Indholdsfortegnelse for 12 May 2022 i Huisgenoot

1 ‘EK HET DIE ANGS PROBEER WEGSTEEK’ Ontrouheid, vernedering, angsnagte … Dis wat agter die skerms van sy huwelik met Julius Swart geskuil het, sê Hannon Bothma My mening, Hannon: Hy het in elk geval glad nie by jou gepas nie. Daar was net iets. Good riddance. Bly die stunning mens wat jy is, maak daardie boek toe en gaan aan met jou suksesvolle onderneming en lewe. ROSA Hannon, glo my: As daardie spieël gekraak het, kry jy hom nie reg nie. Eenkeer oor die draad, altyd oor die draad. Dis ’n bitter seer, maar dit word beter. Sterkte. Vertroue gaan nie weer maklik wees nie. LALIE Jy is die een in ons hart en jy sal dit altyd wees, liewe Hannon. Beslis nie jou eks nie. Weet net dat…

ONS ma’s leer ons baie lesse in die lewe: van goeie maniere en hard werk tot kinders grootmaak en verhoudings baasraak. En dit is gewoonlik ook hulle wat ons leer hoe om op ons beste te lyk. ’n Studie van 500 vroue van 18 tot 49 jaar het getoon 64% van dogters sou hul ma bo enigiemand anders vertrou wat skoonheidswenke betref. Die studie, in opdrag van die grimeringwebtuiste Look Fabulous Forever, het ook getoon meer as die helfte van die deelnemers het dieselfde antwoord gehad oor die beste skoonheidsraad wat hulle by hul ma gekry het: Moet nooit met grimering aan gaan slaap nie. Ter viering van Moedersdag deel van ons gunstelingglanssterre die skoonheidslesse wat hulle by hul ma’s geleer het. Jessica Alba (Cathy Alba) “Ma het my geleer…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. EK IS BANG VIR DOODGAAN V Ek het myself nog altyd as ’n taamlik gebalanseerde mens beskou. Sedert die uitbreek van die pandemie het ek egter ’n ongesonde vrees vir die dood ontwikkel. Ek het tydens die inperking baie veiliger gevoel as nou. Ek pas die regulasies noukeurig toe en het my inentings gekry. Maar die feit dat daar soveel mense dood is…

GROOT BLOKRAAI № 2 439 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VIR JOU LEWENSVERHAAL Plus KOM IN AANMERKING VIR DIE MAANDELIKSE TREKKING VAN R1 000. VRAAG: Watter bakbestanddeel is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na media24shop.com,…

1 Watter DC Comicssuperheld se regte naam is Bruce Wayne? 2 Aan watter Suid-Amerikaanse land behoort hierdie vlag? 3 Wat was die naam van die Britse popgroep wat in die 1990’s gewild was en die lede Scary, Sporty, Posh en Baby gehad het? 4 Vir watter Formule 1-span ry die Nederlandse renjaer Max Verstappen? 5 Wat is die hoofbestanddeel van hummus? ANTWOORDE 1 Batman 2 Venezuela 3 Spice Girls 4 Red Bull 5 Kekerertjies BRONNE THEGUARDIAN.COM, NETWERK24.COM, PEOPLE.COM, SCIENCEALERT.COM, COLLINSDICTIONARY.COM, HISTORY.COM, GUINNESSWORLDRECORDS.COM…

‘DIS WERKLIK PYNLIK OM AARTAPPELS TE SKIL EN SKOTTELGOED TE WAS’ HAAR borste is vir haar ’n vloek. Oral waar sy gaan, word sy aangegaap en moet sy ongeskikte of onwelvoeglike aanmerkings verduur. Want terwyl die gemiddelde bragrootte ’n B-keël is, moet Lucy Luxor (35), van Somerset in Engeland, noodgedwonge ’n 38L dra. “Dit is hel,” sê sy oor die emosionele en liggaamlike eise van haar swaar borste. Lucy ervaar elke dag rugpyn, soms so erg dat sy skaars kan loop. “Ek moet elke twee weke ’n massering kry om met my rug te help.” Alledaagse dinge soos kook, skoonmaak en speeltyd saam met haar dogtertjie is moeilik weens haar afmetings. “Dis werklik pynlik om aartappels te skil en skottelgoed te was omdat ek moet oorleun,” vertel sy. Vir dié…

VERGEET maar die Cambridges, Sussexe en Yorks, die Britse koningshuis se sages en skandes woed nou in die skadu van die sappige geskinder onder die adellikes in die gewilde reeks Bridgerton. En soos enige slaafse aanhanger van Netflix se bloubloedreeks jou sal vertel, is die manjifieke koningin Charlotte groter as lewensgroot. Haar tong is vlymskerp, haar streke eksentriek, haar pruike flambojant en haar gemoedelike gekonkel onweerstaanbaar vermaaklik. Danksy die gewildheid van die Bridgerton- monarg gaan sy nou ook haar eie voorreeks kry, het die vervaardiger Shonda Rhimes verlede jaar aangekondig. Die beplande reeks sal wentel om ’n jong Charlotte en ook die jonger weergawes van twee ander hoofkarakters, lady Danbury en Violet Bridgerton. Dit sal die storie vertel van hoe hulle ontwikkel tot die sterk vrouekarakters wat in dié reeks…

WELKOM OP DIE FEES OP DIE PLANKE ’N GESING EN DANS…

‘Ek dink hy’s ’n goeie mengsel van Charlotte en George’– IEMAND OP TWITTER DIE Cambridge-kinders word vinnig groot. Kensingtonpaleis het onlangs stralende verjaardagportrette uitgereik ter viering van die verjaardae van PRINSES CHARLOTTE, wat op 2 Mei sewe geword het, en haar kleinboet, PRINS LOUIS, wat onlangs vier geword het. Die twee se ma, Kate, het die vrolike foto’s geneem. Daarop sit Charlotte in Norfolk, Engeland, tussen blouklokkies saam met die gesin se hond, Orla, terwyl die prinsie op sy foto’s op die strand speel. Die foto’s deur die hertogin het ’n tradisie vir die gesin geword met elke verjaardag. Kate is geesdriftig oor fotografie en is dikwels agter die lens wanneer haar kleingoed groot dae vier en op ander spesiale geleenthede. “Sy is die ewebeeld van haar ma,” sê ’n…

DÁÁI geskiedkundige oomblik het áls vir haar verander. Dit was asof sy soos ’n sonneblom eensklaps haar gesig na die son gedraai het, vertel Amy Kleinhans 30 jaar ná sy as die eerste bruin mej. Suid-Afrika aangewys is. As sy nou terugkyk, vertel sy aan die joernalis Roxanne Mooneys op bl. 14, besef sy hoeveel deure dáái kroon vir haar oopgemaak het en hoe sy as bruin rolmodel ander wat ook deur die politieke bestel onderdruk is, kon inspireer. Al kon Amy destyds as mej. SA nie eens stem tot ons land in 1994 ’n demokrasie geword het nie, het die jong vrou met die onderwysdiploma besluit sy sal haar sukses inspan om ’n agent van verandering te word. En sedertdien het sy omtrent gewikkel … Hoe op dees aarde…

HY HET deur die jare geleer om die dood in die oë te kyk. Maar hierdie keer is anders. Adam Barnard, sanger van die groep Romanz, se geliefdes begin aanvaar daardie klok kan vir hom ’n verlossing wees. “Sy liggaam is moeg,” sê Adam se vrou, Almitra, in ’n verklaring. “Sy siel en gees is moeg.” Elders skryf sy: “Adam verdien rus. Hy verdien om weer ’n liggaam te hê wat kan hardloop en sing. Hy verdien dit om sonder pyn te wees.” Net meer as ses jaar nadat nierversaking by die sanger gediagnoseer is, is hy in die laaste week van April die soveelste keer weens ’n terugslag in die hospitaal opgeneem – en dié keer het hy boonop in ’n koma verval. Teen Huisgenoot se druktyd was hy…

KAASKOEK-KARAMEL-BROWNIES LEWER 20 GROOT BROWNIES BEREIDING EN BAK: 120 MIN. BROWNIES ◗ 185 g botter◗ 120 g donkersjokolade◗ 5 ml (1 t) kitskoffiepoeier◗ 3 eiers◗ 180 g (225 ml) donkerbruinsuiker◗ 100 g (190 ml) meel◗ 40 g (100 ml) kakaopoeier, plus ekstra vir bestuif◗ 5 ml (1 t) bakpoeier◗ 2,5 ml (½ t) sout◗ 120 g donkersjokoladeskyfies in 5 ml (1 t) meel gemeng◗ 1 blik (360 g) karamelkondensmelk◗ 100 g (160 ml) geroosterde, gekapte haselneute, effens gesout (opsioneel) BOLAAG ◗ 300 g roomkaas◗ 80 g (95 ml) strooisuiker◗ 2 eiers◗ 5 ml (1 t) vanieljegeursel of vanieljesade van 1 peul◗ 15 ml (1 e) meel 1 Brownies Voorverhit die oond tot 180 ºC. Smeer ’n 21 x 29 cm-bakpan en voer met bakpapier uit. 2 Plaas die botter, donkersjokolade…

KRY DIT HIER @HOME HOME.CO.ZA, 0860-834-834; APLACETOSHOP.CO.ZA; CRAZYSTORE.CO.ZA, 021-505-5500; ESQUE.CO.ZA, 086-103-7783; HUISIE.CO.ZA; KNUS.CO, 087-550-7600; LAVISHD.COM, 011-609-8303; LECREUSET.CO.ZA, 0800-014-886; NIFTYGIFTS.CO.ZA; RIALHEIM.CO.ZA, 087-808-7786; SHOP.BABYLONSTOREN.COM, 021-300-3919; STOREANDMORE.CO.ZA, 011-314-0002; THECOTTONCOMPANY.CO.ZA, 060-505-7894; VOLPES.CO.ZA, 041-402-6800; WOOLWORTHS.CO.ZA, 0860-022-002; YUPPIECHEF.COM, 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

AS JY ’n bankrekening, lening of selfoonkontrak het, behoort jy ’n kredietrekord te hê. Jou kredietrekord sal die sukses bepaal van jou toekomstige aansoeke om winkelrekeninge, huis- en motorlenings. Suid-Afrikaanse kredietburo’s hou die inligting van sowat 26,4 miljoen kredietaktiewe landsburgers. In die kwartaal tot einde Desember 2021 is net 648 280 kredietrekords deur verbruikers aangevra, wys die Kredietburomonitor se jongste data. Hier is vyf dinge wat jy oor dié rekords moet weet. 1 WAT IS DIE VERSKIL TUSSEN MY KREDIETREKORD EN KREDIETTELLING? Jou kredietrekord is ’n volledige verslag oor jou kredieten betalingsgeskiedenis. Dus, enigiets van selfoonkontrakte tot kredietkaarte en huislenings. Dit wys hoe lank jy reeds krediet gebruik, hoeveel en wanneer jy afbetaal, en wie almal navraag oor jou kredietstatus doen. Jou kredietrekord word by kredietburo’s gehou, waarvan Experian, TransUnion,…

LEES MOOI Wanneer is ’n kontrak deeglik opgestel volgens die beleid van baie ondernemings? As dít wat in die fynskrif staan, doeltreffend wegneem wat in grootskrif belowe word. ANTON, BELLVILLE AS DIE GEES WIL, MAAR … ’n Tannie van 80 gaan op ’n afspraak met ’n oom van 85. Toe sy die aand terugkom by haar dogter se huis, lyk sy ontsteld. “Wat het gebeur, Ma?” vra die dogter. “Ek moes hom drie keer deur sy gesig klap!” sê die tannie. “Hoekom? Was hy vatterig?” “Nee,” sê sy, “ek het elke keer gedink hy is dood.” HESTER, NAMIBIË BLITSWALS Man op dansbaan: “Elke keer as ek met jou dans, hou die musiek net 30 sekondes aan.” Vrou: “Ek is nie verbaas nie. Die orkesleier is my verloofde.” KASOEPIE JAAGDUIWEL Drie…

'BOUGIE' LEWE Cassidy is ’n aktrise wat al in oorsese flieks soos The Maze Runner, met die Teen Wolf-ster Dylan O’Brien, en die Warrior-reeks te sien was. Deesdae is sy meer bekend as die gesig agter die supersnaakse karakter Constantia Mom op TikTok. Constantia is ’n spogbuurt in Kaapstad, en met dié neus-in-die-lug-karakter skeer sy eintlik lekker die gek met haar eie ma, vertel Cassidy (25). In een van haar TikTok-video’s moet sy afsit na ’n koffiewinkel omdat daar net kitskoffie oor is in die huis. Aan dié sit sy nie haar lippe nie, want sy is te “bougie”. Constantia Mom spog gereeld by haar vriendinne wanneer sy haar “beste lewe lei” in peperduur hotelle, en maak seker almal weet sy gebruik organiese handreiniger. En sy blaas sommer R3 000…

HY WAS al daaraan gewoond om vanweë sy voornaam met die sanger Lloyiso Bala verwar te word, maar nou oortref sy eie sterstatus selfs dié van sy bekende naamgenoot. Trouens, deesdae sing hy sommer nét onder sy voornaam en staan hy tot in Amerika bekend net as Lloyiso. Drie jaar gelede het die jong sanger nog ’n kamer in Johannesburg met sy oom gedeel, maar onlangs het hy opgetree by Brooklyn Beckham en Nicola Peltz se spogtroue in Palm Springs, Florida. Die glanspaar het hom self genooi om te sing by hul huweliksonthaal, waar die tenniskampioen Serena Williams, die TV-sjef Gordon Ramsay en die aktrise Eva Longoria onder die gaste getel het. En die feit dat hy gekies is om te sing by die troue van David en Victoria Beckham…

’N VROU ontspan op ’n Sater - dagaand in ’n borrelbad. Die volgende oombl ik gaan die badkamerdeur oop en ’n man stap in en sak op een knie af. “Sal jy met my trou?” vra hy. “Ja,” antwoord sy. Dit kon ’n toneel uit een van haar romkoms gewees het, maar dié keer is Jennifer Lopez self die ster van die oomblik, met Ben Affleck in die hoofrol, dié keer ook as homself. “Saterdagaand, terwyl ek in my gunstelingplek op aarde was – die borrelbad – het my pragtige geliefde op een knie afgesak en my gevra om te trou,” skryf die aktrise in haar nuusbrief, “On the JLo”, waarin sy alles oor haar lewe met haar aanhangers deel. “Ek het net in sy oë gekyk en geglimlag én…

DIT bly ’n sprokiesoomblik – om te sien hoe ’n jong vrou se lewe in ’n oogwink verander. En toe sy presies 30 jaar gelede in haar wit aandrok op die verhoog by Sun City staan en hoor hoe haar naam in 1992 as die nuwe Mej. Suid-Afrika uitgeroep word, was dit vir Amy Kleinhans-Curd ’n oomblik van ontwaking – een waarheen sy haarself jare later steeds kan terugneem. “Ek het so ’n besige kindertyd gehad en was ’n bietjie van ’n rabbedoe, maar inderwaarheid was ek ’n saadjie wat nog al die pad besig was om haar pad na die bogrond oop te druk,” vertel Amy vandag. Sy is op 53 nog net so beeldskoon soos drie dekades gelede, en nog net so slank soos toe sy destyds in…

Huisgenoot Loopbane is ’n ontsettend praktiese en bruikbare boek wat jou help om ’n loopbaanrigting te kies wat by jou persoonlikheid en talente pas én wat jou kans verbeter om ’n pos in die uitdagende Suid-Afrikaanse mark los te slaan. WENKE BY DOSYNE » Hoe om ’n loopbaan te kies» Waar om te studeer» Hoe om vir jou studies te betaal» Hoe om jou CV op te stel» Hoe om ’n onderhoud te slaag» Opsies as jy nie matriek het nie» Opsies as jy oorsee wil werk» Die gesogste loopbane in SA…

WENK Rubber-insteekskoene met blinkers is oulik en gemaklik en ’n moet in elke cool mamma se kas. Dis veelsydig genoeg om tuis of op uitstappies te dra. BYKOMSTIGHEDE EN SKOENE Van tydlose juweliersware tot superstylvolle fedorahoede en treffende handsakke – elke ma het hierdie spesiale items nodig. WENK Juweliersware en bykomstighede met spesiale, persoonlike verpakking sal sorg vir daardie ekstra tikkie liefde saam met jou geskenk. SAG EN SNOESIG Kies snoesige sy, satyn en vliesstof vir ’n luukse, sagte en gemaklike nagrus. Slaapklere van sy is lig, snoesig en die toppunt van luuks. Voeg daarby ’n slaapmasker vir daardie ietsie ekstra. WENK Satyn en sy is nie net sagkens op die vel nie; dis ook goeie keuses as jy hou van sagte slaapklere met ’n intieme gevoel wat die vel…

DOCTOR STRANGE IS TERUG Die Britse akteur Benedict Cumberbatch keer terug as dr. Stephen Strange in dié opvolg van 2016 se Doctor Strange-fliek. Die nuwe prent – die 28ste fliek in die Marvel-heelal – speel af ’n paar maande ná die gebeure in die onlangsste Spider-Man- fliek, Spider-Man: No Way Home (2021). Doctor Strange sit sy navorsing op die Time Stone voort. ’n Ou vriend wat ’n vyand geword het, wil elke towenaar op aarde uitwis en mors met Strange se plan en veroorsaak dat hy ’n onbeskryflike boosheid loslaat. “Doctor Strange in die strokiesprentboeke het altyd in heelalle en dimensies beweeg wat nogal spookagtig was, so ons het probeer om ’n bietjie daarvan in dié fliek te bring,” sê Sam Raimi, die regisseur. “Dis by tye onheilspellend en soms…

BUL 20 APR – 20 MEI Alhoewel jy veel eerder geld en tyd aan daardie nuwe besigheid- of werkidee wil bestee, kan jou tyd hierdie week deur behoeftige vriende in beslag geneem word. Balans is die sleutel, maar terselfdertyd moet jy gevlei voel dat vriende hulle na jou wend vir empatie, hulp en bystand. Tog wil jy ook nie bekendstaan as die redder nie, wat iets anders is as om ondersteunend en behulpsaam te wees. Moenie jou geliefde afskeep nie. GELUKKIGE NOMMERS 17, 28, 46, 52, 44, 21 TWEELING 21 MEI – 20 JUN As veranderlike teken hou jy van jou vryheid van beweging en is geneig om op die ingewing van die oomblik van plan te verander. Vandeesweek lyk dit egter of jou vryheid van beweging ingeperk is. Hierdie…

6 MEI 1937 DIE HINDENBURG-RAMP Die Duitsers het die rigiede lugskip laat in die 19de eeu ontwikkel na aanleiding van ’n waterstofgevulde lugskip wat deur die Fransman Henri Giffard ontwerp is. Die Duitse skip is deur graaf Ferdinand von Zeppelin ontwerp en is dikwels zeppelins genoem. Dit het van die Franse skepe verskil omdat dit ’n ligte metaalraamwerk gehad het wat die binnekant vol gas beskerm het. Dit het egter ook waterstof as brandstof gebruik, wat hoogs vlambaar is. Een van die bekendste lugskepe was die Graf Zeppelin, wat in die 1930’s die eerste een was wat passasiers oor die Atlantiese Oseaan vervoer het, waarna die Hindenburg gebou is, wat ’n groter passasierslugskip was. Die Hindenburg het op 3 Mei 1937 uit Frankfurt, Duitsland, vertrek om oor die Atlantiese Oseaan…

HAAR hare golf sag om haar skouers en haar groot groen oë is so dromerig soos altyd. Toe Katryn Kruger vir ons kamera glimlag, is dit duidelik hoekom sy een van Suid-Afrika se bekendste en suksesvolste internasionale modelle is. Maar dis vandag nie nuwe modes wat Katryn vertoon nie – dis ’n babamagie. Sy het al as model in Londen, Parys, New York en Milaan gewerk en in te veel fotosessies verskyn om te tel, maar dié keer is die aandag, wel, op haar binneste eerder as haar beeldskone uiterlike. “Ons is verskriklik opgewonde en dankbaar, veral omdat dit vinniger gebeur het as wat ons gedink het,” vertel Katryn oor haar en haar man, Cilliers Kies (32), se seuntjie wat in Julie verwag word. “Aanvanklik was ons in skok en…

SUZETTE VAN DER MERWE & MA JEANNE Wat beteken ma-wees vir jou? Dit is ’n seën, ’n geskenk en ’n lewenslange verhouding en liefde wat nooit eindig nie. Ma-wees hou my nederig, kwesbaar en tog gee dit betekenis aan my lewe. Wat verstaan jy beter vandat jy ’n ma geword het? As ’n ma het ek geleer ek is tot meer in staat as wat ek ooit kon droom. Ek het besef ek het die eienskappe van ’n leeuwyfie wat alles sal doen om haar welpies te beskerm. Hoe het jou rol as ouer jou gehelp om jou ma beter te verstaan? Ek het nog altyd ’n goeie verhouding met my ma gehad. As kind en tiener was ons ma-en-dogter-verhouding gegrond op wedersydse respek, vriendskap en onvoorwaardelike ondersteuning. As ma…

DONKER ROMANSE Van bloed drink tot die gebruik van bedwelmende plantbrousels in die oerwoude van Costa Rica … MEGHAN FOX (35) skroom nie om besonderhede oor haar en haar verloofde, MACHINE GUN KELLY (32), se bisarre verhouding uit te lap nie. Die aktrise het in ’n onderhoud met Glamour vertel sy glo sy het haar rapper-rockster-verloofde deur die mag van manifestasie geskep. “Hy is my presiese fisieke soort man wat ek van vierjarige ouderdom gemanifesteer het,” het sy gesê. “Ek dink ek het hom gemaak. My gedagtes en bedoelings het hom die mens gemaak wat hy is. Wie weet hoe hy sou gelyk het, of hoe hy sou wees, as dit nie vir my was nie.” OP DIE VERHOOG VERNEDER Jason Sudeikis (46) was glo stomgeslaan deur die manier waarop “privaat…

Hulle het dit reggekry om hul romanse taamlik stil te hou sedert hulle dit in Julie 2021 amptelik gemaak het op Instagram. Maar ingeval jy gewonder het: BELLA HADID en MARC KALMAN staan nog sterk. Bella (25) en die kunsdirekteur (33) wat vir The New York Times gewerk het, is by verlede jaar se Cannes-rolprentfees afgeneem waar hulle alte liefies met mekaar was. Gerugte het toe ontstaan dat hulle ’n paartjie is, al wou die loopplankster hul verhouding privaat hou – anders as met haar vorige hoëprofielverhouding met The Weeknd. “Ek dink dit is hoekom dinge kan hou,” sê sy van haar kêrel. “Wanneer jy ander mense ruimte gee om menings te hê oor goed wat vir jou baie persoonlik is, vergiftig jy dit.”…

BRONNE: REDCARPET-FASHIONAWARDS.COM; FOOTWEARNEWS.COM; THEZOEREPORT.COM…