Indholdsfortegnelse for 01 Jul 2021 i Huisgenoot

1 ‘DRAMA-MAMMAS’-STER SE PAD NA AANVAARDING Jou seksualiteit, net soos jou kleur, is nooit wat werklik saak maak nie. Dit is mos jou menswees en jou hart wat tel, en ’n mens kan sien Louw Breytenbach se hele menswees en sy hart is albei beautiful. RINA Almal is dieselfde mense. Dis nie die buitekant wat jou as mens maak nie, maar wat in jou hart aangaan. Dis so mooi as almal met respek behandel word. Jy bly iemand se kind, iemand se vriend, iemand se broer. LIEZEL Ek as ouer het da delik geweet my seun is die “wind beneath my wings”. Ek is trots om sy ma te wees. Hy leer my baie en ek het hom onvoorwaardelik lief. As ouers net besef die lewe is te kort om nie…

■ Die “bababoep”-foto ’n Afgetrede ginekoloog, dr. Ina Faber, sê dis moeilik om met “voor en ná”-foto’s te bevind of Gosiame swanger was. “Dis nogal ’n formidabele boep voor en ’n merkwaardige herstel ná die tyd. Maar sonder insig van wat onder die pienk rok aangaan en ’n sonar sê die foto nie genoeg nie.” ■ Die bevalling ’n Kenner verduidelik ’n voortydige geboorte weens ’n veelvou-dige swangerskap “verg baie vroegtydige en gekoördineerde bestuur en beplanning”. Genoeg broeikaste en personeel moet gereed wees. ’n Keisersnee word verkies aangesien dit moeilik is om andersins die welstand van fetusse te monitor. Die babas sal waarskynlik neonatale sorg benodig. Die ma sal komplikasies soos erge bloeding ervaar, of moontlik infeksie en selfs bloedklonte.…

DRA ’N DENIMROMP SO WENK Dra ’n donker denimromp by room-en taankleurige items vir ’n gesofistikeerde voorkoms. DRA ’N DENIMBAADJIE SO WENK Dra jou denim en gunstelingbroeken-top-stel vir ’n ontspanne, koel voorkoms. DRA JEANS SO WENK Kikker jou jeans op met helder baadjies vir ’n vinnige kleurinspuiting vir formele of ontspanne drag. DRA ’N DENIMROK SO WENK Dra ’n denimrok by wit bykomstighede vir ’n preppyvoorkoms. KRY DIT HIER ACKERMANS 0860-900-100; COTTON ON 0800-007-786; EXACT 0860-834-834; HOMECHOICE.CO.ZA; MANGO MANGO.COM; MILADYS 0800-212-535; MR PRICE 0800-21-25-35; PEP 0860-737-000; SHADO.CO.ZA; SUPERBALIST.COM; TAKEALOT.COM; THE FIX 0860-834-834; TRUWORTHS 021-460-2300; WOOLWORTHS 0860-022-002; YDE 021-460-2800; ZANDO.CO.ZA; ZARA.COM HOEWEL ONS ALLES IN ONSVERMOË DOEN OM KORREKTE PRYSETE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

1 DOEN DÍT Gebruik ’n gordynstok wat langer is as die breedte van die venster. MOENIE Die gordynstok moenie te kort wees nie; dit sal natuurlike lig blokkeer. 2 DOEN DÍT Laat die gordyne liggies aan die vloer raak. MOENIE Die gordyne moenie net onder die venster eindig nie. 3 DOEN DÍT Posisioneer die gordynstok naby die plafon om visuele hoogte te skep. MOENIE Moenie die gordynstok net bokant die venster posisioneer nie. 4 DOEN DÍT Sorg dat die toegetrekte gordyne hul mooi plooie behou. MOENIE Moenie die verkeerde breedte koop nie; dit skep ’n plat, uitgestrekte voorkoms.…

Jy het dit waarskynlik al 100 keer by jou tandarts gehoor: Borsel twee keer per dag, maak die gapings tussen tande skoon met vlos en interdentale borsels, en vermy suikerbelaaide peuselhappies en gaskoeldrank. Wat jy dalk nie weet nie, is dat jou tandarts se raad meer as net jou glimlag en tandartsrekenings beïnvloed – dit kan ’n impak op jou lewensduur hê. In een studie is bevind mense wat hul tande twee keer per dag geborsel het se kans op ’n hartaanval is kleiner as dié wat een keer borsel. Hulle het ook ’n soortgelyke verband getoon vir vlakke van C-reaktiewe proteïene (die bloedtoets vir inflammasie wat gewoonlik effens hoër onder ouer mense is). Mense wat gereelder borsel, het minder in hul bloed gehad. Daar is ook getoon dat die…

Daar is ’n toename in apps en toestelle om elke aspek van jou lewe te bereken, maar die outomatiese bloeddrukband is waarskynlik die waardevolste. Deur jou hartklop en bloeddruk te meet kan jy beduidende insig kry in die toestand van jou kardiovaskulêre gesondheid. Hoë bloeddruk, ook bekend as hipertensie, is ’n stille moordenaar. Wêreldwyd ly ongeveer 40% van mense ouer as 25 daaraan – maar jy kan nie hoë bloeddruk voel nie, en dit het ook geen onmiddellike simptome nie. Daarom het jy ’n bloeddrukband nodig: Gaan sit, haal ’n paar keer diep asem, neem ’n lesing en maak ’n nota sodat jy oor ’n tydperk na tendense kan kyk. Bloeddruk word as normaal beskou as dit 120/80 is. Van ongeveer 115/75 verdubbel elke bykomende 20/10 die risiko vir hartsiektes…

Periodedrama. Dit gons oor dié reeks wat op die Pulitzer-bekroonde boek deur Colson Whitehead gegrond is. Die Suid-Afrikaanse aktrise Thuso Mbedu vertolk die rol van Cora Randall wat uit slawerny op ’n Amerikaanse katoenplaas ontsnap. Sy word na vryheid gesmokkel deur die “Underground Railroad” – ’n geheime netwerk van roetes en veiligheidshuise vir slawe wat van die suide na die noorde van Amerika en Kanada vlug. Maar Cora se vryheid word bedreig deur ’n losprysjagter (Joel Edgerton) wat enigiets sal doen om haar te vang en die beloning op te eis. Oprah Winfrey en Ellen DeGeneres kan nie uitgepraat raak oor Thuso se spel in die reeks van 10 episodes nie. Albei het Thuso al vir onderhoude genooi. “Thuso Mbedu lewer die spel van ’n leeftyd,” het Oprah op Instagram…

FEMME FATALE CINDY-LOUISE Hierdie enkelsnit volg op die uitreiking van Cindy-Louise se album Humanity in Maart. “Net soos die naam aandui, sê ‘Femme Fatal’ dat vroue in beheer is,” verduidelik die sangeres, wat die liedjie self geskryf het. “Vroue is sterk, slim en talentvol. Ons is gebore leiers. Ons bewys dit elke dag, en ons doen dit in hoëhakskoene!” In die 10 liedjies op haar debuutalbum speel sy met verskillende genres rond, byvoorbeeld elektro-pop, jazz en klassieke musiek. In “Femme Fatale” gaan sy met haar vermengingspel voort: Hierdie enkel snit kombineer kommersiële pop en R&B. Cindy-Louise het in Suid-Afrika grootgeword, maar woon tans in Nederland, waar sy opera studeer. Die kreatiewe en kunssinnige musiekvideo van “Femme Fatale” is in Nederland verfilm. Om by die liedjie se bemagtigende boodskap aan te…

WEN ’N GESKENKPAK VAN PLUSH PLUS KOM IN AANMERKING VIR DIE MAANDELIKSE TREKKING VAN R1 000. NO 2 394 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. VRAAG: Watter troeteldier is ter sprake? Twee lesers wen elk ’n geskenkpak van Plush ter waarde van R250. Met Plush se skoonmaakprodukte kan jy jou huis sonder ’n druppel water skoonmaak. Beproef Plush se waterlose skoonmaakprodukte vandag en geniet die silwerskoon, geurige resultate van elke vee, spuit, skrop of vlekverwydering. Elke druppel tel en wat regtig saak maak is hoe skoon jou huis is. Vir nog inligting besoek www.plush.co.za, @PlushSA (facebook), @Plush_ZA (twitter) en @plush_southafrica (Instagram). NEEM SO DEEL Vul die blokraai korrek in, skryf die letters in die kleurblokke neer en…

ONS almal het soms issues. Jou verhouding met jou ouers sukkel dalk, of miskien het jy ’n moeilike onderwyser wat jou al jou dae gee. Dalk breek iemand op skool of in jou vriendekring jou selfbeeld lelik af. Groepsdruk maak die lewe soms goor, en kuberboelies kan só wreed wees. En kom ons wees eerlik, soms is skoolwerk vrek moeilik! Die afgelope tyd was boonop nie maklik nie. Ons moes saamleef met ’n onsigbare virus wat die land in ’n chaos gedompel het. Alles het verander – hoe ons skoolgaan en saam met vriende uithang. Die covid-19-pandemie hang steeds soos ’n donker wolk oor alles en maskers bly deel van die alledaagse lewe. Maar ons is hier vir mekaar, en al raak dinge soms hoe erg, is daar altyd hoop.…

03:30 Zoë is weekdae vroeg uit die vere om haar reg te kry vir haar werkdag. 04:10 Sy verlaat haar woonstel stiptelik teen dié tyd met ’n proteïendrankie in die hand. 04:40 Sy daag op by die Kaapse ateljee waar Expresso verfilm word. “Ek is net drie dae per week op Expresso, so ek het party oggende af waar ek laat slaap en ’n normale oggendroetine het,” vertel sy. 04:45 Dit is tyd om in die grimeerstoel in te skuif. 05:25 Haar hare word stileer en sy word uitgevat in haar uitrusting vir die dag. 05:50 Zoë se mikrofoon word aan haar klere vasgemaak voor hulle begin uitsaai. Tien minute later is dit ligte, kamera, aksie! 09:00 Die program is klaar uitgesaai. 10:00 Sy verlaat die ateljee en keer na haar woonstel…

Angelina Jolie stook steeds die gerugte dat sy dalk met haar eksman Jonny Lee Miller (48) herenig het. Sy het onlangs haar seuns aan die Britse akteur voorgestel. Die Maleficent-ster – wat op ’n gesinswegbreek na New York ’n paar keer Jonny by sy woonstel in Brooklyn besoek het – het twee van haar seuns, Pax (17) en Knox (12), saamgeneem om haar eks te ontmoet. “Knox is ’n dierbare kind, en ek dink hy was die maklikste een om bekendstellings mee te begin,” sê ’n bron aan The Sun. “En Pax was nuuskierig om die ou te ontmoet oor wie sy ma met soveel deernis praat; toe neem sy hom die volgende middag saam. Hulle het net ’n kort rukkie saam gekuier, maar dit het gelyk of hulle goed…

VERANDERING is nie maklik nie – vra maar vir Tereza Troskie-Herbst. Dis dié dat haar gesigsuitdrukking verstar toe sy sien hoe haar eens lang, donker hare in ’n vlegsel grond toe tuimel. Dit is immers die eerste keer in byna 30 jaar dat haar lokke tot skouerlengte geknip word. Dis tjoepstil hier in ’n salon in Pretoria waar Tereza vandag ’n gedaantewisseling ondergaan. Almal wag op haar reaksie. “Ek voel níks,” sê sy eers en rol die dik vlegsel van meer as 30 cm lank tussen haar vingers. Dan voeg sy by: “Dis asof my hart uitgesny is.” Vir die voormalige skoonheidskoningin was die gitswart golwe wat tot amper by haar heupe gehang het meer as net hare – dis al jare lank haar kenmerk. Maar nou is dit tyd…

Die joernalis Piet Rampedi en kollegas van The Sunday Times het in 2014 vals berigte oor ’n “rogue unit” binne die Suid-Afrikaanse Inkomstediens (SAID) geskryf. Dié bewerings van ’n onregmatige ondersoekeenheid het die loopbane van 23 SAID-lede gekelder. In 2015 onttrek The Sunday Times die berigte en Rampedi bedank. Oudregter Robert Nugent bevind in sy 2018-ondersoekverslag geen onregmatige SAIDondersoekeenheid het bestaan nie. Rampedi staan steeds by sy stories. Vir oudlede van die SAID wat gely het weens Rampedi se vroeëre vals berigte krap die tienlingdrama ou wonde oop. Johann van Loggerenberg, oud-SAID-bestuurder en kwansuis lid van die “rogue unit” sê: “Die beriggewing het ons almal belaster, ne ons reputasies benadeel en tot ons bedankings bygedra. Daar was minstens vier pogings tot selfmoord, gesinne en huwelike wat vernietig is, mense wat…

SY HOU die glas ooghoogte. Staar na die vloeistof en skud dit liggies. Sy bring dit stadig na haar mond en neem ’n sluk. Sy wag vir die smake van die vloeistof – verskeie, sê sy – om deur te skemer. Dan vra sy: “Kan jy dit proe? Die romerigheid en die sterk teenwoordigheid van minerale?” Jy sou kon sweer jy bevind jou in ’n wynlokaal en dat die vrou voor jou ’n chardonnay-of sauvignon blanc-connoisseur is wat voggies uit die Platterwyngids beproef. Maar nee. Die vloeistof waaraan Candice Jansen (33) teug, is nie ’n duur bordeaux nie. Dis nie eens wyn nie. In haar glas hou sy iets wat enige oningeligte sou meen die onopwindendste drankie denkbaar is: doodgewone water. Maar dan help Candice jou reg. Dis nie sommer…

BEESSTERTSOP ’n Lekker skoot rooiwyn verleen ’n heerlike diep geur aan hierdie sop met sy tamatiebasis. LEWER SOWAT 3 L SOP BEREIDING: 30 MIN. GAARMAAK: 4 UUR ◗ 5-6 stukke (sowat 700 g) beesstert of beesstowevleis, in stukke gesny◗ sout en vars gemaalde peper◗ 240 g tamatiepuree of -pasta◗ olie◗ 200 g uie, in wiggies gesny◗ 20 g knoffel, geskil◗ 3-4 stingels sopseldery◗ 200 g wortels, geskil en in stukke gesny◗ 2 blikke (400 g elk) kersietamaties of 800 g vars romatamaties, ontvel en in stukke gesny◗ 5 ml (1 t) fyn koljander◗ 2 lourierblare◗ 2 L (8 k) beesvleisaftreksel◗ 250 ml (1 k) rooiwyn◗ 2 sakkies (50 g elk) tamatiepasta◗ 'n knippie suiker indien nodig◗ 15 ml (1 e) sojasous◗ worcestersous na smaak◗ suurroom vir afronding◗ pietersielie of basilie…

Inentings is een van die belangrikste maniere waarop mense sterftes verminder. Dit beteken nie net dat jy waarskynlik langer sal leef omdat jy nie sal sterf aan watter aansteeklike siekte dit ook al voorkom nie; dit sal ook jou lewenslange ontstekingslas verminder, wat ook veroudering kan vertraag. As jy ’n bejaarde volwassene is, is dit die moeite werd om die griepinspuiting te kry. Mense van 65 en ouer is 10 keer meer geneig om in die hospitaal te beland met griep, en sowat 20 keer meer geneig om daarvan te sterf as dié tussen 18 en 64 jaar. Om net die getal direkte sterftes weens griep te tel onderskat die ware impak, veral onder ouer mense. Sterftes aan hartaanvalle, beroertes en diabetes neem ook toe in die griepseisoen en daar…

LANK GETROUD MAAR SY OOG BLY DWAAL V My man het ’n buite-egtelike verhouding. Hy gebruik skelm ’n foon daarvoor. Ons is al meer as 30 jaar getroud, maar hy flankeer baie in vroue se geselskap. Dis die derde keer dat ek so iets beleef. Ek het hulle gekonfronteer, maar albei praat dieselfde taal van ontkenning. Ek het ’n foto op sy foon gesien, maar hy het geantwoord dat hy haar nie ken nie en nie weet hoe die foto daar gekom het nie. As ek met egskeiding dreig, is ek die probleem. Wat moet ek maak? K op T A Teen dié tyd is dit seker al vir jou duidelik dat jy hierdie buffel moet verlaat. ’n Mens kan nie in ontkenning leef en aanvaar dat jou omstandighede vanself…

NÓG MEER AKSIE In die negende aflewering van die Fast & Furious-flieks hervat Vin Diesel (53) sy rol as die aksieheld Dom Toretto. Dis weer brullende, blitsvinnige superkarre waar jy kyk. Dom lei nou ’n stil lewe saam met Letty (Michelle Rodriguez) en sy seun, Brian, wat deur Isaac en Immanuel Holtane gespeel word. Maar gevaar wink om die draai – Dom se langverlore broer keer skielik terug en keer sy lewe op sy kop. Dom en sy kliek moet dus weer kragte saamspan en sake red. DIE BOSE BROER Dom se jonger broer, Jakob, word deur die rofstoeier en akteur John Cena gespeel. Jakob is ’n dodelike sluipmoordenaar wat ’n wrok teen Dom koester. Hy’t boonop ’n bekende Dom-vyand wat hom met sy wraakplan help – die bose Cipher,…

DIE GOORGOMGAAI Deur JULIA DONALDSON. Illustrasies: AXEL SCHEFFLER (derde Afrikaanse uitgawe uitgegee deur Protea Boekhuis, R170*) Die Wikipedia-lys van die meer as 50 tale waarin The Gruffalo vertaal is, begin so: Afrikaans (Die Goorgomgaai), Arabies, Armeens, Baskies (Grufaloa), Bretons (Ar Groufalo), Bulgaars (Gruzulak), Katalaans (El Grúfal), Chinees (Gūlūniú), Kroasies (Grubzon), Tsjeggies (Gruffalo) en Nederlands (De Gruffalo), om net ’n paar te noem. (Dis darem baie lekker om ’n slag eerste in die wêreld te wees!) The Gruffalo is ’n prenteboek wat die eerste keer in 1999 in die Verenigde Koninkryk uitgegee is. Die samewerking tussen die skrywer Julia Donaldson en die illustreerder Axel Scheffler is een van die suksesvolste ooit in die prenteboekbedryf. En waar kom die snaakse woord “Gruffalo” vandaan? Julia het ’n Chinese storie gelees oor ’n slim…

PYNLIK VERSIGTIG V: Wie is die versigtigste mens op aarde? A: ’n Nudis wat oor ’n doringdraadheining klim. L. SAAYMAN, SABIE KOPDOKTER “My dokter het my na jou verwys,” sê die pasiënt vir die psigiater. “Maar ek weet nie waarom nie, want ek is ’n gelukkige man – ek is gelukkig getroud, ek het ’n vaste werk, baie vriende en geen sorge nie.” “Hmm…” sê die psigiater, “en hoe lank voel jy al so?” WOLLIE, PRETORIA IN DIE DIERETUIN Jannie se ma neem hom dieretuin toe. “Watter groot voël is dit daardie, Ma?” vra hy. “Dis ’n ooievaar,” antwoord sy. Die kleinman kyk stip vir die ooievaar. Toe vra hy: “Sal hy my nog herken?” KASOEPIE BESTE KOPIE Jannie verjaar volgende week en sy pa wil vir hom ’n stel…

WEN ’N CARIBBEANTAN-GESKENKPAK NO 2 140 As jy vashaak, kan jy gerus ander lesers se raad vra op ons Facebookblad met die naam Huisgenoot Blokraaie. VRAAG: WATTER SOORT VERHAAL IS TER SPRAKE? Twee wenners ontvang elk ’n Caribbeantan-geskenkpak ter waarde van R500. Caribbeantan se innoverende, professionele selfverbruinings-en verbruiningsorgprodukte is ontwerp om jou die gewone beslommernis van selfverbruiningsmiddels te spaar. Nou kan jy met ’n perfekte sonbruin vel spog sonder dat dit jou soveel uit die sak jaag. Selfvertroue en skoonheid gaan hand aan hand en wat Caribbeantan betref, verdien almal om op hul beste te lyk en voel – of dit nou winter of somer is! Caribbeantan-produkte is beskibaar by Dis-Chem, Clicks, Takealot, Zando, Superbalist, Skinmiles en caribbeantan.online. NEEM SO DEEL Vul die blokraai in en gebruik die letters in…

DIE woord “soccer” is afgelei van die afkorting vir Association Football: “Assoc”. In Afrikaans praat ons van sokker, en dis ’n spel waarin twee spanne van 11 spelers ’n bal in die ander span se doelhok probeer kry. Die spelers mag enige deel van hul liggaam behalwe hul arms en hande gebruik. Net die doelwagter mag die bal met die hande hanteer, maar ook net in die doelhok se strafgebied. Die bal word meestal geskop en daarom staan sokker ook as “football” bekend. Die span wat die meeste doele kry, wen die wedstryd. Ons leer jou meer oor die begin van dié sport. FIFA Die internasionale sokkerbeheerliggaam, Fifa (Fédération Internationale de Football Association), bied sedert 1930 elke vier jaar die Wêreldbekertoernooi (WB) aan. In 2010 was Suid-Afrika die gasheerland vir…

EK DINK nog ek is vroeg vir my onderhoud met William Shatner toe ek 10 minute voor die tyd die skakel vir ons videogesprek oopmaak. Maar die oomblik toe Zoom voor my oopmaak, sit hy daar en druk knoppies op sy rekenaar. “Ek hou daarvan om vroeg te wees ter wille van gemoedsrus. Maar dis oukei; ek kan agterna mediteer,” sê hy. Sy stemtoon is dikwels ironies, asof hy jou uitdaag om hom daarvan te beskuldig dat hy jou been trek. Dit is dié dat aanhangers dikwels “die Shatner-persona” bespreek, maar William maak dit af: “Ek weet nie eens wat dit is nie.” Ek dink hulle dink jy probeer mooi broodjies bak deur aan al hul verwagtinge te voldoen, sê ek. “Wat is hul verwagtinge? Dat ek Captain Kirk is?…

SELF het sy g’n kroos nie, maar van haar bekendste rolle is dié van sterk moederfigure – soos die skrywer Dalene Matthee se weergalose Fiela. Vra jy die aktrise Zenobia Kloppers hieroor, sê sy dis eenvoudig: Sy put inspirasie uit die sterk vroue rondom haar. Vroue soos haar ma, Alfreda, en die aktrise Denise Newman; en veral June van Merch en Shaleen Surtie-Richards, wat albei voor haar ook soveel lof gekry het vir hul spel as Fiela. Hulle was haar voorgangers, die verhoogma’s in wie se spore sy vandag volg. Nes haar eie ma nog altyd ’n lig in haar lewe was. “My ma is my alles; sy is die sterkste persoon wat ek ken,” vertel Zenobia. Sy haal summier aan uit die gedig “Ma” deur Antjie Krog: Ma, ek…

KYK NET MY LYFKUNS! Die sangeres Charlize Berg het onlangs nie net een nie, sy het sommer twee tatoes gekry. “Ek het baie lank daaroor gedink voor ek besluit het om dit te doen,” vertel sy. Charlize het die name van haar dogtertjie, Aleiah-Rose (3), en twee maande oue seuntjie, Kailer-Noah, op haar arms laat tatoeëer. “Dit is my eerste tatoes, en my kinders is my alles. Ek dink hulle is Liewe Jesus se grootste geskenk nog ooit aan my,” sê sy. ’N BIELIE VAN ’N VIS As jy een van Dale Steyn se 1,5 miljoen Instagram-volgelinge is, weet jy seker dié krieketster is mal oor visvang. Dale het onlangs ’n foto gedeel van ’n bielie wat hy inkatrol het. “Geen onderskrif kan hierdie afgelope week beskryf nie,” het hy…

BRONNE: DAILYMAIL.CO.UK, EONLINE.COM, METRO.CO.UK, BRAVOTV.COM “Ek glo als gebeur met ’n rede, en ek dink die rede vir daardie verhouding was Kendall en Kylie.”– KRIS JENNER OOR DIE SEËN VAN HAAR VERBROKKELDE HUWELIK MET CAITLYN JENNER “’n Ou het vir my gesê: ‘Liewe hemel, jy soen so lekker, maar jy het sulke klein lippe.’ En van toe af het ek onsoenbaar gevoel.”– KYLIE JENNER OOR DIE REDE VIR HAAR ONSEKERHEDE OOR HAAR LIPPE “Ek het een neusoperasie en inspuitings gehad, maar ek het aaklig op Botox gereageer.”– KHLOÉ KARDASHIAN OOR DIE WERK WAT SY LAAT DOEN HET “Ons het meningsverskille oor ’n paar dinge gehad, en dit het ons laat besluit om te skei.”– KIM KARDASHIAN OOR HOEKOM HAAR HUWELIK MET KANYE WEST VERBROKKEL HET “Ek is nie skaam daaroor…

Millie Bobby Brown (17) is onlangs in die strate van New York opgemerk waar sy hand aan hand stap saam met Jake Bongiovi (19), die seun van Jon Bon Jovi (59) en sy vrou, Dorothea Hurley (58). Die egpaar, wat al 32 jaar getroud is, het ook ’n dogter, Stephanie (28), en nog twee seuns, Jesse (26) en Romeo (17). Die Stranger Things-ster en Jake, wie se regte naam Jacob is, het hul debuut in die openbaar gemaak terwyl hy so ewe haar hond, Winnie, in ’n groot denimsak dra. Nadat hy onlangs ’n selfie geplaas het van hom en die aktrise wat in ’n motor sit, is daar oor ’n romanse tussen die twee gegis. By die foto waarop hulle hul lippe tuit het hy geskryf: “Bff” (best friends forever).…

MOET-HÊ-DENIMS Jeans gaan nooit uit die mode nie. Dis veelsydig, prakties en kan maklik opgedollie of vir ’n ontspanne voorkoms gedra word. Dié seisoen is warmer skakerings van vlootblou, indigo en swart groot nuus. Ongeag wat jou styl, figuur of voorkeur – daar is jeans vir jou. MOET-HÊ-BAADJIES ’n Denimbaadjie is ’n tydlose stapelitem wat dwarsdeur die jaar gedra kan word. Dis die perfekte item om in lae in die winter te dra. Dra dit onder ’n warmer jas of op sy eie en met ’n rok, of met nog denimitems en ’n T-hemp om die koppe te laat draai.…

■ Dra ’n masker en voldoen aan covid-19-protokolle soos by die huis bly as jy sleg voel. ■ Praat sag en sit jou selfoon af. Hou in gedagte die spaomgewing is vir ontspan en is veronderstel om kalm te wees. Jy kan selfs jou terapeut vra om die musiek sagter te sit – of minder te praat as hulle geselserig is. ■ Opper enige klagtes of griewe wat jy dalk oor die behandeling het terwyl jy by die salon is eerder as nadat jy weg is sodat stappe so gou moontlik gedoen kan word om die situasie reg te stel. ■ Moenie aanneem jy kan met jou kinders opdaag en hulle kan vir jou wag terwyl jy jou behandelings kry nie. ■ Moenie ’n te klein fooitjie gee nie. Kyk…

’n Gebalanseerde dieet met genoeg vrugte en groente, volgraanprodukte en neute kan jou lewensduur aansienlik verleng. In studies is al bevind meer vrugte en groente verbeter die digtheid van jou mikrobioom en dermgesondheid. Daar is een belangrike bevinding wat dieet en lewensduur betref: Oortollige vet is sleg vir jou en om ’n paar kilogram af te skud kan die meeste mense se risiko vir talle ouderdomsverwante siektes op een slag verminder. Die verhoogde risiko vir hartsiektes en diabetes beteken mense wat swaarder weeg, is meer geneig om in hul latere jare siek te wees. Trouens, vetsugtige mense is nie net geneig om korter te leef nie; hulle is aan groter gesondheidsonkoste blootgestel ten spyte van hul korter lewensduur. As jy ’n diabeet is, is daar bewyse dat deur gewig te…

DIE sterftes weens die coronaviruspandemie het ook ’n skerp styging in begrafnispoliseise veroorsaak. Die Suid-Afrikaanse lewensversekeringsbedryf het verlede jaar 434 216 sterfte-eise ontvang teenoor 317 442 in 2019. Meer as die helfte van sterfteeise in 2020 was vir begrafnispolisse (266 321); en die res vir onder meer kredietlewensversekering en lewensversekering. In hierdie onseker tyd kan dit baie ontstellend wees as jou eis dalk verwerp sou word omdat jy dit nie behoorlik ingedien het nie. Hier is vyf dinge wat jy moet weet. 1 MELD DIT AAN Wanneer ’n persoon sterf, moet ’n gesinslid, of iemand wat by die dood aanwesig was, dit by die registrateur van geboortes en sterftes aanmeld. Eerstens moet jy die sterfte rapporteer aan een van die volgende: ■ spesifieke binnelandsesakebeamptes; ■ polisielede, veral in gebiede waar…

1 Die regisseur Justin Lin het vier vorige Fast & Furious flieks gemaak. 2 Tyrese Gibson (42) en die rapper Ludacris (43) keer terug as die skreeusnaakse Roman enTej, wat deel is van Dom se kliek. 3 Daar was al meer as 100 karre in die Fast-fliekreeks. Vin se gunsteling is nie sy swart Dodge Charger nie. Dis die Chevrolet Chevelle SS wat hy aan die einde van die eerste fliek in 2001, The Fast and the Furious, bestuur wanneer hy in Mexiko is. “Natuurlik het die Charger sentimentele waarde, maar daar is ’n 1970’s-Chevelle wat nog altyd ook vir my belangrik was,” vertel hy. 4 Die rapper Bow Wow (34), wat in 2006 in die derde fliek, The Fast and the Furious: Tokyo Drift, as Twinkie te sien was,…

KREEF 21 JUNIE – 21 JULIE Jou verbeelding kan moontlik hierdie week met jou weghardloop; daarom moet jy versigtig wees dat dit wat jy as di waarheid beskou, inder-daad so is en nie net ’n versinsel van jou verbeelding nie. Die harde werklikheid van jou finansiële situasie het jou dalk bekruip, en nou staan jy voor ’n paar keuses om die situasie waarmee jy nou sit reg te stel. Om lysies te maak sal jou goed te pas kom. Begin met ’n lysie van jou skuld, en pas dan jou begroting dienooreenkomstig aan. GELUKKIGE NOMMERS 48, 51, 29, 12, 46, 4 LEEU 22 JUL – 22 AUG Jy word gekonfronteer met sterk teenkanting, hetsy van jou maat/eggenoot of ’n sakevennoot. Pleks daarvan om dadelik op jou agterpote te wees, neem…

1 In watter land is die sokkerlegende Diego Maradona gebore? 2 Die huis waarin watter voormalige Suid-Afrikaanse president eens gewoon het, is in Vilakazistraat, Soweto? 3 In watter Amerikaanse staat sal jy die Grand Canyon kry? 4 Waar of onwaar: ’n Donkiewyfie word ’n merrie genoem. 5 Wat is die naam van die kleinste strykinstrument in ’n orkes? ANTWOORDE 1. Argentinië 2. Nelson Mandela 3. Arizona 4. Waar 5. Viool BRONNE EDITION.CNN.COM, BBC.COM, BUSINESSINSIDER.CO.ZA, HISTORY.COM, DW.COM, SHAKESPEARESGLOBE.COM, APNEWS.COM, LIVESCIENCE.COM, ALJAZEERA.COM, DOGONEWS.COM, NATIONALGEOGRAPHIC.COM…

HIERDIE LEWE GEWONE MENSE IN HUL EIE WOORDE DIT was asof daardie yswind soos vlymskerp lemme deur my liggaam sny. Ek was moeg – geestelik en fisiek – en op breekpunt. Dalk was dit my liggaam se manier om te sê: Dis nou genoeg. Maar dit was nie genoeg nie. Nog nie. Onthou, stilstaan is nie ’n opsie nie. Want sodra jy stilstaan, sterf jy. Jy is immers in die doodsone – die punt bo 8 000 m waar die suurstof onvoldoende is om jou aan die lewe te hou. Daarom bly dít jou enigste fokus: om jouself aan die lewe te hou. Sterf jy, bly jou liggaam, nesdié vansoveelander, eenvoudig agter in ’n rotsskeur of op ’n berghang. Niemand sal jou ooit weer sien nie. Dit was 12 Mei,…