Indholdsfortegnelse for 23-May-19 i Huisgenoot

1 ROX-ZEE VERSLAE OOR EINDE VAN VERLOWING Die sprokie van die Boer Soek ’n Vrou-droompaartjie Rox-Zee Veldhuizen en boer Rèan Clasen is glo weens ’n familietwis gekelder Enige ouer wil hul kind gelukkig sien. My seun is in Nieu-Seeland. Hy trou volgende jaar. Ek is trots daarop dat hy sy eie keuse kon maak en gelukkig is. KARIN DE BEER Op ’n plaas bestaan ’n patriargale raam waarbinne alles funksioneer. Die ma herinner Rèan net daaraan. Hy moet ’n vrou soek wat binne daardie raam sal leef. DEANA BOSCH My een neef is ’n boer. Hy het vir hom ’n Engelse vrou gekry en met haar getrou. Vandag is hulle al 45 jaar getroud en steeds lief vir mekaar. Dit kan werk. SONJA COETZEE Rèan het die naweek by die Upington-skou…

Net een verslaggewer, een fotograaf en twee kameraspanne is vir ’n vinnige fotosessie van drie minute met die nuwe gesin by die Windsorkasteel genooi. Die Britse media was dus die joos in toe die Amerikaanse televisienetwerk CBS op versoek van die Sussexe op die nippertjie by die lysie gevoeg is. “Dit weerspieël die internasionale belangstelling in die storie,” het die Buckinghampaleis geskerm. Maar dis sekerlik g’n toeval dat Meghan se goeie vriendin Gayle King – Oprah Winfrey se boesemvriendin – die aanbieder van CBS se oggendprogram is nie. Gayle was ook ’n gas by Meghan se spoggerige babatee in New York. “Die besluit het almal verbaas en is in sommige kringe nie goed ontvang nie,” sê ’n bron, en voeg by die uitsluiting van Statebond-uitsaaiers kan as ’n “klap…

Jayden se psigiater het by navraag laat weet hy mag nie die diagnose bevestig of dit met Huisgenoot bespreek nie vanweë dokter-pasiënt-vertroulikheid. As psigopatie wel korrek by hom gediagnoseer is, sal dit nie spruit uit die trauma wat hy as kind beleef het nie, sê ander kenners. Ware psigopate word gebore, nie deur omstandighede gevorm nie, sê dr. Marcelle Stastny, ’n psigiater van Kaapstad. “Iemand word met ’n antisosiale abnormaliteit gebore; hy is so aanmekaargesit.” Sy sê dis iets wat nie maklik gediagnoseer kan word nie. “Onderhoude word met die pasiënt gevoer en sy verlede word bekyk.” Die kenmerke van ’n psigopaat is dat hulle geen empatie toon nie, nooit skuldig voel nie, ander manipuleer en gedurig lieg, maar hulle sal nie noodwendig gewelddadig raak of misdade pleeg nie. Psigopatie…

Week twee GEURPROFIEL VAN DIE MIDDE-OOSTE EN NOORD-AFRIKA PROTEÏEN Rooivleis lam, vark, maalvleis, wild en afval Vars vis en seekos Pluimvee hoender, eend, wilde voëls, hoenderlewers Suiwel maaskaas, fetakaas, jogurt, labneh (vars jogurtkaas) Hoendereiers STYSEL langkorrelrys, bulgurkoring, koeskoes, quinoa, semolina, fillodeeg, platbrode, pitabrode GROENTE EN VRUGTE Groente botterskorsie, pampoen, wortels, beet, patats, aartappels, soetrissies, eiervrugte, artisjokke, uie, radyse, kopkool, murgpampoentjies, uie, preie, tamaties, Libanese komkommers, blaarslaai Vrugte sitrusvrugte, appelkose, perskes, granate, dadels, vye, waatlemoene, kwepers KOSKAS Peulgroente kekerertjies, botterbone, rooi nierbone, lensies Sade en neute pampoenpitte, sonneblompitte, papawersade, sesamsade, amandels, okkerneute, pistachioneute, dennepitte Geurmengsels van speserye en/of kruie za’atar, chermoula, harissa, ras el hanout Ander druiwe-en wynasyn, olyfolie, heuning, olywe, ingemaakte pekelsuurlemoene, dadels, rosyne, korente, droëappelkose, droëvye, pruimedante, bosbessies, hummus, tahini, lemoenbloeiselwater en rooswater, granaatstroop KRUIE pietersielie, ment, koljanderblare, knoffel,…

Besoek ons webtuiste, huisgenoot.com, vir ’n daaglikse horoskoop. KREEF 21 JUN – 21 JUL Dis ’n week waarin Krewe aan die dolle gejaag kan onttrek, sosiale verpligtings op die agtergrond kan skuif en tyd op hul eie kan deurbring. Dalk wil jy jou sorge en take opsyskuif en ’n slag tyd in die natuur deurbring, met ’n boek opkrul of in die kombuis peuter. Dit is ook ’n geskikte week om jou aandag na binne te keer en oor die verlede te besin of jou af te sonder om die behoeftes van liggaam, verstand en siel te voed. GELUKKIGE NOMMERS 7, 27, 39, 16, 52, 3 LEEU 22 JUL – 22 AUG Dis ’n week waarin jou leierskapsvaardighede in groeps verband kan deurskemer. Jou spanmaats sal waarskynlik by jou leiding…

DSTV BOXOFFICE LIEWE LISA Die oud-7de Laner Hendrik Cronjé vertolk in dié plaaslike drama die rol van Daniel, wat ’n skrywer wil word. Hy bevind hom in ’n affair met die vrou van ’n magtige sakeman. Dan raak hy op die einste sakeman se dogter verlief en sy geheime word ontbloot. Ook met Elani Dekker. 2019. 120 MIN. 16T DSTV BOXOFFICE MIA AND THE WHITE LION Mia se lewe word omvergegooi toe haar gesin Londen verlaat en na Suid­ Afrika verhuis om hier ’n leeuplaas te bestuur. ’n Pragtige witleeu, Charlie, word gebore en die 10-jarige Mia vorm ’n hegte band met die welpie. Daniah de Villiers, Mélanie Laurent en Langley Kirkwood. 2018. 120 MIN. O13G…

BOB FFOLE BOB FFOLE ’n Ou bekende in plaaslike rockkringe is nou terug met ’n Afrikaanse soloalbum waarvan snit ná snit treffermateriaal is. Die liedjies wissel van sagte tot harde rock. Sy verwerking van die Steve Hofmeyr-lied Laaste Lag beïndruk. As jy van kitaargedrewe rockmusiek hou, hoort dié album in jou versameling. STAAN OP DEWALD GOUWS Hierdie enkelsnit van die gewilde gospelsanger laat met sy tromgedrewe ritme beslis die voete jeuk. Die inspirerende boodskap agter die liedjie is dat hoewel daar genoeg verskonings is om te gaan lê ’n mens eindelik ’n keuse moet maak om die seer en teleurstellings eenkant toe te skuif en op jou roeping op aarde te fokus.…

VINGERHAPPIE V: Wat is vir ’n kannibaal die lekkerste van ’n pizza wat by sy huis afgelewer word? A: Die arme drommel wat die pizza bring … MARNO DU PLESSIS, STELLENBOSCH RAAR MAAR WAAR Ek het ’n baie vreemde dag gehad. Eers tel ek ’n hoed vol geld op en toe jaag ’n man met ’n kitaar my. L. SAAYMAN, SABIE NUTTIGE ORGAAN Juffrou: “Wat is die funksie van ’n mens se vel?” Jannie: “Dit maak dat ander mense nie naar word wanneer hulle na jou kyk nie.” LOUISE NOETH DUUR FOUT Vertroue is soos ’n uitveër; dit word ál minder ná elke fout. DENISE, PRETORIA MET ’N KNIPPIE SOUT Dié woorde moet jy nie goedsmoeds glo nie: ▪ As ek verkies word, beloof ek … ▪ Ek wou jou…

NO. 2 030 VRAAG WATTER STEL KLERE IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 13 Junie…

IN DIE dieptes van die Stille Oseaan word ’n lang, halfmaanvormige gebied aangetref wat die Mariana-trog genoem word. Dié trog is amper 11 000 m diep – so diep dat as jy die berg Everest binne-in sou sit die kruin daarvan nie eens naby die oppervlak sou kom nie. Ons leer jou meer oor die diepste deel van die oseaan. DIE SONLIGSONE (Epipelagiese sone) Die epipelagiese sone is die 150 m oppervlaklaag van die oseaan en strek tot 200 m diep. Dié sone staan ook as die sonlig-sone bekend, want dis waar die meeste van die sigbare lig aan getref word. ’n Groot verskeidenheid temperature kom in dié sone voor. DIE SKEMERSONE (Mesopelagiese sone) Die mesopelagiese sone strek van 200 tot 1 000 m diep. Dié sone word dikwels die…

DIE spiere in sy nek bult. Hy vorm ’n vuis tot sy kneukels wit raak en bulder ’n kreet in die rigting van die TV-stel. Die skeidsregter het pas onregverdig daardie verdomde fluitjie geblaas en sy span die beker gekos … Ons almal ken so ’n rugbyondersteuner – iemand wat lééf vir naweke wanneer sy span op die veld draf. Kom ons wees nou maar eerlik, in Suid-Afrika is rugby vir sommige mense soos ’n geloof. Van blougeverfde boepense tot oranje vlae wat agterop ’n bakkie wapper: Party rugbykykers is superondersteuners wat behep raak met die terugslae en triomf van hul plaaslike rugbyspan. Nou het dié nieamptelike ambassadeurs van plaaslike rugbyspanne hul eie TV-program: My Hart Klop Rugby op VIA. In dié nuwe reeks soek die aanbieder, Marnus Kruger, na…

MET haar stomende treffers, uitdagende optredes en uitspattige kostuums verskuif sy al byna vier dekades lank die grense. En wanneer die kritici haar uitmekaartrek, wys Madonna bloot vir hulle die spreekwoordelike middelvinger. Deesdae loop die sangeres deur omdat sy op 60 steeds haar gewone, vurige self wil wees, maar sy het genoeg gehad van die bitterbekke wat haar afkraak. “Mense het my nog altyd om die een of ander rede probeer stilmaak, of dit nou is omdat ek nie mooi genoeg is, goed genoeg sing, talentvol of getroud genoeg is nie, en nou is dit omdat ek nie jonk genoeg is nie,” het sy vir die Britse uitgawe van die modetydskrif Vogue gesê. “Ek veg nou teen ouderdomsdiskriminasie; ek word gestraf omdat ek 60 is.” Maar soos gewoonlik laat die…

DIE eerste glimp wat die wêreld van die beroemdste baba op aarde gekry het, was van ’n bondeltjie in sy rooikoppa se arms, so knus toegewoel dat weinig meer as sy neusie uitsteek. Hy was skaars twee dae oud en vas aan die slaap onder sy spierwit mus. Toe, net ’n paar dae later, kry ons sy voetjies te sien op ’n foto wat sy ma op Moedersdag op Instagram gedeel het. En met daardie paar pienk voete trap die kleine Archie Harrison Mountbatten-Windsor reeds diep spore in die monargie en gee hy die eerste spreekwoordelike treë na ’n nuwe era. Sy ouma aan vaderskant, wyle prinses Diana, was die prinses van harte – en vir ’n nuwe generasie koninklike aanhangers is klein Archie reeds die simboliese prinsie van hoop.…

Nie net het Harry en Meghan ’n sluier van geheimhouding oor hul eersteling se geboorte getrek nie; ons weet steeds nie waar hulle wittebrood gehou het nie, sê Victoria Arbiter, CNN se koninklike kommentator. “Die taktiek het irritasie in party kringe veroorsaak, maar dit wys ook wat die egpaar se planne vir die toekoms is. Hulle sal nie gestoomroller word om die fynste besonderhede van hul lewe te onthul nie.” Maar kan hulle soveel aanspraak op privaatheid maak? wonder ander. “Deel van die ooreenkoms as jy ’n prins is, is dat jy blye gebeure in die gesin met die publiek deel,” sê die Britse aanbieder Piers Morgan. “Dis wat jy doen in ruil vir die paleise, personeellede en eindelose luukshede wat met die titel gepaardgaan – baie waarvoor die belastingbetaler…

Wat is die outismespektrum? Die outismespektrum is ’n reeks ontwikkelingsteurings wat kommunikasie-en gedragspatrone beïnvloed en in verskillende grade van erns voorkom. Die wetenskap het die oorsake nog nie verklaar nie, maar daar word vermoed genetika en omgewingsfaktore kan saam ’n rol speel. Voorheen is mediese terme soos klassieke outisme, Asperger se steuring en verreikende ontwikkelingsteurings gebruik, maar dié diagnoses word nou almal onder die outismespektrumsteuring geklassifiseer, sê Sandy Klopper, nasionale direkteur van Outisme Suid-Afrika. Dit kan nie “genees” word nie, maar mense wat daarmee leef, kan gehelp word om te funksioneer. Elke individu op die spektrum is uniek. Sommige mense verg “lae steun”, wat beteken hulle het net in sommige omstandighede steun nodig. “Dié mense kan ’n taamlik onafhanklike lewe lei,” sê Sandy. As iemand op die spektrum “hoë steun”…

’n Gedragspatroon wat by kinders en tieners as uitdagende of gewelddadige optrede manifesteer, word gedragsteuring genoem. Dit kan uiteenlopende oorsake soos biologiese, genetiese, omgewingsen sielkundige faktore hê. Roep kenners se hulp in as jy raadop is, sê Marlize Heppell, ’n sielkundige van Klerksdorp. “Verskeie faktore kan lei tot gedragsprobleme, en jy gaan dalk meer as een kenner moet raadpleeg. “Spreek ’n pediater om seker te maak iets soos swak sig of gehoor beïnvloed nie jou kind se gedrag nie. Besoek ’n sielkundige om vas te stel of daar trauma is wat jou kind sukkel om te verwerk.” Marilet Kotzé, ’n berader van Bloemfontein, sê ’n arbeidsterapeut kan help om moontlike leerprobleme te identifiseer wat dikwels daartoe bydra dat kinders ‘onmoontlik’ raak.” Sy sê ouers verwar kinders soms deur dieselfde oortreding…

KRY DIT HIER @HOME HOME.CO.ZA; EDGARS 0800-203-925; HOME ETC. 021-551-3311; LE CREUSET 086-177-3321; MAKRO 080-600-999; MRP HOME 0800-212-535; PEP 0860-737-000; SHEET STREET 0800-212-535; WOOLWORTHS 0860-022-002; YUPPIECHEF 0861-702-4969, YUPPIECHEF.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE. WENK ’n Handmenger om sop vinnig te puree is ’n moet-hêitem vir die winter. WENK ’n Goeie gietysterkastrol is ideaal as jy graag heilsame winterkos soos oondbraaistukke en kragsop maak. Die emaljesoort behou hitte langer, en dit maak dié staatmaker ’n noodsaaklike kombuisitem wat baie winters sal hou. WENK ’n Tagine is ideaal vir bredies kook. Die unieke vorm sorg dat vleis altyd smaaklik en supersag gaar word.…

Alfahidroksisuur Dit word dikwels tot AHS (in Engels AHA) afgekort en sluit glikol-, sitroen-en melksuur in. Dit is veronderstel om die vel vog tiger te maak, want dit trek en behou water wanneer jy dit aanwend. Dit skilfer ook die vel af om die gelaat stralender te laat lyk en die vel sagter te laat lyk en voel. Geskik vir alle velsoorte. Seramiede Seramiede is vetmolekules wat in die vel voorkom en vogvlakke help behou. Die aanwending van ’n produk wat dié bestanddeel bevat, kan help om die vel se hidrasie ’n hupstoot te gee en sy beskermende werking te herstel (die vel se vermoë om vog in en besoedelstowwe uit te hou). Seramiede werk goed wanneer dit saam met ander produkte gebruik word wat lipiede en vetsure bevat, want…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. ’n Leser vertel ’n skuldinvorderaar het haar om halfnege op ’n weekaand gebel, net toe sy wou ontspan. Sy vra of dit toelaatbaar is en wat die perke vir skuldinvorderaars is. Die kort antwoord is: Ja – skuldinvorderaars mag jou so laat bel. Maar daar is ook baie dinge wat hulle nié mag doen nie. Skuldinvorderaars is onderhewig aan ’n gedragskode soos uiteengesit in die Wet op Skuldinvorderaars – mits hulle natuurlik wettig as sodanig geregistreer is. 1. WAT DOEN JY AS ’N SKULDINVORDERAAR JOU KONTAK? Maak seker die persoon is by die Raad op Skuldinvorderaars (CFDC) geregistreer. Hulle moet ’n registrasiedokument toon. Bel die CFDC by 012-804-9808 as jy onseker…

Hoekom sou ’n mens ’n boek oor die dood doen? Hoekom nie? vra Tobie Wiese, die samesteller van Wreed én Mooi Is die Dood. “Dis immers elkeen van ons se lot, en in ’n land waar minstens 1 600 mense elke dag sterf, is die dood nie ’n vreemde verskynsel nie. Tog bly dit ’n taboe waaroor liefs geswyg word.” Hy verduidelik dié boek wil dit juis vir mense makliker maak om daaroor te dink en te praat. “Van Afrikaans se beste skrywers vertel hier van hul intieme interaksie met die dood ná die sterwe van ’n geliefde sodat elkeen wat dié pad moet stap by voorbaat kan weet: Ek is nie die eerste of die laaste nie. En soms kan ’n bietjie humor die pyn verlig.” Hier is meestal…

GROOT BLOKRAAI NO. 2278 GROOT BLOKRAAI NO. 2278 Antwoord: murasie PHAROS-TWEETALIGE WOORDEBOEK A. Eksteen, Kaapstad T. Esterhuizen, Vereeniging A. Grobler, Bloemfontein FOTOBLOKRAAI NO. 2024 FOTOBLOKRAAI NO. 2024 Antwoord: seeleeu VERKLARENDE AFRIKAANSE WOORDEBOEK L.A. Gouws, Potchefstroom AFRIKAANSE WOORDELYS EN SPELREËLS C. Krusche, Strand KODERAAI NO. 382 KOPKRAPPER ONS KOMPETISIE-WENNERS Kry die name van al die wenners van Huisgenootkompetisies op ons webtuiste. Gaan na huisgenoot.com/wenners.…

NET voor middernag op 20 Januarie 1936 het koning George V gesterf. Hy het skaars sy laaste asem uitgeblaas toe sy vrou, koningin Mary, haar oudste seun se hand neem en dit soen. Edward se broer, Albert, die hertog van Kent, het haar voorbeeld gevolg. Al het hy besef hierdie vorm van eerbetoon kom hom toe, was Edward ’n oomblik lank verleë. “Hierdie twee spontane gebare het my herinner ek is nou die koning,” het hy later vertel. Hy het begin huil. Sy skielike onwaardige uitbarsting het sy familie verstom. Hy het sy ma huilend bly vasklou. Het hy oor sy pa getreur of oor die pynlike werklikheid van sy nuwe posisie? Edward het kort daarna vir Wallis Simpson, sy jare lange geheime minnares, gebel. “Dis alles verby,” het…

HULLE sou nie ’n dag buite die baarmoeder oorleef nie. Wel, dit was die verwagting. Die sussies was aan die bolyf verbind en het ’n buik, bekken, lewer, nier en dikderm gedeel en saam net twee bene gehad. Dokters het kort ná die traumatiese geboorte vir Kendra en Maliyah Herrin se ouers gesê hulle sal hul Siamese tweeling moet groet. Maar die twee meisies het sowaar oorleef, en sedertdien oortref hulle alle verwagtings. Die Amerikaanse meisies is nou 17-jarige hoërskoolleerders met ’n aansteeklike lewenslus; hulle het selfs hul eie YouTube-kanaal waarop hulle wys hoe hulle die lewe aandurf nadat hulle van mekaar geskei is. Die susters het net een been elk ná ’n pynlike operasie waartydens hulle so te sê middeldeur gesny is toe hulle net vier jaar oud was.…

SY VERLANG STEEDS NA HEATH ‘Dis g’n toeval dat die huwelik om en by die herdenking van Heath se dood verbrokkel het nie’ HEATH LEDGER en Michelle Williams was tydens hul romanse van drie jaar een van Hollywood se gewildste paartjies. Maar in 2007 het hulle besluit om uit te maak, en skaars ses maande later is Heath (toe 28) dood nadat hy glo onopsetlik ’n oordosis voorskrifmedikasie gedrink het. Hoewel hul verhouding onstuimig was, het Michelle (38) altyd gehoop om hul romanse te hervat, onthul ’n bron nou. Michelle het baie jare lank oor Heath se dood getreur en eindelik weer liefde by die musikant Phil Elverum (40) gevind. Dié twee is verlede jaar ná ’n warrelwindromanse getroud. Maar minder as ’n jaar later is hulle amptelik uitmekaar. “Niemand…

Op die heel eerste Moedersdag dat Meghan self ’n ma is, het ’n foto op die Sussexe se eie Instagramprofiel verskyn wat ma’s wêreldwyd in vervoering gehad het – baba Archie se twee rosige babavoetjies omkelk deur sy ma se hand om te wys presies hoe piepklein hulle is. Daarby het ’n huldeblyk verskyn aan “alle ma’s – in die verlede, hede, toekomstige ma’s en dié wat ons verloor het, maar vir altyd sal onthou”. Is dit dalk ’n verwysing na prins Harry se oorlede ma, prinses Diana? Klein Archie se voetjies is juis teen die agtergrond van vergeet-my-nietjies afgeneem, die gunstelingblomme van sy oorlede ouma. Met dié inskrywing wys Meghan weer haar Amerikaanse wortels, want Moedersdag word daar in Mei gevier, net soos hier by ons, terwyl dit in…

DIE onweerswolke hang vandag oor Ballito nadat dié kusdorp in Kwa-Zulu-Natal die vorige paar dae deur storms geteister is. Dis nie die soort weer wat vakansiegangers strand toe lok nie; nie die soort dag vir baljaar in die branders nie. Maar toe Bok van Blerk by die plaaslike skibootklub uit sy bakkie klim, lyk hy nes “ ’n local ”, soos hy self spot, met ’n kortbroek en plakkies in die triestige weer, ’n sonbril en ’n pet op die kop. Hy is slaggereed om die onstuimige waters aan te durf waarop geen Hoëvelder dit maklik sou waag nie. Dis nie die branders en warm swemstrome van die Indiese Oseaan wat hom roep nie; dis daardie blink visse wat in die dieptes skuil. Sien jy hom met ’n visstok in…

’N SOLDAAT van wet en orde, is sy in polisiekringe genoem. Want vir haar, die enigste vrouesersant in die plaaslike polisiekantoor, het die skurke lig geloop. Almal in die klein gemeenskap het geweet dié ystervrou is gefokus in haar stryd teen misdaad. Male sonder tal het inwoners gekyk hoe die flitsende blou ligte van ’n polisievangwa in die verte verdwyn nadat Riana Keka (40) nóg ’n misdadiger vasgetrek het. Ry jy deur die nou strate van Ikageng anderkant Potchefstroom in Noordwes, hoor jy steeds haar naam om elke hoek en draai. Maar deesdae is dit omdat die gevreesde sersant self verlede jaar in ’n polisievangwa na die tronkselle geneem is … Die geskeide sersant het haarself aan die verkeerde kant van die gereg bevind nadat sy na bewering ’n liefdesverhouding…

DIT was van die ontstellendste woorde wat sy al moes hoor: “Ek is jammer om dit te sê, mevrou, maar jou seun is ’n psigopaat.” Kon dit eindelik ’n verklaring wees vir al die trane wat sy die laaste jare oor haar seun se skokkende gedrag moes stort? Die psigiater het bygevoeg: “Hy’s ’n kompulsiewe leuenaar, meestermanipuleerder, en hy kan nie emosies ervaar nie.” Sonika*, ’n Gautengse ma in haar 40’s, kon dié skokwoorde skaars verwerk. Sy het haar tot papier gewend om daarvan te probeer sin maak en haar noodkreet in ’n brief aan Huisgenoot gestuur. “Ek het dae aaneen gehuil,” skryf sy in dié brief. “Hoe en waar het dinge skeefgeloop? Wat doen ek die dag as ek die oproep kry wat elke ouer vrees – daardie oproep…

WARM GROEN-BOONTJIE-EN-VOL-STRUISSTEAKSLAAI GENOEG VIR 4-6 MENSEBEREIDING: 15 MIN.MARINEER: 30 MIN.GAARMAAK: 40-45 MIN. PATAT ◗ 1 oranje patat, geskil en in blokkies gesny◗ 30 ml (2 e) olyfolie◗ sout en vars gemaalde peper STEAKS ◗ 5 ml (1 t) brandrissievlokkies◗ 2,5 ml (½ t) elk fyn komyn, koljander en vars gemaalde peper◗ 1,25 ml (¼ t) sout◗ 30 ml (2 e) blatjang◗ 30 ml (2 e) olyfolie◗ 500 g volstruissteaks SLAAI ◗ 15 ml (1 e) olyfolie◗ 2 uie, in skyfies gesny◗ 500 g groenboontjies◗ 150 g babaspinasie Voorverhit die oond tot 190 °C. 1 Patat Sprei die patatblokkies op ’n bakplaat uit en drup die olie oor. Geur met die sout en peper en meng deur. Rooster 15-20 min. of tot die patat gaar is.2 Steaks Meng intussen die speserye…

DOEN DIT IN DENIM KUIER MET VRIENDE MIDDAGETE MET DIE GESIN AFSPRAAKAAND WENK Denim van kop tot tone? Kies dan verskillende skakerings vir die top en broek. BLY BY MET BLOKPATRONE KUIER MET VRIENDE MIDDAGETE MET DIE GESIN AFSPRAAKAAND WENK Lyk elegant maar gemaklik in ’n blokkieshemp by jeans en ’n jas. IN LYN MET STREPE KUIER MET VRIENDE MIDDAGETE MET DIE GESIN AFSPRAAKAAND WENK Kikker enige uitrusting op met bont sokkies. MILITÊRE AKSIE KUIER MET VRIENDE MIDDAGETE MET DIE GESIN AFSPRAAKAAND WENK Kies goed getailleerde items sodat dié styl nie slonsig lyk nie. KRY DIT HIER BOLTON BOLTONFOOTWEARONLINE.CO.ZA; EDGARS 0800-203-925; FALKE 021-951-2137; JET 0800-203-925; MAKRO 0860-300-999; MRP 0800-21-25-35; OLD KHAKI 021-914-8797; SUPERBALIST.COM; SUPERDRY 021-709-0084; SWATCH 011-911-1200; TRUWORTHS 021-460-2300; WOOLWORTHS 0860-022-002; YDE 021-460-2800; ZARA 011-302-1500; ZANDO.CO.ZA HOEWEL ONS ALLES IN…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. HOE KRY EK MY SEUN TERUG? V Ek en die pa van my kind is geskei. My seuntjie bly by my. Sy pa het besoekregte. Hy betaal soms onderhoud. Nou die dag het hy sy suster gestuur om my seuntjie by die skool te gaan haal. Ek het nog nie weer my kind gesien nie. Die welsynwerker sê hy het ’n bevel teen my gekry. Ek weet nie wat verkeerd is nie, maar wil my kind terugkry. Ek wil nie eintlik hof toe gaan nie. Ek het nie geld nie. op K A Al wat vir die hof tel,…

KYKNET ELLEN: DIE ELLEN PAKKIES-STORIE Drama. Dié plaaslike drama vertel van die verhouding tussen ’n Kaapse ma, Ellen Pakkies, en haar dwelmverslaafde seun. Ellen, van die Kaapse Vlakte, is uit moedeloosheid in 2007 daartoe gedryf om ’n einde aan haar seun se lewe te bring. Jill Levenberg en Jarrid Geduld. SATERDAG 25 MEI 20:002018. 123 MIN. 16GT M-NET HEREDITARY Gruwel. Die Grahams het, nes alle families, geheime. Toe die matriarg sterf, begin vreemde dinge in die lewe van haar dogter gebeur. Hulle vind donker geheime oor hul herkoms uit, en hoe meer hulle ontdek, hoe meer wil hulle van hul lot vlug. Toni Collette en Milly Shapiro. SATERDAG 25 MEI 21:002018. 127 MIN. 16GT E.TV SNIPER: SPECIAL OPS Aksie. ’n Amerikaanse politikus word deur die Taliban ontvoer. ’n Sending om…

Sy pad na die verhoog Die 20-jarige sanger en liedjieskrywer het in Tzaneen, Limpopo, grootgeword. Hier het die vermaakgogga hom gebyt toe hy skaars nege jaar oud was. Hy het toe aan ’n talentkompetisie by die Laerskool Tzaneen deelgeneem, onthou hy. “Die gehoor het hande geklap, en ek het skaam geglimlag, maar ek het toe geweet dis wat ek wil doen.” Nadat hy in 2016 aan die Hoërskool Ben Vorster gematrikuleer het, het hy verhuis na Pretoria, waar hy ’n musiekteorie-en klavierkursus aan die Suid-Afrikaanse Musiekinstituut voltooi het. Musiek, musiek en nog musiek Sy eerste enkelsnit, Ek en Jy, was verlede jaar ’n groot radiotreffer en is nou opgevolg met die musiekvideo Hou Vas, wat ook die titelsnit van sy eerste album is. Hierin sing hy: Moenie bang wees nie,…

NO. 2 284 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 13 Junie 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER WINTERGEREG IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN DIE…

ANGS Anxiety is Julia Michaels (25) se eerste snit op haar tweede kortspeler, Inner Monologue Part 1. Sy sing dit saam met haar vriendin Selena Gomez. Die lied gaan oor wat dit beteken om gedurig angstig te voel. Albei dié popsterre het al openlik oor hul angs gepraat. Sy sing ook saam met die popgroep Lany in hul nuwe “opbreekliedjie”, Okay. DIERELIEFHEBBER Sy is dol oor diere en sê dis ’n manier om onvoor-waardelike liefde te kry. Sy het twee honde, Sam en Hazel, en ’n kat, Turkey. LIEDJIEMAESTRO Julia was 12 toe sy begin sing het. Op 17 het sy liedjies begin skryf en gewerk aan Can’t Do without You, die temalied vir die Disneyreeks Austin & Ally. ‘Ek het toe gedink dalk is dit wat ek veronderstel is…

Skurkwoordraaisel Dié gemene skurke terroriseer New York en wil Spider-Man in ’n lokval lei. Help Power Man en Iron Fist die stad verdedig deur hul name op te spoor – dit is horisontaal, vertikaal of skuins en vorentoe of agtertoe in die rooster versteek. Kommunikasiekonsternasie O aarde! Spider-Man het die geheime kode vir sy kommunikasietoestel vergeet. Ontsyfer dit deur een van elke vorm in elke ry en kolom te plaas. Spidey-doolhof Spider-Man swaai graag deur New York, maar die strate lyk soos ’n doolhof. Help Spidey sy pad na die onderdorp kry. Stoute Nova Nova het die name in White Tiger se notas deurmekaargekrap. Help haar dit ontsyfer. 1 RONI IFST 2 WEPOR MNA 3 HORT 4 SIDEPR-AMN 5 SELDHI 6 LUKH 7 VANO 8 WTEHI TIRGE 9 VERWOLINE 10…

Roy Retief, bedryfsbestuurder van die Suider-Afrikaanse Bedrogbeskermingsdiens (SAFPS), sê jy moet jou identiteit oppas “op dieselfde manier as jou geld. “Moenie enige dokumente wat jou persoonlike besonderhede bevat in jou huis, motor of aktetas laat rondlê nie.” ▪ Versnipper amptelike dokumente voor jy dit weggooi, en haal sou gou moontlik jou pos uit die briewebus. ▪ Moenie foto’s van jou rybewys of ander dokumente met jou identiteitsbesonderhede in die sosiale media deel nie. ▪ Wees versigtig vir transaksies na aanleiding van webskakels wat jy per SMS of e-pos ontvang. ▪ Verbruikers is elke jaar geregtig op een gratis kredietverslag van ’n kredietburo. “Jy sal kan sien of daar kredietnavrae teen jou profiel gedoen is. As daar was en dit lyk verdag, kontak die kredietburo vir nog inligting, want jou identiteit…

DIE LOUIS VUITTON-BELTKLUB…