Indholdsfortegnelse for 21 November 2024 i Huisgenoot

1 HUL EGSKEIDING IS ’N MOEILIKE TYD Só sê Schalk Bezuidenhout oor sy en Mica McKechnie se besluit. Hulle was sewe jaar ’n paartjie, maar minder as twee jaar daarvan getroud Mens hoor daagliks van mense wat jare lank ’n baie gelukkige paartjie was, maar dan spoedig ná ’n huwelik weer skei. Ek verstaan dít glad nie. Hoekom sou die huwelik mense van mekaar vervreem? Dis altyd so jammer. RINA Hartseer nuus vir julle albei. Ek weet dis nie wat julle nou wil hoor nie, maar wat julle ook al nou voel, gaan oor ’n jaar anders wees. Ek wou dit regtig nie hoor toe ’n vriendin dit aan my vertel het nie, maar dis so waar. LYNN Dis asof deesdae se jonges nie baklei vir ’n huwelik nie. Niks is…

Intensiewe vorme: Wanneer ’n byvoeglike naamwoord nie meer goed genoeg is nie. Hier’s ’n wenk as jy lyste vir die eksamen moet memoriseer. Sit “dood” vooraan. Dis die MVP*. Die GOAT**. Doodsbleek, doodbang, doodeerlik, doodgewoon. Maar behalwe dat hulle ’n gunsteling is van doodmoeë onderwysers, is hulle ongelukkig doodvervelig. Die tale wat ons praat (2018, saamgestel deur Danny Fourie) sê dit klaar doodduidelik: Baie van hierdie vorme het al geyk geraak. Jonger sprekers sal hulle nie noodwendig almal meer ken nie. Desondanks maak intensiewe vorme van taalleerplanne in skole, veral vir die aanleer van Afrikaans as addisionele taal, steeds ’n gewilde deel uit. Ook as ’n maklike en vinnige manier om toets-en eksamenvraestelle gevul te kry! Maar as leerders intensiewe – en baie ander! – vorme bloot papegaaiagtig moet baasraak:…

Inge en die Embrace Project het aangevoer: Die wet skend mense wat verkrag is se grondwetlike reg deur beskuldigdes te laat aanvoer hulle het geglo die slagoffer het ingestem. Daar is ’n algemene mite dat ’n mens maar kan aanneem iemand het tot seks ingestem as hulle nie aktief teen jou baklei nie. Dit kan deur beskuldigdes as verweer misbruik word. Die stelsel lei daartoe dat slagoffers die skuld kry vir wat met hulle gebeur het. Die hof kan bevind as die slagoffer geen fisieke beserings het nie, nie geskree het nie of vooraf met die aanvaller flankeer het, kan dit as instemming tot seks geïnterpreteer word. Die feit dat die wet nie bepaal slagoffers moes duidelik ingestem het nie, skend die regte van iemand wat verkrag is. Soos Lee-Anne…

Capuchin Haven dien as ’n permanente reddingsentrum vir mak maar behoeftige, wees en mishandelde ape, en as ’n halfweghuis vir ape waarvan die eienaars hulle ’n tydperk lank nie kan aanhou nie. Mense wat mantelape wil aanhou, moet besef dié diere kan aansteeklike kindersiektes, soos masels, kry. Wanneer hulle op ongeveer vyf jaar seksueel volwasse word, word hulle ook dikwels gevaarlik en vernietigend. Dikwels laat verwyder eienaars dan hulle tande vir hulle eie veiligheid. Dit is nie wenslik om hulle soos babas aan te trek nie, sê kenners. Wanneer diere met pels klere dra, kan hulle hulle pels op sekere plekke verloor. “Diere sweet anders as mense. As pelsdiere klere dra, kan dit inmeng met hulle natuurlike vermoë om hulle liggaamstemperatuur te reguleer,” sê Isabel Wentzel van die SA Animal…

TARRYN KAY TRUSSELL VAN LOUW @tkskingdom Die digitale-inhoudskepper, TV-en radio-aanbieder, MC en stemkunstenaar blink daarin uit om treffende skoonheidsvoorkomste te skep. Tarryn is ’n kampvegter vir vrouebemagtiging en geniet dit om skoonheids-en welstandsinhoud te deel wat haar gehoor inspireer en opbeur. Noodsaaklikhede in jou grimeersak? ’n Veelsydige lipomlyner wat as ’n wenkbroupotlood, omlyner en oogpotlood gebruik kan word, saam met ’n lipglans of lipstiffie wat ook as blosser kan dien. Jou voorkeur-skoonheidsprodukte? Ek hou van die voedende serums van Hada Labo en Huda Beauty se FauxFilter Foundation. Maybelline se Super Stay Foundation is ook fantasties. Ek’s ook ’n aanhanger van Revolution-grimering en Catricepalette – dit bied pragtige pigmentasie. Dié somer is my obsessie die L’Oréal Paris Infallible Magic Setting Spray. Twee onmisbare grimeerwenke? Bevog jou vel goed voor jy basislaag…

1 VERSTAAN JY DIE KONSEP? Die eienaarskap bly in die ontwikkelaar se naam. Jy koop net die reg om vir die res van jou lewe in die eiendom te woon. 2 BEPLAN VIR AL JOU NUWE FINANSIËLE VERPLIGTINGS Uitgawes sal wissel volgens die grootte, ligging en geriewe van eenhede. Voorbeelde is: ◗ Maandelikse heffings Deurlopende gelde vir instandhouding, sekuriteit en gemeenskaplike geriewe. Wat is die heffings met die aankoop en hoeveel gaan dit jaarliks styg?◗ Gesondheidsorgfooie Byvoorbeeld mediese geriewe, nooddienste en verpleegsorg op die perseel. Dit kan deel van die maandelikse heffings wees, of ’n afsonderlike bykomende koste.◗ Nutskoste Jy sal dalk bykomend vir krag, water en die internet moet betaal.◗ Ekstra dienste Soos etes, skoonmaak-en wasgoeddienste. 3 KRY DIE WARE GROOTTE VAN DIE EIENDOM Die vloerplan is deel van…

DAAR is darem min dinge so lekker soos ’n countryritme, en die duo SKEMER, wat bestaan uit ARMAND en ANDREA ESPACH, sal met jou saamstem. Hulle paaie het sewe jaar gelede gekruis. Armand het pas begin om met die opneem en vervaardiging van musiek te eksperimenteer en was op soek na vars stemme om saam met hom by sy ateljee in Polokwane opnames te maak. Andrea het toevallig op sy plasing op sosiale media afgekom waar hy vra dat musikante by hom moet kom musiek maak. Sy het opgedaag, en binne ’n middag het sy en Armand besef nie net pas hulle sangstemme goed saam nie, die melodieë klink ook mooi op ’n persoonlike vlak. “As ek terugdink, dink ek, was ek al met daardie eerste ontmoeting verlief op hom,”…

AKOESTIEK Stefaans is besig om ’n vervelige toespraak te lewer toe iemand agter in die saal uitroep: “Jammer, ek kan jou nie hoor nie!” Net daar en dan draai iemand in die voorste ry om en sê: “Hoor hier, kan ons dalk plekke ruil?” San Marchand LIEFDESPEL V: Hoe weet jy wanneer jy die regte vrou ontmoet het? A: Wanneer julle Monopoly speel en sy kies die strykyster. Blond DEURMEKAARKOORS Dinge is deurmekaar hier. Die honde het katgriep, die katte het voëlgriep, die voëls het varkgriep, die varke het malbeessiekte, en die beeste het hondsdolheid. Denise, Pretoria ALKANT Wat het ’n kop en ’n stert, maar nie ’n lyf nie? ’n Muntstuk! Louise Noeth DEUGDE Trou met iemand wat nog een van daai groen identiteitsboekies het pleks van ’n nuwe…

GROENLAND DÍS HOEKOM DIE AARDE ‘9 DAE GESKUD HET’ In September verlede jaar het aardbewingsensors wêreldwyd ’n raaiselagtige konstante golf van seismiese aktiwiteit getoon, nege dae aaneen. Kundiges het lank daaroor kopgekrap. Ná ’n ondersoek van meer as ’n jaar kon wetenskaplikes die gerommel toeskryf aan ’n grondverskuiwing en tsoenami in ’n Groenland-fjord. Satellietfoto’s wys ’n deel van ’n berg en gletser het in die fjord ineengestort, 33 miljoen kubieke meter rots en ys. Dit het ’n 66 verdiepings hoë tsoenami veroorsaak. Die beperkte ruimte in die nou fjord, 200 km van die oop see af, het die megagolf heen en weer laat rol. Dit kon nie gou van sy energie ontslae raak nie. COLOMBIA ENORME KOSTE VAN HERSTEL LAAT COP-BERAAD GONS Die mensdom gaan $700 miljard jaarliks nodig hê…

1 Wie was die eerste president van die VSA? 2 In watter hedendaagse land was die antieke stad Troje? 3 Watter dier is op Suid-Afrika se jongste R2-muntstuk? 4 “Universele skenkers” kan bloed skenk vir oortappings vir enige bloedgroep. Watter bloedgroep is hulle? 5 Wat is die hoofstad van Australië? ANTWOORDE 1 George Washington 2 Turkye 3 Springbok 4 Tipe O-negatief 5 Canberra BRONNE: ESO.ORG, THEGUARDIAN.COM, SPACE.COM, BRITANNICA.COM, LIVESCIENCE.COM, CNN, BBC, BRITANNICA.COM, YOUTUBE, KIDSNEWS.COM.AU, DOGONEWS.COM, HISTORY.COM, PEOPLE MAGAZINE…

DIE grootste diere vind jy gewoonlik heel boaan voedselkettings of voedselpiramides. Dis gewoonlik vleisvretende roofdiere wat, in vergelyking met die diere en plante laer af op die voedselketting, in betreklik klein getalle voorkom. Hoe laer jy teen die ketting afgaan, hoe kleiner en meer volop word die organismes. Sonder die fondament van hierdie klein, dikwels mikroskopiese, organismes, sou baie van die wêreld se ekostelsels in duie stort. Dis waar plankton tot hul reg kom. Hierdie klein plantjies en diertjies is die kragstasie van die oseaan wat die grondslag vorm van sommige van die wêreld se belangrikste ekostelsels. Kom ons vind uit hoe dié organismes verantwoordelik is vir die oorlewing van so ’n groot deel van die wêreld. WAT IS PLANKTON? Plankton is klein organismes wat in die oseane en vars…

HY IS Engelse bloubloed, ja, maar ’n deel van sy hart is al baie jare lank in Afrika. Dis hier waar hy troos kom soek het toe hy ’n tiener was wat pas sy ma verloor het, die plek waar hy die liefde van sy lewe gevra het om met hom te trou, en die plek waar hy en sy broer, Harry, in beter dae graag saamgewerk het om die lewe vir ander beter te maak. Afrika “het nog altyd ’n spesiale plek in my hart”, sê prins William. “Dis die plek waar ek myself kan wees.” Dit is in Namibië waar William in 2018 die idee van die Earthshotprys gehad het, ’n projek wat hy in 2020 van stapel gestuur het om mense te beloon wat met innoverende oplossings…

William het sy – in sy eie woorde – “verroeste” rugbyvaardighede afgestof vir ’n oefensessie ten bate van liefdadigheid by die Ocean View Sekondêre Skool in Kaapstad. Saam op die veld was die voormalige Bokke Joel Stransky, Tendai “Beast” Mtawarira en Percy Montgomery. Die sessie is deur die Atlas-stigting gereël, ’n internasionale welsynorganisasie gestig deur die voormalige Engelse rugbyspeler Jason Leonard, wat rugby gebruik om kinders uit arm gemeenskappe lewensvaardighede te leer. Heelwat kinders het die oefensessie as toeskouers bygewoon en van hulle was duidelik nie deur sy koninklike status geïntimideer nie – “Duik die prins!” het hulle geskree. Ná die wedstryd het Tendai vertel die eerste keer wat hy William ontmoet het, was toe die prins jare gelede die Bokke se kleedkamer ná ’n wedstryd in Wallis besoek het.…

Hy het maar nog altyd ’n swakheid vir ’n glasie wyn, spot die akteur MAURICE PAIGE. Maar wie het nie? Daarom het hy dadelik ingestem toe hy hoor sy rol as Clayton in Kelders van geheime gaan dié van ’n wynmaker en -verspreider wees. “Dis ’n eer om die nuwe karakter te speel,” sê Maurice. “As iemand van ’n klein dorpie, waar alkohol deel van ons kultuur is, sien ek dit as ’n kans om meer oor wyn en die maak daarvan te leer.” Hy het lank die rol van die werktuigkundige Ty in Suidooster gespeel, maar dié karakter is vroeër vanjaar dood weens ’n breingewas. Ruiterbosch was goed vir hom, maar hy weet Kelders is waar hy nou móét wees. “Ek het baie opofferinge gemaak om te kom waar…

1 Die Barbiepop se volle naam is Barbara en haar van is Roberts. Wat is haar tweede naam? 2 Watter posisie speel die Springbok Pieter-Steph du Toit wanneer hy die no. 7-trui dra? 3 Watter eiland is die grootste in die wêreld – Groenland of Nieu-Guinee? 4 In watter boekreeks is een van die karakters ’n leeu genaamd Aslan? 5 Watter bekende ruimteteleskoop is in 1990 gelanseer? ANTWOORDE 1. Millicent 2. Flank 3. Groenland 4. The Chronicles of Narnia 5. Die Hubble-teleskoop…

WAARVAN droom ’n mens nadat jou grootste droom waar geword het? Van nog groter dinge? Soms. En soms nie. Soms wil jy dan vir ’n rukkie eintlik net doodgewone dinge hê. Die klein goedjies wat voel soos die heel grootste geskenk. Piekniek hou. Fietsry. Gaan fliek. Sulke eenvoudige dinge. Dít kan dan selfs voel soos die droom anderkant die grootste droom. Toe die 27-jarige Natasha Joubert onlangs een oggend weer kon opstaan as sommer net Natasha, en nie as die dienende Mej. Suid-Afrika nie, was dit nie na die volgende glanspartytjie of groot geleentheid waarheen sy wou mik nie. Sy wou sommer net uitspan saam met haar verloofde, Enrico Vermaak (27), en soos enige ander paartjie bietjie saam wegkom. Die twee is Kaap toe vir ’n paar wegbreekdae. “Ons het…

SPINASIE-FILO-QUICHE met AMASI GENOEG VIR 4-6 MENSE / BEREIDING: 20 MIN. / GAARMAAK: 40 MIN. VULSEL ◗ 15 ml (1 e) olyfolie◗ 1 ui, fyngekap◗ 300-400 g grofgekapte spinasie, afgespoel◗ ’n bietjie kookwater◗ fyngerasperde skil van 1 suurlemoen◗ ’n skeut suurlemoensap◗ 2 wiele feta, fyngekrummel◗ sout en varsgemaalde swartpeper KORS ◗ 250 g (halwe rol) filodeeg◗ 45 ml (3 e) botter, gesmelt EIERVLA ◗ 250 ml (1 k) amasi◗ 4 eiers, geklits◗ sout en varsgemaalde swartpeper, na smaak AFRONDING ◗ vars basilie (opsioneel)◗ suurlemoenwiggies Voorverhit die oond tot 180 °C. Bespuit 2 middelslag-oondbakkies of 4-6 kleiner oondbakkies goed met kossproei. 1 Vulsel Verhit die olie in ’n groot pan of vlak kastrol. Braai die ui tot sag. Voeg die spinasie by en roerbraai ’n paar minute.2 Giet ’n klein bietjie…

BLOMME VIR BERDINE DEUR HELENA HUGO Lux Verbi, R215* “Berdine het haar suksesvolle praktyk in die stad vir ’n lewe van diens in die Karoo verruil. Was dit die moeite werd of het sy haar kans op geluk finaal verbeur?” Dis Helena Hugo se baie bondige opsomming van haar derde boek in die Berdine-reeks. Ek protesteer en sê haar voornemende lesers sal darem baie meer as dit wil weet. “Dis moeilik om die reeks in ’n neutedop saam te vat,” skerm Helena. “Maar tog: Dis Berdine se verhaal en dié van haar voorgeslagte. Sy leef vandag, is ’n mediese dokter, woon en werk in die stad saam met haar verloofde. Haar lewe verander toe sy haar ouma Bertha, die Karoodorp se medisynevrou, gaan oppas en sy die goeie ou plattelandse…

Hy het ons diep beïndruk in Augustus met sy duet “Die with a Smile” saam met Lady Gaga. En nou, skaars twee maande later, reik BRUNO MARS nog ’n wegholtreffer-duet getiteld “APT” uit – dié keer saam met ’n voormalige lid van die K-pop-musiekgroep Blackpink en nou ’n opkomende solokunstenaar, ROSÉ. “APT” is ’n afkorting van die Koreaanse woord vir woonstel – apateu – oftewel apartment in Engels. In die lied sing en rap Bruno en Rosé hoe hulle van ’n persoon hou en hoe die persoon hulle by die woonstel moet ontmoet waar hulle dan die drinkspeletjie speel wat ook as apateu bekendstaan. Die opgewekte popnommertjie met ’n lekker ritme wat jou nes Rosé en Bruno gaan laat kopknik, lyk oënskynlik heel eenvoudig, maar die ritmiese melodieë en rap-invloede…

GROOT BLOKRAAI WEN ’N BOEK LUX VERBI PLUS KOM IN AANMERKING VIR DIE MAANDELIKSE TREKKING VAN R1 000. № 2 571 KOMPETISIEVRAAG Watter vrug is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Lekkergoed vir die lewe deur Susan Coetzer (Lux Verbi, R290). Ondanks getroue kerkbywoning, Bybel lees en daaglikse gebede is dit opvallend dat ons geloof dikwels nie ’n merkwaardige, positiewe verskil in ons lewe maak nie. Hoe kan jy dan in ’n nuwe, kragtige geloofsrat inbeweeg? Deur ’n ware konneksie met die Here te maak en die werking van sy Heilige Gees te begin ervaar. Dit laat jou anders reageer in situasies wat vroeër ’n sneller vir jou kort lont sou…

DIE identiese tweeling Matthew en Michael Youlden, oftewel die “Superpolyglotbros” volgens hulle blog, het van jongs af ’n uitsonderlike aanleg vir tale. Vandag praat die broers, wat hul eie taalonderrig-en-konsultasie-maatskappy bedryf, elk 25 tale. Of wag, maak dit 26. Hulle is ál mense wêreldwyd wat “Umeri” praat, lees en skryf, ’n taal wat hulle geskep het toe hulle nog jong kinders was. Die fenomeen waar tweelinge ’n taal ontwikkel wat net hulle verstaan, is nie uniek nie. Dit het selfs ’n benaming: “kriptofasie”. Dis afgelei uit die Griekse woorde vir “geheime spraak”, en omtrent 30% van tweelinge ontwikkel so ’n gedeelde taal of unieke kommunikasiepatroon. Maar Michael en Matthew, van Manchester, sê al het Umeri hul hegte band as identiese tweeling weerspieël, was dit nooit bedoel om dinge privaat te…

DIS Sondagaand en in huise landwyd kry mense hul sit voor die televisie. Dan, klokslag om seweuur, weerklink die bekende kenwysie deur die vertrek, gevolg deur daardie diep stem wat soveel vertroue inboesem. Twee dekades lank was Ruda Landman, saam met wyle Derek Watts, as’t ware die gesig van ondersoekende joernalistiek in Suid-Afrika. Maar in 2007 het sy Carte Blanche se kykers die laaste keer gegroet. En toe tref dit haar. Wat nou? Dit was “soos om by ’n afgrond te staan”, sê Ruda, nou 71, in haar huis in Melville, Johannesburg. Want die joernalistiek, aktuele sake en aanbiederswerk was haar lewe. “Die dag wat jy aftree, is die dag wat jy van jou identiteit gestroop word. Ek het skielik nie meer geweet hoe my toekoms lyk nie. Ek wens…

DIS ’n Vrydagmiddag knap ná drieuur en aan die ander kant van die Zoom-oproep skuif ’n blondekopvrou voor die kamera van haar rekenaar in. Haar hare val in sagte golwe oor haar skouers, anders as die gekartelde gedoente waarvoor sy in die 1980’s so bekend was. Maar daardie ysblou oë gee vandag nog net so ’n bars kyk soos byna vyf dekades gelede, en as sy eers begin praat, weet jy die stem en Walliese aksent kan net aan een mens behoort: BONNIE TYLER. Bonnie, al dekades lank ’n poprockster, praat vandag oor die POP Divas: A Tribute to the Legends-konsert waarin sy en ander sterre op 17 November in Pretoria te sien is. Om haar hier, tuis in haar huis in Mumbles, vir ’n oomblik te kry waar sy…

Wat is geluk? Om saam met vriende en familie te lag. Wanneer en waar was jy op jou gelukkigste? Toe ek in New York studeer het. Wat verveel jou? Ek hou daarvan om spontaan te wees, so ek vind beplanning vervelig. Watter eienskap bewonder jy in ’n man? Weerloosheid. Watter eienskap bewonder jy in ’n vrou? Krag. Wie sou jy die graagste vir ete wou nooi? Die akteur Charlton George. Wat is jou gunstelinggereg? Brijani. Wie of wat kan jy nie verduur nie? Mense wat te veel in die sauna praat. Wat is jou diepste put van ellende? Loadshedding. Wie is jou helde? My oom Cedric Evertson. Wie is jou gunstelingskrywer in Afrikaans? Tertius Kapp. Wat is jou gunstelingwoord? Nagereg. Wat is jou gunstelinggesegde? Iemand ’n gat in die kop…

DIS die soort storie wat ontstellend bekend is en alte gereeld gebeur, maar dié keer het dit ’n heel ander einde, die soort einde wat tog hoop kan bring. Aan die kern van die verhaal is die 26-jarige Inge Holzträger. Sy het ’n man op ’n maatsoek-app ontmoet. Hy het heel ordentlik gelyk. Toe hy haar na ’n partytjie toe nooi, het hy haar verseker daar sal ander mense ook wees. Maar daar was nie. Daardie aand het haar lewe verander. Sy is verkrag, vertel Inge. Maar haar nagmerrie was nog nie verby nie. Inge het die dapper stap geneem om die man aan te kla, is deur ’n hofstryd en het selfs in die getuiebank gaan staan. Die landdros het die aangeklaagde as ’n onbetroubare getuie bestempel wat sy…

IN DIE video wat sy trots wys, sit twee apies saam met haar in die bad. Hulle is papnat van die skuimerige water en lyk soos iets tussen pasgebore babas en gedroggies. “Kyk hoe speel hy,” koer hulle eienaar se stem oor die enetjie. Vir party mense sal ’n video soos dié fraai wees. Vir ander grens dit aan dieremishandeling. En dié meningsverskil het nou gelei tot ’n herrie wat van die Weskus tot in Pretoria strek. Yolanda van der Berg (43) het Stevie en Misha, haar twee mantelapies, of capuchin-apies soos hulle ook bekendstaan, eers onlangs gekry. Maar sy is so lief vir die goedjies, hulle is nou haar lewe, sê sy. Op Saldanhabaai ken baie mense Yolanda as “Yollie”, eens op ’n tyd die eienaar van die gewilde…

DIE PANEEL Jessica Alba ABBY-GENE Jessica dra graag tekkies by jeans, en nadat sy dit so goed laat lyk het, is ek ook nou ’n aanhanger. DENNIS Die aktrise rond haar gemaklike slenterdrag af met ’n Chanel-handsak om ons te herinner sy is nou ook ’n suksesvolle sakevrou. KIM Die wit tekkies en pet is prettig en die kleur van die top vlei haar gelaat. En het mamma-jeans al ooit cooler aan iemand gelyk? LIESL Die sleutel tot die voorkoms is die bykomstighede en die kleure wat saamwerk – dis gemak gekombineer met ’n tikkie styl. Sarah Jessica Parker ABBY-GENE As daar nou een mens is wat kan wegkom met Smurf-blou kouse, dan is dit Sarah. DENNIS Sy is nou wel op die stel van die nuwe Sex and the…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. EK BENODIG HULP MET MY BABA V My baba is tans vier maande oud en op suurstof by die huis. Hy word maandeliks gemonitor vir vordering en gaan nie permanent daarop wees nie. Ek moet terug werk toe en weet nie wat om te maak nie. My werkgewer het reguit gesê ek kan nie van die huis af werk nie. Ek is ’n staatsamptenaar en doen administratiewe werk. Het jy enige raad, asseblief.…

1 Eet proteïenryke kosse vir aandete. Dit verhoog die aminosuur glisien, wat die veg-ofvlug-respons van jou senuweestelsel kalmeer. 2 Moenie te laat eet nie aangesien die hitte wat deur vertering gegenereer word jou kan wakker hou. Vermy ook alkohol voor slaaptyd. Dit is ’n vloeibare suiker wat jou bloedsuiker laat piek, wat dan deur die nag daal en maak dat die streshormoon kortisol vrygestel word wat jou wakker maak. 3 Vermy in die aand kos wat hoog is in tiramien. Hierdie aminosuur help om jou bloeddruk te reguleer en word natuurlik in die liggaam gevind, maar word ook in sekere kosse gekry soos spek, gepiekelde vleis, gefermenteerde kosse en rooiwyn. Dit kan slaap belemmer aangesien dit adrenalien kan stimuleer. 4 Probeer om om die beurt deur elke neusgat asem te…

BOOGSKUTTER 22 NOVEMBER – 20 DESEMBER Dis die begin van Boogskutter-seisoen – geluk met jou verjaardag. Dit kan ’n genotvolle week vir jou wees omdat jy jou uitdagings trotseer en nie sku is vir konfrontasie nie. Hou jou ego in bedwang omdat Mercurius, die planeet van kommunikasie, op die 26ste in trurat is. As jy onwetend ’n gek van jouself maak, kan jy maar daaroor lag. STEENBOK 21 DES – 20 JAN Dis ’n week om laag te lê. As jy energiek voel, kan jy begin om jou huis skoon te maak – dis iets waarmee jy jou kop kan besig hou en boonop goeie resultate kry. Mercurius, die planeet van kommunikasie, beweeg op die 26ste agteruit en kan jou onkant betrap. Doen moeite om jou dokumente te rugsteun en…

Skryf jy 24/7? Nie altyd nie, maar beslis as die sperdatum gister al verby is. Dis verbasend hoe lank ek dan kan wakker bly. Maar ek het besluit om drasties af te skaal – volgende jaar net een boek en miskien iets vir my eerste liefde, die radio. Jy het kinder-, jeug-, liefdesen vervolgverhale en radiodramas agter jou naam. Dis ’n wye belangstelling! Ek het omtrent al alles probeer behalwe poësie, misdaad en wiskunde. Toe die kinders klein was, het ek met kleuterverhale begin en later saam met hulle jeugverhale uitgedink. Iris Bester het my aangemoedig om ’n vervolgverhaal vir Jongspan-ateljee te skryf, wat later verwerk is in romanvorm: Atlantis, nogal wetenskapsfiksie. Ek sou nog graag met radiodrama wou eksperimenteer. Watter soort liefdesverhale verkoop die beste, Christelik of “gewoon”? Baie…

“I did a thing!” As jy al dié woorde gehoor het, is dit omdat iemand Clarkson’s Farm gekyk het. Jy hoef nie ’n skaapwolletjie te voel vir boerdery om hierdie fantastiese reeks te geniet nie. Dis self onmoontlik om daaroor te skryf sonder om breed te glimlag. Die eerste seisoen fokus op die petrolkop JEREMY CLARKSON, bekend vir reekse soos Top Gear en Who Wants to Be a Millionaire?, wat besluit om die boerdery op sy plaas in Engeland oor te neem nadat sy plaasbestuurder afgetree het. En anders as in ’n kar, is alles buite sy beheer: die weer, die halsstarrige diere, én die gewasse wat nie wil groei nie. Hy begin ook dan ’n plaaswinkel, sy Diddly Squat-plaasstal, wat jy gerus op Instagram kan gaan volg, en aanvanklik…

1 Wat maak jou deesdae gelukkig? Werk. 2 Wat sal jy met R1 miljoen doen? Eiendom koop. 3 Watter liedjie laat jou dans? “Superwoman” van Karyn White. 4 Berge of see? Albei. Berge vir vrede, en die Weskus vir rustigheid. 5 App wat jy die meeste gebruik: TikTok. 6 Beste sêding: Nou right, julle. 7 Snack vir jou siel: Pynappel. 8 Internasionale plek wat jy wil besoek? Beslis New York. 9 Eerste ding wat jy doen as jy opstaan? Maak ’n koppie koffie. 10 Jou mees gebruikte emoji’s:…

UIT ELKE VENSTER ROEP DIE UITSIG, EN BINNE IS ALS STYLVOL INGERIG. ’N MOOI HUIS VIR ’N MOOI VROU DIS nie die voorblad van Sports Illustrated nie, dis die voorhek van ’n voorstedelike huis. Maar jy kyk en kyk weer, want só lyk mooi. Hier waar Kerry McGregor jou inwag by haar nuwe praghuis, lyk sy nog op ’n druppel soos toe sy op haar dag as een van die mooiste vroue in die land beskou is. Sy’s 43 jaar oud, die ouderdom waarop vroue volgens die draaiboekskrywer Nora Ephron – sy van When Harry met Sally-faam – oor hulle voorkoms begin wroeg. Maar dié lot, besef jy, kan ’n vrou wat geseën is met die regte gene maar gespaar bly. Mag ’n mens jaloers voel? Seker. Maar sy’s so…

AGTER al die romantiese tonele skuil ’n verhaal van verlies en verdriet. Cupido, die engel wat ander mense liefde help vind, het self in sy stille eensaamheid met pyn en depressie gesukkel – en by tye was dit so oorweldigend, hy het dit oorweeg om sy lewe te neem. Gideon Eksteen, die uitvoerende vervaardiger van die program Op my eish!, onthou spesifiek daardie Donderdagaand, 11 Januarie, toe die eerste episode van die derde seisoen van die maatsoekreeks uitgesaai is. Hy het op die bed in sy meenthuis in Boksburg gelê en na die TV-skerm in die hoek van sy slaapkamer gekyk, sy lyf wat skree van pyn, sê Gideon. Hy het oor die jare brekers soos Neels van Jaarsveld, Francois Jacobs en Brendan Peyper liefde help vind. “Die seisoene van…

Koel af, aanhangers van High School Musical, ZAC EFRON het nie sy rol as die hoërskoolbreker Troy Bolton hervat vir ’n reünie-rolprent nie. Hy is wel onlangs weer met ’n kantpaadjie in sy hare opgemerk, maar hierdie keer is dit vir sy rol in Famous, wat in Los Angeles verfilm word. In die fliek, gegrond op die boek deur Blake Crouch, speel Zac (37) twee karakters – ’n rolprentster en ’n versteurde aanhanger.…