was nog veronderstel om die dag by die werk te wees! Die plan was om met my dag se werk klaar te maak en dan ’n oorhandiging te doen aan ’n kollega, maar dit het nooit gebeur nie, want teen vyfuur was hy reeds in my arms. Sy geboortedatum is spesiaal, want dis net twee dae na sy ouma s’n. Sy was so opgewonde dat hy naby aan haar verjaardag gebore is, maar ongelukkig het hy haar nooit ontmoet nie, want sy her onverwags heengegaan toe hy maar twee weke oud was. NA WIE AARD HY? Wanneer dit by voorkoms kom, het hy my groot, blou oë en gesigvorm, en sy oupa se…

Indië is kleure, geure, kosse, mense, tale en kontraste wat mens moeilik in ’n neutedop kan vasvat, daarom is die lewe in Kolkata verseker vir ons ’n avontuur. My man, EJ, is ’n dominee en ek is ’n maatskaplike werker en musiekterapeut. Ons het ses jaar gelede besluit om ’n lewe te kies wat buite ons gemaksone is en om doelbewus iewers te woon waar ons ’n klein bietjie hoop kan bring in ons gebroke wêreld. Met ’n onverwagte geleentheid het ons ’n man ontmoet wat al 35 jaar wonderlike werk in Indië doen, en drie maande later het ons geland in hierdie ongelooflike land. Ek sê dis ongelooflik omdat ’n mens amper nie kan glo wat jy soms beleef nie. Die verkeer is ’n wilde mengelmoes van mense, karre,…

EERSTE TRIMESTER BINDING Gedurende die eerste trimester kan die fisieke en emosionele veranderings wat jou liggaam beleef, die ontwikkelende band tussen jou en die vreemde boontjie in jou lyf oorskadu. Naarheid, seer borste, sooibrand en uitputting kan sy tol eis en jou aandag van jou fetus aftrek. Namate die maande verbytik en jy jou baba begin voel beweeg, word dit makliker om nader aan die kleinding te voel. Voorlopig is daar ’n ander oplossing: Bly ingelig oor baba se ontwikkeling. Monitor jou fetus se weeklikse mylpale en visualiseer hoe hy dit bereik. Jou baba groei teen ’n geweldige pas; dis interessant om daaroor na te lees. Doen dit wanneer jy ontspan, met jou skoene uitgeskop en jou voete op die rusbank. Jou fetus floreer ook wanneer jy gelief voel. Koester…

HOEKOM LÊ MY BABA DIE HELE TYD OPGEKRUL? Dinge was die laaste weke maar beknop daar binne-in jou baarmoeder. Jou baba gaan dus vir ’n hele rukkie ná sy geboorte nog dié posisie verkies. Hy sal selfs sy handjies in vuisies toekrul. Moet hom nie reguit probeer dwing nie, dit sal vanself regkom – hy gaan mettertyd sy armpies en bene begin uitstrek en begin gewoond raak aan die nuwe wêreld waarin hy hom bevind. Teen die einde van die eerste maand behoort jou baba sy koppie vir ’n paar sekondes te kan lig wanneer jy hom op sy magie lê en hy kan dit dalk al selfs van die een kant na die ander begin draai. Dan sal die stokkerige bewegings van sy lyfie ook vloeiender wees. MY BABA…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNERS My baba is net meer as ’n jaar oud. Baie maatjies by die dagsorgsentrum het op die oomblik hand-voet-mond-siekte. Hoe aansteeklik is dit? Wat is dit en hoe kan ek voorkom dat my baba dit kry? DR. H.P. VAN DER MERWE ANTWOORD: Hand-voet-mondsiekte is ’n virusinfeksie wat hom voordoen as seertjies in die mond en ’n veluitslag op die hande, voete en in die luierarea. Daar is meer as 15 serotipes of stamme van die enterovirus-groep wat die siekte kan veroorsaak en die coxsackievirus-A-serotipes is die algemeenste sondaars. Dit is dus ’n siekte wat by herhaling kan voorkom. Dit kom wêreldwyd voor en tas meestal kinders onder vyf jaar aan. Ouer kinders en volwassenes kan…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNER V My kind is nou drie en ’n half jaar oud. Ons is nou al ’n paar maande lank met potjielesse besig, maar kom nie juis êrens nie. Ek raak nou bekommerd, want al die ander kinders van haar ouderdom het potjielesse al onder die knie. Het my kind ’n probleem? Wat kan die oorsaak wees? A LIZANNE DU PLESSIS ANTWOORD: Elke kleuter het ’n unieke temperament en daarom is daar nie ’n regte manier of ’n regte tyd om te leer nie. Kinders bemeester potjielesse op verskillende ouderdomme, en dis hoekom verskillende benaderings vir elkeen werk. Soos met enige ander ontwikkelingsmylpaal is daar aspekte van ontwikkeling wat bemeester moet word voor potjielesse aangepak kan…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNER V My driejarige dogtertjie is glo afknouerig by die kleuterskool, gewoonlik wanneer kinders met haar gunsteling-speelding wil speel. Ons het ’n jonger seuntjie by die huis vir wie sy soms afknou, maar nie uitermatig nie. Ek sien dus nooit hierdie gedrag by haar nie. Dit is nie lekker om daarvan te hoor nie, maar terselfdertyd wil ek ook nie hê sy moet ’n kind wees wat sommer vou as ander kinders haar dreig nie. Waar lê die balans en hoe pak ek die probleem aan? A LIZANNE DU PLESSIS ANTWOORD: Jou dogtertjie is besig om te leer hoe om haar aksies (lyfie), gevoelens en denke te reguleer. Ons noem hierdie vaardigheid selfregulering. Kleuters se brein…

Gereelde uitstappies om op die plaaslike parkie se speelapparaat te speel, kan help om jou kleinding skoolgereed te kry. Standaard-speelparkietoerusting gee oefening aan bilaterale koördinasie (die samewerking van die boonste en onderste ledemate) en balans sodat jou kind beter kan hardloop, huppel en touspring. Jou kleuter se bolyf sal ook geoefen word, wat ’n baie goeie ding is, want ’n regte potloodgreep begin by sterk skouers. Hy sal ook nie so vinnig moeg word wanneer hy begin skryf as sy skouers en bolyf sterk is nie. Die parkie is ook soos ’n gimnasium vir jou kind se oë, want hy moet gereeld van fokus verander en bewegende voorwerpe volg. As sy ogies fiks is, gaan hy nie gou op skool moeg word nie. Jou kind leer ook in die parkie…

KEER HONDBYTE NOG VOOR DIT GEBEUR Honde verstaan nie dat dit verkeerd is om mense te byt nie. Honde byt dikwels wanneer hulle bang is of hulself probeer beskerm. Om te keer dat ’n hond ons byt, moet ons almal verstaan: ■ Hoe ’n hond voel. ■ Hoe om bekende en vreemde honde te nader. ■ Wanneer dit veilig is om ’n hond te nader of interaksie te hê met ’n hond – en wanneer nie. HOE OM OP TE TREE RONDOM HONDE Honde wat jy ken ■ Leer jou kinders om met honde te speel wanneer die hondjies nog klein is. Doen dit ook self. Dit help om die honde te sosialiseer wat verseker dat hulle nie vir mense bang is nie, want hierdie soort spel maak hulle gewoond…

TEKENS EN SIMPTOME WAT OM TE DOEN WATERPOKKIES Waterpokkies manifesteer as ’n vlekkerige uitslag gevolg deur plat, rooi kolletjies. Dit verander in puisies, dan jeukerige blasies en uiteindelik rowe. Die kind voel nie lekker nie en kan moontlik ligte koors en hoofpyn ervaar. Verlig jeukerigheid deur koeksoda by ’n louwarm bad te voeg. Wend kalamynroom aan. Verhinder dat jou kind krap, want dit kan tot littekens en infeksie lei. Waterpokkies is ’n aanmeldbare siekte en moet aangemeld word. Jy moet dus dokter toe. MASELS Klein, wit kolletjies met ’n plat, rooi basis, gevolg deur ’n vlekkerige, rooi uitslag. Gaan gepaard met koors, rooi, tranerige oë, ’n loopneus en hoes. Parasetamolstroop verlig hoofpyn en koors. Masels is ’n aanmeldbare siekte wat gerapporteer moet word. Jy moet dus die dokter besoek. ROSEOLA…

WENBRIEF MERWE SE REIS Hier sit ek vanaand in ongevalle. Boeta Merwe is siek en die mamma is verby moeg – ek het drie aande laas geslaap. Maar ek sal dié reis weer oor en oor aanpak. Ek het in 2020 gehoor ek is swanger nadat ek ’n miskraam gehad het. Ons het twee dogtertjies, maar ek wou graag ’n derde een gehad het. Op 21 weke het ons uitgevind dis ’n seuntjie en hy het Downsindroom. Maar toe kom die nuus: Jou seuntjie het ’n hartafwyking. My kop draai. Ek is verwys na die genetiese konsultant wat ’n aborsie aangeraai het – hy gaan kan sterf voor geboorte, met geboorte, of net daarna. Hulle kan ’n pilletjie gee en die volgende dag is als verby. Hoe neem jy daardie…

KOOP NOU Unicorn Moonmuurkuns vanaf R130, Moonchildsa.co.za KOOP NOU Whimsical Crescent Moonmuurkuns vanaf R130, Moonchildsa.co.za KOOP NOU KOOP NOU Kubus-rak vanaf R2 249, Moonchildsa.co.za KOOP NOU KOOP NOU KOOP NOU KOOP NOU KOOP NOU KOOP NOU KOOP NOU KOOP NOU KOOP NOU…

LAM-&-APPELKOOSBREDIE BESTANDDELE ■ 1 ui, gekap■ 4 middelslag-wortels in blokkies van 1 cm gesny■ 1½ kg stowe-lamsvleis■ ½ k (125 ml) gedroogde appelkose, gehalveer■ ½ k (125 ml) pitlose groenolywe (opsioneel)■ 1 knoffelhuisie■ 1 e (15 ml) koekmeelblom■ 1 t (5 ml) paprika■ 1 t (5 ml) fyn komyn■ ½ t (2,5 ml) fyn kaneel■ ½ t (2,5 ml) gemmerpoeier■ sout en swartpeper na smaak MAAK SÓ Meng die ui, wortels, vleis, appelkose, olywe, knoffel, meel en speserye saam in jou prutpot en voeg ’n halwe koppie water by. Bedek en laat die mengsel 7-8 uur teen ’n lae temperatuur prut. Sit voor saam met kapokaartappel, rys of koeskoes. WENK Kinders is dol oor die soet smaak van die appelkose in hierdie gereg. Jy kan die olywe uitlaat as niemand…

SMAG JY NA YS? Dis een van die simptome van ’n ystertekort. Laat jou toets en praat met jou dokter oor ’n aanvulling wat vir jou swangerskap kan help. ONS NUUSBRIEF Ons het saam met ons sustertydskrif Your Pregnancy & Baby ’n nuusbrief. Teken in deur die QR-kode te skandeer en bly so op hoogte van kompetisies, ons voorbladkompetisie en wanneer die nuwe uitgawes te koop is. TWEE DINGE OM JOU DOKTER TE VRA 1. Vra uit oor watter inentings jy kan kry voor en tydens jou swangerskap, want dit kan jou en jou baba beskerm, en jy kan van die immuniteit aan jou baba oordra. Vra veral uit oor die Adacel-inenting en die MMR. 2. Vra voor 10 weke swangerskap oor NIPT. Dit staan vir non-invasive prenatal testing. Dis…

JOU FERTILITEIT Die pyn van endometriose is uitputtend; fisiek en geestelik. Dit verwoes jou lewe, want jy kan nie werk nie, kan nie studeer nie, kan nie ’n verhouding geniet nie. Navorsers reken een uit 10 vroue ly aan endometriose, ’n chroniese siekte wat vroue in hul vrugbare jare aantas. Tog weet die meeste van ons min van die siekte. WAT IS ENDOMETRIOSE? Dis ’n chroniese siekte waar weefsel wat soortgelyk is aan die binneste voering van die baarmoeder, elders in die liggaam voorkom. Dié weefsel vorm letsels, meestal op die eierstokke en ander organe in die bekken. Die weefsel reageer op ’n vrou se veranderende hormoonvlakke tydens haar menstruele siklus en groei. Dit lei tot ontsteking, die vorming van littekens en pyn. Die endometriose-letsels kan ook begin kleef en…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNERS V Ons het ’n middelslag-hond wat van babatyd af by ons in die kamer slaap. Hy slaap nie by ons in die bed nie. Ons baba gaan vir eers by ons in die kamer slaap. Moet ons die hond uit die kamer skuif? A DR. H.P. VAN DER MERWE ANTWOORD: Die goeie nuus vir jul hondekind is dat vroeë blootstelling van babas aan hondeallergene help keer dat kinders allergies vir honde raak. Jou kind sal dus eerder meer verdraagsaam as meer sensitief vir die hond wees. Party studies het selfs gewys dat die immuunstelsel van babas en kleuters wat tuis in aanraking is met ’n gesonde hond en wat genoeg tyd buite in ’n gesonde…

WAT IS MYLPALE? Dit is ’n stel vaardighede wat die meeste kinders teen ’n sekere ouderdom bereik, sê dr. Sarah Batchelor, ’n Johannesburgse pediater. Dis ook bakens wat wys dat baba vorder, voeg dr. Melodie de Jager, stigter van BabyGym Institute International, by. Ontwikkeling gaan nie oor jou baba se lengte of gewig nie, maar oor die vaardighede wat hy bemeester sodat nuwe lae van die brein ontwikkel en met ander dele begin saamwerk, sê sy. IS IETS FOUT? Dit is belangrik om te onthou elke baba is uniek en ontwikkel teen sy eie pas. As jy egter agterkom iets skort, is dit beter om by ’n dokter uit te kom, sê Sarah. Rooi ligte kan insluit dat jou baba teen twee maande steeds baie styf óf slap is en…

1. KLEUR REG IN Sterk kleur kan ’n kamer beknop laat voel. Bly liewer by pastelle en gebruik helder kleure net as aksent, soos in fotorame, kussings of lampskerms. En temas? Klassieke temas gaan veel langer in die kol bly as animasie-temas uit rolprente. 2. HOU DIT NATUURLIK Belê in die beste katoenbeddegoed. Dis sag, gemaklik, sal nie jou kind se vel irriteer nie, behou kleur en druk goed, en is sterk en duursaam. 3. SLIM BÊREPLEK Kubusrakke teen die muur is slim pakplek vir breekbare goed, maar ook om teddiebere en boeke op uit te stal. ’n Kubus bo jou baba se doekruiltafel is ’n praktiese bêreplek. Jy kan ook ’n staaf onderaan die kubus heg waaraan jy ornamente kan hang. 4. KIKKER DIE KAMER OP Jou neutrale meubels…

Jy dreig, jy smeek, jy probeer omkoop, maar jou peuter of kleuter weier botweg om tande te borsel. Dis dan dat die uitdrukking “steeks soos ’n donkie” nuwe betekenis kry ... Gelukkig is daar allerlei maniere om die tande skoon te kry! 1. LEER ’N OULIKE RYMPIE of liedjie en sê of sing dit saam wanneer tandeborseltyd aanbreek. Beproef dié een: “Borsel jou tande, borsel jou tande, al in die rondte, al in die rondte, links en regs, links en regs, kieme weg, kieme weg.” Of wat van “Hoor die water in die kraan as ek soggens vroeg opstaan. Tjoef-tjaf, tjoef-tjaf, tande borsel op en af!” Hierdie liedjie is op Vader Jakob se wysie: “Tandeborsel, tandeborsel, blink en skoon, blink en skoon, altyd in die rondte, altyd in die rondte, kieme…

JULLE HET NODIG ■ ’n Hele klomp toiletrolletjies■ Skêr■ Gom■ Stukkies gekleurde papier Nog idees ★ Maak jou eie partytjieversierings: Verf die ringetjies verskillende kleure en hang lang stringe in jou partytjietent. ★ Plak twee toiletrolle aan mekaar vas om ’n verkyker te maak. Begin hier 1. Versamel ’n stapel toiletrolletjies. Hoe meer julle versamel, hoe langer kan die slang wees. 2. Sny die rolletjies elk in drie gelyke dele en verdeel in twee hopies. 3. Die een hoop se ringetjies moet oopgesny word sodat dit in die toe ringetjies gehaak kan word. 4. Gebruik die oopgesnyde rolletjies om die heel rolletjies met mekaar te verbind. Ryg deur en plak vas met gom. Die idee is om ’n lang ketting te maak. 5. Kyk hoe lank julle die ketting kan…

As jy jou kleuter gereeld uit die kombuis jaag sodat jy in vrede kan kos maak, is jy besig om ’n groot geleentheid mis te loop. As sy volgende keer onder jou voete is, nooi haar eerder om te help. Die voordele is legio: ■ Sy sal geneig wees om beter en meer avontuurlik te eet as sy ’n aandeel aan die maaltyd gehad het, ■ julle sal spontaan en natuurlik gesels terwyl julle aan die werskaf is, ■ haar selfbeeld sal ’n hupstoot kry omdat sy kan help met grootmenswerk, ■ haar algemene kennis en woordeskat sal uitbrei met elke nuwe ervaring, ■ dis die begin van die vaslê van familietradisies wanneer julle byvoorbeeld ouma Betsie se boerbeskuit saambak, ■ haar kreatiwiteit en verbeelding word aangevuur deur te sien…

Lillie-Marie kyk onseker terug terwyl ek haar aanmoedig om teen die klimraam uit te klouter. Sy gee nog ’n tree of twee en loer weer oor haar skouer om seker te maak dat Pappa steeds daar is. Dan klouter sy die klimraam uit en neem stelling in by die glyplank. “Pappa!” word ek ontbied en neem my plek aan die onderkant van die glyplank in. Nie om haar te vang as sy onder kom nie, maar sodat sy seker is dat my volledige aandag op die glyery gefokus is. Vol selfvertroue gly sy tot by my en pak sommer dadelik weer die tog terug na die opklouterplek aan. Maar nie sonder om kort-kort oor haar skouer te loer waar Pa is nie. Ek het aanvanklik die feit dat sy my…

Noodsituasies kan angswekkend wees, veral as babas of jong kinders betrokke is. Die beste is om so kalm as moontlik te probeer bly en dié belangrike stappe te onthou: een As jy vermoed jou kind het gif ingekry, neem haar hospitaal toe. twee As jy dink sy het ernstige beserings opgedoen, moet jy haar nie skuif nie, tensy sy in verdere gevaar verkeer. Hou haar warm en gemaklik en wag vir hulp om op te daag. drie Maak seker dat jy bekend is met die basiese KPR-stappe (sien bladsy 24 tot 27 vir instruksies). vier Hou jou gesin se basiese gesondheidsinligting byderhand. Hou ’n rekord van jou kinders se geboortedatums, immunisasies en enige belangrike mediese geskiedenis op ’n veilige, toeganklike plek, ingeval daar ’n noodsituasie ontstaan. Die paramedici sal soveel…