Indholdsfortegnelse for 06-Apr-17 i Finweek - Afrikaans

blackRock, die wêreld se grootste fondsbestuurder, gee selde gratis advies. Maar vir almal van ons wat vandeesweek slapelose nagte oor die toekoms van ons land gehad het, het BlackRock se deskundige oor ontluikende markte, Sergio Trigo Paz, wyse woorde gehad: “Daar sal geraas in Suid- Afrika wees, maar ons sal daarmee moet saamleef.” Met die skryf hiervan op 29 Maart is daar geen sekerheid oor president Jacob Zuma se planne vir die tesourie of die redes waarom hy minister van finansies Pravin Gordhan van ’n internasionale beleggingsreis teruggeroep het nie. Wat ons wel weet, is dat die rand teenoor die belangrikste geldeenhede geval het, dat die vooruitsigte vir ’n rentekoersverlaging vervaag het, en enigiemand wat beduidende langtermynbeleggings in Suid-Afrika dalk oorweeg het, nou eers ’n paar maande sal wag of…

Die skansstrukture was R2,9 miljard (R1,9 miljard vir die goudskans) werd, gelyk aan ongeveer R7 per aandeel. ’n Goudskans wat Harmony Gold verlede jaar ingestel het, word al hoe waardevoller namate die rand versterk. ’n Sterker rand verlaag normaalweg die inkomste van goudmynmaatskappye wat 100% aan die dollarprys van goud blootgestel is. Met die skryf hiervan was die randgoudprys ongeveer R512 000 per kilogram vergeleke met ’n jaar gelede toe goudprodusente na verwagting R100 000 meer per kilogram kon ontvang het. Dié verskil het ’n hoogs winsgewende sektor in ’n sukkelende sektor omskep. Talle Suid-Afrikaanse goudprodusente berig dat baie bedrywighede nou weer verliese ly soos laas in 2015 ervaar is toe die goudprys na aan $1 000 per ons was. “Die bestuur se termynverkoopskontrakte vir goud . . . sal…

toe Indluplace Properties in Junie 2015 op die JSE noteer, was dit met ’n residensiële portefeulje van 95 eiendomme van R1,6 miljard. Die maatskappy het na vore gekom uit Arrowhead Properties (wat tans 60% van die fonds besit) en was die land se eerste notering van ’n eiendomsbeleggingstrust (reit) met ’n residensiële fokus. Indluplace se aktiewe groeistrategie was toe om die portefeulje binne dieselfde jaar te verdubbel, maar Nenegate het dié doel verydel. Nogtans het dié reit sy portefeulje teen vroeg vanjaar met 117 eiendomme tot R2,4 miljard uitgebou. Die maatskappy skaf opbrengsverbeterende eiendomme aan wat vanuit die staanspoor inkomste voorsien. Die fokus is op bekostigbare residensiële huureiendomme waar ’n bewese vraag bestaan, gewoonlik in groter stedelike gebiede naby werksgeleenthede en vervoerinfrastruktuur. Vanjaar groei Indluplace aktief, met die aankoop van…

Dit was ’n moeilike jaar vir Anchor se aandeelprys. Die aandeel het verlede jaar in April teen 1 590 sent per aandeel verhandel en in Februarie vanjaar tot 580 sent per aandeel gedaal. Die resultate vir die jaar tot einde Desember was nie juis so wonderlik as wat ons gedurende Anchor se kort lewe as genoteerde maatskappy verwag het nie, maar sy groei moet die een of ander tyd afneem, en dit hét, met wesensverdienste per aandeel (WVPA) wat met slegs 8% gestyg het terwyl die dividend met 18,5% toegeneem het. Batebestuur gaan oor gelde wat verdien word, dus is dit bestuurde bates (AUM) en die prestasie van fondse wat saak maak om prestasiegelde te verdien wat die winsgrens merkwaardig verbeter. In die geval van Anchor presteer sy fondse nie…

met Sassa en Cash Paymaster Services (wat besit word deur die JSE- en Nasdaqgenoteerde Net1) in die nuus vir al die verkeerde redes, sê talle mense hulle sal nooit in Net1 belê nie weens sy sakemodel en onetiese behandeling van ontvangers van maatskaplike toelaes. Dít is ’n oënskynlik mooi gebaar, maar in werklikheid onbeduidend. Net1 is ’n maklike teiken vir beleggers wat graag aanvoer dat hulle net in eties verantwoordelike maatskappye sou belê, maar daar is meer as net dié maatskappy om te teiken. Sigarette maak mense dood, dit weet ons almal, maar tog is British American Tobacco (BAT) op die JSE genoteer, en met ’n markkapitalisasie van meer as R1,6 duisend miljard is hy een van die grootste aandele op die beurs. Waarom bly hy ongeskonde terwyl Net1 deurloop?…

hoe ons ons geld bestuur, verskil dikwels beduidend van hoe tradisionele geldsake voorskryf. Die werklikheid is dat die meeste van ons sukkel om te voldoen aan die vereistes om as rasionele ekonomiese mense op te tree. Tradisionele geldsake veronderstel dat individue risiko-afkerig is, die volmaakte inligting het en hul toespits op die maksimalisering van hul persoonlike bruikbaarheid. Gedragsfinansies sal ontleed hoe individue optree en finansiële besluite neem. Risiko is ’n sentrale konsep by belegging, en hoe ons risiko hanteer, is ’n belangrike bepaler van ons benadering tot belegging. Beleggers se risiko-toleransie kan strek van risiko-afkerig tot risiko-neutraal, en tot risiko-soekend. Laat my by wyse van ’n voorbeeld van FinaMetrica verduidelik: Jy oorweeg wat jy vir ’n belegging sal betaal, wat oor ’n jaar óf R10 000 óf R20 000 sal…

die voortgesette verbintenis tot die land deur motorvervaardigers gaan vanjaar voort; in Maart het BMW en Mercedes-Benz beleggings van R400 miljoen en R200 miljoen onderskeidelik aangekondig. BMW Groep Suid-Afrika belê R400 miljoen vir ’n nuwe moderne pakhuis en opknapping van sy Midrandhoofkantoor waar ’n handelaarsopleidingsentrum en ’n noodsaaklike IT-spilpunt gehuisves sal word. Dié pakhuis, wat na verwagting teen die middel van volgende jaar in werking sal wees, sal kapasiteit tot 2035 en vinniger lewering van onderdele toelaat, sê die uitvoerende hoof van BMW Groep Suid-Afrika en Afrika suid van die Sahara, Tim Abbott. Aanvanklik geskik vir die plaaslike mark, het hy kapasiteit vir Afrika suid van die Sahara. “Ons is besig om geheel ongemonteerde (GO-)bedrywighede in Afrika met die X3 te ondersoek. En ons sal kyk na verbindings uit Suid-Afrika…

netflix het onlangs aangekondig dat hy sy graderingstelsel van vyf sterre gaan laat vaar, en dit begin April sal vervang deur ’n eenvoudiger stelsel met ’n duim na bo of na onder. “Dít is nou die taal van die internet; dis die taal wat mense praat,” het Todd Yellin, produkdirekteur van Netflix, by die aankondiging gesê. In dieselfde week het twee van my kollegas afsonderlik kommer uitgespreek dat daar die laaste tyd ’n ernstige gebrek aan nuanse in kritieke debat in sosiale media is. Hulle redeneer dat die stand van redevoering in die land blykbaar ongelooflik gepolariseerd is, met min ruimte vir die middeweg. As ’n voorbeeld kan jy, afhangend van jou standpunt in die huidige debat oor staatskaping, óf die Gupta-familie óf die Rupert-familie as die vernaamste rolspelers beskou.…

dié klassieke entrepreneursverhaal het in die loop van byna twee dekades gestalte gekry. Met werksaamhede wat in Noord- Amerika, Latyns-Amerika, Europa, Afrika, Australië, Nieu-Seeland en die Asië-Pasifiese streek uitbrei, toon die sagtewaremaatskappy Striata, wat in kliëntekommunikasiebestuur spesialiseer, min ooreenkoms met die beginneronderneming wat 17 jaar gelede in ’n motorhuis in Johannesburg deur Mike Wright gestig is. Die maatskappy het e-posse namens derde partye (e-posbemarking, soos dit nou bekend staan) begin uitstuur en daarvandaan ontwikkel tot waar hy vandag waarmerking, veilige aflewering van dokumente en elektroniese rekeningdienste en -oplossings aan maatskappye oral ter wêreld lewer, onder meer aan ’n aantal Fortune 100-banke wêreldwyd. Dié sagteware-ontwikkelaar het in volwasse wêreldmarkte uitgebrei, en plam wêreldwyd lof in vir sy prestasies – onlangs onder meer deur erkenning te kry vir innovasie, uitvoeringsvermoë en “volledigheid…

bloomberg het verlede jaar berig dat Suid-Afrikaanse uitvoerende hoofde die sewende meeste van enige land verdien, met R102 miljoen per persoon per jaar – sowat 541 keer die inkomste van gemiddelde Suid-Afrikaners. Dis begryplik dat dit nogal verontwaardiging veroorsaak het. Die syfer is in twyfel getrek, hoofsaaklik omdat dit uitvoerende hoofde insluit wat in buitelandse geldeenhede betaal word. 21st Century Consultants het bevind dat die salaris van die uitvoerende hoof van die mediaan- Suid-Afrikaanse grootkapitalisasie-maatskappy verlede jaar minder as R6 miljoen was – sowat 5% van die Bloomberg-gemiddelde. Volgens PwC is die mediaan tussen R3,1 miljoen en R7,7 miljoen. Maar selfs op dié vlakke vra baie mense of uitvoerende hoofde verdien wat hulle kry. Is die waarde wat hulle toevoeg groter as die miljoene wat aan salarisse en bonusse bestee…

‘nInnoverende program is ontwikkel deur die video-onderwysbaanbrekers Paper Video in samewerking met die Aktuariële Vereniging van Suid-Afrika (Avsa) om die struikelblokke vir sukses in wiskunde en natuurwetenskap vir grade 8 en 9 uit die weg te ruim. “Grade 8 en 9 is belangrike basisjare, tog het ons gevind dat baie leerlinge, veral dié in die landelike en armer gebiede, nie voldoende basiese onderrig ontvang om voort te gaan met wiskunde en fisika nie,” sê Mike McDougall, uitvoerende hoof van die Avsa in ’n persverklaring oor Subject Maps. Subject Maps begelei leerlinge op ’n tweejaarreis deur elke aspek in die graad 8- en graad 9-kurrikula vir wiskunde, fisika, lewenswetenskappe, natuurwetenskappe en rekeningkunde. “Dit wys jou waarheen ’n vak gaan, maar ook waarheen jy moet teruggaan as jy iets nie verstaan nie.…

asof die voorneme om steenkool in ’n beskermde gebied te myn nie omstrede genoeg is nie, het die Indiese firma ook te kampe met bewerings dat hy korrup is. Die bewerings is hoofsaaklik as gevolg van die feit dat Atha-Africa ’n geïntegreerde watergebruikslisensie (GWGL) en omgewingsmagtiging (OM) vir sy Yzermynprojek vir termiese steenkool kon verkry ten spyte van sy ligging in Mabola naby Wakkerstroom in Mpumalanga. Mabola is waar die Pongola-, Vaal- en Tugelarivier bymekaar kom. Dit is as ’n beskermde gebied verklaar, maar eers nadat Atha-Africa sy permitte ontvang het – ’n ontwikkeling wat omgewingsgroepe soos Earthlife Africa hewig ontstel. Dan is daar ook die feit dat een van die projek se begunstigdes vir swart ekonomiese bemagtiging niemand anders is nie as Sizwe Zuma, ’n neef van president Jacob…

Fondsbestuurder se insigte: Die jaar 2016 was ryk aan gebeurtenisse in die mark, en 2017 beloof om ook te wees, terwyl sake in Suid-Afrika vinnig versleg. Wat beleggers moet onthou, sê die fondsbestuurder Denker Capital, is dat slegte nuus dikwels reeds in rekening gebring is teen die tyd wat die gewone belegger dit lees, dat goeie maatskappye slegte toestande die hoof kan bied en dit wel doen, en dat beleggers nie moet toelaat dat hul emosies ’n rol speel nie. “Ons ignoreer nie huidige gebeurtenisse nie, maar spits ons toe op die gety en nie die branders nie,” sê Denker Capital se Kokkie Kooyman. “2017 gaan onstuimig wees, maar ons werk hard om maatskappye met uitstekende prestasiegeskiedenis te identifiseer wat verkeerd geprys is.” Volgens Kooyman is waardasies van finansiële maatskappye…

Ondanks toenemende regulerende druk deur regerings wêreldwyd is tabakaandele steeds gewild as ’n defensiewe belegging. British American Tobacco (BAT) sê ondanks die feit dat die algehele verkoopsvolume van sigarette jaar-tot-jaar wêreldwyd verminder, die waarde van die sigaretmark steeds groei. Die globale tabakmark is ’n geraamde $770 miljard werd, met sigarette wat ongeveer $700 miljard van die algehele mark verteenwoordig. BAT se jongste jaarverslag toon daarenteen ’n bedryf wat internasionaal op menigte fronte veg. As dit nie howe is wat die produk geheel en al wil verbied nie, dan gaan die wedloop toeneem om markaandeel te bekom in elektroniese sigarette, verhitte tabak of watter innoverende produk die gewilde manier gaan word om nikotien aan verbruikers te lewer. In Januarie het BAT (sy handelsmerke sluit Lucky Strike en Dunhill in) ooreengekom om…

steinhoff International, die vertikaal geïntegreerde kleinhandelsreus wat in Frankfurt en Johannesburg genoteer is, bewys met sy handhawing van dubbelsyfer-inkomstegroei – selfs sonder die insluiting van sy nuwe verkrygings Poundland en Mattress Firm – steeds hoe veerkragtig die groep se waarde- kleinhandelsprodukte is. Die groep het drie breë, geïntegreerde kleinhandelafdelings, naamlik: huishoudelike goedere, algemene handelsware en motorhandelagentskappe. Huishoudelike goedere Dié segment bestaan uit die meubel- en huisware-kleinhandelsake. Dit is die grootste afdeling van Steinhoff se onderneming en vir sowat 61% van die groep se inkomste verantwoordelik. Die onlangs verkreë Mattress Firm, die grootste gespesialiseerde matrashandelaar in Amerika, is met kommer én opgewondenheid begroet vanweë die geleenthede en risiko’s daaraan verbonde. Die bydrae van dié nuweling in die Steinhoff-stal is reeds 23% van die totale inkomste van die afdeling vir huishoudelike goedere.…

Teen die huidige tempo van ontwikkeling sal Suid-Afrika eers in die volgende dekade toegang tot skoner brandstof kry, en ons sal gevolglik tot 15 jaar agter die res van die wêreld wees, sê Mike Whitfield, besturende direkteur van Nissan Suid-Afrika en die huidige president van die bedryfsliggaam Naamsa. Tans is Suid-Afrikaanse raffinaderye en die regering betrokke in ’n twis oor wie moet betaal vir die nodige opgradering om skoner brandstof te produseer. In 2012 het die regering die Clean Fuels 2-spesifikasies gepubliseer, wat daarop aangedui het dat dit in Julie vanjaar ingestel sal word. Europa is reeds by Euro 6-plusstandaarde, terwyl Suid-Afrika steeds net Euro 2- standaarde vereis. Die Clean Fuels 2-spesifikasies sou Suid-Afrika in lyn met Euro 5-spesifikasies gebring het. Whitfield het verduidelik dat namate internasionale voertuig- en enjintegnologie…

kognitiewe dissonansie is volgens die Merriam-Webster Dictionary die “psigologiese konflik wat spruit uit inkongruente geloofsoortuigings en houdings wat terselfdertyd geglo word, of wanneer ’n handeling gedoen word wat bestaande geloofsoortuigings weerspreek”. Tot op die been gekerf, beskryf hierdie konsep die ongerief wat mens voel wanneer jy welbewus ’n handeling uitvoer wat jy weet op die een of ander manier verkeerd is. En volgens Kumi Naidoo, voormalige uitvoerende direkteur van Greenpeace International en vooraanstaande Suid- Afrikaanse menseregte-aktivis, is die kans goed dat jy daaraan ly. “Sakeleiers ly aan ’n eenvoudige vorm van kognitiewe dissonansie, waar dit al hoe duideliker word dat ons te min tyd het om katastrofiese klimaatsverandering te vermy, en tog kan dié mense hulle nie loswikkel van die strukturele ekonomiese stelsel wat ons op hierdie trajek geplaas het…

is jy moeg om iemand anders se verband af te betaal? Maak die beheerliggaam in jou woonstelblok jou moedeloos? Of sit jy met ’n eienaar wat voete sleep wanneer iets reggemaak moet word in die plek wat jy huur? Wat ook al die rede, jy het nou die punt bereik waar jy jou eie plek wil koop om minstens die volgende paar jaar daar te bly. Opwindend, ja. Maklik? Nie heeltemal nie. Dit is nie net ’n kwessie van vind ’n eiendom waarvan jy hou, doen ’n aanbod om te koop en trek in as jou aanbod aanvaar word nie. Daar is ’n klompie hoepels om deur te spring, bykomende koste en ander belangrike elemente om in ag te neem in die proses om die regte eiendom te vind, die…

die skrywers van die ANC se besprekingsdokument het waarskynlik die gesegde in gedagte gehad dat geld die wêreld regeer toe hulle die verslag getiteld Economic Transformation opgestel het. Die dokument van 19 bladsye verteenwoordig blykbaar die oorheersende idees oor ekonomiese beleid in die hoogste geledere van die regerende party voor sy nasionale beleidskonferensie, wat van 30 Junie tot 5 Julie in Johannesburg gehou sal word. Die party se gewone lede dring onder leiding van ’n paar ANCleiers daarop aan dat die party radikale ekonomiese beleid instel, waaronder die onteiening van plaasgrond en myne (sonder vergoeding) van sogenaamde “wit monopolistiese kapitaal” en die herverdeling van die welvaart na die arm meerderheid. Die radikale slagspreuke waarby die massa aanklank vind, is egter in die beleidsdokument vervang deur ekonomiese pragmatisme, wat wys dat…

in Februarie was die totale besit in goudgesteunde beursverhandelde fondse (ETF’s) 2 246 ton, ’n toename van 90,6 ton sedert Januarie, volgens onlangse data van die Wêreldgoudraad. Die besit is teen $90,7 miljard gewaardeer, wat ’n toename van 8% maand-tot-maand verteenwoordig. “Toenames in die totale besit van fondse in Noord-Amerika en Europa het grootliks ooreengestem,” het die raad gesê. “Eersgenoemde het met 44,1 ton tot 1 207 ton gestyg, terwyl laasgenoemde met 43,3 ton tot 922,9 ton toegeneem het. Fondse in Asië het ’n marginale uitvloei tot 68,8 ton gehad terwyl die besit deur ander streke met 8% tot 46,8 ton toegeneem het,” het die raad gesê. Hierdie toenames toon nuwe belangstelling in goud, wat teruggaan tot die afloop van die Amerikaanse presidensiële verkiesing, terwyl kommentaar van die Amerikaanse Federale…

buiten Goldman Sachs, wat pessimisties is, vind ontleders rede om vrolik te voel oor die platinumprys, wat moontlik ’n onderste draaipunt bereik het. Hulle waarsku nogtans dat die herstel in die prys van dié metaal stadig en pynlik sal verloop, en dat daar ook vir Suid-Afrika se platinumaandele pyn sal wees. “Ons beskou die huidige randmandjieprys as te laag,” sê Johann Steyn, ’n ontleder by Citi, in ’n navorsingsnota van 23 Maart, toe die randplatinumprys op R12 048 per ons gestaan het, teenoor die randprys van R12 561 per ons by die skryf hiervan. “Gegewe ons siening van die markvraag en -aanbod en voorraadvlakke, beskou ons ’n spreiding van R12 700 tot R13 400 per ons op die nabye tot mediumtermyn as meer gepas,” sê Steyn. Weens die swak platinumprys…

pallinghurst Resources is ’n natuurlikehulpbron- beleggingsmaatskappy met ’n strategie om beleggings te hou, dikwels minderheidsbelange, hoofsaaklik in die sektor vir natuurlike hulpbronne. Sy portefeulje sluit in blootstelling aan platinumgroepmetale (PGM’s), staalvervaardigingsmateriaal en gekleurde edelstene. Onder die voorsitterskap van Brian Gilbertson, vroeër een van die meesterbreine van die oprigting van BHP Billiton, is die maatskappy ’n private-ekwiteitsfirma met sy hooffokus op “onderpresterende bates en ondernemings wat rigtingloos is, swak bestuur word, gestrand of in die nood is”. Die miljardêr Christo Wiese is ’n groot aandeelhouer. Pallinghurst het belange in Sedibelo Platinum Mines, wat onder druk is weens die lae platinumprys; die Tshipi Borwamangaanmyn in die Noord-Kaap, wat ’n rekordjaar agter die rug het danksy die styging in die mangaanprys in die tweede helfte van 2016; en ’n belang in Gemfields, wat…

CAPITEC Transaksie het potensiaal Capitec* het aangekondig hy neem ’n 40%-aandeel op in die aanlyn uitlener Creamfinance vir ’n aanvanklike bedrag van sowat R280 miljoen, met die reg om die belang later tot 49% te verhoog. Creamfinance is in Pole, Letland, Georgië, die Tsjeggiese Republiek, Mexiko en Denemarke bedrywig, met ’n laekoste-uitleenmodel baie dieselfde as Capitec s’n behalwe dat alles aanlyn plaasvind. Die belangrikste is dat dit goed sal pas wat risikobestuur ensovoorts betref. Vir my is die minderheidsaandeel ’n kwessie. Ja, dit is vir Capitec ’n klein transaksie, maar op die ou end moet jy die meerderheidsaandeelhouer wees anders het jy nie werklik beheer nie. Voorlopig dus ’n klein maar interessante transaksie wat ’n baie beskeie verskil sal maak, maar op die duur sekerlik moontlikhede inhou. CAPITAL & COUNTIES…

die feit dat die FTSE/JSE se indeks van alle aandele (ALSI) in die afgelope twee jaar feitlik geen opbrengs gelewer het nie, wys dat wanneer dit by die bestuur van ’n persoonlike aandeleportefeulje kom, dit dikwels die beste raad is om te hou by spesifieke temas. Die maklikste manier om dit te doen, is om jou aandeleportefeulje te bestuur net soos jy ’n legkaart aanmekaarsit. As jy ’n 1 000-stuklegkaart probeer aanmekaarsit deur die stukke eenvoudig enige plek in te forseer, ongeag of hulle daar pas of nie, sal jy uiteindelik uitkom met iets waarvan Picasso sal hou, maar beslis ’n mislukte poging sal wees om die ware doel van die legkaart te bereik. Dieselfde geld vir die bou van jou persoonlike aandeleportefeulje. Jy kan ’n paar aandele identifiseer waarvan…

Naidoo is in 1965 in Durban gebore en het op ouderdom 15 by anti-apartheidsbedrywighede betrokke geraak, wat tot sy skorsing uit sy hoërskool gelei het. Hy is in 1986 gearresteer en is aangekla van oortreding van die noodtoestandregulasies, wat hom verplig het om ondergronds te gaan en uiteindelik na Brittanje uit te wyk waar hy ’n Rhodes-beurshouer aan die Oxford-universiteit was. Hy het in 1990 na Suid-Afrika teruggekeer en het later ’n D. Phil-graad in politieke sosiologie verwerf. Voordat hy hom in 2009 by Greenpeace aangesluit het, was hy (ten tyde van die 1994-verkiesing) een van die amptelike woordvoerders van die Onafhanklike Verkiesingskommissie, die uitvoerende stigtersdirekteur van die Suid-Afrikaanse Nasionale NRO-koalisie (Sangoco) en stigtersvoorsitter van die Global Call to Action Against Poverty. Gedurende sy termyn by Greenpeace het Naidoo groot…

Moenie vergeet oordrag neem gewoonlik sowat drie maande nie – na die einde van die jaar se kant toe selfs langer, want die aktekantoor is gesluit oor Desember, sê Seeff. As jy wil intrek voordat die huis op jou naam is (of die verkoper tot ná registrasie wil aanbly), kan albei partye daartoe instem deur ’n klousule oor okkupasiehuur in die koopooreenkoms by te voeg. “Okkupasiehuur of okkupasierente is ’n klousule wat gewoonlik in die koopaanbod of koopakte tussen ’n koper en verkoper van onroerende eiendom voorkom,” verduidelik Ncapai. “Die partye kom daarin ooreen oor die koste van okkupasie voor of ná registrasie, wat die geval ook al mag wees.”…

Paul Berkowitz @paulyberk Finansiële media: Rand op sterkste vlak in byna twee jaar. Zuma: Hou my bier! Mpinga @SipheMacanda Pravin het Baba mislei toe hy gevra het vir toestemming om Londen toe te gaan. Baba het gedink hy gaan na Oos-Londen. Tom Eaton @TomEatonSA Rand daal met 2% nadat Zuma Gordhan beveel om terug te kom omdat reis nie goedgekeur is nie. Weet jy wat anders nie goedgekeur is nie? 783 gevalle van korrupsie. Karin Richards @Richards_Karin Situasie met Zuma wys waarom randverskansers altyd nodig is. Ons is voortdurend oorgelewer aan ’n gulsige, selfsugtige tiran. Ramp Capital @RampCapitalLLC As jy al die Dow-aandele wegvat wat rooi is, sal die Dow dan groen wees. VeryBritishProblems @SoVeryBritish Betekenis van “ons sal sien”: 1. Nee John Lyon @JohnLyonTweets Ek sê nie jou parfuum…