Indholdsfortegnelse for 31 October 2024 i Huisgenoot

1 ‘LIEWE MAMMA, ONS GLO JY SING EN DANS DAAR BO’ Sy’t ver gereis vir haar jongste se matriekafskeid – toe sterf sy weens ’n ongeluk. Haar dogters het hulle roerende brief aan hulle oorlede ma gedeel My hart voel saam met julle. Dit is nie ’n maklike taak om ’n gestorwe geliefde se goed op te pak nie. Ek bid julle net sterkte en liefde toe. Hou net al die pragtige herinneringe in julle harte vas. Ek praat nou hier uit eie ondervinding. HESTER Doré, jou plek in die kantoor is vir ewig leeg. Ons mis jou gesels en lekker lag. Weet net dat ons jou nooit sal vergeet nie. Jy sal vir altyd in ons harte wees. En ek sal jou ewig dankbaar wees vir jou vriendskap en geselsies.…

In 1969 het Chris Blignaut dit rugbaar gemaak dat die donkie ’n wonderlike ding is. Na bewering is die donkie die manlike sibbe van ’n muil; wanneer hulle mekaar in die oog kry, volg ’n tranedal. Maar die woord “donkie” is ewe opwindend. Kennelik uit Engels, maar het jy geweet Engels het hom eers rondom 1780 opgetel? En sy oorsprong is gedompel in die onbekende. Daar is geen ander Indo-Europese tale met iets soortgelyks nie. Wikipedia lys ’n paar oorsprongteorieë: 1. Van die Spaanse “Don”, soos in “Hy dink homself ’n wafferse don”. 2. Verkleiningsvorm van die kleur “dun” – tipiese grysbruin donkiekleur. 3. Iets te doen met ’n dommerd genaamd Duncan? 4. Klanknabootsing. Hm. Hoekom die opgang van die woord “donkey” in Engels? Wel, die oeroue woord wat donkey…

‘DINGE WAT IN DIE DONKER GEBEUR, MOET AAN DIE LIG KOM TER WILLE VAN GENESING’ TWEE jaar lank het sy gewroeg, gemediteer, gebid en gehuil voor sy reg was om dit te doen. Om in ’n kerkdiens op te staan in die kerk en voor die gemeente oor ’n mikrofoon te verkondig: “Ek het ’n verhouding met die dominee gehad.” Daai Sondag toe sy bieg, het die gemeente hoorbaar na hulle asem gesnak. “Mense het hulle hande voor hulle monde gehou,” onthou Suzette Jansen (56). ’n Omie het opgestaan en by haar kom staan vir ondersteuning. En ’n ouderling het na haar gestap en die mikrofoon by haar gevat en gefluister: “Suster, dis ’n saak vir die kerkraad.” Hy het haar na die deur begelei en wou sy hand om…

HOENDER-MILANESE met SPINASIE, ERTJIES & KNOFFELBOTTER BEREIDING EN GAARMAAK: 30 MIN. / GENOEG VIR 4 MENSE ◗ 4 hoenderborsies sonder vel◗ 30 ml (2 e) koekmeel◗ 1 eier, geklits met ’n klein bietjie melk◗ 100 g panko-broodkrummels◗ 30 g parmesaankaas, gerasper◗ groenteolie, vir vlakbraai SPINASIE & ERTJIES ◗ 200 g bevrore spinasieblokkies◗ 150 g bevrore ertjies◗ sout en varsgemaalde swartpeper KNOFFELBOTTER ◗ 80 g botter, by kamertemperatuur◗ 3-4 knoffelhuisies, gerasper◗ ’n groot hand vol gekapte pietersielie 1 Plaas die hoenderborsie met die punt weg van jou af op ’n plat oppervlak neer. Plaas jou hand op die hoenderborsie en gebruik ’n skerp mes om met kort snye horisontaal deur die vleis te sny sodat jy dit soos ’n skoenlapper kan oopvou. Doen dieselfde met die ander hoenderborsies. Jy kan ook…

KRY DIT HIER @HOME BY BASH.COM; HERTEXHAUS.CO.ZA 021-948-4764; K.LIGHT.CO.ZA 021-552-4370; MRPHOME.COM 064-584-1000 (WHATSAPP); POETRYSTORES.CO.ZA 0860-555-529; WOOLWORTHS.CO.ZA 0860-022-002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN VERSKAFFERS NIE VERANTWOORDELIK GEHOU KAN WORD NIE.…

SKERPIOEN 23 OKTOBER – 21 NOVEMBER Al is jy gewoonlik koelkop, sal die ontwikkelinge teen die 3de jou geduld tot die uiterste beproef. Maar van die oomblik wat Mars op die 4de by jou loopbaan betrokke raak, sal daar geen twyfel by jou wees oor wie in beheer is nie. Geld is nou die minste van jou probleme, en met die nuwemaan op die 1ste kan jy jou wense vir jou huis uitspreek. BOOGSKUTTER 22 NOV – 20 DES Jy’t altyd ’n oop hand en gooi op die oomblik jou geliefde toe met liefde en geskenke. Dis ’n goeie tyd hiervoor, maar probeer om nie te uitspattig tekere te gaan nie, want alle bederwe hoef nie duur te wees nie. Probeer in elk geval teen die 3de jou skuld in…

HISTORY OF SOUTH AFRICA DES LATHAM ’n Fassinerende reeks wat probeer om Suid-Afrika se storie met ’n mate van diepte te vertel. Die weeklikse episodes vat luisteraars deur die verskillende tydperke waaruit die verhaal van ons land bestaan. #BOEKPOD SIDNEY GILROY Neem ’n reis deur die wêreld van skryfkuns, gesels oor nuwe en ou boeke, en verken skrywers se kreatiewe prosesse, gunstelingdinge, familielewe, grootwordjare en wat hulle inspireer. TRUE CRIME SOUTH AFRICA NICOLE ENGELBRECHT Luister na opgeloste en onopgeloste misdaadsake in Suid-Afrika met die fokus op die slagoffers. Elke saak word ondersoek deur mediadekking, verhoormateriaal, sosialemediabronne en selfs betrokke individue te raadpleeg.…

KARLIEN VAN JAARSVELD en DODO NYOKA het ’n spesiale band gevorm toe hulle as student en mentor op die tweede seisoen van Die kontrak saamgewerk het. Nou het hulle ’n duet uitgereik genaamd “Ek verstaan”. “Die idee het ontstaan uit die feit dat almal soms val en seerkry. Ek wil vir mense wys hulle is nie alleen nie,” sê Dodo. Karlien sê dit was ’n emosionele reis om weer saam met hom te kon werk. “Ons deel ’n soort frekwensie van eenheid. Hy is iemand wat diep dink oor die lewe.”…

HOESÊ? Die ou oom skree kliphard terwyl hy by die straat af stap. “Met wie praat die oom dan?” vra Sannie. “O, dis ou oom Swannie,” sê Bettie. “Hy praat maar so met homself.” “Maar hoekom skreeu hy so?” “Wel, hy hoor nie meer so lekker nie.” San Marchand AANDRYWING Twee voëls kyk hoe ’n vuurpyl gelanseer word. “Sjoe, kyk net hoe vinnig vlieg hy!” sê die een. “Jy sou net so vinnig gevlieg het as jóú stert aan die brand was,” kom dit van die ander. Louise Noeth WENSTREEP TOE “Hoekom vat jy my atletiekbaan toe vir ons eerste afspraak?” wil Brenda weet. “Want ek hoor jy’s ’n vinnige meisie,” sê Paul. Denise, Pretoria KOMMUNIKASIEFOUT Die Kersvader in die winkelsentrum vra vir die seuntjie: “En wat wil jy vir…

SPACEX het middel vandeesmaand hul reusagtige Super Heavy-Starship-vuurpyl op ’n onbemande toetsvlug lanseer en toe enorme meganiese arms – “mechazilla” – aan die lanseertoring gebruik om die eerste stadium van die vuurpyl uit die lug vas te gryp om dit veilig terug op die grond te kry. Dit is ’n groot deurbraak in ruimtevaart en op die pad na mikpunte soos ’n nuwe bemande maanlanding en om uiteindelik ’n kolonie op Mars te vestig. Die dramatiese, baie riskante toetsvlug het op SpaceX se lanseeraanleg in Boca Chica, Texas, ontvou. Terwyl die eerste stadium ná sy ontkoppeling teruggekeer het na ons planeet, het die boonste stadium van die Starship verder die ruimte in gevlieg, tot op ’n hoogte van 212 km, voor dit die Aarde se atmosfeer weer binnegekom en presies…

Wat as die langste (en opwindendste) hedendaagse skattejag beskou is, het uiteindelik ten einde geloop toe die beroemde “Goue Uil”-beeld ontdek is nadat dit meer as 30 jaar lank in Frankryk begrawe was. Dis aspris gedoen in ’n skattejagspeletjie wat as ’n “scavenger hunt” bekend staan. Letterlik ’n “aasjag”. “Aas” is eintlik nie ’n woord wat ’n mens vir so ’n skat wil gebruik nie! Die geheimsinnige uil het honderdduisende mense dekades lank gefassineer en ontwyk nadat ’n uitdaging in ’n boek getitel On the Trail of the Golden Owl (Sur la trace de la chouette d’or) gepubliseer is. Die beeldjie is R3 miljoen werd. Lesers van dié skattejagboek moes ’n reeks ingewikkelde raaisels en leidrade oplos om die groot prys te vind wat op ’n hoogs geheime plek begrawe…

1 Wat is die enigste soogdier wat kan vlieg? 2 Watter antieke beskawing het Machu Picchu in die hedendaagse Peru gebou? 3 In watter jaar het die Titanic gesink? 4 Wat is ’n mens se grootste interne orgaan? 5 Wat is die grootste diamant wat nog ooit ontdek is? ANTWOORDE 1 Vlermuis 2 Inkas 3 1912 4 Lewer. Die vel is ons grootste orgaan algeheel. 5 Die Cullinan-diamant is in 1905 naby Pretoria gevind. BRONNE THEGUARDIAN.COM, BRITANNICA.COM, RSPB.ORG.UK, NEWS.UTDALLAS.EDU, SPACEX.COM, CNN, BBC, BRITANNICA.COM, CBS, KIDSNEWS.COM.AU, HISTORY.COM, YOUTUBE…

ELKE jaar aan die einde van Oktober trek mense in baie dele van die wêreld kostuums aan en hou partytjies om All Hallow’s Eve te vier. Skrikwekkende gesigte word in groot oranje pampoene gekerf en ’n mens hoor die woorde “trick or treat” wanneer jy deur die strate stap. Jy sien dalk selfs ’n swart kat of hoor ’n heks in die verte kekkel. Kan jy raai watter dag dit is? Halloween natuurlik! Halloween is ’n groot vakansiedag, veral in Amerika en sommige Europese lande. Vandag is dit ook ’n multimiljoendollarbedryf, en in Amerika is dit die ge-wildste vakansiedag naas Kersfees. Dit was nie altyd so nie. Kom ons gaan kyk waar Halloween begin het. DIE KELTE Die antieke Kelte van Brittanje en Ierland het geglo daar is een dag…

WANNEER sy in die aantrekhokkie se spieël gekyk het, wou sy huil. Die prentjie van die vrou wat terugkyk, het haar diep bedroef. En wanneer sy ’n nuwe kledingstuk oor haar kop getrek het, het dit haar nog hartseerder gemaak. Die klere het dan altyd so mooi op die winkelrakke gelyk, het sy gedink. Maar aan haar lyf was dit net bulte en voue. Dis vir baie mense ’n bekende gevoel. Jy het ’n paar kilogram aangesit, en meteens wil niks pas nie. Selfs in die blinkste rok lyk jy vir jouself soos ’n ou hangkas. Dit gebeur met Hollywood-aktrises ook. Kathy Bates het onlangs vertel sy was voorheen gereeld terneergedruk en verleë omdat sy nooit klere kon opspoor wat haar figuur vlei nie. Toe sy onlangs ’n rok moes…

Wat is dit? Dit is ’n reeks video’s wat dien as ekstra lesse oor jou skoolwerk en bykomende studiehulp. Elke video bestaan uit ’n kort les. Dit behandel en verduidelik van die belangrike gedeeltes van die kurrikulum en moontlike vrae in die matriekeksamen. Watter vakke word behandel? • Wiskunde• Rekeningkunde• Besigheidstudies• Lewenswetenskappe• Fisiese Wetenskappe• Wiskundige Geletterdheid• Geografie• Geskiedenis• Afrikaans Huistaal• Engels Eerste Addisionele Taal Waar kry jy dit?* Besoek Huisgenoot se webtuiste by www.huisgenoot.com, klik op HG Junior en dan op 100 matriekvrae om die video’s te kyk. *Huisgenoot.com is deel van Netwerk24. Besoek www.netwerk24.com of laai die app in jou app-winkel af.…

1 Wat is die naam van die meer op die grens tussen Bolivia en Peru? 2 Saam met wie het Rafael Nadal vanjaar in die Olimpiese dubbelspel vir Spanje meegeding? 3 In watter liedjie sing die Eagles: “You can check out any time you like, but you can never leave”? 4 Wie het die Springbokke se eerste drie van die 1995-Wêreldbeker gedruk in die openingswedstryd teen Australië? 5 Wat is die hoofbestanddeel van die Griekse gereg moussaka? ANTWOORDE 1. Titicacameer 2. Carlos Alcaraz 3. “Hotel California” 4. Pieter Hendriks 5. Eiervrug…

SJIEK SONDER MOEITE Die aktrise Zendaya hou dit eenvoudig maar vroulik en sjiek met ’n vloeiende romp, wit halternektop en minimale bykomstighede terwyl sy in Parys rondloop. SPEELS Die aktrise Sarah Jessica Parker kombineer koel skakerings van blou en perske vir ’n vars en vrolike voorkoms. TYDLOSE AANTREKLIKHEID Die akteur Brad Pitt kry dit altyd reg om goed te lyk – selfs wanneer hy jeans dra! Ons is mal oor die groen en die stylvolle bykomstighede. GEMAKLIK STYLVOL Die akteur Jacob Elordi lyk gemaklik maar in die mode by die Milanese Modeweek se Lente-/Somervertoning 2025. KRY DIT HIER COTTON ON 087-550-4383; EDGARS 031-010-0005; EXACT 021-938-7096; H&M 086-069-0707; LEGIT.CO.ZA; MR PRICE 031-310-8000; PICKANDPAYCLOTHING.CO.ZA; PEP 0860-737-000; THE FIX 021-938-7096; TOTAL SPORTS EN Y&G BY BASH.COM; WOOLWORTHS 086-0022-002 HOEWEL ONS ALLES IN ONS…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. MY BROER MISHANDEL MY V Ek is 16 jaar oud en my broer is 19. Ons ouers is geskei en ons bly by my ma. My kinderjare was vol pyn en baie traumaties. Ek sukkel vandag nog daarmee. Ek kan nie presies onthou wanneer dit begin het en wanneer dit opgehou het nie, maar my broer het my emosioneel en seksueel mishandel. Ek dink my brein blok van die herinneringe uit. Die emosionele…

1 SPAAR IS ’N LUUKSE Verkeerd. Selfs ’n bietjie spaargeld gee jou groter onafhanklikheid van lenings, winkelrekeninge en kredietkaartskuld. Spaargeld kan jou huis of studies finansier. Doen dít: As jy onlangs begin werk het, probeer om outomaties 5% of 10% van jou inkomste te spaar. Dis nou buiten verpligte spaargeld vir byvoorbeeld jou aftrede. Wanneer dit as ’n debiet van jou bankrekening afgaan, leer jy om daarsonder klaar te kom. Hoe langer jy spaar, hoe meer groei jou spaargeld danksy saamgestelde rente. As jy eers later begin spaar, laat outomatiese oorplasings steeds na ’n afsonderlike spaarrekening afgaan. Sien dit as ’n vaste uitgawe en belegging in jou finansiële onafhanklikheid. 2 EK SAL LATER BEGIN SPAAR Van uitstel kom afstel. Jy voel dalk nou gerus, maar eendag kan jy in die sop…

MET die afgelope paar jaar se ontploffing van flieks en reekse het ek ’n effense paniek ontwikkel: Wat as ek iets misloop wat uitstekend is? Wat as ek ’n hele tendens misloop, soos GAME OF THRONES of HANDMAID’S TALE, en dit eers teen die laaste seisoen agterkom? Dis byna al rede waarom ek nog op sosiale media is – om te sien waaroor mense praat, en veral waaroor mense liries raak. Maar ’n mens kan net op sosiale media agterkom wanneer iets deur baie mense gekyk word, nie of iets werklik die moeite werd is om te kyk nie. So het OUTER BANKS nie regtig vir my gewerk nie, en ook nie THE BLACKLIST nie. Toekennings help. Die Emmypryse het wonderlike reekse soos TED LASSO, SCHITT’S CREEK en SHOGUN oor…

1 WAARNA LUISTER JY IN JOU KAR? Omdat ek ’n groot deel van die dag tussen mense is en baie saam met mense werk, is doodse stilte vir my die lekkerste as ek ry. 2 WATTER BOEK LÊ LANGS JOU BED? Mariël le Roux se Donkertyd en twee biografieë van mense met wie ek onderhoude moet doen. 3 WATTER REEKS OF FLIEK HET JY ONLANGS GEKYK WAARVAN JY GEHOU HET? The Prime of Miss Jean Brodie met Maggie Smith. 4 WAT IS JOU GUNSTELING-KLEDINGSTUK? My Diesel-jeans. 5 WAT MAAK JOU TANS OPGEWONDE? Die feit dat ek dié vrae kan beantwoord.…

LUKE COMBS het weer ’n kolskoot met sy jongste liedjie, “Ain’t No Love In Oklahoma”. Dié liedjie, wat op die klankbaan van die fliek Twisters is, raak by die dag gewilder. Dis no. 1 op Billboard se Country Airplay-trefferlys en no. 17 op Billboard se Hot 100. Die liedjie het ook die fliek veel gewilder gemaak. Lauren Thomas, ’n grootkop by Sony Music Nashville, sê: “Musiek het die vermoë om ’n storie aansienlik intenser te maak. Hoekom dit dan nie gebruik nie?”…

KAN JY GLO? Die brul van ’n volwasse leeumannetjie kan tot 8 km ver gehoor word. HET JY GEWEET? Sebras is eintlik swart met wit strepe en nie wit met swart strepe nie. HOE OM TE BESTEL BEL 021-406-4962 E-POS koop@huisgenoot.com Gaan na www.media24shop.com…

Die toetsvlug was van begin tot einde iets om te aanskou, maar die tweestadium-Super Heavy-Starship-vuurpyl op sigself slaan jou asem weg. Dis nou die grootste en kragtigste vuurpyl ooit – met twee keer die lanseerkrag van die Apollo-program se Saturn V, wat nog tot betreklik onlangs bobaas was, al is dit ’n halfeeu gelede reeds uit diens gestel. Die Super Heavy-vuurpyl is 71 m hoog en 9 m wyd en word gelaai met 3,1 miljoen kilogram vloeibare suurstof en metaangas as dryfmiddels. Dit het 33 Raptor-enjins wat altesaam stukrag van meer as 7 miljoen kilogram of 7 000 ton kan opwek. Die Starship se boonste oftewel tweede stadium is amper 50 m hoog, met ses Raptor-enjins.…

IN ’N voorbeeld van hoe bewaringsprojekte spesies se voortbestaan kan help verseker, het een van die wêreld se seldsaamste voëlsoorte, die Wilkins-vink, ’n reddingsboei in die gedaante van ’n piepklein wespe gekry. Dié voëls word net op die afgesonderde Nagtegaaleiland in die Suid-Atlantiese Oseaan aangetref. Wetenskaplikes het ’n epiese tog van 10 000 km oor land, see en deur die lug aangepak om van die wespes na die eiland te karwei sodat hulle die plantpes kon beheer en só die vinke kan help oorleef. Op Nagtegaaleiland, deel van die Tristan da Cunha-eilandgroep, het dié voëls nog altyd gesmul aan die vrugte van die Phylica arborea, die eiland se enigste inheemse boom. Maar teen 2011 het navorsers agtergekom uitheemse dopluise is per abuis na die eiland gebring. Die luise skei heuningdou…

HY WEET hoe swaar dit is om ’n hobbelrige pad na ’n beter lewe te stap. Swaarkry en terugslae ken hy goed. Hy weet ook hoe dit voel om vir die soveelste keer in die donkerste put van ellende te beland. HYKIE BERG wéét. In sy topverkoperboek van 2017, Hykie Berg: My storie van hoop, skryf die akteur openhartig oor sy jarelange stryd teen dranken dwelmverslawing. Hy vertel daarin hoe dit hom telkens platgeslaan het en hoe hy sewe keer teruggeval en opnuut in ’n rehabilitasiesentrum opgeneem moes word. Tog, deur álles, het Hykie geweet hy is geroep vir meer. Sy suksesstorie ken ons vandag almal: Die akteur is al 15 jaar nugter – en nou het hy pas sy boek Geroep vir meer: Hoe om suksesvol te leef bekendgestel.…

ALMAL – van die posman tot die predikant – word betig. “It’s BOUQUET,” help sy hulle met ’n afkeurende kopskud, frons en saamgeperste lippies reg oor die uitspraak van haar van. En dan spel sy dit uit: “B-U-C-K-E-T … BOUQUET!” Ja, ons ken almal een van daai soort snobs. Iemand wat danksy ’n meevallertjie beter daaraan toe is as voorheen, en nou wil voorgee hulle het meer klas en sosiale status as enigiemand anders. Sulke mense gee ons ’n groot pyn, behalwe as haar naam Hyacinth Bucket (oeps, BOUQUET!) is. Dié hoofkarakter van die BBC-televisiereeks Keeping Up Appearances (1990-1995) het al miljoene mense laat lag met haar geite. Een van haar grootste aan-hangers? Wyle koningin Elizabeth. Geen wonder die aktrise Patricia Routledge is so ’n ikoon van die Britse vermaakbedryf…

Waarmee hou jy jou die graagste besig? Smous. Video’s maak. Skryf. Tuinmaak. In daardie volgorde. Wat verveel jou? Swak TV. Om dieselfde ding oor en oor te doen. Waaroor is jy spyt? Miskien dat ek my woonstel in Groenpunt verkoop het. Wat beïndruk jou in ander mense? Vindingrykheid. Wie sou jy die graagste vir ete wou nooi? Rassie Erasmus, Waldimar Pelser, Hugh Grant. Wat sou jy dan vir ete maak? Ek kan net lasagne maak. Wat is jou diepste put van ellende? As ek vir langer as drie dae niks gedoen het nie. Wat is jou gunstelinggesegde? Kla met die witbrood onder die arm. Wie sal jou speel in die fliek oor jou lewe? Henriëtta Gryffenberg. Wat sal die boek oor jou lewe se titel wees?  Smous. Wie of wat…

Die skoolhoof, Jacques Joubert, se regsverteenwoordiger het by navraag reageer op wat hy bestempel as “ongegronde bewerings”. Hy sê daar is geen “openbare belang” in die bewerings nie, want “niemand beweer enige wangedrag tydens skoolure of terwyl die partye aan diens was nie, niemand beweer dat enige leerder op enige manier beïnvloed is deur die verhouding nie, en niemand beweer enige misdaad nie”. Hy het kapsie gemaak teen die publikasie van dié artikel en gesê verdere konteks is nodig. “Indien Huisgenoot daarop aandring om die bewerings te publiseer, moet die volgende konteks verskaf word: Ons kliënt het nog nooit ontken dat hy ’n oordeelsfout begaan het en ’n onvanpaste verhouding gehad het vir ongeveer twee maande nie. Daarvoor het hy reeds die skoolgemeenskap en sy familie om verskoning gevra. “Ons…

AITSA! Daai donker hare wat ons oor die jare leer ken het, het plek ge-maak vir ’n silwer glinster. Sy swart T-hemp span nog lekker om ’n stel sterk boarms, dalk selfs meer as in die verlede. Die diep stem klink of dit selfs laer in sy breë borskas vibreer. Hulle sê baie dinge verbeter met ouderdom, en dit lyk asof Marcus Muller, voormalige Mnr. Suid-Afrika en lank een van die brekers in Suid-Afrika se sepiewêreld, een van hulle is. Ja, hy het vir ’n paar jaar uit die kollig verdwyn. Maar as jy hom nou so kyk, lyk dit of hy op die ouderdom van 46 geen van sy glans verloor het nie. En een persoon wat jy glad nie daarvan hoef te oortuig nie, is Celeste vom Hagen,…

DIE meeste van ons benader die reiniging van ons gesig soos om ons tande te borsel. Ons dink selde twee keer daaroor. Reiniging en ’n reiniger kan egter ons roetine maak of breek. Hierdie stap dien om al die vuilheid, grimering en oortollige sebum te verwyder sodat die vel die bestanddele in die produkte wat volg beter kan absorbeer en daaruit voordeel trek. Reinigers speel ook ’n belangrike rol in die beskerming van die velwand. As ’n formule te sterk is (pasop vir skuimformules!), kan dit die vel stroop en meer vatbaar maak vir irritasie en droogheid. Dit beteken die produkte wat jy hierna gebruik, gaan jou vel nog meer irriteer eerder as vernuwe. Hier is alles wat jy moet weet oor goeie reiniging. Verhelder Die vraag oor hoeveel aktiewe…

Hier is wenke om lastige indringers uit jou huis en tuin te verdryf. VLOOIE ◗ Sprinkel growwe sout op die vloer en matte. Los oornag. Suig dit die volgende oggend met die stofsuier op. SLAKKE ◗ Strooi eierdoppe waar jy slakke wil weghou. Dit maak hulle lyf seer en hulle vermy dit dus.◗ Vra die haarkapper om jou afgesnyde hare vir jou terug te gee. Strooi dit om plante wat dikwels deur slakke aangeval word. Hulle hou nie daarvan om oor hare te beweeg nie. KAKKERLAKKE ◗ Dié insekte hou nie van kattekruid nie. Die plant is lid van die kruisementfamilie en is dus nie gevaarlik vir mense of diere nie. Trek gedroogde of vars kattekruid in warm water soos wanneer jy tee sou maak. Laat afkoel, gooi deur ’n…

DIE jaar stap aan, en voor jy en jou kind julle oë kan uitvee, is die eksamentyd op julle. Vir baie kinders kan dit ’n geweldig stresvolle tyd wees, en hoewel matige stres as goeie motivering kan dien, kan dit ook handuit ruk en die teendeel tot gevolg hê. HELP, MY KIND IS GESPANNE Dr. Ramya Mohan, ’n psigiater en opvoeder van Brittanje, raai ouers aan om hul kinders dop te hou vir die volgende waarskuwingstekens: ◗ Jou kind sukkel om saans aan die slaap te raak of soggens op te staan.◗ Swak eetgewoontes.◗ Hulle is voortdurend in ’n slegte bui en knorrig.◗ ’n Gebrek aan selfvertroue.◗ Maagpyn, hoofpyn en veltoestande soos ekseem. Volgens Eileen Tracy, ’n kenner in studievaardighede, moet ouers ook lig loop dat hulle nie kinders se…

BOEKE LISA LIEFBESIE SE SEWE VERLORE KOLLE DEUR RIANA SCHEEPERS, ILLUSTRASIES: ELSABÉ EBERSÖHN Lapa, R169* Riana, wat of wie het jou geïnspireer om dié storie te skryf? Die “inspirasie” vir Lisa Liefbesie was nie soseer ’n idee of gedagte nie, maar ’n klein storietjie wat ’n trotse ma jare gelede vir my gegee het. Jessie Ducharme, toe so ses of sewe jaar oud, het ’n verhaaltjie geskryf met die titel “Ladybird se kolle”. Haar ma het dit vir my gegee om my te wys hoe oulik haar kind skryf. Ek het ook gedink dis oulik, maar uiteraard was dit nog nie ’n storie nie. Met Jessie se ma se toestemming het ek toe Lisa Liefbesie geskryf en dit voorgelê vir publikasie, maar sonder sukses. Byna 20 jaar later het Christelle…

Die sanger FRANCOIS VAN COKE bult sy spiere met sy jongste liedjie, “Victor ludorum”. Die liedjie gaan daaroor dat ’n mens moet ophou probeer en liewer net moet wees. In die musiekvideo ding Francois mee teen van ons land se grootste sportsterre. Daar’s die Olimpiese swemmer Ryk Neethling, die Proteanetbalspeler Vanes-Mari du Toit en die Springbokrugbyspeler Damian Willemse. “Dit gaan daaroor om jou eie ding te doen en op te hou om die game te speel op ander mense se voorwaardes,” sê Francois. “Só is jy die kampioen in eie reg.” Hy het “Victor ludorum” geskryf saam met sy goeie vriende en medemusikante Hunter Kennedy en Fred den Hartog. “Ek is mal oor ons as ’n span. Die drie van ons het al baie liedjies saam geskryf.” Met die verfilming…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. № 2 568 KOMPETISIEVRAAG Watter skoeisel is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Foto’s en fairy lights deur An-Mari do Carmo (H&R, R250). Elzandri, ’n holderstebolder plaaskind uit ’n groot, hegte familie, het net ’n jaar oor om aan haar pa te bewys sy kan self toekomsbesluite neem voor hy haar dwing om ná matriek universiteit toe te gaan. Haar ouers dink sy’s te veel van ’n loskop en sy maak nooit enigiets klaar nie, maar Elzandri is vasberade om beheer te neem van haar lewe. Toe haar oudste niggie verloof…

KLOOFSTRAAT is een van die besigste plekke in Kaapstad hierdie tyd van ’n Saterdag. Musiek spoel oral uit kuierplekke, en die sypaadjies is ’n gewoel. Met wolke bo-op Tafelberg is die tafel gedek vir ’n groot partytjie. Nie sommer net enige partytjie nie, maar ’n spesiale viering. Want boer kry toe sy ou, en dis vandag tyd vir trou. In dié straat, voor die Our Localrestaurant, kondig ’n swartbord aan: “Closed for a Private Event”. Met die intrapslag, kort ná ses, wys ’n swartbord met ’n pyltjie na die een kant: “Groom’s side”. En na die ander kant: “Groom’s side”. Want vanaand kry boer Damian, die eerste gay man wat aan Boer soek ’n vrou deelgeneem het, uiteindelik ’n trouring aan sy vinger. Die 80 gaste – almal in swart…