Indholdsfortegnelse for 16 February 2023 i Huisgenoot

1 ‘TROTS OP HOE EK MY-SELF HERONTWERP HET’ Ná die seer van haar egskeiding is die voormalige Protea-netbalspeler en aanbieder, Vanes-Mari du Toit, ‘reg om weer daar buite te wees’ Jy is pragtig, stralend en suksesvol. Mag God jou bystaan in alles. Daar is ook geluk ná egskeidings. Die pa van my kinders het ná 22 jaar groener weivelde gesoek, maar ek is nou weer gelukkig getroud vir 16 jaar. DOREEN Jy is die mooiste mens met die mooiste hart. Dankie vir dit wat jy vir my beteken het tydens die vervaardiging van Die groot afskud. Jy het ’n baie spesiale plek in my hart. Ek mis ons grappies… CARLIEN Ai, Vanes-Mari, jy is so ’n dierbare mens. Die groot afskud was net awesome met jou as ons aanbieder, want jy het…

DIE beskrywings klink so bekend: ’n prinses vir die mense; ’n omgeemens wat haar kinders liefhet en goedhartig teenoor oud en jonk optree; ’n koninklike met een voet in die tradisie en die ander in die moderne wêreld. ’n Mens sal verskoon word as jy dink dis ’n nostalgiese terugblik op wyle prinses Diana. Maar nee, al dié mooi dinge word ál meer gereeld gesê oor die eerste vrou sedert Diana wat die titel “prinses van Wallis” dra: haar skoondogter Kate. Terwyl almal se aandag die laaste ruk aan die oorkant van die oseaan is waar Harry en Meghan die een bom ná die ander afvuur, het Kate stil-stil in Brittanje haar rol uitgebrei deur meer en meer openbare verskynings te doen – en sodoende ál dieper in haar mense…

NOEDEL-SLAAIBAKKIES GENOEG VIR 4 MENSE / BEREIDING: 20 MIN. / STAAN: 30 MIN. ’n Vars en gesonde slaai wat min moeite is. Gebruik sommer gaar oorskiethoender vir hierdie resep. NOEDELS ◗ 100 g vermicellirysnoedels◗ 250 ml (1 k) bevrore ertjies SLAAISOUS ◗ sap van 2 lemmetjies of 30 ml (2 e) witwynasyn◗ 1-2 rooi brandrissies, fyngekap◗ 20 ml (4 t) vissous◗ 30 ml (2 e) sojasous◗ 15-30 ml (1-2 e) strooisuiker SLAAI ◗ 3 groot gaar hoenderborsfilette of◗ 4 ontbeende hoenderdye, in stukkies geskeur◗ ’n kop slaaiblare, in stukke geskeur◗ ½ rooikool, gekerf◗ 2-3 wortels, geskil en in linte gesny◗ 1 komkommer, in stokkies gesny◗ 2 stingeluie, in dun repies gesny◗ ’n hand vol vars basilieblare◗ ’n hand vol vars mentblare VIR VOORSIT ◗ 100 g grondboontjies, gesout en gerooster,…

PERFEK VIR DIE HUIS Aangesien ’n bougainvillea maklik teen mure opklouter as dit aan ’n struktuur opgebind word, kan dit in ’n klein ruimte die oog opwaarts trek. Dit kan ook wild groei om ’n groot gebied in jou tuin te bedek. As jy ’n bougainvillea in ’n pot plant, kies ’n groter houer as die een waarin jy dit gekoop het. Plant dit elke paar jaar in ’n groter pot uit namate dit groei, maar wees versigtig om nie die plant se delikate wortels te veel te versteur nie. Dit is ook ideaal vir blommerangskikkings – selfs ’n enkele tak kan treffend wees. Verwyder eers al of die meeste van die blare en dorings en verpulp die punte van die stele. Plaas die stele vir ’n paar minute in…

IS JY ongelukkig met Jan Taks? As jou saak reg is, kan die belastingombud jou dalk uit die verknorsing help. Hier is nege dinge om te weet oor wanneer en hoe jy ’n klag kan indien. 1 Waaroor kan ek kla? Die belastingombud hanteer klagtes oor die Suid-Afrikaanse Inkomstediens (SAID) se dienslewering, prosedures en administratiewe aangeleenthede. Belastingbetalers is geregtig op duidelike aanwysings oor hoe om belastingopgawes in te vul en die voltooide opgawes maklik in te dien via eFiling, plaaslike SAID-takke of mobiele belastingeenhede. Jy is ook geregtig op goeie diens van al bogenoemde en die SAID-kontaksentrum. Jy kan jou tot die belastingombud wend oor ongeskikte en onkundige SAID-agente of vertragings van belastingterugbetalings. 2 Waaroor kan ek nie kla nie? Die belastingombud kan ongelukkig nie jou klagtes oor wetgewing, die land se…

WATERDRAER 21 JAN – 18 FEB Jy is ’n hele paar keer aan die werklikheid herinner sedert Saturnus in Maart 2020 by jou teken inbeweeg het. En vandeesweek is geen uitsondering nie wanneer die son en Saturnus gesamentlik in jou teken is. Voornemens moet versigtig en bewustelik opgeweeg word, want jy neem nou besluite wat jou lewe en jou verhouding nog minstens die volgende sewe jaar sal raak. Dit is nie ’n tyd vir ligsinnig wees as jy daarvoor lus voel nie. GELUKKIGE NOMMERS 8, 24, 33, 41, 29, 11 DIE WATERDRAER SE SIELSGENOTE ◼ Waterdraer: Jy is van ewige vriendskap en ’n ware kameraad verseker. ◼ Leeu: Hul warm geaardheid balanseer jou ligsinnigheid. ◼ Tweeling: Die pittige Tweeling vermaak jou en hou jou op jou tone. ◼ Weegskaal: Die…

REEKSE THE PROUD FAMILY: LOUDER AND PROUDER OP DISNEY+. OB. In hierdie tweede seisoen laat Penny Proud, haar ouers, Oscar en Trudy, die tweeling BeBe en CeCe en ouma Suga Mama ons weer skater met hul dinge wat ons ’n snaakse maar insiggewende blik op die swart Amerikaanse gemeenskap gee. In die proses word kulturele temas aangepak wat ook universele inslag vind, soos eiewaarde. Die reeks het onlangs die kategorie “uitstekende rolverdeling vir ’n animasieprogram” by die eerste Children’s and Family Emmy Awards gewen. ODDBALLS  OP NETFLIX. OB. Die skreeusnaakse Oddballs gaan oor James, ’n borrelvormige seun, wie se waar-Herinnering wat my altyd sal bybly, was toe ons in die Pretoria Staatsteater was, agter die massiewe rooi gordyne. “En toe dit oopgaan, was daar omtrent 1 500 nemings oor…

DIS ’n wenkombinasie. Nes ’n braaibroodjie en daai bietjie blatjang, of biltong en droëwors, hóórt Toks ’n Tjops en Vrydagaande saam. En nou – nadat kykers gewonder het wat van hul naweekkykstof sal word nadat die aanbieder Toks van der Linde verlede jaar tokse (en tjopse) opgehang het – is die program eindelik terug. Dit het verlede jaar gegons toe dit blyk Toks is op pad uit, en sowel kykNET as die aanbieders moes vure doodslaan. Die oudrugbyspeler het intussen ’n nuwe werk losgeslaan as hoofinkomstebeampte by ’n veiligheidsmaatskappy, maar die program se vervaardigers het tot dusver geswyg oor hul planne vir die toekoms. Nou is die program terug met drie nuwe aanbieders om Toks se groot tokse vol te staan. Die staatmakers Janina Oberholzer en Breyton Paulse is terug,…

Vir watter rugbyspan skree jy? Ek was my lewe lank ’n Bulls-ondersteuner, maar ek is in my eerste jaar RAU toe waar ek by die Leeus se junior oefengroepe betrokke was. Dit was voor ek my rug gebreek het en my stewels moes ophang. Al my pelle was in daai stadium in die Leeus-span, so ek het hulle begin ondersteun. Maar ek het steeds ’n sagte plekke vir die Bulle. Dis ingewikkeld. Wie is jou gunstelingspeler op die oomblik? Ek het ’n paar, maar ek sal sê Frans Malherbe. Wie was jou kleintyd-rugbyheld? Uli Schmidt en Joost van der Westhuizen. As jy enige sportster in Suid-Afrika kan ontmoet, wie sal dit wees? Ek ken al baie van die ouens, so ek het niemand spesifieks nie, maar ek sal wel graag…

DIE seuntjie lê plat op die naat van sy rug op die mat in die sitkamer van sy ouers se huis op die Noord-Vrystaatse dorpie Hennenman. Hy draai sy koppie na sy ouers wat op die rusbank sit. Sy beentjies skop woes toe hy homself omwoel tot op sy maag. Hy wil nou opgetel word, vra daardie ogies van hom. Op agt maande sou die meeste seuntjies hulself kon opdruk om te sit, maar klein Hendré Strauss is sonder arms gebore. “Wat is dit, Boeta? Wil jy hier by ons kom sit?” vra Mariaan (25) hom voor sy hom optel en tussen haar en Hendrik (26) op die bank laat sit. Hendrik sit ’n teddiebeertjie voor hom neer. Hendré knyp die beertjie tussen sy twee voetjies vas en trek dit…

KOEL KLASSIEK ONTSPANNE SOOS CHELSEA Die komediant en aktrise CHELSEA HANDLER het ’n ontspanne, gemaklike styl. Boots dit na met ’n katpak en tekkies vir ’n alledaagse maar stylvolle uitrusting. KOEL SOOS CARMEN Die Suid-Afrikaanse model CARMEN SOLOMONS op ’n uitstappie in ontspanne jeans, gemaklike tekkies en ’n byderwetse moulose pofbaadjie. MOEITELOOS ELEGANT SOOS ELSA Die model en beïnvloeder ELSA HOSK lyk sjiek in ’n stylvolle oorgroot hemp, broek met ’n hoë middel en pet. SJARMANT SOOS SHERYL LEE Die aktrise van Abbott Elementary SHERYL LEE RALPH se uitrusting is die perfekte kombinasie van ontspanne en deftig. DEFTIGE DIVAS OPGEDOLLIE SOOS ALISHA Die aktrise ALISHA BOE van 13 Reasons Why gee haar denimuitrusting ’n deftige voorkoms vir ’n daguitstappie of aandjie uit. STAAN UIT SOOS KATIE Die aktrise KATIE HOLMES wys…

DIE STER WAT NET AANHOU GLINSTER Die donkerkomediereeks White Lotus is nou al ’n hele ruk op Showmax te sien, maar steeds kan kykers nie genoeg van Jennifer Coolidge (61) kry nie. Die goeie nuus is dat sy nou op die groot skerm te sien is in Shotgun Wedding saam met Jennifer Lopez en Josh Duhamel. Sowat 30 jaar gelede was sy ewe gewild vir haar rol as “Stifler’s mom” in die lawwe American Pie-tienerflieks, en toe weer as die skreeusnaakse naeltegnikus Paulette Bonafonté in Legally Blonde (2001). In White Lotus het sy twee seisoene lank geskitter as die ryk maar tragiese erfgenaam Tanya. Met dié rol het sy vir haar ’n Emmy en Golden Globe ingepalm. Sy vertel dis als vir haar baie onwerklik. “Ek voel of iemand my ’n…

1 DIE TREFFER WAT NIE ’N TREFFER MOES WEES NIE Die liedjie “It’s Time” is die snit wat die groep ná drie strawwe jare op die pad eindelik sukses besorg het, maar dit was nooit bedoel om ’n megatreffer te word nie. Dan het die liedjie in sy kombuis neergepen in ’n tyd toe hy teen angs en depressie geveg het. “Ek wou ’n liedjie vir myself skryf, iets wat spruit uit my stryd daarmee. Maar dat dit nou soveel vir ander mense beteken – dit maak my bly,” vertel hy aan Billboard. 2 HULLE LAAT DIE REKORDS SPAT So ’n groot treffer was die snit “Radioactive” dat dit tussen 2012 en 2014 altesaam 87 weke op die Amerikaanse Billboard Hot 100-trefferlys verskyn het. ’n Musiekvideo vir die liedjie is meer as…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 479 KOMPETISIEVRAAG Watter ligbron is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Hierdie week wen een leser Moederland deur Madelein Rust (Human & Rousseau, R320). In Junie 2070 gee die 27-jarige Jenesis Baron geboorte aan ’n tweeling in haar woonstel in Xin Xianggang, voorheen Bloemfontein. Maar swangerskap sonder ’n permit is taboe. Generaal Ben Wagner snuffel pasgeborenes uit om hulle oor te gee aan die MediBot, ’n robot wat ongewenste lewens beëindig. Genadedood noem hulle dit. Want, sê die regering, daar is nie genoeg hulpbronne vir almal nie. Jenesis is verpletter. Sy smag daarna om vir…

1 Van watter land kom die nuwe Australiese Opevrouekampioen, Aryna Sabalenka? 2 Uit watter Disney-fliek kom die trefferlied “We Don’t Talk about Bruno”? 3 In watter Suid-Afrikaanse provinsie is die dorpie Hotazel geleë? 4 In watter land sal jy die antieke tempels by Angkor Wat te sien kry? 5 Waar in jou lyf sal jy die alveoli kry? ANTWOORDE 1 Belarus 2 Encanto 3 Noord-Kaap 4 Kambodja 5 In jou longe. Dis klein lugsakkies waar suurstof en koolstofdioksied uitgeruil word terwyl jy asemhaal. BRONNE THEGUARDIAN.COM, BBC.COM, EDITION.CNN.COM, NEWS24.COM, NORTHERNNEWSNOW.COM, DUCKSTERS.COM, WASHINGTONPOST.COM, WSJ.COM, COLLINSDICTIONARY.COM…

1 “Until I Found You” is nie sy eerste TikTok-sensasie nie. Sy liedjie “Lady by the Sea” is ook dermiljoene kere gekyk en het vir hom ’n platekontrak van Republic Records gekry. 2 Hy geniet dit om op die verhoog te wees. “Dink net, vreemdelinge betaal geld vir dié vertonings. Om voor hulle te speel gaan so opwindend wees,” sê hy oor sy 2023-toer. “Ek is opgewonde om te dans.” 3 “Until I Found You” gaan oor ’n eks. “Toe ek die liedjie geskryf het, was ons verlief, en dit het daardie oomblik van ons lewens mooier gemaak.” En raai wat? Sy is Georgia, die agtergrondsangeres op die einste liedjie. 4 “Pragtig verwoestend,” is hoe hy sy klank beskryf. “Daar is ’n skoonheid in verwoesting. Dis vir my moeilik om gelukkige liedjies te skryf.”…

◼ Dana se ma, June, het jare gelede ’n boek oor haar seun, Dana White, King of MMA, geskryf. In ’n onderhoud in 2011 het sy uitgepak oor sy rondslapery en onstuimige huwelik: “Wat hy met slegs sy hoërskoolopvoeding in MMA en die UFC bereik het, is regtig ongelooflik. Maar hy het blykbaar êrens sy karakter verloor. Hy behandel mense sleg. “Dis verskriklik hoe hy met vroue praat en hulle behandel. Ek glo nie ek het hom ooit so grootgemaak nie.” Volgens June het Dana al met van die vroue geslaap wat die plakkate langs die gevegskryt dra. “Hy vry na enige meisie wat hy wil, en hy sal hulle gewoonlik ook sommer kry.” June het destyds beweer haar seun en sy vrou baklei sonder op-hou. “Op sy wittebrood het…

Vir watter rugbyspan skree jy? Blou Bulle, aanvanklik omdat my broer hulle ondersteun het. Nou is dit maar in my bloed. Wie is jou gunstelingspeler op die oomblik? Die All Blacks-speler Ardie Savea. Sy spel en werktempo is in ’n ander klas. Hy bring spoed, flair en het geen fieterjasies nie. In Suid-Afrika is dit Lukhanyo Am. Sy visie en kommunikasie is in ’n ander klas. Wie was jou kleintyd-rugbyheld? Ek’t ’n paar, maar ek dink André Joubert – die Rolls-Royce van rugby, André Vos en Zinzan Brooke. As jy enige sportster in Suid-Afrika kan ontmoet, wie sal dit wees? Penny Heyns. Ek sal graag wil hoor wat sy alles moes deurmaak om te kon doen en bereik wat sy het. Tatjana Schoenmaker kon eers baie jare later haar skoene…

ELANA AFRIKA-BREDENKAMP Sy was aanvanklik skrikkerig vir perde, maar dié radio-en televisieaanbieder het ’n groot liefde vir die diere ontwikkel, en vandag is sy ’n kranige ryer. “Dit was in die pandemie, toe ’n mens nie eintlik baie sport kon beoefen nie, dat my twee dogtertjies my uitgedaag het om iets nuuts te probeer. Ek het vir hulle gesê ons moet iets doen wat ons nog nie voorheen aangepak het nie, toe besluit ons ons gaan perdry,” vertel Elana. In daardie stadium het net ANNABELLE (6) en ESTHER BETH (7) perdgery terwyl Elana langs hulle gestap het. “Die instrukteur het gesê dit sal eintlik beter wees as ek self op ’n perd klim en saam met hulle ry. Dit was wonderlik om te ervaar, en ek geniet dit nou net…

1 OSCAR- BENOEMING Baie mense krap kop oor die ak-trise ANDREA RISEBOROUGH se Oscar-benoeming vir haar rol in To Leslie. Andrea (41) is vir geen van die ander groot pryse vanjaar, soos die Golden Globes, benoem nie. Daar is mense wat ontevrede is omdat baie aktrises soos Viola Davis (57) van The Woman King en Danielle Deadwyler (40) van Till oor die hoof gesien is – al het hulle by die ander geleenthede skoonskip gemaak. Dié twee was voorlopers onder kritici en kykers. 2 MILA KRY ASHTON VOOR STOK OOR HY DEMI VERKUL HET Toe die akteur ASHTON KUTCHER (44) sy eksvrou, DEMI MOORE (60), in 2010 verneuk het, het MILA KUNIS (39) die ergste van hom gedink. Taamlik vroeg in hul verhouding het sy medester in That ’70s Show (en deesdae sy…

LIEV SCHREIBER & NAOMI WATTS Dié vriendelike ekse stuur vir mekaar boodskappe op sosiale media en bring gehaltetyd saam met hul kinders, KAI (14) en SASHA (15), deur. Hulle kom ook goed oor die weg met mekaar se huidige lewensmaats. Naomi (54) en die akteur BILLY CRUDUP (54) is sedert 2017 saam en Liev (55) en die gewese skoonheidskoningin TAYLOR NEISEN (30) is ’n paartjie. SIENNA MILLER & TOM STURRIDGE Jou vriendin se eks is gewoonlik taboe, maar Sienna (41) is min gepla dat ALEXA CHUNG (39) ’n verhouding met haar eks, Tom Sturridge (37), aangeknoop het. Die paartjie het verlede jaar by Wimbledon saam met Sienna en haar kêrel, OLI GREEN (25), vir selfies poseer. DEMI MOORE & BRUCE WILLIS Hierdie twee rolprentsterre weet hoe om die saamgestelde gesin…

DIE tonge was behoorlik los toe hulle in 2013 stilstil op De Aar getrou en daarna ’n huweliksfees op Hanover gehou het. Dit sal nooit hou nie, het die doemprofete verkondig. Die ouderdomsverskil is dan 44 jaar! Maar dit het die televisieskrywer Paul C. Venter (destyds 64) en sy 20-jarige liefde, die motorhandelaar Sarie-Elana Blaauw, min geskeel. Selfs toe die geskinder so erg word dat hulle Hanover vir Jeffreysbaai verruil het. “Ryker as konings” is hoe hulle in 2019 hul huwelik aan Huisgenoot beskryf het. En 10 jaar lank het hulle die skinderbekke verkeerd bewys. ’n Dekade lank het hulle in die liefde gebaai. Nou is die sprokie verby tussen Paul en sy Saarkie, soos hy haar noem. “Dis vreemd om so deur ’n stuk lewe te dwaal,” sê Paul…

DALK het jy al van dopamienkleredrag gehoor – as jy aantrek met die doel om jou op te beur. Uitbundige patrone, skel skakerings, botsende kleure… Alles dinge wat helder, uitspattig en mooi is om ’n bietjie vreugde by jou lewe te voeg. Dit is deesdae een van die grootste modeneigings, en dit spoel ook nou na die skoonheidsarena oor. Dopamienskoonheid gaan oor voorkomste skep wat jou gelukkig maak en ’n dosis sorgeloosheid by jou dag voeg. Hier is waaroor dit gaan en hoe jy jou bui ’n hupstoot kan gee. ◼ ’N INSPUITING GOEDVOELGLANS Dopamienskoonheid, of wat “Sir John”, Beyoncé se grimeerkunstenaar en die Amerikaanse kreatiewe direkteur van L’Oréal Paris, “dopamienglans” noem, is die proses van helder, vrolike kleure dra met die doel om jou gemoedstemming te verbeter en dopanienvrystelling…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. EK WIL VLUG UIT MY MAN SE AFTREELEWE V My man het twee jaar gelede afgetree en ons standvastige lewe verruil om “lankstaan-kampeerders” te word. Ons toer met ’n woonwa en staan drie tot ses maande op ’n oord met spesiale tariewe vir pensioentrekkers. Dis ’n baie gewilde manier om ná jou aftrede te lewe. My probleem is dat my man baie verander…

SON EN SUURLEMOENE Deur FRANCES LE ROUX Turksvy Publikasies; bestel by turksvypublikasies@gmail.com, R260 “Niks kan jou voorberei vir die dag van die diagnose van kanker nie. Jy beleef die fases van ontkenning tot eindelik aanvaarding. Mens ontmoet egter misteries van die lewe en diep innerlike reserwes waarvan jy totaal onbewus was. En die wonder is dat dit op al die lae momente ontwaak. Daar is beslis ’n natuurwet wat ons beskerm.” ’n Pasiënt wat ná borskanker na Frances le Roux gekom het vir fisioterapie, het veroorsaak dat sy haarself huiwerig ondersoek het. En daar was dit: ’n verharde sekelmaantjie onder haar linker-areola. Soos baie van ons het sy gewonder of dit nie maar net ’n verstopte melkbuis is nie. Of ’n niekwaadaardige sist. Maar sy was 59 en nie besig…

STINKASEM Wat het die mense gesê van die hond wat so vreeslik aan knoffel verslaaf was? “Sy blaf is baie erger as sy byt.” KAREN HORAK ‘NOMMER ASSEBLIEF’ Die oumense kla die beurkragstorie is nou net soos ’n plaaslyn: vier langes, twee kortes en dan weer vier langes. WOLLIE, PRETORIA BEURTPAP Baba Beer kyk na sy klein papbakkie en sê: “Wie het my pap geëet?” Pappa Beer kyk na sy papbak en sê kwaad: “Wie op aarde het my pap geëet?” Mamma Beer steek haar kop deur die kombuisdeur en skreeu: “Ek het nog nie die pap gemaak nie, want die krag is af!” JOHANNA RADEMEYER VINGERFOUT Flip werk by die visfabriek. Op ’n dag saag hy per ongeluk al 10 sy vingers af en hy word hospitaal toe gejaag.…

DEBUUTALBUM Hy was net agt jaar oud toe hy begin tromme speel het, maar sy drome was sommer baie groot. En vandag moet Reino (21) homself soms knyp om te besef dis alles aan die gebeur. Verlede jaar het sy liedjies “Dance Till the Sunrise” en “Small Talk” soos ’n vars bries deur die plaaslike musiekbedryf gewaai, en onlangs het sy debuutalbum, Break and Bend, ons ook getref. Dit lyk – en klink – na die begin van ’n blink loopbaan. “Die album praat oor my stryd, dat ek nie geweet het wie ek was nie, oor die hantering van die angs en hartseer, oor my grootwordjare,” vertel die sanger. “Maar my hooffokus was om die stories so te skryf dat mense ook hul eie storie daarmee kan vereenselwig. “Ek…

ELKE brug op aarde is uniek en word met spesifieke kenmerke gebou. Dit hang af van faktore soos hoe lank die brug moet wees, waar hy geleë is en waarvoor hy aangewend gaan word. Dié ongelooflike strukture stel mense en voertuie in staat om oor ’n moeilike terrein te beweeg waar dit sonder die brug onmoontlik sou wees. As jy gereeld oor ’n brug ry, dink net ’n oomblik hoe moeilik dit sou wees as daardie brug skielik sou verdwyn. Dit sal heel waarskynlik veroorsaak dat jou rit heelwat langer sal duur. Kom ons kyk na die dele van ’n brug wat dit sterk en veilig maak, na verskillende soorte brûe, asook ’n splinternuwe brug in Suid-Afrika wat 24 m ver geskuif is nadat dit gebou is. DELE VAN ’N…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek huisgenootwinkel.com om jou eie Paloeka-of Palawa-pop of Die Babbelbende se Groot storieboek te bestel. Kom leer ken Die Babbelbende – en geniet hulle vrolike geselskap saam…

‘DIS SOMS MOEILIKER OM KWESBAARHEID UIT TE BEELD. DIS WAAR JY OP JOU OPLEIDING MOET TERUGVAL’ DIS die teken van ’n televisieskurk wat sy sout werd is: ’n karakter wat dit aand ná aand regkry om kykers se bloeddruk die hoogte te laat inskiet. En as aanhangers die akteur agter die skurk dan boonop trompop loop en soms te lyf wil gaan oor wat op die kassie gebeur, kan jy maar weet: Die karakter wérk. Dis hoekom Irvine van der Merwe (42) nie van stryk gebring is toe ’n Suidooster-aanhanger hom onlangs gedurende ’n vakansie in Namibië ’n vuishou in die maag wou gee nie – en dit als oor sy karakter, Nazeem Jacobs, se gekonkel in die fiktiewe voorstad Ruiterbosch. Trouens, hy sien dit as ’n voorreg dat kykers…

Vir watter rugbyspan skree jy? Cheetahs. Ek is in Kroonstad gebore! Wie is jou gunstelingspeler op die oomblik? Lukhanyo Am speel vir my ongelooflike goeie rugby in hierdie stadium, en dit voel asof hy met elke Springbokwedstryd net beter raak. Wie was jou kleintyd-rugbyheld? Jonny Wilkinson was vir my die talentvolste rugbyspeler wat ek al ooit gesien het. Al het ek regs geskop, wou ek nes hy skop, tackle en pass. As jy enige sportster in Suid-Afrika kan ontmoet, wie sal dit wees? Os du Randt. Hy was ook een van my helde as laaitie. Verkies jy toks of liewer tjops? Ek is baie lief vir rugby. Ek het ’n jaar lank Premierligarugby in Kanada gespeel, en rugby is dus in my bloed, maar as ek nou moet opdraf, sal…

MARCIEL HOPKINS Die Boer soek ’n vrou-aanbieder droom al lank oor KOEKIE. Marciel onthou sy het altyd gesê as sy en haar man, Handré Lourens, nog ’n kat kry, moet dit ’n wyfie wees en hulle gaan haar Koekie noem. “Ek het nie met katte grootgeword nie, so ek het nie hul geaardhede geken tot ek hulle begin oppas het toe ek in Londen was vir modelwerk nie,” sê Marciel. “Ek het verlief geraak op hoe spesiaal en uniek katte is.” Hul ander kat, Krummels, is ook bly oor die nuwe maatjie in die huis. “Ons is liewer as ooit vir Krummels, want hy is baie oulik en geduldig met haar. Hy pas haar op, speel met haar en hou haar rustig.” CRYSTAL-DONNA ROBERTS Katte was nog altyd vir die…

DIT kon so maklik in ’n ongemaklike situasie vir KATY PERRY ontaard het om met haar lewensmaat se eksvrou te doen te kry, maar gelukkig is sy en MIRANDA KERR goeie vriendinne. Die sangeres het onlangs die eksvrou van haar kind se pa, ORLANDO BLOOM, geloof toe sy ’n prys by die 20ste jaarlikse G’Day USA Arts Gala in Los Angeles aan haar oorhandig het. Australiese talent in Amerika word by dié geleentheid gevier. “Julle is dalk verward oor hoekom ek die prys aan Miranda oorhandig,” het Katy (38) gesê. “Dit pas nie in by die idee wat mense het van ’n eksvrou en die nuwe vrou nie. Baie mense in die media sou graag wou sien hoe ons baklei, maar dié gaan oor liefde, en Miranda is liefde.” Katy…