Indholdsfortegnelse for May 2015 i Idees

Seker so vyf jaar gelede het ek my hart totaal en al verloor op ’n mat wat ek glad nie kon bekostig nie. Met sy ligte agtergrond en blompatrone sou hy alles wat ek reeds besit, perfek bymekaartrek. En hoewel ek geweet het die wol én die wewing is fantasties, was dit die voorkoms wat ek in gedagte gehad het eerder as die sagtheid onder my voete. (Hoewel dit natuurlik ook heerlik sou wees.) Die winkelbestuurder het die magnetisme tussen my en die mat simpatiek bekyk en ’n week lank het ek en hy oor en weer ’n plan probeer maak om vir my daardie patroon op ’n goedkoper mat te kry, maar tevergeefs. Hy het my toe maar elke keer laat weet as daar ’n uitverkoping is, maar selfs…

Maak ’n stel van jou eie borde wat perfek by die res van jou mooi breekware pas, of begin ’n nuwe besigheid! Ons droom al lank van ons eie borde en het gaan uitvind hoe ’n mens dit doen. Die metode wat vir ons die maklikste uitgewerk het, bestaan uit twee prosesse: om die ontwerp op wateroordrukpapier te laat skermdruk en om dit dan op geglasuurde borde te laat inbrand. Vir albei het jy ’n spesialis nodig (tensy jy jou eie bakkersoond het), maar dis oor en oor die moeite werd as jy eers jou borde het. Jou ontwerp Jy kan jou ontwerp self teken of verf of enige ander ontwerp gebruik, mits jy dit in hoë resolusie in ’n digitale formaat kan omsit. Jy kan letters deel van jou…

WEET JY VAN ’N OULIKE NUWE WINKELTJIE OF MOOI DEKOR- OF HANDWERKREEKS WAARVAN ONS OOK BEHOORT TE WEET? SKRYF VIR DALA EN ONS SAL DIT OORWEEG VIR DIÉ BLAD. ROMANSE IN DIE LUG Bederf jou geliefde met ’n romantiese naweek. Die Belgraceboetiekhotel tussen Witrivier en Nelspruit in Mpumalanga laat gaste ekstraspesiaal voel en die dekor is suiwer Europese elegansie. • Vir meer inligting besoek hul webwerf, belgrace.co.za, of skakel 076 539 0409. Bokkie, ek wil jou hê Maak jou eie boktrofee! In Good Company maak dit maklik met hierdie selfdoenstelle wat alles bevat wat jy nodig het. Dit sluit in die mooiste blommetjiesmateriaal, vilt vir die horings, stopsel en naaldwerkbenodigdhede. Dit kos R475 per stel. • Bestel dit by ingoodcompany.co.za of besoek hul winkel in Parkhurst, Johannesburg, of Claremont, Kaapstad.…

VERGULD TOU MEUBELSTUK Of jy nou goud, silwer of koper verkies, enige meubelstuk sal mooier en luukser lyk in ’n blinknuwe baadjie. As jy ’n stoel gebruik, moet jy die bladmetaal aanwend voor jy dit stoffeer. VOORBEREIDING Berei jou stoel só voor na gelang van watter materiaal dit gemaak is. GLAS OF PLASTIEK Maak seker die stoel is stof- en vetvry deur dit met louwarm asynwater af te was. Droog dit deeglik af. Jy kan die bladgoud nou direk op die oppervlak aanwend. HOUT Jy kan bladgoud ook direk op hout aanwend, maar maak weer eens seker die stoel is stof- en vetvry en droog. Vee stof af met ’n lap wat jy in ’n suikerseep-oplossing gedoop het. As jy dit vooraf wil verf, moet jy dit met ’n universele…

Daar is nouliks ’n enkele stukkie hedendaagse grimering wat ons nie kan naspeur terug na antieke Egipte nie. So lank terug soos 10 000 v.C. het mans en vroue hulle besprinkel met welriekende olies of gegeurde water en verf en kleurpigmente in poeiers gebruik om hulle gelaatstrekke te beklemtoon. Gedenk maar Cleopatra se dramatiese gitswart oogomlyner. En kan jy glo, dit is vandeesmaand, op 15 Mei, die honderdste verjaardag van Maybelline, die bekostigbare gunsteling van vroue wêreldwyd, oud en jonk. Dit het alles in 1915 begin met Mabel Williams, wat haar wimpers en wenkbroue mooier wou laat lyk met ’n pasta van swart steenkoolpoeier en Vaseline. Haar entrepreneursbroer het die potensiaal van haar konkoksie vinnig gesnap en die naam ‘Maybelline’ (Mabel + Vaseline) geskep. Die res is grimeergeskiedenis. Om hierdie…

LET WEL Steke gebruik: boeljon-knoopsteek en losstaande kettingsteek. Geborduurde roos Jy benodig ’n paar kouse wat oor die knie reik DMC-stringborduurgare met ses draadjies in dié kleure: 3689 (pienk), 211 (ligpers) en 964 (groen) borduurnaald borduurskêrtjie Maak met die pienk gare ’n boeljon-knoopsteek (draai die gare 10 keer om die naald) en heg die knoop vas met ’n klein stekie om ’n klein, geronde lyn te vorm. Werk die volgende boeljon-knoopsteek (draai die gare 12-14 keer om die naald) vanaf die borand links van die 1e steek om na die onderkant regs van die 1e steek. Maak die 3e steek vanaf die bokant van die 2e steek, om na die linkerkant aan die onderkant van die 1e steek (draai die gare 12-14 keer om). Gebruik nou die pers gare en…

Jy benodig blomblaarpatroon op die oorkantste blad pienk krinkelpapier bloemiste-kleeflint (pienk of wit) bloemistedraad gomgeweer Kopieer die blomblaarpatroon op die oorkantste blad en sny soveel soos wat jy nodig het uit die krinkelpapier. Jy het een per blom nodig, maar jy kan party blomme voller maak en twee gebruik. Trek die blomblare liggies sodat die papier effens inkrul. Drup ’n bietjie gom in die middel van die blom en draai dit dan styf om ’n punt aan die basis te vorm. As jy ’n dubbelblom maak, moet jy die tweede blomblaar bysit voordat jy die onderpunt draai. Sny ’n stuk bloemistedraad, vou dit in die helfte en draai die bloemiste-kleeflint rondom. WENK Die bloemiste-kleeflint sal beter plak as jy dit effens trek terwyl jy dit om die draad draai. Plak…

Sonder geld kan jy nie jou eie onderneming begin – of laat groei – nie. Baie entrepreneurs kry wel die aanvangskapitaal in die hande, maar kan dan nie altyd hul onderneming laat groei nie omdat hulle nie daarvoor beplan het nie. Suksesvolle entrepreneurs het gewoonlik ’n goeie sakeplan wat hulle kop bo water help hou wanneer die mark minder bedrywig is, én wat hulle in staat stel om meer te produseer as die mark groei. Ons het gaan kyk wat klein kreatiewe ondernemings alles kan doen om geld vir hulle bedrywighede in die hande te kry. SPAAR Dis ’n goeie idee om jou spaargeld te gebruik om jou onderneming aan die gang te kry. Wanneer jy ’n wins begin maak, moet jy weer begin spaar vir toekomstige groei, want daarmee…

HANDWERKVLEKKE WENKE MAAK SÓ AS JY OP JOU KLERE MORS TERWYL JY HANDWERK DOEN. VERF As dit ’n waterbasis-verf is, skraap dadelik soveel moontlik van die verf met ’n stomp mes of lepel af voor jy dit liggies klad met ’n klam lap. Moenie die verf laat droog word nie. Gebruik ’n spons en vryf wasmiddel direk oor die vlek aan. Vryf dit liggies tussen jou vingers en spoel dit deeglik uit. Herhaal die proses tot die vlek uit is. As dit nog nie heeltemal uit is nie, kan jy naellakverwyderaar op ’n absorberende lap sit en die vlek daarmee klad voor jy dit weer uitspoel en gewoonweg was. GOM Skraap soveel moontlik van die gom af met ’n stomp mes. Laat week die gevlekte item in water en kyk…

@home 0860 576 576 Abode 072 261 3540 Accessorize 021 447 7718 Aldo 011 884 4141, 021 671 2333 Artvraat jaques@artvraatdesigns.com Biggie Best 021 534 8662 Casamento 021 448 6183 Clarks 011 455 0917 Country Road 0860 022 002 Damn Good Looking jennifer@damngoodlooking.co.za Design Team 021 653 1973 Dulux 0860 330 111 Elbeth Gillis 021 423 2220 Elke Designs 079 601 9726 Elsje Designs 021 976 7111 Emvee Ceramics 021 982 0465 Essie Letterpress 022 921 3789 Exlusive Books 011 798 0000 Fabric Nation f.nation@gmail.com Farriers 021 761 4767 Fidders 021 886 4655 Gonsenhauser’s Rugs 021 462 4819 Habits 021 671 7330 Handmade by Me sera@handmadebyme.co.za Imagenius 021 423 7870 In Good Company 079 041 8927 JT McMaster 021 448 4223 Kartell 021 418 5382, 011 447 7062 Kat van…

Die woorde bespoke en customised is deesdae op almal se lippe, so hoe moeilik kan dit wees om jou eie lap te ontwerp en te laat druk? Ons lap moes sag en vroulik wees met kleure wat inmekaar vloei soos in ’n waterverfskildery. En ons moes natuurlik minstens een stuk met ’n vintage-gevoel hê. Maar voor jy kan begin dink aan jou ontwerp, moet jy eers ’n onderneming in die hande kry wat materiaal druk en hulle ’n bietjie uitvra oor hoe hulle te werk gaan. Ons het gedoen wat almal deesdae doen: Op Google gespring en ’n maatskappy in Kaapstad gekry wat druktegnieke soos Flatbed, Rotary en Panel in-span om materiaal te druk. Ons het Flatbed gekies – ’n tegniek wat met die hand gedoen word en gewoonlik vir…

LEKKER SONDER MOEITE Sasko se nuwe Quick Treats-reeks maak dit maklik om gou iets lekkers aanmekaar te slaan. Daar is agt mengsels in die reeks, waaronder kaas-en-grasui-muffins, vanieljemuffins, skons en plaatkoekies. Jy voeg net drie bestanddele by en bak dit. • Beskikbaar in supermarkte vir sowat R13. Nuwe tee Chaplon Tea is nuut in Suid-Afrika. Die geure sluit in Full Moon (’n mengsel van kruie- en groentee), Fruity Quince en Ceylon Single Estate. Chaplon verbou hul tee natuurlik en volhoubaar en gebruik geen chemiese plaagdoders of kunsmis nie. Dit is in uitgesoekte winkels beskikbaar, of bestel dit by chaplon.co.za. BOBAAS -KAAS Pak ’n stuk Montagnolo Affine op jou kaasbord wanneer jy weer onthaal. Dié semisagte, volvet-witskimmelkaas met blou are word met die hand gemaak in Beiere en dit smelt in…

Jy benodig koek bedek met botterversiersel fondantversiersel in die kleur van jou keuse koekroller of rolstok pizzasnyer (of gebruik ’n klein skerp messie 2 velle plastiek waspapier snymat maatband liniaal ekstra versierings, soos vars of kunsblomme, lint en ’n mooi hoedespeld Meet die bokant van die koek en merk die middelpunt. Verdeel die koek in 12-16 dele en merk dit op die bokant – jy gaan dié lyne as gids gebruik om te begin. Meet die afstand van die middelpunt van die koek tot by die onderkant om te bepaal hoe lank die fondantvalle moet wees. Rol die fondantversiersel tot so 2 mm dik uit en lank genoeg om die valle te maak. Sny die rande reguit met die pizzasnyer. As jy nie ’n snymat het nie, kan jy die…

Jy benodig • wit materiaal • materiaalkleursel • rekkies of tou Sit die materiaal op ’n plat oppervlak neer. Begin by die rand en vat die materiaal in die lengte bymekaar in smal voue. Gebruik rekkies of tou en knoop gedeeltes al met die lengte van die gevoude materiaal vas, ’n paar sentimeter van mekaar. Maak seker elke rekkie is styf omgedraai, sodat die kleursel nie kan deursypel na die materiaal nie. Kleur die materiaal volgens die aanwysings wat saam met die kleursel kom. Spoel die materiaal uit tot die water helder is. Laat die materiaal heeltemal droog word voordat jy die rekkies verwyder. As die rekkies te gou verwyder word, kan kleursel in die afgeknoopte gedeeltes van die materiaal invloei.…

COCO CHANEL Jy kon Coco deur ’n ring trek in ’n swart rok met regaf lyne of ’n tweed- of wolpakkie met ’n potloodromp en stringe pêrels en kettings om dit af te rond. Maak hierdie styl moderner deur ’n roomkleur tweed-styl baadjie met ’n swart wolromp te kombineer. En onthou, Coco het gesê: ‘ ’n Vrou met goeie skoene lyk nooit lelik nie.’ Baadjie (R1 199) en top (R459) van Zara. Romp (R1 500) van Kat van Duinen. Kunspêrels (R169,99) en armbande (R299 vir vyf) van Accessorize. Kunspêrels met ketting (R69,99) van Mr Price. GRACE KELLY Om die Grace Kelly-voorkoms te kry, kies ’n vroulike rok of nousluitende top met ’n wye romp wat inplooi om die middel. Top (R499) en romp (R1 899) van Habits. Tulle-romp wat onder…

Jy benodig • African Expressions Joy – 1 bol in kleur 1039 (ligpienk; A) – 3 bolle in kleur 1137 (mediumpienk; B) – 2 bolle in kleur 1109 (donkerpienk; C) – 1 bol in kleur 1057 (grys; D) – 8 bolle in kleur 1286 (beige; E) • 4 mm-hekelpen Afkortings LET WEL Begin elke ry met die regte aantal ks om die eerste steek te vorm: 1 ks = 1 kb, 3 ks = 1 lb, 5 ks = 1driesl. Hekel die motiewe aan mekaar soos jy vorder, of voltooi eers al 165 motiewe en hekel dit dan aan mekaar – versprei die kleure eweredig, met een van motief 2 in elke ry. Onthou om die drade weg te werk soos jy vorder. So hekel jy MOTIEF 1 Hekel 30…

Alles begin met ’n illustrasie, sê Victoria Verbaan, die kunstenaar, illustreerder en ontwerper agter Victoria Verbaan & The Smoking Daxi, ’n ontwerpateljee wat alle vorme van kreatiwiteit vier. Tans sluit die produkreeks in materiale en muurpapier, kunsafdrukke, opdragkunswerke, keramiekwerk, handsakke, syserpe, sambrele en strooikussings – en de laaste produk spog met daardie onmiskenbare Verbaan-styl in gebleikte pastelskakerings en sagte lyne. ‘My ateljee is die plek waar ek pret het. Dis ’n feëverhaal maar ook fiksie. Weerspreking. Mode. Natuur. Emosie. Maar niks is ooit te ernstig nie. Ek werk deur ’n magdom inhoud vir inspirasie: boeke, blogs, tydskrifte, gesigte, kleure, Moeder Natuur en die fantastiese vensteruitstallings by die afdelingswinkel Bergdorf Goodman. Ek is mal oor uitdagings en sal totaal verlore wees sonder my werk,’ sê Victoria, wat skone kunste studeer het…

Elkeen by die sessie ontvang ’n sak met geskenke van onder andere Granny Goose en Graham Beck. • Ontwerp jou eie trouwapen en maak ’n lino-stempel waarmee jy al jou kaartjies, spyskaarte en dies meer kan versier EN • Leer hoe om papier-papawers vir jou bruidsruiker te vou en af te werk BESPREEK NOU! KAAPSTAD Simondium’s Country Lodge DATUM: Saterdag 25 April 2015 PRETORIA Stephnie’s, Lynnwood DATUM: Saterdag 9 Mei 2015 TYD: 9.30 vm. (begin om 10 vm.) PRYS: R395 per persoon BESPREKINGS: Bespreek by Marweya Smal by 021 408 3040 of marweya.smal@media24.com. • Besprekings word bevestig sodra betaling ontvang is.…

Elke stekie is ’n drukkie Een kielie, ’n krapperigheid en toe begin ek jeuk – die naaldwerkgogga het my gebyt! Van kleins af het die garingkaartjies wat in kleurkodes gerangskik is, my gefassineer. Ek het my ma se My Lady’s Own Assorted Pin Box bewonder en het die naald fyn dopgehou soos hy op en af deur die materiaal ryg en elke keer by ’n verskillende plek uitkom. Deesdae ryg my hart saam met die naald deur die verskillende materiale. Ek het ’n waardering vir iets moois, nie net omdat dit my asem wegslaan nie, maar omdat ek weet elke stekie verteenwoordig ’n drukkie. En waar kruip die tevredenheid van ’n klaargemaakte kombers weg? By ’n sewejarige dogtertjie wat omvou is met duisend drukkies! Ena Stegmann, Kroonstad SPEEL NOU NOG…

LIMPOPO • 1-3 Mei Die jaarlikse Haenertsburg-koswyn-en-bierfees behels koswerksessies en demonstrasies deur bekende sjefs, wynproeë, boetiekbier en ’n plattelandse mark. Bel 082 370 8567 vir meer inligting of maak ’n draai op die webwerf foodandwinefestival.co.za. WES-KAAP • 2-3 Mei Die Riebeekvallei-olyffees is ’n toonvenster vir die bekroonde olyfolies, olyfprodukte en wyne van die vallei. Dit word tussen 9 vm. en 4 nm. gehou en kos R100 per persoon. Gaan na riebeekvalley.info vir meer inligting. • 28-30 Mei Die South Peninsula Handcraft Centre bied ’n tentoonstelling in die burgersentrum in Vishoek aan. Van borduur-, brei- en hekelwerk tot kralewerk en papierkuns is te sien. Toegang is R5 vir volwassenes; kinders onder 15 betaal nie. • 29-31 Mei Ontwerpers, handwerkers en vakmanne stal hulle produkte by Made in the Cape in Cavendish…

Wanneer jy by ’n konsultasieagentskap werk waar jy mense help om hulle eie kreatiewe stempel af te druk, hetsy aanlyn of in die regte wêreld, besef jy dat selfontwerp (customisation) – oftewel, om jou eie ontwerper te wees – tans een van die warmste ontwerp-giere ter wêreld is. Nie lank gelede nie was dit nog net groot name met vet beursies soos Nike en Levi wat met pasgemaakte ontwerp geassosieer is. Vandag is ’n magdom ondernemings egter deel van die tendens, juis omdat dit so gewild is. Een onlangse plaaslike voorbeeld van ‘skep jou eie ontwerp’ was Magnum Pleasure se pop-upwinkel in Cavendish Square, Kaapstad, waar mense hulle eie roomys kon ontwerp. Die tekstielgroep Design Team voorsien klante weer van laslappies en vra dat hulle hul ontwerpe op Facebook deel.…

Jy benodig • 72 x 39 cm selfbedrukte bont materiaal • 72 x 39 cm kaliko • bypassende masjiengare • 20 m katoenkoord (4 mm) • 2 ronde rottanghandvatsels (17 cm in deursnee) LET WEL Alle naattoelatings is 1,5 cm. Knip die koord in 20 x 1 m-lengtes, vou elkeen in die helfte en knoop 10 aan elk van die rottanghandvatsels vas met ’n riemslagknoop. Knoop net onder die ry riemslagknope ’n ry platknope, met twee pare koorde vir elke knoop. Vir die tweede ry platknope, slaan die eerste paar koorde oor en begin knoop met die tweede en derde pare, 5 cm onderkant die vorige ry. Knoop laastens ’n derde ry platknope 5 cm onderkant die vorige ry – begin met die eerste en tweede pare koorde. Wanneer die…

Spek met PLATBROOD Genoeg vir: 4-6 Bereidingstyd: 1 uur, plus rystyd Baktyd: 15 minute Oondtemperatuur: 220 °C Deeg 250 g steengemaalde witbroodmeel 50 g rogmeel 8 ml kitsgis 15 ml olyfolie Bolaag 6 baba-aartappels, in dun skyfies gesny (of gebruik skyfies sampioen) 250 g goeie gerookte spek – koop dit by jou plaaslike slagter of deliwinkel 200 g crème fraîche of suurroom ’n knypie varsgerasperde neutmuskaat 50 ml fyngekapte platblaarpietersielie 125 ml dungesnyde rooi-ui vars roket, vir garnering 1 Deeg Meng die twee soorte meel, kitsgis en 2 ml sout. Voeg 175 ml louwarm water en die olyfolie by en meng dit goed deur. Knie dit met die hand of in ’n voedselverwerker met ’n deeghaak tot die deeg glad is en wegtrek van die kante van die bak. Bedek…

* MOEILIKHEIDSGRAAD: Gemiddeld *TYDSDUUR: Oor 2 dae Jy benodig foto-uitdruk (sien stap 1) geblokte skilderdoek akriel-jelmedium modge podge of handwerkvernis handwerkkwassie lap Kies ’n mooi swart-en-wit of kleurfoto en draai dit met jou rekenaar se ‘flip’-funksie om sodat dit spieëlbeeld is. Druk die foto volgens die grootte van jou skilderdoek uit op ’n laserdrukker (nie inkstraaldrukker nie). Ons doek is A4-grootte. Sny die wit rand om die foto af, indien verkies. Verf ’n ruim laag akriel-jelmedium eweredig oor die skilderdoek aan – ons het Dala se Acrylic Gel Medium gebruik. WENK As jy onseker is oor hoeveel jelmedium jy moet aanwend, kan jy eers ’n oefenlopie op ’n ander oppervlak as jou doek doen. Plaas jou foto met die fotokant na onder op die doek en vryf lugborrels of kreukels…

SKEP KONTRAS OORKANT Speel met teenstellende kleure teen ’n pienk agtergrond. Liggroen en -blou werk albei mooi by pienk, en tikkies goud is ook ’n goeie keuse. Rusbank (R5 900) en strooikussing (R450) van Space For Life. ‘M’-lig (R599,95) van Typo. ‘O’-letter (R65) van Onsite Gallery. Perd-afdruk (R315) van Essie Letterpress. Geraamde kunswerk van goue leer (R6 840) van Imagenius. Aanhaling in wit raam en roos-notabord in ornate raam (R69,99 elk) van Mr Price Home. Lasergesnyde aanhaling (R100) van Elsje Designs. Klein proteaprent (R140) van Abode. Flaminkprent (R75) van Elke Designs. Mat (R6 800) van Gonsenhauser’s Fine Rugs. SPEEL MET VERF HIERDIE BLADSY Eksperimenteer met verskillende verftegnieke om ’n moderne voorkoms te skep. Verf die agtergrond pienk en verf dan rofweg ’n wit blok bo-oor. Hang jou prente in hierdie…

Poppie-borsspelde * MOEILIKHEIDSGRAAD: Gemiddeld * TYDSDUUR: Oor 2 dae Jy benodig ou naaldwerkpatrone borsspeldknippies dik veselkarton hars epoksigom modge podge kwassies handwerkmes en snymat papierkoppie of ’n ander weggooibare houer roomysstokkies tandestokkies So maak jy 1 Soek op die internet vir mooi naaldwerkpatrone, druk dit in die verlangde grootte op gewone rekenaarpapier uit en knip dit eers net rofweg uit. (Ons poppies is 6 cm hoog.) 2 Verf ’n laag modge podge oor die veselkarton, sit die uitgeknipte prentjie daarop en vryf dit met jou vingers glad. 3 Laat die prent droog word en verf dan nog ’n laag modge podge bo-oor om dit te seël. Laat dit weer droog word en verf nog ’n laag modge podge oor. 4 Sny die prent versigtig al langs die buitelyn uit die…

Grootte Borsmaat 81-86(91-97;102-107) cm Werklike rondommaat by onderrand 88(99;110) cm Lengte tot by skouer 66(68;70) cm Mounaat 12 cm Jy benodig • 10(11;12) 50 g-bolle Rowan Purelife Organic Cotton DK in Natural kleur no. 086 • 3,25 mm- en 3,75 mm-breipenne • 2 knoplose 3,25 mm-breipenne • kabelpen LET WEL Aanwysings vir die kleinste grootte word gegee, met die groter groottes tussen hakies (). Waar net een getal gegee word, verwys dit na al die groottes. Afkortings Spanning 22 ste en 30 rye = 10 cm oor ks-pat met 3,75 mm-penne. Agterpant Stel 145(157;169) ste op met 3,75 mm-penne. 1e ry (RK): R12(17;21), * aw2, (r1 adl, aw7) twee keer, r1 adl, aw2, r1 adl, (aw7, r1 adl) twee keer, aw2 *, r41(43;47), her van * tot * nog een…

Skryf aan Ideesen stuur jou brief per e-pos aan ideesred@media24.com met ‘Jul idees’ in die onderwerpveld, of faks dit na 021 408 3046. Onthou asseblief om jou adres en telefoonnommers by te sit. Die skrywer van dié maand se wenbrief ontvang ’n geskenk van SENSAI wat die produkte uit hul Shidenkai-haarsorgreeks bevat. Die produkte is geskep om drie funksies te vervul – om hare volume te gee, dit te versterk, en haarverlies te verminder. Dit is geformuleer met Koishimaru Silk EX, wat die kopvel sowel as die hare hidreer en sodoende help voorkom dat die kopvel voortydig verouder en die hare uitval. Die geskenk is R1 935 werd.…