Indholdsfortegnelse for 9-May-19 i Huisgenoot

1 DERICK HOUGAARD MAAK SY HART OOP In die afgelope vyf jaar moes dié oud-Springbok onder meer verslawing en talle terugslae te bowe kom. Hy het sy uitdagings onlangs in Huisgenoot gedeel Derick, ek is jammer oor alles wat met jou gebeur het. Ek wil hê jy moet beter word; ek gun jou dit. Die belangrikste nou is om jou probleme op te los. ANEMARIE KRUGER Die lewe gaan aan ná ’n egskeiding. Jy het kinders wat jou liefde nodig het en ’n vrou wat by jou wil wees. Ek was ook geskei en het nou my beste maat aan my sy. ELIZMA LOUW Ten minste erken jy jy het ’n probleem en wil daaraan werk. Dit is al wat tel. Dis nie hoe jy val nie; dis hoe jy…

MET sy krapperige stem, aansteeklike glimlag en diep kuiltjies het hy dekades lank wiskunde en wetenskap na kinderspeletjies laat lyk. Wanneer William Smith, altyd met ’n knoophemp en das, sy gekleurde viltpenne soos towerstawwe voor die TV-kamera rondgeswaai en vrolik op die witbord uiteengesit het hoe X en Y werk, het hy skoolkinders oor die hele Suid-Afrika betower. Sy somme was nooit vervelig nie; dit het ’n storie vertel. Hy was veral bekend vir The Learning Channel, die regstreekse SABC2­ program wat hy van 1990 tot 2006 aangebied het. Met die kenmerkende turkoois Knysnastrandmeer op die agtergrond en die Smarties wat hy soms ge­ bruik het om dinge te vereenvoudig, het die TV-onnie tameletjievakke vir ’n hele geslag jong kykers maklik verstaanbaar en selfs prettig gemaak. En nou is William,…

HY WAS net lus vir ’n bietjie sports maak, toe word die grapjas ’n kandidaat in sy land se presidentsverkiesing. Wolodimir Zelenski het vas geglo mense sal dié stap sien vir wat dit is: ’n grap. Wie sou tog laf genoeg wees om vir ’n groentjie te stem, ’n akteur wie se enigste politieke ervaring ’n televisierol as president is? Maar massas kiesers in Oekraïne wat keelvol is vir korrupte politici en hul leuens, stem toe vir die komediant en hy word in sy land se toppos aangestel. Dis toe sowaar ’n geval van die waarheid wat vreemder as fiksie is, want Zelenski (41) was vroeër bekend vir sy rol as ’n onderwyser wat per ongeluk president word in die gewilde Oekraïense televisiereeks Sloega Narodoe (“Dienaar van die Volk”). Wat…

MODE SKOONHEID LEKKERS EN DRANKIES TEGNOLOGIE DEKOR SPORT BOEKE Sara deur Maretha Maartens (Lux Verbi, R199*) In dié geestelike roman dink Sara nadat sy in ’n aardbewing ernstig beseer is terug aan haar lewe saam met Abraham. Skakerings van Geluk deur Madelie Human (Lapa, R240) Die hekelgroep van Skakerings beraam planne om die liefde te laat blom tussen ’n bibliotekaresse en ’n motorfietsrenjaer. Karaktermoord deur Carina Diedericks-Hugo (Penguin Random House, R175*) ’n Uittreksel uit die dagboek van die digter Anna Neethling maak van die uitgewer Malan Sinclair die hoofverdagte in haar moord. Die Verevrou deur Jan van Tonder (Human & Rousseau, R255*) Liora word groot in Algerië, waar sy baie tyd in haar tante se pluimery deurbring. Op Oudtshoorn kry haar lewenspad nuwe kinkels. Net Mooi Fine deur Lanie van…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. VOLGENS sielkundiges is geld een van die grootste oorsake van wrywing in verhoudings. En Sanlam se Benchmarknavorsing wys 7 uit 10 Suid-Afrikaners is onder finansiële stres. Ons kyk hoe jy hierdie netelige saak saam met ’n geliefde kan aanpak – en hoe julle dit kan bestuur. 1 MAAK SEKER JY VERSTAAN DIE IMPLIKASIES VAN JOU MAAT SE SKULD As julle dit oorweeg om te trou, moet julle liewer uit die staanspoor openlik wees oor jul geldgewoontes, maan Kenosi Magosha van Sanlam Persoonlike Finansies. As jou aanstaande alewig vra dat jy help met sy skuld, moet jy jou afvra wie nou eintlik by die verhouding baat vind. As jy steeds ernstig is,…

Besoek ons webtuiste, huisgenoot.com, vir ’n daaglikse horoskoop. BUL 20 APR – 20 MEI Venus help jou die plesiere van die lewe geniet Teen die einde van die week beweeg jou planeet, Venus, jou teken binne, wat in die geheel ’n positiewe uitwerking kan hê. Dit kan jou vermoë verbeter om die vele plesiere van die lewe te geniet, of dit nou smaaklike kookkuns, die prag van die natuur of kuns is. Aangesien jy kan uitsien na ’n tyd waarin jy jou sinne sal wil voed, wil jy dalk ’n massering bespreek, kaartjies vir ’n uitstalling koop of ’n aandeteafspraak maak. GELUKKIGE NOMMERS 10, 20, 30, 42, 38, 25 TWEELING 21 MEI – 20 JUN As ’n Tweeling, wat ’n lugteken is, is jy ’n sosiale mens wat dit geniet…

NO. 2 282 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 30 Mei 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER PLAASDIER IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN…

STER van die week AVENGERS: ENDGAME is nou in teaters. HONDEKIND Tom deel gereeld op Instagram kiekies van hom en sy geliefde hond, Tess. Hy bel haar oor FaceTime wanneer hulle nie saam is nie en sleep haar selfs saam na onderhoude. MOEILIKE SKOOLJARE Nes Peter Parker was hy nie gewild op skool nie. ‘Ek was nie ’n cool kind op skool nie. Daar was tye dat ek geboelie is oor ek dans. Maar jy kon my nie hard genoeg slaan om my te keer om dit doen nie’ SPIDEY Tom (22) het in 2016 sy debuut as Peter Parker en sy alter ego, Spider-Man, gemaak in Captain America: Civil War. Hy maak vanjaar nog twee keer ’n draai op die silwerdoek as dié superheld – nou in Avengers: Endgame en…

▪ Die eerste klokmakers in Europa was monnike wat met waterklokke by hul skedules gehou het. Volgens oorlewering het pous Sylvester II in die 11de eeu die eerste klok gebou. ▪ In die 14de eeu het die gebruik van klokhorlosies gewild geraak, veral in die torings van kerke en katedrale. Hulle het met gewigte en ’n ratstelsel gewerk. In 1370 het die Franse koning Karel V ene Henri de Vic van Lotaringe na Parys ontbied om vir hom ’n toringhorlosie te maak. Die horlosie het net een wyser gehad en met vallende gewigte gewerk. ▪ Peter Henlein (1485–1542) van Neurenberg, Duitsland, word beskou as die mens wat die eerste horlosies met veermeganismes gemaak het. Dit het dit moontlik gemaak vir die horlosies om 40 uur lank te loop voor hulle…

HAAR spanningsromans is topverkopers, maar toe die skrywer Madelein Rust begin vermoed daar is groot fout in haar eie lewe, het sy die ooglopende tekens aanvanklik geïgnoreer. Dié keer het die gevaar nie buite geskuil soos in haar misdaadfiksie nie, maar binne haar eie liggaam: Dit was kanker. Nou het die skrywer van boeke soos Bloedlyn, Die 13de Kaart en Monstersaad haar eie verhaal neergepen. In dié uittreksel uit haar aangrypende nuwe boek, Kanker Schmanker!, vertel sy van haar reis met borskanker, ’n mastektomie en chemoterapie – ’n pad wat Madelein ten spyte van die pyn steeds met humor en moed wou stap. ’DIT is ’n warm nag in Maart 2015 toe die pyn my wakker maak. Ons is in my vriendin se huis in Brackenfell. Jaun lê ritmies langs…

DIE bal beweeg nog net in sy rigting – hy het nog nie eens daaraan geraak nie – dan pak die afwagting die toeskouers al beet. En wanneer die Blitsbokke se driedrukkoning eers op pad doellyn toe is, raak hulle rasend . . . Met 27 vyfpunters agter sy naam is die sewesrugbyster Siviwe Soyizwapi, oftewel Shakes, tot dusver verreweg die Blitsbokke se voorste driedrukker in vanjaar se Wêreldsewesreeks. Onlangs is sy bydrae tot Suid-Afrika se sewessukses boonop met ’n pluimpie van sy breier beloon toe hy in die beseerde Philip Snyman se plek as kaptein aangewys is. Philip se harsingskuddingsterugslag in Maart tydens die Vancouvertoernooi in Kanada “het spesiale geleenthede vir Shakes geskep; hy is nog voor die begin van die seisoen as ’n toekomstige leier geïdentifiseer en het…

ADELE EN SIMON SKEI Agter Adele se duur egskeiding Besonderhede oor waarom Adele (30) onlangs besluit het om haar huwelik van drie jaar met Simon Konecki (45) vaarwel toe te roep, begin stadig uitlek. Terwyl die res van ons wag op die album oor haar gebroke hart, verklap mense in die binnekring wat dit is wat hulle uitmekaargedryf het. Geld, geld, geld Hul egskeiding kan die gewilde sangeres se fortuin van R2,6 miljard ’n lelike knou gee. Die twee het glo geen huwelikskontrak onderteken toe hulle in 2016 getroud is nie. As hulle sou besluit om in die deelstaat Kalifornië, waar hulle eiendom besit en Simon sy onderneming bedryf, te skei, kan hy op tot die helfte van die sangeres se verdienste geregtig wees. “Wat hulle tydens die huwelik verdien…

DIT lyk kompleet asof die lang sipresbome hul koppe goedkeurend in die koel herfswind knik vir die paartjie wat hand aan hand in die straat afstap. Kort-kort sit hy sy arm om haar of lag sy uitbundig vir iets wat hy kwytraak. Hulle lyk sorgeloos en gelukkig, nes alle verliefdes oral. Dis ’n tydlose romantiese toneeltjie . . . Miskien tog nie heeltemal tydloos nie. Iets aan die paartjie laat verbygangers hier op die Vrystaatse dorpie Hennenman soms twee keer kyk. Motoriste draai hul koppe en voetgangers fluister agter hul hande. Dis g’n wonder nie, want ’n mens kan beswaarlik die groot ouderdomsverskil tussen die twee miskyk. Maar Ria en JP Moritz is min gepla oor wat ander mense sê of dink. Vir hulle gaan dit oor die hier en…

WENK Vy kan die rok formeel of informeek stileer, wat dit ideaal vir ma’s maak, Ons het ’n belt bygevoeg om Antoinette se middel vorm te gee en ’n patroonsjaal en bruin enkelstewels vir ’n gesofistikeerde, sjiek voorkoms. ANTOINETTE PELSER (55) Die sukses wat sy in haar lewe behaal het, is danksy haar ma, sê die 27-jarige Alecia Diamond. Alecia het haar ma, Antoinette Pelser (55), ’n debiteureadministrateur van Johannesburg, vir ons mooimaakkompetisie ingeskryf en gesê sy is die sterkste mens wat sy ken. “Sy het my as ’n enkelouer grootgemaak sedert ek drie was. Om te sorg dat ek alles het wat ek nodig het, het sy meer opgeoffer as wat ek waarskynlik eens besef het,” sê Alecia. “Sy het my altyd aangemoedig om my idees na te streef…

Waaroor gaan dit? Die dood en die finaliteit daarvan. Hoe rou jy as jy nie kan aanvaar ’n geliefde is vir ewig weg nie? En sê nou daar is ’n manier om daardie mens in ’n ander gedaante terug te bring . . . Sal jy die kans waag? Dit is die kern van die Stephen King-gruwelboek waarop hierdie tweede fliekvertolking gegrond is. Dr. Louis Creed (Clarke), sy vrou, Rachel (Seimetz), en hul twee kinders trek na die platteland van die Amerikaanse deelstaat Maine en ontdek ’n dierebegraafplaas op hul nuwe landgoed. “Pet Sematary,” lui die bordjie wat duidelik deur ’n kinderhand geskryf is. Kinders met dieremaskers neem hul gestorwe troeteldiere daarheen – maar is dit werklik hul laaste rusplek? Klein Ellie (Jeté Laurence) raak vriende met die buurman Jud…

EERSTE INDRUKKE Vroue beskou my as lelik net tot hulle uitvind hoeveel geld ek maak. Dan beskou hulle my as lelik én arm. WOLLIE, PRETORIA MUISNESTE Twee meisieveldmuise sit elkeen met ’n pakkie kaaskrulle en gesels oor hul kêrel. Die een muis haal ’n foto van haar kêrel uit en wys dit vir haar vriendin. Dis ’n pragtige muis met donker strepe oor sy muisskouers. “Sjoe, hy’s nogal aantreklik,” sê die vriendin. “Maar laat ek jou wys hoe my kêrel lyk,” sê sy terwyl sy ’n foto uit haar muishandsakkie haal. “My blikskottel, dis dan ’n vlermuis!” roep die ander een uit. Geskok gryp haar vriendin die foto by haar, kyk weer daarna en sis deur haar tande: “Die lae blikoor. En hy vertel my heeltyd hy’s ’n vlieënier.” L.…

NO. 2 028 VRAAG WATTER SA STREEK IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 30 Mei…

In die middel van die vorige eeu het atoomhorlosies die lig gesien. Hulle maak gebruik van atome se trillings om die tyd te meet en is so akkuraat dat mense sê die horlosie sal net een sekonde in 5 miljard jaar verloor! Die horlosies is egter ook baie duur en word nie algemeen gebruik nie. Op die oomblik word dit vir die sentrale tydsein oor die wêreld gebruik en deur die internet na rekenaars en selfone toe gestuur. Ongeag hoe akkuraat ’n horlosie is, dit sal altyd tyd verloor of wen. Sekere moderne horlosies kan hulself deesdae “regstel” deur seine te gebruik van GPS-satelliete wat ingeboude atoomhorlosies het.…

GOGGAS is net daar om jou lewe te versuur, nè? Jy slaap met ’n spuitkannetjie langs jou bed teen die muskiete wat snags jou rus versteur. En dan is daar die ewige stryd teen miere in jou huis. En tog, glo dit of nie: Natuurkenners is toenemend bekommerd oor te min insekte in die wêreld. Volgens onlangse navorsing neem die insekbevolking in die Noordelike Halfrond gevaarlik vinnig af. As dit so voortgaan, kan talle van die “goeie” insekte binne die volgende 100 jaar uitsterf en net die nare peste oorbly. Wetenskaplikes waarsku reeds teen die gevare van ’n “insek-Armageddon”, sou dit gebeur. Is dit werklik ’n probleem? Die gevolgtrekking in ’n oorsigtelike verslag van 73 studies oor insekgetalle wys tot 40% van die wêreld se insekte kan binne die volgende…

HULLE was die gewildste paartjie in die jongste seisoen van Boer Soek ’n Vrou: die Engelse roos met die blonde hare en die platjie met die pittige sêgoed. En toe boer Rèan begin April ’n knoets van ’n verloofring aan sy Rox-Zee se vinger steek, het dit gelyk of hul romanse ’n sprokieseinde gaan hê. Maar nou lê die sprokie aan skerwe, nes haar drome oor ’n spogtroue kompleet met ’n trourok uit Londen, ’n huis vol kinderlaggies en ’n man saam met wie sy wou oud word. “Ek weet nie hoe ek voel nie – die een oomblik breek my hart van verlange en die volgende wil ek niks anders doen as dit agter my sit nie,” sê Rox-Zee Veldhuizen (27). Vir die eerste keer praat sy haar hart…

OP DIE oog af is dit ’n doodgewone toneel van ’n ma wat haar kind in die oggend by die skool aflaai. Die vrou soen haar dogtertjie op die voorkop terwyl die kleinding ge-reed staan met ’n kossakkie in een hand en viooltassie in die ander. Maar kyk jy fyner, besef jy iets hier is anders: Die ma op die foto’s is wêreldberoemd, en haar kind leef op die jong ouderdom van sewe reeds voorkeure uit wat die wêreld laat gons. Charlize Theron het nog altyd haar aangenome kind toegelaat om soos ’n meisie aan te trek, hoewel sy as seuntjie gebore is. Niks was verbode nie – nie tutu’s of valletjiesrokke, balletskoene of blonde pruike nie. Wat Jackson wou dra, het Jackson gedra – maak nie saak wat sosialisering,…

SPYSKAART 1: DIE SPOG-ONTBYT Dié ontbyt is ekstra dekadent en sal jou ma van oor tot oor laat glimlag. 1 FOREL-EN-ROOMKAASROSIES 2 LUUKSE ROEREIER MET ’N KRUIESOUS 3 GESKENKIE: VINNIGE SJOKOLADETRUFFELS FOREL-EN-ROOM-KAASROSIES ’n Ontbytweergawe van die bekende soesjirosies. Ons geur die roomkaas met gekapte vars kruie en gerasperde suurlemoenskil, maar jy kan ook klaar gegeurde roomkaas gebruik as jy tyd wil spaar. LEWER 6-8 ROSIES BEREIDING: 15 MIN. ROOMKAAS ◗ 250 g roomkaas◗ 4 agurkies, fyngekap◗ 10 g pietersielie, gekap◗ 10 g koljanderblare, gekap◗ fyngerasperde skil van 1 suurlemoen◗ vars gemaalde peper AFRONDING ◗ 100-150 g velle gerookte forel◗ ekstra vars kruie (opsioneel) 1 Roomkaas Meng al die bestanddele buiten die peper goed. Geur die roomkaasmengsel met die peper. 2 Afronding Neem ’n vel forel en skep ’n opgehoopte teelepel…

TIENER ONDER HAAR PA SE DUIM V My man het depressie, maar kry behandeling. Hy slaap min. Hy is in sy middeljare en verander nou van werk ná ’n dekade by dieselfde maatskappy. Ons het ’n kind op hoërskool wat ongelooflik goed in sport presteer. Ek voel hy dryf ons kind te veel. Sy oefen hard aan haar sport en leer baie oor naweke. Sy het nie eens ’n kêrel nie. My kind wil net ’n normale tiener wees. Wat kan ek doen? M op D A Om ’n enigste kind te wees kan besonder veeleisend wees. So ’n kind word dikwels die spil waarom alles in die gesin draai, en hoër eise word aan enigste kinders gestel as aan kinders in groter gesinne. Soms is dit ’n las wat…

GROOT BLOKRAAI NO. 2276 GROOT BLOKRAAI NO. 2276 Antwoord: skorsie PHAROS-TWEETALIGE WOORDEBOEK M. Vosloo, Port Elizabeth F. Piek, Potchefstroom R. Blom, Klerksdorp FOTOBLOKRAAI NO. 2022 FOTOBLOKRAAI NO. 2022 Antwoord: verkoue VERKLARENDE AFRIKAANSE WOORDE-BOEK S. Scholtz, Riversdal AFRIKAANSE WOORDELYS EN SPELREËLS S. Kruger, Klerksdorp KOPKRAPPER KODERAAI NO. 380 ONS KOMPETISIE-WENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners.…

VANDAG kan ’n mens bloot op die horlosie aan jou pols of op jou selfoon loer om te kyk hoe laat dit is, maar dit het baie tyd gekos om dié toestelle te ontwikkel. Die antieke Egiptenare was die eerstes wat draagbare toestelle ontwerp het om tyd te hou – omstreeks 1500 v.C. het hulle sonwysers gehad wat hulle saam met hulle kon dra om te kyk hoe laat dit is. Maar eers ná die ontwikkeling van die meganiese klok in Middeleeuse Europa het draagbare toestelle – of horlosies – algemeen geraak (sien kassie links). SLIMHORLOSIES Rondom die jaar 2000 was die bekendstelling van die slimhorlosie ’n belangrike gebeurtenis. Met dié gerekenariseerde polshorlosie kan jy ook e-posse en teksboodskappe stuur. DIE ONTSTAAN VAN DIE POLSHORLOSIE Tydens die Anglo-Boereoorlog (1899-1902) het…

CHARL ERASMUS (46), SWEMBADVERSORGER ’OP Saterdag-en Sondagoggende is ek gewoonlik op my bergfiets se saal wanneer ek met een van die fietsroetes binne of buite Johannesburg ry. Sowat 70 km per dag. Benewens dat die oefening goed is vir my fisieke gesondheid, is dit ook goed vir my psige. Kopskoonmaaktyd, soort van. En om dinge om jou in perspektief te plaas. Dit is die tyd wanneer ek sommerso in my kop my werk vir die volgende week beplan en ander persoonlike issues ook probeer uitsorteer. Jy kry nogal antwoorde as jy dinge oordink terwyl jy fietsry. Daar sal ook kort-kort ’n deuntjie in my kop opkom wat ek in my gedagtes sal neurie of sing. Veral musiek van Andrew Lloyd Webber; ek is mal oor sy musicals. En oor Gé…

Bydraes: Charlea Sieberhagen-Grey BOBBY & KARLIEN REG VIR 2DE SEISOEN Bobby en Karlien van Jaarsveld is binnekort weer op die kassie te sien in die tweede seisoen van hul werklikheidsreeks, Bobby en Karlien: In Jou Skoene. Dit word van 8 Mei af Woensdagaande om 20:30 op VIA (DStv-kanaal 147) uitgesaai. Die verfilming was groot pret, vertel Bobby by die bekendstelling daarvan by Loft at Nine in Pretoria. “Ons werk baie maklik saam; ek verstaan haar. Ons bly boetie en sussie, en ons sien mekaar partykeer baie min wanneer ons toer.” En Karlien voeg by: “Ons lag weer soos toe ons kinders was, en ek herken baie van die karaktereienskappe wat Bobby as kind gehad het.’’ Oud-Springbokkaptein se jongste haak af Die oud-Springbokkaptein Theuns Stofberg se jongste dogter, Anzél, is onlangs…