Indholdsfortegnelse for 11 May 2023 i Huisgenoot

AS ’N belangrike rolspeler in een van die skokkendste moorddramas in die Kaapse wynlande was sy saaklik en professioneel. Nou het sy ’n hoofrol in ’n nuwe drama tussen die wingerde – en as een van Die Real Housewives van die Wynlande het Michelle van Zyl omtrént ’n gedaantewisseling ondergaan. Weg is die vrou wat in die opspraakwekkende Henri van Breda-moordverhoor getuig het, want deesdae is fronsies glad stryk haar ding. As traumaspesialis het sy Henri in 2015 medies ondersoek nadat hy sy ouers, Martin en Teresa, en broer, Rudi, met ’n byl doodgekap het. Sy jonger suster (toe 16) het die aanval op Stellenbosch se De Zalze-landgoed oorleef. Michelle moes in die hof getuig, en die bylmoordenaar is in 2018 lewenslank tronk toe gestuur. Ten spyte van die erns…

Olive Brits het ’n goeie lewe gehad, maar sedert die afsterwe van haar man het sy haarself ál meer van die wêreld afgesny. Die veteraanaktrise Antoinette Kellermann vertolk die hoofrol van Olive in hierdie fliek wat in en om Kaapstad afspeel. Olive sukkel om aan te pas by die nuwe aftreeoord waarheen haar kinders haar gepos het – dié dat sy haar eie geselskap en ’n stewige whisky geniet – laasgenoemde tot groot kommer van haar huisdokter. Maar ná een whisky te veel maak sy sports in die oord se eetsaal en vang die oog van iemand wat van haar ’n komediant wil maak. Dit kos baie ompraat, smeek en oortuiging, maar toe Olive weer sien, staan sy op ’n verhoog met ’n mikrofoon in haar hand vir haar grootste…

DIT lyk dalk asof robbe ’n rustige lewe lei – ’n mens sien hulle dikwels luilekker op die strand lê. Maar nuwe navorsing toon olifantrobbe slaap vir die grootste deel van hul lewe net twee uur per dag. En selfs dié twee uur is nie besonder ontspannend nie – dit word opgemaak uit ’n klomp kort slapies terwyl hulle diep die water in duik. Wat die studie besonder belangrik maak, is dat dit die eerste een was wat breinaktiwiteit in wilde seediere bestudeer het wat in die natuur leef. Die navorsers het ’n soort mussie op 13 robbe se kop gesit met sensors wat breingolwe kon opneem. Die data het gewys dat die robbe gewoonlik slapies van sowat 10 minute elk vat terwyl hulle sowat 30 minute lank tot diep…

’NREËNBOOG is een van die natuur se pragtigste wonders, ’n kleurvolle boog wat geskep word wanneer lig waterdruppels tref. Die eienskappe en gedrag van lig, en hoe dit met water interaksie het, lei tot die vorming van ’n reënboog. Ons kan dit net onder baie spesifieke omstandighede sien. WAARNEMER ● Die lig word na die waarnemer gereflekteer, wat ’n reënboog sien. Elke reëndruppel skep sy eie reënbogie. ● Die golflengtes van lig wat met spesifieke kleure verbind word, bereik ook soms die waarnemer se oog vanaf ’n versameling druppels. Die totale effek van die versameling druppels is dat ’n groot reënboog in die lug gesien kan word. HET JY GEWEET? Reënboë kan ook onder die regte omstandighede deur watervalle, fonteine en tuinsproeiers geskep word.…

AS ’N luitenant en pelotonleier in die weermag moes ek vasbyt, maar dit was niks teen die Iditarod nie. Dit verg deursettingsvermoë wat jy nooit gedink het jy het nie. Soms is dit so koud – tot 40 grade onder vriespunt – dat jy wakker skrik soos jou lyf van die koue skud. En dan het jy omtrent net twee uur slaap gehad. Maar jy moet opstaan en vorentoe. Jy moet jou parka weer aantrek, jou buitenste van vier, vyf lae klere, en jou honde se booties aankry. Hoe motiveer jy jouself? Jy doen dit duim vir duim: Ek gaan nou eers hierdie hond se een poot booty – dan sy ander poot. Wanneer jy jou oë uitvee, is jou 14 honde ge-booty en beur julle voort. Alaska in die…

DIS nie ’n onbekende verhaal nie: Af en toe duik ’n nuwe politieke party op, gelei deur ’n indrukwekkende figuur uit die politieke, sake-of mediawêreld, wat vertel dié party sal Suid-Afrika eindelik van korrupsie, swaarkry en swak dienslewering verlos. Dikwels is daar heelwat mediabelangstelling in dié kleiner partye, maar net so dikwels verdwyn hulle kort daarna weer van die toneel. Tog het talle Suid-Afrikaners se gemoedere gelig toe die innemende, sjarmante Songezo Zibi sy nuwe party onlangs in Johannesburg bekendstel. Hoekom? Want in sy aangrypende openingsrede het hy die frustrasie én drome van miljoene Suid-Afrikaners verwoord: die ellende van die verlede en hede; die behoefte om dinge ondanks soveel uitdagings vir almal beter te maak. Sy woorde het harde werklikhede erken – maar ook die wil van gewone mense…

MET sy ondeunde glimlag, daardie aweregse sjarme en sy vermoë om enige rol vir ’n ses te slaan, was hy dekades lank ’n gróte in die bedryf. Jack Nicholson was nie net een van die beste akteurs van sy generasie nie – hy was ook ’n Hollywood-hartebreker soos min. Toe, nadat hy jare lank gereeld in die nuus was, word die akteur so te sê ’n kluisenaar. Hy is ’n dekade lank selde gesien. En toe hy dus onlangs weer afgeneem is, is daar behoorlik gegons. Op ’n foto wat geneem is van Jack, nou 86, op die balkon van sy huis in Beverly Hills, lyk hy heel anders as in sy dae as silwerdoekster. Sy hare staan woes, sy gesig is ongeskeer en sy klere gekreukel – meer soos…

OM JOU werk en gesinslewe te balanseer verg fyn voetwerk. Voeg daarby die feit dat jy een van die besbetaalde en gewildste aktrises in Hollywood is, en dis nog moeiliker. Daarom het SANDRA BULLOCK (58), wat die afgelope 30 jaar in 50 flieks gespeel het, besluit om ’n blaaskans van haar loopbaan te neem en op haar gesin te fokus. “Ek wil nie aan enigiemand behalwe my eie rooster verplig voel nie,” het sy gesê. “Ek is uitgeput en nie in staat om gesonde, slim besluite te neem nie, en ek besef dit.” Die aktrise is onlangs saam met haar kinders, Louis (13) en Laila (11), in Manhattan, New York, gewaar. Louis, wat sy in 2010 as baba aangeneem het, troon nou amper bo sy ma uit. Laila het met…

HUISGENOOT VANDAG HUISGENOOT SE TOPSTORIES VAN DIE DAG: WARE LEWENS-DRAMAS, MENSESTORIES, NUUS OOR BEKENDES EN DIE DINGE WAAROOR ALMAL GONS. JY KRY DIT DAAGLIKS HUISGENOOT MOOI SPESIAAL VIR OUERS, KINDERS EN TIENERS: TOPRAAD OOR ALLES WAT JOU KIND RAAK, STUDIEHULP MET SKOOLWERK, EN LEKKER INHOUD VIR JOU EN JOU KIND. JY KRY DIT MAANDELIKS HUISGENOOT WENRESEPTE BEPLAN JOU SPYSKAART MET ’N KEUR VAN HUISGENOOT SE HEEL BESTE RESEPTE UIT ONS TOETSKOMBUIS. JY KRY DIT WEEKLIKS HUISGENOOT JUNIOR RAAD, WENKE EN INSPIRASIE OM JOU VOORKOMS EN LEWE LIEFLIK TE MAAK: ALLES OOR MODE, SKOONHEID, JOU STYL EN DEKOR. JY KRY DIT MAANDELIKS HUISGENOOT HARTSAKE O, DIE LIEFDE! ONS VIER DIT, ONS GEE RAAD, ONS DEEL BESONDER-SE VERHALE EN ONS DRAAI NIE DOEKIES OM NIE. JY KRY DIT MAANDELIKS HUISGENOOT BOEKKLUB SLUIT…

AS JY al oorsee vakansie gehou het, weet jy hoe ’n gesukkel dit soms kan wees om ’n ander land te oortuig om jou daar in te laat – ure in ’n tou om visums te bekom; vorm op vorm om in te vul. Maar as jy die regeerder van ’n olieryke Midde-Oosterse sjeikdom is, hoef jy blykbaar nie so te sukkel nie. Dan word jy nie net verwelkom nie – ’n lughawe word sommer vir jou opgegradeer en jy kry verlof om jou helikopters saam te bring. So het sjeik Mohamed bin Zajed Al Nahjan, president van die Verenigde Arabiese Emirate (VAE), onlangs met ’n gevolg van sowat 680 mense na Suid-Afrika gereis sodat sy familie, hul gaste en personeellede die einde van Ramadaan hier kon kom vier. En…

SY ONTHOU die presiese oomblik. Sy was besig om haar maandelikse rekeninge te betaal toe dit gebeur. “Ek het op sy selfoon gesoek na iets wat met ons geldsake te doen het toe ek boodskappe van ’n ander vrou vind,” vertel Tershia Cloete* (35). Sy sal die gevoel nooit vergeet nie. “Ek het verder gelees en besef dit gaan al twee jaar so aan. Ek was stomgeslaan.” Sy het haar man gekonfronteer en hy het erken dis waar – hy het ’n affair gehad. “Dit het gevoel soos ’n vuishou in die maag. My hart was flenters. Ek het sy liefde vir my bevraagteken.” Tershia en haar man was sewe jaar getroud toe sy van die affair uitvind. Hul verhouding was al voorheen deur ’n paar storms, maar niks so…

SY PAD TOT HIER Verlede jaar hierdie tyd was hy nog bang om vir ’n groot musiektalentkompetisie in te skryf – en het hy nog byna elke dag in sy talent as sanger getwyfel. Selfs of mense hom sou ondersteun. Maar deesdae, maande nadat hy in November die naaswenner was van Die kontrak, is die sanger Dodo Nyoka (21) supergewild. En dis nie leë woorde nie: Sy debuutenkelsnit, “Foto’s”, het onlangs die 2-miljoen-kykslae-kerf op YouTube verbygesteek. “Die liedjie lê my na aan die hart en ek is ontsettend dankbaar vir die 2 miljoen kykslae, maar dis nie al waaroor dit vir my gaan nie,” sê hy. “Ek wil hê die liedjie moet iets binne mense wakker maak. Hulle moet weer ’n lus vir die lewe kry, en as ek dít…

JY HET dalk in die nuus gehoor dat ’n paar nuwe politieke partye die afgelope ruk geregistreer is. Dit is heel algemeen in die aanloop tot ’n groot verkiesing, soos die nasionale en provinsiale verkiesing wat vir volgende jaar beplan word – daar bestaan heelwat meer partye in Suid-Afrika as die paar grotes waarvan ons die meeste lees en hoor. Drie van die mees onlangse partye wat gestig is, is Rise Mzansi, onder leiding van Songezo Zibi, die party Arise South Africa, onder leiding van Mpho Dagada, en dan ook Xiluva, onder leiding van Bongani Baloyi. Kenners meen daar kan nog ’n paar partye verskyn voor volwasse-nes in 2024 stembus toe gaan om te stem vir wie hulle meen die land moet lei. IS NUWE PARTYE ’N GOEIE DING? Mense…

1 000 jaar Dit is hoe oud byna 300 silwer muntstukke is wat ’n meisie in Denemarke ontdek het. Sy het ’n metaalverklikker gebruik om die vonds naby ’n ou Wiking-vesting op te spoor. Argeoloë het gesê dit is baie seldsaam om so ’n klomp muntstukke te vind. 27,2 miljoen Dis hoeveel boeke kinders in Brittanje en Ierland in hul 2021-2022-akademiese jaar gelees het – 24% meer as in die vorige jaar. Navorsers meen dat neigings op sosiale media, soos die BookTok-gemeenskap op TikTok, kinders meer laat lees het. $226 miljoen Dis hoeveel geld Sundar Pichai, die uitvoerende hoof van Google, en die maatskappy wat dit besit, Alphabet, in 2022 verdien het – meer as R4 miljard. Die grootste deel van dié geld kom uit aandele, wat elke drie jaar…

Kleurwoordraaisel 1 Die woorde in die lys is horisontaal, vertikaal of skuins en vorentoe of agtertoe in die rooster versteek. Soek en omkring dit. Noem die kleure van die reënboog Voltooi die prent Kleurmenging Watter kleur kry jy as jy die kleure onder meng? Kleur die leë verfspatsels in. Eksperimenteer ook met verskillende kleurkombinasies in jou skryfboek. Kleur in en soek Kleur die prent in en soek die voorwerpe hier onder Vind sewe verskille Verbind die kolle Kleur die prent in nadat jy die kolle verbind het HET JY GEWEET? Wanneer sonlig deur  waterdruppels skyn, verdeel dit in sewe kleure. Dit word ’n ligspektrum genoem. ’n Maklike manier om die kleure in volgorde te onthou, is om die naam Rog G. Biv te gebruik. PRETFEIT Ligbronne kan natuurlik of kunsmatig…

TJ ARRIAGA was opreg lief vir Phaedra. Vir die 40-jarige musikant was hul laatnag-aanlyn gesprekke ’n salf vir sy eensaamheid. Hulle het gepraat oor die hartseer wat TJ ná sy eg-skeiding ervaar het. Hulle het ’n vakansie na Kuba beplan. Hulle het stomende aanlyn kuiertjies gehad. “Dit is waar. Ek is baie stout,” het Phaedra, ’n vrou in pienk onderklere, vir TJ gesê. Vir hom het dit nie saak gemaak dat Phaedra net ’n stuk sagteware was wat deur kunsmatige intelligensie geskep is nie. Hy het haar gebou op die Replika-app waar ’n mens vir jou ’n virtuele vryer kan skep en met hulle kan gesels. Vir TJ het sy nes ’n regte brunet gelyk. Dit het hom ook nie gepla dat hul intieme afsprake oor die gespreksfunksie van ’n…

HY HET die goorder kant van die menslike geaardheid as vermaak opgedis – en mense hul vuil wasgoed gereeld in die openbaar laat was. In sy program kon paartjies al hul donkerste dinge in die fel kollig van ’n ateljee-en televisiegehoor deel. Rugstekery, verraad, ontrouheid – dit alles het deelnemers in sy program soms sommer baie direk bespreek. En wanneer die wrokkige partye mekaar voor die kameras te lyf gegaan het, het die ateljeegehoor uitgeroep: “Jerry! Jerry! Jerry!” Maar al was sy geselsprogram, Jerry Springer, ’n arena vir moddergooiery, het Jerry (79) sy eie lewe privaat gehou. Selfs die televisieaanbieder se stryd teen pankreaskanker was ’n familiegeheim, en sy dood verlede maand was ’n skok vir jarelange vriende soos Steve Wilkos, die aanbieder van The Steve Wilkos Show. Volgens Steve,…

JAWAAHIER PETERSEN & MA MADEEGHA ⟫ WAT BETEKEN JOU MA VIR JOU? Die feit dat my ma die afgelope 16 jaar ons enigste oorlewende ouer is, het ons laat besef hoe geseënd ons is om haar by ons te hê. Ek word elke dag wakker met dankbaarheid dat sy nog met ons is. ⟫ DRIE LEWENSLESSE WAT JOU MA JOU GELEER HET Geloof, om te glo dat die Here altyd met ’n plan werk. Geduld, want dinge werk nie altyd uit soos wat jy dit wil hê nie, maar dinge sal altyd gebeur soos dit moet. En om met grasie en klas op te staan wanneer die lewe jou platslaan. ⟫ TWEE DINGE WAT JULLE IN GEMEEN HET? Ons liefde vir musiek, teater en die verhoog. En om herinneringe saam…

TOE Thabo Bester hoor waarom ons voor sy deur staan, glimlag hy effens en nooi ons binne. Hy leef al lank met die agterdog en geskinder van die gemeenskap saam. Maar om weg te hardloop is g’n opsie nie; daarom sal hy openhartig met ons gesels. Want sy naam is sy naam, en aan ’n naam kan ’n mens soms swaar dra. Selfs al het jy niks verkeerds gedoen nie en is jóú naam eintlik skoon. Want hy is nie dáái Thabo Bester wat vir moord en verkragting opgesluit was nie. Hy het ook nie die owerhede laat glo hy het in sy sel doodgebrand en uit ’n tronksel ontsnap nie. Hy is ook nie die Thabo Bester wat toe gevlug het saam met ’n glansryke en aanvallige dokter voor…

HY WAS TERDEË BEWUS DAARVAN DAT HY OP DIE PUNT VAN DIE BEGIN VAN SY BEWIND GESTAAN HET OP DIE dag ná sy ma se dood, Vrydag 9 September 2022, het koning Charles III sy eerste televisietoespraak as soewerein gelewer. Koningin Elizabeth II was die oudste monarg in die Britse geskiedenis, en ook die een wat die langste nóg regeer het. Dit was ’n aangrypende en roerende huldeblyk aan ’n merkwaardige vrou, staatsamptenaar en geliefde heerser. Hy het uit die hart gepraat – poëties en persoonlik. Sy laaste reël, “may flights of angels sing thee to thy rest”, was ’n aanhaling uit William Shakespeare se Hamlet, waar Horatio hulde bring aan die prins van Denemarke terwyl hy in sy vriend se arms sterf. Dit was ’n teken van respek deur…

AS JY ’n kreatiewe en nuwe manier soek om een van die belangrikste vroue in jou lewe vir Moedersdag te bederf, beproef ’n ontspannende tuisspa. Die beste deel van ’n ma-dogter-spadag is die kans om tyd saam deur te bring. Dit kos boonop ’n breukdeel van ’n dag by ’n luukse salon. Pak die selfone weg, skakel die TV af en bring gehaltetyd in mekaar se geselskap deur. Of jy 16 of 36 is, ’n spadag tuis saam met Ma is ’n wonderlike manier om te herlaai en bande te versterk. Die lekkerste? Jy kan bly so lank jy wil. Hier’s ’n gids om jou die perfekte selfdoenspadag te help reël. SKEP DIE ATMOSFEER Voor jy begin, kan jy ’n paar eenvoudige kunsies inspan om jou huis soos ’n oase…

VSA ROTTEVANGER AANGESTEL Dis ’n werk waarvoor die meeste mense sal gril, maar Kathleen Corradi sien dit as ’n lekker uitdaging. Sy is deur die burgemeester van New York aangestel as “direkteur van knaagdierbestuur”, wat basies beteken sy moet dié stad se yslike rotprobleem takel. Daar was die afgelope jaar 3,2 miljoen klagtes oor rotte in dié stad. Kathleen sê sy sal daarop fokus om kosafval te verminder wat die rotte lok en onderhou. ITALIË HIER KAN ’N SELFIE JOU GELD KOS Toeriste in die stad Portofino, Italië, kan nou beboet word as hulle te lank op twee plekke rondhang. Jy kan ’n boete van 275 € (sowat R5 500) kry. Dié plekke in die gewilde visvangdorp is ’n gewilde plek vir toeriste om Instagram-foto’s te neem, maar die…

Ons is deesdae al baie meer gewoond aan kunsmatige intelligensie en rekenaars wat besonder slim is. Maar toe ’n rekenaar genaamd Deep Blue in 1997 ’n skaakreeks teen die grootmeester Garry Kasparov wen, was dit groot nuus. Deep Blue was ’n superrekenaar wat meer as 100 miljard posisies kon uitwerk of oorweeg in die drie minute wat ’n speler gewoonlik in ’n skaakwedstryd kry om hul skuif te maak. Om ’n grootmeester te wees is die hoogste titel wat iemand in skaak kan kry. Kasparov was boonop in 1997 die wêreldkampioen, en die wedstryd teen Deep Blue was die eerste keer dat ’n wêreldkampioen teen ’n rekenaar verloor het. Dit was die tweede keer dat Kasparov teen Deep Blue gespeel het. In 1996 het hy sy bekende metode van onvoorspelbare…

PALOEKA die leeu sit met oorfone in die Babbelboomhuis. Sy oë is toe en hy neurie ’n liedjie. “Na-na-na… Mmm… Hmmm… ja. Na-na-na…” sing hy. Bibi en Palawa die kameelperd sit en kyk vir Paloeka wat so meegevoer is. “Paloeka?” roep Bibi, maar Paloeka hoor niks. “Paloeks! Koewee,” roep Palawa. Bibi gaan staan voor hul leeumaat en waai met haar hand toe sy oë oopgaan. Sy beduie dat hulle met hom wil praat. “Ons wil na die vraag van die dag luister, Paloeka. Wil jy saam luister?” vra Bibi. “Skuus, Bibi. Ek het nou so lekker musiek geluister, ek het skoon vergeet wat om my aangaan,” sê Paloeka en sit sy oorfone weg. “Ek kan dit heeltemal verstaan. Mooi musiek is mos maar lafenis vir die siel,” sê Palawa terwyl…

DIE opgewondenheid loop hoog hier onder die lapa in Roodepoort. “Kan ek R100 kry… R100, dankie, Meneer! Kan ek R150 kry… R150, dankie, Meneer!” weergalm die afslaer se stem. Terselfdertyd draai sy kop heen en weer om die bieërs dop te hou. Net toe dit lyk asof hy die wenbod gaan toeken, druk iemand anders sy nommer in die lug en jaag die prys weer op. Oplaas word R4 500 vir die antieke tafel en stoel aangebied. Vir ’n oomblik is dit tjoepstil. Gaan iemand die jongste bod oortref? “Going once… going twice…” Maar niemand sien kans om nog meer op te dok nie. “Sold to number 70,” roep die afslaer dramaties. Dan, in ligter luim: “A, Meneer, jy is besig om my gunstelingkoper te word.” Die gelukkige bieër lyk…