Indholdsfortegnelse for 17-Oct-19 i Huisgenoot

GEBAKTE GROENTEBRIJANI Sit dié geurige kerriegroente voor saam met rys en lensies. GENOEG VIR 4-6 MENSEBEREIDING: 15-20 MIN.GAARMAAK: 30-40 MIN. ◗ 4 knoffelhuisies, gerasper◗ 2 cm-stuk vars gemmer, gerasper◗ 20 ml (4 t) fyn brijanispeserye◗ 10 ml (2 t) blaarmasala◗ 125 ml (½ k) olyfolie◗ 1 kg gemengde jong wortels, gehalveer indien verkies◗ 8 piekeluitjies, geskil en gehalveer as dit groot is◗ 8 murgpampoentjies, in die lengte gehalveer◗ ’n groot hand vol koljanderblare, gekap VIR VOORSIT ◗ 250 ml (1 k) basmatirys◗ sout na smaak◗ 60 ml (¼ k) botter◗ 1 x 400 g-blik lensies, gedreineer◗ ’n groot hand vol koljanderblare, gekap◗ volroomjogurt Voorverhit die oond tot 190 °C. 1 Meng die knoffel, gemmer en speserye met genoeg olie om ’n loperige pasta te maak.2 Pak al die groente in…

Blou patrone op ’n wit agtergrond is ’n staatmaker vir elke geleentheid. Dra ’n maksirok by leersandale vir informele kuiers. Of lyk elegant in ’n korter rok by fyn haksandale. Raak guitig met ’n pofmoubloes onder ’n vroulike blomrokkie; dit wys jy verstaan mode is ’n prettige storie! Trek dié somer aandag in ’n vallerok, maar hou die res van jou uitrusting eenvoudig – die rok bly die ster. Jy kan nie sonder ’n maksirok in jou somerkas nie – dis koel, gemaklik, veelsydig en altyd stylvol. Lyk besonder vroulik met ’n kantbloes by ’n tulleromp en sierlike sandale. Dis net reg vir ’n romantiese piekniek. KRY DIT HIER ACKERMANS 0860-900-100; CONTEMPO 011-402-5513, CONTEMPOSHOP.CO.ZA; EDGARS 0800-203-925; FOSCHINI 0860-104-764; H&M 021-826-7300; LOVISA 021-551-1051; MILADYS 0800-310-290; MRP 0800-21-25-35; THE HUB 0861-88-88-99; WOOLWORTHS…

DIE tydsberekening van die bekendstelling van Huisgenoot se nuwe Klop die Skaal-dieet-en oefenplan was perfek: Dit was sowat twee weke voor my 30ste verjaardag, en ek wou graag voor my partytjie gewig verloor. My jongste dogtertjie is in November verlede jaar gebore, en ek het voor en tydens die swangerskap – my tweede – heelwat gewig aangesit. Om gewig te verloor is ’n stryd. My jongste slaap sleg; daarom slaap ek op ’n goeie aand vyf uur, en my werkweek is besig en gejaagd. Ek doen soms (met wisselende sukses) joga by die huis, met my twee dogters wat bo-oor my klouter, maar vir meer oefening is daar baie min tyd. Met die gebalanseerde Klop die Skaaleetplan sou ek kon aanhou borsvoed, en ek het dus ingestem om dit te…

OP-EN-WAKKER MET SATISKIN Begin jou oggend op ’n positiewe noot met Satiskin se vertroetelende stortjels. Satiskin-stortjels is pH-gebalanseerd, met vitamiene A en E verryk en sal jou vel satynsag laat voel. Verruklike geure sal jou vir die beste oomblik van jou dag voorberei. Beskikbaar in ’n reeks van 1 L-en 400 ml-groottes met aromas vir elke luim. PERFEKTE PASMAATS Voel selfversekerd en gemaklik in die vormveranderende, vleiende WonderFit-swemdrag van Miladys. Kies uit ’n reeks vroulike patrone wat met verslankende tegnologie gemaak is. Van eenstukke tot vleiende tweestukke, rokkostuums en lyfbedekkings wat gemaak is om by die swemdrag te pas. Jy sal dié seisoen byderwets in die branders kan baljaar. Besoek www.miladys.com vir nog inligting. JAMESON RAAK VLYTIG Dié handelsmerk is welbekend vir whisky van uitmuntende gehalte. Nou kan jy na…

SKERPIOEN 23 OKT – 21 NOV Jou persoonlike jaar staan einde se kant toe, wat beteken die son sal binnekort in jou teken inbeweeg om ’n nuwe begin aan te kondig. Dit is dus die geskikte week vir tyd af vat om oor die afgelope 12 maande te besin en jou voornemens vir die nuwe jaar te stel. As jy diep delf, werp jy dalk lig op gewoontes en houdings wat jy liewer moet laat staan. Jy diep dalk ook sterk punte op en openbaar kenmerke wat afgestof en benut kan word. GELUKKIGE NOMMERS 1, 33, 13, 43, 51, 11 BOOGSKUTTER 22 NOV – 20 DES Dis ’n week waarin jy op jou hoop, drome en wense vir die toekoms kan fokus. Dit is dalk jou droom om die wêreld…

TWEE KINDERS LATER Deur CHARMÉ KRIEL (Lux Verbi, R199*) November is die maand van nasionale bewustheid van vroeggeborebabas. Daar is nie ’n beter manier om dié verskynsel deur en deur te verstaan as om Charmé Kriel se boek oor haar en haar man, Francois, se skrikwekkende ervaring te lees nie. Toe sy op 27 weke swanger hoor sy moet in die hospitaal opgeneem word tot die babatjie gebore word, het ’n bult in hul pad gekom wat byna te steil was. Charmé se simptome was ’n hemelhoë bloeddruk en proteïen in die urine wat op pre-eklampsie dui. “Dit kan veroorsaak dat die ma stuipe-aanvalle kry, en dan is die kans op oorlewing vir ma én baba taamlik skraal.” Die dokters wou die baba so lank moontlik binnehou sodat sy verder…

GROOT BLOKRAAI NO. 2 299 GROOT BLOKRAAI NO. 2 299 Antwoord: ballade PHAROS-TWEETALIGE WOORDEBOEK E. Pieters, Sasolburg J. Herbst, Wakkerstroom B. Joubert, Bellville FOTOBLOKRAAI NO. 2 045 FOTOBLOKRAAI NO. 2 045 Antwoord: varing VERKLARENDE AFRIKAANSE WOORDEBOEK M. van Schalkwyk, Anerley AFRIKAANSE WOORDELYS EN SPELREËLS J. Bronkhorst, Kempton Park KODERAAI NO. 403 KOPKRAPPER ONS KOMPETISIE-WENNERS Kry die name van al die wenners van Huisgenoot-kompetisies op ons webtuiste. Gaan na huisgenoot.com/wenners.…

JY WEET reeds dat toestelle soos TV-stelle, selfone, ’n fietslig en bedlampies met elektrisiteit werk. Daardie elektrisiteit kan uit die kragprop in die muur, batterye, sonpanele of ’n kragopwekker kom. Maar weet jy hoe die elektrisiteit werk? Waar kom dit vandaan en waarheen gaan dit? Ons leer jou meer. ELEKTRONE Elektriese toestelle het krag nodig, anders kan jy hulle nie gebruik nie. Krag, oftewel elektrisiteit, is eintlik ’n stroom elektrone. Weet jy wat elektrone is? Dit is piepklein onsigbare deeltjies met ’n negatiewe elektriese lading. As jy ’n toestel soos ’n skootrekenaar gebruik, beweeg die stroom elektrone deur die nodige onderdele van die rekenaar om dit te laat werk. Ons dink gewoonlik ’n elektriese stroom is wanneer positiewe lading van ’n positiewe na ’n negatiewe pool vloei. Dié denkwyse het…

ADELE SE NUWE KÊREL Dis ses maande sedert Adele aangekondig het sy skei van Simon Konecki, met wie sy drie jaar getroud was. Nou lyk dit of die sangeres eindelik reg is om met haar lewe voort te gaan. Volgens gerugte is haar nuwe kêrel ’n ou vriend met wie sy glo “ ’n hegte band” en “spesiale verbintenis” het. Adele en Skepta, ’n rapper van Noord-Londen, het glo op ’n rits afsprake gegaan nadat sy ’n egskeiding gevra het. Die bespiegelings dat hulle uitgaan, het ontstaan toe hulle in September die rapper se 37ste verjaardag saam gevier het. Maar wie is die aantreklike man in die 31-jarige sangeres se lewe? Hy is ’n bekroonde “grime rapper”. Apple Music het sy album Konnichiwa van 2016 as beste album aangewys. In…

1 ‘EK GAAN VIR MY SEUN, DYLAN, LEEF,’ SÊ MA Nandia Neethling praat oor haar hartseer nadat haar vervreemde man haar seun, Dylan (7), en homself doodgeskiet het – maar sy weier om te gaan lê Baie sterkte. Ek kan my nie indink waardeur jy moet gaan nie. Weet net die Here is daar vir jou. Ek dink aan jou en bid dat jy vrede en berusting sal vind. EMMARENZIA Dis die ergste ding wat enige man aan ’n kind en ma kan doen. Hy wou sy eks seermaak. Hy het gedink hy straf haar, maar kyk nou waar bring hy die ewigheid deur. JEAN Ek is so verskriklik hartseer oor jou tragiese verlies. Dit is onregverdig dat ’n jong kind se lewe deur so ’n roekelose wreedaard weggeruk word. PRISCILLA…

KEN JOU JOGURT Lees die etiket op die verpakking wanneer jy inkopies doen. Jogurt word op grond van vetinhoud in die volgende soorte verdeel: ▪ Vetvry/afgeroom < 0,5% melkvet ▪ Laevet 0,5-1,5% melkvet ▪ Mediumvet 1,5-3,3% melkvet ▪ Volvet-of volroom 3,3-4,5% melkvet ▪ Hoëvet of dubbelroom > 4,5% melkvet FRITTATA-MUFFINS ’n Heerlike eiermuffin propvol goedheid en met min koolhidrate; dis ideaal vir ontbyt én die kosblik. GENOEG VIR 6 MENSEBEREIDING: 10 MIN.GAARMAAK: 20 MIN. ◗ 6 eiers◗ 80 ml (⅓ k) natuurlike volroomjogurt◗ 30 ml (2 e) mielieblom◗ 45 ml (3 e) sondroë tamaties in vinaigrette, gekap (opsioneel)◗ 4 murgpampoentjies, gerasper◗ 500 ml (2 k) spinasie, gekap◗ 250 ml (1 k) wit cheddarkaas, gerasper◗ ’n lekker hand vol koljanderof pietersielieblare, gekap VIR VOORSIT ◗ ekstra jogurt, tamatiesous met verminderde suiker,…

A Vlegsels Dis seker die maklikste manier om dié somer jou hare te dra. En die beste deel daarvan is dat dit nie saak maak of jou hare skoon is of nie. Jy kan jou vlegsels op verskillende maniere stileer: Vleg net die hare op een deel van jou kop en krul die res, of maak twee dun vlegsels in ’n hoë of lae bolla vas. Dié soort haarstyl is veral lekker vir feeste waar jy baie tyd in die son deurbring. B Gladde ponie Het jy al ’n eleganter ponie gesien? Dit werk goed as jy dik hare het, want jy kan net jou eie hare gebruik – selfs vir die detail rondom die ponie. Maar as jy dunner hare het, moet jy dalk ’n ponieverlenging inspan. Dit sal…

▪ Beplan vooruit. Dit het my gehelp om my kos die aand voor die tyd reg te sit en te organiseer. Kyk voor jy winkel toe gaan na die res van die week se eetplan sodat jy weet wat jy moet koop of wat jy dalk kan ruil vir iets wat jy reeds in die koskas het. ▪ Gebruik die porsiegids. Dié nuttige gids sê presies hoeveel van watter kossoort jy elke dag moet eet. Dit maak dit maklik om te ruil as jy byvoorbeeld by ’n restaurant of die werk se kafeteria eet. Jy kan ook kossoorte waarvan jy minder hou, ruil vir iets anders in dieselfde groep. ▪ Kry ’n maat. Hoewel die eetplan vir vroue ontwerp is, het my man dieselfde soort kos as ek geëet…

JODIE FOSTER Die aktrise het gedink dis ’n fout toe sy in 1989 ’n Oscar vir die fliek The Accused wen. (Sy het in 1992 weer die Oscar vir beste aktrise vir The Silence of the Lambs gewen.) “Ek het gedink almal gaan uitvind dit was ’n fout en hulle gaan die Oscar kom terugvat.” MERYL STREEP Toe sy in ’n onderhoud gevra is of sy altyd gaan toneelspeel, het die vrou met die meeste Oscar-benoemings (21) in die geskiedenis en drie Oscar-beeldjies agter haar naam laat hoor: “Jy dink: ‘Hoekom sou enigeen weer vir my in ’n fliek wou sien?’ Ek weet nie hoe om toneel te speel nie, so hoekom aanhou?” MICHELLE OBAMA As jong vrou het die prokureur en voormalige presidentsvrou saans wakker gelê en haarself afgevra:…

Stuur voorstelle en versoeke na geldsake@huisgenoot.com. E-pos sal sover moontlik in die rubriek beantwoord word en nie persoonlik nie. As lidmaatskap tot ’n pensioenfonds een van jou werkvoordele is, sal jy jaarliks ’n staat ontvang wat die stand van sake deeglik vir jou uiteensit. Dit is ’n belangrike dokument, want dit wys hoe jou aftreegeld groei. Maar dit kan moeilik wees om te begryp as jy nie verstaan wat die algemeenste terme op jou staat beteken nie. Hier is die vyf belangrikste begrippe wat jy moet ken. 1 FONDSKREDIET: JOU GOUE JARE IN ’N NEUTEDOP Dit is die totale bedrag wat jy gespaar het tot die datum waarop jou jongste staat uitgereik is. Dit bestaan uit jou en jou werkgewer se bydraes plus die opbrengs wat die belegging verdien het.…

HOUSE WITH A CLOCK IN ITS WALL SONDAG M-NET 20:05 ’n Jong weeskind help sy oom (Jack Black) om ’n horlosie op te spoor wat die einde van die wêreld kan beteken. THE GOOD DOCTOR MAANDAG M-NET 19:00 Dr. Alex Park (Will Yun Lee) en dr. Audrey Lim verskil oor die behandeling van ’n ouer pasiënt ná ’n operasie. THE BLACKLIST M-NET 21:00 Red probeer in die tronk aanpas. Samar werk onder ’n dekmantel om skurke te stuit. Met James Spader.…

’N TWEEDE LOOPBAAN Jawaahier Petersen (33) het nog altyd daarvan gedroom om ’n aktrise te word; ’n droom wat nou waar geword het. Kykers sien haar deesdae elke weekaand in die kykNET-sepie Suidooster, waarin sy die skaam Kaashifa Mansour speel. Maar dis Jawaahier se tweede loopbaan: Sy het 12 jaar lank as ’n maatskaplike werker gewerk. Jawaahier, die oudste van wyle Taliep Petersen en die sangeres Madeegha Anders (58) se vier kinders, vertel haar pa het ’n stokkie voor haar toneelspeelplanne gesteek omdat die bedryf dikwels onvoorspelbaar is. Dus het sy besluit om eers ’n kwalifikasie as ’n maatskaplike werker aan die Universiteit van Kaapstad te behaal. Sy het hier uitgeblink; sy sê sy sal nooit vergeet hoe trots haar pa was toe sy ’n Golden Key-prys vir haar prestasie…

LIEFDE SONDER GRENSE In die geselsprogram van 13 episodes gee die aanbieder, Rian van Heerden, paartjies wie se alternatiewe verhoudings die wenkbroue laat lig die geleentheid om hul stories te deel. Van die temas sluit die ouderdomsverskil tussen paartjies in en mense in verhoudings waar die een party geskend of verslaaf is. Het op Maandag 7 Oktober om 20:00 op kykNET begin. MOOI Anet Pienaar-Vosloo reis weer wyd en syd om van haar gunstelingmense se besonderse wonings en plase te besoek. Dis ’n stylreis wat kykers sal inspireer om met nuwe oë na ons land se mense, kultuur en natuur te kyk. Begin op Maandag 14 Oktober om 19:30 op VIA. BOER SOEK ’N VROU Vir die eerste keer in die geskiedenis van dié gewilde werklikheidsreeks, nou in sy 12de…

Op 12 Junie 2014, net vier dae nadat ek in die hospitaal opgeneem is, het ek heeltemal normaal gevoel. Besoektyd was van vieruur tot vyfuur die middag. My man het gesê hy gaan nie daardie middag kan kom inloer nie, maar dat sy tannie wou kom kuier. Die dokters was net weg en ek het gou my tande gaan borsel en my hare gaan vleg sodat ek darem nie te sleg lyk as tannie Mercia daar opdaag nie. Net toe ek my mond uitspoel, voel ek hoe ek in my broek piepie. Ek kon dit nie glo nie! Ek was amper 30 en ek piepie in my broek! Seriously! Wat nou nog? Toe ek afkyk, sien ek net bloed. Bloedrooi bloed. Baie bloedrooi bloed. En ek voel hoe die bloed…

NO. 2 305 NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS “HG”, gevolg deur jou antwoord, naam en dorp/stad na 36400. Net een SMS per deelnemer word toegelaat. Die SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24, Grapevine Interactive en hul reklamemaatskappye mag deelneem nie. Die sluitingsdatum is 7 November 2019. Kyk op huisgenoot.com vir die volledige bepalings en voorwaardes. WEN ’N WOORDEBOEK PLUS KOM IN AANMERKING VIR DIE MAANDELIKSE TREKKING VAN R1 000. VRAAG: WATTER VERDOWINGSMIDDEL IS TER SPRAKE? PHAROS WOORDEBOEKE (’N DRUKNAAM VAN NB-UITGEWERS) GEE DRIE EKSEM-PLARE VAN…

Prinses Fanning? Sy’t blou bloed wat in haar are loop en het dalk selfs ’n band met prins Harry! Volgens ’n historikus is Elle die 22ste agterkleindogter van koning Edward III, wat in die 14de eeu die septer in Engeland geswaai het. Beste medester Elle (21) is in haar noppies daarmee om ’n tweede keer die silwerdoek met die Hollywoodster Angelina Jolie te deel. ‘Daar is niemand anders in die wêreld as Angelina Jolie wat Maleficent kan speel nie. Om haar weer in haar swart mantel en horings te sien is baie opwindend,’ vertel Elle. Maleficent Al is sy bekend as prinses Aurora in die Disney-flieks Maleficent (2014) en die opvolg Maleficent: Mistress of Evil, is sy al sedert vierjarige ouderdom in die vermaakbedryf. In 2011 was sy in die…

STEL jou voor: Jy wil bitter graag net ’n bietjie lig skep voor dit te donker word, maar daar is nie elektrisiteit nie en jy het nie ’n battery nie. Dis mos neusie verby vir jou, nie waar nie? Wel, nie as jy ’n paar aartappels byderhand het nie. Deur ’n bietjie metaal by ’n paar aartappels te voeg kan jy ’n battery skep wat ’n klein gloeilamp sal laat brand. (Ons het drie aartappels gebruik, maar jy kan enige getal gebruik.) Ons wys jou hoe. HOE WERK DIT? In die meeste batterye word elektrisiteit opgewek deur ’n chemiese reaksie tussen twee elektrodes (middels waardeur elektrisiteit beweeg), gewoonlik koper en sink, en suur. In dié geval reageer die koper van die munte en die sink van die spykers met die…

Die “Rachel” het begin as ’n poging om Jennifer Aniston se wilde boskaas te tem. Die aktrise het Chris McMillan, eienaar van ’n gerespekteerde salon in Beverly Hills, tydens die eerste seisoen van Friends genader. Haar hare was nog altyd krullerig en lank, en sy was op soek na iets eleganters. Chris het die idee gekry om ’n gedeeltelike kuif te kombineer met ’n snit wat in lae gesny is. Hy het dit onder gesny, dit toe in lae gesny, vasgesteek, en ’n haardroër gebruik om dit ’n gladde afronding te gee. Die resultaat was ’n ingewikkelde maar treffende styl wat dit laat lyk het asof ’n stilis op die nippertjie verveeld geraak en besluit het om twee verskillende haarstyle saam te voeg. Chris het later erken hy was hoog…

Jogurt is een van die reld, en mense maak dit vermoedelik reeds sedert 5000 v.C. Spesifieke bakterieë, bekend as jogurtkulture, word by vars melk gevoeg ten einde die melk- suiker (laktose) daarin in melksuur om te skakel. Tydens dié proses word die melkproteïen, kaseïen, gedeeltelik afgebreek en jogurt se tipiese jelagtige struktuur word gevorm. Melksuur is verantwoordelik vir die kenmerkende suur smaak en help ook dat die jogurt langer as vars melk hou. Jogurt is voedsamer as melk, hoofsaaklik omdat die fermentasieproses dit makliker verteerbaar maak en die liggaam dan voedingstowwe soos kalsium, fosfor en yster beter absorbeer. Soms kan diegene wat laktose-onverdraagsaam is wel jogurt in ’n mate verdra. In Suid-Afrika is ook laktosevrye jogurt beskikbaar.…

KRY DIT HIER @HOME 0860-666-674; CORICRAFT 011-611-8700, 021-505-6640; DECOFURN 087-740-1800; GAME 0861-4263-2273; H&M 0860-690-707; MRP HOME 0800-212-535; POPSTRUKT.COM; SHF HOME SHF.CO.ZA; SOFACOMPANY.CO.ZA 021-200-5904; SUPERBALIST.COM 0860-022-146; WOOLWORTHS 0860-100-987 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Huisgenoot se nuwe Klop die Skaalaanlyn dieet-en oefenplan is beskikbaar by www.klopdieskaal.co.za. Die volledige plan is uitgewerk vir 12 weke, en jy kan tot 1 kg per week afskud. As jy nou aansluit, kan jy betyds vir die feestyd ’n paar kilo’s laat wegsmelt! Wat kos dit om aan te sluit by die eeten oefenplan? Die program kos R495. Dit is ’n eenmalige betaling – geen maandelikse lidmaatskaptariewe nie! Jy kry toegang tot die webtuiste met die aanlyn dieet-en oefenplan wat ons kenners spesiaal vir vroue ontwerp het. Jy het net ’n rekenaar of selfoon met internettoegang nodig. Hoe werk die oefenplan? Die oefenplan is ontwerp sodat jy vet kan verbrand én gedefinieerde spiere kan kry. Dit bestaan uit drie fases van vier weke elk, en elke oefenbeweging word deur…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. SUSTER RAAK GOOR OOR ‘NEE’ V Ek is die oudste van ’n paar kinders. Ons ouers is geskei toe ons nog in die huis was. My suster wil gedurig dinge soos geld of jou kar leen, en as jy nee sê, word jy in die sosiale media geblokkeer en die lelikste goed word van jou gesê. Sy is kwaad vir my pa omdat hy nie sy motor vir haar wou leen nie. Ek gee wel vir haar geld om vir haar kinders klere te koop. Ek voel so hartseer en teleurgesteld. Moet ek haar vergewe? Hoekom mag ek nie…

DOL DEFINISIE V: Wat is ’n ambulans? A: ’n Minibustaxi met disko-ligte. C.J. LAMBRECHTS GOEIE VRAAG Tydens sy eerste besoek aan die dieretuin staan ’n seuntjie lank na ’n ooievaar en staar. Toe vra hy sy pa: “Hoekom herken die ooievaar my dan nie?” JOHANNA, BRAKPAN G’N WEGKOMKANS NIE Dit kan nie lekker wees om by die lykhuis te werk nie. Dink net, die dag wanneer jy doodgaan, is jy weer terug by die werk. DENISE, PRETORIA MISVERSTAND V: Hoekom het die blondine die houer met melk in die winkel leeggedrink? A: Want op die verpakking staan: “Maak hier oop.” JACO LOMBAARD SOETE AFSKEID Die pa is vies omdat ’n kêrel so laat by sy dogter kuier. “Santjie,” vra hy uit die kamer, “weet daardie mannetjie nie hoe om goeienag…

Dié konsert is die hoogtepunt van sy lewe, vertel Jo Black opgewonde hier waar ons in sy teaterrestaurant, The Bearded Butcher, in Montana in Pretoria kuier. Langs hom sit die country-en bluessanger Roan Ash en glimlag ewe breed. Jo Black & Roan Ash Live in die Sun Arena vind op 26 Oktober plaas, en die kaartjies vir die geleentheid is sommer gou opgeraap. Sowat 90% daarvan is reeds verkoop. “Kan jy dit glo? Die rietrot van Pretoria-Noord en die skarminkel van Waverley maak die Sun vol,” spot die bebaarde sanger. Jo het verlede jaar al aan die konsep begin werk waar hy en Roan weer, soos jare gelede, saam kan optree. Die twee sangers het mekaar ses jaar gelede – albei toe nog onbekend – ontmoet en sommer dadelik aanklank…

NO. 2 051 VRAAG WATTER SKOONHEIDSMIDDEL IS TER SPRAKE? SKOMMEL DIE LETTERS IN DIE KLEURBLOKKIES OM DIE ANTWOORD TE VIND. LEES LANGSAAN HOE DIE KOMPETISIE WERK. Jy kan ’n Verklarende Afrikaanse Woordeboek of Afrikaanse Woordelys en Spelreëls van die uitgewer Pharos (pharos@pharos.co.za) wen. Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer word toegelaat. Net mense binne SA se grense kan deelneem. Die SMS kos R1,50. Hou die oorspronklike, volledige blokraai met jou besonderhede as bewys. Geen posstukke word as inskrywing aanvaar nie. Geen werknemers of hul gesin van Media24, Grapevine Interactive of hul reklamemaatskappye mag deelneem nie. Die sluitingsdatum is 7 November 2019.…

SUPERHELD: BILLIE EILISH SUPERKRAG Dié 17-jarige Amerikaanse sange res gebruik haar musiek om ’n boodskap uit te stuur oor aardverwarming. In haar “All the Good Girls Go to Hell”-musiekvideo, wat al meer as 61 miljoen keer op YouTube gekyk is, is Billie ’n gevalle engel wat uitgegooi word uit die hemel tot op die aarde wat met olie besmet is. Sy het met dié video se uitreiking gesê miljoene mense oor die wêreld smeek tans hul leiers om aandag te gee. “Ons aarde verhit teen ’n ongekende tempo, ysberge smelt, ons oseane styg, ons diere word vergiftig en ons woude brand.” Sy het haar aanhangers aangemoedig om te betoog om wêreldleiers tot aksie te dwing. SUPERHELD: JADEN SMITH SUPERKRAG Dié 21-jarige seun van die Hollywood-egpaar Will en Jada Pinkett Smith…

Die Addams Family, oftewel die vreemdste gesin in die buurt, is terug op die silwerdoek; dié keer in ’n animasiekomedie. Hulle trotseer ’n slinkse werklikheidstelevisieaanbieder terwyl hulle ook wag dat hul uitgebreide familie vir ’n groot viering opdaag. WEN Ses lesers kan elk ’n Addams Family-geskenkpak van meer as R1 000 wen! Die geskenkpak het ’n Addams Family-foonlaaier, -handdoek, -sokkies en dubbelfliekkaartjies. SMS* die woord ADDAMS, die antwoord op die vraag en jou naam en afleweringsadres bedags voor 24 Oktober om 17:00 na 35407. VRAAG Wat is die naam van die seekat in die rolprent? Sudoku met Socrates Voltooi die rooster. Elke ry, kolom en kwadrant moet een van elke kleur seekat bevat. Hoe goed ken jy die Addams Family? Rangskik eers die letters om die name van die karakters…

Hierdie LEWE Gewone mense in hul eie woorde POLLY EIMAN (43), SPYSENIER EN TROUBEPLANNER ‘ONS het grootgeword in die woonbuurt Maskamsig hier op Vanrhynsdorp in die Matzikama-distrik – ek en my identiese tweelingsussie, Max. Daar is darem ’n beauty spot as jy ons nou moet uitken. Ons is ewe mooi. My ma kon nie gaan werk nie. Sy het polio gehad en toe vir ons twee ook. Daar was ook nog drie ander kinders. Sy was ’n enkelouer, en sy moes haar hele lewe lank op krukke oor die weg kom. My ouma en oupa het ons twee grootgemaak in ’n tweevertrekhuis waarin agt mense gebly het. Ons twee het op die grond geslaap, so voor my oupa en ouma se bed. Ek en my sussie moes al van 10…

Terwyl die meeste Suid-Afrikaners die Wêreld-bekerrugbytoernooi in Japan net op TV volg, kom die aanbieder en radiopersoonlikheid Elma Smit heelwat nader aan die aksie. Sy is tans ín Japan om vir Wêreldrugby oor die toernooi verslag te doen en sê sy geniet elke oomblik. “Dit is verbasend hoe warm en verwelkomend Japannese mense in Tokio teenoor die vreeslik luidrugtige besoekers is,” sê Elma. “Ek het nog elke dag met ’n geskenk huis toe gegaan!” Haar hoogtepunt tot dusver was die wedstryd tussen Japan en Ierland, wat op verrassende wyse deur die gasheerland gewen is, vertel Elma. “Ek het die wedstryd in ’n Ierse pub gekyk. Op die ou einde was ek, al die Japannese fans en ’n hengse klomp Iere almal in trane! Dis ’n lieflike herinnering.” Spogaand vir Bokkies…