Indholdsfortegnelse for 25 July 2024 i Huisgenoot

1 ‘JA, DIS VERBY’ Sy huwelik met wyle Theuns Jordaan se suster, Linda, is ná net drie maande verby, sê Dirk van Lill. Vir hom en Linda is die seer nog rou Baie sterkte vir jou, Linda. Jy het drie mense in jou lewe wat na aan jou was binne ’n baie kort tyd verloor. Ek verstaan ook hoekom jy so gou getrou het. Ek is net jammer dit het nie gewerk nie. SUZETTE Kitsromanse werk nie. ’n Mens ontmoet die regte persoon wanneer dit jou beskore is. Jy alleen is verantwoordelik vir jou eie geluk. Eerder te vroeg uitvind as te laat, anders was daar baie meer hartseer. Sterkte aan albei. YVONNE Wie sê kitsromanse werk nie? Ons het mekaar ses maande geken. In daardie ses maande het ons verloof…

TOE die nuus breek dat hy die nuwe minister van landbou word in die historiese eenheidsregering wat hy help bewerkstellig het, was John Steenhuisen se WhatsApp-inboks nie net vol gelukwensing en politieke raad nie. Daar was ook die tergery in ander boodskappe – soos die een met ’n gemanipuleerde foto van die DA-leier, ’n Engelsman, in ’n stywe Boerboel-broekie, asof hy gereed maak om die mielieland te stroop. Op ’n ander grappie pryk die woorde: They call him John Deerhuisen. So tussen die landerye en die trekkers. Voor in die koor met die gekskeerdery? Sy eie gesin. Trots was hulle gewis, maar tyd vir grappies is daar altyd. “As jy ’n Steenhuisen is, raak jy gou aan die geterg gewoond,” sê John se vrou, Terry. John spot saam. “Ek het…

t – teelepel/s e – eetlepel/s k – koppie/s OKKERNEUT-&-MOSTERDSAAD-BROOD LEWER 1 GROOT BROOD / BEREIDING: 40 MIN. RYS: SOWAT 40 MIN. / BAK: 40 MIN. Die geure in hierdie brood is ’n vermenging van mosterd, uie, okkerneute en kaas, wat dit ’n baie lekker brood maak. ◗ 30 g heel wit mosterdsaad◗ 30 g heel swart mosterdsaad◗ 250 ml (1 k) water◗ 450 g witbroodmeel◗ 1 x 10 g-sakkie kitsgis◗ 30 ml (2 e) suiker◗ 5 ml (1 t) sout◗ 40 g uievlokkies of 1 ui, gekap en in olie gebraai tot sag◗ 100 g okkerneute, grofgekap◗ sowat 400 ml louwarm water◗ 50 g beleë cheddarkaas, gerasper en verkoel BOLAAG ◗ okkerneuthelftes 1 Plaas die mosterdsaad en 250 ml (1 k) water in ’n kastrol en laat kook 2…

KRY DIT HIER @HOME BY BASH.COM; DSALINEN.CO.ZA 021-701-0329; ELSJE.CO.ZA, 064-505-2842; KNUS.CO 021-300-2702; MRPHOME.COM 064-584-1000 (WHATSAPP); SHEETSTREET.COM 087-754-5354; STOREANDMORE.CO.ZA 011-314-0002; WOOLWORTHS.CO.ZA 0860-022-002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFER NIE VERANTWOORDELIK GEHOU KAN WORD NIE.…

LEEU 22 JULIE – 22 AUGUSTUS Terwyl die son deur jou teken beweeg, kan jy die kollig steel en daarin baai. Jy onderskat moontlik die warmte en spontaniteit wat jy in ander mense se lewe bring. Jou geldplaneet, Mercurius, beweeg op die 26ste in jou geldhoroskoop in en dit dui daarop dat jy jou denke op nuwe idees, planne en inkomstestrome moet begin fokus. MAAGD 23 AUG – 22 SEP Jy het onlangs beperk gevoel tot jou eie geselskap, hetsy uit eie keuse of omstandighede. Hoewel dit ’n uitstekende tyd vir selfondersoek is, sal jy bly wees om te weet dat jou heersende planeet, Mercurius, op die 26ste in jou teken kom sit. Dit sal nie net jou gevoel van selfvertroue verhoog nie, dit sal dit ook vir jou meer in…

1 Die eerste episode van Boer soek ’n vrou is op 30 September 2008 op kyk-NET uitgesaai. 2 Altesaam 160 hubare boere (hierdie seisoen ingesluit) het in die reeks verskyn. 3 Die vervaardigers is bewus van ten minste 28 suksesverhale van boere wat as gevolg van hul deelname aan die reeks die pad na die kansel gestap het. Dit maak Suid-Afrika se weergawe van die maatsoekreeks een van die suksesvolstes ter wêreld. 4 Boer Joachim (seisoen 1) het tot dusver nog die meeste briewe gekry. 5 Talle vroueboere het oor die jare ingeskryf, maar in 2018 was boer Toanette die eerste vrou wat genoeg briewe ontvang het om in die topvyfboere te wees. 6 Ses aanbieders het die afgelope 15 jaar die boere vergesel op hulle reis om liefde te…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. № 2 554 KOMPETISIEVRAAG Watter voël is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser om my kastele in Spanje te sloop deur Jaco Barnard-Naudé (H&R, R280). Jaco Barnard-Naudé se gedig “Spanje, Auden” lui: hy’t geweet om poësie te skryf ís nie ambulansdryf / want dis gister, vandag en môre in een / dit snel te hulp, maar demp nie die bloed nie / dit mop op, maar laai nie in nie, nee / dis helende wond en oop graf / dis die skitter van dooie sterre en absoluut onaf In dié digdebuut…

1 Watter Afrikaland gebruik die dalasi as geldeenheid? 2 Watter pikkewynspesie is die grootste ter wêreld? 3 In watter Italiaanse stad is Michelangelo se Dawid-standbeeld? 4 Wie is die president van Frankryk? 5 Wat is die swaarste metaal? Antwoorde 1 Gambië 2 Keiserpikkewyn 3 Florence 4 Emmanuel Macron 5 Osmium, maar Iron Maiden is tweede BRONNE THE GUARDIAN, CNN, BBC, BRITANNICA.COM, MACHUPICCHU.ORG, SMITHSONIANMAG.COM, APNEWS.COM, KIDSNEWS.COM.AU, WWF.ORG.BR…

ELKE vier jaar kom die beste atlete van oor die wêreld heen bymekaar om deel te neem aan die Olimpiese Spele, ’n byeenkoms wat sy oorsprong 2800 jaar gelede in antieke Griekeland het. Vir die duur van die Spele fokus die wêreld op hierdie atlete wat in ’n gees van vrede en eenheid teen mekaar meeding. ANTIEKE GRIEKSE SPELE Die eerste Olimpiese Spele (bekend as die Griekse Spele) het in 776 v.C. op die vlakte van Olimpia, Griekeland, plaasgevind. Die Spele het elke vier jaar plaasgevind en atlete van verskillende Griekse stadstate het dan in Olimpia saamgetrek om teen mekaar mee te ding. Gedurende dié tyd het daar ’n Olimpiese wapenstilstand gegeld. Dit beteken geen oorloë en gevegte is toegelaat nie. In die eerste Spele was daar net een…

EK VERSAMEL woorde. Pak hulle in my spens. Dink aan ’n pakhuis. Maar ek moet ook met lewende woorde, die lewende taal werk. Dit in aksie sien. Mens kan nie net insit en nie uithaal nie. My werk is ’n groot voorreg. Noem dit gelukkige toeval of sinchronisiteit of net wat jy wil. Dit kon anders uitgewerk het. Ek kon in ’n bank gewerk het. Maar hier is ek nou. As kind het ek gelees. Baie. My ma het blokkiesraaisels ingevul, met woordeboeke, die HAT langs haar. My pa was ’n koerantleser. Ek het in Johannesburg grootgeword, naby die Brixton-toring. My pa het in ’n slaghuis gewerk. My ma het verpleeg. Toe ek klein was … Ek onthou die slaghuis met sy groot tafel teen die venster. Die wit papier…

Volgens die seksuoloog Timothy Kieswetter is daar ’n biologiese verklaring daarvoor dat sommige mense voete verkies. “Die deel van jou brein wat jou voete beheer, sit reg langs die deel wat jou seksueel prikkel. Soms oorvleuel die twee so ’n bietjie en dan sypel die een in die ander in,” bespiegel hy. Timothy sê daar is drie maniere waarop dié voorkeur kan uitspeel. Die eerste een is ’n verslawing. Die persoon kan nie sonder die betrokke prikkel seksueel bevredig word nie. “Dan kan sekere mense nogal baie geld uitgee,” sê Timothy. In die tweede geval gaan dit bloot oor voorkeure. “Dit is amper soos om ’n voorkeur te hê vir blondines bo rooikoppe. Jy verkies die een, maar kan ook daarsonder klaarkom. Dit meng nie juis seksueel in nie.” Die…

DIE Britse akteur THEO JAMES (39) het die TV-skerms laat opwasem in die reeks The Gentlemen, nou smeul hy in ’n nuwe advertensieveldtog vir Dolce & Gabbana. Die veldtog waarin Theo saam met VITTORIA CERETTI (26), Leonardo DiCaprio (49) se meisie, verskyn, is op die prentjiemooi Italiaanse eiland Capri verfilm. Die twee is gesien waar hulle in piepklein wit swembroeke verskyn, terwyl hulle knus in verskeie vleiende posisies by mekaar afgeneem word. In een stadium leun Theo in ’n rubberbootjie oor na Vittoria en soen haar hartstogtelik terwyl die bootjie liggies op die seewater dobber. Dié toneel was so smeulend dat Theo se vrou, RUTH KEARNEY (39), talle simpatieke boodskappe aanlyn ontvang het nadat die foto’s uitgereik is. “Sy vrou is sterker as wat ek is,” het een leser op…

DIS 1972 in München, Wes-Duitsland. Ander Olimpiese swemmers in die oefenswembad se lyf is gladgeskeer om vinniger deur die water te kan gly. Net die Amerikaner spog met ’n snor soos ’n Volksie-buffer. Naderhand gaan vra die Russiese swemafrigter: “Gaan jy nie jou snor afskeer nie, is jy nie bang dit maak jou stadiger nie?” Mark Spitz antwoord: “Die snor keer die water van my gesig af weg. Dit laat my vinniger swem!” Toe wen hy sewe goue medaljes – en die volgende jaar het die hele Russiese swemspan ook snorre gehad. Of so lui die storie. Mark “The Shark” Spitz het die arme Rus net geterg. Sy snor het hy gekweek uit rebelsheid nadat ’n kollege-afrigter hom dit wou verbied, “en dit het my gelukbringer geword”. Wolhaarstorie of nie…

Wanneer en waar was jy op jou gelukkigste? Kersfees as ons wakker word en almal is in die huis. Almal is saam. Watter troeteldiere het jy en wat is hulle name? My honde, Worsie, Frodo, en my hart se punt, Sarah, ’n stray wat ons opgetel het. En dan twee katte, Bun en Bixie. Wat is vir jou snaaks? Ek lag vir pyn, en dan cringe ek, en dan kry ek jou baie jammer. Wie is jou helde? My grootste held is my pa. Ek het dit vir hom gesê toe hy nog gelewe het en hy is nog steeds my grootste held. Ek mis hom en hy sal altyd my grootste held wees. Wie sou jy die graagste vir ete wou nooi? My pa. Wat sou jy dan vir ete maak? My ma…

Die laaste keer dat ’n aanvaller so naby daaraan gekom het om ’n Amerikaanse president af te maai, was toe ’n sielkundig onstabiele man, John W. Hinckley jr. (toe 25), Ronald Reagan in 1981 raakgeskiet het. Hinckley het geen politieke motief gehad nie. Hy was versot op die aktrise Jodie Foster en het gehoop as hy in die nuus beland, sal Jodie van hom bewus raak en aan hom aandag gee. Dit was uiteraard waansin. Reagan is in die sy getref en was vir 13 dae in die hospitaal. Amerikaners van sowel die politieke regter-as linkervleuel het toe ’n uitbarsting van simpatie en lojaliteit vir hul president beleef. “Hy was polities onaantasbaar daarna,” sê David Broder, ’n politieke joernalis van The Washington Post. Trump is nie naastenby so erg soos…

VLOOTBLOU SWART & WIT LIGPERS GRASGROEN AARDSE KLEURE VLAKKE VAN GRYS WYNROOI KRY DIT HIER ACKERMANS 086-090-0100; BASH.COM; COTTON ON 087-550-4383; DC1 087-110-0011; EXACT 021-938-7096; FOSCHINI 021-938-7096; H&M 086-069-0707; IDENTITY 021-460-2426; MARKHAM 021-938-7096; MILADYS 0800-212-535; MR PRICE 064-584-1000; SPEC-SAVERS 011-907-6516; SUPERBALIST.COM; THE FIX 021-938-7096; TRUWORTHS 087-285-9401; WOOLWORTHS 0860-022-002; YDE 021-460-2500; ZARA 011-302-1500 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. HOE GEMAAK MET MY VERSLONSTE SWAER? V As pensioenarisse knyp die ekonomie soms, en ons het ’n plan gemaak vir ’n ekstra inkomste. Die motorhuis is in ’n woonstel omskep en uitgerus met alles wat ’n mens nodig het om gemaklik te lewe. Voor ons nog die eerste advertensie kon plaas, het my man se oudste broer ingetrek. Ek sukkel nou nog om te verstaan hoe dit gebeur het, want hierdie…

1 HEKMOTORS Dié toestelle kos enigiets van R4 000 tot R25 000. Diewe verkoop dit volledig of as onderdele, sê Fidelity ADT. Hekmotors word gewoonlik onder jou eiendom se gebouversekering gedek – nie deur jou huisinhoudversekering nie. Doen dit: Lees jou gebouversekering om seker te maak dat jou hekmotor gedek is en vir hoeveel. Kyk of die verwangingswaarde nog realisties is. 2 BANDE EN VELLINGS Wanneer diewe hekmotors steel, vat hulle dikwels die bande en vellings van voertuie agter die hek. Jou bande en vellings sal gedek wees as jy omvattende voertuigversekering en derdeparty-, branden diefstalversekering het. Dit sal nie gedek word as jy net derdepartyversekering het nie. Onthou, as jou polisvoorwaardes vereis dat jou voertuig snags in ’n motorhuis toegesluit word, en dit was nie, kan jou eis misluk. Weet…

Wat’s binne? - Heeldag-ontbyte - Pasteie en noedelgeregte - Sop en brood - Groentegeregte - Bredies en lugbraaivleis - Vis, hoender en peuselhappies - Poedings en koekies BESTEL NOU AANLYN media24.shop.com of huisgenootwinkel.com E-POS koop@huisgenoot.com BEL 021-406-4962…

1 OOR SKEMERGROND Vertel ons oor jou karakter. Louis is ’n introvert en weet nie juis veel van die buitewêreld nie. Hy het nog nooit ’n meisie gehad nie en ken net die plaaslewe en wil net daar werk. Wat doen Louis wat jou irriteer? Louis is te stil en doen nie wat hom gelukkig maak nie. Hoe’s jy en Louis dieselfde? Ons is glad nie dieselfde nie. Al wat Louis ken, is die plaas. Ek is mal oor die stad. Sal jy vriende wou wees met Louis? Ja, Louis is ’n gawe en goedgemanierde seun. Dink jy Louis sal van jou hou? Dis nogal ’n moeilike vraag, ha-ha! Maar ek dink Louis sou dink ek is weird of anders. Hy ken nie stadsmense nie, so hy sou nie met…

OP 13 het die Israelse tiener Eli Ozer met ’n geheim saamgeleef. Elke keer wat hy ’n fliek gekyk het, het iets sy hart laat spring: enige welgeskape paar voete. Hy’t video’s voos gekyk, een vinger op die pause-knoppie, in gretige afwagting vir die volgende paar menslike voete wat per abuis oor die skerm sou wals. Soos wat ander mense in hulle vroeë tienerjare kennis maak met hulle seksuele identiteit, so het klein Eli tot ’n ingrypende insig gekom wat die toon sou aangee vir sy hele lewe. Hy’t besef hy is ’n voetmens. Eli het ’n programmeerder geword en in 2008 die volgende stap geneem: Hy’t ’n webtuiste begin waar fynproewers van die voet se vorm en funksie na hartelus foto’s van hulle geliefkoosde stapinstrument kon uitruil. WikiFeet is…

HY’S ’n regte klein waaghals. Eers hys hy homself op teen die koffietafel, dan doen hy toertjies op die vloer. Die volgende oomblik klouter hy oor sy ma en, o gits, daar sit hy sy ouboet se speelgoedsoldaatjies in sy mond – die einste kwylmond wat so breed glimlag. Ander ouers trek soms hul hare uit oor dié streke van hul kind se “terrible twos”. Maar nie Anerike en Marinus Schutte van Pretoria-Oos nie. Nee wat, hul klein Rikus se manewales is vir hulle die mooiste ding op aarde. As jou kind binne sy eerste lewensjaar ’n volle 202 dae in die hospitaal was, 57 daarvan aaneenlopend, leer jy om vir geen oomblik saam ondankbaar te wees nie. “Ja, jy sal eintlik nooit sê hy was so siek nie,” sê…

SOMERLYWE word in die winter gebeitel, of hoe? Dis lekker om in jou gunstelingjeans te pas, maar om gesonder te leef hou soveel meer voordele as net gewigsverlies in. “Die lekkerste deel is dat ’n mens só goed voel,” sê Nicole Hellinger-Bosman, aanbieder van die leefstylreeks Wanderlus en iemand wat nie selfbewus wil wees voor die kamera nie. “Veral as jy voorheen ’n ongesonde leefstyl gevolg het, voel jy soos ’n nuwe mens met ’n baie beter selfbeeld.” Inette Ferreira, die gewese Bul Andries Ferreira se vrou en ma van twee, stem saam. Inette het die afgelope drie jaar meer as 15 kg verloor. “Ek volg ’n gebalanseerde dieet ryk aan proteïne en groente en oefen gereeld.” Om gereeld te oefen is baie belangrik, beaam Nicole. “Ek oefen drie tot vier…

Die internet blaas verby soos ’n Putco-bus. Hy moet pasop, hy gaan nog eendag in iets vasry. Ons sit langs die pad en ’n storm van woorde, terme en frases kletter om ons neer. Dis minmax en nerf, buff en meta, aimbots en aggro. Dit help nie eens om te sê wat dié woorde beteken nie. Dis nie eens interessant nie. Jy weet – of jy hoef nie. Mens kan nie koolkoppe vir kaaskoek verkoop nie. Maar soms bly iets agter as die stof gaan lê. Soos die eensame naam wat ons gehad het vir die soort stories wat Huisge  noot vertel. As die skrywer die storie chronologies voor jou laat afspeel, is dit destyds ’n “tick-tock” genoem. Dis tick-tocks wat Pulitzers wen, nie koue nuusberigte nie. Maar daai internetbus het…

UIT sommige nagmerries ontwaak ’n man nie sommer nie. Soos die een van “die oerwoud”. Die oerwoud met sy ontberinge, die oerwoud met sy angs. Wanneer Callie Strydom vandag terugdink aan die eiland waar hy byna ’n kwarteeu gelede as gyselaar aangehou is, noem hy dit “die oerwoud”. Asof hy praat van die plek waar iemand anders die hel trotseer het. Die oerwoud was die Filippynse eiland Jolo, waar Callie en sy eerste vrou, Monique, in 2000 vier maande lank deur die militantegroep Abu Sayyaf aangehou is nadat hulle gedurende ’n skubaduikvakansie ontvoer is. Dít, sal enigiemand wat daardie tyd die nuus gevolg het jou vertel, was veel erger as enige koorsdroom. Die herinneringe daaraan het lank aan Callie bly klou. Die geluide in die nag. Die gesigte van die…

MET haar pienk skoene, elkeen met ’n strik opgetof, sit sy aandagtig en luister hoe gaste hul hart voor haar uitstort. Daar is geen kaartjie in haar hande met vooraf uitgewerkte vrae nie, ook nie ’n tablet met notas soos in die hande van so baie ander aanbieders nie. Ag nee wat, sy skiet sommer uit die heup en verkies om te luister na wat haar gas sê en dan daaroor te gesels. “Ek glo as jy regtig na iemand luister, sal jy mos weet wat om volgende te vra,” sê Leandie du Randt. Sy voeg by sy sorg dat sy vooraf goed voorbereid is met sekere vrae wat sy memoriseer. Dié 35-jarige aktrise en aanbieder spog deesdae met ’n nuwe juweel in haar kroon: haar eie kletsprogram, Gesels, op…

10 Soveel medaljes het Suid-Afrika in 2016 in Rio de Janeiro gewen. Dit was ons suksesvolste Spele. 179 Die getal lede van SA se grootste span nog, in Tokio in 2021. 4 Soveel SA atlete kon al meer as een medalje by ’n enkele Spele wen, almal in die swembad: Penny Heyns (1996, 2 medaljes), Roland Schoeman (2004, 3 medaljes), Chad le Clos (2012 en 2016, 2 medaljes elk) en Tatjana Smith (2021, 2 medaljes). 30 Vir soveel jaar kon Suid-Afrika nie deelneem nie weens sportisolasie. Die SA Sportkonfederasie en Olimpiese Komitee is in 1991 gestig, en die land het die volgende jaar in Barcelona deelgeneem. 5 Ons getal wêreldrekords by verskillende Speles. Swem: Penny Heyns in die 100 m-borsslag in 1996; die 4 x 100 m-aflosspan van Roland Schoeman,…

JOU NEK DIE PROBLEEM ’n Afname in vlakke van kollageen en elastien, tesame met ’n swak liggaamshouding en die gewoonte om gereeld af te kyk na jou foon, beteken jou nek is geneig tot horisontale voue, sakkerigheid en plooie. DIE OPLOSSING Jou nek het minder oliekliere as jou gesig. Een van die beste dinge wat jy kan doen, is om jou daaglikse velsorgroetine uit te brei tot onder jou kaaklyn. Active Ceuticals Glycolic Acid Peel Pads (R650 vir 30) sal dié area gladder en helderder laat lyk. Wend daarna Prai Ageless Throat & Décolletage Serum (R1 299 vir 120 ml) met opwaartse hale aan om die vel veerkrag te gee. JOU DÉCOLLETAGE DIE PROBLEEM Jou borsgedeelte word net soos jou hande en gesig aan die elemente blootgestel. Dis daarom vatbaar…

◗ Om jou bier vinnig koud te maak, sit dit in ’n bak met ys, water en ’n hand vol sout. Die sout verlaag die temperatuur waarteen water vries. Die water raak dus kouer as vriespunt, wat die bier gouer afkoel. Gee dit so 15 minute.◗ Sit vir daai lastige uietrane die ui sowat 15 minute in die vrieskas voor jy hom sny. Dit sal keer dat jou oë brand of traan.◗ As jy wil toets of ’n rou eier vars is, sit dit in ’n bak koue water. As dit sink, is dit vars. As dit dryf, gooi dit weg. Die vloeistof in eiers verdamp mettertyd deur die dop en laat ’n gasborrel agter wat dit laat dryf.◗ Om ’n klein vuur te blus wat weens ’n kortsluiting of…

HENDRI, 31 VROULIKE PASMAAT Dewetsdorp, Vrystaat Boerdery: Bees & skaap ANDRÉ, 31 VROULIKE PASMAAT Mookgophong, Limpopo Boerdery: Vee, wild & pekanneute JANCO, 37 VROULIKE PASMAAT Colesberg, Vrystaat Boerdery: Skaap, bees & wild LULANI, 40 VROULIKE PASMAAT Philippolis, Vrystaat Boerdery: Bees & skaap QUINTUS, 38 VROULIKE PASMAAT Winburg, Vrystaat Boerdery: Vee, saai & gemeng DAANDRÉ, 26 VROULIKE PASMAAT Brits, Noordwes Boerdery: Groente JACQUES, 26 VROULIKE PASMAAT Venterstad, Oos-Kaap Boerdery: Skaap & bees JW, 23 VROULIKE PASMAAT Villiersdorp, Wes-Kaap Boerdery: Gemeng NIEL, 30 VROULIKE PASMAAT Dannhauser, KwaZulu-Natal Boerdery: Saai & vee SANEL, 39 MANLIKE PASMAAT Dwaalboom, Limpopo Boerdery: Wild & bees…

HIKING THE FISH: THE ULTIMATE GUIDE TO THE FISH RIVER CANYON TRAIL Deur HENK BLANCKEN-BERG en LIZET MEYER Penguin Random House, R139* In nog ’n geval van daardie vreemde verskynsel – sinchronisiteit – is ek besig om dié boek te lees toe die nuus kom van 13 stappers wat per helikopter uit die Visriviercanyon gered moes word. Verkeerde inligting het ’n tekort aan water veroorsaak. Dit wys net weer: Jy pak die Vis nie sommerso aan nie. Hiking the Fish help jou voorberei vir die stap van vyf dae. Dié skrywers weet waarvan hulle praat. Henk Blanckenberg is ’n avontuurgids wat groepe al na Kilimandjaro, Machu Picchu en die Grand Canyon begelei het. Lizet Meyer hou van waagsport en stap, en sy het al baie staptogte plaaslik gedoen asook ’n…

ERFGOETE Oom Gert gaan na sy prokureur toe. “Ek wil graag ’n testament opstel, maar ek weet nie presies hoe om dit te doen nie.” “Dis geen probleem nie, Oom. Los dit net vir my.” Oom Gert kan sy ore nie glo nie: “Wel, ek het geweet jy gaan ’n deel vat, maar ek wil graag ’n bietjie vir my kinders ook los!” JOHANNA RADEMEYER GESIGWAS Gehoor van Vuil Gertjie? Die enigste tyd wat hy tot agter sy ore was, is as hy ’n waatlemoenskyf eet. JOHANNA RADEMEYER VEROUDERD Die Drakensbergseunskoor kom sing op Mike en Kallie se dorp. “Kom ons gaan kry kaartjies vir die konsert,” sê Kallie. “Ag nee, wat,” sê Mike. “Ek het 40 jaar terug na daai selfde laaities gaan luister. Wie wil nou gaan hoor…

Voor jy begin beplan aan die roem en rykdom wat jou trappers vir jou gaan bring, moet jy ook in ag neem dat sommige voete beter vaar as ander. In ’n onlangse peiling deur die webtuiste FunWithFeet is bepaal dat mense met sogenaamde “peasant”-voete maklik $45 000 vir ’n foto van hul voete kan kry. Dié soort voet is die skaarsste soort. Sulke boerevoete word geken daaraan dat die drie grootste tone presies ewe lank is. ’n Mens leer elke dag iets nuuts. Mense met Griekse voete, waar die tweede toon langer as die res is, kan tot $40 000 verdien. Romeinse voete, waar die drie kleinste tone dieselfde lengte is, kan blykbaar ook ’n aansienlike bedraggie losslaan. Rooi naellak is ’n gunsteling onder die voetvrate. Volgens die peiling is…

LUE is sy sout werd! Dít weet Llewelyn Kester, oftewel Blue, asook die aan-hangers van die werkliksheidsreeks Plaasjapie nou beslis. Met prysgeld van byna R800 000 en die nuwe oortuiging dat hy waardig is om te wen, geniet Blue sy kitsroem terdeë. Hy kan nou eindelik ontspan ná die strawwe uitdagings wat hy as pure stadsjapie moes trotseer. Ja, om te wen was lekker, maar Blue koester veral die vriende wat hy tydens die verfilming gemaak het. “Die lekkerste oomblikke op die plaas was in die aande toe ons kon vergeet van die game play en net kon gesels en mekaar beter leer ken,” sê hy. Hy het voorheen aan die VIA-werklikheidsreeks Trap! Dis my huis deelgeneem, maar met sy deelname aan Plaasjapie het hy kitsroem gevind – iets waaroor…

DIT word die uitspattigste troue van die dekade genoem. Indië se rykste familie het geen koste ontsien om hul gaste te beïndruk toe ANANT AMBANI (29), erfgenaam en die jongste seun van Indië se rykste man, Mukesh Ambani, met RADHIKA MERCHANT (29) getrou het nie. Die gaste was die room van die rykes en beroemdes wat van reg oor die wêreld ingevlieg het vir ’n ekstravaganza oor drie dae in Mumbai. Bekendes uit die vermaakbedryf in Holly-én Bollywood, asook sportsterre, Indiese en internasionale politici, sakelui en entrepreneurs was by die troue begin Julie. Kim en Khloé Kardashian, John Cena, Priyanka Chopra en haar man, Nick Jonas, asook die voormalige Britse premiers Tony Blair en Boris Johnson en hul gades het naan gebreek met van die bekendste families in Indië. “Dis…