Indholdsfortegnelse for 13 April 2023 i Huisgenoot

1 OSCAR: GENOEG GEBOET? Agt jaar agter tralies vir die moord op Reeva Steenkamp. Talle glo Oscar Pistorius verdien om parool te kry, maar ander dink hy moet nog boet Los hom net uit. Parool is die voortsetting van sy vonnis buite die tronk. Hy sal ’n baie nou en reguit pad moet stap, anders word hy dalk weer toegesluit. Hy sal nooit so vry kan leef soos hy wil nie, en sal vir altyd vir sy daad boet. STEPHANIE Ek het tot drie weke gelede gevoel hy moet vrygelaat word. Maar toe skiet drie moordenaars my jongste seun dood, en ek voel heeltemal anders vandag. As hulle ooit gevang word, sal ek nie wil hê dat hulle ooit vrygelaat moet word nie. HENNIE Sterkte aan albei families. Aan Reeva…

DIS ’n uitsig waarvoor die meeste mense hul voortande sou gee. Van die agterstoep tot by die kleinhoewe se grensdraad lê die plantegroei ongerep en welig. So 3 km verder blink die water van die Vaalrivier in die son. “Dit is ons eie botaniese tuin,” sê die sanger en TV-aanbieder Gerhard Steyn (46) terwyl hy trots oor die stukkie grond in die Hartbeesfontein-omgewing in die hoekie van Gauteng uitkyk. “Ons is nou uit die stad, maar nie te ver van die stad nie.” Dis maar nog vier maande vandat hy en sy gesin vanuit die Oos-Rand hierheen geskuif het, en hy sê daar moet nog baie werk gedoen word. Vir hom en sy vrou, Zelri (32), is hierdie idilliese omgewing die perfekte plek om hul twee dogtertjies, Zardi (7) en…

V “Nadat ek deur die koerante geblaai en verskeie winskopies gesien en gekies het, het ek winkelsentrum toe gery, parkeer en in die winkel met die winskopies ingegaan. Toe ek uitkom, kon ek nie onthou waar ek parkeer het nie en ek het gesukkel om my kar te kry. Dit het my ’n hele paar minute gevat om dit in die vol parkeerterrein te kry.” IS DIT (A) OF (B)? A Dié een se antwoord is (a). Dis heeltemal normale vergeetagtigheid. Toe jy sentrum toe ry, was jou kop waarskynlik besig met die winskopies wat jy wou gaan koop. Jou konsentrasie was ver verwyder van sulke alledaagse bekommernisse soos waar om te parkeer. Jy het eenvoudig die eerste beskikbare parkeerplek naaste aan die winkel gevat en jou binnetoe gehaas. Omdat…

WYNROOI Hierdie skakering is perfek vir ’n sjiek spatsel kleur in triestige weer. Maak ’n stelling in materiale soos satyn en denim. OLYFGROEN Olyfgroen bly ’n gunsteling vir die herfs. Kies dit in enigiets van spanjeans en knooptruie tot gebreide rokke en glimmende katpakke. SWART Almal lyk goed in swart, en dié klassieke kleur werk vir elke geleentheid. Skep ’n deftige voorkoms met interessante materiale en snitte. PIENK Die Barbievoorkoms is tans baie gewild en pienk is oral te sien. Dit is die ideale kleur om ’n grys dag mee op te vrolik. PERS Diep skakerings weerspieël dié seisoen se natuurkleure. Daarom is dit geen wonder dat pers die lys gehaal het nie. Kombineer pruim- en bessietinte met neutrale kleure of swart. TAAN Die herfs is ideaal vir donkerder neutrale…

1 KLEINTYD SE DROME Die SAUK-televisieprogram vir jong mense YoTV was Kyle (32) se vroegste inspirasie vir ’n loopbaan in die kollig. “Ek onthou hoe ek vir Sade Giliberti en Carly Fields, die aanbieders, gekyk het op YoTV, en wou graag daarin of in K-T.V. (M-Net se program vir kinders) wees. Naweke was ek vasgenael voor die televisie om saam met my vriende herhalings van Backstage te kyk. Lorcia Cooper as Charmaine in dié reeks het my aangegryp. Ek het altyd vir my familie en vriende gesê ek weet nie hoe nie, maar eendag gaan ek ook op daardie skerm wees.” 2 KYLE KAN SING “Om te sing maak my baie emosioneel. Musiek is ’n uitlaatklep. Ek het verlief geraak op musiek in ’n tyd waar emosionele kwesbaarheid jou swak…

VYF SEKONDES VOOR VRYDAG Deur IHETTE SENEKAL Tafelberg, R193* Die verhaal in ’n neutedop. Dis ’n soort coming-of-age-verhaal wat gaan oor Jana, ’n gr. 11-meisie met ’n droom om flieks te maak. Sy hou groot geheime en begeertes in haar hart, en dit bars om uit te kom. Waar kom jy aan die storie? Die idee vir ’n storie neem so stuk-stuk in my kop vorm aan, en die res ontwikkel terwyl ek skryf. Ek het beslis ’n doel met die storie gehad, eintlik meer as een: ’n verhaal wat lekker lees en waarmee jong lesers hulle kan identifiseer; ’n poging tot groter bewusmaking van ons verskille en ook dit wat ons saambind, en om iets te skryf wat nog nie baie in Afrikaanse jeugliteratuur gedoen is nie. Ontmoet van…

RAAR MAAR WAAR Die seuntjie sien hoe die tannie wat langsaan woon poeier oor haar baba gooi voor sy ’n nuwe doek aansit. “Tannie moenie sleg voel nie,” laat hy hoor, “ons hond het ook vlooie!” HELENA HOUGH DEUR DIE WEER Koos word vir aandete genooi deur sy nuwe meisie en haar ma. Terwyl hulle aan tafel sit, begin dit behoorlik sous, en die tannie ontferm haar: ”Koos, jy sal maar moet oorslaap aangesien dit nou so hard reën.” Ná ete raak sy meisie en haar ma baie bedrywig met die skottelgoed en kom eers ná ’n hele ruk agter dat Koos skoonveld is. Net toe hulle bekommerd raak, verskyn hy in die agterdeur, sopnat gereën. “Waar was jy?” wil sy meisie weet. Koos: “Gou huis toe om my pajamas…

▝ Mighty Morphin Power Rangers het sy debuut op 28 Augustus 1993 gemaak op Fox Kids in Amerika. ▝ Teen 2022 was daar 21 verskillende TV-reekse oor 29 seisoene; en drie Power Ranger-flieks. ▝ Haim Saban, die skepper van die reeks, het in 2010 eienaarskap oor sy reeks teruggekry nadat dit agt jaar deur die Walt Disney-maatskappy besit is. ▝ Power Rangers is gegrond op die 1992- Japannese reeks Kyōryū Sentai Zyuranger. As jy Power Ranger-reekse fyn dophou, sal jy sien sommige vegtonele kom van die Japannese weergawe. ▝ Die reeks sou eers Dino Rangers genoem word. ▝ Die bevelsentrum waar die Rangers Zordon ontmoet, is ’n regte plek en bestaan steeds. Die gebou is op ’n universiteitskampus in Kalifornië.…

Die Internasionale Strafhof (ISH) is twee dekades gelede in die lewe geroep om oorlogsmisdade, volksuitwissing en misdade teen die mensdom te ondersoek. Die hof, met sy hoofkwartier in Den Haag, Nederland, het nie ’n eie polisiemag nie en maak staat op lidlande om verdagtes aan te keer en aan hom in Den Haag uit te lewer vir verhoor. Rusland is nie self ’n ISH-lidland nie, maar as Poetin nou na een van die 123 lidlande reis, moet daardie land hom in hegtenis neem. Internasionale waarnemers meen die kans vir ’n Poetin-verhoor terwyl hy aan bewind is, is skraal aangesien die ISH nie aangeklaagdes in hul afwesigheid kan verhoor nie en Rusland nie sy eie amptenare sal uitlewer nie. Die Kremlin het reeds verklaar Rusland erken nie die hof nie en…

DIE akteur ARNO GREEFF trek vir die eerste keer sy aanbiedersbaadjie aan vir VIA se splinternuwe musiekspeletjiesprogram, Klankbank. Van Vrydag 14 April moet drie deelnemers saamwerk en hul musiekkennis inspan om ’n kontantbank te “beroof”, maar net een van hulle kan dalk met ’n kontantprys van tot R120 000 wegstap. Die spel is vol opwinding en verraad en toets hoe geldgierig hulle is. Die reeks van 13 episodes is binne vier dae in Maart in Boksburg verfilm. Omdat hy so mal is oor musiek, was dit vir hom lekker om aan die program deel te neem, sê Arno. “Ons het vier episodes per dag geskiet. Dis hoë energie en baie fokus wat nogal uitdagend was, maar baie lekker,” sê hy. In elke episode lewer sangers soos Bianca le Grange, Dodo,…

PREMIÈRE VAN AIR VAN AMAZON STUDIOS PREMIÈRE VAN MURDER MYSTERY 2 VAN NETFLIX…

‘DAAR GAAN ALTYD MENSE WEES WAT BAIE TE SÊ HET. EK VAT DIT NIE PERSOONLIK NIE – EK WEET WAAR MY HART LÊ’ WANNEER sy oor haar kliënt praat, kom lê die trane vlak in haar stem en moet sy eers sluk-sluk voor sy kan voortgaan. “Ek is trots op haar. Sy is verlig dat dit verby is,” sê Tania Koen. Die vrou oor wie sy praat, is June Steenkamp, die ma van Reeva Steenkamp. June moes pas by die paroolverhoor van haar dogter se moordenaar, Oscar Pistorius, oor haar dogter se veroordeelde kêrel praat – en dis duidelik dat Tania elke stukkie van die pad saam met haar stap en al haar seerkry voel. Sy probeer sterk bly ter wille van haar kliënte, sê Tania aan Huisgenoot kort voor…

WAARAAN dink jy wanneer jy die wo ord “olie” hoor? Dalk olierige kos, puisies of lewelose hare? Of dalk ’n gladde, onbeheerbare middel wat vlek? Olie vir ons naelvliese of olyfolie in ’n slaai is in die haak, maar dit hoort nie op ons gesig of aan ons hare nie, of hoe? Tog het vroue, onder wie Cleopatra en Nefertiti, reeds in antieke Egiptiese, Griekse en Romeinse tye olyfolie aan hul gesig en in hul hare gebruik. Daar is ’n Indiese tradisie waar vroue hul hare bedek met klapper-, kasterof amlaolie voor hulle dit was om stofdeeltjies te verwyder en die kopvel te voed, terwyl eertydse Meksikane en Amerikaanse inboorlinge jojobaolie as haaropknapper gebruik het. In Japan word kameliaolie al eeue lank vir ’n gladder gelaat en hare gebruik. OLIE…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. V Ek is ’n 37-jarige gay man. Ek is enkellopend en het alles verloor – werk en blyplek ingesluit. Ek het ook geen vriende nie en smag na opregte liefde, maar omdat ek nie werk het nie, wil niemand my ’n kans gee om my te leer ken nie. Gaan dinge ooit weer vir my uitwerk? Gaan ek ooit weer ’n werk kry…

Die eerste seisoen van VIA se maatsoekreeks waar Russiese vroue van doer anderkant die oseaan by ons plaaslike “ramme” na liefde kom soek het, was propvol drama. En vanjaar se tweede seisoen beloof om weer vir heelwat vonke te sorg. Evgeniya Korchagina en Tatiana Belianicheva is die twee avontuurlustige vroue wat die lang pad na Suid-Afrika aanpak. Uit talle inskrywings het die twee vroue ses plaaslike Ramme gekies wat hulle graag om die hardekoolvure van Tzaneen se Kilima-wildreservaat beter wil leer ken. Ontmoet die ses optimistiese vrygeselle wat hoop om een van dié mooie Russiese vroue kraal toe te jaag. KOBUS PRETORIUS (22), PRETORIA Hy neem die lewe nie te ernstig op nie, vertel dié ou wat as bestuurder by die Mac’s-motorfietsklub se hoofkantoor in Pretoria werk. “Ek is snaaks,…

WOORDSOEK DIS LANGNAWEEK! bestemming braai dans familie fliek geniet gesels hotel inkopies inpak kamera kampeer kuier kwaliteittyd lees musiek ontspan oornagplek opwinding padstal piekniek plakkies pretpark restaurant rus slaap sonbril speletjies strand swem uiteet uitstappie verken vertoning wegbreek NO 1 BEDERFKOS boudvleis braaibroodjie koekstruif lasagne malvapoeding nacho’s paasbolletjies pampoenkoekies pannekoek piekelvis piesangbrood pizza potjiekos roomys sjokoladekoek slaptjips steak tamatiebredie tjops yskastert NO. 2 VRIENDSKAP aanvaar bedagsaam beskerm beskikbaar boesemvriende eerlik empatie grappies huil klankbord lag lewenslank lojaal luister omgee ondersteun opbeur pret takt vergewe vertroue waardeer NO.3 NO. 4 KUSDORPE IN SUID-AFRIKA Amanzimtoti Dwarskersbos Hartenbos Hermanus Jeffreysbaai Knysna Langebaan Margate Port Nolloth Stilbaai Strandfontein Umhlanga NO. 5 KAROODORPE IN SUID-AFRIKA Aberdeen Beaufort-Wes Calvinia Cradock De Aar Graaff-Reinet Loxton Oudtshoorn Prins Albert Sutherland NO. 6 HOOFSTEDE IN EUROPA Amsterdam Athene Berlyn…

9 APRIL 2010 NUWE HOMINIEDONTDEKKING ONTHUL Op hierdie dag het prof. Lee Berger van die Universiteit van die Witwatersrand aan die wêreld bekendgemaak dat sy negejarige seun in 2008 die fossiel van ’n nuwe hominiedspesie in die Wieg van die Mensdom 40 km buite Johannesburg ontdek het. Lee, ’n paleontoloog, was besig om in ’n grot in die omgewing te werk toe sy seun, Matthew, hom roep en sê hy het ’n fossiel gekry. Dit was toe die sleutelbeen van ’n hominiedspesie wat 1,95 miljoen jaar gelede geleef het. Lee het toe saam met ’n groep wetenskaplikes na die grot teruggekeer en ’n tweede fossiel van ’n vrou ontdek. Die spesie is toe ná sy navorsing Australopithecus sediba gedoop. Hulle het lang arms soos dié van ’n grootaap gehad, kort,…

Dodelike siektes maai onder die mensdom en skep hibridiese wesens soos Gus. Die vreesaanjaende General Abbot en sy groep huursoldate bekend as The Last Men maak jag op hulle. Abbot gee die hibridiese kinders aan die ewe bose dr. Aditya Singh (Adeel Akhtar) om vir eksperimente te gebruik. Die doel? Om ’n kuur te ontwikkel teen die siekte wat verwoesting onder die mensdom saai – en ook Aditya se reeds besmette vrou, Rani (Aliza Vellani), te red.…

VIR die antieke wêreld moes magnete nogal verstommend gewees het toe hulle dit die eerste keer teëgekom het. Sonder die kennis wat ons vandag het, sou dié rotse wat ander rotse met ’n onsigbare krag kan wegstoot en aantrek dalk met die een of ander soort towerkrag verwar word. Ons weet nou magnetisme is ’n natuurlike krag op aarde, baie soos elektrisiteit en swaartekrag, en dit doen soveel meer as om ons net te help om dinge op die yskas te plak! Die eerste gedokumenteerde mineraal met magnetiese eienskappe was ’n ysterryke mineraal genaamd magneetsteen – ’n seldsame vorm van magnetiet. Antieke Grieke en Romeine het dit aangeteken, en die Chinese het dit gebruik om kompasse te maak. Nou, duisende jare later, het ons ’n beter begrip van hoe magnete…

KRY DIT HIER @HOME HOME.CO.ZA 0860- 834-834; CHECKERS.CO.ZA 0800-01-07-09; ETHOS-STORE.CO.ZA 010-110-7722; HERTEXHAUS.CO.ZA 021-948-4764; INDIAINK.CO.ZA 072-623-8523; JETONLINE.CO.ZA 0860-834-834; KNUS.CO 087-550-7600; MONEXTERIORS.COM INFO@MONEXTERIORS.COM; MRPHOME.COM 064-584-1000 (WHATSAPP); PEPSTORES.COM 0860-737-000; SHOP.BABYLONSTOREN.COM 021-300-3919; THEBEDROOMSHOPONLINE.CO.ZA; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

DIE groot pluspunt is toegang tot privaat mediese sorg en dekking teen groot en onverwagte uitgawes. Maar die maandelikse premies kan – ondanks jaarlikse belastingver-gunnings – ’n taamlike hap uit jou inkomste vat. Werk dus slim met jou fonds. 1 HOE GOUER, HOE BETER Om te verhoed dat jy meer betaal vir presies dieselfde voordele as ander mense, moet jy vroeer eerder as later by ’n fonds aansluit. • Vermy laataansluitingsfooie Dit geld wanneer jy die eerste keer by ’n fonds aansluit en reeds 35 of ouer is; asook vir mense wat een fonds verlaat, maar dan eers drie maande of later by ’n ander aansluit. Die heffing werk só: Jou totale getal lidmaatskapsjare sedert jy 21 was, word van jou ouderdom afgetrek. Die antwoord word dan volgens ’n spesifieke…

LIEDJIES WAT HAAR EIE STORIE VERTEL Net ’n paar maande gelede het ’n emosionele Lana Del Rey vertel hoe haar skootrekenaar uit haar kar gesteel is – en daarmee saam die meeste van die onvoltooide snitte wat haar jongste album sou uitmaak. Destyds het die popster aanhangers gesmeek om enige tekens van haar nuwe musiek by die polisie aan te meld – so ook ’n manuskrip waaraan sy gewerk het. Maar nou is daardie trane vergete: Haar jongste album, Did You Know That There’s a Tunnel under Ocean Blvd, het pas die lig gesien. Dis haar negende ateljeealbum en bevat 16 snitte wat samewerkings met Jon Batiste, Bleachers en Father John Misty insluit. Die album kyk na veroudering en die sterflikheid van die mens, en dit vertel persoonlike verhale van…

RAM 21 MAART – 19 APRIL As jou geliefde dié week ietwat teruggetrokke of onbeskikbaar lyk, laat dinge begaan pleks daarvan om iets uit hulle te probeer trek. Jou maat is dalk huiwerig om oor dinge te praat en pluis nog ’n manier uit om die huidige kwessies te hanteer. Dit beteken nie jy moenie jou liefde en kommer wys nie, maar aanvaar die grense wat gestel word. Op ’n positiewer noot is ’n persoonlike nuwe begin vir jou in die vooruitsig. GELUKKIGE NOMMERS 51, 32, 19, 18, 20, 50 DIE RAM OPGESOM ▝ Die stryder en die jagter. S Nommer een en “ek eerste”.▝ Reguit en wil dit gister hê.▝ Spring self weg en los probleme op.▝ Dra die broek en is onstuitbaar.▝ Leier van die trop.▝ Senuwees van…

1 Watter sous word saam met Eggs Benedict voorgesit? 2 In watter jaar is Nelson Mandela uit die tronk uit vrygelaat? 3 Van watter land is Dakar die hoofstad? 4 Van watter Britse groep is Chris Martin die hoofsanger? 5 Watter oudkaptein van die Suid-Afrikaanse krieketspan is in 2000 lewenslank uit die sport geskors weens wedstrydknoeiery? ANTWOORDE 1. Hollandaisesous 2. 1990 3. Senegal 4. Coldplay 5. Hansie Cronje BRONNE EURONEWS.COM, SAHISTORY.ORG.ZA, MG.CO.ZA, EUREKALERT.ORG, EW.ORG, NETWERK24.COM, K PHYS.ORG, BBC.COM, THEGUARDIAN.COM, EURONEWS.COM, POPSCI.COM, EDITION.CNN.COM, COLLINSDICTIONARY.COM…

Toe die nuus van die lasbrief vir Poetin se inhegtenisneming bekend word, het talle mense gewonder: Wat van die Brics-beraad? Dié saamtrek van die handelsvennote Brasilië, Rusland, Indië, China en Suid-Afrika word later vanjaar hier gehou. Suid-Afrika is ’n lidland van die Internasionale Strafhof (ISH). Maar of ons regering Poetin in hegtenis sal neem as hy wel in Augustus voet aan wal sit om die beraad by te woon, is onwaarskynlik. Amptenare soos Suid-Afrika se minister van internasionale betrekkinge en samewerking, Naledi Pandor, het reeds laat blyk die ANC-regering se historiese bande met Rusland sal swaarder weeg as Suid-Afrika se ISH-lidmaatskap. Suid-Afrika het boonop in 2015 versuim om die voormalige president van Soedan Omar Al-Basjir, ook op die ISH se verdagtelys vir oorlogsmisdade, in hegtenis te neem toe hy hier…

OP DIE kassie het ons hom leer ken as die vriendelike boer van Limpopo, die man met die breë glimlag en onnutsige kwinkslae. Hy was ook glad nie skaam om “ ’n bietjie rugkrap” te bedel by een van die vroue wat op sy plaas kom kuier het nie. Maar die Louis M wat kykers nou in kykNET se maatsoekreeks Boer soek ’n vrou sien, lyk glad nie soos die Louis Malan (27) wat vandag die voordeur van sy plaashuis hier op die Lumarie-wildsplaas tussen Bela-Bela en Thabazimbi oopmaak nie. Toe die reeks verlede jaar verfilm is, het hy nog die skaal op ’n stewige 110 kg laat trek, maar in Desember het hy besluit “basta met die walglike lyf ”. Hy het ’n dieet gevolg wat die opskep van…

KRISTIN VAN ORMAN was Terry Sanderson se prokureur, maar soos wat sy ge-oe en ge-a het oor Gwyneth, sou ’n mens dink sy was net daar om haar aan die ster te verkyk. Pleks daarvan om Gwyneth met harde vrae te peper, het sy die aktrise gedurig gevlei. Nadat Gwyneth vertel het sy is 1,7 m lank, het Kristin geborrel: “Ek is so jaloers. Ek moet vierduimhakke dra om dit net tot vyf voet vyf te maak!” “Jou skoene is oulik,” het Gwyneth gesê. Later het Kristin vir Gwyneth gevra of sy opleiding het om noodhulp toe te pas. “Ek?” het Gwyneth geantwoord. “Nee.” “Ek ook nie!” het Kristin gegiggel.…