Indholdsfortegnelse for 29 September 2022 i Huisgenoot

1 ‘EK HOOP HIER’S SINGLE MANS!’ Amor Vittone se opmerking op VIA se Kom ons braai: Celebs het die tonge aanlyn laat klap; sommige kommentare was vleiend, maar ander nié Ag, die arme Amor, sy’t net ’n ou grappie gemaak. Sy’s dan saam met ’n groot grapjas op die program gewees. Leef en laat leef, mense. Sy’s eintlik ’n baie aangename mens met klas. Moenie altyd die bobbejaan agter die bult gaan haal nie. MAGRIET Sy wil eintlik net daarmee sê sy soek skatryk single ouens. Sterkte vir jou, Amor. Ek hoop regtig jy kry hom. ELRO Ek is mal oor haar. Ek het haar al ’n paar keer ontmoet. Sy is ’n lieflike mens wat baie drama beleef het, en dit moes hanteer. Baie ander mense sou net op…

IS JOU kroos lief vir die plaas en vir boer? Help hulle met lammers grootmaak, groente kweek en ry op die trekker? Ken hulle die seisoene en wag dat die reën kom? Dis nie net grootmense wat kan boer nie – die jongklomp kan mos ook! Ons wil daardie nuwe generasie landbouliefhebbers in ’n reeks aanlyn video’s vier. Huisgenoot en Landbouweekblad is op soek na Suid-Afrika se junior boertjies en wil spesiale video’s maak van die oulikste finaliste. Dié video’s sal op ons webtuistes verskyn, en lesers sal stem vir hul gunsteling-jong boere. Skryf jou kind of tiener in – miskien kry jou spruit sy of haar oomblik in die kollig. Daar’s boonop lekker pryse op die spel! Skandeer hier om in te skryf. HOE WERK DIT? ■ Daar is…

TRUSTS is ’n baie praktiese manier om te verseker dat jou erflating – al is dit net ’n lewenspolis – beskerm word vir die versorging van jou minderjarige kinders. Hier is vyf dinge wat jy moet weet. 1 WIE HET DIT NODIG EN WAAROM? Mense met minderjarige kinders (onder 18 jaar) wat wil seker maak hul erflating word gebruik om hul kinders te versorg. Onthou: Minderjarige kinders kan nie erfporsies direk uit jou boedel ontvang nie, al be-noem jy hulle as ’n erfgenaam. ● Sou albei ouers sterf terwyl die kinders minderjarig is, sal die ouers se bates (huis, meubels, motors, ensovoorts) verkoop word. Die opbrengs word in die Voogdyfonds (bestuur deur die meester van die hooggeregshof) gedeponeer. Die Voogdyfonds bestuur die geld vir die kinders tot hulle 18 jaar oud…

EMSIE SCHOEMAN Tannie Emsie is bekend as Suid-Afrika se etiketkoningin. Sy is ’n ikoon, volksbesit en haar standaarde is hoog. “Sy is op die uitkyk vir goeie maniere en tradisionele waardes,” sê Nini. SHERLIN BARENDS Die KFM-omroeper en aanbieder van VIA se reeks Wat maak jy? verteenwoordig die stem van die uitgesproke feminis. BAUKE HANEKOM Dié persoonlike afrigter en voormalige Mnr. Suid-Afrika-finalis is die enigste man in die paneel. Kykers sal dié spiertier onthou as een van die deelnemers aan die maatsoekreeks Hoor my, sien my, soen my. “Hy verteenwoordig die jong, enkellopende Afrikaanse man.”…

GROOT BLOKRAAI WEN ’N BOEK VIR JOU LEWENSVERHAAL PLUS KOM IN AANMERKING VIR DIE MAANDELIKSE TREKKING VAN R1 000. NO 2 459 As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. VRAAG: Watter motoronderdeel is ter sprake? Hierdie week wen een leser Die storie van my lewe, ’n pragtige hardebandboek wat jou help om jou eie lewensverhaal neer te skryf. Op dié manier kan jy jou kosbare herinneringe verewig, uitdruk wie jy as mens is en jou storie vir jou nageslag bewaar. Kort opskrifte sal jou help om jou gedagtes te orden en staaltjies oor belangrike mense en gebeure in jou lewe te onthou. Daar is ook hoofstukke waarin jy langer kan skryf oor verskillende lewensfases. Om dit te bestel, gaan na…

1 Hoe oud was koningin Elizabeth II toe sy dood is? 2 Watter tower-item besit die koningin in Sneeuwitjie? 3 Wat word diere sonder ruggrate genoem? 4 In watter land sal jy die Groot Piramide van Giza aantref? 5 Waar of onwaar: Switsers is bekend daarvoor dat hulle die meeste sjokolade per persoon ter wêreld eet. Antwoorde 1 96 2 ’n Spieël 3 Ongewerweldes of invertebrate 4 Egipte 5 Waar BRONNE ABC.NET.AU, NEWS.SKY.COM, APNEWS.COM, KIDSNEWS.COM.AU, DOGO.COM, BBC.COM, THEGUARDIAN.COM, NPR.ORG, WESTERNCAPE.GOV.ZA, GETAWAY.CO.ZA, NSO.EDU…

Hier is twee nuwe boeke wat onlangs deur twee plaaslike bekendes uitgereik is. Een is deur Lady Zamar, die sangeres van die treffers “Collide” en “My Baby”, en die ander is deur die aktrise Crystal-Donna Roberts. #MEISIEKRAG! AMARA GOES TO THE OLYMPICS LADY ZAMAR VIR OUDERDOMME: 6+ Dié oulike storieboek is deur die bekroonde plaaslike sangeres Lady Zamar geskryf. Die verhaal gaan oor ’n jong meisie, Amara, wat op skool geboelie word. Sy besluit om aan die skool se “Olimpiese Spele” deel te neem. En sy gaan nie haarself tot een sport beperk nie. Nee, sy gaan aan elke sportsoort deelneem. Gaan dié dapper meisie sukses behaal of net ’n groot grap van haarself maak? SPEURDER SAMMI: DIE BLOU STEEN CRYSTAL-DONNA ROBERTS VIR OUDERDOMME: 9+ Sammi is 13 en het…

DIT klink dalk vreemd, maar het jy geweet ons kan met mekaar kommunikeer sonder om ’n enkele woord te praat? Ons besef dit dalk self nie, maar ons gebruik deurentyd woordelose kommunikasie. Ons gesigsuitdrukkings en liggaamshouding kan aan ander mense onthul wat ons regtig dink en voel. Dit kan nuttig wees om te leer wat al die verskillende nieverbale seine (woordelose tekens) beteken. Lyftaal is ’n soort nieverbale kommunikasie. Dit beteken dat ons pleks van woorde gedrag gebruik om te kommunikeer wat ons dink of voel. Hoewel ons nooit 100% seker kan wees wat iemand anders dink of voel nie, is daar tog leidra-de wat ons kan help verstaan. Nieverbale kommunikasie gebeur dikwels onbewustelik. Dit beteken ons doen dit nie opsetlik nie. Mondelinge kommunikasie is bewustelik (doelbewus), terwyl nieverbale kommunikasie…

Op huisgenoot.com kan kinders nou die nuwe aanlyn Afrikaanse kinderprogram Die Babbelbende kyk. In dié videoreeks onder soek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is sowat 12 minute lank. Op naweke deel ons aanlyn ’n omnibus van vyf episodes. Huisgenoot.com is deel van Netwerk24, en jy moet registreer om die episodes van Die Babbelbende te kyk. Besoek netwerk24.com om te registreer of laai die app in jouapp-winkel af. Kom leer ken Die Babbelbende – en geniet hul vrolike…

SY IS so lewenslustig soos enige tiener maar kan wees. Atletiek en dans is onder haar groot liefdes en sy hou van toneelspeel. Dis eintlik net wanneer die 16-jarige Megan Krüger soggens voor die spieël staan dat sy onthou sy lyk anders as haar skoolmaats. Want selfs ná jare van rekonstruktiewe chirurgie dra sy steeds die letsels van die dag toe sy in die kake van ’n Bengaalse tier beland het. “Dit pla my glad nie hoe ek lyk nie. Ek lyk nog my hele lewe so. Ek het dit lankal aanvaar, en ek is lief vir myself,” sê Megan toe sy en haar gesin by Huisgenoot se kantoor in Randburg kom gesels. Die Krügers boer op Petrus Steyn in die Vrystaat, maar sy gaan aan ’n redenaarskompetisie in die…

MORNÉ STEYN Die Blou Bul-rugbyspeler en Springbokheld se seuns, JOVAN (10), CHRISTEAN (7) en MARCOUX (2), is net so rugbymal soos hul pa. Morné se twee oudste spruite het met ’n rugbybal in die hand grootgeword. “Hulle het net soos ek langs die rugbyveld grootgeword en op vyf in Frankryk al begin rugby speel by Racing Metro in Parys,” vertel Morné. “Dis vir my lekker dat hulle nou groot genoeg is en verstaan wat ek doen. Hulle wil nie ’n wedstryd misloop nie, en hulle het by elke wedstryd hul Blou Bul-truie aan.” CHRISTIAN BENNETT Die Arendsvlei-akteur se dogtertjie, PHOENIX (5), was net twee weke oud toe sy destyds saam met haar pa in die kykNET-sepie Suidooster te sien was as Bianca (Simone Biscombe) se baba, Stella. “Dit was vir…

CHRISSY TEIGEN het teruggekap nadat mense haar aanlyn aangeval het nadat sy vertel het sy het ’n aborsie gehad om haar lewe te red. Die model (36) het onlangs vertel die verlies van haar en haar man, JOHN LEGEND (43), se ongebore seun, Jack, in September 2020 was ’n aborsie. Vroeër het sy mense vertel dit was ’n miskraam. “Dit het halfpad deur die swangerskap baie duidelik geword hy sou nie oorleef nie, en sonder mediese ingryping sou ek ook nie,” het sy vroeër vandeesmaand op ’n beraad gesê. “Kom ons noem dit net wat dit was: Dit was ’n aborsie,” het sy gesê. “’n Aborsie van ’n baba wat geen kans gestaan het op lewe nie sodat my lewe gered kon word.” Nadat Chrissy oor die ervaring gepraat het,…

1 TREND Dopamien-inspuiting Gee jou bui – en styl – ’n dopamien-inspuiting met helder, kleurvolle items. Dink aan prettige skakerings, logo’s en patrone wat ’n euforiese reaksie ontlok. Jy kan die trend baasraak in helderkleurige patroontoppies by broeke in ’n soliede kleur. 2 TREND Sjiek serpies Helderkleurige serpe is perfek vir die somer. Dié veelsydige bykomstigheid sorg vir ’n tikkie sjiek by jou voorkoms en kan op verskeie kreatiewe maniere as hoofbedekking gedra word. Gebruik jou serp op ’n prettige manier om dimensie en ’n mooi boheemse afronding aan jou uitrusting te gee. 3 TREND Halterhals Die halterhals-trend is terug met mening op straat en die loopplank. Wys ’n bietjie lyf in halterhalstoppies en -rokke. Kies ’n rok met treffende patrone en dra dit saam met plat sandale of hakskoene. WENK…

Daryl Coker, ’n finan-siële raadgewer by Citadel, sê dit is belangrik dat julle met mekaar oor die volgende praat: Loopbaan-en familiedoelwitte Kinders is duur en het baie sorg nodig. Julle sal moet besluit wie die primêre broodwinner gaan wees en wie meer tyd aan die kinders gaan afstaan. (Let wel: Die broodwinner hoef nie altyd die man te wees nie.) As julle besluit net een party in die huwelik gaan werk en die ander gaan die tuisteskepper wees, moet julle versigtig wees. “Dan moet julle gesels oor ’n gedeelde bankrekening vir huishoudelike uitgawes – die tuisteskepper kan hierdie geld gebruik vir wat hulle nodig het,” beveel Naomi Suzane, ’n sielkundige van Kaapstad, aan. “Wanneer die persoon wat nie werk nie die broodwinner heeltyd geld moet vra, kan dit tot verwyte…

ARROGANTE STREEP Die talentvolle Kapenaar is geen vreemdeling op die kassie nie. Hy het naam gemaak as die flambojante, modebewuste Vernon in die sepie 7de Laan en was sedertdien ook te sien in die Netflix-trefferreeks Blood & Water. Nou speel hy die bemarkingskenner Jack Williams in die nuwe dramareeks Fraksie op kykNET. Jack is die seun van ’n diplomaat wat by sy ouma Ester (Natalia da Rocha) woon. Hy wil sy aansienlike trustfonds gebruik om in tegnologie te belê, maar in die proses krap hy in die prokureur Jana (Trix Vivier) se huwelik. “Jack is arrogant, baie selfversekerd en sjarmant. Hy het ’n slag met vroue en neem aan dat hy altyd sy sin gaan kry,” sê Duane (31). “Hy is ’n rokjagter, maar een van sy doelwitte is om…

CHANTÉ (24) Chanté is ’n fiksheidsafrigter en aktrise van Kaapstad. Sy glo ’n moderne trouvrou is iemand met goeie waardes wat tradisies vir die moderne lewe kan aanpas. “Sy moet steeds ten alle tye haar vroulikheid behou.” STACY (25) Stacy is ’n mediese verteenwoordiger vir ortopediese chirurgie. Sy woon deesdae in Pretoria. “My fondament is goed gelê, en ek weet waarheen ek op pad is. Ek weet darem ook hoe om pret te hê en is nogal avontuurlustig.” DANÉ (26) Dané is ’n aktrise en persoonlike assistent van Pretoria. Haar ma het haar vir die program ingeskryf. “Sy het gedink dis tyd dat ek iets anders doen, en ek het gedink hoekom nie; gee dit ’n kans.” MARY-JANE (33) Dié Kaapse dosent gee dans en drama by die Northlink-kollege. “Ek…

NUWE GESKIEDENIS VAN SUID-AFRIKA Deur HERMANN GILIOMEE, BERNARD MBENGA en BILL NASSON Tafelberg, R359* “Met die nuutste inligting en invalshoeke word die volledige storie van Suid-Afrika en sy mense gesaghebbend dog leesbaar vertel.” So beloof die teks agterop die boek. Dis radikaal anders as die geskiedenisboeke waarmee die meeste van ons grootgeword het. Om een voorbeeld te noem van die tradisionele wit Suid-Afrikaanse geskiedskrywing is die idee dat die land leeg was en dat eers Jan van Riebeeck en later die Voortrekkers hulle in ’n onbewoonde land gevestig het. Die essays deur verskeie bydraers in die tweede en bygewerkte uitgawe van Nuwe geskiedenis van Suid-Afrika wil “growwe skeeftrekkings en vooroordele in die Suid-Afrikaanse historiografie van die verlede regstel”. So skryf Giliomee, Mbenga en Nasson in die voorwoord. Die boek begin…

Stuur gerus oorspronklike grappies; jy kry R50 vir elkeen wat ons gebruik. Skryf aan Huisgenotjies, Posbus 1802, Kaapstad 8000 of grappies@huisgenoot.com en verstrek jou naam, adres, identiteitsnommer en bankbesonderhede (bank, taknaam, takkode en rekeningnommer). KONFLIKOPLOSSING Twee manne word deur die polisie aangekeer terwyl hulle woes appels swaai op straat. Ná ’n nag in die selle staan hulle voor die magistraat. Laasgenoemde luister geduldig na albei se kant van die saak voor hy vra: “Nou maar hoekom kan julle dit nie maar buite die hof skik nie?” Een van die beskuldigdes sê: “Maar dis dan presies wat ons probeer doen het, u Edele, en toe kom onderbreek die polisie ons.” JOHAN H, GONUBIE GEVAAR Abel: “Jy moet versigtig wees wat jy sê! Jy’s besig om die dier binne my wakker te…

OOR die luidspreker kom die seuntjie se stem. “Pappa, is jy reg om vir mamma te sien? Hier kom jou bruid!” Dan klink die klaviernote van Christina Perri se “A Thousand Years” op, en die vyfjarige Zavion en sy ma verskyn hand aan hand in die kapel se deur. In haar noupassende trourok met kantdetail en met haar lang blonde hare wat oor haar skouers kartel, is die sangeres Cordelia ’n prentjiemooi bruid. Weerskante van die paadjie in die kapel by die Bell and Blossom-trouvenue in Pretoria sit 70 trougaste, elk formeel uitgevat in swart en wit. Cordelia kyk egter net vir haar aanstaande wat voor ’n versierde boog staan en wag. Oomblikke tevore het die siviele ingenieur Kobus van Zyl saam met al die gaste nuuskierig deur toe gekyk…

HY HET agt jaar lank vir die Cheetahs uitgedraf en was deel van die span toe hulle in 2016 en 2019 die Curriebeker gewen het. Verlede maand het CLAYTON BLOMMETJIES Bloemfontein gegroet en nou is hy terug op sy Bolandse tuisdorp, Paarl, en draf hy deesdae vir die Stormers uit. “Dit was tot dusver wonderlik,” sê hy. “Daar is geen plek soos die huis nie. Ek geniet dit ook om deel van die span te wees. Almal was van die begin af superverwelkomend.” Dis ook vir hom lekker om sy verloofde, KRISTLE PETERSON, en hul dogter, CLAY-NEESHA (9), langs die veld te hê om hom aan te moedig. “Ek en Kristle is al twee jaar verloof. Sy is ’n wonderlike ma vir ons dogter en beslis die beste ondersteuningstruktuur op…

HY HET LANGER AS ENIGE BRITSE TROONOPVOLGER VOOR HOM GEWAG. GEEN MENS WAG SO LANK VERGEEFS NIE ’N VAALJAPIE met bakore. ’n Ou snob wat hom in sy paleise met eksentrieke stokperdjies ophou. ’n Koudbloedige man wat sy eerste vrou en sy jongste seun van hom vervreem het. Oor die jare is prins Charles van Engeland, nou koning Charles III, op allerlei maniere – meestal onvleiend – beskryf. Trouens, in die 70 jaar dat Charles eerste in die lyn was om sy ma, Elizabeth II, as Britse monarg op te volg het hy soveel negatiewe gevoelens onder sommige sektore van die publiek laat opwel dat party mense bespiegel het hy sal nooit koning word nie. Veral die ineenstorting van sy huwelik met prinses Diana het hom diep ongewild gemaak. Hoewel…

Peri-peri-BEES-ESPETADAS GENOEG VIR 8 MENSE / BEREIDING: 120 MIN. / GAARMAAK: 10 MIN. MARINADE ◗ 8 knoffelhuisies, fyngekap◗ ’n paar klein brandrissies (verkieslik African Bird’s Eye) fyngekap◗ 125 ml (½ k) olie◗ 125 ml (½ k) druiweasyn◗ 250 ml (1 k) vars suurlemoensap◗ 250 ml (1 k) water◗ 25 ml (5 t) paprika◗ 25 ml (5 t) brand-rissiepoeier◗ 25 ml (5 t) sout ESPETADAS ◗ 2 kg kruisstuk◗ 8 sosatiepenne 1 Marinade Plaas al die bestanddele in ’n niereaktiewe houer soos ’n glashouer of ’n herseëlbare plastieksak en meng goed. 2 Espetadas Sny die vleis in blokkies van 3-4 cm, maar onthou dit is nie ’n eksakte wetenskap nie. 3 Plaas die vleisblokkies in die peri-peri-marinade. Meng goed sodat al die blokkies deeglik daarmee bedek is. Laat die vleis 2…

KRY DIT HIER BFLORAL.CO.ZA INFO@BFLORAL.CO.ZA; BLOOMSPACE.CO.ZA INFO@BLOOMSPACE.CO.ZA; FABULOUSFLOWERS.CO.ZA 021-674-7206/8; GRANDIFLORA.CO.ZA 010-822-4548; HOME.CO.ZA 0860-834-834; LEAFANDLIVING.CO.ZA 083-287-4590; MONEXTERIORS.COM INFO@MONEXTERIORS.COM; MRPHOME.COM 064-584-1000 (WHATSAPP); PEPSTORES.COM 0860-737-000; PLANT-COUTURE.CO.ZA 082-449-1105; VOLPES.CO.ZA 041-402-6800; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. ‘IETS WAT BAIE BELANGRIK IS, IS DAT HIERDIE SOORT SENIOR KLUBS MENSE BEMAGTIG LAAT VOEL’– IRMA KLUBLEDE MAAK MY BAIE KWAAD V Ek het begin vanjaar my 60ste verjaardag gevier. Ek is onafhanklik en gesond. My groep vriende is klein, maar genoeg om my sosiale lewe aangenaam te hou. Hier op ons dorp is ’n baie gewilde “Groep 60” - klub met meer as…

WAAROOR GAAN DIT? In VIA se splinternuwe program Houvrou of trouvrou? bring agt enkellopende vroue 10 dae saam in ’n huis deur om vir die titel Suid-Afrika se toptrouvrou mee te ding. Die wenner slaan nou wel nie ’n trouman los nie, maar hulle sal die hele pad bank toe lag met ’n kontantprys van R500 000. Die reeks vra die vraag: Hoe lyk die moderne trouvrou? “Houvrou of trouvrou? is ’n oorspronklike formaat en die eerste en enigste in sy soort. Waar anders sal kykers die geleentheid kry om te sien wat gebeur wanneer jy agt beeldskone vroue met uiteenlopende persoonlikhede saam in ’n huis laat woon?” sê Nini Conradie, die reeks se vervaardiger en regisseur. “Met R500 000 op die spel, moeilike uitdagings en strategiese spel loop die…

A TRIBUTE TO HER MAJESTY THE QUEEN Hierdie dokumentêre program gee ’n kykie na die lewe van die ontslape Britse monarg en sluit ook spesiale onderhoude in met haar kinders en mense wat deur die jare nou saam met haar gewerk het. 2022. 91 MIN. A. BESKIKBAAR OP DSTV CATCH UP ELIZABETH: THE UNSEEN QUEEN ’n Seldsame kykie op die koningin se vroeë jare op die Britse troon. Dit bevat ook van haar tuisflieks uit die koninklike argiewe wat nog nooit voorheen gesien is nie. 2022. 77 MIN. A. BESKIKBAAR OP DSTV CATCH UP ELIZABETH: A PORTRAIT IN PART(S) Hierdie dokumentêr vier koningin Elizabeth se heerskappy van sewe dekades. 2022. 89 MIN. O13T. BESKIKBAAR OP DSTV CATCH UP & SHOWMAX ELIZABETH: HER PASSIONS AND PASTIMES Al ooit gewonder wat die…

WEEGSKAAL 23 SEP – 22 OKT Maak gereed vir ’n fantastiese week aangesien jou eie planeet, Venus, op die 29ste in jou teken vestig. Dit sal jou gemoed lig, maar op ’n praktiese vlak is dit ook ’n goeie tyd vir ’n persoonlike oormaaksessie of ’n nuwe uitrusting of twee. Om van jouself te hou begin met om jouself lief te hê pleks van om ander se goedkeuring te soek. Dinge lyk goed op die liefdesfront met óf ’n verbeterde verhouding óf ’n nuwe liefde. GELUKKIGE NOMMERS 13, 15, 41, 51, 38, 14 DIE LIBRA-HEELAL ◼ Jou BBP-faktor: Jy is grasieus, sjarmant en aangenaam. ◼ Hoekom jou vriende jou liefhet: Jou vermoë om kalmte en geluk na ’n situasie te bring. ◼ Wat hulle nie vir jou sê nie: Jou…

Op dié dag in 1969 het ’n aardbewing met ’n omvang van 6,3 op die aardbewingskaal die Wes-Kaap getref. Dit was die grootste aardbewing wat al ooit in Suid-Afrika opgeteken is. Die skudding het om en by tienuur die aand begin. Boere en inwoners van die distrik het gevoel hoe die grond skielik bokspring onder hul voete. “Ek het gesien hoe die aarde na ons toe aangerol het soos golwe op die see,” het Anneline Fredericks, toe 18 jaar oud, aan ’n tydskrif vertel. “Ons het later gehoor dit het 30 sekondes aangehou, maar vir ons het dit soos ’n ewigheid gevoel, asof dit nooit wou ophou nie.” Die plekke wat die ergste deurgeloop het onder skade, was die Bolandse dorpe Wolseley, Ceres en veral Tulbagh, waar 12 mense dood…

1 SY KITAAR Dit hou my kop op die regte plek. Ek is ’n nerd as dit by my kitaar kom. 2 HANDREINIGER Jy vat aan baie goed en dis vuil. Dan vat jy aan iets en eet dalk tjips en lek jou vingers, dan is al die kieme in jou mond. Maar met handreiniger kan jy daardie dinge doen. Moet net nie te veel handreiniger gebruik nie, want netnou haal jy die goeie bakterieë ook van jou hande af. Was jou hande! 3 LIPSALF Dis ’n moet. My lippe voel soms asvaal. Soms vergeet ek om lipsalf aan te smeer, dan kan ek voel hoe droog my lippe is. Dis hoekom dit altyd in my sak is waar ek ook al gaan. 4 ASMAPOMPIE Wel, ek sal doodgaan sonder…

SES jaar lank het die twee susters alles probeer om swanger te raak – en toe, eindelik, die blye nuus: ’n Drieling is op pad vir die een, en ’n vierling vir die ander. Maar nou is twee beelde die simbool van hoe tragies verskillend Merelda Verster en Merwede van Tonder se uitdagende pad na ouerskap sou eindig. In Bahrein, waar Merelda en haar man, Johandré, skoolgee, staan vier skilderdoeke. Daarop pryk hul vierling se name: Miné, Zian, Hanke en Luka, met ’n handen voetafdruk daarby. Dié foto is by die vierling se gedenkdiens geneem nadat die ouerpaar verlede jaar te gou van hulle moes afskeid neem in ’n Bahreinse neonatale waakeenheid. Duisende kilometers van daar af begroet ’n prentjie van vreugde ons by Merwede en haar man, Simon, se…

BLAKE LIVELY het haar vierde swangerskap vroeër vandeesmaand aangekondig op ’n indrukwekkende manier wat niemand kon miskyk nie. Pleks van ’n amptelike aankondiging op sosiale media of in ’n onderhoud, het die wêreld uitgevind Blake (35) en Ryan Reynolds (45) se vierde kind is op pad toe die aktrise by die Forbes Power Women’s Summit in ’n nousluitende Valentino-minirok opgedaag het en met haar bababoepie op die rooitapyt vir foto’s poseer het. Sy het haar uitrusting afgerond met hemelhoë hakskoene, ook deur Valentino. Blake het in ’n gesprek by die geleentheid gepraat oor haar ervaring as kunstenaar en sakevrou. “Ek hou van skep. Of dit nou fyngebak, stories, ondernemings of mense is. Ek hou baie daarvan om dinge te skep.” Blake het reeds drie dogters, James (7), Inez (5) en…

LEONARDO DICAPRIO se dae as enkellopende is dalk weer op ’n einde. Die Oscarwenner en die model GIGI HADID het die tonge laat klap nadat hulle saam gesien is op ’n partytjie ná die New Yorkse Modeweek. Die 47-jarige akteur, bekend vir sy liefde vir veel jonger meisies, en die 27-jarige supermodel was besig met ’n intieme gesprek, en sy hand het op haar skouer gerus. “Gigi geniet dit,” het ’n bron oor die ontluikende romanse gesê. “Sy stel nie in enigiets ernstig belang nie.” Die bron sê die twee is nie in ’n eksklusiewe verhouding nie, maar die akteur hou wel baie van haar. “Leo het gemeenskaplike vriende oor Gigi uitgevra en wil haar leer ken,” sê die bron. “Hulle het al ’n paar keer uitgehang en hy stel belang.”…