Indholdsfortegnelse for 27 April 2023 i Huisgenoot

1 ONS DIEREKIND MOET GAAN Hulle het diep in jou hart ingekruip, maar skielik verander jou omstandighede en jou natneus of kiets moet ’n nuwe tuiste kry. Hoe pak ’n mens dit aan? As jy nie permanent jou troeteldier ’n huis kan gee nie, moenie een aanhou nie. Ek praat nie van mense wat sterf of mediese gebeure nie. Te veel mense het jare ’n hond en skielik is dit “ons gaan trek, hy kan nie saam nie”. JENNIFER Dis ’n lewenslange verantwoordelikheid, geen verskonings. Sorg dat hulle kan saam trek wanneer jy trek. Mense verstaan nie die liefde wat ’n dier vir jou koester nie, en hoe swaar hulle kry as jy hulle aflaai en ry nie. ADRIE Ek verkwalik die beheerliggame van woonkomplekse wat diere verbied. Dis jou dierekind,…

TOE sy vir die eindronde aantree, het sy gewéét sy gaan wen. “Jy sien, ek het baie geloof in gebed,” vertel Yvonne Blom (65) oor haar uitknikkerspel in die vierde seisoen van die blokraaitelevisieprogram, Huisgenoot Blokraaibestes. “My een dogter moes ’n deposito vir ’n nuwe woonstel neersit, en ek het dit ’n gebedsaak gemaak. Toe ek die inskrywingskans vir die program sien, het ek geweet: Hier is dit nou. Die prysgeld was presies hoeveel ek nodig gehad het.” En dit was juis een van die redes waarom Yvonne so gehuil het toe sy in die onlangse eindstryd as die wenner aangewys is. In haar rooi slooprok en met die pers ametissteen om haar nek is die gryskopvrou die toonbeeld van elegansie. Haar huis in die Strand is vol familiefoto’s van…

Daar is ’n hoë konsentrasie chemiese peroksied in die bleikmiddels, sê Jurgens Grove, ’n spesialis wat op estetiese tandheelkunde fokus. Daarom is die ideaal dat jou tandarts of mondhigiënis die prosedure vir jou doen. Wanneer jy wél besluit om jou tande tuis te bleik, moet jy dit ook met die tandarts bespreek sodat hulle jou bewus kan maak van die gevare. As jy dit verkeerd doen, kan dit die sagte weefsel in jou mond seermaak. “Ons bleik nie die tande van kinders onder 16 jaar oud nie, want tandweefsel groei dan nog. Gelukkig is dit ook so dat kinders op daardie ouderdom nog baie wit tande het.”…

AS JY ’n kliënt van Absa, Standard Bank, Nedbank of FNB is, het jy waarskynlik al van PayShap gehoor of dié elektroniese betaalopsie op jou bank se app gesien. Hier is 10 dinge om te weet as jy oorweeg om dit te gebruik. 1 WAT IS DIT? Met PayShap kan bankkliënte oor en weer klein bedrae geld betaal of ontvang. Die geld is dan onmiddellik beskikbaar. Dit is anders as ’n elektroniese oordrag, oftewel EFT, en banke se eie kontantbetalingstelsels soos eWallet en CashSend. Dit is nie ’n selfstandige stelsel met sy eie app nie en is net deur bankkanale beskikbaar. Dit is deur BankservAfrica en die Suid-Afrikaanse Reserwebank ontwikkel om klein kontanttransaksies maklik en veilig te maak. 2 WIE KAN DIT GEBRUIK? Teen ons druktyd nog net kliënte van FNB, Nedbank,…

“Carmindatjie, as jy my moontlik winkel toe kan neem? Ek dink dis tyd dat ek ’n nuwe nagrok en ’n paar broekies aanskaf. Al het ek dit nie regtig nodig nie, maar iets nuuts is goed vir die moraal, dink jy nie?” praat sy Carminda een oggend met staptyd in ’n nuwe rigting in. “Jy hoef niks verder te doen nie, ek sal self kies, ons smaak mag dalk verskil. En my vingerpunte is baie sensitief, dit is my neus en oë. Jy het seker al agtergekom hoe kieskeurig ek is.” Kieskeurig, moedswillig en veeleisend. Sodat die onaangename taak op Carminda val om aan alles in Mevrou se laaie te ruik of dit skoon is. Met die instap by die Biermanne se winkel vra Mevrou: “Is daar iemand wat hier…

HOFLIK Ma aan haar seuntjie: “En watter goeie dade het jy vandag gedoen?” Hy: “Wel, die bus was vol, en toe het Pappa my gevra om vir ’n tannie op te staan, maar hy het gesê ek moet niemand vertel nie.” Ma: “Hoekom dan nie? Dit was mos die regte ding om te doen.” Hy: “Ja, maar ek was toe op pa se skoot.” WOLLIE, PRETORIA DROOMKONTRAK Twee ou getroudes sit saam op die rusbank, maar die man is heeltyd met sy foon doenig. Oplaas sê sy: “Ek wens ek was daardie foon, dan het jy darem aandag aan my gegee.” Man: “Ek ook, dan kon ek elke twee jaar ’n nuwe een kry.” HESTER, NAMIBIË KOOPKRAG Hoe ouer ek word, hoe sterker raak ek. Ek dra nou al R3…

WAAROOR GAAN DIT? Wendy Darling is ’n jong meisie wat bang is om die huis van haar jeug agter te laat. Dan ontmoet sy Peter Pan, die avontuurlustige seun wat weier om groot te word. Wendy en haar broers reis saam met Peter en die piepklein feetjie Tinker Bell na die magiese wêreld van Neverland. Daar kom sy die bose seerowerkaptein Captain Hook teë – en so begin die opwindende maar gevaarlike avontuur wat haar lewe vir altyd verander. Peter Pan & Wendy is ’n lewendige grootskermherskepping van die boek Peter Pan deur J.M. Barrie. Dié nuwe interpretasie val saam met die 70ste herdenking van die animasiefliek van 1953. WIE’S WIE? Alexander Molony as Peter Pan Dit is dié Britse akteur (16) se eerste fliekrol. Maar hy was ook al…

DIE vermoë om vinnig en betroubaar oor groot afstande handel te dryf het verander hoe ons leef. Mense in die mees afgeleë gebiede kan amper enigiets aanlyn koop en dit vinniger as ooit tevore by hul deur laat aflewer. Op ’n manier het dit gerief en die moontlikheid om geld te verdien aan baie dele van die wêreld gebring. Maar dit was nie altyd so nie. Eeue gelede het onafhanklike en magtige stadstate in dele van die wêreld ontstaan wat tot handelshawens toegang gehad het of op oorlandhandelsroetes gebou is. Handelaars het van ver af gereis om items te verruil waarvan hulle ’n oorvloed gehad het en wat tot hul land en mense uniek was. Sodoende het sommige ekonomieë floreer en is kulture deur handel met mekaar in aanraking gebring.…

EEK IS ’n chocoholic – ’n soettand deur en deur. Toe ons eenmaal in België met vakansie was, het vriende van ons ons aangemoedig om by ’n hotelskool in te skryf om te leer oor die kuns van sjokolade maak. Dit was in 2005 en teen daardie tyd al baie jare nadat ek in 1994 my eerste apteek by Castle Walk in Pretoria geopen het. Ek en my vrou, Wenette, het op universiteit ontmoet. Ek is ’n stoere Pretorianer. Sy is eintlik ook, maar sy het ook ’n tyd lank in die Kaap gewoon en daar skoolgegaan. Dit het eintlik alles by haar begin, want toe Wenette nog op skool was, het sy ’n opstelwedstryd gewen – en die prys was om België toe te gaan. Sy was die instigator,…

Hoewel kykers dalk dink die seks wat hulle in hoofstroomflieks of-reekse sien, gebeur werklik, word tonele eintlik net beplan en verfilm op ’n manier wat dit realisties laat vertoon. Daarom is die werk van intimiteitskoördineerders toenemend internasionaal in aanvraag. Dink aan riskante reekse soos Netflix se Bridgerton of Sex/Life en HBO se House of the Dragon waarin gewaagde tonele die betrokkenheid van dié koördineerders geverg het. Casey Hudecki, die intimiteitskoördineerder vir Sex/Life, sê enige nagebootste sekstoneel neem baie lank om te verfilm. “Dis liggaamlik uitputtend juis omdat dit vanuit verskeie hoeke verfilm moet word. Dit kan ure neem.” Tog het akteurs soos Sean Bean en Toni Colette al gesê intimiteitskoördineerders neem van die spontaniteit uit ’n toneel. Maar vir baie akteurs laat dit hulle juis veilig voel op die stel…

AS IEMAND jou vertel daar sal iets van Suid-Afrika volgende maand op koning Charles III van Engeland se kroning teenwoordig wees, sal jy dalk eers dink hulle verwys na diamante. Maar die waarheid is dat Suid-Afrika baie meer opsigtelik deel van die amptelike verrigtinge in Londen gaan wees. Pretty Yende, waarskynlik een van Suid-Afrika se beroemdste operasangeresse, is deur die nuwe koning self gekies om daar op te tree. Charles is so ’n groot aanhanger van dié boorling van Mpumalanga dat hy blykbaar self besluit het sy moet op sy groot dag gehoor word. Die gevolg is dat Pretty nou, net enkele weke voor dié geleentheid wat vir 6 Mei beplan word, aan die afrond is aan die stuk wat sy in Westminster Abbey sal uitvoer. “Ek mag nog nie…

CLINT & STEFFI BRINK Die glanspaartjie het hul dogtertjie, ARIELLE, vroeër vandeesmaand met ’n watergeboorte by hul huis in Johannesburg verwelkom. Steffi is bygestaan deur haar tannie van Namibië, Beatrix Diergaardt, ’n voormalige hospitaalmatrone en vroedvrou. “Elke dag wanneer ons na haar kyk, besef ons net meer en meer hoe bevoorreg en geseënd ons is om haar in ons lewe te mag hê,” sê Clint oor hul eersteling. Wanneer hy saans van Binnelanders se stel af terugkom, is sy gewoonlik nog wakker. “Daardie gevoel van huis toe ry en weet jou gesin wag vir jou is ’n oorweldigende voorreg.” Hul grootste wens vir klein Arielle is dat sy op-regte liefde sal ervaar, nooit haar lewenslus sal verloor nie en geseënd sal wees om ’n groter seëning te wees vir almal…

OP DAARDIE oomblik kon die lewe beswaarlik meer sorgeloos gewees het. Hy het pas 19 geword en ná ’n dag van pret saam met sy twee geliefde niggies was hulle op pad dorp toe om te gaan uiteet. In die Volkswagen Polo vol jong mense het dit vrolik gegaan. Albie Coetzer het regs agter gesit; sy niggie Janke (19) agter die stuur. Sy jonger niggie, Lize (16), en twee vriendinne, Odine Swanepoel en Martiné Degener, was ook saam. Hulle het gelag, gesels en musiek geluister. ‘DIS STEEDS NIE MAKLIK AS EK NA HUL HUIS TOE GAAN EN AL DIE FOTO’S SIEN NIE’ Toe, 3 km buite Jan Kempdorp op die pad na Hartswater, het alles in een wrede, onherroeplike oomblik verander. Albie het nooit die kar gesien wat van voor…

JY HET dalk al gehoor van Val de Vie, die gesogte landgoed tussen die Paarl se wingerde, waar inwoners soggens kan opkyk na Paarlberg se granietrotse en laatmiddag skemerkelkies langs die polobaan kan geniet. Rykes en beroemdes van reg oor die land kom pak graag hier af. Is dit moeilik om op so ’n eksklusiewe landgoed in te pas as jy nuut daar ingetrek het? Nee wat, sê die sakeman Daniel Strauss, wat hom in die afgelope paar jaar saam met sy vrou, Rolene, hier tuisgemaak het. “Hier is nie klieks nie. Ons almal is inkommers.” Dit help seker ook as julle een van die land se suksesvolste glanspare is. Rolene is een van Suid-Afrika se herkenbaarste gesigte, Mej. Wêreld 2014, ’n gekwalifiseerde dokter met ’n meestersgraad in filosofie,…

KRY DIT HIER DECOFURNSA.CO.ZA 087-049-4155; DESIGNSTORE.CO.ZA; HERTEXHAUS.CO.ZA 021-948-4764; KNUS.CO 087-550-7600; MRPHOME.COM 064-584-1000 (WHATSAPP); PEDERSENLENNARD.CO.ZA 021-447-2020; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Die beste manier om te keer dat jou tande verkleur is om hulle gewoon skoon te hou. “Maar moenie dit oordoen nie!” waarsku Jurgens. “As jy jou tande te ywerig borsel, verweer die glasuuroppervlak. Dit raak ál dunner en dan skyn die donkerder ivoor van jou tand deur. Jy moet jou tande op die regte manier skoonmaak. Daar is ’n verskil tussen deeglik en oorywerig borsel.” Hier is ook ander wenke om te keer dat jou tande verkleur: ◼ Beperk kosse met kleurstowwe wat kan vlek. Dit beteken nie jy moet dit heeltemal uitsny nie, maar beperk jou inname en die tyd wat jou tande daaraan blootgestel word, byvoorbeeld deur drankies met kleurmiddels deur ’n strooitjie te drink om direkte kontak met jou tande te beperk. ◼ Spoel jou mond…

NOU TE KOOP Maak reg om jou te verwonder! Dié koninginne, keiserinne, prinsesse, hertoginne en gravinne leef moderne sprokies, kompleet met liefdesverhale wat jou sal betower, glansryke leefstyle waaroor jy kan droom, en genoeg drama om jou vurig aan die lees te hou. Dis die ideale leesgenot vir koninklike aanhangers wat op soek is na ’n goeie dosis ontvlugting met ’n skoot fabelagtigheid daarby. LEES ALLES OOR Kate, prinses van Wallisprinses Charlene van Monacokoningin Rania van Jordanië koningin Letizia van Spanjeprinses Caroline van MonacoJetsun Pema van Bhutanprinses Sofia van Swedeprinses Mako van Japanen vele meer… BESTEL SO BEL 021-406-4962 E-POS koop@huisgenoot.com Gaan na www.media24shop.com.…

BUL 20 APR – 20 MEI Jy loop waarskynlik op hierdie oomblik oor van selfvertroue oor jou idees, veral wat geld betref. As ’n praktiese en versamelende Bul is jy immers altyd daarop uit om te kyk hoe jy finansieel kan baat vind en belê. Al ontmoet die son, wat nou in jou teken is, die vindingryke Mercurius op die tweede in jou teken, kan jy jouself om die bos lei omdat Mercurius agteruitbeweeg. Wees daarom vir veiligheid eerder geduldig. GELUKKIGE NOMMERS 2, 18, 35, 37, 26, 5 TAURUS: LIEFDE EN ROMANSE ◼ Wanneer jy verlief is, kom jou liefdevolle en sagte aard na vore. ◼ Jy vertoon toegeneentheid en hou daarvan om aan te raak en aangeraak te word. ◼ Jy is baie goed daarmee om groot drukkies te…

DONKIES is lede van die Equidae-familie, wat ook perde en sebras insluit, en het hul oorsprong in Afrika. Wilde donkies is tussen 5000 en 6 000 jaar gelede mak gemaak in antieke Egipte, waar hulle eers vir vleis en melk aangehou is. Hulle is daarna gebruik om vrag oor lang handelsroetes te dra. Kamele het eers in die derde eeu ná Christus Afrika toe gekom. Daar is na raming meer as 50 miljoen donkies in die wêreld, waarvan die meeste mak is en hoofsaaklik in ontwikkelende lande as werkende diere dien. In Suid-Afrika is donkies al meer as 370 jaar gelede op plase as werkende diere gebruik en word in sommige landelike gebiede steeds so ingespan. DIEET VAN ’N MAK DONKIE WOLHAARSTORIES ● Donkies is nie dom soos baie mense…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken Die Babbelbende – en geniet hul vrolike geselskap…

HY WAS ’n genadelose mediamagnaat wat sonder skuldgevoelens op enigiemand getrap het om te kry wat hy wil hê – ’n skatryk televisieskurk en nie juis iemand oor wie se dood jy sou treur nie. Boonop het almal geweet hy is op pad uit – die naam van die reeks het immers al laat blyk daar’s ’n stryd om hom op te volg. Maar toe Logan Roy onlangs in die HBO-reeks Succession sterf, was kykers geskok – en selfs hartseer. Die Los Angeles Times het selfs ’n doodsberig oor dié fiktiewe karakter gepubliseer. Die doen en late van Logan en sy vier opgeskote kinders – almal bedorwe maar ambisieuse brokkies – het kykers vier seisoene lank laat gons, met baie mense wat geglo het die gesin is deels gegrond op…

DIE akteur NEELS DVAN JAARSVELD se worshond, Lulu, is byna so bekend soos hy. Sy spog tot met haar eie Instagramblad. Maar Neels is nie al bekende met ’n sagte plekke vir vierpotige vriende nie. In die nuwe reeks Op reis met my beste vriend gaan kuier hy by sy vriende in die vermaakbedryf en hul troeteldiere. Die program fokus op dierevriendelike eetplekke en verblyf en liefdadigheidsorganisasies vir diere. Die reeks is in Februarie en ’n gedeelte van Maart in Kaapstad, Johannesburg en Pretoria verfilm. “Ons moes mooi reël om by almal se skedules in te pas,” sê Neels. “Ek is bevoorreg om meeste van die bekendes te ken en om ook nou tyd saam met hul fantastiese diere te bestee en hul band eerstehands te ervaar,” sê Neels.…

IN SAMEWERKING MET SA se grootste fiksheidspartytjie! Supergroot fiksheidsklasse is een van die grootste trends wêreldwyd. Moenie dié energieke fiksheidspartytjie misloop nie! Kom geniet vyf verskillende oefenroetines saam met van die beste instrukteurs, asook musiek en ligte, terwyl jy tegelyk sosialiseer en oefen. 19 AUG 2023 JHB MONTECASINO SE BUITELUG-ARENA 17 FEB 2024 KST SUN PARK, GRANDWEST CASINO EN VERMAAKWÊRELD KAARTJIES NOU TE KOOP! Quicket.co.za…

KORT & KRAGTIG MET ’N KAPPIE SKOUERLOOS AAND UIT MANTELMOUE LANK & SLANK TRAPESIUMROK LINNEHEMPROK DEFTIGE AAND GEPLOOIDE DWARSBAANROK KORT ROKKE Kombineer miniof midirokke met ’n jas en stewels vir ’n sjiek wintervoorkoms. LANG ROKKE Hierdie winterwenners kan formeel of informeel gedra word. WENK Dra jou rokke in lae met rolnek-en langmoutops vir ekstra warmte op kouer dae. KRY DIT HIER ACKERMANS 0860-900-100; BASH.COM; EDGARS 031-010-0005; FOSCHINI 0860-834-834; H&M 0860-690-707; LOVISA 0800-014-504; MANGO.COM; MILADYS 0800-212-535; MR PRICE 0800-212-535; ORICLOTHING.CO.ZA; PICK N PAY CLOTHING 0860-30-30-30; REFINERYSTORE.CO.ZA; SUPERBALIST.COM; TAKEALOT.COM; TRUWORTHS 021-460-2300; WOOLWORTHS 0860-022-002; YDE 021-460-2800; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MY BEJAARDE MA MAAK MY LEWE BAIE MOEILIK V Ek is in my middel 30’s, ongetroud en selfversorgend. My bejaarde ma woon by my en dryf my teen die mure uit. Sy dink net aan haarself en wil baas wees oor alles. Sy baklei en skel oor alles, asof ek ’n klein kind is. Sy kraak my af en ek bespeur tekens dat…

GEVREESDE BENDEBAAS Hy was een van die mentors in kykNET se talentsoekreeks Maak my famous, en twee jaar gelede het ons hom gesien in die rol van Nathan da Silva, die voorportaalbestuurder en vermaakster in Showmax se Skemerdans. Maar nou sing hy ’n onheilspellender deuntjie in die gedaante van Desmond Galant, die bendebaas oor wie die inwoners van Arendsvlei al lank met soveel vrees praat – al wys hy nou eers in die reeks gesig. “Wanneer Desmond Galant se naam genoem word, kan ’n mens nie anders as om vir hul lewe te vrees nie. Hulle sal liewer die wit vlag hys as om teen hierdie man oorlog te verklaar,” sê Alistair (47). Die Kaapse sanger het aanvanklik nie gedink hy gaan die rol losslaan nie, maar geniet dit om…

HULLE NOEM HAAR CARMINDA Deur E. KOTZE NB Uitgewers, R255* Op 89 verskyn E. Kotze se jongste roman, Hulle noem haar Car minda. Ek ontvang die boek met groot afwagting, want ek is heel moontlik haar vurigste bewonderaar. En nogmaals het hierdie storieverteller van formaat die Weskus en sy mense en taal hier vasgevang soos geen ander nie. Sussie, soos sy genoem word, antwoord heel kort op my vrae asof sy eerder sou wou terugkeer na iets anders wat sy aan die skryf is. Ek hoop so. Vertel iets oor die keuse van die voorbladfoto. Dit simboliseer Carminda se sprong in die onbekende lewe van ’n vissersbestaan in. Die weesmeisie wat Mias langs die langpad opgelaai het – was daar regtig so ’n voorval? Dis heeltemal fiktief. Al die detail…

GROOT BLOKRAAI WEN ’N BOEK VAN LUX VERBI PLUS KOM IN AANMERKING VIR DIE MAANDELIKSE TREKKING VAN R1 000. NO 2 489 KOMPETISIEVRAAG Watter Siriese stad is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Kies die lewe: Leer dans in depressie deur Ivor Swartz (Lux Verbi, R260). Ivor Swartz is ’n depressiekenner. Hy leef al jare daarmee saam. Hy hanteer dit. Hy kies die lewe. In dié boek kyk Ivor na sy eie depressie en pleit dat ons geen mens oordeel oor die keuses wat hulle in hul donkerste tye maak nie. Hy gesels ook oor depressie onder tieners en hoe ons kan help, en reik uit na ouers wie se kind hul eie…

1 In watter land is die Charles de Gaullelughawe? 2 In watter land het die papierkunsvorm origami ontstaan? 3 Watter soort gereg kan jy verwag wanneer jy ’n “bouillabaisse” by ’n restaurant bestel? 4 Wie is tans Suid-Afrika se minister van justisie? 5 In watter land is die Baikalmeer, die wêreld se diepste meer? ANTWOORDE 1. In Frankryk (Parys) 2. Japan 3. Sop. Bouillabaisse is ’n Franse vissop. 4. Ronald Lamola 5. Rusland BRONNE CBSNEWS.COM, NETWERK24.COM, GUINNESSWORLDRECORDS.COM, NYTIMES.COM, SCIENCEALERT.COM, EDITION.CNN.COM, THEGUARDIAN.COM, WIKIPEDIA.ORG, DONTTAKEPICTURES.COM, THE WEEK JUNIOR, COLLINSDICTIONARY.COM…

Jimin (27) is nie die eerste lid van die gewilde K-popgroep BTS wat ’n sololoopbaan aanpak nie. Dis hóé hy dit doen wat jou laat regop sit! Sy soloalbum, Face, is no. 2 op die Billboard 200-albumlys, en sy enkelsnit “Like Crazy” het nou no. 1 gehaal op die Billboard Hot 100. Dit maak hom die eerste Suid-Koreaanse solokunstenaar ooit boaan die laasgenoemde lys. En natuurlik is hy reeds as lid van BTS – saam met Jin, Suga, J-Hope, RM, V en Jungkook – gewoond aan sukses. ◼ Jimin oor sy jongste album: Sy debuutalbum, Face, is einde Maart uitgereik. Dis “rou” en “eksplisiet”, sê Jimin daaroor. “Ek dink net ek kan iets ’n bietjie meer rou oor my wys. Dit kan ook ’n meer volwasse kant insluit, maar waarin…

‘DIE TONELE DRA ALMAL BY TOT DIE STORIE WAT VERTEL WORD’ SY GIGGEL lekker toe sy terugdink aan haar kinderjare toe sy as jong meisie skaam en verleë na intieme tonele op televisie gekyk het. Dáárdie soort tonele wat ’n blosende ouer uit pure skok na die afstandbeheerder laat gryp terwyl hulle die kroos se oë met ’n hand probeer toemaak. Die soort tonele waarna kinders dikwels deur die vingers probeer loer terwyl hulle van skaamkry giggel. Het jy haar toe gevra, sou die aktrise Maude Sandham (31) haar nooit ’n tyd kon indink waar sy sonder skaamkry na sulke tonele sou kon kyk nie – wat nog daarvan om sulke tonele in die fynste besonderhede te beplan. Aanhangers van Binnelanders op kykNET ken haar as die verpleegster Gaby –…

Sedert Succession in 2018 begin wys het, het baie kykers laat hoor hulle dink die reeks se hoofkarakter is losweg gegrond op die mediamagnaat Rupert Murdoch, maar die reeks se skepper, Jesse Armstrong, ontken dit. Tog is daar raakpunte wat moeilik is om mis te kyk. Rupert is die stigter van die News Corpmaatskappy, wat die nuuskanaal Fox News, die fliekateljee 20th Century Fox en die koerante The Sun en die New York Post besit. Logan se ryk bestaan ook uit ’n nuusagentskap, ’n rolprentafdeling en poniekoerante. Rupert het ses kinders uit vier huwelike, en al sy kinders het al in ’n stadium vir hom gewerk. Logan het vier kinders uit drie huwelike, wat ook in sy skadu werk. En nes met Logan is daar ook al wyd gegis hoe…

TOE Elton John vyf jaar gelede aank on dig sy toerloopbaan is verby, was sy aanhangers se harte gebreek. Maar al die trane was toe verniet – of minstens te vroeg – want die musieklegende het darem nie oornag net verdwyn nie. Inteendeel, hy groet al vyf jaar lank, en sy Farewell Yellow Brick Road-afskeidstoer duur steeds voort. Hy het al daarmee in Ierland, Nederland, Noorweë, Finland, Australië, Kanada, Amerika en Engeland opgetree. Daar was ’n paar kinkels langs die pad, soos ’n stilstand gedurende die pandemie en ’n vertraging in 2021 toe hy “ongemaklik op ’n harde oppervlak” geval en sy heup seergemaak het. Maar Elton het daarna weer op sy bus geklim en toer binnekort voort na Duitsland, België, Frankryk en Switserland voor sy reis eindelik in Julie…