Indholdsfortegnelse for 6 November 2025 i Huisgenoot

1 JONG ENTREPRENEUR ’N GROOT INSPIRASIE Rudolph Lekay wou nie sy enkelma, Rosaline, se las swaarder maak nie. Toe verkoop hy lekkergoed om self vir sy klere vir sy matriekafskeid te betaal Wat ’n mooi en goeie voorbeeld stel jy vir almal van ons. En daarby het jy en jou ma baie goed gelyk. Ek hoop jou toekoms sal altyd net so mooi wees soos wat jou baie spesiale matriekafskeid was. PETRO Aitsa! ’n Mens kan mos net baie respek vir so ’n jong man hê. Hy het visie, hy weet wat hy wil hê, en dan werk hy om dit te laat gebeur. Mooi so! Mag jy net van krag tot krag gaan. LUZANDRI Geluk, jy is sterk op pad om eendag ’n suksesvolle sake-man te word. Selfs die grootste…

TOETS JOU KENNIS 1 Wie was die eerste mens wat by die Suidpool uitgekom het? 2 Watter rivier loop deur die Grand Canyon in Amerika? 3 Wat noem jy ’n woord wat presies dieselfde van voor en van agter gespel word? 4 In watter sportsoort het Caitlin Rooskrantz Suid-Afrika in 2024 by die Olimpiese Spele verteenwoordig? 5 In watter Disney-fliek is Troy Bolton en Gabriella Montez die hoofkarakters? ANTWOORDE 1. Roald Amundsen 2. Coloradorivier 3. Palindroom 4. Gimnastiek 5. High School Musical…

DIE baba is die ene bolwange en lagbekkie. Toe sy pa hom vir sy ma aangee, strek hy sy mollige armpies vrolik uit na haar. ’n “Happy little one”, nes sy broekpakkie dit verkondig. Dit is moeilik om te glo dat die einste baba wat so vol lewe loer vir sy pa, die Springbok-en Stormers-stut Neethling Fouché, net ’n paar weke gelede nog teen ’n verwoestende neurologiese toestand baklei het. Die sewe maande oue Pelser was nog altyd ’n stewige outjie, sê sy ma, Janca. “Hy het by geboorte vier kilogram geweeg. Hy hou my arms besig en my hart vol.” Die gesin vertel by ’n koffiewinkel naby hulle huis op Stellenbosch van die nagmerrie wat hulle wêreld die afgelope ruk op sy kop gekeer het. Hulle moes onlangs hoor…

WANNEER ’n n u w e sei s o e n aanbreek, wil ’n mens skoon begin – en ’n nuwe parfuum gaan hand aan hand daarmee. Ons keuse van die nuutste geure het iets vir elke smaak en begroting. Van ligte blomme tot warm houtgeure, en van pikante sitrus tot soet en sensueel – daar is ’n geur vir elke bui, oomblik en persoonlikheid. OOSTERS Oosterse geure is warm, sag en subtiel gesofistikeerd. Dit bring ’n gevoel van rykheid sonder om te oorweldig, en vou die vel in sagte verleidelikheid toe. Met fluweelsagte diepte en subtiele sensualiteit is dit perfek om ’n tikkie verfyning by jou parfuumversameling te voeg. Hierdie speserygeure is elegant en uitnodigend en bly lank op die vel. Dis jou antwoord as jy iets wil hê…

SKERPIOEN 23 OKTOBER – 21 NOVEMBER Om te sê liefde en verhoudings word hierdie week ’n bietjie deurmekaargekrap, is sag gestel. Wanneer Venus op die 7de by die Skerpioen inbeweeg, voel die teenwoordigheid of afwesigheid van liefde meer werklik. Op die 8ste beweeg Uranus terug in jou liefdesone in, wat jou die kans gee om op jou eie manier te bepaal wat liefde beteken. Hou geldsake apart. BOOGSKUTTER 22 NOV – 20 DES Die grootste gevaarteken waarop jy hierdie week moet let, is Mecurius, die kosmiese boodskapper, wat op die 9de agteruitbeweeg in jou teken. Dis beter om die voorvoegsel “her-” by al jou aktiwiteite te voeg: hersien, herdoen, heroorweeg, ensovoorts. Want hierdie tyd kan frustrasies en vertragings bring, veral met reisreëlings. Wees geduldig en behou jou sin vir humor.…

Dis vyf jaar sedert die bekroonde sangeres RIANA NEL ’n album uitgereik het, en aanhangers sien baie uit daarna om ’n bietjie bederf te word. Sing, haar sewende en nuutste album, is pas uitgereik, en dis propvol goedvoel-liedjies waar haar besonderse stem en betekenisvolle lirieke jou dwing tot introspeksie. Die sewe liedjies op die album is “Kies”, “Laat U wil”, “Wat nou?”, “Ek wonder” en “Die seën”, en twee nuwe liedjies, “Sing” en “Vir jou”. “Met my nuwe album sing ek oor dinge wat saak maak,” sê Riana. “Sing is wat ek doen as my gedagtes begin dwaal. Want niks werk so goed soos sing om die stemme stil te maak nie. En soos Elvis gesê het: As dit gevaarlik is om te praat, sing.” As gelowige was Riana nog…

SEINSTERKTE Sommige getroude mans se verhoudingslewe is nes Wi-Fi. Sodra hulle buite reikafstand van die huis is, soek hulle ’n ander konneksie. Wollie, Pretoria KATEGORIE Oom Ben lees die Sondagkoerant van voor tot agter. “Ou man, het jy die berig gesien oor die man wat sy skoonma omgery het?” vra tant Bets. “Nee, vrou, ek is nog by nuus, nie vermaak nie.” Johan H, Gonubie SEISOENALE PLAN Ek kan sien die somer is amper hier. My buurman vat sy elektriese verwarmers pandjieswinkel toe om sy grassnyer terug te kry. Wollie, Pretoria GLIMLAG Wat word geneem nog voor jy dit kan ontvang? ’n Foto, natuurlik. E. Moelich SLOTSOM Daar is ’n meisie in ons klas wat goed is met deelsomme, maar sy wil my nie met my wiskunde help nie. Ek…

SPORT VIR die eerste keer sedert 1991 is ’n amptelike sumotoernooi weer in Londen aangebied. Die Grand Sumo-toernooi het 40 van die beste sumo-stoeiers saamgebring by die Royal Albert Hall in die Britse hoofstad. Sumo is ’n sport waar twee stoeiers – bekend as rikishi – binne ’n ring bekend as ’n dohyo veg. Voor elke kragmeting is daar rituele en seremonies om hulde te bring aan die tradisionele oorsprong van die sport. ’n Gat word in die middel van die dohyo gemaak en gevul met neute, dele van inkvis, seewier en sake (ryswyn) deur priesters van die Japannese Shinto-geloof. Dit word dan toegemaak en die geveg begin. Die toernooi het in Londen plaasgevind omdat die Japannese sumo-vereniging hoop om die sport te bevorder onder mense buite Japan.…

1 Wat is die grootste planeet in ons sonnestelsel? 2 Wat is die hoofstad van Viëtnam? 3 Wat noem ons die suiker wat natuurlik in vrugte voorkom? 4 Van watter land is die Iberia-lugdiens? 5 Watter dier is op Nestlé se logo? ANTWOORDE: 1 Jupiter 2 Hanoi 3 Fruktose 4 Spanje 5 Voël BRONNE: THEGUARDIAN.COM, EDITION.CNN.COM, REUTERS.COM, INDEPENDENT.CO.UK, NASA.GOV, INVENTWOOD.COM, BBC.CO.UK, STUFF.CO.NZ, TECHCRUNCH.COM…

EK HET in 2023 gekom om mense te bedien op ’n verstaanbare manier. Ek het agtergekom van my mededowes in die kerk verstaan nog nie heeltemal dat Jesus vir hulle doodgegaan het aan die kruis nie. Toe ek dit mooi verduidelik in prentjies, toe verstaan hulle dit. Ek gebruik my stem en gebare om beter te preek. Ook vir horendes. My hande is die dowes se ore. As jy met prente aan dowes verduidelik, dan gaan die Boodskap in die oë in, na die kop en dan na die hart toe. Dis hoe ek preek. Ons probeer die boodskap so aanbied dat dit direk van kop na hart toe gaan en die kern daarvan goed verstaan word. Om dowes te bedien is harde werk. Ons kan nie net woorde gee…

DIT was vir hulle ’n doelbewuste besluit, ’n keuse om dít wat mooi is te vier en nie aan die hartseer vas te hou nie. En net voor sy vrou by die teater ingestoot is vir die geboorte van hulle tweede kind, kon die akteur en fotograaf Ramey Short voel dit was die regte besluit. “Ek het ’n rustigheid oor my voel kom,” sê hy. “Ek en Loricia het saam besluit om op Zoë-Rae se geboortedag te fokus, op die feit dat sy nou hier is, en nie op die hartseer van die dag nie.” Rede om hartseer te wees, was daar wel ook. Want daar was ’n tyd dat hulle gedink het, geglo het, daar sou op dié dag twee babas wees om huis toe te neem, twee sussies…

HY’S AL vier jaar enkellopend, sê boer Willie (26) van die maatsoekprogram Boer soek ’n vrou. Dis ’n lang tyd om alleen te wees hier tussen die makadamiabome op die familiegrond in die Badplaasdistrik in Mpumalanga waar hy boer. “Toe die reeks afgeskop het, het ek gewonder: Sal ek nog weet hoe om die gevoel van liefde te identifiseer?” sê hy. “Dan is daar hierdie stigma rondom die deelname aan die reeks en dat jy ’n vrou móét kry, maar dan vergeet jy dat dit eintlik ’n innerlike reis is wat jy eers moet stap om tot by daardie einddoel uit te kom.” Wag, verduidelik meer? “Dit help nie ek wil ’n vrou kry, maar ek weet nie hoe om ’n meisie te hê nie,” sê hy. “Dit help nie…

“Ek is ontsteld daaroor dat hy gedreig het om my en my man te vermoor . . . Ek vrees vir my dogter se veiligheid, en ook vir my eie veiligheid”– CINDY OOR HULLE TEISTERAAR DIE supermodel CINDY CRAWFORD en haar dogter, KAIA GERBER, is die jongste bekendes wat stappe doen teen ’n obsessiewe aanhanger. Cindy (59) het onlangs aansoek gedoen om ’n tydelike interdik nadat ’n man met die naam Daniel Lee Schoonover (35) begin het om Kaia (24) te teister – op sosiale media sowel as in persoon. Daniel het op ’n keer by Cindy en haar man, Rande Gerber, se huis opgedaag en na Kaia gevra. Hy het, erger nog, ook by ’n toneelstuk opgedaag waarin Kaia gespeel het, waar hy dit reggekry het om tot teen haar…

DIS glad nie moeilik nie. It’s just a jump to the left, and then a step to the right . . . Daar’s hy, dis als in die heupe! Put your hands on your hips, you bring your knees in t-i-g-h-t . . . En dan daardie tydlose refrein: Let’s do the time warp again, let’s do the time warp again! In 1975 ontplof The Rocky Horror Picture Show op die silwerdoek. ’n Musiekfliek sonder gelyke. Eksoties, eroties en uitdagend, ja. Maar ook hope pret. So uit die boks – en die kas! – soos kan kom. Die kuise Janet en Brad se kar breek in ’n storm. Hulle soek hulp by ’n spookagtige huis. En daar ontmoet hulle Frank-N-Furter, oftewel die akteur Tim Curry. Die man met rooi lippe,…

ALMAL wat iemand is, is genooi. Die eerste Pienk Bal by die Britse Museum is vooraf beskryf as een van die grootste aande op die Londense sosiale kalender, vol bekendes en rykes en met hope swier en glans. Prinsesse Beatrice en Eugenie sou ook daar wees. Maar toe trek hulle op die nippertjie kop uit. En jy kry geen pryse as jy kan raai hoekom nie. Net 24 uur voor die bal het hulle pa aangekondig hy doen afstand van sy hertogtitel. En hulle ma sou haarself ook nie meer die hertogin van York kon noem nie. Om by die glansgeleentheid op te daag met kameras en oë oral, sou vir die prinsesse ondraaglik wees, want ’n storm woed opnuut om Andrew se kop nadat Virginia Giuffre se memoires ná…

STEURGARNALE MET ’N KLAPPER-&-BORRIESOUS BEREIDING EN GAARMAAK: 25 MIN. /GENOEG VIR 3-4 MENSE ◗ 50 g fyn klapper◗ olyfolie◗ 3 knoffelhuisies, baie fyn gekap◗ 15 ml (1 e) gemmersmeer◗ 3 vingers vars borrie, skoongeskrop en fyngerasper◗ 15 ml (1 e) strooisuiker◗ ’n stewige skeut lemmetjiesap, plus lemmetjiewiggies vir voorsit◗ 250 ml (1 k) klapperroom◗ seesoutvlokkies en varsgemaalde swartpeper◗ 8-12 rou koningsteurgarnale, sowat◗ 70-80 g elk, afgedop maar los die sterte aan◗ ’n hand vol vars koljander, grofgekap Voorverhit die oond tot 220 °C. Voer ’n bakplaat met bakpapier uit. 1 Versprei die klapper op die voorbereide bakplaat en rooster 7-8 min. tot goudbruin. Haal uit die oond en hou eenkant. 2 Verhit ’n kastrol oor matige hitte, voeg ’n klein bietjie olyfolie by en roerbraai die knoffel, gemmer en borrie…

KLEUR-ONTPLOFFING Dink uit die boks oor kleure wat deur die natuur geïnspireer is. Moenie net aan skakerings van sand en lug dink nie, dink ook aan die verskillende pienk en oranje skakerings van ’n sonsondergang, of die donkergrys van ’n broeiende storm. Ryk bruine word deur die herfs geÏnspireer, terwyl geel gaan oor daardie somergevoel. BLOM-INSPIRASIE Of dit klein of groot blomafdrukke is, om ’n blompatroon by ’n ruimte te voeg gee ’n speelse en vroulike gevoel. Kies kleure uit jou strooikussings en gebruik dit in die res van die vertrek. MATERIËLE SAKE Gebruik materiale soos hout, rottang en metaal om natuurlike elemente in te bring. Kies ook items met tekstuur en organiese vorms. KRY DIT HIER @HOMEBASH.COM; BABYLONSTOREN.COM 021-863-3852; ITALTILE.CO.ZA 011-510-9000; MRPHOME.COM 064-584-1000; NATIVEDECOR.CO.ZA 011-783-9600; SHEETSTREET.COM 0800-212-535; WOOLWORTHS.CO.ZA 0860-100-987;…

1 JY KAN NIE SKULD GOEDSMOEDS OORDRA NIE Moenie dat iemand die paaiemente namens jou betaal en dan die motor begin gebruik nie. Die lening is in jou naam. Selfs al betaal iemand anders namens jou, is jy steeds verantwoordelik vir agterstallige betalings. Dit gaan op jóú kredietrekord wys. 2 AS JY PRIVAAT WIL VERKOOP Jou uitstaande leningsbedrag moet eers vereffen word. Die koper moet aansoek doen vir voertuigfinansiering in sy eie naam, of kontant betaal. Die geld word dan gebruik om jou lening te vereffen. Eers wanneer jou skuld ten volle betaal is, kan eienaarskap oorgedra word. 3 HOE WERK DIT? ◗ Vra jou bank ’n vereffeningskwotasie. Dit sal uitstaande kapitaal, onbetaalde rente en administrasiegelde insluit, asook enige vroeëbeëindigingsgelde. Jy kan dit gewoonlik op jou bank-app of aanlyn aanvra. selende rentekoerse geraak.…

Die destydse M-Net-aanbieder SCOT SCOTT was lank een van Suid-Afrika se mees ge-liefde persoonlikhede, en ook aanbieder van die gewilde reeks SKATTEJAG. Ná sy ongelooflike loopbaan in die bedryf het hy besluit om sy ander passie – om te boer – te volg. As viering van DStv se 30ste verjaardag, het hy met Huisgenoot gesels: HOE VOEL JY DAAROOR OM TYDE-LIK TERUG TE WEES? Dit herinner my hoe ver plaaslike televisie gekom het. In daardie dae het ons ons eie draaiboeke geskryf, onsself aangetrek, en daar was geen autocue nie. Jy moes alles in jou kop hê en aanhou praat – maak nie saak wat gebeur nie. WAT DOEN JY DEESDAE OP ’N SON-DAGMIDDAG? Ek woon op ’n plaas en ek boer met suikerriet, so op ’n Sondagmiddag gaan ek…

Ja, ja, jy hoor die liedjies oor die radio, jou kinders vra om daarna te luister, en wanneer jy na die aanlyn memes kyk, sing die pa’s ook sommer saam. Maar is dit iets wat jou jonger kinders kan kyk? In mamma- groepies op Facebook is daar tans ’n groot debat hieroor, want hoe laat jy iets in jou huis toe wat die woord “de-moon” in die titel het? Skuif jou vooroordele opsy, kyk eers die fliek op jou eie, en besluit dan. Die fliek gaan inderdaad oor drie popsangers – Rumi, Mira en Zoey – wat teen demone veg, maar dit het ook ’n ander belangrike boodskap: Almal is nie noodwendig net goed of net sleg nie. Almal van ons is soms ’n bietjie van albei, maar jy kan…

Hy het ons weggeblaas in 2023 toe hy as wenner van die derde seisoen van die sangkompetisie Die kontrak gekroon is. Sy rasperstem-weergawe van Appel se “Kom lê my neer” het ons in vervoering gehad, en sy debuutliedjie “Helemal” het in ’n kort tyd een van sy grootste treffers geword met meer as 4 miljoen strome op Spotify. Tans is Chris, oftewel PLAKKIES soos hy liefs op sy bynaam genoem wil word omdat hy dol daaroor is om plakkies te dra, weer in die kollig met sy nuutste liedjie, “Ek kannie”. Die tong-in-die-kies-liedjie is ’n ode aan diegene met twee linkervoete op die dansbaan. “Dié liedjie gaan oor ’n ou wat alles kan doen – van trekker ry tot werk – maar wanneer dit by dans kom, is hy heeltemal…

Begin doen solank jou byedans, want jy het dié seisoen se blokraai-heuningpot gevind! Hierdie lente vier ons Huisgenoot se 40ste blokraaitydskrif met nog ’n soet aanbieding vir raaiselliefhebbers. Laat ons jongste raaiseluitgawe jou dae lekkerder maak! NOU IN DIE WINKELS IN DIÉ UITGAWE ■ groot blokraaie ■ fotoblokraaie ■ lentebielie ■ blitsblokraaie ■ koderaaisels ■ breinknopers ■ anagramblokraaie ■ kort raaisels ■ sudoku’s BESTEL DIT SO: AANLYN media24shop.com BEL 021-406-4962 Gaan na www.media24shop.com…

DIE aap is uit die mou. Ruben Lambrechts en sy harige sussie, Cindy die bobbejaan, het hulle eerste kinderboek. Die nuwe boek, Ruben Namibië en Cindy, beskryf Ruben en sy tweelingbroer, Tertius, se grootwordjare saam met al die weesdiere – soos die meerkatte Minki en Jerry, die streepmuishond Zoey en die vlakvark Vlakkie. En natuurlik is Ruben se bobbejaansuster, Cindy, daar. Die Lambrechts-gesin het ’n plaas, Simmenau, in die Khomashochland van Namibië, waar hulle weesdiertjies soos Cindyhulle red uit die veld of op ander plase in die gebied. Ons ken Ruben vir sy oulike video’s op TikTok waar hy wys hoe hy op die plaas met die weesdiere saamlewe. Die Namibiese boer en toergids is veral bekend vir sy versorging van wilde diere wat hy ’n tweede kans op lewe…

Hul wetenskaplike naam, Odobenus rosmarus, beteken “tandlopende seeperd”. WALRUSSE isreusagtige see‑soogdiere met snorbaarde en lang, wit slagtande. Hulle woon meestal in Arktiese streke naby die Noordpool. Dié diere is baie sosiaal en bly in groot groepe saam wat graag snork en brul. Met hul geplooide bruin vel – wat pienk kan lyk wanneer hulle warm is – plat pote en spekvet lywe kan ons hulle maklik uitken. MAGTIGE MANNETJIES Mannetjies is AMPER TWEE KEER SO GROOT SOOS WYFIES. Hul slagtande is groter en hul nekvel is dikker. Hulle is soms kwaai, en die grootste bulle is meestal dominant. VYANDE Walrusse het nie baie vyande nie, maar hulle moet steeds pasop vir roofdiere soos orkas, ysbere en selfs menslike jagters. GEWIG Wyfies kan tot 1 000 KG weeg en mannetjies tot 1…

DIS malligheid. Pure waansin. Dis wat die meeste gewone mense waarskynlik dink wanneer hulle hoor wat James Lawrence al reggekry het. Waar die meeste sterflikes nogal trots sou wees daarop om één Ironman-driekamp te voltooi, het James heeltemal oorboord gegaan. Hy het al 50 van die moordende driekampe gedoen – die een ná die ander vir 50 agtereenvolgende dae – én boonop die uitmergelende Conquer 100-uitdaging gedoen waar ’n mens 100 agtereenvolgende Ironman-driekampe doen. Dis wêreldrekords, en dit het nie sommerso gebeur nie. Dit het James tien jaar geneem om dit reg te kry. In dié tyd het sportwetenskaplikes hard probeer uitpluis wat sy geheim is: Waar kry hy sy krag en stamina vandaan? Maar nee, wys ’n reeks toetse en genetiese ontleding toe: Die 49-jarige het nie ekstragroot…

Sy WAS nog altyd mal oor pienk. Maar op haar 40ste verjaardagpartytjie, vertel die sangeres CORDELIA, het sy doelbewus gekies om pienk te dra. Die rede? “Want pienk laat my jonger as 40 jaar lyk!” sê sy. Die sangeres en haar man, Kobus van Zyl, het dié groot verjaardag saam met 40 van hulle naaste vriende en familie by die Villa San Giovanni-restaurant in Pretoria gevier. Daar het hulle behoorlik weggelê aan ’n buffet-ete van Italiaanse geregte. Die tema van haar partytjie was “Italian cocktail birthday bash”. “Dit was net ’n wonderlike viering van die lewe saam met die mense wat ek liefhet,” sê sy. “Maar die partytjie was ook ’n bittersoet viering.” Cordelia se ma, Louise Nienaber, is in Julie aan pankreaskanker oorlede. Sy was lank siek en…

DIE ridder kom nie altyd op ’n wit perd aangery nie. Soms beïndruk hy jou net met sy smaak in boeke. En soms val alles net op die regte tyd in plek. So het die Masters of the Air-akteur CAL-LUM TURNER dit reggekry om die superster DUA LIPA se hart te wen. Die paartjie is die eerste keer in Januarie 2024 saam gesien en ’n jaar later het hulle verloof geraak. In ’n onlangse onderhoud met die Britse The Sunday Times het Callum (35) vertel hoe hy Dua (30) by ’n gemeenskaplike vriend se partytjie ontmoet het, en toe hulle gesels, het hulle besef hulle lees dieselfde boek. “Dit heet Trust (deur Hernán Díaz), en ek het pas die eerste hoofstuk klaar gelees. Ek het dit vir haar gesê, en…

VANESSA HUDGENS het haar latere man, COLE TUCKER, in ’n groepmeditasie-Zoom-oproep tydens die inperking in 2021 ontmoet. “Ek het sommer in sy direkte boodskappe ingevaar en gesê: ‘Hallo, dit was lekker om jou te ontmoet,’ ” het sy in The Drew Barrymore Show gesê. “Ek dink daar is geen skande daaraan om die eerste skuif te maak nie. As jy dit wil hê, hoekom wag vir iemand anders om vir jou te gee wat jy wil hê?” CARA DELEVINGNE en MINKE, wie se regte naam Leah Mason is, het as kinders saam in ’n kosskool skoolgegaan. Die 33-jarige Cara erken sy het toe ’n oog op haar klasmaat gehad. Hulle het mekaar weer in 2022 by ’n konsert ontmoet en begin uitgaan (die gevoel was heel duidelik wedersyds!). Vroeër vanjaar…

Ek moet aanstaltes maak om hierdie rubriekie te skryf. Aanstaltes. Wat beteken dit tog? In Duits is “Anstalt” ’n instelling of inrigting. Anstalt is letterlik “instel”. Byvoorbeeld eine öffentliche Anstalt = “ ’n openbare instelling”. In ouer Duits (en gevolglik Nederlands) het dit ook die betekenis gehad van “voorbereiding” of “maatreëls wat getref word”. Dit lyk asof die woord eers in die 19de eeu in Nederlands uit Duits opgeneem is. Of Afrikaans dit dan ook direk uit Duits gekry het, en of ons dit ná daardie tyd uit Nederlands geërf het, weet ons nie en, om eerlik te wees, gee ons regtig om? By ons het hy toe nou die betekenisverskuiwing gemaak van “instelling” na “voorbereiding”. Dis dus nie “instelling” soos in Duits nie, maar meer figuurlik – die handelinge…

Wanneer en waar was jy op jou gelukkigste? My 1ste jaar op universiteit. Ek het regtig geblom in 2010 toe ek drama by TUT geswot het. Wat sou jy anders doen as jy jou lewe kon oorhê? Absoluut niks, nada, njokkol. Ek is ’n groot believer van alles gebeur met ’n rede. Wat is die ding wat jy die meeste in mense bewonder? Ek bewonder sterk en logiese mense. Ek is emosioneel en intens. Mense wat nee sê sonder ’n verskoning, is vir my só sterk. Ek wens ek kon leer om meer so te wees. Wie sou jy die graagste vir ete wou nooi en wat sou jy maak? My biologiese pa. Ek sou vir hom my beste chicken curry maak. Hy het my nie geken as ’n grootmens…

DAG ná dag het die 14-jarige Reinhardt Buys op pad huis toe van die skool af eers na daardie ingang gestaar. Kom binne en leer boks, nooi die groot rooi letters. Hy het gehunker om gehoor te gee, want hy’t gevoel die oplossing vir sy boelieprobleem wag daar binne. Maar elke keer het hy net weer verbygestap. Toe word hy een keer te veel afgeknou. En daardie middag stap die laerskoolseun by die Iron Fist-boksakademie in. Met ’n blouoog, maar vasbeslote om te leer om sy man te staan. Vandag, twee jaar later, loop die boelies wye draaie om die jong Bloemfonteiner. Want op die ouderdom van 16 staan hy nie terug voor ouer en meer ervare boksers nie. “My ouers het my eers nie ondersteun nie,” sê Reinhardt. “Hulle…

‘HALLO, dokter Cas!” hoor jy elke nou en dan terwyl hy nader stap in sy swart sweetpakbroek, pienk hemp en donker trui. Hy dra vandag pienk, want Oktober is die maand vir bewusmaking van borskanker. “Ek het die hemp geleen,” sê dr. Cas de Lange met ’n laggie toe hy groet. Hy is ’n bekende gesig hier – hy het die dag ná sy 96ste verjaardag sy 92ste Parkrun voltooi, en vandag wag nommer 93. Dis net voor agt op ’n Saterdagoggend en die drawwers en stappers kom stukstuk aan in Bellville se Jack Muller-park. Elke week neem tussen 800 en 900 mense hier deel aan een van die grootste Parkruns in die land. Terwyl hy groet, kom sy stapmaat Elfreda Klose aangestap. Sy het al 124 Parkruns agter die…

VOL SWEMBROEKE Hierdie snitte is gemaklik en perfek vir volledige bedekking. V-nek Dié styl werk vir die meeste liggaamsvorms en beklemtoon die borsarea, terwyl dit ook die illusie van lengte skep. Eenskouer Dis modern en sjiek – die asimmetriese ontwerp vlei die meeste figure. Sportief Gemaklik, prakties en stewig op al die regte plekke – die ontwerp toon dat sportief steeds stylvol kan wees. Halternek Hierdie vroulike snit verskaf tydlose elegansie en is perfek vir van peervormige lywe tot ’n silhoeët met rondings. BIKINI’S Van die swembad tot die strand, dié tweestuk het genoeg verskeidenheid vir elke someravontuur. Bandeau Dié bandjielose styl werk veral vir peervormige figure en diegene met kleiner borste. V-nek Die styl is ideaal vir breë skouers en balanseer jou silhoeët as jy die kleur eenvormig hou.…

V My meisie het my gelos. Ek is verward en verstaan nie mooi wat presies ek verkeerd gedoen het nie. Ek het grootgeword met die idee dat wat joune is, is joune en jy moet dit met jou lewe beskerm. Sluit dit dan nie ook jou meisie in nie? Ons is ’n groep vriende wat altyd saam kuier, fliek of braai. Almal werk deur die week, en naweke is dit tyd vir pret. Ek het my hart verloor op een van die meisies in die groep en ons het vas begin uitgaan. Maar wanneer ander ouens met haar praat of dans, het ek baie jaloers begin voel. By ’n troue het ’n spesifieke ou volgens my te veel met haar gesels. Toe hy haar vra om te dans, het ek…

BLOEI + BLOM – ’N VIERING VAN AFRIKAANS KONSEP: NATANIËL. SAMESTELLERS: INGEBORG PELSER & ELMARI RAUTENBACH Uitgegee deur Bloudruk Media, R850 ’n Boek oor die viering van jou taal kan skoolkinders se oë laat traan van verveling en grootmense apaties maak. Wie wil waad deur ’n eeu se geskiedenis? Bloei + Blom – ’n viering van Afrikaans hou op ’n heel ander manier fees ter ere van die feit dat ons taal 100 jaar gelede amptelike status gekry het. Die stories van meer as 200 mense word hier vertel en hulle het twee dinge gemeen: Hulle praat Afrikaans en hulle het groot sukses behaal. Natuurlik is daar duisende ander wat hiervolgens vir die boek gekies kon word, en dus kan mens hiermee in gedagte die uiteindelike keuse geniet as ’n…

AS JY soos ek ook die naweek THE DIPLOMAT gevraatkyk het, sal jy waarskynlik ook van mening wees dat dit tans die beste ding op TV is. Waar die eerste twee seisoene nogal polities ingewikkeld was, is hierdie seisoen meer gestroop met die fokus op Kate (Keri Russell) en haar man, Hal (Rufus Sewell), se politieke oorlewing in ’n situasie wat hulle nie kon voorsien nie. Behalwe vir Keri wat jou met elke toneel intrek, is die nuwe president, Grace Penn, gespeel deur Allison Janney, my gunsteling. En die besluit om Bradley Whitford haar eggenoot te maak is ’n briljante een. Hoekom? Bradley en Allison het destyds in die reeks THE WEST WING die rolle van Josh en CJ vertolk – kollegas in die presidensie en mekaar se intellektuele speelmaats.…

FOTOBLOKRAAI NO 2367 KOMPETISIEVRAAG Watter insek is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE Hierdie week wen een leser Eleksie op Erdvark deur Rudie van Rensburg (Queillerie, R290). Soois Swart se sukkelende koerantjie op Erdvark in die Knersvlakte berig sonder moderne tegnologie oor die naderende munisipale verkiesing. Vir die eerste keer in ’n dekade word die BA Minus deur twee ander partye teengestaan. Die regerende party beywer hom vir die behoud van kleinhuisies en die opposisie vra vir vernuwing in die vorm van spoeltoilette. Toe ’n horingadder in ’n kleinhuisie een van die inwoners op ’n kwesbare plek pik, klap die eerste verskiesingskoot amptelik. NEEM SO DEEL Vul die blokraai in en gebruik…

Die nuwe seisoen van die gewilde Wizards Beyond Waverly Place is hier. Die reeks volg die nou volwasse Justin Russo, wat gekies het om ’n normale, menslike bestaan saam met sy familie, Giada, Roman en Milo, te lei. Maar daar is geen rus vir towenaars nie! Want, toe Justin se suster, Alex Russo, vir Billie na sy huis toe bring om hulp te soek, besef Justin dat hy sy magiese vaardighede moet afstof om die towenaar-student te mentor, sy daaglikse verantwoordelikhede hanteer en die toekoms van die towenaarwêreld beskerm. Nou sukkel Billie met die feit dat dit dalk ingewikkelder is as wat sy gedink het om deel te wees van die Russo-familie. Daar is ook ’n geheimsinnige nuwe bedreiging wat die Russo’s vir ewig kan ontrafel. Spoiler alert: Die einde…

DAT KATRYN KRUGER styl het, het niemand nog ooit bevraagteken nie. Sy’s dan al van jongs af bekend in die modewêreld in Suid-Afrika en oorsee en was maar 16 toe sy destyds met IMG Models, een van die grootste modelagentskappe ter wêreld, ’n kontrak gesluit het. Dis die einste Katryn wat al deur die die Britse Vogue as “een van die beste nuwe gesigte” beskryf is. Maar nou’s dit ook op skrif. Katryn is onlangs as die Bravo! Revlon-stylikoon aangewys. Paul Venter, vervaardiger van Bravo! en een van die beoordelaars, sê dié veldtog het gesoek na ’n skynbaar moeiteloos stylvolle mens met ’n leefstyl waarna mense sal opsien. “Dit is iemand wat jou respek en aandag verdien en dit nie afdwing nie,” sê Paul. Die finaliste is self deur ’n…