Indholdsfortegnelse for 3 October 2024 i Huisgenoot

HY SIT voor sy sketsbord, ’n pen in een hand, sy bril in die ander. Diep aan die dink. Die horlosie tik, ’n spertyd kruip nader, en Jonathan Shapiro het nog steeds nie besluit oor wie sy volgende spotprent sal gaan nie. Miskien Donald Trump. Miskien iemand anders. Wie en wat het hy nog nié geskets nie? Dekades lank al ryg Suid-Afrika se beroemdste spotprentkunstenaar die een karikatuur ná die ander uit. Hy’s Zapiro, en álmal ken sy werk. Die politici ook, want dis veral hulle wat aan die kortste ent van sy potlood trek. As ’n mens kyk na hoeveel van dié spotprente hy elke week skep, lyk dit amper maklik, maar Jonathan sê dis glad nie die geval nie. Hy moet drie spotprente per week lewer, en dikwels…

Wanneer jy op die dek van die kantoorgebou in Randburg gaan sit waar tonele van Banana Air verfilm word, strek die Hoëveld omtrent soos ’n vliegveld voor jou uit – perfek gepas vir die reeks. ’n Skraal windjie waai terwyl een van die tonele met Koekie, Barbie, Brand en Hester verfilm word. Brand kom ingestap terwyl Koekie en Barbie skinder oor Brand se verhouding met Koekie. Brand plant ’n soen op Koekie se lippe en skuif haar lugwaardinhoedjie dat dit skeef trek. Om nie van die voet in die lug te praat wat Koekie uitskop van die lekkerkry omdat dié vlieënier haar gekies het nie. Die toneel word ’n paar keer verfilm om al die klank en dialoog reg te kry, tot die regisseur, Pieter Esterhuizen, tevrede knik. Binne-in die…

FLIEK GENIET THOR OP E.TV Toe Marvel Studios klaar verfilm het aan die Iron Man-, The Incredible Hulk- en Captain America-flieks, was die volgende fliek op die lys Thor (2011), ’n rolprent wat in die fantasiewêreld van Asgard afspeel. Maar hoe maak jy dit geloofwaardig? Iron Man en The Incredible Hulk was aksieflieks, terwyl Captain America in die Tweede Wêreldoorlog afspeel. Dit sou nie maklik wees om ’n fliek te maak waar jy Noorse gode het wat teen monsters veg met towerkragte en Middeleeuse wapens nie. En hoe gaan die flieks in die groter prentjie met mekaar kan praat? Dit was ’n groot uitdaging, maar met Chris Hemsworth as ’n hoogs doeltreffende god van donder, en die vaardige regisseur Kenneth Branagh wat as Shakespeare-kenner nie skrik vir ’n draaiboekuitdaging nie,…

OP 10 September het die ruimtemaatskappy SpaceX een van hul mees ambisieuse sendings tot nog toe gelanseer. Aan boord van SpaceX se Crew Dragon was die sakeman Jared Isaacman, die vlieënier Scott Poteet en die ingenieurs Sarah Gillis en Anna Menon. Al vier die spanlede is kommersiële ruimtevaarders, wat beteken hulle werk nie vir die Amerikaanse regering soos gewone Nasa-ruimtevaarders nie. Sarah en Anna is die eerste van SpaceX se werknemers wat ruimte toe gaan. Jared, wie se idee die sending was, het besluit om dit Polaris te noem, na die Noordster. Die span het vyf dae in die ruimte deurgebring. Op die eerste dag het hulle geskiedenis gemaak deur die hoogste wentelbaan om die Aarde te behaal sedert die sendings wat maan toe gegaan het in die 1960’s en…

SYFERSTORIES 7 Dis hoeveel VMA’s TAYLOR SWIFT op vanjaar se prysaand gewen het. Sy is bekroon vir video van die jaar vir die liedjie “Fortnight” wat sy saam met Post Malone sing. Sy sê hoewel die video hartseer is, was dit “baie pret om te maak”. Taylor en Beyoncé het albei 29 pryse in totaal. 14-16 Die premier van Australië, ANTHONY ALBANESE, het aangekondig sy regering oorweeg ’n ouderdomsperk vir die gebruik van sosiale media. Die regering gaan ’n toetsperiode hê voor hulle die perk waarskynlik tussen 14 en 16 sal stel. “Ek wil kinders op tennisbane en in swembaddens sien, nie op hulle foon nie,” het Albanese gesê. 115 Dis hoeveel klagtes die Premierliga-span Manchester City teen hulle het in ’n hofsaak wat op 16 September begin het. Die…

NÊRENS, NOORD-KAAP – DEEL 2 Die tweede seisoen van Nêrens, Noord-Kaap is nou op kykNET. In die nuwe seisoen is daar twee susters wat twee susters speel. Inge en Nina Dippenaar van Durbanville speel die 14-jarige weergawes van Lorrie en Marli. WAAROOR GAAN DEEL 2? Na afloop van die wankelrige reis terug na hulle ouerplaas, Nêrens, wil drie broers en hulle pa mekaar opnuut leer ken – ná jare van vervreemding. Soos in deel 1 is daar tonele in die hede asook in die verlede toe die drie broers nog jonk was, wat help om die legkaart te bou van hoe hulle beland het waar hulle vandag is. En die twee susters, Inge en Nina, is in die tonele uit die verlede te sien. INGE (17) In byna elke ou…

OP DIE aand van Vrydag 9 Desember 1988 is Sydney-hawe deur ’n verskriklike donderstorm getref. Dit het die hele nag kliphard gereën en die krag was op verskeie plekke in die stad af. Teen die tyd dat die son opgekom het, was die storm verby. Bryan Butson, sy vriend Paul Patterson en Paul se 13-jarige seun, Stephen, was negeuur die oggend op pad om te gaan spieshengel. Die plek waar hulle dit wou gaan doen, was tussen die rotse onder die North Head-kranse in die kusvoorstad Manly, 20 minute van die stad af. Hulle het duikpakke aangehad en spiese en emmers gedra. Hulle bestemming was die onderkant van die kranse wat 14 verdiepings hoog oor die see troon, in die rigting van die seepoele. Dis toe dat Stephen ’n liggaam…

HY’S een van daai ouens wie se gesig jy herken, al weet jy nie dadelik van waar nie. Iewers het jy hom al in ’n fliek gesien. Hy was ’n samoerai of ’n skurk. Dis moeilik om meer spesifiek te wees. Al is Hiroyuki Sanada al vyf dekades lank ’n besige akteur, speel hy omtrent altyd tweede viool in ondersteunende rolle teenoor groot kanonne soos Tom Cruise, Hugh Jackman en Keanu Reeves. Maar nou is dit sý beurt. Ná al die jare het Hiroyuki se oomblik in die kollig uiteindelik aangebreek. Die 63-jarige akteur is die man van die oomblik nadat hy ’n Emmy vir sy vertolking van die hoofrol in die reeks Shogun gewen het. Hy is die eerste akteur van Japan wat een van dié trofeë vir beste…

Anton word deur sy aanhangers as die “vader van Afrikaanse rock” beskryf. Sy nuwe musiekvideo vertel van ’n sexy paaldanser van Velddrif wat in Johannesburg woon en in ’n klub dans om haar brood te verdien. “Die inspirasie het gekom toe ek Gigi se boek Nipple Caps & G-strings gelees het,” sê Anton. “Daar was ook ’n verhoogstuk deur Deon Opperman met dieselfde titel. En omdat die album Sirkels so ’n draai maak om al die liedjies, het dit net sin gemaak om paaldans, wat ook in sirkels is, te gebruik.” Hy het navorsing gedoen en oorweeg om ander name vir die liedjie, soos Mimi of Zaza te gebruik, maar eindelik het die naam “Gigi” gewen. Anton voel die verhaal van vroue wat paaldans, kan dikwels ’n eensame einde hê,…

Die akteur TOM HOLLAND, die Marvel-superster wat bekend geword het in die titelrol van Spider-Man, het onlangs sy amateurgholftalent vertoon in die BMW-Pro-Am-liefdadigheidstoernooi in Virginia Water, Engeland. Tom (28) was een van die sterre wat saam met beroepsgholfspelers gespeel het in ’n vriendskaplike toernooi om geld vir liefdadigheid in te samel. Hy was saam met die Britse gholfspeler Tommy Fleetwood (33) in ’n span.…

JY SAL hom gewoonlik diep in die berge aantref. Weg van die rumoer van die samelewing. Dit is hier tussen die kliprante van Lydenburg se gebergtes waar die veteraanakteur Ian Roberts ’n heilsame vrede ervaar. ’n Plek waar hy voëls van verskillende kleure en groottes kan dophou, en as hy gelukkig is, sal hy selfs ’n ribbok gewaar – of soos hy hulle noem: “die spoke van die veld”. Maar dit is kees se kind wat hom elke keer wanneer hy terugkeer in sy toevlugsoord welkom heet. “Hulle blaf vir my. So amper asof hulle vir my sê: Hei, wena, waar was jy?” Ian het oudergewoonte sy kenmerkende breërandhoed op. Die einste hoed wat hy dra wanneer hy so die boendoes invaar vir ontvlugting. “Hoe groter suburbia, hoe verder verwyderd…

1 ANGSTIG Selfs met noodsaaklike aankope is jy angstig dat jy te veel bestee. Jy soek altyd na winskopies en kla alewig oor pryse. Voordele: Jy het gewoonlik spaargeld as ’n veiligheidsnet. Aangesien jy nooit sonder ’n inkomste wil wees nie, is jy waarskynlik ’n toegewyde werker. Nadele: Jy vermy skuld, maar waag nie om geld te belê vir langtermyngroei nie. Jy geniet selde die lewe, want jy is altyd bekommerd oor wat dit kos. Doen dít: Vra ’n rekenmeester of finansiële beplanner (fpi.co.za) se raad oor ’n realistiese begroting waaroor jy jou nie hoef te bekommer nie. Maak seker jy het sowel kort- as langtermynversekering om jou te help om jou vrese vir onverwagte gebeure te bowe te kom. 2 TRAAK-MYNIE-AGTIG Jy ontwyk finansiële besluite en begroot selde. Jou…

DIE kappertjies in die glaspotjie op die tafel langs haar stoel is aan die doodgaan. Sy gaan dit maar moet uitgooi, dink Lettie en wonder of nuwes sou blom. Haar teekoppie is leeg. Dis halfdonker met net die leeslamp wat brand. Aan haar voete lê gister se Die Burger halfgelees. Êrens suis die radio sag, half van sy stasie af. In haar viltpantoffels en kamerjas staan Lettie op en struikel kombuis toe met die koppie, tap nog water in die ketel en skakel dit aan. Ai, Vader tog, wat gaan San en Jannie sê? En die donnerse Lenie! Lettie het haar lankal gestaal vir hierdie dag, gedink sy sal dit kan hanteer. Móét – daar’s tog g’n salf aan te smeer nie. Sy weet. Lenie sal wel fout vind, dis…

AMERIKA BESTE PIZZA IN NEW YORK TE KRY Pizza is dalk in Napels in Italië die eerste keer gemaak, maar Una Pizza Napoletana in New York dra vanjaar die kroon vir die beste pizza ter wêreld. Die beoordelaars sê die sjef hier, Anthony Mangieri, behou nog die tradisionele elemente van pizza, al sit Amerikaners deesdae enigiets op die gereg. As ’n troos vir die Italianers is darem vyf van hulle restaurante in die top- 10, twee van hulle in Napels. GROENLAND WETENSKAPLIKES VIND OORSAAK VAN SEISMIESE AKTIWITEIT In September 2023 het sensors reg oor die wêreld seismiese aktiwiteit opgetel wat vir nege dae aangehou het. Wetenskaplikes kon eers nie verklaar wat dit veroorsaak nie, maar het nou ’n antwoord. Die aktiwiteit het gebeur as gevolg van ’n massiewe tsoenami wat…

HIERDIE WEEK IN DIE GESKIEDENIS 👉 1 OKTOBER 1964 – DIE EERSTE SHINKANSEN BEGIN LOOP Op 1 Oktober 1964 het die eerste van Japan se hoëspoedtreine begin loop. ’n Seremonie om die treine in te huldig is by die hoofkwartiere van Japan se nasionale spoorwegkantore gehou en bygewoon deur die keiser Hirohito. Die treine staan bekend as Shinkansen, wat “nuwe hooflyn” beteken. In Engels word daar na die treine as “bullet trains” verwys. Die Tokaido Shinkansen is net betyds voltooi vir die Olimpiese Spele wat in 1964 in Tokio plaasgevind het. Die netwerk verbind die meeste van die groot stede op die eilande Honshu en Kyushu. Die eerste twee treine het presies om tienuur die oggend by hul bestemmings, Tokio en Osaka, aangekom. Aan die einde van die Tweede Wêreldoorlog…

DIE fisikus Albert Einstein het gesê die verbeelding is belangriker as kennis. “Kennis is beperk,” het hy gesê. “Die verbeelding kan die heelal omring.” Daaruit kan ons aflei dat die verbeelding nogal ’n waardevolle eienskap is om te hê! Weet jy wat verbeelding is en hoe dit werk? Is dit iets wat ons kan verbeter? WAT IS VERBEELDING? As iemand sê ons moet ons verbeelding gebruik, sal die meeste van ons weet dit beteken ons moet prente, ’n storie of selfs ’n gevoel in ons kop oproep. Eerder as om dit werklik voor ons te sien gebeur, skep ons ’n prentjie van hoe ons dink dit kan wees. Ons kan sê verbeelding is ons vermoë om beelde, gevoelens, idees en sensasies in ons gedagtes te vorm sonder enige insette deur…

‘EK SPEEL al my hele lewe lank games – my ouers sê vandat ek drie jaar oud was. My ouers was daai tyd ook self gamers. Ek dink ek wou ook net deel wees van alles en dit is waar die liefde begin het. My ma het veral baie Sims gespeel, sy het van daardie tipe games gehou. My pa het weer al die grootste en nuutste games gespeel, soos Grand Theft Auto. Hy’t games gespeel wat ek seker nie veronderstel was om te speel nie. Maar ek het alles gespeel, iets van alles, al was ek nog klein en nie noodwendig goed daarmee nie. Gaming was só ’n groot deel van my grootwordjare. Ek kon sien hoe dit mense en my gesin bymekaarbring. Dit was lekker om die joy…

MARIJKE COETSER EN CALEB SWANEPOEL Twee nuwe karakters wat vinnig geliefd sal raak onder kykers, is die enkelma René du Preez, gespeel deur Marijke Coetser, en haar seun, Lucas, gespeel deur Caleb Swanepoel. Lucas het naam gemaak in oopwaterswem, met René as sy afrigter. Sy passie vir swem is deur sy ma se stories oor die see aangewakker. Maar ses maande voor sy aankoms by die Swartmarlyne het Lucas sy been in ’n haai-aanval verloor. Hy bevind hom op ’n uitdagende reis om weer sy liefde vir water terug te kry. Vir Caleb, wat al voorheen met Huisgenoot gepraat het oor die haai-aanval nege jaar gelede waarin hy sy been verloor het, is die rol baie persoonlik. “Ek pas in die storielyn in as ’n voormalige swemmer en nasionale kampioen…

‘Ek hoop sy’s oukei. Sy’s deur baie, maar ek moet sê sy lyk nie lekker nie’– ’N AANHANGER OP YOUTUBE VRIENDE en familie van die aktrise HAYDEN PANETTIERE, wat onthou word as die cheerleader in Heroes, is bekommerd ná ’n onderhoud onlangs waarin sy erg sleeptong gepraat en minder as nugter voorgekom het. In die laaste jare het Hayden, wat nou 35 is, ’n hele klomp persoonlike krisisse beleef, dinge wat sy in die onderhoud met People bespreek het. Eers het sy toesig oor haar dogter, Kaya, verloor. Toe moes sy worstel deur alkoholisme en ’n verslawing aan voorskrifmedisyne, en dít terwyl sy in ’n toksiese verhouding was. Die laaste terugslag was toe haar broer, Jansen, verlede jaar op 28 oorlede is. Hy is dood weens ’n vergrote hart en…

SO VER soos die oog kan sien, is die wêreld onder sneeu begrawe. Êrens huil ’n baba ontroosbaar, in die lug hang die stank van petrol. Veg is nie ’n opsie nie. Om jou vuiste te bal terwyl die sneeu net bly val, sou sinneloos wees. Vlug kan jy ook nie. Dit kan jou jou lewe kos. Hier in jou kar sit jy. Sonder kos. Sonder water. Sonder ’n plan. Ál opsie is om die kar se enjin aan te los sodat die verwarmer werk. Maar die petrol gaan nie vir altyd hou nie. En daar’s niks sein nie. Geen manier om vir hulp te roep nie. Dramatiese tonele het hulle so drie dae lank op die N3 tussen Johannesburg en Durban afgespeel toe honderde motoriste van 20 September af…

DIE Bolgheri-wynstreek in Toskane is om van te droom. Wingerde so ver die oog kan sien, boomryke lane wat oor die heuwels slinger, kabbelende waterstrome, ’n Middeleeuse kasteel wat oor alles waak. Soos die gasvrye Italianers sou sê: Bellissimo! Dis mos nou net die plek vir ’n idilliese vakansie. Veral ná al die aksie en drama in Parys, waar jy net ’n week tevore die bronsmedalje gewen het. Maar jy maak ’n fout as jy dink Pieter du Preez (44) het daar gaan vakansie hou. Vroeg soggens, terwyl ware toeriste nog die vorige aand se pasta en wyn afslaap, kon jy dié Paralimpiese atleet en sewemalige wêreldkampioen op die pad met sy handfiets aantref. Want toe Huisgenoot hom raakbel, was dit net ’n paar weke voor hy op 24 en…

As jy die meeste van jou tyd voor ’n rekenaarskerm deurbring vir werk, sit jy ook waarskynlik die meeste van die tyd. Dit kan ’n negatiewe invloed op jou welstand hê. Gelukkig kan fisieke oefening ’n groot verskil maak. Dit kan wel moeilik wees om tussen werk, pendel en jou verpligtinge by die huis nog tyd te maak om te gaan draf of by die gimnasium uit te kom. Dis waar mikro-oefeninge inkom. Dis kort oefeninge wat jy deur die loop van die dag sommer by jou lessenaar kan doen, of terwyl jy koffie of tee maak. Dit behoort jou nie meer as 2-3 minute per keer te vat nie, maar saam vorm dit ’n langer oefensessie. Kom só in die gewoonte Moenie te veel op een slag probeer doen…

DIS die ideale bestanddele vir ’n topklaskomedie: Banana Airways is ’n laekostelugredery met ’n span sexy maar eksentrieke lugwaardinne, twee aanvallige vlieëniers, ’n senuweewrak van ’n bestuurder, en sy naïewe regterhand. Voeg daarby ’n turbulensie of twee, absurde penaries en Willie Esterhuizen se komiese inslag, en jy het jou lagmedisyne vir die hooikoorsseisoen. Willie vertel die reeks spruit uit die rolprent met dieselfde titel wat hy in 2021 vir kykNET gemaak het. “Wanneer iemand vertel hulle werk vir ’n lugdiens, wil mense altyd meer weet van hulle doen en late, juis omdat hulle op die oog af so ’n opwindende en ongewone leefstyl het. Vandag is hulle in Kaapstad, môre in Hongkong, en die volgende dag in Kaïro.” Boonop werk vlieëniers en lugwaardinne ongereelde ure, voeg hy by. “Hulle staan…

Die uiters gewilde Britse groep wat gesorg het vir treffers soos “Viva La Vida”, “Yellow” en “Fix You”, spog eersdaags met die uitreiking van hulle 10de album. COLDPLAY se Moon Music volg op hulle album Music of the Spheres, wat in 2021 uitgereik is. Die treffer “My Universe” op laasgenoemde, wat saam met die Koreaanse boyband BTS opgeneem is, was baie suksesvol in die Koreaanse mark en hulle hoop dat dié album dalk dieselfde kan doen. Die eerste liedjie wat van Moon Music af kom, “Feelslikeimfallingin-love”, is reeds in Junie uitgereik en dit het gou’n groot gunsteling onder hulle aanhangers geword. Moon Music sal van 4 Oktober af op stroomdienste beskikbaar wees. Een van Coldplay se groot fokuspunte is volhoubaarheid, en saam met die groep se baanbrekende volhoubaarheidsmaatreëls op hulle…

IN SEPTEMBER het ’n span veeartse van die Dierewelsynsvereniging van Suid-Afrika die lewe van ’n jong Kaapse dwergverkleurmannetjie gered met ’n unieke operasie. Die verkleurmannetjie het in groot pyn verkeer omdat sy ’n gat in haar sy en ’n wond aan haar long gehad het. Die spesie word in en om Kaapstad, die Boland en die kuslyn tot by Agulhas aangetref. Dit word as ’n “byna bedreigde” spesie op die Internasionale Unie vir die Bewaring van die Natuur se rooilys aangedui. ’n Byna-bedreigde-spesie is een wat bedreig gaan word in die nabye toekoms, maar darem nie tans in nood verkeer nie. Dis moeilik om te onderskei tussen die mannetjies en wyfies van dié spesie, maar die mannetjie het gewoonlik helderder kleure, ’n groter kop en sy maag is dunner rondom…

STAP VIR STAP 1 Sny met die handwerkmessie ’n boogvorm uit elke vel karton soos in die illustrasie aangedui. 2 Sny uit elke Styrofoam-vel ’n boogvorm uit van dieselfde grootte as die kartonboogvorms. 3 Gom die 4 Styrofoam-boë op mekaar vas en gom ’n kartonboog aan die bo- en onderkant vas. Bedek alles met die swart kleefband. Dis jou fotoraam. 4 Maak seker wat is noord en wat is suid op jou magnete. Dieselfde pole stoot mekaar af, teenoorgestelde pole trek mekaar aan. 5 Plak een magneet met die kleefband in ’n hoekie van die boks vas. Onthou watter pool na buite die boks wys. 6 Maak ’n merkie op die boks sodat jy onthou waar die magneet is. Gom die boksie aan alle kante vas sodat dit ’n toe…

WONDERWERKE gebeur nog. Suid-Afrika het op 23 Augustus ’n mylpaal behaal: 150 dae agtermekaar sonder beurtkrag. Ons is op pad 200 toe. Wat ’n plesier om nie ons lewens rondom beurtkrag hoef te beplan nie. Maar wat het van die app geword wat ons deur die donker tye gelei het? EskomSePush het miljoene help strompel deur die daaglikse duisternis waaraan ons gewoond geraak het. Die app se skedules was gedurig op datum sodat die patrone vir ons voorspelbaar geword het. Dit was ons vuurtoring in die nag met kennisgewings wat ons altyd betyds vertel het wanneer ons gebied se beurt kom. Nou word die app met sy stoute naam nie meer elke dag ingespan nie. Hoe raak dit die mense wat dit geskep het? “Soos die meeste Suid-Afrikaners is ons…

Nadat CHRIS HEMSWORTH en sy vrou, ELSA PATAKY (48), se 10-jarige tweeling, Tristan en Sasha, hulle nuwe bakhaarstyl gewys het by die première van Transformers One, het Chris self een van sy bewonderaars se hare geknip. Chris (41) het sy skêr in The Jimmy Kimmel Show uitgepluk en ’n aanhanger, wat toe ’n bak op sy kop gesit het, se hare in daardie styl geknip. Chris sê hy het ook so ’n haarstyl gehad toe hy ’n kind was. “Dis eintlik waar dit alles begin het. Daar’s ’n foto van my êrens met so ’n haarstyl.” Toe Jimmy hom vra of dit sy keuse was om sy kinders se hare so te sny, het hy gesê die styl is tans baie gewild in Australië. “Ek het dit op versoek gedoen.”…