Indholdsfortegnelse for 08 Apr 2021 i Huisgenoot

1 ‘GROOT MAN MET ’N KLEIN HARTJIE’ Sy het die bokslegende en pastoor Jimmy Abbott se hand vasgehou toe hy onlangs rustig in sy bed gesterf het, vertel sy vrou, Anette Rus sag, liewe Oom Jimmy. Ek hou stewig vas aan die wete dat ons mekaar eendag weer sal ontmoet. Ek het darem die troos dat Oom saam met my pa en oom Koos is, en dat julle almal nou weer saam daar bo in die Hemel is. LORINDA Ek dink dit is won derlik, werklikwaar, die wete dat hy soveel vrede gehad het. Dit gee ander hoop, want daar is soveel mense wat bang is vir die dood. Hier lees ons net weer dat die dood nie ’n angel het vir hulle wat gered is nie. MARLENE Anette, baie sterkte…

AS SKRYWER is sy al jare lank daaraan gewoond om in afsondering te werk. Om haar karakters op papier te laat leef, moet dinge om háár stil raak. En daardie skryfstilte het tot groot sukses gelei: Haar trefferboek Griet skryf ’n sprokie is in meer as ’n dosyn tale vertaal; haar storie Dis koue kos, skat het op die silwerdoek as fliek gepronk. In hóéveel Afrikaanse huise sit haar voosgeleesde boeke op die rak: Die dinge van ’n kind, Wegkomkans, Die blou van onthou… Tog het die inperking weens die coronaviruskrisis Marita van der Vyver swaar getref, daar waar sy al meer as twee dekades lank in die suide van Frankryk naby Avignon saam met haar Franse man, Alain (62), woon. “Die alleenheid het my nog nooit gepla nie, maar…

HUIS OP MARS ’n “Digitale huis” in ’n soort Marslandskap, deur Krista Kim van Toronto, is verlede maand vir sowat R7,5 miljoen verkoop. Die nuwe eienaar sal ’n 3D-digitale weergawe van sy virtuele huis ontvang. FLUIT-FLUIT ’n Opname van 52 minute wat bestaan uit klankgrepe deur die rolprentmaker Alex Ramírez-Mallis van Brooklyn en vier vriende wat winde laat, is vir R6 300 verkoop. GOUE TWIET Jack Dorsey, medestigter van Twitter, het verlede maand die eerste twiet wat hy ooit gestuur het – “Just setting up my twttr” – as NFT verkoop en in die proses ’n koel R44 miljoen gemaak, wat hy aan liefdadigheid geskenk het. GUCCI-SKOENE Die modehandelsnaam se skoene is gewoonlik buite die meeste mense se bereik, maar daar was groot belangstelling in ’n nuwe digitale skoenreeks wat…

‘Hou slegs die dinge wat tot jou hart spreek. Knyp dan jou oë toe en gooi die res alles uit. Deur dit te doen, kan jy ’n skoon blaadjie omslaan en ’n nuwe leefstyl aanpak’– MARIE KONDO IS DIT net ons of het die inperking almal se innerlike Marie Kondo na vore laat kom? Met dié dat ons die afgelope jaar meer tyd as ooit by die huis gebly het, het baie van ons ’n bietjie meer tyd gehad om by die vervelige take uit te kom wat ons voorheen so lank uitgestel het. Dit help ons om ons in hierdie tyd rigting te gee. “Om in die inperking georganiseerd te raak sal jou ’n bietjie meer doelgerig maak in hierdie moeilike tyd,” sê Katie Light, ’n welstandsafrigter. “Ons moet…

Sy is ’n gesogte sangeres danksy haar sielvolle klank. Ons het gaan inloer by dié talentvolle 24-jarige van Durban wat deesdae in Brittanje woon. Vertel ons meer oor die inspirasie agter jou nuwe liedjie, “Cups and Balloons”. Ek het dit saam met ’n ongelooflike Sweedse kunstenaar, Eeva, geskryf. Ons wou iets skryf wat ’n meer emosionele gevoel aan die klassieke demone van berou oor die “vorige aand” gee. Om wakker te word langs daardie mens wat jy weet nie vir jou goed is nie. Dit gaan oor die skadelike besluite wat ons kan neem wanneer ons kwesbaar is. Jy het saam met die musiekgroep Goldfish aan ’n paar treffersnitte gewerk. Hoe het dit gebeur? My destydse bestuurder het my in 2015 aan Dom (Peters) en Dave (Poole) voorgestel,  werk? doel.…

PURE PLESIER Die muskietma sê vir haar kroos: “As julle vandag soet is, kan ons môre Sandy Bay toe gaan.” ANTJIE NEUSIE VERBY Jan: “My verloofde het my gelos.” Frans: “Het jy haar dan nie van jou miljoenêr-oom vertel nie?” Jan: “Ja ek het, en nou is sy my tannie.” WOLLIE, PRETORIA ’N OOP HAND Dominee het Sondag die gemeente ernstig gemaan om tog gereeld hul tiendes te gee omdat die kerk se geldsake in ’n benarde toestand is. Hy was nog met sy ernstige pleidooi besig, toe ’n lidmaat opspring en begeesterd uitroep: “Dominee, ek gaan van nou af nie net een tiende van my inkomste gee nie. Ek gaan sommer een twintigste gee!” KUIKEN RAAISEL Kinders leer baie vinnig om jou motor te bestuur. Tog kan hulle glad…

WEN ’N GESKENKPAK VAN CLERE NO 2 128 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. VRAAG: WATTER SOORT REIS IS TER SPRAKE? Clere voorsien hierdie week se prys ter waarde van R1 000. Dit bevat Clere-produkte en ’n skouersak. Clere bied bevogtigers met vier unieke formules spesiaal vir die verskillende behoeftes van elke vel, en dit is beskikbaar in ’n verskeidenheid verruklike geure. Met Clere is velsorg maklik, lekker en bekostigbaar! Clere is verantwoordelik vir die versending van die prys. NEEM SO DEEL Vul die blokraai in en gebruik die letters in die kleurblokke om die antwoord op die vraag te ontsyfer. SMS “HG” gevolg deur jou antwoord, naam en dorp/stad na 36400. Net een SMS per deelnemer wordtoegelaat.…

1 〉 Hoeveel spelers is in ’n sokkerspan? 2 〉 Watter land is bekend vir die Colosseum, pasta en pizza? 3 〉 Watter bedreigde dier word net in reënwoude en berge op die eiland Madagaskar gevind? 4 〉 Hoeveel van ons 11 amptelike tale kom in ons landslied voor? 5 〉 Hoeveel jare is daar in ’n millennium? ANTWOORDE 1. Elke span het 11 spelers op een slag op die veld. 2. Italië 3. Lemur 4. 5 – Xhosa, Zoeloe, Sotho, Afrikaans en Engels 5. 1 000 BRONNE BBC.COM, NYTIMES.COM, THE GUARDIAN.COM, THECONVERSATION.COM, LIVESCIENCE.COM, NEWS.SKY.COM, NPR.ORG, DOGONEWS.COM, GUINNESSWORLDRECORDS.COM, SAHISTORY.ORG.ZA, NESTLÉ.COM, MEDIUM.COM, BUSINESSTECH.CO.ZA, ETYMONLINE.COM…

Sy is nege jaar oud en het onlangs geskiedenis gemaak toe sy haar eerste Grammy-prys gewen het. En hoe dan anders as jou ma ’n superster en jou pa ’n rapkoning is? Hier is vyf dinge wat jy oor dié klein musiekdiva moet weet. 1 MINI-BEYONCÉ Blue het 48 uur ná haar geboorte op 7 Januarie 2012 reeds musiekgeskiedenis gemaak toe sy ’n liedjie, “Glory”, saam met haar pa, Jay-Z, uitgereik het. Dit was boonop ’n treffer – al het klein Blue net daarin gebrabbel en gehuil. “Glory” het tot op die Amerikaanse Billboard Hot 100-trefferlys geboer, en so het Blue die jongste mens geword wat al op dié lys haar debuut gemaak het. 2 SY RYG DIE PRYSE IN Blue het onlangs die tweede jongste Grammy-wenner ooit geword toe haar en…

LIG, lug, water, voedingstowwe en ruimte om te groei. Dít is wat plante nodig het om te kan lewe. Plante is weer noodsaaklike kos vir mens en dier. Die proses wat plante gebruik om die energie van sonlig in voedsel om te skakel, staan bekend as fotosintese, en dit vind plaas in die groenste dele van ’n plant. Suurstof is ’n afvalproduk van fotosintese. Om te kan asemhaal, het mens en dier suurstof nodig. Alle lewe op aarde vind in die biosfeer plaas. Dit is ’n baie dun laag rondom die aarde wat lewende dinge asook die omgewing insluit wat hulle onderhou. Die biosfeer sluit die litosfeer (grond en rotse), hidrosfeer (water) en atmosfeer (gasse) in. Die hidrosfeer sluit alle akwatiese watervorme – sout-en varswater – op aarde in. Die…

Impakhoof by BetterUp Die hertog van Sussex is aangestel as impakhoof by BetterUp, ’n beginneronderneming in Silicon Valley wat beroepsafrigting, raad oor geestesgesondheid en “intense leerervarings” bied. Die maatskappy, sowat R15 miljard werd, is in 2013 gestig en gee met Harry se aanstelling erkenning aan sy werk as “filantroop, militêre veteraan, kampvegter vir geesteswelstand en omgewingsaktivis”, lui ’n verklaring. Van die prins se nuwe pligte is om hul produkstrategie te verbeter en samewerking vir liefdadigheidsprojekte te verkry. Harry het in ’n blogplasing van die maatskappy verduidelik dat hy by hulle aangesluit het omdat hy en hul uitvoerende hoof, Alexi Robichaux, ’n “gedeelde passie” het om mense te help. Die twee het mekaar ’n jaar gelede ontmoet toe Harry self vir afrigting by die maatskappy aangeklop het. Met watter visum werk…

BROCCOLIRYS MET BOEREWORS-FRIKKADELLE GENOEG VIR 4-6 MENSE BEREIDING: 20 MIN. GAARMAAK: 15 MIN. ◗ 300-400 g boerewors STROOISEL ◗ 10 ml (2 t) elk komyn-en koljandersaadjies◗ 100 g amandels, fyngekap◗ 5 ml (1 t) seesout◗ 5 ml (1 t) droë tiemie◗ 5 ml (1 t) ligbruinsuiker (opsioneel) BROCCOLIRYS ◗ 2 heel koppe broccoli◗ 15 ml (1 e) olyfolie◗ ’n skeut suurlemoensap◗ sout en vars gemaalde peper VIR VOORSIT ◗ suurlemoenwiggies◗ basilieblare Voorverhit die oond tot 200 °C. Bespuit ’n bakplaat goed met kossproei. 1 Knip die derm van die boerewors oop met ’n kombuisskêr en druk die maalvleis uit. Rol die maalvleis in gholfbalgroottebolletjies en pak op die bakplaat. Rooster 15-20 min. of tot goudbruin en gaar. 2 Strooisel Droogrooster die saadjies in ’n pan tot geurig en plaas in die…

GROOTTE ■ Pas vir ouderdom 4-5(6-7;8-9; 10-11;12-13) jaar■ Pas vir borsmaat 61(66;71;76;81) cm■ Werklike rondommaat 69(74;79; 84;89) cm■ Volle lengte 54(58;62;66;68) cm■ Moulengte 16(19;22;24;26) cm BENODIGDHEDE LET WEL Die jas op die foto is met Stylecraft Life-dubbeldraad gebrei. Gaan na stylecraft-yarns.co.uk en klik op “international stockist” om jou naaste verskaffer te kry. ■ 3 (3;4;4;5) x 100 g-bolle Stylecraft Life-dubbeldraad in French Blue kleur no. 2447■ 3,25 mm-en 4 mm-breipenne■ Kabelpen■ 7 knope in ’n verskeidenheid helder kleure■ Tapisserienaald BREIDRAADINLIGTING Stylecraft Life-dubbeldraad is ’n veelsydige wolmengsel van 25% wol en 75% akriel en is ’n standaarddubbelbreidraad met 298 m per 100 g-bol. As jy nie dié breidraad kan kry nie, kan jy Stylecraft Special-dubbeldraad gebruik, wat 100% akriel is en beskikbaar is in 100 g-bolle met 295 m per bol.…

As jy ’n persoonlike probleem het, skryf gerus aan Liewe Elize, Posbus 1802, Kaapstad 8000 of elize@huisgenoot.com. Of SMS LIEWE ELIZE gevolg deur jou vraag na 36489. Elke SMS kos R1. WIK EN WEEG OOR WEGTREK OF NIE V Ek en my man woon in ’n groot stad en werk albei van die huis af. Ons praat daarvan om na die dorp te verhuis waar my man grootgeword het. Hy het familie en vriende daar, maar ek het geen vriendinne daar nie. Ons wil trek ter wille van ’n beter lewensgehalte, maar my hart is swaar as ek dink dat ek moontlik geen vriende sal hê wat saam met my die fase kan deurgaan wanneer ons kinders het nie. Ek wil my man in ag neem, maar omdat ek al…

’N HART IS SO GROOT SOOS ’N VUIS Deur P.P. FOURIE (KWELA BOEKE, R225*) “Ek en my ma het ooreengekom dat sy nie my boek sou lees nie, maar nou ná al die opspraak wat dit verwek, wil sy tog. “Nou het ons dieselfde ooreenkoms as toe ek ’n kind was en ek boeke van byvoorbeeld Robert Ludlum gelees het. Sy het van die bladsye toegeplak of uitgeskeur en ek gaan nou dieselfde vir haar doen.” Pieter Fourie se ’n Hart is so groot soos ’n vuis is in ’n neutedop die verhaal van hoe hy deur sy pa afgeknou is, maar veral hoe sy ma aangerand en verneder is. Hy bied dit aan as ’n roman of faksie (feit en fiksie gemeng) om sekere mense te beskerm. “Die boek…

Besoek ons webtuiste, huisgenoot.com, vir ’n daaglikse horoskoop. BUL 20 APR – 20 MEI ’n Intense situasie in ’n liefdesverhouding kan jou bekommerd maak oor die lewensvatbaarheid daarvan. Probeer uitpluis of dié uitdaging dalk net ’n goeie leerervaring is en nie noodwendig die einde van die verhouding hoef te beteken nie. Dit kan vereis dat julle twee die kern van die kwessie uitpluis, met of sonder nog ’n persoon se ingryping. Sodra jou planeet, Venus, op die 14de jou teken betree, lyk die lewe weer rustig en is dit ’n goeie tyd vir ’n bederfie. GELUKKIGE NOMMERS 43, 16, 10, 50, 6, 11 TWEELING 21 MEI – 20 JUN Dit sal jou goed doen om jou huidige selfgeldende fase te tem, veral as jy iets by die werk wil bereik.…

Dié woord lyk dadelik op die Engelse woord “future”, en natuurlik is hulle verwant, maar “Futurisme” kom in Afrikaans in danksy Italiaans. In die vroeë 20ste eeu was daar ’n groep Italiaanse kunstenaars wat behep was met die spoed van moderne dinge soos karre, vliegtuie en treine, en hulle het prente geverf wat daardie paniekerige beweging wys. Hulle het dit “Futurismo” genoem – prente van die toekoms. Nou, as iets vir ons daardie sprankeling van flitsende ligte wys, is ons geneig om te sê dis baie “futuristies”. Die toekoms bly maar altyd dieselfde. VERSTOMMENDE NOMMERS 1 Finland is die eerste plek toegeken deur die World Happiness Report as die gelukkigste land ter wêreld. Mense in 149 lande is gevra om hul geluk te beoordeel op grond van hoe hulle die…

BOEK AWESOME FRIENDLY SPOOKY STORIES ROWLEY JEFFERSON Dié boek is veral lekker leesstof wanneer beurtkrag weer tref. Kry jou flitslig, klim onder die kombers in en lees oor vampiere, spoke en ander dinge wat jou koue rillings in die donker sal gee. Jy gaan dit nie kan neersit nie, maar jy sal bly wees wanneer die krag weer aangaan en die donkerte wyk. MUSIEK THE MOMENT SKETCHY BONGO, JIMMY NEVIS & EMTEE Sketchy Bongo laat ons lekker dans – dink maar aan “Love Me in the Dark” en “Let You Know”. Die Durbanse DJ se nuwe liedjie het ’n lekker chilled vibe en kan ’n gunsteling op jou speellys word. Jimmy Nevis en Emtee maak ook ’n draai.…

DIE slak wat die son eet. Die sonaangedrewe slak. Die smaraggroen seeslak oftewel Elysia chlorotica is al so beskryf, want hier is ’n diertjie wat nie net groen is soos plante en boonop soos ’n blaar lyk nie, maar nes plante sonenergie inspan om voedingstowwe te skep wat hom aan die lewe hou. VOEDING 1. OPSUIG VAN VOEDSEL Dié seeslak leef uitsluitlik van die geelgroen alge Vaucheria litorea. Die slak steek gaatjies in die alge se selwande met sy radula – baie klein tandjies. Hy hou die alge dan stewig in sy mond en suig die inhoud uit die algestringe asof dit strooitjies is. 2. ‘DIEWERY’ Pleks daarvan dat al die alge-inhoud deur die spysverteringstelsel verwerk word, behou die slak die chloroplaste (strukture in groen plante wat amper soos sonpanele…

EE SIEN myself as ’n soort storm chaser: Ek jaag na waar daar weerlig is. Ek weet nie hoe om dit te beskryf nie. Dit is iets wat min mense regkry om te doen. Daar is vreeslik min weerligfotograwe wat die volle definisie van ’n straal kan vasvang. Ek het net hierdie vermoë om myself op die regte tyd op die regte plek te vind. Om naby aan die aksie te wees. Dit is amper soos om die high score in Space Invaders te kry – jy jaag heeltyd vir daardie high score. Dit is ’n bietjie verslawend. Die spogfaktor speel ook ’n rol as jy die foto op Facebook kan plaas en jy bekendstaan as die ou wat weerlig kan afneem, maar dit is grootliks ’n persoonlike ding. Ek…

JARE lank het ’n vuur in hom gebrand – een wat hy ter wille van die bestendigheid van ’n maandelikse salarisstrokie probeer smoor het. Maar daardie hunkering na die verhoog en om voor die kameras te wees het nooit by hom verdwyn nie. Sy geliefde stiefpa, Trevor Thompson, het altyd geweet van die jong Brendon Daniels se begeerte om toneel te speel. “Voor sy dood het hy vir my gesê ek moet my drome nastreef ongeag wat die negatiewe mense te sê het,” onthou hy. Met Trevor se dood in 2005 het Brendon reeds vyf jaar as toesighouer by die muntoutomate by die GrandWest-casino in Kaapstad gewerk. Voorheen was hy ’n portier en toelatingsbeampte by die ongevalleafdeling van die N1 City-hospitaal waar hy ook as skoonmaker in die operasieteater gewerk…

STYLVOL TERWYL HULLE WERK Kate (in Catherine Walker) en prins William was die toonbeeld van styl tydens ’n besoek aan die covid-19-inentingsentrum by Westminster Abby in Londen. MOOI MAMMA EN DOGTER Die model Irina Shayk was sjiek in ’n grys jas tydens ’n uitstappie in New York saam met haar ewe stylvolle dogter, Lea. ROMANTIESE AANDJIE UIT Chrissy Teigen het been gewys in ’n uitrusting deur Oscar de la Renta en John Legend was deftig in ’n swart pak uitgevat in Los Angeles. SEXY IN ORANJE Die werklikheidstelevisiester Kylie Jenner het ’n helder oranje rok gedra toe sy haar kar se tenk gaan volmaak het. OULAP SE ROOI MAAK MOOI Die aktrise Megan Fox en haar kêrel, Machine Gun Kelly, hou hande vas toe hulle in Malibu gaan uiteet. ROOMYSAFSPRAAK…

JKAN jou beswaarlik ’n warmer, huisliker toneel indink as die een wat jou begroet wanneer jy hier by die Kriges op Hartenbos instap. Die kleurvolle mengelmoes van lekkertes verseël in glas is oral: songeel perskes, appelkose en makataan, oftewel wilde waatlemoen. Als in skywe of tot konfyt gekook. En natuurlik bokse vol flesse wat wag om gevul te word. Want Charlotte (63) en Hennie Krige (75) se woning is ook hul lekkerbekfabriek. Hy skil, sy kook en lê in. Die soet eindproduk word verkoop onder die handelsnaam Cowley’s Kombuis, verleen aan Charlotte se nooiensvan. Haar dogter was juis so dol oor haar ingelegde beet, begin Charlotte trots vertel. Maar eensklaps is dit asof die lig uit die vertrek verdwyn. Want Charlotte is die ma van Anika Smit, die Pretoriase tiener…

DIT het alles begin met die versoek van ’n donkerkopmeisie, toe nog ’n vreemdeling, wat hy nie so lank gelede nie toevallig op ’n passasierskip in Tafelbaai ontmoet het. Sal hy sy liedjie “Ons word een” vir haar sing as sy die dag trou? het Shamodene Niemann gevra. Die sanger Juan Boucher was nie op sy mond geval nie en haak toe af met: “Ja, ek sal dit vir jou sing die dag wanneer jy met mý trou!” Min het die twee toe geweet daardie dag sou net 14 maande later op Woensdag 24 Maart 2021 aanbreek. Op Shamodene (25) se troudag het Juan (36) sy belofte gestand gedoen. Nie net het sy trefferliedjie opgeklink nie; “Ons word een” was ook die tema van hul bruilof. Die woorde het in…

RONDEHALS Hierdie klassieke silhoeët is eenvoudig en ’n moet vir kouer weer. Rondehalstruie en-tops is veelsydig en kan saam met alles van rompe tot broeke gedra word. V-HALSLYNE Hierdie snit werk die beste met die laag-op-laag-voorkoms. Die ontspanne kledingstuk pas ook perfek by aandhemde. KAPPIETOP Kappietops is hier om te bly! Een van die beste maniere om warm te bly is om dit onder ’n vollengtejas te dra. KOEL KNOOPTRUIE Knooptruie kikker ’n ontspanne voorkoms op en verleen ’n tikkie kleur en patroon aan jou uitrusting. RITS TOE! Kappietops met ritssluiters is ontspanne en die perfekte item om as deel van lae te dra. Dra dit saam met ’n jas of oor ’n rolhalstop. ROLHALS Die rolhals is ’n noodsaklike item vir die kouer seisoen om jou warm en byderwets…

JY HET pas jou heel eerste werk losgeslaan en nou moet jy boonop begin belasting betaal. Allereers moet jy as ’n nuwe belastingbetaler registreer. Jou werknemer het sekere wetlike pligte, en natuurlik jy ook. Onthou: As jy nie in Jan Taks se goeie boekies bly nie, kan jy mettertyd swaar beboet word – of selfs welkome terugbetalings misloop. Kom ons kyk hoe jy die belastingreis begin. 1 HOE WERK BELASTINGJARE? Die huidige belastingjaar strek byvoorbeeld van 1 Maart 2021 tot 28 Februarie 2022 (29 Februarie in die geval van ’n skrikkeljaar). Dus word jy belas vir jou inkomste tussen die genoemde datums en word dit die 2022-jaar van assessering (oftewel belastingaanslag) genoem. 2 HOEVEEL MOET EK BETAAL? Dit verander gewoonlik elke jaar. Vir die 2022-jaar moet jy inkomstebelasting betaal: ■ as jy…

Die protagonis Kelly van Rensburg is die protagonis in die reeks. Sy word gespeel deur Carmen Maarman van Arendsvlei-faam. Kelly is ’n werkgerigte vrou wat jy selde sien lag by die sentrum, sê Mandilakhe. “Ons sien ander kante van haar wanneer sy by die huis is.” Die kompetisie  Binnelanders-ster Kim Syster is te sien as Rochelle Williams, wat vroeg in die reeks koppe stamp met Kelly oor ’n nuwe pos by die sentrum. Rochelle moet haar siek ma versorg. “Dis duidelik dat haar ma verwagtings het en dat sy dinge aan haar ma belowe het wat sy ongelukkig nie kan nakom nie.” Dis hoekom sy veggees het wat sy op ’n baie slegte manier uitdruk. Die sentrumstigter Zenobia Kloppers, wat al in onder meer Suidooster en die rolprent Fiela…

WEN ’N GESKENKPAK VAN CLERE FOR MEN PLUS KOM IN AANMERKING VIR DIE MAANDELIKSE TREKKING VAN R1 000. NO 2 382 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. VRAAG: WATTER DIGBEGROEIDE GEBIED IS TER SPRAKE? Clere For Men voorsien hierdie week se geskenkpak ter waarde van R1 000. Dit bevat ’n rugsak asook Clere For Men-velsorgprodukte. Pak die jaar aan met krag en uithouvermoë, en wees ’n legende! Gebruik Clere For Men se Legend-velsorgreeks en laat jou voorkoms by jou legendestatus pas. Clere For Men is verantwoordelik vir die versending van die prys. NEEM SO DEEL Vul die blokraai korrek in, skryf die letters in die kleurblokke neer en gebruik dit om die antwoord op die vraag te ontrafel.…

In die 1940’s en 1950’s het ingenieurs al begin opgewonde raak daaroor om op ’n manier telefone in karre in te bou. Die idee kom al van veel vroeër, maar die gebruik van tweerigtingradio’s in die noodvoertuie van die Tweede Wêreldoorlog het almal laat besef hoe nuttig dit sou wees. Maar die deurbraak het eers later gekom toe navorsers die idee van “sel”-torings begin toepas het. Pleks van een groot radiotoring wat duisende seine moes kon hanteer, het hulle agtergekom ’n klomp kleiner torings wat ’n kleiner gebied dek (so ’n gebied is dan ’n sel), het baie beter gewerk. Dr. Marty Cooper het op 3 April 1973 die eerste sellulêre foonoproep ter wêreld gedemonstreer. Sy baksteen van ’n foon het 1,1 kg geweeg, en ná 20 minute se klets…

MRS. O Lyk die eienaar van die supermark dalk bekend? Dis die Amerikaanse oudpresident Barack Obama se vrou, Michelle. Waffles en Mochi noem haar Mrs. O in die reeks. Michelle het twee dogters, Malia (22) en Sasha (19), en sy is opgewonde om deel van dié “magiese reeks” te wees. “Ek wens net Waffles + Mochi was daar toe my dogters grootgeword het, want dis die soort reeks waarna die gesin lekker saam kan kyk terwyl dit ouers die gemoedsrus gee dat hul kleintjies iets leer,” sê sy. In die reeks het Michelle, Waffles en Mochi altyd hope pret. “Ek lag, verken die wêreld van kos en kook saam met hulle,” sê Michelle. WAFFLES Waffles is ’n jeti en gevriesde wafel. Sy is nes Mochi nuuskierig om nuwe kos te…

MEISIES: ‘TIE DYE’ Tie dye-klere, oftewel knoopdoopklere, was in die 1970’s ’n modegier en dis nou weer ’n vuurwarm trend. Sterre soos Irina Shayk, Kendall Jenner en Halsey is al in tie dye-klere afgeneem. Dis ’n lekker manier om spatsels kleur na jou klerekas te bring. Dra dit saam met ’n gemaklike sweetpak in herfskleure soos oranje en bruin en wit chunky tekkies. SEUNS: KLEURBLOKTEKKIES Wit tekkies vir seuns is so 2020! Musieksterre soos Justin Bieber en Pharrell Williams word gereeld in kleurvolle tekkies gewaar en jy sien dit deesdae oral op straat. Of jy nou een kleur verkies of tekkies in ’n klomp kleure saam, dis alles deel van die trend. Dra kleur bloktekkies by ’n gemaklike sweetpak of jeans en rond dit af met ’n wit kappietop.…

Op die plaas Die woorde onder is horisontaal, vertikaal of skuins en vorentoe of agtertoe in die rooster versteek. Soek en omkring dit. Kol-kol Verbind die genommerde kolle en dan die kolle met die letters van die alfabet om die prentjie te voltooi – maak seker jy doen dit alles in die regte volgorde! Kleur die prentjie in wanneer jy klaar is. Soek 10 verskille Gras toe! Watter skaduwee pas? Tel hulle! Knip & plak Knip die vierkante onder uit en plak dit op die rooster om die prentjie te voltooi. Vra toestemming voor jy begin knip. Soek die paadjie Help die hen tot by die haan. Doen eerste die somme en skryf die antwoorde op elke eier. Beweeg nou van een eier na die volgende in die regte volgorde…

NIKS klop die glimlag wat ’n pasgebore baba op mense se gesigte plaas nie – en die hemel weet, die koninklike familie kan doen met goeie nuus. Sedert prins Harry en sy vrou, Meghan, se berugte onderhoud verlede maand met Oprah Winfrey moes die Buckinghampaleis links en regs vure doodslaan. Toe koningin Elizabeth se jongste agterkleinkind dus onlangs ’n haastige verskyning maak, was almal in die wolke – veral met dié dat die kleinding se ouers hulde gebring het aan die verswakte hertog van Edinburgh deur hul seun na hom te noem. Lucas Philip Tindall is die 22ste aanspraakmaker op die Britse troon, Zara en Mike Tindall se eerste seun en kleinboet vir Mia (7) en Lena (2). En waar is die jongste lid van die bloubloedfamilie gebore? Op ’n…

BIANCA FLANDERS Bianca het al self ’n boek oor hare, Prinses Pampoenpit, geskryf. 1 Wie is jou karakter Faiza? Faiza is Elaine se beste vriendin by die haarsalon en kollege. Sy is snaaks, ’n bietjie lui en alles is maklik vir haar. Sy het nie Elaine se dryfkrag en ambisie nie. 2 Beskryf jou hare? Onvoorspelbaar, wild en mooi. 3 Watter verhouding het jy met jou hare? Ek love die krulle, maar dit was nie altyd so nie. Toe ek klein was het ek my hare gehaat! Ek onthou toe ek 13 was, het ek vir die eerste keer India Arie se liedjie “Video” gehoor. Dit het my inspireer om my hare natuurlik te dra. CHANELLE DAVIDS Chanelle speel die hoofkarakter, Elaine Williams, wat haar eie haarsalon wil besit en…