Indholdsfortegnelse for July 2015 i Idees

Ek staar by my kantoorvenster uit, maar sien vandag nie veel nie. Die wolke hang swaar oor die Kaapse hawe en die skeepshyskrane wys net so hier en daar spokerig hul gesig. Dis inderdaad winter in die suide. En toe land hierdie maand se sop-artikel op my lessenaar. Dit lyk warm en ryk en hier kort voor middagete laat dit my mond behoorlik water. Ek’s nog nie halfpad deur nie, toe bel ek my seun, Anton. ‘Watter sop klink vir jou die lekkerste?’ En ek weet vanaand op pad huis toe gaan ek een van my supervinnige winkelstoppe doen – net genoeg goed in die mandjie vir ons sop-ete. En dalk ’n bietjie donkersjokolade vir ’n laataand-hot chocolate. Winter bly maar net spesiaal, wel in elk geval wanneer hy op…

WENK Moenie stukke van natuurlike breidraad in ’n wasmasjien was nie – dit kan vervilting veroorsaak. Was dit eerder met die hand in louwarm water, maar moenie sterk waspoeiers gebruik nie. ’n Sagte babasjampoe is die beste keuse.…

MOEILIKHEIDSGRAAD: Maklik TYD: 1-2 uur Jy benodig snyplank Franse-styl ontwerp waspapier 120-grint-skuurpapier handwerkmes en staalliniaal Berei eers voor: Laai jou ontwerp op jou rekenaar, draai dit spieëlbeeld en druk dit gewoonweg op papier uit om te kyk of dit die regte grootte is en waar jy dit op die snyplank wil plaas. Skuur die snyplank liggies af sodat die oppervlak glad is en vryf al die stof af. Hou ’n bank- of winkelkaart gereed. Sny ’n stuk waspapier A4-grootte, laai dit soos gewone papier in ’n inkstraaldrukker (nie laserdrukker nie) en druk jou ontwerp op die waspapier uit. Druk dit onmiddellik inkkant ondertoe op die snyplank vas. Oppas dat die nat ink nie smeer wanneer jy dit op die snyplank sit nie en sit dit die eerste keer op die…

BAK BEDERF - PLAN NetFlorist het onlangs The Bakery at NetFlorist bekend gestel. Pleks van blomme kan jy nou ’n lekker gebakte lekkerny by iemand spesiaals laat aflewer. Probeer gerus die kolwyntjies in ’n fles. • Gaan na netflorist.co.za vir meer inligting. PURE PLAASPLESIER Gabriëlskloof-restaurant naby Botrivier langs die N2 in die Wes-Kaap het ’n spesiale winterspyskaart wat met verskeie onpretensieuse, elegante geregte spog. Geniet varsgebakte plaasbrood, confit-forel met ’n warm pataten-kekerertjieslaai, stadiggeroosterde lamsboud met slaphakskeentjies, en geposjeerde pere in rooiwyn met soutkaramel-meringues. Die Gabriëlskloof-landgoed is ewe bekend vir sy fantastiese wyne en olyfolie. Dis noodsaaklik om vir die restaurant te bespreek. • Bel 028 284 9865 of stuur e-pos na restaurant@gabrielskloof.co.za. Soet & suikervry Canderel het pas ’n reeks suikervrye sjokolades in agt geure bekend gestel. Dit is geskik…

STOELOOR TREKSEL deur LYNN GARRETT van BISCUITSCOUT Dié ekstra-dik gebreide oortreksel dra nie net tot die knusheid by nie, maar gee ook tekstuur. MOEILIKHEIDSGRAAD: Maklik TYD: Naweek Grootte Die voltooide plat item is: 75 cm lank en 110 cm by die breedste punt. Jy benodig 6 x 500 g-bolle T-hemp-breidraad 15 mm-breipenne dik naald vir toewerk Mossteek Regs een, aweregs een tot die einde van die ry. Vir die volgende rye, regs die steke wat in die vorige ry awe-regs gebrei is en aweregs die steke wat in die vorige ry regs gebrei is. Afkortings Spanning In mossteek gebrei met 2 breidrade saam: 6 steke = 10 cm 8 rye = 10 cm So brei jy Stel 26 ste op met 2 breidrade saam en 15 mm-breipenne. Gl eerste st…

Rol ’n vel klaarbereide skilfer- of broskorsdeeg op ’n skoon oppervlak oop. Sny dit in ’n reghoek van 20 cm lank. Merk elke 2 cm met ’n liniaal af en gebruik dan die liniaal en ’n skerp mes om die deeg in stroke te sny. WENK Gebruik yskoue deeg, want dit is makliker om mee te werk. Sny al die deegstroke in die lengte middeldeur en sit die een helfte van die stukkies versigtig eenkant. Vou elke tweede strook van die oorblywende vyf stukkies terug. Neem een van die stroke wat jy eenkant gesit het en plaas dit dwarsoor die drie stukkies wat nie teruggevou is nie. Vou die teruggevoude stukkies terug oor die strook wat jy nou net dwarsoor geplaas het. Vou nou die ander stukkies aan die ander…

MOEILIKHEIDSGRAAD: Maklik TYD: Halfdag Jy benodig • ’n paar insteekskoene • mooi materiaal • amaril- of skuurpapier • modge podge • handwerkkwas • skalpel of skeermeslemmetjie • sosatiestokkie Knip op die skuinste twee stukke materiaal wat elkeen groot genoeg is om ’n skoen te bedek. Skuur met die amaril- of skuurpapier oor die oppervlak van die skoene om dit effens growwer te maak sodat die materiaal beter sal klou. Neem eers net een skoen en wend ’n ruim hoeveelheid modge podge op die toongedeelte aan. Plaas die materiaal oor die skoen en vryf dit met jou vingers glad oor die toongedeelte. Knip die materiaal in die middel oop van die hak tot sowat 2,5 cm voor die borand van die skoen. Begin by die toon en gebruik die sosatiestokkie om…

BÊREWENK Probeer dié gawe plan om gare, tou en koord netjies te bêre en sodat jy maklik daarby kan uitkom: Monteer tappenne in prentrame. As die rame boonop almal dieselfde kleur geverf is, kan dit ’n vervelige muur in ’n mooi fokusmuur verander. VAN KRYT TOT KERS Het beurtkrag toegeslaan en jou laaste kers het gisteraand sy laaste asem uitgeblaas? Sny die punt van een van jou kinders se vetkryte af, laat staan dit regop en steek die papiertjie aan die brand – die ‘kers’ behoort minstens ’n halfuur te brand. Aitsa, kyk so ’n AVO As jy ’n avokado in perfekte skyfies wil sny, moet jy dit doen terwyl die skil nog aan die vrug is. Gebruik ’n skerp mes, sny die avokado vertikaal in die helfte en maak…

Só kry mens die tyd om Ons het vir die dag padgevat en toe ons die piepklein plekkie binnery, wonder ek hoe die mense hul tyd omkry. Maar sekondes later sluk ek byna my eie tong in, want ons stop voor ’n ewe piepklein koffiewinkel waar die geur van tuisgebak en koffie ons al op die sypaadjie verwelkom – en Idees pryk in die venster. Met haar Swartland-bry en aansteeklike plattelandse gasvryheid verwelkom die eienaar ons. Die heerlikste tuisgemaakte kaas-en-uiebrood, plaaswors, geelwortelmuffins en groenvyekonfyt word voor ons neergesit. Weigh-Less het gelukkig tuisgebly … Ná ’n koppie koffie wys sy vir ons haar handewerk: skilderye van aronskelke, pottebakkery, die fynste krale-borduurwerk, droë fynbos, hekel- en breiwerk, ry op ry flessies ingemaakte heerlikhede. Koeke, terte, pasteie, kleinkoekies, lekkers … daar is eetgoed…

@home 0860 576 576 Abode 072 261 3540 Accessorize 021 447 7718 African Expressions 041 486 2433 Alpaca Loom 021 863 2495 Annie Sloan 084 047 5965 Bed King 0860 25 35 45 Betsy Nield 021 797 8651 Biggie Best 021 534 8662 Bronx 021 590 7000 Builders 0861 335 2739 Call It Spring 021 551 1527, 011 784 1597, 031 584 7431 Cape Mohair 021 534 4134 Clayman 021 701 6682 Country Road 0860 022 002 Craft & Yarn craftandyarn.com Dulux 021 551 8500 Earthcote 021 425 0939 Exclusive Books 011 798 0000 Fibre Design 021 418 1054 Habits 021 671 7330 Hartlam yarn@hartlam.com Kristal Concepts 021 948 0917 Living Legends 021 447 2077 Loads of Living 011 700 3740, 021 527 4580 Love, Africa Studio 084 800 8403…

INSPIRASIEBORD Natuurlike elemente soos leer, wol, hout, keramiek, materiaal met tykdetail (ticking), tekstuurverf en natuurlike kleure is slim maniere om tekstuur in jou huis in te sluit. Met die regte hoeveelheid tekstuur kan jy ’n kaal, koue ruimte warm en verwelkomend laat voel. ’n Neutrale kleurskema sal sorg vir balans en ook ruimte skep sodat jy meer tekstuur kan inkorporeer. SPEEL MET TEËLS Met patrone, soos dié vloerteëls wat nie presies identies is nie, kan jy ’n gevoel van beweging in jou huis skep. Verleen warmte aan die vertrek deur verskillende skakerings natuurlike kleure in lae saam te gebruik. WYS DIE VERLEDE Ongepleisterde bakstene kan ’n heerlike warm gevoel aan jou huis verleen – jy kan dit verder opkikker met vroulike vintage-goed soos kant, prente van blomme en vergulde prentrame.…

SÓ WERK DIT Dit is nie moeilik om met koper te werk nie, maar jy moet die regte toerusting en gereedskap hê. Hier is ’n paar riglyne: • Ons het koperpype met ’n deursnee van 15 mm en 22 mm gebruik. Dit is standaard-diktes en beskikbaar met al die nodige koppelstukke. • Maak die pype en koppelstukke vooraf skoon met ’n lappie wat jy in lakverdunner gedoop het – dit sal ook ontslae raak van die gedrukte reeksnommers daarop. • Poleer die pype ook vooraf met ’n metaalpolitoer soos Brasso. Gebruik ’n sagte lap. • Werk liefs met viniel- of latekshandskoene sodat jy nie vingermerke op die koper laat nie. • Poleer die voltooide projek weer agterna voordat jy dit met lakverdunner afvryf. Spuit dan ’n kleurlose lakvernis oor die…

SKEP DIE PRENTJIE Sorg vir ’n snoesige atmosfeer vir ’n lekker midwinter-kuier. Steek die kaggelvuur aan, sit kerse oral in die vertrek en dek die tafel met grofgeweefde linnegoed, keramiek- en emaljeware. Ons het alles in skakerings van roomwit, bruin en grys gehou en net tikkies goud en swart bygevoeg. Lamsvleis-enkekerertjiesop Genoeg vir: 6-8 Bereidingstyd: 40 minute Gaarmaaktyd: omtrent 2½ uur 30 ml olyfolie 500 g stowelamsvleis, in blokkies gesny 1 groot ui, gekap 3 knoffelhuisies, fyngedruk 5 ml fyn komyn 3 ml fyn koljander 1 ml rooipeper 3 middelslag-wortels, geskil en in blokkies gesny 1 blik gekapte tamaties 2 lourierblare 1,5 liter aangemaakte of tuisgekookte hoenderaftreksel 1 blik kekerertjies, gedreineer 125 ml gort 10 ml suurlemoensap ’n hand vol gekapte mentblare Bulgaarse jogurt en ekstra vars ment, om voor…

MOEILIKHEIDSGRAAD: Gemiddeld TYD: Naweek Afkortings LET WEL Hekel- en breisteke word gebruik vir dié vingerlose handskoene, wat agterna met borduurwerk versier word. Dit is ontwerp van die pols af vorentoe. Oumablokkies kan afsonderlik gehekel en aan mekaar gelas word voordat jy begin brei of dit kan gelas word soos jy hekel. Vir die wit breidraad word deurgaans twee drade saam gebruik; om dit te doen, neem die draad uit die binnekant van die bol en die draad aan die buitekant van die bol saam – dit is vinniger as om twee afsonderlike bolle op te draai. Die breiwerk word nie in rondtes gedoen nie. Die linker- en regterhandskoene word presies eenders gemaak; maak seker die borduurontwerp is simmetries op albei handskoene. Jy benodig • 2 x 50 g-bolle African Expressions…

SKEP DIE PRENTJIE Omskep die partytjieplek in ’n wasige winter-wonderland. Kies sagte roomwit kleure met tikkies pienk, ysblou en silwer en soek vir items soos doilies, papierballe, krale en ballonne wat soos sneeuvlokkies of yskristalle lyk. Maak eetgoed wat by die tema pas en sit dit in mooi glas- en porseleinware voor. SNEEUMAN - KOLWYNTJIES Maak: 12 Bereidingstyd: 45 minute 12 vanielje-kolwyntjies of -muffins 120 g sagte botter 250 g versiersuiker omtrent 15 ml melk 250 ml klapper 12 wit malvalekkers 12 pretzel-stokkies 24 korente 12 klein stukkies wortel 1 Klits die botter tot dit lig en romerig is. Roer die versiersuiker en die helfte van die melk by. Klits dit vir ’n minuut en voeg nog ’n bietjie melk by indien dit te dik is. Klits dit weer tot…

’N GOEIE TEKEN MOEILIKHEIDSGRAAD: Gemiddeld TYD: 1-2 dae Jy benodig • houtbord in die verlangde grootte • drukstuk van jou woord in die regte grootte • akrielverf vir die agtergrond • ligte en donker akrielverf vir die letters • vernis vir spesiale verfafwerkings • bruin skoenpolitoer (die gewone soort; nie die vloeibare een nie) • kunskwassies en gewone verfkwaste • stensilkwas (of ’n ander kwas met digte hare) • sagte lappe • koolpapier • maskeerband Berei so voor Kies ’n mooi lettertipe en druk jou woord met jou rekenaar in hierdie lettertipe uit. Ons s’n is Western van dafont.com, waar jy gratis lettertipes kan aflaai. Die letters het reeds ’n donker buitelyn of ‘skaduwee’, wat perfek vir hierdie projek werk. Vergroot die uitgedrukte woord sodat dit op jou houtbord pas.…

Magneetletters Ons het bont plastiekletters met klein magnete agterop spotgoedkoop by ’n Chinese winkel gekoop en hulle só gespuitverf vir ’n mooi eenvormige voorkoms. Jy kan enige ander yskasmagnete gebruik. * MOEILIKHEIDSGRAAD: Maklik * TYD: ’n Paar minute, plus droogtyd Jy benodig plastiek-magneetletters spuitverf in die kleur van jou keuse So maak jy 1 Vryf die letters met ’n lap skoon en droog – maak seker daar is geen vetterigheid daarop nie. Werk op ’n plek met goeie ventilasie en pak die letters ’n entjie uitmekaar op koerantpapier uit. 2 Volg die aanwysings op die spuitkannetjie en spuitverf die letters baie liggies sodat dit nie ‘trane’ vorm nie. Laat dit droog word. 3 Spuitverf nog een of twee lae en laat dit tussenin droog word. Maak seker die letters is…

Om ons derde Trommelskou te vier het ons besluit om dit vanjaar oor drie dae te hou. Kry dus gou ’n skryfding en maak seker jy teken dit in jou dagboek aan sodat jy tussen Vrydag 10 Julie en Sondag 12 Julie 2015 saam met ons kan kuier by Simondium’s Country Lodge. Nie net gaan ons al ons kreatiwiteit inspan om ons tydskrif vir ’n naweek ‘lewendig’ te maak nie; ons gaan ook sorg dat julle al julle gunsteling-goed sommer so direk uit die tydskrif kan koop. Van die kreatiewe entrepreneurs wie se werk en stories julle maand ná maand op ons blaaie sien en lees, sal ook daar wees. Jy sal ook die spanlede kan ontmoet en vir hulle vrae kan vra. As jou voete moeg en jou maag…

GOU & MAKLIK Stapel kratte vir'n kassie Hangstok vir jou kiere Inkprent op'n snyplank Koper-kerskandelare Eie sopkoppies Murgpampoentjie-spaghetti Klapper-en-rooibos-chaitee Trek skoene met lap oor Werk knope mooier aan Yskasmagneet-letters HANG UIT Klapper-sitrus-en-witsjokoladekoek Fondant-kroontjie Hou 'n partytjie virjou ys-prinsessie Weef'n pastei-dekseltjie Besoek ons Trommelskou Bespreek plek vir ons naaldwerknaweek OP JOU TYD Koper-handdoekreling Tafel met koperpote Houtleer as hangplek Stokkiespyl Kook heerlike soppe Thaise rooikerrie met varkvleis Verf 'n vintage-uithangbord Gevulde naanbrood Vis geposjeer in 'n klappersous Oondhoender met Mapper Klapper-en-pynappelbeskuit Begin 'n 365-dag-projek ideesred@media24.com facebook.com/IdeesSA…

GOU & MAKLIK Stapel kratte vir'n kassie Hangstok vir jou klere Inkprent op'n snyplank Koper-kerskandelare Eie sopkoppies Murgpampoentjie-spaghetti Klapper-en-rooibos-chaitee Trek skoene met lap oor Werk knope mooier aan Yskasmagneet-letters HANG UIT Klapper-sitrus-en-witsjokoladekoek Fondant-kroontjie Hou 'n partytjie virjou ys-prinsessie Weef'n pastei-dekseltjie Besoek ons Trommelskou Bespreek plek vir ons naaldwerknaweek OP JOU TYD Koper-handdoekreling Tafel met koperpote Houtleer as hangplek Stokkiespyl Kook heerlike soppe Thaise rooikerrie met varkvleis Verf'n vintage-uithangbord Gevulde naanbrood Vis geposjeer in 'n klappersous Oondhoender met Mapper Klapper-en-pynappelbeskuit Begin 'n 365-dag-projek ideesred@media24.com facebook.com/IdeesSA…

STOKKIESPYL MOEILIKHEIDSGRAAD: Gemiddeld TYD: ’n Paar uur, plus droogtyd Jy benodig reguit stokkies van so 1-1,5 cm dik houtbeits (opsioneel) houtspykers houtlym swart merkpen basiese gereedskap (hamer, saag, ens.) 1 Maak ’n papierpatroon van ’n mooi pylvorm – gebruik ’n groot vel koerantpapier en teken die pyl in die verlangde grootte. 2 Lê die stokkies langs mekaar op die patroon uit en merk waar jy hulle moet saag. 3 Saag twee stukkies hout wat breed genoeg is om die stokkies bo en onder aan vas te spyker. 4 Lym die stokkies aan die twee stukkies vas en laat dit oornag droog word – klamp dit verkieslik vas of sit iets swaars bo-op sodat dit oral goed heg. 5 Spyker die stokkies die volgende dag aan die agterste stukkies vas om…

WEET JY VAN ’N OULIKE NUWE WINKELTJIE OF MOOI DEKOR- OF HANDWERKREEKS WAARVAN ONS OOK BEHOORT TE WEET? SKRYF VIR DALA EN ONS SAL DIT OORWEEG VIR DIÉ BLAD. TOKIO-INSPIRASIE ’n Besoek aan Tokio het Heather Moore van Skinny laMinx laat besef hoe belangrik plante in ’n stadsomgewing is, en haar nuwe materiaalreeks is hierdeur beïnvloed. Die reeks, Paradise is here, bestaan uit vier ontwerpe en elkeen is in drie kleure beskikbaar. Dit kos R495 per meter – bestel dit by skinnylaminx.com, waar jy ook haar ander ontwerpe kan sien. Krale wat blom Bring dié winter ’n bietjie kleur in jou lewe met hierdie mooi krale van Blossom Handmade. Dit is in verskeie winkels landwyd beskikbaar, maar die maklikste is om dit deur hul webblad, blossomhandmade.co.za, te bestel. Hulle maak…

Gevulde naanbrood Maak: 4-6 Bereidingstyd: 1 uur, plus rystyd Baktyd: omtrent 30 minute Oondtemperatuur: 200 °C 500 g witbroodmeel 2,5 ml bakpoeier 10 ml kitsgis 10 ml nigellasaad (opsioneel) 300 ml klappermelk 185 ml Bulgaarse jogurt, teen kamertemperatuur 1 groot eier 30 ml sonneblomolie Vulsel 125 ml droë klapper 1-2 fyngekapte brandrissies na smaak 50 ml fyngekapte vars koljanderblare 6 knoffelhuisies, fyngedruk 80 ml gesmelte botter, om voor te sit 1 Sif die witbroodmeel, bakpoeier en 1 ml sout saam. Voeg die gis en nigellasaad (indien jy dit gebruik) by. 2 Verhit die klappermelk tot dit louwarm is en voeg dit by die meelmengsel. 3 Klits die jogurt, eier en olie saam. Voeg dit ook by die meelmengsel en meng dit deur om ’n deeg te vorm. Knie die deeg…

MOOI KOUSE Hou jou bene warm met gebreide broekiekouse met interessante patrone. Dit is nie duur nie, daar is te kies en te keur, en jy sal van jou somerklere saam met dit kan dra vir tussenin weer. Probeer dit met ’n rok of romp en toerygstewels. TEKSTUUR OP TEKSTUUR Meng gerus verskillende teksture, maar hou die items in dieselfde kleurskema om die voorkoms bymekaar te trek. STYLVOLLE JAS Belê in ’n klassieke jas, maar moenie jou uitrusting heeltemal onder dit wegsteek nie – hier steek die soom van ’n mooi kantrok uit. SLIM DETAIL Kyk uit vir truie met interessante detail sodat jy dit informeel of meer formeel kan dra. Vlegsels op die kop en rooi lippe rond hierdie voorkoms perfek af.…

MOEILIKHEIDSGRAAD: Maklik TYD: 1 urrr + droogtyd Jy benodig • tiara-ontwerp (soek een op die internet as jy nie jou eie een wil teken nie) • fondant • CMC (te koop by bakwinkels; meng dit die dag voor die tyd by die fondant in) • eetbare silwer poeierverf (beskikbaar by bakwinkels) • klein verfkwassie • eetbare pêrels of ander juweelversierings • deurskynende alkohol soos vodka (al die alkohol sal verdamp, of gebruik water as jy wil) • kleefwerende kossproei • 2 koekstrykers (of gebruik ’n uitperser as jy een het) • groot kosblik • waspapier • A4-vel papier • swart kokipen • maskeerband • wondergom • handwerkmes of skerp mes Teken jou tiara-ontwerp op die papier. Moenie dit te ingewikkeld of fyn maak nie en maak seker dit pas mooi…

Volgende keer wanneer jy knope gaan soek, kyk ’n bietjie rond vir mooies wat nie net twee gaatjies het nie, maar vier of vyf: Jy kan dit op allerlei interessante maniere aanwerk. KRUISIE Knip ’n lang stuk gare af, vou dit dubbel en ryg dit deur die naald. Knoop die los punte stewig vas sodat die gare nie deur die knoop se gaatjies glip nie. Steek die naald van die onderkant van die knoop by die gaatjie regs onder in en steek dit dan van die bokant af deur die gaatjie links bo. Neem die naald aan die agterkant van die knoop na die gaatjie links onder, steek dit daardeur en steek dit dan deur die gaatjie regs bo. Herhaal die steke totdat die knoop stewig is en werk dit…

Kan jy eenvoudig nie genoeg kry van jou gunstelingtydverdryf nie? Maak dit ekstra-plesierig en kom doen naaldwerk saam met jou vriendinne en mense wat jou passie deel terwyl jy leer hoe om Bernina se jongste naaldwerkmasjiene te gebruik. Vanaf Vrydagmiddag 14 Augustus tot Sondagmiddag 16 Augustus besoek ons Cullinan, die lieflike dorpie waar daardie beroemde diamant gevind is, en die kreatiewe inwoners om na hartelus te stik, gesels en net te ontspan vir die naweek. Bernina bring van hulle nuutste masjiene asook hulle span kenners saam om seker te maak dat selfs naaldwerkgroentjies die projekte ook kan voltooi. Afhangend daarvan of jy ’n kamer wil deel of jou eie verkies, het ons plek vir tussen 25 en 30 mense in die groep – moet dus nie te lank wag voor…

As jy ‘365 projects’ in ’n Google-of sosialemedia-soektog intik, kom jy op ’n wonderwêreld van persoonlike en kreatiewe uitdagings af, waaroor baie van die deelnemers blog. Daar is 365 dae van oumablokkies hekel, oortollige besittings uitgooi, brei, blog, dankiesê op Facebook en nog baie meer … Selfs ‘frikkadelle op Vrydagaande’. Mense pak dié projekte aan in ’n era van kitsbevrediging, en daar is ’n magdom redes hoekom hulle dit doen. Die sielkundige dr. Rosa Bredekamp (rbredekamp@absamail.co.za) sê daar is ’n verband tussen dié internasionale gier en die behoefte om minder gejaagd en minder ongeorganiseerd te leef. ‘Ons besef al hoe meer dat ons aandagtig – mindful – en stadiger moet lewe ter wille van ’n beter lewensgehalte, en dat ons beter beheer kan uitoefen as ons op slegs een dag…

* IN JOU JULIE-PAKKIE: • Julie-verjaardagkalender • Aftiklysie • Geskenkpapier * As jy nog nie die vorige maande s’n het nie en graag jou kalender volledig wil maak, kan jy ook Januarie tot Junie se pakkies koop. * Die pakkies kos R15 elk. * Gaan na ideasmarket.co.za om by ons winkeltjie uit te kom. * LAAI PATRONE AF UIT ONS SPESIALE TROU-UITGAWE Daar is vyf temas van R10 elk: • Midsomersnagdroom • Hipsterstyl • Romantiese jag • Swartbordvoorkoms • Mexikaanse kleur…