Indholdsfortegnelse for 10 August 2023 i Huisgenoot

→ Drie kurrikulumgebaseerde pakkette is reeds beskikbaar: ◼ Sosiale Wetenskappe: Geografie ◼ Sosiale Wetenskappe: Geskiedenis ◼ Lewensvaardighede BINNEKORT BESKIKBAAR ◼ Wiskunde ◼ Natuurwetenskappe en Tegnologie > Elke pakket bevat ’n verskeidenheid goed nagevorsde artikels met foto’s, infografika en video’s wat die inhoud op ’n toeganklike en interessante manier aanbied. > Dit is gegroepeer volgens vakke en onderwerpe en kan jou kind help om klaswerk te verstaan en huiswerk te doen. Dit kan ook help met mondelinge, take en ander skoolprojekte. → Besoek huisgenootjunior.com…

VIR hierdie trofee sal vroue mos baklei? Die bultende spiere. Die potblou oë. Daai ondeunde maar gelyktydig skamerige glimlag. Hoe op dees aarde kan dit wees dat hy nog saans alleen huis toe gaan? Wel, sê die kêrel wat voor ons sit – in ’n denimbroek wat perfek aan sy bene kleef – hy byt maar vas, want iewers is die een wat al sy soektogte die moeite werd gaan maak. Dis nie nuus dat Brendan Peyper, die 26-jarige breker en sanger van “Toer om die vloer”, vrouegeselskap soek nie. Nie te lank gelede nie het hy ’n wedstryd op sy sosiale media gehad waar ’n vrou ’n smoothieafspraak saam met hom na Kauai kon wen. Maar dié soektog het nie die gewenste resultate opgelewer nie. Nou probeer hy weer.…

EENPAN-ROOM-FRIKKADELLE GENOEG VIR 4 MENSE / BEREIDING: 15 MIN. / STAAN: 30 MIN. / GAARMAAK: 45 MIN. Geïnspireer deur tradisionele Sweedse trooskos. Die sous vir dié frikkadelle word in dieselfde pan gemaak waarin die frikkadelle gebraai word. Dit verseker ’n geurige en dekadente roomsous. ◗ 15 ml (1 e) olie + ekstra vir braai◗ 1 ui, fyngekap◗ 1 knoffelhuisie, fyngerasper (opsioneel)◗ 150 g beesmaalvleis◗ 150 g varkmaalvleis◗ 2,5 ml (½ t) fyn wonderpeper (allspice)◗ 2,5 ml (½ t) fyn neutmuskaat◗ 2,5 ml (½ t) witpeper◗ sout, na smaak◗ 1 eier, geklits◗ 1 x Weet-Bix-stafie, fyngekrummel SOUS ◗ 15 ml (1 e) botter◗ 30 ml (2 e) meel◗ 125 ml (½ k) beesvleisaftreksel + ekstra indien nodig◗ 125 ml (½ k) room◗ fyngerasperde skil van 1 suurlemoen AFRONDING ◗ vars pietersielie◗…

MUURBLOMMETJIE Dis ’n mooi en bekostigbare manier om ’n saai muur in jou tuin of op jou stoep op te kikker. Verf die muur in ’n kleur van jou keuse. Gee dan jou blikkies ’n leksel verf met enige buite-of krytverf, en heg dit aan die muur vas met spykers of hake sodat dit lyk of dit sweef. TUIN TOE! Groter blikke sal goed werk om groente soos tamaties in te kweek, terwyl kleiner blikkies vir kruie en vetplante gebruik kan word. Skep ’n lieflike fokuspunt deur verskeie groottes blikkies op ’n skinkbord of op ’n buitetafel of enige plek in jou tuin te rangskik. HANG DIT OP Laat daar lig wees in die beurtkrag met dié oulike idee. Hou die blikkies net so of knip dit met ’n sterk…

‘AUGUSTUS BETEKEN TWEE GOED: EK KAN BEGIN PLANT VIR MY SOMERTUIN, EN VROUEDAG WORD GEVIER’– IRMA WAT IS VIR JOU DIE LEKKERSTE VAN VROUWEES? Kan julle glo dat ons reeds in Augustus is? Dit beteken vir my twee goed: Ek kan begin plant vir my somertuin, en Vrouedag word gevier. Hier op Newcastle het ons ’n wonderlike tradisie wat al jare lank op Vrouedag plaasvind. Dit word die “Memel Walk” genoem. Memel is die bekende Vrystaatse dorpie wat 50 km van ons geleë is. Elke jaar op 9 Augustus neem duisende mense aan die staptog deel. Die oggend sesuur spring deelnemers weg op Memel, en elke 10 km is daar ’n kampie opgeslaan waar spanne (bestaande uit vyf lede wat elk 10 km moet loop) mekaar afwissel. En natuurlik is…

Sy was op pad na ’n vertoning toe die inspirasie vir haar jongste snit, “Hakahana”, haar skielik byval. Sommer daar in haar motor, onthou die sangeres Franja du Plessis, is die nuwe snit gebore. Maar wat is Hakahana? “Die woord kom van Namibië waar ek grootgeword het en is afkomstig van die Herero-taal. Dit beteken ‘maak gou’,” vertel Franja. Sy het vele herinneringe van hoe haar ma, die sangeres Juanita du Plessis, die einste woord gebruik het om haar kroos aan te jaag wanneer hulle laat was vir ’n afspraak. Sy wil hê mense moet hul litte losmaak – en hulle moet dit gou doen! “Ek het tot dusver goeie terugvoer van die publiek ontvang. Mense vertel dat hulle lekker daarop dans en dit beteken die wêreld vir my. Ek…

KATRYN staar na Henk se koperkleurige hare. Sy kan haarself nie toelaat om daarop te reageer nie. Nie vandag nie. Haar pen stap reël vir reël oor die klagstaat. Drie jaar gelede het sy ook hier voor die sonnige ruit van Henk se winkel gestaan en uitgevind die enigste man wat sy nog ooit liefgehad het, het haar bedrieg. Daarna het sy sonder om twee keer te dink by die polisie se duikeenheid aangesluit. Sy is feitlik dadelik goedgekeur. Genadiglik, want sy moes net wegkom. Katryn was egter van die begin af ongelukkig daar. Die keerpunt het ’n paar maande gelede gekom. Sy en ’n kollega het met ’n helikopter in ’n rivier neergestort. Dit was ’n wonderwerk dat sy so gou herstel het. Sy is uit haar hospitaalbed direk…

LEO 22 JULIE – 22 AUGUSTUS Dit behoort vir jou ’n gelukkige tyd te wees wanneer jou heerser, die son, die liefdesdiva, Venus, ontmoet. Dit gebeur op die 13de. Maar met dié dat Venus agteruit beweeg en die radikale Uranus boonop rondsnuffel, is dit onwaarskynlik dat die lewe eenvoudig sal wees. As jy nie tans met jou werksituasie tevrede is nie, kan jy op die uitkyk wees vir ’n onverwagte geleentheid wat jou op ’n nuwe pad kan neem. GELUKKIGE NOMMERS 8, 22, 35, 44, 21, 7 BEELDE VAN DIE LEEU ◼ Die koning of koningin van die kasteel ◼ Sonskynkind ◼ Prag en praal ◼ Leier van die trop ◼ Dramavraat en katterig ◼ Groter is beter en vertoonsiek ◼ Diamante en tiaras MAAGD 23 AUG – 22 SEP…

1 Gaan ek ooit aanlyn om vinnig na iets te loer en ontdek dat ure verloop het? 2 Vermy ek ooit ’n app of stel perke vir ’n aanlyn aktiwiteit, en verbreek dan my eie voornemens? 3 Het ek internet-en tegnologiesessies wat heeldag of tot laat in die nag duur? 4 Reik ek na my toestelle sodra ek ’n vry oomblik het? 5 Veroorsaak my skermgebruik dat ek my persoonlike higiëne, voedingsbehoeftes en fisieke gesondheid afskeep? 6 Voel ek afgesonder, emosioneel afwesig, afgetrokke of angstig wanneer ek nie my toestelle gebruik nie? 7 Dra my tegnologiegebruik by tot konlik of vermyding in persoonlike verhoudings? 8 Het my internet-en tegnologiegedrag al my studies, geldsake of loopbaan in gedrang gebring? 9 Jok ek oor my tyd aanlyn of oor die soort digitale…

SY HET vier groot industriële vrieskaste in haar huis, maar ’n mens sal nie bevrore ertjies, roomys of visvingers daarin kry nie. Pleks daarvan sal jy honderde pakkies borsmelk netjies op die rakke vind. Elisabeth Anderson Sierra noem die pakkies haar “liefdestaak”. Deur die jare kon sy duisende babas voed met die melk wat sy met ’n borspomp uitmelk. Die ma van drie, van Oregon, het die toestand hiperlaktasiesindroom. Sy vervaardig sowat 6 L borsmelk per dag – dis 10 keer meer as die gemiddelde ma. Sedert 2014 het nie ’n dag verbygegaan dat Elisabeth (35) nie melk uitgepomp het nie. Sy bestee soms tot vyf uur per dag daaraan. “Ek doen dit byvoorbeeld in die kar na en van die skool af, en soms terwyl ek aandete maak,” sê…

DIT was ’n winteroggend in Julie vanjaar toe die Suidooster-ster Marco Spaumer sy kêrel van die afgelope sewe jaar, Danilo Acquisto, vra om na ’n video op sy selfoon te kyk. Danilo, wat sy eie digitalemediaagentskap bedryf en ’n omroeper is, wou sy oë rol. Marco vra gereeld dat hy sy kennersoog gooi oor video’s wat eersgenoemde op sosiale media wil deel. “Ek was soos, nee, ons is nie hier vir werk nie, sit weg daardie selfoon, kom ons gaan stap,” onthou Danilo die gebeure tydens hul wegbreeknaweek by Theewaterskloof in die Wes-Kaap. Maar hierdie keer was dit anders. Want dié video het niks met werk te doen gehad nie. Nee, dié video is spesiaal vir Danilo geskep. Dit het uit korter videogrepe en foto’s bestaan van hulle twee deur…

MINKI-Maandae ondergaan ’n transformasie en lyk nou heeltemal anders. Van 14 Augustus is daar ’n nuwe stel, nuwe formaat en ’n paar bekende gesigte wat nou deel word van Minki se span. In Minki en vriende kry die aanbieder en model MINKI VAN DER WESTHUIZEN ’n paar vriende bymekaar vir ’n lekker geselsprogram wat kykers gaan vermaak en inspireer. Sy is steeds die hoofmeisie en gesels met bekendes soos MARCIEL HOPKINS, MAURICE PAIGE en EVAN HENGST. Die televisiesjef HERMAN LENSING sal nes voorheen doenig wees in die kombuis, en dié keer tower hy smullekker geregte op met net sewe bestanddele. Die voormalige Mej. Suid-Afrika en sakevrou CINDY NELL-ROBERTS en die Catrice-span sluit by die reeks aan en staan gereed met hul grimeersakkies om besonderse mense met ongelooflike stories mooi te maak.…

1 LAUREN DICKASON SE VERWEER In die moordverhoor moet een ding bepaal word: Was Lauren Dickason toerekeningsvatbaar ten tyde van die moord op haar drie dogters? Die saak is moeilik, seer en emosioneel uitputtend vir almal betrokke. Ek wil niemand oordeel of vinger wys nie, maar net bid vir die Here se leiding en wysheid. Dit kan vir niemand in die omstandighede maklik wees nie. EMMA Ek het twee jaar omgesit en huil toe ons verhuis het. Hier was niks! Net genade dat ek hier aangepas het, weg van almal en alles met wie ek my lewe gedeel het. Die ergste was die gemis na my ma. Dokter, ek kan net vir jou bid. MARINDA As dokter moes sy bewus gewees het van die gevolge as sy ophou om haar medikasie…

HY BESKOU homself nie as “die een of ander held nie”, al het sy naam dan nou sinoniem geword met die Springbokke se Wêreldbekerglorie. Nee wat, hy is nie “hierdie grootbek, windgat ou nie’’, verklaar Rassie Erasmus waar hy vandag nie soseer oor die Bokke praat nie, maar eerder oor homself. Dis nie iets wat hy aldag doen nie. Gewoonlik praat hy net rugbysake; nie persoonlike stories nie. Sy privaat lewe is ’n toe boek – al dra hy dan nou ook sy hart op sy mou oor die dinge wat op die rugbyveld gebeur, en soms tot groot konsternasie. Mense dink hulle ken hom, skryf Rassie (50) in sy nuwe outobiografie, Rassie: Stories oor rugby en die lewe. Maar eintlik verpes hy onderhoude, erken hy. “Wanneer ek op nuuskonferensies…

VIR JONGER MEISIES JASSE Gee jou dogtertjie se streeptrui en jeans ’n deftige afronding met ’n jas. BAADJIES ’n Veelsydige baadjie is perfek om in lae te dra. Dra dit by eenderse kleure vir ’n prettige maar eenvormige voorkoms. TRUIE Hou jou kleinding snoesig met oulike truie soos dié wit-en-pienk een met ’n hartjiemotief. MUSSIES EN HANDSKOENE Hou die handjies en hofies warm met ’n verskeidenheid musse en handskoene wat pas by ander kledingstukke. VIR JONGER SEUNS ’n Winterjas is ’n goeie belegging en lyk cool. Neutrale kleure is veelsydig, maar jy kan nie verkeerd gaan met ’n lekker spatsel kleur nie. JASSE BAADJIES Wikkel hom toe in gemaklike baadjies, van waterbestandes tot oulike denim. TRUIE ’n Trui in ’n neutrale kleur is maklik om te dra, ontspanne, kan onder…

JY IS nie tevrede met jou salaris nie en wil vir ’n aanpassing vra. Hier is vyf wenke wanneer jy ’n salarisverhoging wil vra. 1 IS JOU FEITE REG? Maak eers seker jy verdien regtig minder as die bedryfstandaard. Navorsing op webtuistes soos PayScale, Career- Junction en selfs LinkedIn kan jou moontlik ’n goeie idee gee oor die gemiddelde vergoeding vir ’n bepaalde soort pos. ◼ Raadpleeg werwingsagentskappe oor ’n realistiese salaris vir jou pos, kwalifikasies en ondervinding. ◼ Kyk na advertensies vir soortgelyke poste en vergelyk die salaris, voordele en verantwoordelikhede. Onthou Ligging speel ’n rol. In Suid-Afrika is salarisse in Johannesburg gemiddeld hoër as elders. Maar met afstandwerk, moet dit nie saak maak waar jy woon nie. 2 OORWEGINGS OM TE NOEM WANNEER JY VIR ’N VERHO-GING WIL VRA ◼…

KYK WIE’S TERUG! Meer as vier jaar lank was sy stem stil. Elke kort-kort, asof in ’n koor, kon jy aanhangers hoor vra: Wanneer kom daar nuwe musiek? En: Wanneer sien ons jou weer op die verhoog? Ja, Bobby van Jaarsveld het darem nie geheel en al uit die openbare oog verdwyn nie. Trouens, sy rol in die dramareeks Spoorloos: Die eiland is goed ontvang. Hy was ook mede-aanbieder van die sangkompetisiereeks Die kontrak. Maar dis sy musiekstem waarna so verlang is. Vandag deel hy die goeie nuus: Sy splinternuwe enkelsnit getiteld “Toe, nou en altyd” is pas uitgereik. Die liedjie is deur Johan Oberholzer geskryf. “Dit gaan vir my oor daardie mens wat jou net verstaan soos niemand anders nie. Byvoorbeeld ek en my vrou, Annatjie, wat al saam…

ONBESKRYFLIKE GENADE Deur STEFAANS COETZEE  Lux Verbi, R205* Voorin sy boek Onbeskryflike genade skryf Stefaans Coetzee hy wil net Stefaans wees, nie meer die bomplanter nie, en dat hy moeg is om oor die verlede te praat. “Die bomontploffings van 24 Desember 1996 kan nie die hoogtepunt van my bestaan wees nie. Ek wil net Stefaans wees. Man. Pa. Skrywer. Resensent. Enigiets buiten bomplanter.” Maar dan skryf hy tog oor hoe dit gekom het dat hy daardie bom geplant het, oor sy jare in die tronk en daarna. Waarom? “Ek ontmoet baie mense wat nog seer het oor iets uit hul verlede; mense wat in hul eie geestelike tronk is,” verduidelik hy. “As ’n bomplanter nie deur sy verlede gedefinieer wil word nie, hoe-veel te meer iemand met ’n minder…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 504 KOMPETISIEVRAAG Watter vrug is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Skatryk deur Johan Fourie (Tafelberg, R340). Wat maak die akteur Jeremy Irons in die reënwoud? Waarom speel die Japannese rugby? Hoe kon ’n rolprent Stalin in die verleentheid stel? En wat het ’n Indonesiese vulkaan, Frankenstein en die Groot Trek alles in gemeen? Dit is maar enkele van die vrae wat Johan Fourie, die gewilde Rapport-rubriekskrywer, onderhoudend verken in hierdie heerlik leesbare ekonomiese geskiedenis wat strek van die migrasie uit Afrika 100 000 jaar gelede tot vandag. Skatryk is ’n boeiende…

WETENSKAP- LIKES aan die Purdue-universiteit in Indiana, Amerika, het ’n nuwe soort verf geskep wat kan help om geboue te verkoel. Die wit verf dien as ’n weerkaatser en kan tot 98% van die son se strale van die aarde se oppervlak af terugweerkaats in die ruimte in. Wanneer jy daaraan vat, is dit koel. Anders as lugverkoelers het die verf nie krag nodig om te werk nie. Prof. Xiulin Ruan, die baasbrein agter die uitvindsel, het aangekondig dat hulle ook ’n weergawe van die verf geskep het wat gebruik kan word om hitte van karre te weerkaats. Die verf is deur Guinness World Records as die witste verf ooit aangewys.…

1 Hoeveel spelers is daar in ’n netbalspan? 2 Wat is die enigste soogdier wat tot ware vlug in staat is? 3 In watter land kan jy op die beroemde Spaanse trappe staan? 4 Wat is die naam van Samuel L. Jackson se karakter in die Disney+-reeks Secret Invasion? 5 Wat is die nasionale dier van Bangladesj? Antwoorde: 1 Sewe 2 Vlermuis  3 Italië 4 NickFury 5 Bengaalsetier BRONNE: THE GUARDIAN, KIDSNEWS.CO.AU, NYTIMES.COM, KIDS.BRITANNICA.COM, KIDS.KIDDLE.COM, TWINKL.CO.ZA, ALJAZEERA.COM, RUGBYFOOTBALLHISTORY.COM…

Die klimaatskrisis het ’n duidelike invloed op die Suid-Afrikaanse omgewing, insluitend die oseaan, landbou en ekosisteme. Volgens ’n verslag van die Amerikaanse agentskap vir internasionale ontwikkeling is Suid-Afrika een van die wêreld se 15 top-bydraers tot kweekhuisgasse. Dit is as gevolg van ons land se afhanklikheid van steenkool. DIE ROL VAN WETGEWING EN DIE REGERING Menslike aktiwiteit is die rede vir die klimaats krisis en die feit dat aardverhitting nou reeds onafwendbaar is. Die Suid-Afrikaanse energiesektor moet verander van steenkool – ’n fossielbrandstof – na volhoubare en hernubare energiebronne. Ons Grondwet bepaal elkeen het die reg op die beskerming van hul omgewing. Die regering word dus verplig om die omgewing deur wetgewing te beskerm. Dié maatreëls moet  besoedelingmings. en ekologiese agteruitgang voorkom, bewaring bevorder en die ekologiese volhou bare ontwikkeling…

Nóg ’n prettige seisoen van Die Babbelbende lê nou voor! Kom kyk saam na Seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

EK SÊ vir hulle ek wil retire. Ek wil agteroor sit en netbal geniet. Dan sê hulle jy kan nie, want hier is nog nie orde nie. Tot hierdie tyd toe is ek besig met kindertjies en klubs in die omgewing om vir hulle die reëls te leer. Ek sê altyd vir hulle: Netbal is ’n ladies’ game. Dis nie enige game nie. Jy moet jou maniere ken. Umpiring het ek baie gedoen, vernaamlik by skole. Ek het vir Laerskool Lochnerhof geumpire. Dit was ’n wit skool. Die kindertjies is kosbaar. Hulle kom na my en sê: Kan ons vir jou sê “tannie” of kan ons sê “coach”? Dan sê ek wat ook al die gemaklikste is. Dan lag die ouers wat daar staan. Ek gee nie om nie. Dis…

Daar is tans 58 977 oortreders op parool en onder korrektiewe toesig in die land, sê Singabakho Nxumalo, ’n woordvoerder van die departement korrektiewe dienste. Hy sê in die afgelope drie jaar het 99% van dié oortreders by hul paroolvoorwaardes ge-hou. Hy erken dat 1% hul paroolvoorwaardes verbreek of weer ernstige misdade pleeg. “Die huidige paroolstelsel, wat in 2004 geïmplementeer is, benodig moontlik herstrukturering en ’n hersiening. Dit is tans onderweg.”…

VAN die oomblik toe die publiek uitgevind het daar kom ’n fliek oor Barbie, was die wêreld se beroemdste pop op almal se lippe. Maar noudat die fliek op die silwerdoek is, het ’n ander pop so byna haar kollig gesteel. Ja, Margot Robbie is uitstekend in die rol van Barbie – maar die kritici kan nie uitgepraat raak oor Ryan Gosling se spel as die gespierde maar vaal ou Ken nie. Hy speel die pop wie se lewe om Barbie wentel. Ken bestaan net om Barbie geselskap te hou. Hy flits sy strykplankmaag en staar droomverlore met sy treffende blou oë na sy groot liefde. Terwyl Barbie-poppe in allerlei ambisieuse temas kom – sakevrou-Barbie, model-Barbie, president-Barbie – is Ken altyd maar net Ken. Al wat hy moet doen, is…

TUSSEN 2006 en 2011 het ons haar leer ken as aanbieder van die leefstylprogram Top Billing, asook op die radiostasie 5FM. Nou keer die televisie-en radiopersoonlikheid ZURAIDA JARDINE terug na die kassie. Sy het tyd weg van die kollig geneem om op haar kinders en haar studies in sielkunde en welstand te fokus. Maar nou is Zuraida gereed om haar langverwagte terugkeer te maak as ’n nuwe aanbieder van SABC3 se leefstylprogram Afternoon Express. “Om as voltydse student universiteit toe te gaan was heerlik. Ek het my voorgraadse, honneurs-en meestersgraad die afgelope paar jaar voltooi, asook ander sertifiserings in die gesondheidsbedryf,” sê sy. “Ek sou graag wou sien dat meer volwassenes die sprong neem en die moed het om van loopbaan te verander as dit ’n brandende begeerte is. Te…

DIT was ’n uiters trotse oomblik vir Suid-Afrikaners toe die dokumentêr Rise: The Siya Kolisi Story onlangs die gehoorprys op die internasionale Tribeca-rolprentfees in New York opgeraap het. Die fliek, geskryf en geregisseer deur Tebogo Malope, met Jon Day en Michael Yormark as vervaardigers, vertel die verhaal van die rugbysensasie Siyamthanda “SIYA” KOLISI. Dis nou beskikbaar op Showmax en bied ’n kykie na Siya se grootwordjare in Gqeberha en hoe hy die sportwêreld verower, verlies oorkom en sy duiwels oorwin het. Siya – wat in 2018 geskiedenis gemaak het as die eerste swart kaptein van die Springbokke – sê in ’n verklaring hy was “werklik geëerd” om die geleentheid te kry om sy storie te deel. Tebogo, wat in Soweto gebore is, is die man agter die lens en sê…

‘Tom is in staat daartoe om ’n toegewyde man en pa te wees. En dit pla vir Bradley’– ’N BRON AAN DIE DAILY MAIL WAAR ’n rokie trek, brand ’n vuurtjie. Enkele weke nadat hulle ontken het dat daar ’n vonk tussen hulle is, het dinge tussen TOM BRADY en IRINA SHAYK behoorlik kookpunt bereik. Die Amerikaanse voetbalspeler en Russiese model het dolverlief gelyk op ’n romantiese naweek by Tom se huis in Los Angeles. Volgens bronne het Tom (46) vir Irina (37), wat in New York woon, genooi om te kom kuier. Hy het haar by die lughawe gaan haal, en hulle het eers die volgende oggend weer gesig buite sy huis gewys. Die twee het mekaar glo in Junie ontmoet toe hulle gaste was op die miljardêrkunshandelaar Joe…

1 ‘DIT WAS NIE WEDERSYDS’ Die aktrise TIFFANY HADDISH sê dit was nie ’n wedersydse besluit toe haar verhouding met die rapper COMMON doodgeloop het nie. Tiffany (43) het aan The Washington Post vertel sy het geweet die skrif is aan die muur toe Common (51) haar begin uitsluit het van geleenthede. Hy het haar eindelik gebel en hul verhouding oor die foon verbreek. “Hy het gesê: ‘Ek dink die verhouding is verby,’” se sy. “Ek het geantwoord: ‘Jy gaan ’n 50-jarige enkellopende man wees. Oukei.’” 2 KEVIN ONSKULDIG BEVIND Die akteur KEVIN SPACEY wil herbou aan sy loopbaan nadat hy onskuldig bevind is aan sewe aanklagte van seksuele aanranding en twee ander seksuele oortredings teen vier mans. Die Oscar-wenner is in 2017 die eerste keer deur beskuldigings in die gesig gestaar en…

SY KOM behoorlik om die draai gewals – ’n sonhoed wat in die wind dans; geklee in ’n skouerbroek en swart stewels. Modelmooi. As daar een ding is waarvan Natasha Sutherland seker is, is dit dít: Om ouer te word beteken beslis nie jy hoef jou sprankel te verloor nie. Op 52 laat sy jou steeds twee keer kyk. Dis eintlik net klein goedjies wat hier en daar haak wanneer die jare begin meer word, het sy onlangs tydens ’n oorsese kuier gedink. “’n Vriendin het vir my ’n reis na Australië as geskenk gegee. Die vlugvoosheid was erg. Ek het toe besef om ouer te word is nie vir sissies nie,” sê sy. Natasha het ’n warm persoonlikheid en laat die mense om haar gereeld lag. Tog kry ’n…

MONICA BELLUCCI het eenkeer gesê: “Lipstiffie is die waardevolste wapen in ’n vrou se grimeerstel”, en ons stem heelhartig saam. Een veeg van die bemagtigende towerstaffie kan jou voorkoms verbeter, jou gemoed lig en ’n huppel in jou stap sit. Dis tyd om jou lippe te bederf met die modes wat tans die loopplanke en sosiale media oorheers. Ons wys jou met watter lipstiffies en metodes jy die gewildste voorkomste kan behaal. DRAMATIESE LIPOMLYNER Lipomlyner is beslis nou weer ín. Of jy jou lipstiffie en omlyner meng vir volheid en langdurigheid, en of jy die lipstiffie heeltemal oorslaan en jou hele lip met omlyner inkleur om skerp rande te skep, daar’s ’n wêreld van moontlikhede. En danksy die vreeslose toonaangewers van die 1990’s is nog ’n lipomlynertendens terug en groter…

◼ 1 koppie gekookte spinasie (160 mg magnesium) ◼ ¾ koppie gekookte quinoa (90 mg magnesium) ◼ 30 g amandels (80 mg magnesium) ◼ 1 middelslaggekookte aartappel (50 mg magnesium) ◼ 110 mg gekookte salm (35 mg magnesium) ◼ ¾ koppie gekookte beet (120 mg magnesium) ◼ ¼ koppie sonneblomsaad (115 mg magnesium) ◼ 2 snye volgraanbrood met 1 eetlepel grondboontjiebotter (70 mg magnesium) ◼ 1 middelslagpiesang (32 mg magnesium) ◼ 225 g ongegeurde jogurt (40 mg magnesium) ◼ ½ koppie gekookte bruinrys (40 mg magnesium) ◼ ½ koppie gekookte swartboontjies (60 mg magnesium) ◼ ¼ koppie grondboontjies (65 mg magnesium)…

DROME WORD WAAR Randall wys Saterdagaande op die kassie sy slag in die kombuis as die nuwe beoordelaar in die tweede seisoen van die rapper Early B se reeks My ma kook beter as joune. In dié program ding twee spanne teen mekaar mee. Voorheen het die spanne bestaan uit ’n ma, tannie of ouma wat haar plek in die kombuis kan vol staan, en dan een van haar kinders wat glad nie kan kook nie. In dié seisoen kan pa’s ook saam met ’n dogter of ’n seun deelneem. Sjef Randall (40) besluit dan wie die wenspan is wat die prysgeld huis toe neem. “Dit was altyd my droom om deel te wees van ’n kookprogram,” sê hy. “Ek geniet die interaksie met die gaste, om op kamera te…

Die rapper will.i.am en die popster Britney Spears se elektroniese popsnit “Mind Your Business” was net vier dae uitgereik toe meer as 3 miljoen mense al op YouTube daarna geluister het. Die liedjie fokus op Britney se ervarings om heeltyd deur die paparazzi agtervolg te word en kyk ook na mense se obsessie met haar as ’n ge- wilde maar omstrede kunstenaar. “Ons almal het dinge wat ons eerder privaat sal wil hou, maar omdat ons bekend is, is dit nie altyd maklik nie,” sê will.i.am oor die liedjie se boodskap. Die vorige keer dat die twee sterre saam gesing het, was met die 2013-drievoudige platinumtreffer “Scream & Shout”. Will.i.am is ook ’n musiekvervaardiger en was betrokke by nog treffers van Britney soos “Work Bitch” en “Big Fat Bass”. Hy…

◼ Respek, nie net vir dié met geld en mag nie, maar veral vir jou ondergeskiktes. As jy nie die straatveër respekteer nie, respekteer jy nie sy Skepper nie. ◼ Ek het geleer om my eie vreugde te skep. Om te kies om gelukkig te wees; die mooi te sien. Dit is nie wat ek deurmaak wat saak maak nie, maar hoe ek kies om daarop te reageer. ◼ Om ’n vriend te hê moet jy ’n vriend wees. Vriende laat nie vriende dwelms gebruik nie. ◼ Tyd is ’n kosbare geskenk. Wys my waarmee jy jouself besig hou, en ek wys jou waar jy oor vyf jaar gaan staan. ◼ Sodra jy vir jou verlede verantwoordelikheid aanvaar, kan jy jou toekoms verander. Met die slagofferkaart gaan jou lewe stilstaan.…

SLIM PLAN Ben se werk stuur hom op ’n noodhulpkursus. “Wat sal jy doen as jou kind die voordeursleutel ingesluk het?” vra die instrukteur. “Dan klim ek maar by die venster in,” antwoord Ben. DENISE MURPHY VROUSOEK Die man was regtig eensaam, toe besluit hy uit desperaatheid om maar ’n advertensie op ’n gewilde webtuiste te plaas. “Vrou gesoek,” staan daar in sy advertensie. Die volgende oggend sien hy tot sy verbasing meer as 100 antwoorde in sy inboks. Ongelukkig vir hom sê elke liewe een dieselfde: “Jy kan myne kry.” WOLLIE, PRETORIA NIE SOU OULIK Ek wens ek’t ’n oulike lag gehad. Maar nee, ek klink soos ’n donkie met asma. WOLLIE, PRETORIA NIE SO VARS Klant: “Hierdie visgereg is werklikwaar nie so goed soos die een wat ek…

◼ Wits bied SAGT-lesse teen R7 900 per module aan. Elke module is deeltyds en duur 10 weke; dit benodig ’n minimum van agt studente in elke klas. Die modules dek basiese beginsels soos om in gesprek te tree, en om die hoofpunte van TV-programme of onderwerpe van persoonlike of professionele belang in gebaretaal te verstaan. Daar is ook ’n gratis PDF oor die SAGT-alfabet wat jy op die Wits-webtuiste kan aflaai om tuis te oefen. ◼ DEAFinition, ’n organisasie wat gelyke geleenthede vir die dowe gemeenskap bevorder, bied ook ’n aanlyn kursus aan wat jy teen jou eie pas kan voltooi. Dit dek alles van basiese gesprekke tot meer gevorderde vaardighede soos om saam met tolke te werk. Die kursus kos R249 per persoon. ◼ Die Universiteit van die…