Indholdsfortegnelse for 21 August 2025 i Huisgenoot

1 ‘DIE TWEEDE KEER KÁN BETER WEES’ Is dit moontlik vir geskeides om ware geluk te vind in ’n tweede huwelik? Ja, sê die kenners. En talle van ons lesers stem saam – danksy hulle eie ondervinding Ná ’n huwelik van 19 jaar het ek en my man besluit om te skei. Ná vier jaar as geskeides was ons egter weer terug by mekaar. En het ons toe weer getrou. Hierdie tweede keer saam is baie beter as voorheen. EVELYN Ek het ook vir ’n tweede keer getrou. Ek was vir vyf jaar geskei voor die liefde my weer kom vasvat het. Ons is nou amper 39 jaar getroud. En glo my, ons is steeds baie gelukkig saam. LYDIA Ek het ook eens gesê ek sal nooit weer trou nie.…

DIS heerlik om by die salon uit te stap met ’n vars haarkleur. Daar’s egter soveel prettige en kreatiewe kleure om van te kies dat ’n mens nie altyd weet waar om te begin nie. Of jy nou lankal blond wou wees, jou bruin hare wil opkikker of ’n helderder kleur wil waag – daar’s hope maniere om jou lokke nuwe lewe te gee. Hier’s inspirasie en idees om nuwe lewe in jou hare te blaas. HITCHCOCK BLONDE WAT IS DIT? Hitchcock-blond is vir cool meisies – ’n koue skakering geïnspireer deur die heldinne van Alfred Hitchcock se rillers uit die 1950’s. Die gesofistikeerde skakering is besonder lig en glansryk. Dit val net onder platinum met ’n fluweelagtige, silwerige toon met tikkies goud vir ekstra sagtheid. Dink dramatiese blond met…

DIE kruin wat ons land se rugby tans beleef, is waarskynlik tydelik van aard, al wil mens nie graag so daaraan dink nie. Dit het nog nooit beter gegaan met die Springbokke nie, en daar is ’n bewondering en vertroue in Rassie wat lanklaas beskore was vir ’n afrigter. Dis een van die hoogtepunte tans oor ’n naweek: Dis inskuif voor die televisie, die bakkies neute en biltong, die opwinding van die landslied, en dan die 80 minute van meedoënlose aksie. Daar word gejuig en geswets, aangemoedig en op die tande gekners. En omdat die uitslag deesdae gewoonlik positief is, is die gemoedere in die huis vir die res van die naweek uitbundig. Ja, ons ervaar ’n bloeitydperk, en dis veral duidelik in RUGBY OF NIKS wat kyk na die…

GROOT BLOKRAAI NO 2610 KOMPETISIEVRAAG Watter siekte is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN LUX VERBI KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Vredemaker deur Reggie Peace (Lux Verbi, R280). Reginald Hufkie, vandag bekend as die akteur en musikant Reggie Peace, was 13 jaar oud toe hy by die kinderhuis se voordeur gaan aanklop het. Hy wou nie langer in die hok saam met sy pa en broers bly nie. Daar kry hy vir die eerste keer sy eie bed en kan hy die eerste keer stort. Die kinderhuis bied hom stabiliteit en gou begin hy presteer. Reggie bly egter steeds soek na erkenning en…

SUID-AFRIKA se nasionale boom is die magtige ware geelhout, wat reeds in antieke woude begin groei het lank voor mense die eerste stede gebou of selfs op die Aarde geloop het. Wetenskaplikes sê die voorouers van die geelhoutboom het al op die prehistoriese superkontinent Gondwana gegroei, omring deur reusereptiele en vreemde plante wat oor die volgende 200 miljoen jaar sou ontwikkel in die plante en diere wat ons vandag ken. Die geelhout van vandag is ’n familielid van daardie antieke bome wat ystydperke, massa-uitsterwings en drastiese klimaatsveranderings oorleef het. Vandag groei geelhoutbome steeds hoog en oral in Suid-Afrikaanse woude, en hulle speel ’n belangrike rol in die natuurlike wêreld. PODOCARPUS-FAMILIE Die naam “geelhout” word vir ’n aantal verskillende plante en bome gebruik. Die meeste hiervan is immergroen bome wat tot…

DIS 1964 en die plek is KwaZulu-Natal se skilderagtige Drakensberge. Op die stel van die historiese fliek Zulu vertolk ’n jong Britse akteur sy eerste groot rol. Sy karakter is lt. Gonville Bromhead, een van elf ontvangers van Brittanje se hoogste medalje vir dapperheid tydens die slag van Rorke’s Drift in 1879. Die akteur? Ene Michael Caine. Dis ’n ironiese oomblik. Want Bromhead, soos alle offisiere van sy era, was van die Britse “upper class”. Maar wanneer Michael sy mond oopmaak, hoor jy pure Cockney, die aksent van Londen se agterstrate. Bromhead het die Anglo-Zoeloeoorlog oorleef, en Michael het ’n ikoon van die Britse fliekbedryf geword. Met sy deftige snyerspakke en ouderwetse bril lyk hy soos ’n bankier. Maar sy aksent verklap altyd sy werkersklas-agtergrond. Iets wat hy nooit misken…

Wanneer en waar was jy op jou gelukkigste? As ek kliphard uit my maag kan lag, wanneer ek en my man reis, wanneer ek swem in die Kaapse see, wanneer my kat my toelaat om hom lank vas te hou, wanneer ek en my familie filosofies is, om te dans of te yoga. Wat sou jy anders doen as jy jou lewe kon oorhê? As ek die vraag beantwoord, verklap ek mos my diepste geheime? LOL. Ek is dankbaar vir elke fout en elke les en elke leermeester. Ek glo in alchemie en dat elke ervaring ’n plek het in jou lewe en jou vorm as mens. Ek sou wel ’n beter verhouding met my suster wou hê as sy nog geleef het. Wie sou jy die graagste vir ete wou…

Almal weet Andrew kuier graag met mooi vroue tussen die lakens, maar 1 000? Dis volgens die boek hoeveel vroue die prins al in sy bed onthaal het. Vroue wat in pornografiese flieks speel, aktrises, modelle, sportvroue, politici en kroegmeisies is op “Randy Andy” se kerfstok, sê die ondersoekende joernalis Ian Halperin. “Seks is ’n groot deel van sy lewe. Toe hy ’n handelsambassadeur vir die Verenigde Koninkryk was, het hy die wêreld vol gereis en dit het hom toegang tot beeldskone vroue gegee, iets wat hy ten volle benut het.” Talle lesers sal nog sy eerste omstrede verhouding onthou, met die Amerikaanse aktrise Koo Stark. Hulle het in 1981 begin uitgaan, maar nadat haar verlede, wat ’n rol in ’n liggies pornografiese fliek ingesluit het, aan die lig gekom…

GROWWE APPELKOOS-& -SULTANA-BLATJANG LEWER ONGEVEER 1,25 L BLATJANG /BEREIDING: 20 MIN. /STAAN: 1-2 UUR OF OORNAG /GAARMAAK: ONGEVEER 1 UUR ’n Tuisgemaakte appelkoosblatjang wat jy kan bottel en bêre vir later, of gebruik sommer dadelik daarvan vir ’n luukse warm kaasbord. ◗ 200 g droëperskes◗ 100 g droëappel kose◗ 50 g (½ k) droë sultanas◗ 1 L (4 k) kookwater◗ 2-4 sakkies rooibostee◗ 30 ml (2 e) olie◗ 2 groot uie, gekap◗ 4-6 knoffelhuisies, gekap, of 15 ml (1 e) gekapte knoffel◗ 15 ml (1 e) droë brandrissievlokkies of 2 gekapte vars brandrissies (opsioneel)◗ 10-15 ml (2-3 t) geroosterde komynsaad◗ 500 ml (2 k) bruinsuiker◗ 250 ml (1 k) witasyn◗ 2,5 ml (½ t) sout Hou 4-6 verseëlbare flesse byderhand, genoeg om 1,25 L (5 k) blatjang in te bêre.…

RUGBY OF NIKS Menige rugbyheld droom van kleintyd af oor sukses en die groot ideaal om eendag die Groen-engoud te dra. Skolerugby kom dus ál meer in die kollig – veral kragmetings tussen bekende rugbyskole. Hierdie dokkiereeks van agt episodes verken een van die grootste rugbywedstryde in die land, die interskolewedstryd tussen Hoër Jongenskool Paarl (Boishaai) en Paarl Gimnasium (Gimmies) se eerste rugbyspanne. Dié jaarlikse wedstryd oorheers die lewe in die Paarl, want almal eet en slaap vir ’n week lank net interskole. Selfs die strate en bome word versier. Die reeks vertel van die skole se tradisies, die spelers se ideale, die uitdagings en struikelblokke in die voorbereiding vir hierdie groot kragmeting. Dit vertel ook van waardestelsels, toewyding en sportmangees te midde van intense wedywering en baie druk om…

DIE eerste Barbie met tipe 1-diabetes is in Julie bekendgestel. Oor die jare het Mattel, die maatskappy wat die pop vervaardig, al ’n blinde Barbie asook een wat downsindroom het, uitgereik. Nou sluit die jongste Barbie by die groep aan. Die pop het tegnologiese bykomstighede wat wys hoe mens tipe 1-diabetes bestuur, soos ’n glukosemonitor en ’n insulienpomp. Die glukosemonitor sê vir mense met die toestand hoeveel suiker in hulle bloed is. Die insulienpomp vat daardie inligting en werk uit hoeveel insulien die persoon nodig het. Sy het ook ’n foon wat ’n app wys waar mens suikervlakke deur die dag kan dophou. Die Barbie het ’n blou polkakolhemp en romp aan omdat die kleur blou en sirkels wêreldwyd gebruik word as simbole van bewusmaking oor diabetes. Mattel sê hulle…

1 In watter land eindig Nemo op in die fliek Finding Nemo? 2 Wat is Argentinië se geldeenheid? 3 Wat is die bynaam vir Bloemfontein? 4 In watter stad vind die volgende Olimpiese Spele in 2028 plaas? 5 In krieket, hoeveel dwarsbalkies is daar op die paaltjies aan een kant? Antwoorde 1 Australië 2 Diepeso 3 DieRosestad 4 LosAngeles  5 Twee BRONNE EDITION.CNN.COM, BBC.CO.UK, AP-NEWS.COM, STUFF.CO.NZ, NPR.ORG, EN.WIKIPEDIA.ORG, THEGUARDIAN.COM, OCEANEX-PLORER.NOAA.GOV, ARTJOURNEYPARIS.COM…

IN DIE Amerikaanse deelstaat Kalifornië is daar bome wat so hoog word dat hulle verby ’n gebou van 30 verdiepings kan groei, met stamme so breed dat ’n motor daardeur kan ry. Hierdie verstommende bome word rooihoute en sequoias genoem. Hulle is die grootste en van die oudste lewende dinge op Aarde – party leef al duisende jare! Kaliforniese rooihoutbome is die hoogste bome ter wêreld en kan meer as 100 meter hoog word. Hul neef, die sequoia of mamoetboom, word nie heeltemal so hoog nie, maar hul stam is baie dikker. Dít maak hulle die grootste bome as ’n mens grootte en gewig in ag neem. REDWOOD NASIONALE PARK Die Redwood Nasionale Park is in 1968 gestig. Dit lê op die noordkus van Kalifornië in Amerika en strek oor…

‘BAIE, baie jare gelede, toe ek ’n sprinkaanmaer dogtertjie in st. 4 in Verkeerdevlei was, was naaldwerk en breiwerk deel van die kurrikulum. Die opdrag was: Brei ’n bababroek. ’n Bababroek? Ek onthou dat ek toegerus was met ’n bol baie dun pienk wol, wat liewer in ’n bol moes gebly het. Teen November van daardie jaar het my ma die situasie probeer red nadat sy die vuilgevatte, gekoekte pienk bondel in my broeksak ontdek het. Met haar hulp kon ek darem ’n vier uit tien kry. Ons kon ons skeppings huis toe neem. Die bababroek het perfek gepas. My eerste breipoging het die teiken gemis, maar my gunstelingspeelding geword. En ek bêre my breipenne weg. My generasie hubare vroue het, sodra dit lyk na ’n redelike permanente verhouding, gewoeker…

PHILIP Moolman se kitaartas vertel sy storie – bedek met ’n découpage van koerant- en tydskrifartikels, foto’s en ander glimpe van ’n vol en kreatiewe lewe. ’n Viering van ’n uitsonderlike loopbaan. Dis gepas dat hy sy kitaar saamgebring het vir die afspraak met Huisgenoot op Yzerfontein se hoofstrand. Want al het hy soveel sukses as akteur en sakeman bereik, het dit alles met musiek begin. Vandag, in sy 60ste jaar, is hy is steeds daai troebadoer. “Die oorspronklike arrow van Parrow,” soos hy graag sê. Kaalvoet op die sand, die mussie op sy kop ’n laslappie-affêre in Rastakleure. Die soort hoofdeksel wat tydgenote soos Koos Kombuis, Joos Tondeldoos, Johannes Kerkorrel en Bernoldus Niemand hom sou beny. Dan is dit sy vrou, Lurianne, wat sê: “Haal tog net jou hoedjie…

Kykers is dit eens: Op Magda Louw is Giel, Genis en Billie van hulle gunstelingkarakters. Hulle is natuurlik al drie honde, al is hulle op skerm net so tuis soos enige gesoute akteur. En anders kon dit nie eintlik nie, want Giel, Genis en Billie se regte mense-ouers is almal deel van die TV-span – en die kameras is in hulle bloed. Mr. Fred, ’n koddige kruising tussen ’n Africanis en ’n miniatuur-pinscher, het in die eerste twee seisoene Erhardt Louw, gespeel deur Hannes van Wyk, se hond Giel vertolk. Maar toe sterf Giel aan die einde van seisoen 2 en Erhardt se lewe is aan skerwe. In die werklike lewe is Mr. Fred nog springlewendig, 20 jaar oud en behoort hy aan Magda Louw se produksieontwerper, Sim Rossouw. Sim…

Ek wil baiekeer die eerste ou wat die woord “taalreëls” uitgedink het aan die strot gryp. Taal het nie reëls nie; taal het konvensies. Ons stem ooreen oor dinge. Maar ek sal ’n uitsondering maak vir ’n fassinerende verskynsel, blykbaar universeel in elke taal ter wêreld – die fenomeen wat maak dat ons sê pingpong, King Kong, chitchat, tiptop, hiphop en dillydally. Ons sê nooit: pongping, Kong King, chatchit, toptip of hophip nie. Nope. Altyd die hoë i-of e-klank eerste, en die lae a-of o-klank tweede. Ek los vir jou ’n lyn oop waar jy aan uitsonderings kan dink: Die verskynsel heet “ablaut-reduplikasie”. En as enigiets neig tot absolute reël, dan is dit nou dié een. En tog het ek een uitsondering gekry, maar dis aanvegbaar of hy regtig een…

SY WA S eens so oortuig dit was regtig liefde. Hoe kon dit nie wees nie? Daar was sy, die blonde vrou met sterre in haar oë. Hy, die tenoor met die goue stem, 27 jaar haar senior. Toe Franscilla Kruger in 2005 op swierige troue met die minnesanger Manuel Escórcio getroud is, het meer as 150 gaste die groot dag bygewoon – talle van hulle bekende gesigte uit die glanswêreld. Sy’t ’n trourok van Simon Rademan gedra, haar blonde hare was vasgeknip, haar lippe rooi geverf. Almal het vertel hier kom ’n sprokieshuwelik – en sy wou dit so graag glo. Trouens, sy hét. Minstens aanvanklik. “Ek kon sien hy was trots dat ek syne was,” onthou Franscilla. Maar ses jaar later was die sprokie verby. So mooi soos…

Styf onder die arm Pap maar ’n sak Amper soos ’n emmer Klein en oorkruis Volg jou eie kop WENK Vou ’n vierkantige serp in ’n driehoek en bind dit onder jou hare vas vir ’n klassieke, maklike bandana-voorkoms. Jy kan dit ook soos ’n tulband om jou kop draai of aan die voorkant vasbind vir ’n speelser gevoel. Ligte materiaal soos sy, satyn of sagte katoen werk die beste – dit vou maklik, bly in posisie en sal nie te bonkig of styf voel nie. Gevleg of gedraai WENK Gebruik ’n lang, smal serp of ’n dun reghoekige serp – dis maklik om deur jou hare te vleg of te knoop sonder dat dit te dik raak. Helder patrone of effekleure is ’n spatsel stylvolle kleur in enige vlegsel…

VNá ’n huwelik van byna twee jaar is ek nou regtig keelvol vir al die beloftes wat my man destyds gemaak maar nooit nagekom het nie. Ons plaas is 30 km buite die dorp. Ek het gevra dat hy my verseker hy sal net drie goed vir my doen. Die eerste was dat daar altyd vars, lopende water sou wees. Dit is mos voor die hand liggend dat higiëne en ’n spoeltoilet enige vrou se vernaamste prioriteit is. Dié belofte het hy nagekom, en die watertoevoer word in stand gehou. Tweedens moes hy sorg dat daar asseblief nie slange naby my kom nie. Ek het ’n abnormale fobie vir die goed. Reg rondom ons huis, tot ’n radius van 15 meter, hou hy dus alles skoon. Daar is nie struike,…

Wanneer jy bloed skenk, neem die bloeddiens een eenheid bloed (gelyk aan 475 ml). Volgens die Wes-Kaapse Bloedoortappingsdiens maak jou liggaam weer nuwe bloed in 24 uur. Die rooibloedselle in die bloed vat egter langer. Beenmurg vervang rooibloedselle elke vier tot ses weke. Dis hoekom jy net elke 56 dae kan bloed skenk. Jou beenmurg, borsbeen, ribbes, bekken en party dele van jou arms en bene is almal betrokke by die proses. Jou bloed bestaan uit selle en plasma. Plasma is maklik vervangbaar deur genoeg vloeistof in te neem en herstel binne 24 uur. Dis rooibloedselle wat gewoonlik langer vat om te vervang. Dit word in die beenmurg vervaardig, die meeste daarvan wanneer ons kinders is. Soos wat jy ouer word, word die murg wat bloedselle vervaardig gekonsentreer in jou…

MAAGD 23 AUGUSTUS – 22 SEPTEMBER Jou sterreteken se tyd van die jaar begin op die 22ste – ’n tyd wat tradisioneel met oestyd verbind word. Dit word kort daarna gevolg deur ’n nuwemaan op die 23ste, wat jou aanmoedig om voornemens vir die komende jaar te stel. Daar’s niks wat ’n Maagd meer geniet as ’n nuwe begin nie, so geniet die vreugde hiervan. ’n Saak wat met die liefde verband hou, kan die 27ste by jou spook. WEEGSKAAL 23 SEP – 22 OKT Planetêre bewegings dui daarop dat jy dalk die stilte voor die storm ervaar. Dit sal nuttig wees as jy na jou innerlike wêreld kan terugtrek, eerder as om in die wêreld daar buite besig te wees. Jou heersende planeet, Venus, verander van teken en beïnvloed…

MAAK REG VIR FEES VAN PLAASLIKE TALENT Dis weer tyd vir die KYKNET SILWERSKERMFEES, en vanjaar vind die geleentheid – wat ook meesterklasse, werksessies en gesprekke insluit – van 20 tot 23 Augustus in Kampsbaai, Kaapstad, plaas. Moet egter nie vir ’n oomblik voel jy loop iets mis nie. Al die diverse kortfilms, kort dokkies en rolprente sal binne die volgende paar weke op kykNET en Showmax gewys word. Waarvoor jy wel hierdie naweek kan regskuif, is die Silwerskermtoekennings vir Film en TV. Dié prysgeleentheid, wat die beste rolprente en akteurs van die fees saam met toptelevisieprestasies vereer, vind op Saterdag 23 Augustus by die Kaapstadse Internasionale Konferensiesentrum plaas. By dié glansryke funksie word kykNET se ikoniese blou tapyt vir die grootste sterre in die land uitgerol, en topmusikante gaan…

TOUR DE FRANCE: UNCHAINED NETFLIX Hierdie jaarlikse fietswedren het geen bekendstelling nodig nie en word reeds sedert 1903 aangebied. Dis vandag die grootste fietswedren ter wêreld en lok deelnemers van oraloor. Die reeks bestaan uit drie seisoene en kyk ’n bietjie na wat agter die skerms van so ’n groot wedren gebeur. Seisoen 1 dek die 2022-wedren, seisoen 2 kyk na die 2023-wedren, en seisoen 3 lig die sluier oor die 2024-wedren. Kykers kan deel word van die drama in hierdie moordende resies wat deelnemers se vermoëns en stamina tot die uiterste toets wanneer hulle selfs berge moet aandurf. JOURNEY TO GRACE: THE HANSIE CRONJÉ STORY NETFLIX FLIEK Hierdie fliek oor die goue seun van Suid-Afrikaanse krieket, Hansie Cronjé, is een van opgang tot roem, ’n verkeerde besluit in ’n…

VLYTIG “Hoe kan jy die huis so deurmekaar maak in net een dag?” vra Kosie se ma vies. “Want ek staan so vroeg op, Mamma!” Johanna Rademeyer GEKATTEMAAI ’n Skot gaan studeer in Amerika. “En hoe is die Amerikaanse studente, Donald?” vra sy ma oor die foon. “Baie lawaaierig! Die een in die kamer langsaan stamp gedurig teen die muur, en die een oorkant die gang skree die hele aand,” antwoord Donald. “Maar wat doen jy daaraan?” “Ek ignoreer hulle maar net en hou aan met doedelsak oefen.” Louise Noeth VERKEERDE VOORSKRIF Ek het regtig geen probleem daarmee dat ek oud word nie. Dis nie my ouderdom wat my pla nie, dis net die newe-effekte wat my so ’n bietjie pla. L. Saayman GROOT FOUT Dis Piet se eerste dag…

ONS EIE STAN LEE Doctor Strange, Mister Fantastic, Professor X, Hulk en Tony Stark is almal wetenskaplikes of dokters wat bekende superhelde is. In Suid-Afrika spog ons ook nou met ons eie superhelde. Maar anders as Marvel en DC, waar die karakters uit strokiesboeke in flieks en reekse lewendig geword het, is dié superhelde plaaslike wetenskaplikes en deskundiges in die regte lewe wat in strokiesprent-karakters om-skep is. Justin Yarrow, ’n Durbanse wetenskaplike in selbiologie en geneesmiddelontwikkeling, het saam met ’n span plaaslike wetenskaplikes, illustreerders en ontwerpers ’n superheldreeks, SuperScientists, geskep. Nou is daar selfs ’n kortfliek – en ’n TV-reeks is ook op pad. Justin is sowaar ’n Suid-Afrikaanse weergawe van Stan Lee, die vader van vele Marvel-superhelde. DIE FORMAAT Justin-hulle het begin deur ’n strokiesreeks en ruilkaarte te ontwerp.…

PALOEKA en Palawa is avontuurlustig. Hulle g a a n kamp, eet roomys, speel tennis of kruip vir mekaar weg. Hulle verskyn elke week hier in Huisgenoot, en binnekort ook in hul eie strokiesboektydskrif. En nou is dit jou beurt om hulle te teken! Skryf in vir ons tekenkompetisie en teken jou eie Paloeka en Palawa – nes jý dink hulle moet lyk. Hier is Huisgenoot se grafiese ontwerper en illustreerder, Ryan Carolisen, wat elke week aan Paloeka en Palawa lewe gee, se beste wenke en raad om hulle te teken. Maar onthou, jy kan hulle teken net soos jy wil – hulle kan iets interessant doen, sommer net staan, of jy kan hulle op jou eie strokiesprent-avontuur stuur. Gee jou idees vlerke! STAP VIR STAP SÓ TEKEN JY SELF…

KLEIN voetjies trippel oor die teëlvloere in die huis in Pretoria. Die seuntjie dartel tussen vertrekke en sy lag eggo deur die breë gange. Vir Candice (34) en Devon Williams (33) voel hierdie alledaagse oomblikke soos ’n wonderwerk. “Ek geniet dit om ’n ouer te wees,” sê Candice, die huidige Mev. Heelal Suid-Afrika, terwyl sy haar vyfjarige vanuit hulle sonnige leefvertrek dophou. “Ek mis die babafase toe hy nie teruggepraat het nie, maar ek’s mal oor als daarvan.” Dis ’n vreugde wat eens onmoontlik gelyk het. Die egpaar het verskeie miskrame beleef voor Che-Kai se koms – en dié reis het hulle huwelik, geloof en drome van ouerskap getoets. “Om ’n baba te verloor is soos om ’n stuk van jouself te verloor,” sê Candice. Devon, wat vir die Blou…

SY NOEM haar bewonderaars “Little Monsters”, en nou hang daar ook ’n klein monstertjie aan LADY GAGA se peperduur Hermès-handsak – haar eie Labubu-poppie. ’n Spesiale weergawe van die gewilde speelding is vir haar gemaak. Die goth-uitrustings wat sy in die musiekvideo vir “Abracadabra” gedra het, was die inspirasie vir die gedroggie. Labubu’s is nou ’n popkultuurfenomeen en aanhangers haal groot geld uit om die poppies te versamel. Gaga se pop is deur die kunstenaar Marko Monroe van Los Angeles gemaak. Daar’s net een weergawe van dié monstertjie, en versamelaars sal dus nêrens nog so een kan kry nie. Dis geskep nadat die sangeres ’n video van haar agter die verhoog by haar Monster Mayhemkonsert gedeel het met ’n haarstyl met punt-ore. In die video hoor ’n mens haar sê:…

Ons herleef die volledige stories van Joost van der Westuizen, Hansie Cronjé, Jimmy Abbott, Tertius Bosch, Corrie Sanders, James Small, Caster Semenya, Jacques Freitag, Ruben Kruger en Oscar Pistorius. BESTEL DIT SO: AANLYN media24shop.com of huisgenootwinkel.com BEL 021-406-4962 E-POS koop@huisgenoot.com…