Indholdsfortegnelse for 25 May 2023 i Huisgenoot

1 WEWENAARS DEEL HUL SMART Weduwees het al ’n beurt gehad. Onlangs het ook wewenaars hul harte oopgemaak oor hierdie moeilike alleenreis in ons rubriek “Vra vir Irma” Ek is nou al amper drie jaar ’n wewenaar en steeds alleen. Dit voel vir my ek verkul my oorlede vrou as ek met ander vriendinne op Facebook praat. So, ek voel ek wil maar liewer alleen wees, en ek is steeds gelukkig. JAN Jan, dit neem ’n ruk om aan te pas. Maar jy weet darem sekerlik in jou hart jy verkul haar nie regtig nie. En ’n mens mag sekerlik tog weer liefhê. Baie sterkte vir jou en almal wat al ’n geliefde verloor het RIA Ek weet dis veral vir mans moeilik om alleen aan te gaan. Maar in ons…

RAMEN met STEAK GENOEG VIR 4 MENSE / BEREIDING: 10 MIN. / GAARMAAK: 30 MIN. STEAK ◗ 300 g bees-of varksteak van jou keuse◗ 5 ml (1 t) Chinese vyfspeserye◗ sout◗ 15 ml (1 e) olie SOP ◗ 15 ml (1 e) olie◗ 2 stingeluie, gekap◗ 2 knoffelhuisies, gekap◗ 10 cm vars gemmer, gekap◗ 1-2 rooi brandrissies, gekap◗ 250 g sampioene van jou keuse◗ 500 ml (2 k) beesvleisaftreksel◗ 125 g ramen-of eiernoedels◗ 300 g babaspinasie◗ 15 ml (1 e) sojasous◗ 15 ml (1 e) vissous◗ 15 ml (1 e) rysasyn of lemmetjiesap◗ 30 ml (2 e) soet brandrissiesous AFRONDING ◗ 4 eiers, sag gekook en gehalveer◗ 15 ml (1 e) sesamsaad◗ vars kruie, indien verkies 1 Steak Geur die steak met die speserye en sout. Smeer die steak met…

KRY DIT HIER @ HOME BY HOME.CO.ZA 0860-834-834; BUILDERS.CO.ZA 0860-284-533; CLMHOME.CO.ZA 087-163-0155; DECOFURNSA.CO.ZA 087-049-4155; MAKRO.CO.ZA 0860-600-999; MRPHOME.COM 064-584-1000; PEDERSENLENNARD.CO.ZA 021-447-2020; TRESTLESOUTHAFRICA.CO.ZA CARON@TRESTLESOUTHAFRICA.CO.ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

’NLESER het onlangs navraag gedoen oor eiendom wat ’n mens van die ontwikkelingsplan af koop, oftewel “off-plan”-eiendom. Hier is sewe nuttige dinge wat jy hieroor moet weet. 1 WAT IS DIT? Eiendom wat ’n mens kan koop wat nog gebou moet word – gewoonlik losstaande huise of deeltitels in ’n ontwikkeling. Jy sien net die grafiese voorstelling van die eenhede, tuine en ander geriewe wat nog gebou en aangelê moet word. Sulke ontwikkelings het gewoonlik skoueenhede waarna voornemende kopers kan kyk. 2 WAT IS DIE VOORDELE? ◼ Gewoonlik neem die waarde van eiendom toe. Veral as jy in die beginfase van ’n ontwikkeling koop, kan die waarde baie groei. Dus is baie sulke eiendomme ’n goeie belegging, veral vir “eerste kopers” of as jy dit wil verhuur. ◼ Ontwikkelaars probeer om aan…

Sy het die musiekwêreld aan die praat. Die moerasprinses. Ja, jy het reg gelees. Die Amerikaanse rapper Doechii verwys na haarself as die “swamp princess” – en dit het niks met slange en krokodille te doen nie: Sy is net van Florida, waar baie moerasse voorkom. Doechii (24) is die einste rapper wat vroeër vanjaar groot opslae by die Coachella-musiekfees gemaak het. Sy is uniek en waag kanse – en mense is gek oor haar. O, en sy kan die tonge behoorlik laat klap: soos toe sy kaalbas in die musiekvideo vir haar liedjie “Crazy” verskyn het. Haar jongste uitreiking is hier. Die liedjie, “What It Is”, is in samewerking met Kodak Black, ook ’n rapper, uitgereik. Die musiekvideo daarvoor is in die afgelope maand al byna 6 miljoen keer…

ONGESONDE ONDERSOEK Die dokter ondersoek Faan: “Goeiste, alles is so hoog vandag! Jou koors, jou bloeddruk, jou cholesterol…” Faan: “Dis omdat ek dink aan hoe hoog jou fooi gaan wees.” HESTER, NAMIBIË MEER KAF AS KORING Eerste boer: “My koring staan vanjaar so miserabel, nog nie eens ’n hand hoog nie.” Tweede boer: “Dit is nog niks, my koring staan so sleg dat die sprinkane op hul knieë moet lê om dit af te vreet.” L. SAAYMAN LEENOOREENKOMS ’n Bedelaar sit buite ons kantore op die sypaadjie. Toe ek die middag uitstap om huis toe te gaan, keer hy my voor en sê: “Gee my asseblief R100 tot betaaldag.” Ek, sarkasties: “En wanneer is betaaldag nogal?” Hy, verbaas: “Hoe moet ék weet? Jy’s die een wat werk.” SAN MARCHAND GEEN…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 493 KOMPETISIEVRAAG Watter tydverdryf is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Klikbek deur Sidney Gilroy (Human & Rousseau, R300). Die Bloemfonteinse speurder Sollie Mthembu lê snags wakker. Sy vrou se ambisies is besig om vinniger as sy salaris te groei. En by Parkwegstasie sien niemand hom raak nie. In Oktober word Tillman Wagenaar, ’n ryk boer en ou vriend van die polisiekommissaris, in ’n lokval gelei. Twee dae later word hy deur sy familie as vermis aangemeld en Sollie word gestuur om die “verdwyning” te ondersoek. Maar kort nadat hy…

❶ Ursula, die wrede en wraaksugtige seeheks, is half-vrou en half-wat? ◻ A: Dolfyn ◻ B: Meermin ◻ C: Seekat ❷ Wat is Ursula se verhouding tot koning Triton? ◻ A: Sy is Triton se suster. ◻ C: Sy is sy niggie. ❸ Die verhaal speel af in die 1830’s, en Ariel is die prinses van watter ondersese koninkryk? ◻ A: Bikini Bottom ◻ B: Atlantica ◻ C: Tahiti ❹ Ariel verruil wat vir ’n paar bene met die heks Ursula? ◻ A: Haar mooi stem ◻ B: Haar lang hare ◻ C: Haar pa se kroon ❺ Hoeveel susters het Ariel? ◻ A: Vyf ◻ B: Ses ◻ C: Sewe ANTWOORDE: 1: C, 2: A, 3: B, 4: A, 5: B…

DIE spekboom is ’n taamlik vinnig groeiende boom wat inheems aan Suid-Afrika en wêreldwyd gewild in tuine is. Dit het ’n buitengewone vermoë om hope koolstofdioksied uit die atmosfeer op te neem en te berg. Die baie koolstofdioksied in ons lug is verantwoordelik vir aardverhitting, so die spekboom is ’n belangrike boom in die stryd teen die klimaatskrisis. NATUURLIKE HABITAT EN VERSPREIDING Spekbome verkies droë, warm gebiede. Hulle kom veral voor op rotsagtige heuwelhange, in bosveld en droë valleie van die Oos-Kaap en dele van die Wes-Kaap noordwaarts na Kwa-Zulu-Natal, Swaziland, Mpumalanga en Limpopo, asook Mosambiek. VEGTER TEEN DIE KLIMAATSKRISIS Die boom is al ’n uitstekende “koolstofdioksiedspons” genoem en kan tot 100 keer soveel koolstofdioksied opneem as ’n denneboom van ’n soortgelyke grootte. Tussen 2,9 en 8,6 ton koolstofdioksied per…

CHOUPETTE het ’n probleem. Sy is na meer spogpartytjies genooi as wat haar program toelaat, en haar hanteerders kan nie besluit watter A-lys-geleentheid die beroemdste kat ter wêreld sal laat spin en watter haar sal laat naels wys nie. Jy sien, haar eertydse eienaar is in die nuus. Die modewêreld het reggemaak om die ontslape legendariese ontwerper Karl Lagerfeld, ook bekend as Monsieur Choupette, op vanjaar se Met Gala vroeër vandeesmaand in New York te vereer. In daardie tyd het sy beroemde kat in die jongste uitgawe van Vogue verskyn – in die arms van Naomi Campbell op ’n foto wat deur die ikoniese fotograaf Annie Leibovitz geneem is. Daarbenewens word ’n biografiese rolprent oor Karl beplan met Jared Leto in die hoofrol, en ’n Disney+-reeks, Kaiser Karl, met Daniel…

JOU GESPREKKE EN STELLINGS Hou op voorgee dinge is normaal en hou op stilbly om die vrede te bewaar. Gesonde verhoudings verg moeilike gesprekke en grense. OM TE HELP TEENOOR IEMAND IN SY KWAAD STERK Dit is noodsaaklik om bewus te wees van die verskil tussen help en dit vir hom moontlik maak om skadelike gedrag voort te sit – of hom te “enable” soos dit in Engels bekendstaan. Om ander te help sal nie vir jou nadelig wees nie, maar om hulle in staat te stel sal wel. Hierdie gedrag is voorbeelde van “enabling” en is nie nuttig nie: ◼ Om die negatiewe keuses van ander te verskoon. ◼ Om te ignoreer dat iemand ’n probleem het. ◼ Om dinge vir mense te doen wat hulle vir hulself kan…

DIE eerste jare nadat kanker van die rektum by Bertie du Plessis gediagnoseer was, kan hy net met een woord beskryf: “Hel. Dit het fisiek gevoel asof ek in die hel is.” Die een mediese ingryping het op die ander gevolg – operasies, breuke wat in sy maagwand herstel moes word, ’n verstopte kolon wat skoongemaak moes word. Elke keer net ’n tydelike oplossing terwyl die onbeskryflike pyn in sy ingewande voortgeduur het. ’n Mens kan dus so half verstaan dat Bertie ’n punt bereik het waar hy vir enige behandeling sou kans sien, ongeag hoe vreemd. Selfs toe sy dokter met ’n vreemde voorstel na hom kom: om ’n stuk varkvel in sy ingewande oor te plant. Baie mense dink ’n vark is ’n verspotte of selfs onrein dier.…

HAAR hare is maanligblond gekleur en in perfekte krulle geset. Haar linkerwang het ’n enkele moesie, haar lippe is ’n glansende rooi geverf, en sy praat in ’n hees, sexy stem. Sy is Marilyn Monroe uitgeknip – en dis die grootste kompliment wat enigiemand ooit vir Jasmine Chiswell (29) kan gee. Want in ’n wêreld vol Marilyn Monroe-nabootsers is sy die onbetwiste koningin. Vir haar verteenwoordig die onsterflike Hollywood-sekssimbool ’n tydperk waarin sy wat Jasmine is ook vir altyd wil lewe. Sy dra net 1950’s-uitrustings, en selfs haar huis het eens aan Marilyn behoort. “Ek was nog altyd lief vir Marilyn,” sê Jasmine. “Sy het styl en selfvertroue gehad, en dit is iets wat ek bewonder.” Sy’s ook nie al een nie. Jasmine het 16,5 miljoen volgelinge op haar TikTokprofiel,…

‘Kyk, dis ’n raaisel, dis baie opwindend. Maar dit is skrikwekkend en jy kan net jou bes doen’– ROBERT DE NIRO SY LOOPBAAN strek oor meer as ses dekades en hy word later vanjaar 80. Daarom het dit nogal ’n beroering veroorsaak toe die akteur ROBERT DE NIRO onlangs laat val hy en sy meisie, TIFFANY CHEN (45), het ’n baba verwelkom. Die Oscarwenner, wat al oupa is, was besig met ’n onderhoud vir Entertainment Tonight oor sy jongste fliek, About My Father, toe die verslaggewer hom oor sy ses kinders uitvra. Hy het haar reggehelp deur te sê: “Eintlik sewe. Ons het pas ’n baba gehad.” ’n Paar dae later het hy bekendgemaak sy en Tiffany se dogter heet Gia Virginia. Hy het gesê die swangerskap was beplan en hulle…

MINDY KALING (43) van The Office spog trots met haar bikinilyf in ’n advertensieveldtog vir haar nuwe swemdragreeks, Mindy x Andie Swim Collection. Mindy, wat voorheen gesê het sy het al daarmee vrede gemaak dat sy “haar lewe lank mollig” sal wees, het die afgelope paar jaar omtrent 18 kg afgeskud. “Ek voel deesdae baie selfversekerd en gemaklik in my vel, iets wat ek ongelukkig nie altyd kon sê nie,” het sy aan People gesê. “Ek voel fantasties.” Haar geheim? Minstens 30 km se stap per week, oefeninge met gewigte en porsiebeheer. Sy erken dis moeilik om tyd vir oefening in te ruim terwyl sy haar kinders Katherine (5) en Spencer (2) versorg. “Dit is moeilik met twee kinders. Ek staan vroeg op sodat ek dit kan inpas, en leef…

AFDELINGS • Poësie• Prosa• Redenaars• Sang INSKRYWINGS Dit kos R120 per afdeling om in te skryf. Jou betaalde inskrywing gee jou toegang tot ’n eksklusiewe aanlyn meesterklas deur ’n vermaakkunstenaar wat topwenke vir jou optrede sal deel. Deelnemers word ’n sertifikaat toegeken gegrond op meriete: goud, silwer of brons! HOE WERK DIT? Skryf in en kyk na die afdeling waarin jy wil deelneem se meesterklas – kom leer by die bestes in die kunste-en vermaakbedryf! Deel dan op die webtuiste ’n video-opname waarin jy in Afrikaans: ◼ ’n liedjie sing, ◼ ’n gedig voordra, ◼ ’n stuk prosa voordra of ◼ as redenaar jou toespraak lewer. Besoek eisteddfod.huisgenoot.com om deel te neem. PRYSE Daar is lekker kontantpryse en Bubblegum Kids-opvoedkundige tabletrekenaars op die spel! Een deelnemer word aangewys as Huisgenoot…

DIE dag toe sy klein prinsessie se turkoois oë hom in ’n droom besoek, was die dag dat hy dit met sekerheid besef het: Hy gaan pa word. “Ek het gedroom drie van my oorlede familielede staan om die kombuis se eiland in my ouma se huis. Hulle het saamgedrom en na iets gekyk. Op die tafel het hierdie klein dogtertjie gesit, en sy het met haar potblou oë na my gekyk,” vertel die sepiester Clint Brink (42) vandag. Dáárdie droom was nie sommer net iets wat hy soos die slaap uit sy oë en uit sy geheue gevryf het nie. Vandag sit hy en sy vroulief, Steffi van Wyk-Brink (31), ’n fiksheidsmodel en voormalige deelnemer aan Survivor, met ’n klein bondeltjie liefde. En dié nuwe ouers straal behoorlik. “Ná…

Besoek huisgenoot.com om die twee wenners se video’s te kyk. EEN is ’n bloedjong skaapboertjie uit eie reg; die ander een ’n tiener-hoenderboer wat ook ’n passie het vir boerbokke. Nog voor vandag het hulle klaar baie in gemeen gehad: Albei is gek oor die plaaslewe, hulle wil nét boer en is toevallig albei van die Wes-Kaap. En nou voeg Hendrik Lotter (5) van Caledon en Hendré Walters (17) van Malmesbury nog iets by dié lysie: Die twee is pas as Huisgenoot en Landbou weekblad se twee Junior Boertjies aangewys. Inskrywings vir ons Junior Boertjiekompetisie het vroeër van reg oor die land ingestroom – en glo ons maar, die kompetisie was straf. Ons 10 finaliste is in April bekendgemaak, en nou, nadat die publiek ’n maand lank hul stemme kon…

IN DIE MODE BAIE BLINK Verdryf die grou weer met glinsterende materiale. Kies items wat soos foelie lyk of van blinkertjies vonkel. IN DIE MODE DYHOOGTESTEWELS Dra rompe en sykouse by stewels wat tot oor die knie kom vir ’n modieuse voorkoms. IN DIE MODE VROLIKE FUCHSIA Pryk hierdie koue seisoen in helderpienk – jy sal na hartelus kan kies uit alles van effekleur tot patrone. IN DIE MODE DIKSOOLSTEWELS Trek aandag met platformskoene in alle style en kleure. Kombineer dit met rompe vir ’n voorkoms wat hard skop. IN DIE MODE FANTASTIESE FRAIINGS Voeg beweging, drama en houding by jou voorkoms met fraiings en tossels. IN DIE MODE POF JOU OP Wikkel jou warm toe in pof-items. Kies ’n kort baadjie vir ’n laag-op-laag-voorkoms of een in ’n kleur…

FEESPRET PRODUKSIES • Liewe Heksie vang vis• Last Stop on Market Street• Lollos!• Little Red and the Wolf• Little Maestros• Tjiff en Tjaff• Clever Classical Kids• Helenè Bester en Kristi Kat op die plaas• Curious Thandeka and the Secret of the Forest• A Gold Star for Faizel AKTIWITEITE • Musiekdemonstrasies• Kookdemonstrasies deur Marinda Engelbrecht• ’n Oop verhoog met ’n program propvol kindervermaak• ’n Buitespeelarea met springkastele, ballonkunstenaars, gesigverfkunstenaars en meer• Stalletjies met kos, speelgoed en klere KAARTJIES Algemene toegang tot die feesterrein kos R80. Teater-en musiekproduksies begin by R80 en sluit algemene toegang in. Kry vandag jou kaartjies by webtickets.co.za. Vir nog inligting of skoolgroepbesprekings, kontak elodie.booyens@media24.com. 22-24 JUNIE 2023 Reddford House, Northcliff, Johannesburg…

IMPOSSIBLE SKIES: LIFE WITH MY BROTHER, THE ARTIST WALTER MEYER Deur FRANS MEYER Melinda Ferguson Books (R275*) Watter soort boek is dit dié? Dis ’n man se hulde aan sy geliefde ouboet, ’n begaafde skilder wie se alkoholisme bygedra het tot sy te vroeë dood op 52. Frans dra dan ook die boek op aan Walter, “’n broer sonder weerga, vir 49 jaar van liefde en vriendskap’’. Walter Meyer (1965-2017) word steeds beskou as een van die voorste skilders van Suid-Afrikaanse landskappe. Hy kon die lug vasvang soos min ander. Frans skryf hoe die ongelooflike kleure en lig van die hemelruim sy broer gefassineer het. Hy sê sy boek is nie ’n chronologiese lys van Walter se pryse, uitstallings en skilderye nie. Dit gee eerder ’n kykie op hul kinderjare…

TWEELING 21 MEI – 20 JUNIE As jy op die oomblik oorwerk en onderbetaal voel, is daar nie veel wat jy kan doen as om vas te byt en die werk gedoen te kry nie. Simbolies gesproke staan jy nou op die drumpel van ’n nuwe sewejaarsiklus vir jou loopbaan, en vir ’n slag moet jy jouself en jou beroepsdrome ernstig begin opneem. Jy is die nar van die diereriem, maar die nadeel hiervan is dat mense jou partykeer glad nie ernstig opneem nie. GELUKKIGE NOMMERS 5, 10, 26, 31, 15, 7 TWEELING: LIEFDE EN ROMANSE ◼ Jy is nie besonder romanties nie omdat jy gedagtes bo gevoelens plaas. ◼ Jy sal verlief raak op iemand se idees eerder as hul voorkoms. ◼ Iemand wat nie lekker kan gesels nie,…

1 Watter voël het die grootste vlerkspan? 2 Wat is die hoofstad van Pole? 3 Watter orgaan het ventrikels en atriums? 4 Watter bergspits in Argentinië is die hoogste een in die Suidelike Halfrond? 5 In watter land is die skilder Pablo Picasso gebore? ANTWOORDE 1 Albatros  2 Warskou 3 Diehart 4 Aconcagua 5 Spanje BRONNE NEWSFORKIDS.NET, THEGUARDIAN.COM, NYTIMES.COM, IOL.CO.ZA, WIKIPEDIA.ORG, GUINNESSWORLDRECORDS.COM…

❶ Die sangeres Lizzo het ’n oudisie vir die rol van Ursula gedoen. Sy het selfs op Instagram in ’n Ursula-kostuum poseer. Stranger Things se Maya Hawke het ’n oudisie vir Ariel gedoen. ❷ Harry Styles het so amper prins Eric gespeel. “Ek dink dit gaan natuurlik ’n wonderlike rolprent wees. Maar hulle skiet so lank,” het Harry in ’n radio-onderhoud gesê. Volgens hom het sy musiektoer hom verhoed om die rol aan te pak. ❸ Halle het al gegrap dat sy tydens die bekende hare-agteroorgooi-toneel (waar Ariel na die oppervlak swem en haar hare agteroor gooi ná haar menslike transformasie) so ampertjies haar nek gebreek het. ❹ Buitetonele vir die fliek – soos waar Ariel vir Eric red – is ge-skiet op die Italiaanse eiland Sardinië, bekend om skouspelagtige…

1 Jy wag dat die “goeie tye” terugkeer. 2 Jy bly hoop die ander mens sal verander. 3 Jy kan jou nie ’n lewe sonder die ander mens voorstel nie. 4 Jy het nie die finansiële middele om te loop nie. 5 Jy glo lojaliteit beteken om te bly, maak nie saak wat nie. 6 Jy dink hulle kan nie sonder jou klaarkom nie. 7 Jy vrees dit om die verkeerde besluit te neem. 8 Jy wag dat die ander mens die verhouding beëindig. 9 Jy wil nie ander mense seermaak wat dalk geraak sal word nie. 10 Jy is nog nie moeg genoeg nie.…

HY HET soveel geld dat ’n mens dit jou nie eens kan indink nie. Dis genoeg om, wel, enigiets te koop wat hy wil. Trouens, dis so baie dat ’n gewone mens met ’n gewone salaristjek nie eens sal kan verstaan presies hoeveel dit is nie – daar is net te baie nulle in die syfer agter sy naam. Want Bernard Arnault, wat ander superrykes soos Elon Musk en Jeff Bezos onlangs verbygesteek het as die rykste man ter wêreld, kan spog met ’n fortuin van meer as $238,5 miljard, oftewel R4 600 000 000 000 – R4,6 biljoen. As hoof van die reusemaatskappy LVMH Moët Louis Vuitton het hy minstens 75 bekende en luukse handelsname in die sakkie, onder meer ondernemings soos Dior, Louis Vuitton, Fenty Beauty en Tiffany…

NIEL & CHEREZE BRUWER Niel en Chereze, wat liefde gevind het in die 13de seisoen van Boer soek ’n vrou, word in Desember weer ouers. Hulle het in Augustus verlede jaar hul dogtertjie, CATRINE, verwelkom. “Ons is baie opgewonde oor die feit dat ons nog ’n babatjie op pad het,” sê Chereze. “My en Niel se hartsbegeerte is ’n groot gesin, en daarom kan ons net dankie sê vir die seëning en wonderwerk.” Niel, wat op ’n vrugteplaas buite Prince Alfred Hamlet boer, is die een wat opgemerk het dat sy vrou dalk kan swanger wees. “Hy het een middag na my gekyk en gesê: ‘Jy lyk vreemd, is jy swanger?’” onthou Chereze. “Hy het ’n grap gemaak, maar ek het toe ’n toetsie gedoen wat dit bevestig het. Ons…

DIS dalk net in ’n reeks so uitspattig soos Die Real Housewives van die Wynlande dat ’n mens kan verwag om dít te sien – ’n partytjie om ’n skatryk vrou se egskeiding van ’n jaar tevore te vier. Maar Karen Schwendtke (48) het onderneem om haar hart so wyd soos ’n perdestal oop te gooi; daarom het sy in dié program makietie gehou om die dag toe sy en haar man uitmekaar is – en haar vryheid– te vier. En die partytjie op die wynlandgoed Grande Provence in die Franschhoekvallei was allesbehalwe somber. Daar was ’n koek met ’n man en vrou op wat deur ’n rivier geskei word. Haar mededeelnemer Mariska Thorpe het vir elkeen van die vroue ’n lawwe sonbril gegee met die woorde “2 Sexy 4…

DIS weer tyd vir leerders om met hul talent te kom pronk – tyd vir Huisgenoot Eisteddfod. Ná die sukses van ons eerste aanlyn eisteddfod verlede jaar bou ons vanjaar voort op hierdie spesiale viering van skoolleerders se liefde vir die kunste. Verlede jaar se wenner, ons eerste Huisgenoot Eisteddfod-ster van die jaar, was die 13-jarige Luca Human van Durbanville. Sy het met ’n kontantprys van R10 000 weggestap. Sewentien afdelingswenners het elk met ’n gesogte rooi merieteprys en ’n kontantprys van R1 500 elk weggestap, en al ons deelnemers kon met goud, silwer of brons spog. Vanjaar is daar weer spesiale sertifikate en groot pryse op die spel – en dis tyd om in te skryf. Hoe werk dit? Ons eisteddfod vind aanlyn plaas. Daar is vier afdelings waarvoor…

IN DIE MODE GLANSRYKE GOTH Die gothvoorkoms, maar hierdie keer ’n bietjie meer glansryk, het danksy die Netflix-trefferreeks Wednesday die skoonheidsfeer getref. Of dit nou punk-nostalgie of vamp-agtige glans uitstraal – dink aan swaar en donker gegrimeerde oë met ’n gepoetste vel en natuurlike lippe vir ’n sjiek maar rock ’n’ roll-voorkoms – dit het die loopplanke vanjaar oorheers. Rokerige ooggrimering, netjiese wenkbroue en kersiekleurige lippe wat blink, is die perfekte punk-voorkoms. KRY DIE VOORKOMS ◼ Begin met ’n basis-onderlaag. ◼ Gebruik ’n neutrale kleur om hol kontoere om die wange te skep vir daardie ietwat ingesonke voorkoms. ◼ Gebruik ’n swart oogomlyner, skakeer dit uitwaarts met jou vinger en rond af met ’n paar lae maskara. ◼ Donkerpruim en pers skakerings is die wagwoord vir die lippe. Wend een…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MOET EK VIR ONS HUISHULP MY SPERM SKENK? V My vrou en ek is langer as drie dekades getroud. Ek is ’n kontakmens, maar sy is nie so erg oor drukkies en soentjies nie. Ons high five of groet mekaar met die hand, selfs wanneer ons nagsê. Ons het drie kinders wat deur middel van in vitro-bevrugting in ons lewe ingekom het. Ons…

ZELDA SE HANDLANGER Hy het al gesig gewys in Legacy en is deesdae as Arno van der Westhuizen, die Swartmarlyne-swemklub se aantreklike fisioterapeut, in die kykNET-telenovelle Diepe waters te sien. Die afgelope paar maande het kykers gesien hoe die skoonheidsaloneienaar Zelda Joubert (Sandi Schultz) Arno misbruik om op haar aartsvyand, Gys Swarts (Justin Strydom), wraak te neem. Tot dusver het Arno al haar vuilwerk gedoen. Sy het hom deur ’n moeilike tyd gehelp en vir hom werk gekry en daarom sal hy altyd lojaal teenoor haar bly. “Arno word maklik deur ander beïnvloed, maar het ook sy eie motivering en drome. Dit word egter deur Zelda se manipulering opsygeskuif,” sê Jean (32). Dis vir hom ’n voorreg om Arno te speel. “Hy is ’n ingewikkelde karakter, en ek kan my…

Caroline Grace sê mense in Engeland, waar haar rugbyspeler-man, Heinrich Brüssow, vir die klub Northampton Saints speel, kan nie genoeg kry van hom in sy kortbroekies in die koue nie. Dit het so gereeld gebeur dat sy ’n liedjie, “Kortbroek”, daaroor geskryf het. Die humoristiese liedjie is nóg ’n lekker dansliedjie en volg kort op die hakke van “Bokswyn”. “Die idee het gekom uit ’n toevallige gesprek oor hoe Suid-Afrikaanse mans uitstaan as gevolg van ’n kortbroek,” vertel Caroline. “Dit is die een ding waaroor almal in Engeland altyd kommentaar lewer – my man in sy kortbroek in die koue.” Caroline het vir die musiekvideo kragte saamgesnoer met niemand anders nie as Boerboel Wear; hulle is immers bekend vir hul kort kakies. “Dit was ’n groot voorreg en kompliment dat…

HIER IS DIE RAAD WAAROP JY AL SO LANK WAG: ’n Nuttige gids met ál die inligting wat jy benodig om vir jou huis-houding ’n plan teen beurtkrag te beraam. Ons ondersoek die verskillende opsies waarmee jy jou ligte en toestelle aan die gang kan hou en verduidelik als wat jy moet weet op ’n toeganklike ma-nier. Hierdie tydskrif sal jou help bepaal wat die beste plan vir jou huis is – en ook hoe om dit te kry en wat dit sal kos. Als wat jy wil weet oor: ◼ Sonkrag-installasies ◼ Gas-installasies ◼ Kragopwekkers ◼ Omkeerder-enbattery-stelsels ◼ Nuttige produkte vir al jou behoeftes AANLYN media24.shop.com of huisgenootwinkel.com BEL 021-406-4962 E-POS koop@huisgenoot.com…

Op huisgenoot.com kan kinders die aanlyn Afrikaanse kinderprogram Die Babbelbende gratis kyk. In dié reeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer leer oor ons wonderlike wêreld. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook huisgenootwinkel.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken Die Babbelbende – en geniet hul vrolike geselskap…

HOOR ’n mens haar naam, sien jy ’n gespierde gimnas wat deur die lug tol en die een verstommende flik-flak ná die ander doen, op pad na nóg ’n goue medalje. En Simone Biles het hope van hulle – genoeg vir kenners om te sê sy is waarskynlik die beste gimnas wat daar al ooit was. Maar nou pryk daar iets aan haar linkerhand wat haar veel breër laat glimlag as Olimpiese medaljes – haar trouring. Dis nie besonder spoggerig nie, sommer net ’n eenvoudige pand wat sy aanlyn bestel het. En dis nie asof Simone nie ’n duurder een kon bekostig nie. Haar merkwaardige loopbaan het haar al ’n fortuin van $16 miljoen (sowat 304 miljoen) besorg. Maar dié ringetjie wys dat sy nou met die Amerikaanse voetbalspeler Jonathan…