Indholdsfortegnelse for 12 December 2024 i Huisgenoot

1 ‘DIS NIE DIE EINDE NIE’ Mia le Roux se ma gesels oor haar dogter se besluit om aan die Mej. Heelalkompetisie te onttrek. In SA sal sy voortgaan om ’n verskil te probeer maak Ai man, ons is tog so jammer om dit te hoor. Maar dit verander niks. Want vir ons hier in Suid-Afrika is jy in elk geval ons Mej. Wêreld en ons Mej. Heelal. Word asseblief net gou gesond. Ons is en bly so trots op jou. SALOME Vertigo is ’n siekte wat jou onverwags tref. Met die naarheid en daardie dronk gevoel, so asof jy onderstebo loop. Mense wat dit nog nie beleef het nie, weet nie hoe erg dit is nie. So wees dankbaar as jy dit nog nie gehad het nie. ANNETTE Annette, wat…

Haaie bestaan al langer as bome. Haaie, in verskeie gedaantes, jag al die afgelope 400 miljoen jaar prooi. Die grootste landmassa was om die suidpool, met ’n wêreldoseaan waarin protohaaie die septer geswaai het. ’n Septer met baie tande, maar steeds. Op land was daar al plante, vlesige blare en dorstige wortels wat moerasse so groot soos kontinente gevul het. Maar bome was daar nie. Eers 30 miljoen jaar later het bome begin shade throw. Haaie is nie superslim, supermooi of sjarmant genoeg vir ’n skemerkelkie nie, maar wanneer dit kom by survival, is hulle onteenseglik fit. Charles Darwin het gesê: “It is not the strongest of the species that survives, nor the most intelligent that survives. It is the one that is most adaptable to change.” Oorlewing is geen…

‘HULLE SAL VIR EWIG 19 EN 16 WEES. HULLE WAS ’N PLESIER OM TE HÊ. ONS HET ENGELE GEHAD SONDER DAT ONS DIT GEWEET HET’ VANJAAR sou hulle jongste dogter se matriekafskeid gewees het. In ’n elegante rok – waarskynlik blou – sou Lize ingehaak by haar metgesel in die skoolsaal ingestap en van kop tot tone geglinster het. Trane van blydskap en trots sou by haar ouers se wange afgerol het. Daarna sou sy gaan studeer het. Waarskynlik by die Noordwes-Universiteit, saam met ousus Janke. Lize het op die krieketveld uitgeblink. Wie weet, dalk sou sy eendag in die Groen-en-goud met die Protea op haar bors gespog het. Janke het aan die Pukke onderwys studeer. Kinders het haar gelukkig gemaak en sy wou graag ’n positiewe verskil maak in…

SY HET daardie oggend sommer self vroeg wakker geword, dit was nie eens nodig om ’n wekker te stel nie. Dit was dié dag. Daar was meer as 14 000 kilometer tussen haar en haar dogter, en ’n tydsverskil van agt uur. Teen die tyd wat sy daardie aand op Oudtshoorn in die bed sou klim, sou haar dogter in die verre Mexikostad begin gereedmaak om deel te neem aan die kompetisie waarna sy al so lank uitsien. Eintlik net die laaste stukkie gereedmaak, want op ’n manier het Mia le Roux haar al haar hele lewe lank op daardie oomblik voorberei. Haar ma, Liesel, se liggaam was daardie dag op Oudtshoorn, maar haar kop en haar hart was in Mexiko by haar dogter. Maar toe lui Liesel se foon.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. MY LEWE IS ’N GESUKKEL V Ek wil baie graag weet hoekom sukkel ek tog so met finansies en gesinsprobleme. Ek is ook nie meer ’n gesonde man nie en sukkel met my hart en ook kanker. Kan jy my enige raad gee, asseblief? A Ek is jammer om te lees van jou ongesteldhede. Dit maak ’n mens se daaglikse lewe altyd moeiliker as daar siektes is om mee te worstel. Wat…

Die beste raad is om altyd die deur te sluit wanneer jy en jou maat intiem is, maar as jou kind op julle afkom, is dit belangrik om die situasie reg te hanteer. As jy agternahardloop en sê: “Moenie bekommerd wees nie,” word dit ’n vreesaanjaende ervaring. Moet ook nie raas nie, of vra: “Hoekom het jy nie geklop nie?” Jou kind wens reeds hy het nie op daardie oomblik ingestap nie. Sê liewer: “Liefie, ons het privaatheid nodig. As jy na jou kamer toe gaan, is ek binne ’n minuut of twee daar.” Trek jou japon aan, haal diep asem en hou jou belofte oor julle opvolggesprek. Stel jou kind gerus dit is nie aggressie nie. Sê eerder iets soos: “Niemand het seergekry nie. Dis alles in liefde gedoen.…

BOOGSKUTTER 22 NOV – 20 DES Dit kom voor asof die wêreld in ’n stryd met homself gewikkel is en asof selfs jou vriende onder mekaar baklei. Jy sal sien hoe mense se ware karakter na vore kom, en jou vermoë om baie eerlik te wees sal in jou guns tel. Die volmaan op die 15de gaan die grondslag van ’n liefdesverhouding toets. Eerlike kommunikasie sal in hierdie geval noodsaaklik wees. STEENBOK 21 DES – 20 JAN Jy het dalk geen ander keuse nie as om te aanvaar dat onbeplande uitgawes jou sak gaan ruk in ’n maand waarin gereelde uitgawes reeds hoog is. Skryf neer presies hoeveel en waaraan jy geld bestee sodat jy in beheer kan bly. Dit sal ook keer dat jy voel asof dinge tans in…

Ek skakel Pa Piet. Sy stem is anders as gewoonlik. Vriendeliker, asof hy regmaak om te begin sing. Dis die eerste keer in jare dat ek dié soort opgewondenheid by hom hoor. Laas was dit toe ek nog op skool was, voor Ma se siekte, en dis beslis die eerste keer ná haar dood in 2018. “Pa klink of Pa die Lotto gewen het.” Hy lag verleë. Ek sien hom bloos in my geestesoog, dis daai soort laggie. “Nee,” sê hy, “jou verbeelding …” “Is Pa by die huis vanaand? Ek moet Dersley toe ry en kan ’n bier inpas as Pa wil.” “Jong, ou seun …” Hy bly stil. “Is Pa besig om te kuier?” Hy maak keelskoon. “Is sy mooi?” Hy sê niks, lag saggies. “Laat dit nie…

NUWE KLANKE GUNSTELING SPYT TIAAN MASSYN Kort op die hakke van sy vorige twee liedjies, “Die son” en “The Crossing” – sy verwerking van die Johnny Cleggtreffer – bederf die voormalige mnr. Suid-Afrika en kranige sanger TIAAN MASSYN ons met sy jongste uitreiking, “Gunsteling spyt”. Die sielvolle popballade met warm kitaarklanke is uit die pen van die liedjieskrywer Erns Smit en delf diep in die emosionele kompleksiteit van ’n ongesonde romantiese verhouding. “Dis ’n ballade met rou en eerlike lirieke wat reflekteer op ’n scenario waar jy jouself in ’n liefdesverhouding bevind wat, ten spyte daarvan dat dit ongesond is, net soos verslawing moeilik is om te beëindig,” sê Tiaan. Die musiekvideo waarin Tiaan bedroef voor ’n klavier sit en sy hart uit sing, pas mooi by die gees van…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. № 2 574 KOMPETISIEVRAAG Watter Franse stad is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Christine le Roux Keur 10 deur Christine le Roux (H&R, R330). Keur 10 bevat drie bekoorlike liefdesverhale. Die glasappel is ’n verhaal deurweef met humor en eksentrisiteit. Die argitek Theo Senekal was nog nooit sonder ’n mooi vrou aan sy sy nie, maar die verstrooide meisie wat dink hy is ’n messelaar maak hom heeltemal deurmekaar. In Die blou uur besef Klarissa du Toit haar man se werk is besig om ’n wig tussen hulle in te…

’N KONINKLIKE BEGIN Wanneer Mufasa doodgaan in The Lion King, is dit een van die hartseerste oomblikke in die geskiedenis van animasie. Nou is dit tyd dat ons leer wie Mufasa nou eintlik was. Vir die eerste keer gaan ons Simba se pa se storie voor ons sien afspeel. Rafiki, die wyse aap van die Pride Lands, vertel in dié fliek die lewensverhaal van die twee broers, Mufasa en Scar, wat albei op ’n gevaarlike reis gegaan het om ’n nuwe tuiste en familie te vind. Rafiki vertel die storie aan prinses Kiara. Die verhaal speel in pragtige terugflitse af, en ons sien ’n heel ander sy van die gebeure. In dié fliek is Mufasa wees gelaat en voel hy verlore en alleen tot hy Taka, ’n simpatieke leeu en…

WINDMEUL Op ’n winderige dag kan jy met ’n windmeultjie speel – en jy kan jou eie een maak 1 Gebruik die potlood en liniaal en trek twee strepe van hoek tot hoek op die papiervierkant sodat hulle in die middel kruis (kyk op die illustrasie). Meet 2 cm van die middel van die vierkant en merk dit op elke streep (kyk na die rooi merkies op die illustrasie). 2 Sny met die skêr van elke hoek af al langs die streep tot by die 2 cm-merkies (moenie regdeur sny nie). Buig elke tweede hoek na die middel toe – moet dit nie vou nie – en gom in die middel vas. Plaas die gombotteltjie of -buisie bo-op die middel en laat droog word. 3 Vra ’n volwassene om jou te help om…

’N JONG ma het pas haar kinders in die bed gesit. Hulle is nog skaars in droomland of sy skarrel na die drankkabinet om haar verslawing te voed – daardie bottel geliefde wodka waarna sy al heeldag smag. Dan duik ’n hindernis op. Sy sukkel om die bottel oop te kry! Te hel hiermee, dink sy naarstiglik. Sy gryp die glasbottel en kap die boonste helfte daarvan stukkend, skink ’n skoot wodka uit wat van die bottel oorbly en sluk dit soos ’n dors kameel af. Min gepla oor die glasskerwe wat waarskynlik saam in haar maag beland. Later dié aand sal sy soos baie aande tevore haar vinger in haar keel druk. As sy net die drank weer opgooi, is die gedrink mos nie ’n probleem nie. Of hoe?…

TAYLOR SWIFT trek elke keer aandag wanneer sy by die stadion instap om haar kêrel, die Amerikaanse voetbalspeler TRAVIS KELCE, by een van sy wedstryde vir Kansas City te ondersteun.…

1 Watter TV-reeks oor ’n ma en dogter het op die fiktiewe dorpie Stars Hollow afgespeel? 2 In watter jaar het Margaret Thatcher die eerste vroulike Britse eerste minister geword? 3 Watter wetenskapsfiksieboek deur Frank Herbert het in 1965 verskyn en is onlangs weer in ’n fliek omskep met Timothée Chalamet in die hoofrol? 4 In watter stad is die Olimpiese Spele in 1984 aangebied? 5 Waar in jou lyf sal jy die radius aantref? ANTWOORDE 1. Gilmore Girls 2. 1979 3. Dune 4. Los Angeles 5. Voorarm…

MANIKURE en pedikure is dalk heeljaar gewild, maar die jongste neigings vir die somer is vars, nuut en opwindend. Hierdie seisoen is daar ’n hele paar nuwe voorkomste om mee te eksperimenteer. Of jy nou droom oor iets elegant of fraai, of hou van ’n bietjie meer opwinding, daar is ’n styl vir almal. Ontdek hier die jongste naelkleure en -ontwerpe vir pragtig versorgde naels heel somer lank. Groen Van pistachio tot lemmetjie, van ment tot matcha, elke skakering van groen is in die kol hierdie somer – en met rede. Dis vars en perfek vir somerhande. Hoewel almal dit kan dra, lyk dit veral goed op kort naels met geronde punte. Jy kan die hele nael verf as aksent, of jy kan net die punte van jou naels verf.…

1 VEREENVOUDIG HULLE GELDSAKE ◗ Help met praktiese dinge, soos die opstel van maandelikse betalings wat outomaties afgaan. ◗ Vra jou ouers ’n lys van al hulle finansiële inligting, van bankrekeninge tot versekeringspolisse en pensioenfondse. Maak fisiese en digitale afskrifte van dokumente soos polisse, geboortesertifikate, testamente en eiendomsaktes. Laat hulle ook afskrifte aan ’n betroubare professionele persoon (soos hulle prokureur of finansiële raadgewer) gee. Dan is dit toeganklik in ’n noodgeval. ◗ Indien hulle jou hulp wil hê, stel vir hulle ’n begroting volgens hulle inkomste en uitgawes op. Of vra ’n finansiële raadgewer of rekenmeester om te help. ◗ Kry professionele hulp om hulle beleggings te bestuur. Vergelyk die diens en fooie voor jy kies (fpi.co.za en fia.org.za). 2 HOU JULLE FI-NANSIES APART Jou ouers, jy en ander familielede kan…

MARA se karsleutels val toe sy vroegoggend voor haar snuisteryewinkel uitklim. Sy mompel binnensmonds en buk styf-styf af om hulle op te raap. Haar handpalm skuur oor ’n stuk graniet wat langs die sleutels lê en ’n brandpyn skiet deur haar arm. Nerfaf. “Vreksel, man!” Die Vader weet, sy is moeg alleen gesukkel. Sedert Ben se dood gee die lewe haar nie ’n breek nie, en dít terwyl die dorp se mense haar winkel ál meer vermy. Dis nou haar derde feestyd sonder hom, en haar idees om die winkel aan die gang te hou is besig om op te droog. Sy het dit al oorweeg om tussen die ornamente en juwele ’n paar rakke aan daaglikse behoeftes soos brood en melk te wy, maar sy weet dis nie waarom…

Groot name pronk in die geselsprogram, soos: ▶ Helen Zille, die voorsitter van die Federale Raad van die DA ▶ Akteurs soos Celeste Loots, Francois Jacobs, Frank Opperman, Jarrid Geduld en Rob van Vuuren ▶ Die TV-persoonlikheid Soli Philander ▶ Musikante soos Craig Lucas, Jack Parow, Loki Rothman en Valiant Swart ▶ Aanlyn persoonlikhede soos Aletta Francina de Kock en Rynhardt Schoeman “Jy moet al 13 episodes kyk,” sê Wynand. “Elke episode is anders, maar die gaste het oor die algemeen goed reageer. Ek dink elke man moet iewers in sy lewe in drag getooi word. Dit help straight mans om sommer hulle vroue meer lief te hê en hulle eie seksualiteit te omhels. Jy stap meer secure daar uit in wie jy is. “Dit was interessant om te sien…

EKOLOGIE Uit die Grieks oikos (tuiste) en logos (woord, redevoering of beginsels). Ekologie is die studie van die verhouding tussen lewende organismes en hul omgewing. Sinonieme is omgewingsleer, lewenstoestandsleer of bionomie. ’n Ekoloog is ’n kenner van die ekologie. SYFERSTORIES 450 miljoen So oud is ’n fossiel wat verlangs verwant is aan spinnekoppe en in die staat New York ontdek is, gehul in die mineraal piriet. Volgens navorsers is dit so goed bewaar, “dit lyk asof dit net kan wegskarrel”. Die nuut ontdekte spesie, Lomankus edgecombei, was ’n soort atropode, wat spinnekoppe, insekte en skaaldiere insluit. Pleks van oë het die Lomankus een groot voorbeen gehad om te navigeer en moontlik prooi te gryp. 3 380 km ’n Keiserpikkewyn het natuurkenners verstom toe hy só ver van sy gewone habitat,…

FLIEKS OUT OF MY MIND Nou op Disney+ Melody Brooks is in gr. 6 en serebraal gestremd. Sy het ’n vinnige en skerp verstand, maar omdat sy nieverbaal is en ’n rolstoel gebruik, word sy nie dieselfde geleenthede as haar klasmaats gegun nie. Toe ’n jong opvoeder haar leerder se potensiaal raaksien en Melody begin deelneem aan hoofstroomonderrig, wys Melody dat wat sy te sê het belangriker is as hoe sy dit sê. THAT CHRISTMAS Nou op Netflix Die fliek volg verhale oor familie en vriende, liefde en eensaamheid, en Kersvader wat ’n groot fout maak, om nie eens te praat van ’n enorme aantal kalkoene nie. Die regisseur, Richard Curtis, hoop die fliek gaan mense gelukkig maak. “Ek hoop dit sal mense herinner aan die vreugde en kompleksiteit van…

1 Plaas 2 eetlepels boraks in ’n bakkie. Meet 125 ml (’n halfkoppie) warm water in die maatbeker of -koppie af en giet dit by die boraks. Meng tot die boraks opgelos het. Hou die mengsel eenkant. Onthou om ’n volwassene se hulp te vra as jy met warm water werk. 2 Druk 125 ml (’n halfkoppie) gom in die tweede bakkie uit. Voeg die voedselkleursel en 60 ml (’n kwartkoppie) warm water by. Meng hierdie bestanddele. WENK Jy kan meer as een kleur voedselkleursel saam gebruik om jou slym ’n unieke kleur te gee. 3 Giet die boraksmengsel in die eerste bakkie by die gommengsel in die tweede bakkie. 4 Begin die mengsel dadelik roer tot dit ’n stywe bal vorm. As jy langer as 10 sekondes wag, word die mengsel hard. Knie…

IN DIE mooi Oos-Vrystaat, op die pad tussen Rosendal en Ficksburg, is een van die land se mooiste trouvenues. Moolmanshoek is bekend vir eindelose weivelde en bergstrome wat teen rotswande afstort om natuurlike poele te vorm. “Laat ’n perd in jou oor fluister en in jou hart asemhaal,” lees ’n mens op die webtuiste van dié privaat wildreservaat, wat ook ’n perdeplaas is. “Jy sal nooit spyt wees daaroor nie.” Nou ja, toe Chelsea Wilson onlangs in dié skouspelagtige omgewing getrou het, was dit nie net die perde wat haar asem weggeslaan het nie. Want aan haar sy was die man wat al jare lank as moontlik die mees gesogte vrygesel in Suid-Afrika beskou word. As jy dalk nog heimlik gesmag het dat jy die volgende mev. Neethling gaan word,…

IN SOVEEL opsigte was hy ’n tipiese produk van die Britse middelklas van sy era. Hy is op 27 Oktober 1939 in Somerset gebore. Sy ouers het hard in die versekeringsbedryf gewerk om hom na ’n goeie privaat skool te stuur, waar hy later ook lesse in aardrykskunde, Engels en Latyn sou gee. Daarna regstudies en krieket in kraakwit klere by die Universiteit van Cambridge. Net een ding het hy nie gehad nie – daardie Britse stiff upper lip. Soos hy self verduidelik: “Ek kan niks in die lewe ernstig opneem nie!” Toe dryf John Marwood Cleese maar eerder die spot met sy land-genote se klasbeheptheid. Vir heilige koeie het sy satiriese komedies, baie daarvan uit sy eie pen, geen ontsag nie. In die sketse van Monty Python’s Flying Circus…

Wanneer en waar was jy op jou gelukkigste? Toe ek van 2010 tot 2013 in Melkbosstrand gebly het. Wat sou jy anders doen as jy jou lewe kon oorhê? Dadelik gaan studeer het en nie eers vier jaar gewag het nie. Wat is die ding wat jy die meeste in mense bewonder? Hulle deursettingsvermoë. Die lewe is nie maklik nie, maar almal maak dit op die een of ander manier werk. Wie sou jy die graagste vir ete wou nooi, en wat sou jy vir ete maak? Elandré. My gunsteling-pasta-en-witsousgereg. Wat kan jy nie verduur nie? Mense wat ou mense en diere mishandel. Wat is jou diepste put van ellende? Om eensaam te voel en te wees. Wie is of was die liefde van jou lewe? Iemand wat ek baie…

‘SY SIEN MY MAAG EN SY SAL SÊ BABA EN DIT SOEN, MAAR EK DINK NIE SY VERSTAAN REGTIG NIE’ MA MOET stilsit. Sussie kán nie. Greteli de Swardt loer onderdeur die grimeerkunstenaar se maskaraborseltjie na haar dogtertjie. “Kom, Alétjie, kom ons blaai deur jou dinosourusboekie,” sê sy. Maar hierdie storie oor die grimering vir haar ma se voorbladfotosessie is vir klein Alé sommer baie vervelig. Sy’s nog nie eens twee jaar oud nie, en sy’s lus vir speel. Sy klim op haar ma se skoot, blaai een of twee keer verby haar dinosourusse, en wriemel dan weer van Greteli se skoot af. “Oukei, klim dan maar eers af,” sê Greteli. Haar eersteling, net 20 maande oud, waggel ’n draai, kerm bietjie, en klouter dan weer op haar ma se…

EIERVRUG met ’n KAASBOLAAG GENOEG VIR 4 MENSE / BEREIDING: 15 MIN. + SWEET VIR 30 MIN. / GAARMAAK: 55 MIN. EIERVRUG ◗ 2 x 400 g eier vrugte◗ 2,5 ml (½ t) sout◗ 15 ml (1 e) olyfolie, plus ekstra vir voorsit BROS BOLAAG ◗ 20 g panko-broodkrummels◗ ’n klein knippie sout◗ 15 ml (1 e) ekstrasuiwer olyfolie KAAS ◗ 125 g mozzarellakaas, gerasper◗ 50 g parmesaankaas, gerasper SUGO (TAMATIE-SOUS) ◗ 15 ml (1 e) ekstrasuiwer olyfolie◗ 3 knoffelhuisies, fyngedruk◗ ½ bruin-ui, fyngekap◗ 800 g-blik gekapte tamaties◗ ⅛ t sout◗ 2,5 ml (½ t) swartpeper◗ 10 g (¼ k) basilieblare, plus ekstra vir voorsit (aanbeveel, maar nie nodig nie)◗ 2,5 ml (½ t) witsuiker, indien nodig 1 Laat sweet die eiervrug Sny elke eiervrug in die lengte middeldeur. Gebruik…

MOOI MINIMALISTIES Al wat jy nodig het is ’n klein bietjie blare en blomme om ’n eenvoudige krans of kunstak op te tooi. Hou dit minimalisties met die versierings aan die onderkant van die sirkel en ’n strik aan die bokant om dit af te rond. IETS IN DIE MIDDEL Maak ’n draad vas van die een kant van die krans na die ander kant, en gebruik dit vir versierings van jou keuse om ’n prettige, persoonlike krans te maak. KERSGROENTE Gebruik ouer groente of varses wat langer hou. Geharde groente soos uie, beet, patats en knoffel werk goed en jy kan hulle blare insluit. Die knoffel sal sommer die muskiete en vampiere weghou! SPAN ’N DRAAD Vorm ’n boom met draad en versier dit met versierings wat hang en…

OM OOR seks te praat is vir party ouers van die ongemaklikste gesprekke wat hulle met hulle kind kan hê. Dis egter nie iets waarvan jy kan wegskram nie, en dis noodsaaklik om dit reeds van jongs af gereeld en op ’n manier gepas vir hulle ouderdom te voer. Deur oop en eerlike gesprekke kan ouers hulle kinders toerus met die nodige kennis en selfvertroue om gesonde houdings en gedrag ten opsigte van hulle liggaam en seksualiteit te ontwikkel. Kenners gee dié raad: WANNEER IS ’N GOEIE TYD OM DIE GESPREK AAN TE KNOOP? Daar is nie net een regte ouderdom om met jou kind oor seks te begin praat nie, sê Edith Kriel, ’n maatskaplike werker van Kaapstad wat onder meer spesialiseer in onvanpaste seksuele gedrag. “Jy moet jou…

ZEUS VAN WYNGAARDT EN DIE GODIN VAN DEEMOED DEUR JULIO AGRELLO Protea, R350 Zeus van Wyngaard is ’n onwaarskynlike naam vir die held van ’n krimi-reeks wat nou al oorleef tot in sy vierde boek. Julio Agrello is ’n nog vreemder naam vir ’n skrywer. ’n Afrikáánse skrywer. Jou naam en van is nie tipies Afrikaans nie, sê ek vir Julio. “Jy moet oppas om my vrae te vra wat na stories kan lei. Ek is ses dae van die week ’n semi-kluisenaar wat tussen Hoekwil en Karatara bly, en ek hoop baie woorde op … Ewenwel, my oupa moes vir sy lewe vlug uit Madeira en beland later aan die Oos-Rand. Hy trou met Kooitjie Taljaard. My pa, Boet, trou met Joey Swanepoel, en ek met Susan du Plooy.…

DIS regtig moeilik om die kinders deesdae besig te hou oor vakansies. En hulle vakansie is so lánk! Soms hang hulle daar by die huis rond lank voor die skool amptelik sluit. Ek moet erken ek gebruik skaamteloos die televisie om hulle besig te hou. Ek voel dat flieks en reekse aansienlik meer verrykend is as ure op die selfoon. So wanneer ek kan, probeer ek die een of ander mikpunt kry wat ek dan kan opvolg deur hulle menings daaroor te hoor. So sal ek hulle byvoorbeeld opdrag gee om in die vakansie die hele HARRY POTTER-reeks te kyk, of die hele LORD OF THE RINGS of selfs HUNGER GAMES. Hulle kan self die pas markeer, en soms sal ek saans een saam met hulle kyk. Een van ons…

TOOTSIE (1982) ’n Werklose akteur (DUSTIN HOFFMAN) trek aan as ’n vrou om ’n rol in ’n sepie te kry. Dinge raak egter ’n probleem toe hy verlief raak op een van die aktrises, gespeel deur JESSICA LANGE. THE ADVENTURES OF PRISCILLA, QUEEN OF THE DESERT (1994) ’n Roadtrip-komedie oor twee fopdossers en ’n transgender vrou wat deur die Australiese Outback reis. Met Guy Pearce, Hugo Weaving en TERENCE STAMP. MRS. DOUBTFIRE (1993) ’n Pa vermom homself as ’n oppasser om meer tyd saam met sy kinders te kan deurbring terwyl hy en sy vrou deur ’n egskeiding gaan. Met ROBIN WILLIAMS en Sally Field. THE BIRDCAGE (1996) ’n Komedie oor ’n gay kabareteienaar, briljant gespeel deur Robin Williams, en sy fopdosser-maat (NATHAN LANE) wat probeer om ’n “normale” gesin…

SOOS BLITZ Die registerjuffrou aan die nuwe gr. 3’s: “Haal gou julle klasroosters uit!” Van agter laat hoor klein Kudu: “Jippie, ek dog ons gaan nooit braai nie!” E. Moelich GELOOFSVAS Sannie het al die jare gedink haar man se praatjies oor reïnkarnasie is net ’n gier wat sal verbygaan. Maar toe sy testament ná sy afsterwe uitgelees word, hoor sy dat hy al sy goed aan homself bemaak het. Louise Noeth EERSTE DINGE EERSTE Die Sondagskoolonderwyseres leer die kinders die korrekte manier om te bid. Teen die einde van die les vra sy aan die klas: “Veronderstel ons wil bid om vergifnis. Wat is die eerste ding wat ons moet doen?” “Sonde pleeg?” raai een van die seuntjies. Louise Noeth PLAN B Ek het regtig gesukkel om my kinders…

AMERIKA AI-KUNS: ROBOT ‘AI-DA’ SE REKORDSKILDERY ’n Skildery deur ’n AI-robot genaamd Ai-Da is op ’n New Yorkse kunsveiling vir R20 miljoen verkoop, die duurste kunswerk nóg deur so ’n blikbrein. Dis ’n portret van Alan Turing, ’n Engelse wiskundegenie wat as die vader van rekenaarwetenskap beskou word en grootliks tot vroeë denke oor kunsmatige intelligensie bygedra het. Aidan Meller, ’n kunsgaleryeienaar, het met 30 mense saamgespan om Ai-Da te bou en te programmeer. Haar naam is ’n woordspeling: die eerste deel is vanselfsprekend, maar sy’s ook vernoem na Ada Lovelace, ’n vroeë “rekenaarprogrammeerder”. AUSTRALIË MENSE STAAN TOU VIR REUSESTINKBLOM Sowat 20 000 mense in Australië het op ’n botaniese tuin in die stad Geelong toegesak om een van die wêreld se stinkste en grootste blomme te sien bloei. Dit…

1 Vir hoeveel towerboontjies het Jan in die sprokie Jan en die boontjierank sy gesin se koei verruil? 2 Wat word diere genoem wat sowel plante as vleis eet? 3 Wat word ’n babakangaroe genoem? 4 Watter kleur is ’n smarag? 5 Wat is die bynaam van die Amerikaanse landsvlag? ANTWOORDE 1 Vyf 2 Omnivore 3 ’n Joey 4 Groen 5 Stars and Stripes BRONNE NEWS.NATIONALGEOGRAPHIC.ORG, THEGUARDIAN.COM, BRITANNICA.COM, LIVESCIENCE.COM, CNN, BBC, BRITANNICA.COM, SMITHSONIANMAG.COM, NEWS.YALE.EDU, NEWSFORKIDS.COM, HISTORY.COM, DOGONEWS.COM, YOUTUBE…

DIS vakansietyd en julle gaan heel moontlik iewers heen ry. Het jy al ooit wanneer julle deur die kronkels en draaie in die pad gaan skielik jou maag voel draai en dat jy wil opgooi? Wat is dan verkeerd? Dié gevoel is bewegingsiekte. WAT IS BEWEGINGSIEKTE? Bewegingsiekte is eintlik ’n onderbreekte boodskap tussen dít wat jou oë sien en wat jou binneoor voel. Jou binneoor vorm jou vestibulêre stelsel. Wanneer hierdie botsende seine van jou sintuie by jou brein uitkom, kan dit jou siek laat voel. Hier’s ’n voorbeeld: Wanneer jy in ’n kar ry, sien jou oë dat die persoon in die voorste sitplek staties is – hulle beweeg nie. Jy beweeg ook nie, want jy is vasgegordel in jou sitplek. Maar jou binneoor, wat baie sensitief is vir beweging,…

SY IS al vyf uur agter die stuur van haar gehuurde kar waarmee sy deur drie Europese lande ry toe stortreën oor die vlaktes van België uitbars. Alexandra Morton-Hayward, aanvanklik ’n begrafnisondernemer en nou ’n molekulêre paleontoloog, sit die ruitveërs aan en trap die petrolpedaal dieper in. Die groen grasvelde van Vlaandere verander in ’n dowwe grys. Op die agtersitplek is ’n klein swart piekniekkoelboks. Binne 24 uur sal dit vol menslike breine wees. Nie moderne breinmonsters nie, maar breine wat hierdie landskap tot so ver gelede soos die Middeleeue bepeins het en wat, wonderbaarlik, ongeskonde gebly het. Argeoloë is al eeue lank verbyster deur die ontdekkings van antieke geraamtes sonder sagte weefsel – dis nou voor dít wat Alexandra (35) beskryf het as “net ’n brein wat in ’n…

SY HET die afgelope ruk hard gewerk om haar loopbaan weer op dreef te kry. En nou blyk dit JESSICA SIMPSON moes ook hard agter die skerms vir haar huwelik baklei. Daarmee was sy minder suksesvol, want volgens bronne is Jessica (44) en haar man, ERIC JOHNSON (45), op pad skeihof toe ná ’n huwelik van tien jaar. Die twee is in onlangse maande albei sonder hulle trouring gesien, en volgens bronne woon hulle al ’n hele ruk apart. “Jessica en Eric het al jare lank probleme – van voor die pandemie al. Dis ongelukkig geen verrassing dat hulle op skei staan nie,” het ’n bron aan US Weekly gesê. Die sangeres het nog nooit haar stryd met alkoholisme en haar voortdurende reis na nugterheid en selfontdekking geheim gehou nie.…