Indholdsfortegnelse for 23 January 2025 i Huisgenoot

1 ‘EK HET ALS VERLOOR, MAAR HOU MOED’ Ferdinand Rabe, van Big Brother-faam, is deesdae ’n gesinsman wat sy lewe op ’n Amerikaanse plaas herbou nadat hy alles verloor het Ja, ons ou van Big Brother no. 1! Die eerste seisoen was die beste. Ek het nou nog ’n opname daarvan. Ek hoop jy het darem nou al geleer hoe om te fluit. Sterkte in Amerika. Dis nie hoe jy val nie, maar hoe jy opstaan. SYLVIA Dit bewys net weer ’n keer die ou waarheid. Dat ons nooit weet wat in die toekoms vir ons wag nie. Kom ons wees nederig en dankbaar vir die bietjie wat ons in die hier en nou het, en aanvaar dit nie as vanselfsprekend nie. BEITTA Kyk, ou Ferdi, ek was so lief…

HUMOR is sy wapen, het hy al vertel. Een wat hy as kind moes leer gebruik. Melvin James Kaminsky is op 28 Junie 1926 op ’n kombuistafel in Brooklyn, New York, gebore. Soos baie mense in hul immigrantebuurt was sy ouers Jode wat uit Oos-Europa gevlug het. Sy pa is dood toe hy twee was, en dit het hom met ’n wrewel in die wêreld gelaat. “Ek glo baie van my komedie spruit uit onderliggende woede en vyandigheid,” het hy al gesê. As kind was hy tenger en sieklik, ’n maklike teiken vir boelies. “Ek het geleer om my probleme met humor te versteek om die vuiste te vermy.” Van humor was daar gelukkig baie in die woonstelgebou waar sy uitgebreide familie gewoon het. “Iemand was gedurig besig om die…

HULLE het so gehunker na ’n kleinsussie vir hul drie seuntjies. En toe Beandri eindelik haar opwagting maak, het sy dadelik Bea en Pieter Booysen se harte verower. “Sy was die mooiste baba, met die mooiste blou oë,” sê ma Bea vandag. “Ons gesin was volmaak.” Maar hulle kon nie toe al weet dat hul engelkind die hele land se harte sou steel nie. Hoe sy in tallose gebede opgedra sou word nie. En dat hulle veels te min tyd met haar sou hê nie. Want net ’n jaar nadat sy haar eerste lig aanskou het, kom die skok: Beandri ly aan Hutchinson-Gilford-progerie. Die sogenaamde “oumenssiekte” wat Vader Tyd se werk vier tot agt keer versnel. “Ons het nooit iets fout gesien nie,” sê pa Pieter. Tot die dag van…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. VEk en my man is nou tien jaar getroud en in ons vroeë 30’s. Ons sit gereeld vas oor geld. My man bestee sy hele salaris elke maand, hy kan nie gepla wees om te spaar nie. Ek, daarenteen, voel ons moet beplan vir die toekoms, spaar en volgens ons inkomste leef. Hoe vind ons die balans? Ons wil ook nou met ’n gesin begin. A Baie egpare sukkel met dieselfde…

Tog is dit nie die grootouers se verantwoordelikheid om altyd na hulle kleinkinders om te sien nie en hulle ruimte moet ook gerespekteer word, sê sy. Die Kaapse beradingsielkundige dr. Rosa Bredekamp sê sake kan ook ingewikkeld raak wanneer jy so betrokke is by jou kinders se lewe dat hulle voel jy meng by hulle sake in. “Wanneer dit gebeur, moet dit ’n waarskuwingsteken wees dat jy ’n grens oorskry het. Jy bemoei jou dan met ’n gesinseenheid wat onafhanklik moet kan funksioneer volgens hulle eie reëls, behoeftes en struktuur.” Dit kan ook ’n teken wees dat jy nie ’n eie lewe lei nie en oor jou lewe moet besin, sê sy. “Vra jouself wat jy kan doen om ’n doelgerigte lewe te geniet. Watter ervaring, kennis en kundigheid het…

NIEMAND kan dit ontken nie, ons is altyd en oral met plastiek omring. Boonop dra Suid-Afrika ’n skokkende 35% tot die plastiekbesoedeling van riviere, strome en die oseane in Suid- en Oos-Afrika by. Dis ’n kommerwekkende gedagte as jy besef dat jy nie noodwendig van die rommel ontslae raak wanneer jy die plastiek in ’n asblik gooi nie. Dit word eerder na ’n ander plek verskuif, waar dit heel moontlik die natuur en ekostelsels benadeel. Selfs wanneer plastiek herwin word, verg dit baie energie en water om dit reg te kry. Jy help dus nie noodwendig die omgewing deur herwinbare plastiek te gebruik nie. So, waar begin jy? Hier is ’n paar eenvoudige maniere om jou plastiekafval – en die las wat dit op die omgewing plaas – te verminder.…

DIE KEISER SE DUIM DEUR CHRIS KARSTEN Human & Rousseau, R259* Op die voorblad van Chris Karsten se nuutste krimi staan: “Ella Neser in die vreemde.” Ek vra waarom hy haar in sy 10de Ella-boek na anderland neem. “Ek wou haar ’n slag uit haar gemaksone pluk en kyk of sy ook in die vreemde met ’n vreemde taal en kultuur die mas gaan opkom,” vertel Chris. So antwoord hy op ons ander vrae: Hoe het jy op Hongarye besluit? Oor ’n koppie koffie in ’n besige wandellaan in die hart van Boedapest het my oog op ’n man met ’n snaakse waggelstappie geval. Ek het onmiddellik geweet die arme kêrel gaan ’n moordenaar word, ten minste in my verbeelding. Jou taalnotas voorin vind ek baie interessant, veral oor transliterasie…

VÊR INNI WÊRELD PIETIE ARNO JORDAAN Ons het laasjaar ons boude lekker gewikkel aan ou liedjies wat nuwe lewe gekry het – soos “Jan asseblief” van Irene- Louise van Wyk of Posduif se weergawe van “Ruiter van die windjie.” En nou het Arno Jordaan ons bederf met sy nuutskepping van die FAK-liedjie “Vêr in die wêreld Kittie” wat verander is na “Vêr inni wêreld Pietie”. “Dis ’n lekker vakansieoorwurm,” sê Arno. “Dit gaan oor die goeie tye saam met vriende en familie, en ook om minder ernstig oor die lewe te wees.” Die tong-in-die-kies liedjie het goeie ritme en heerlike elektroniese dansinvloede wat dit vir seker een van die gunstelingkuierliedjies die afgelope vakansie gemaak het vir luister én dans. MEISIE DODO NYOKA Die dinamiese Dodo Nyoka het 2024 op ’n…

Daar is basiese skryfbehoeftes wat alle leerders nodig het, maak nie saak in watter graad hulle is nie. Dis potlode, penne, liniale, uitveërs, en ’n huiswerkboek. Koop hierdie items in grootmaat vir al jou skoolgaande kinders en om die grootste deel van die skooljaar te hou. • Hou jou oë oop vir spesiale aanbiedings op skryfbehoeftes wanneer jy ook al inkopies doen, dan sal jy nie winskopies misloop op spesifieke items soos kleurpotlode, kryte en koki’s vir die kleintjies, gom, viltpenne en natuurlik ’n potloodskerpmaker nie. • Jou kind sal ook ’n potloodsakkie nodig hê of ’n klein houer om die skryfbehoeftes in te bêre. Maar vind by die skool uit of hulle spesifieke reëls het oor potloodhouers of sakkies. Die gebruik van ’n houertjie of sakkie vir hierdie items…

1. Bestuur verandering Verandering kan moeilik wees vir kinders, of dit nou ’n begin by ’n nuwe skool is of trek na ’n nuwe huis. Om hulle dit te help hanteer, verduidelik wat gebeur in eenvoudige taal en moedig hulle aan om vrae te vra. Wees eerlik en oop met hulle. Deur hulle te help om ’n nuwe roetine te vestig kan ook ’n gevoel van stabiliteit herstel. 2. Hanteer teleurstelling Die lewe is vol op en af, en die sleutel is om te leer om teleurstelling te hanteer. Leer jou kind dis in die haak om ontsteld te voel oor ’n lae toetspunt of as hulle nie die eerste span haal nie, maar wys hulle ook hoe om daaroor te kom. Moedig hulle aan om oor hul gevoelens te…

HULLE IS OOK VERLOOF ALBERT PRETORIUS Die akteur, wat onlangs weer in die kykNETdrama Nêrens, Noord-Kaap te sien was, en sy meisie, Marie Vogts, het in die tweede week van Januarie verloof geraak. Marie is ’n regisseur en projekbestuurder wat met teaterproduksies werk. Op Instagram verwys sy grappig na haarself as ’n “geringde vinkie”. CHAR CARRIE Die Suidooster-aktrise het die nuus oor haar verlowing die naweek van 12 Januarie met aanhangers gedeel – sommer met ’n TikTok-video waarin sy daardie knoets van ’n diamant rondswaai. Sy en haar verloofde, Joshua Adams, is al meer as sewe jaar lank saam. ANTON JEFTHA Is daar ’n beter manier om die nuwe jaar in te lui as om die vrou van jou drome te vra om met jou te trou? Vra jy die…

TOETS JOU KENNIS 1 Wat is Bob Dylan se geboortenaam? 2 Wat is in jou cocktail as jy ’n Harvey Wallbanger bestel? 3 Watter Engelsekunstenaar het in die 1990’s ’n haai in formalien as ’n kunswerk uitgestal? 4 In watter 1942-fliek sê Humphrey Bogart se karakter vir Ingrid Bergman s’n: “Here’s looking at you, kid”? 5 Wat is die laaste element, no. 118, op die periodieke tabel? ANTWOORDE 1. Robert Allen Zimmerman 2. Vodka, Galliano en lemoensap 3. Damien Hirst 4. Casablanca 5. Oganesson (Og)…

MILO VENTIMIGLIA Die akteur van This Is Us en sy vrou, Jariah Mariano, wat nege maande swanger is, het die video van hul huis se sekuriteitskameras gekyk hoe hul tuiste in Malibu tot die grond toe afbrand. “Op een punt het ons net die kameras afgeskakel en ophou kyk,” het hy aan CBS gesê. “Ons het soortvan die verlies aanvaar. Die kinderkamer was al gereed, ons het ’n bababedjie gekoop. Jy kyk rond en jy sien alles is weg, en jou hart breek.” JOHN C. REILLY Dié akteur se huis ter waarde van $1,2 miljoen in die San Gabriel-berge in Altadena is ook heeltemal verwoes. Hy het dié huis, met twee slaapkamers en twee badkamers, in 2004 saam met sy vrou, Alison Dickey, gekoop. MANDY MOORE Die huis in Altadena…

EN HIER is dit nou, ’n tweede termyn vir Donald J. Trump. Terwyl sy kritici sê dit gaan nog vier jaar van chaos wees, hou sy ondersteuners vas aan sy belofte “to make America great again”. Dié keer is Trump selfs meer vasbeslote om dinge op sý manier te doen – die mense wat hy as sy kabinet en senior raadgewers gekies het, is ’n bewys daarvan. Waar hy in sy eerste termyn ervare kundiges gehad het om hom te rig, is daar net een ding wat hy nou van sy binnekring wil hê: blinde lojaliteit. En dit het tot ’n paar bra verrassende keuses gelei – hy’t ’n voormalige professionele stoeier in beheer van onderwys geplaas, ’n stoere teenstander van inentings en aanhanger van samesweringsteorieë sal die gesondheidsdepartement lei,…

AS ’N skoonheidsredakteur kry ek die kans om wonderlike velsorg- en grimeerprodukte te ervaar. Maar al sal party duur handelsname altyd ’n plek op my boonste rak hê, kos nie al die doeltreffendste produkte ’n groot klomp geld nie. Dis omdat goedkoper skoonheidshandelsname sorg dat hulle lae pryse nie hulle produkte aan gehalte, doeltreffendheid of kreatiwiteit laat inboet nie. Hier is van my skoonheidsgunstelinge wat nie jou sak sal ruk nie, maar net so goed soos enige luukse opsie is. 1. Cetaphil Gentle Cleanser R154,99 vir 125 ml, Dis-Chem Vra enige dermatoloog om vir jou bekostigbare velsorg aan te beveel en jy sal minstens een produk van Cetaphil op die lys kry. Al is die Hydrating Moisturiser vir my onmisbaar, veral in die winter wanneer my vel ekstra dik, swaar…

Ons het hulp nodig met ons tienjarige. Ons het inkopies gaan doen by ’n kettingwinkel en ek het nee gesê toe sy ’n pakkie lekkers wou hê. Daar breek die Derde Wêreldoorlog toe uit! Sy het soos ’n gewelddadige klein monstertjie gereageer, dinge rondgegooi en geskree. Dit het so erg gegaan dat ons ná die tyd ’n rekening van R8 000 van die winkel gekry het. Met ’n kuier by haar ouma het sy haar ouma gebyt toe sy nie ’n tweede lekkertjie uit ’n pakkie kon neem nie. Ek weet nie watter kant toe nie. A Jou dogter is al ’n bietjie oud om woedeuitbarstings te hê. By die meeste kinders stop woedeuitbarstings teen die ouderdom van so agt jaar wanneer hulle taalvaardighede ontwikkel het om hulle te help…

WATERDRAER 21 JANUARIE – 18 FEBRUARIE Jy, wat anders as jou teenoorgestelde teken, die Leeu, aandag en die kollig vermy, sal jou moet berus in ’n ommeswaai. Met ’n nuwe samekoms van planete in jou teken, tesame met ’n nuwemaan op die 29ste, is jy die middelpunt van belangstelling in die kosmos. Natuurlik sal dit jou weerloos en blootgestel laat voel, maar dink net aan die goed wat jy kan doen, veral as jy jou altruïsme kan inspan. VISSE 19 FEB – 20 MRT ’n Konfrontasie tussen ’n geliefde en ’n vriend lyk onafwendbaar teen die 23ste, wanneer harde en onvriendelike woorde gewissel kan word. Dis verstaanbaar as jy voel dit is onmoontlik om kant te kies, maar dit kan opsigself lei tot ’n tyd van diepe besinning en introspeksie.…

Op die volgende bladsy is ’n paar notas om uit te knip en in jou kind se skoolgoed weg te steek om hul dag op te vrolik. Daar is die ooglopende plekke om jou boodskappe te los, soos in die kosblik of skooltas, maar jy kan meer kreatief raak: ’ n Lekker verrassing! Hoe notas in kosblikke jou kind bevoordeel In die gewoel van oggendroetines voel die pak van ’n kosblik vir jou kind dalk soos net nog ’n item op die doenlysie. Maar om ’n eenvoudige notatjie in te sit kan hierdie alledaagse taak in ’n sinvolle verbintenis met jou kind verander. Dís hoekom die bysit van ’n klein nota in jou kind se kosblik ’n groot impak op hul dag en ontwikkeling kan hê. 1 Verbeter moraal en…

ETIES EET Ek is nou verward. As vegetariërs so lief is vir diere, hoekom eet hulle dan al die diere se kos? Wollie, Pretoria EENDVOËL Die jagter gaan by die slaghuis in en vra ’n eend. “Ek’s jammer, maar ons eende is uitverkoop. Wat van ’n hoender?” vra die slagter. Jagter: “O nè, en hoe moet ek vir my vrou verduidelik ek het ’n hoender vir aandete geskiet?” San Marchand OORVLOED Wat kry ’n mens as jy ’n duisendpoot en ’n hoender kruis? Genoeg hoenderboudjies vir die kerkbasaar se braai. L. Saayman BYPASSEND Ou Mike gaan besoek sy tandarts. “My tande is nogal geel, wat beveel jy aan?” vra hy. Tandarts: “Probeer ’n bruin das.” Louise Noeth NAVIGEER DIE OUDERDOM Ek het deesdae so baie plooie in my gesig, as…

BEENNAALDE VAN MENSE UIT DIE YSTYDPERK ONTDEK Argeoloë in Wyoming het oorblyfsels van naalde ontdek wat uit diere been geskep is – en nuwe insig bring in hoe die eerste bewoners van Noord-Amerika die laaste ystydperk oorleef het. Die delikate beennaalde is by die argeologiese terrein La Prele gevind toe navorsers klein toetsputte gegrawe en toe met fyn maas deur sediment gesif het. Hulle het 32 naaldfragmente uit die vroeë Paleoindiaanse tydperk, 13 500-12 000 jaar gelede, gekry. Dit was verrassend dat die been afkomstig was van kleiner diere soos konyne en voskatte, terwyl hulle eintlik bison- of mammoetbeen verwag het. WÊRELD SE GROOTSTE GAS-‘STOFSUIER’ Die Arktiese staat spog met die grootste CO2 - absorberende aanleg. Terwyl skoon, hernubare energiebronne soos sonen windkrag aanlegte tyd verg, ontwikkel maatskappye soos Climeworks…

SY’S op haar gelukkigste wanneer sy langs ’n geploegde landery op haar plaas sit en pyp rook en kyk hoe haar hoenders in die grond rondpik. Margret Chola se landelike lewe in Zambië is baie ver verwyder van die swier en glans van die wêreld se modehoofstede. Maar danksy haar kleindogter word die 82-jarige nou as ’n stylikoon geloof. As ’n modestilis in New York beweeg Diana Kaumba tussen modebewustes, maar sy meen niemand is so cool soos haar ouma nie. Toe sy verlede jaar by Margret gaan kuier het op dié se plaas net noord van Lusaka, het sy ’n tas vol modieuse klere en bykomstighede saamgekarwei. Sy’t voorgestel sy en Margret speel modepop – en haar ouma het ingestem. Diana het vir Margret in die ontwerpersklere uitgevat, afgerond…

SO 30 jaar gelede, in die tyd toe sy die silwerskerm oorheers het met rolle in Indecent Proposal en Disclosure, het ’n vervaardiger vir Demi Moore gesê sy is ’n “popcorn actress”. Mooi genoeg om teenoor hartebrekers soos Tom Cruise en Patrick Swayze te speel. Gewild genoeg om met flieks soos St. Elmo’s Fire en Ghost die dollars te laat inrol. Fiks genoeg om G.I. Jane te speel. Maar nie ’n ernstige aktrise nie. Nie die soort wat in kunsflieks verskyn en pryse soos ’n Golden Globe wen nie. Soos wat die jare aangestap het en Demi nie meer die romantiese hoofrol in baie flieks kon vertolk nie, het haar sterretjie ál meer verdof. Maar toe gebeur iets onverwags in die sterrehemel. ’n Liggie vlam op soos ’n supernova. Daar…

AL IS ZENDAYA en TOM HOL- LAND twee van Hollywood se grootste sterre, was hulle nog altyd baie beskermend en privaat oor hul verhouding. Dis nou tot Zendaya (28) onlangs met ’n blink knoets aan haar ringvinger by die Golden Globes opgedaag het. Sy het daarmee aan die wêreld verkondig sy en Tom (28) is gereed om af te haak. Volgens bronne het Tom haar êrens tussen Kersfees en Nuwejaar in ’n huis van een van haar familielede die jawoord gevra. “Tom het nie ’n bohaai gemaak oor die verlowing nie. Dit was nie ’n groot, uitspattige affêre nie. Dit was net romanties en intiem,” het ’n kennis gesê. “Die familie was nie daar nie. Dit was net ’n liefdevolle oomblik tussen Tom en Zendaya.” ’n Diamant van 5,02 karaat…

Afrikaans se amptelike status word vanjaar 100 jaar oud. Dis ’n goeie tyd om te onthou die fondament was reeds gelê dekades voor Jan van Riebeeck op Newmarket Street voet aan wal gesit het. Seemansnederlands het ontwikkel onder die buitelanders en slawe wat op die VOC se skepe gewerk het/ aangehou is. Die Khoikhoi het lankal met die Duusmanne te doen gekry en ’n makliker/beter weergawe van hulle keelinfeksie begin praat. Toe die Kasteel gebou is, het Hugenote, Engelse, Portugese, Skandinawiërs, Duitsers en Maleiers hulle hier gevestig, laasgenoemde onvrywillig. Dis húlle Moslemskole wat die taal die eerste keer in 1815 neergeskryf het. Teen daai tyd het ons gesit met Kaaps-Hollands, Boere-Hollands, Plat- Kaaps, Hottentot-Hollands (jammer), Slawe-Afrikaans (flip), Vreemdeling-Afrikaans, Kombuistaal en Kitchen Dutch. Uit al hierdie strome – Standaardnederlands, die pidgin…

Wat is geluk? Om tevrede te wees met waar ek is en om omring te wees met my naaste mense. Wat is vir jou snaaks? Ek lag maklik. Partykeer moet mens oor ernstige dinge ook kan lag. Waarmee hou jy jou graag besig? Ek hou van lees, en verf terwyl ek na ’n podcast of musiek luister. Wat verveel jou? Om sport te kyk en small talk. Waaroor is jy spyt? Dat ek soms nie net meer uit my dop kruip nie. Wat sou jy anders doen as jy jou lewe kon oorhê? Ek sou twee keer gedink het oor wat ek wil studeer en navorsing gedoen het. Hoe sal die mense wat jou goed ken jou beskryf? As saggeaard, stil en ’n introvert. Wat is jou beste eienskap? Ek…

SY WAS maar 16 toe sy agterkom iets is nie pluis nie. Die meeste vroue menstrueer een keer per maand, maar sy was anders. “Ek sou twee keer ’n maand begin bloei en die pyn was ondraaglik,” vertel Elsjé Hechter-Brand. Sy het by ’n ginekoloog gaan raad vra. Ál antwoord wat sy daar kon kry, was dat daar iets vreemd aan haar vrouedele is, maar dat dit mettertyd vanself sou regkom. Vyf jaar later was dinge egter steeds nie reg nie. Iets so eenvoudig soos om ’n tampon in te sit was vir haar moeilik. “Ek kon dit net nie in myself inkry nie. Dit was baie seer om in te sit, asof daar iets binne my is wat dit keer om in te gaan,” onthou sy. Op 21 is…

GROOT BLOKRAAI NO 2580 KOMPETISIEVRAAG Watter dier is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Hierdie week wen een leser Draaie, swaaie en afdwaalpaaie, saamgestel deur Corlia Fourie en Annelize van Rooyen (Queillerie, R320). Die samestellers Corlia Fourie en Annelize van Rooyen bring vermaaklike reisstories deur 46 skrywers byeen, onder andere deur Marita van der Vyver, Kirby van der Merwe, Sophia Kapp, Jacques Pauw, Irma Joubert, Julian Jansen, Frederik de Jager en Kerneels Breytenbach. Die skrywers vertel van ongewone gebeure wat snaakse of bittersoet gevolge vir hulle ingehou het. Reis saam van Fraserburg tot Timboektoe. Doen aan in Amerika, Marokko, Frankryk, Namibië, Italië, Spanje en selfs Oesbekistan – om maar net ’n paar van die plekke te noem.…

ERDWURMS se vermoë om grond te verryk is wyd bekend. Tog was daar tot taamlik onlangs onduidelikheid oor die omvang van hul invloed op plantegroei. Twee betekenisvolle navorsingstudies het egter getoon hierdie nederige grondbewonertjies vergroot nie net landbougewasopbrengste nie, maar beskerm plante ook teen skadelike mikro plastiek. Volgens ’n span van Colorado State University is erdwurms verantwoordelik vir tot 140 miljoen ton van wêreldwye voedselproduksie jaarliks. Dis vergelykbaar met Rusland, die grootste land ter wêreld, se hele jaarlikse graanoes. Die span het erdwurmbevolkings, grondeienskappe en opbrengste rondom die wêreld bestudeer. Hulle het op vier graansoorte gefokus – rys, mielies, koring en gort – en ook peulgewasoeste soos sojabone en ertjies gemeet. En hulle het bevind die erdwurms se invloed was veral betekenisvol in ontwikkelende lande. Só het Lumbricus terrestris graanopbrengste help…

IN Suid-Afrika ry die meeste van ons in karre, busse en treine om te kom waar ons wil wees. Ons gebruik meestal paaie en treinspore. Maar het jy geweet daar is plekke waar mense bote pleks van karre en busse gebruik, en waar hulle riviere en kanale pleks van paaie het? Die lewe op hierdie plekke is baie anders as ons s’n, want die gemeenskappe het aangepas om nie net te oorleef nie maar ook te floreer. Kom ons kyk hoekom en hoe hierdie stede bestaan en besoek voorbeelde oor die wêreld heen. HOEKOM OP WATER BOU? Jy het waarskynlik al die ou storie gehoor oor die wyse man wat sy huis op rots gebou het. Anders as die dwase man wat sy huis op die sand gebou het, het…

A AN die kameras wat hom oral bly volg het en die horlosie wat hom tik-tik-tik daaraan herinner het dat die uurglas leegloop, het hy hom maar bra min gesteur. Nee wat, só maklik sou hy nie senuagtig raak nie. Maar Seth Shezi wás tog bekommerd. O hemel, sê nou maar net hy brand ’n eier. Wat sal mense dan van hom sê, het hy aan die begin van die Celebrity MasterChef South Africa-reeks gesê. Sou hy iemand weer in die oë kon kyk as hy vergeet om sout by ’n gereg te voeg? Seth is immers ’n inhoudskepper wat oor die wêreld heen reis om ander mense se kos te proe en daaroor te skryf. Daarvoor het hy selfs ’n podcast, Breaking Eggs with Seth Shezi, waarin hy oor…