Indholdsfortegnelse for 10 November 2022 i Huisgenoot

S‘EK HET ’N EMPIRE GEBOU. EK KON AFTREE OP 35. EK HET NIE EENS MY SALARISSE GETREK NIE; EK HET NIE GELD NODIG GEHAD NIE’ KAARS ure tevore was hy nog in Durban se Wêreldbekerstadion, waar die nuwe Zoeloekoning, Misuzulu kaZwelithini, voor dansende vroue en krygers gekroon is. Hy is soontoe kort nadat hy teruggekeer het van sy wittebrood saam met sy nuwe bruid, Dezzi, in Europa. Herwaarts en derwaarts skiet die omstrede diamantsmous Louis Liebenberg deesdae. Dan is hy hier; dan is hy daar – maar pal in die nuus. En hier is Louis Liebenberg en die einste Dezzi nou in die kantoor van sy on- derneming Tariomix in ’n baksteengebou in Kempton Park. Die omstrede sakeman en “vriend” – oftewel weldoener – van oudpres. Jacob Zuma het ingestem…

HULLE is eens op ’n tyd die wreedste beledigings toegesnou. Nadat hulle jare lank moes aanhoor hoe mense hulle oor hul uitstaantande spot, het die Masango-vierling van Witbank mettertyd geleer om hul glimlagte weg te steek. Anders as ander kinders wat hul lewensvreugde op hul gesig dra, het dié sussies hul mond agter hul hand weggesteek elke keer as hulle glimlag. Maar selfs dít was nie genoeg nie – die ongevoelige geterg het voortgeduur. n Klasmaat by hul skool, die Empucukweni Sekondêre Skool in Witbank, het vroeër vanjaar ’n foto op Facebook gedeel van ’n hond met uitstaantande en dit met die Masangos vergelyk. Vreemdelinge het soms na hulle gestaar en vinger gewys. Toe een van hul onderwysers op TikTok ’n video deel van Thandeka wat saam met haar klasmaats…

WAAROOR GAAN DIÉ SEISOEN? Dit is die 1990’s, en die Britse koningshuis kom te staan voor een van hul grootste uitdagings nóg – dít terwyl die publiek die monargie se rol in Brittanje openlik begin bevraagteken. Terwyl koningin Elizabeth II (Imelda Staunton) die 40ste herdenking van haar kroning nader, besin sy oor haar bewind wat teen daardie tyd al nege premiers sien kom en gaan het, en ook die koms van televisie en die verval van die Britse Ryk beleef het. Moeilikheid broei ook tussen die mure van die paleis. Prins Charles (Dominic West) sit druk op sy ma om hom toe te laat om van Diana (Elizabeth Debicki) te skei. Met die poniepers wat ál meer skinderstories versprei, besluit Diana om sélf haar storie te vertel, en sy verbreek…

LISA kyk in haar truspieëltjie na die leë karstoeltjie op die agtersitplek. Haar hart hamer in haar binneste en sy lek ingedagte oor haar droë lippe. Haar kar ry sommer vanself die oorbekende pad deur die Helshoogtepas net buite Stellenbosch. Te gou sien sy die naambord na die plaas aan haar linkerkant opdoem. Nooitgedacht. Haar mond trek effens skeef toe sy dink aan die ironie daarvan. Sy het sowaar nooit kon dink sy sal ooit weer haar voete hier sit nie. Maar nooit is ’n bitter lang tyd. En sy is dit immers aan hulle albei verskuldig. Sy ry stadig deur die eikelaning, draai haar karvenster af en asem die bekende vars plaaslug in. Daar is nie ’n siel op die plaaswerf toe sy voor die gewelhuis met die breë…

ALMAL het teen hierdie tyd al die nuus gehoor: Die klimaat verander en die planeet raak ál warmer. . Die Verenigde Nasies se Fonds vir Kinders (Unicef) het onlangs aangekondig hierdie hoë temperature het veral ’n nare impak op kinders. Die verslag se naam is “The Coldest Year of the Rest of Their Lives”, en daarin skryf wetenskaplikes een uit elke vier kinders wêreldwyd word reeds deur die klimaatskrisis geraak. Teen die jaar 2050 sal kinders reg oor die wêreld gereeld hittegolwe (sien Woord van die Week) beleef. “Hoewel dit ’n ruk gaan neem voor ons die volle uitwerking van die klimaatskrisis sien, kom daar wel binnekort baie hittegolwe. Dit lyk of dit baie erg gaan wees,” sê Nicolas Rees, Unicef se kenner oor die omgewing en klimaat. Daar is…

SYFERSTORIES 2 740 kg Soveel weeg ’n sonvis wat verlede jaar aan die kus van Portugal gevang is. Wetenskaplikes het nou bevestig dat is die swaarste beenvis wat al gevang is. (Beenvisse is visse met bene, anders as jellievisse en seekatte, en anders as haaie, wat ’n skelet van kraakbeen het.) Die vis was so swaar dat dit met ’n vurkhyser op ’n skaal getel moes word sodat dit geweeg kon word. 5 Die getal maande wat Nicole Mann, ’n Nasa-ruimtevaarder, aan boord van die Internasionale Ruimtestasie sal deurbring. Nicole is die eerste lid van ’n inheemse Amerikaanse volk in die ruimte. 54 000 jaar So oud is die beendere en tande wat in twee grotte in die Altaigebergte in Siberië gekry is. Dié fossiele kom van agt volwassenes en…

HY KAN swem, ja, maar dis nou nie asof sy naam Chad le Clos is nie. Dié dat Liam (19) gevoel het hy’s by die diep kant ingegooi met die vervaardiging van kykNET se nuwe reeks Diepe waters. Sy karakter, Johan Swarts, is sommer baie tuis in die swembad en het Olimpiese drome. Maar kyk jy so na Liam se spel, lyk hy soos ’n vis in water. Hy is mos al voor die kameras vandat hy 11 jaar was. Oor sy karakter vertel hy: “Daar word baie druk op hom gesit om die beste te wees, maar hy het ook sy eie goed waarmee hy sukkel, want sy suster is ’n baie beter swemmer en almal glo meer in haar.” BIBBEREND OP DIE STEL Liam vertel hy moes hard…

DIE Sweedse joernalis Kim Wall het op die aand van 10 Augustus 2017 verdwyn. Die laaste keer dat sy gesien is, het sy saam met die Deense uitvinder Peter Madsen in sy tuisgemaakte duikboot, UC3 Nautilus, geklim om ’n onderhoud te voer. Madsen was ’n eksentrieke man wat nie net agterplaasduikbote gebou het nie. Hy het ook vertel hy gaan die eerste amateurruimtevaarder word wat ruimte toe gaan in ’n vuurpyl wat hy self aan die bou was Die 30-jarige Kim het aan ’n artikel oor Madsen gewerk vir die tydskrif Wired. Toe sy teen kwart voor twee die oggend nog nie van haar onderhoud in die duikboot huis toe gekom het of met enigiemand kontak gemaak het nie, het haar kêrel die polisie gebel. Teen halfelf die volgende oggend…

OP DIE oog af is haar lewe een lang en gelukkige somerseisoen. Kinderlaggies vul die gange van die tweeverdiepinghuis hier op die Silver Lakes-landgoed. Buite is ’n klimraam, trampolien, ’n helderblou swembad en ’n braaiplek waar manlief naweke die tjop laat sing. Maar daar was ’n tyd toe sy in ’n skynbaar eindelose winter vasgevang was, onthul Talana Vuren-Kuhn (28), een van die ses deelnemers aan Die Real Housewives van Pretoria op kykNET. Op ’n tyd het ’n gelukkige lewe as sakevrou en ma vir haar na ’n onbereikbare droom gelyk. Talana, 33 weke swanger met haar tweede dogtertjie, rus haar linkerhand op haar maag voor sy erken: “Ek het nooit gedink ek gaan iemand kry wat met my sal trou nie – weens my verlede.” Op 17 is Talana…

SY WAS geseën met die soort vriendin waarvoor baie vroue hulle skoene agterna sou gooi Nie net het Fallon Edwards in Kirsty James ’n vriendin gehad by wie sy oor naweke aan huis kon kuier nie – soos susters – maar toe Fallon ’n ruk terug werkloos was, het Kirsty haar oor haar ontferm. Volgens ’n kennis was dit Kirsty wat uit die goedheid van haar hart vir Fallon ’n pos by haar eie werkplek gekry het. Dit was Kirsty wat vir Fallon soggens by haar huis opgelaai het om seker te maak sy kom betyds op kantoor, en wat haar smiddae weer haar huis toe geneem het. ’n Mens sou dink dié soort band sou die grondslag van ’n lang, hegte vriendskap wees, maar iets ondenkbaar het tussen die…

In Maart 2020 het die Kaapse groep Van Der Aven 250 ander musiekgroepe uitgestof om Texx in the City se Band or Bust-kompetisie op die US Woordfees te wen, en daarmee saam die geleentheid om ’n enkelsnit in Karen Zoid en die musiekvervaardiger Theo Krause se ateljee op te neem. Maar toe kom die pandemie en die inperking. Nou, meer as twee jaar later, is die groep se eerste sessnit-EP uitgereik – en die liedjies het ’n akoestiese folkaanslag met seepgladde harmonieë. ’n Musiekvideo vir die groep se debuutenkelsnit, “Heimwee”, is onlangs uitgereik. Maar wie presies is Van Der Aven? Theunis en Roelof van der Merwe, twee broers, het grootgeword op ’n plaas buite Beaufort-Wes; die tromspeler, Paul Avenant, is van Merweville. “Die beste manier om ons musiek te beskryf…

MARRY ME SONDAG M-NET 20:05 ’n Popster (Jennifer Lopez) besluit om te trou met iemand in die gehoor nadat sy uitgevind het haar verloofde het haar verkul. BINNELANDERS MAANDAG KYKNET 19:30 Conrad dink Steve (Clint Brink) is die regte kandidaat vir ’n uitdaging CSI: VEGAS M-NET 21:00 Die span stel ondersoek in wanneer ’n groep tieners ’n vrou se lyk in ’n verlate motor kry. Met Paula Newsome.…

AMERIKA BAKKERY BAK ’N RUIMTEHELD Ontmoet Pan Solo! ’n Ma en dogter van Kalifornië het onlangs besluit om ’n 1,8 m hoë beeld van die Star Wars-karakter Han Solo te bak. Hulle het ’n maand lank gewerk om met meel, water en suiker ’n brood te bak wat net soos dié karakter lyk. Catherine en Hannalee Pervan, die twee bakkers, noem hom Pan Solo. Hannalee vertel sy het in Januarie verlede jaar covid-19 gekry, en dit het veroorsaak dat sy ’n ruk lank nie kon proe of ruik nie. Daarom waardeer sy kos nou veel meer en was dit vir haar baie lekker om met kos ’n beeld te maak wat mense se aandag sou trek. VERENIGDE ARABIESE EMIRATE ROBOT GESELS MET MENSE Ameca, wat bekend is as “die wêreld…

’N TROUE is ’n vrolike gedoente. ’n Dag van feesvier, kuier en heildronke op die egpaar se geluk. En dit was presies die atmosfeer wat op 1 Oktober op die Vrystaatse dorpie Heilbron geheers het toe Andries Nel (27) en Bernadine Coetzer (24) trou aan mekaar beloof het. Die lenige bruidegom staan 1,7 m hoog voor die kansel waar hy na sy stralende bruid langs hom afkyk. Haar kop raakraak net aan sy elmboog, want met ’n lengte van 1,2 m is sy ’n hele 50 cm korter as hy. Dit pla hulle egter nie, vertel Andries drie weke later toe Huisgenoot by die twee pasgetroudes op Heidelberg, Gauteng, gaan inloer. Hy werk op die dorp by ’n bedryfsielkundige as ’n sakeontwikkelaar, en sy as ’n grafiese ontwerper by ’n…

1 GEORGE VERBROU SY HUWELIKSAANSOEK Ons ken hom as die seepgladde akteur in flieks, maar toe hy sy vrou, AMAL (44), die jawoord vra, het alles nie glad verloop vir die akteur GEORGE CLOONEY (61) nie. Hy het ’n romantiese ete beplan met goeie musiek, sy wat die ring in die kombuislaai ontdek en hy wat haar op sy knie verras. “Toe sien sy die ring en haal dit uit en sê: ‘Hier’s ’n ring’ asof iemand jare gelede ’n ring daar vergeet het,” het George in Drew Barrymore se geselsprogram vertel. Amal, ’n menseregteprokureur, het ná sowat 20 minute besef wat aangaan en die res is Hollywood-geskiedenis. 2 YE MOET DIE GEVOLGE DRA Die rapper YE WEST (45), wat ons ken as Kanye, moet nou die gevolge dra van…

SO PRAGTIG soos wat Valsbaai se kus is, weet baie mense daar skuil ook dodelike gevare onder die water. Haaie het al lewens daar geëis, en deesdae hoor ’n mens selfs dat orkas in die om gewing swem. Maar waar Katharine Liese vandag op die strand by Vishoek ontspan, is die gruwels van die diepsee vergete. Sy en ’n vriendin, Susan Steward, kuier veilig op die strand. Van tyd tot tyd laat hoor Susan se kinders dat hulle walvisse in die water gewaar het. Eenkant is ’n groep jong lewensredders, die Fish Hoek Nippers, aan die oefen. Dis ’n sonnige dag in die Kaapse lente. Wat kan tog in so ’n paradys skeefloop? Nadat hulle oor middagete ’n koffie gedrink het, besluit die twee vriendinne om ’n entjie met die…

DIS weer sulke tyd; tyd vir die grootste sokkerskouspel op aarde. Die Fifa-Wêreldbekertoernooi is die sportsoort se grootste geleentheid, en aanhangers sien reikhalsend uit na die vierjaarlikse toernooi waarin die bestes meeding om vir hul land die gesogte goue trofee omhoog te hou. Maar vanjaar se samekoms – die 22ste Wêreldbekertoernooi – is dalk die mees omstrede nóg. En in die aanloop tot die afskop op 20 November word meer gegons oor al die drama as oor die spelers se drome. OMKOOPGELD VIR DIE BOD? Toe Fifa kort nadat die toernooi in 2010 in Suid-Afrika gehou is, aankondig Rusland en Katar sal in 2018 en 2022 die gas- heerlande wees, het die wenkbroue gelig. Katar was toe 113de op die wêreldranglys en het nog nooit op eie houtjie vir die…

JOU RUGSTRING Verwag maar dat jy ’n paar sentimeter korter sal raak namate jy verouder, sê dr. Randolph Gray, ’n rugchirurg. “Die gemiddelde lengte wat ’n mens tussen die ouderdomme van 30 en 79 verloor, is 3 cm vir mans en 5 cm vir vroue. In die daaropvolgende dekade neem dit toe tot 5 cm vir mans en 8 cm vir vroue.” Die rugstring krimp weens agteruitgang in die werwels en gewrigte namate jy ouer word. “Dié verlies aan lengte sal ook veroorsaak dat jou ruggraat vorentoe begin buig en dit lyk of jy selfs nog korter word.” Wees maar op die uitkyk vir ’n skielike verlies aan lengte en verandering in jou liggaamshouding, soos ’n merkbare kromming in jou bo-rug. Dit kan dui op ’n selfs ernstiger toestand soos…

DIT HET ALLES BEGIN BY ’N HOND Deur ANNELIE FERREIRA Lapa, R185* Ontmoet vier tieners wat elkeen ’n geheim het. ▝ Fundani Makeba woon in Khayelitsha, hou nie van honde nie omdat een al sy kuit probeer “herontwerp” het (“Kon hy nie sien ’n pakkie tjips is gevaarliker as ek nie?”), en word reg aan die begin van die storie deur ’n vreemde voël uit die lugruim platgeduik. ▝ Sandria Potgieter word saam met Vincent ingedeel vir die klas se “verrykingsprojek”, sy hou van nuwe dinge, maar leer stadig, kan skilder soos Van Gogh-in-’n-frenzy, maar sien nie uit na die kunskompetisie nie, al is die prysgeld R50 000. ▝ Lihle Makwetu sien hoe Fundani deur die vreemde voël getref word. Sy bly by haar antie Aphiwe nadat hul shack afgebrand…

’NMENS sal dink as dokters jou skedel gaan oopsaag om op jou brein te opereer sal hulle jou eers diep onder narkose sit. Maar nie altyd nie. Onlangs het dokters in Rome, Italië, ’n nege uur lange operasie op ’n man se brein gedoen terwyl hy nie net wawyd wakker was nie, maar sommer ook ’n saxofoon gespeel het. Die musikant, bekend as GZ, het die Italiaanse landslied en ’n liedjie genaamd “Love Story” gespeel. Christian Brogna, een van die breinchirurge wat die operasie gelei het, vertel wanneer ’n mens saxofoon speel, gebruik jy sekere dele van jou brein. Die dokters wou spesifiek seker maak hulle beskadig nie per ongeluk dié dele van GZ se brein nie. Hulle het hul pasiënt dus op die saxofoon laat blaas sodat hulle beter…

DIE panfluit is ’n musiekblaasinstrument wat die eerste keer deur die antieke Grieke gebruik is – dit bestaan nou al langer as 6 000 jaar! Met ’n paar eenvoudige items kan jy jou eie een maak en liedjies daarmee speel – en jy sal leer dat musiek en wiskunde hand aan hand gaan. PYTHAGORAS EN JOU MUSIEKNOTE ● Die Griekse wiskundige Pythagoras (lees die artikel oor hom op bl. 72) het na klankgolffrekwensies gekyk, en deur wiskunde te gebruik het hy verhoudings uitgewerk wat vir alle musiekinstrumente geld. ● Die lengtes van jou panfluit se strooitjies is deur sy skaal bepaal. Jou kortste strooitjie is ongeveer die helfte van die lengte van jou langste een. Die verhouding is dus 2 : 1 en sy noot is ’n oktaaf hoër. ●…

PALOEKA die leeu kom by die Babbelboomhuis aan. Om sy vinger is ’n groot pleister. “Wat op aarde het met jou vinger gebeur?” vra Palawa die kameelperd toe sy vir Paloeka sien. “Siestog, Paloeka,” roep Bibi ook bekommerd uit. “Nee, ek weet nie eintlik nie. Ek dink ’n gogga het my dalk gebyt, maar ek is nie seker nie. Toe ek vanoggend wakker word, was my vinger opgeswel. Ek het maar net ’n pleister opgeplak,” sê hy. “Maar ek voel nie siek nie. Moenie bekommerd wees nie,” sê hy. Op daardie oomblik kry hulle ’n maatjie se boodskap. “Hier is ons boodskap met die vraag van die dag,” sê Bibi opgewonde. Die maatjie van die dag sê: “Hallo, Babbelbende. Ek wil graag weet hoe heuning gemaak word.” “So gepraat van…

SY IS nie sommer enige ouma nie. Ja, haar dogter is getroud met die toekomstige koning van Engeland, en haar oudste kleinkind is die tweede aanspraakmaker op die Britse troon. Maar dis nie al rede nie. Op 67 is Carole Middleton, die ma van prins William se vrou, Kate, ’n bedrewe sakevrou en hardwerkende entrepreneur, en dit lyk allermins of sy beplan om dinge binnekort stadiger te vat – inteendeel. Sy het onlangs aangekondig dat sy haar suksesvolle partytjieonderneming uitbrei na die VSA, met die Party Pieces-produkte wat nou in sekere supermarkte in die staat New Jersey te koop gaan wees. “Dis baie opwindend om ons versameling tot in die VSA te sien uitbrei,” sê Carole, wat ’n lewensgrootte-kartonmodel van haarself in ’n denim-uitrusting gebruik het om die bekendstelling te…

DAAR is eintlik net een ding waarmee hy goed is, sê die komediant met oë wat vonkel: grappe maak. Dan val Alfred Adriaan se vrou hom in die rede. “Dis nie waar nie. Hy is goed in die kombuis ook,” sê vroulief Natalie. Darem so ’n bietjie, lag Alfred effens verleë. “Maar nie fancy goed nie. My kop dink mos heeltyd potjiekos, braai en stew. Vleis en rys en aartappels. Sulke goed.” Maar deesdae kan dié komediant ook ’n ingewikkelder gereg op sy lysie sit: Hy weet nou hoe om risotto te maak, alles danksy die leefstyl-koskuierprogram Roer wat verlede maand op kykNET & kie begin het. Kykers kan die man wat mense met sy skreeusnaakse sketse op die verhoog en sosiale media laat skater nou weekliks in ’n nuwe…

AS JY in die 1990’s ’n TV-kyker was, is dit een van die oomblikke wat jy nie sommer sal vergeet nie: die episode van Friends waarin Chandler en Monica eindelik voor die kansel staan. Aanhangers was wêreldwyd in die wolke, die kykertalle het die hoogte in geskiet, en nadat die episode verfilm is, het die program se akteurs en vervaardigers ’n reusemakietie gehou. Maar een persoon het nie vir die partytjie opgedaag nie – die bruidegom. Die episode was skaars klaar verfilm toe Chandler reguit na ’n rehabilitasiesentrum vir verslaafdes geneem is. En dit was nie die eerste keer nie. In sy boek wat pas verskyn het, Friends, Lovers and the Big Terrible Thing, vertel Matthew Perry hoe hy hom oor die jare heen met pynstillers en drank verwoes het…