Indholdsfortegnelse for 01 May 2015 i Landbouweekblad

Tydens sy onlangse besoek aan Suid-Afrika het pres. Robert Mugabe verskeie omstrede uitlatings gemaak. In ’n kommentaarstuk sê Beeld sy uitsprake dat Suid-Afrika Zimbabwe se voorbeeld moet volg wat grondhervorming betref, is so verregaande dit verdien skaars kommentaar. Wat veral kommerwekkend is, is pres. Jacob Zuma se napratery van hierdie diktator wat berug is om sy menseregtevergrype. Die laaste ding wat Zuma moet doen, is om ’n man na te praat wat sy eie land oor die afgrond gestuur het en rasseverhoudings vernietig het. ’n Strydlustige Zuma het tydens ’n ontmoeting gesê Suid-Afrika se swart meerderheid moenie skaam wees om hul politieke mag vir ekonomiese gewin of bemagtiging te gebruik nie. Hy meen swart Suid-Afrikaners slaan nie genoeg munt uit die feit dat die ANC die Parlement beheer en die…

ARTIKELS & RUBRIEKE ■ Verbeterings aftrekbaar vir boedelbelasting ■ Vindingryke melkboer tap krag uit water ■ Streng keuring op suurveld dra vrugte ■ Jong boer ploeg met vriende se kennis ■ Familiesaak boer ná 60 jaar steeds vooruit ■ Soos ’n dief in die dag én nag GESIN ■ Boerekos: Hou jou lyf bakker WILD Of die sogenaamde wildborrel gaanbars of nie, wild bly’n lonende bedryf. Ons berig volledig oor die sakesy van wildteling en praatmet’n kenner oor hoe die huidige neigings van skaars wild en kleurvariante die jagbedryf gaan beïnvloed.…

DIE MAUSER, ’N BOBAASGEWEER Die voortreflikhede van die Duitse Mauser-geweer word deur prof. Felix Lategan, vuurwapenliefhebber, besing in die rubriek “Die Boer en Sy Roer” in Landbouweekblad van 24 Mei 1985. In die 1890’s, kort voor die uitbreek van die Anglo-Boereoorlog (1899-1902), het die Transvaalse regering altesame 37 000 Mausers en 20 miljoen patrone uit Duitsland aangekoop. Kommandant-generaal Piet Joubert het net versoek dat die reguit grendelhandvatsel teen die houtlaai omgebuig word sodat dit nie die perderuiters, wat die geweer omhang, beseer nie. Die Vrystaat het ook sowat 13 000 van dié gewere aangekoop. Die Mauser was destyds die modernste militêre geweer in Europa. As die geweer warm geskiet is, bly dit hanteerbaar, want die loop is met ’n volle houtlaai en -bostuk tot voor beskerm. Die patrone was so…

ANDERS as wat onlangs in die media berig is, is die risiko dalk nie so groot dat ’n grondeis in KwaZulu-Natal mnr. Charl Senekal se groot private projek vir die opwekking van hernubare energie in Pongola in die wiele kan ry nie. Hoewel vier gemeenskappe dreig om die projek, wat uiteindelik 16,5 MW uit suikerrietreste gaan opwek, in die wiele te ry as hul grondeise nie spoedig aandag geniet nie, meen Senekal se seun, André, ’n oplossing vir die geskil is in sig. Die Senekal Boerdery besit meer as 10 000 ha in die noorde van KwaZulu-Natal en het nagenoeg 5 000 ha suikerriet onder besproeiing. “Al vier gemeenskappe rondom die stuk grond wat ons vir die aanleg geoormerk het, het reeds grond ontvang uit vorige grondeise. Die huidige struikelblok…

’n Verkeerde foto is per abuis geplaas in die plek van Bonsmara VV 05-294, wat onlangs as Landbouweekblad, SA Stamboek en Bonsmara SA se Elite-platinumkoei aangewys is (LBW, 10 April, bl. 37). Bonsmara VV05-0294 verskyn op foto 1 (links onder). Hierdie Elite-platinumkoei behoort aan mnr. Frans van den Berg en sy dogter, me. Helmien Haddad, van Op-die-aarde-Bonsmaras, Reivilo. ’n Onvoldoende foto is ook van mnr. Kerneels Janse van Rensburg van die plaas De Vereeniging se Beefmaster Eliteplatinumkoei geplaas (LBW, 24 April, bl. 42). Hier is die regte foto, foto 2 (regs onder). Van Rensburg se produksieveiling is op 14 Julie. Skakel 082 651 2793. Landbouweekblad korrigeer graag onjuisthede in artikels en nuusberigte. Stuur inligting so gou moontlik na publikasie aan Izak Malherbe, Landbouweekblad, Posbus 1802, Kaapstad 8000; e-pos: malherbe@landbou.com; faks…

DIE ongekende geleenthede in Afrika oor die loop van die volgende dekade is die grootste bedreiging vir voedselsekerheid in Suid-Afrika. Só sê die ekonoom dr. Roelof Botha (INLAS). Hy het die Malmesbury-landbouvereniging toegespreek. Volgens hom is dit ontstellend dat Afrika oor 60% van die wêreld se hulpbronne beskik, maar net sowat 5% van die wêreld se voedsel produseer. “Of die Chinese, Indiërs, Suid-Afrikaners of selfs Afrika nou self die dryfkrag gaan wees, dit gáán verander. Water is die skaarsste ding ter wêreld en Afrika suid van die Sahara het ongelooflik baie water. Ek weet sommer instinktief as jy reg boer en jou kant bring met transformasie, wag daar ’n mooi toekoms op die landbou.” Hy sê infrastruktuur in Afrika word reeds opgeknap, wat dit aantrekliker maak om sake op die…

NUWE metodes om wol se koolstofspoor te meet, sal daartoe lei dat die vesel se evaluering as ’n omgewingsvriendelike produk veel gunstiger sal wees as met die huidige metingsmetodes wat wol benadeel, sê die Internasionale Woltekstielorganisasie (IWTO). Nuwe wetenskaplike navorsing toon dat daar groot verskille in die metingsresultate vir wol is. Die rede is dat die uitslag afhang van watter metode gebruik is om die uitwerking van die wolskaap se twee produkte (wol en vleis) op die omgewing van mekaar te onderskei. Die navorsers het voorgestel dat nuwe maatstawwe gebruik word omdat soveel boerderye wol én vleis of wol en melk saam produseer. Die voorstel is dat die uitwerking op die omgewing gemeet word volgens die proteienbehoeftes van die verskillende produkte, wat sal toon dat wol ’n veel kleiner spoor…

3D-drukker-kos en skandeerders wat kos op die rakke se voedingwaarde wys, wink in die toekoms vir die voedselverwerkingsbedryf. Ook seewier, mikro-alge en insekte kan as alternatiewe voedselbronne gebruik word, meen Rabobank. Dié internasionale landboubank sê in ’n verslag, “What’s Cooking in Tomorrow’s Kitchen”, nuwe tegnologie en vernuwings, soos 3D-gedrukte kos, alge en insekte as proteïenbron, nuwe draagbare tegnologie en aanlyn-toepassings, is almal ontwikkelings op die rand van ’n deurbraak om die mark drasties te verander. Die voedselverwerkingsbedryf loop deur onder ’n gebrek aan groei, prysdruk vanaf kleinhandelaars en veranderende gewoontes van verbruikers. “Tradisionele, statiese verbruikerspatrone het ’n omwenteling ondergaan. Ons glo verbruikers het nou drie groot oorwegings met die aankoop van voedsel: Volhoubaarheid, gerief en gesondheid,” verduidelik me. Jelle Groot, ’n Rabobankontleder. “Deur hierdie oorwegings te verstaan en die regte…

Ek het die Paasnaweek en skoolvakansie die voorreg gehad om die hoofskeidsregter te wees in die nasionale proewe vir Suid-Afrika se skaakspan. Ek sal met alle eerlikheid sê dit kom naby aan die moeilikste rol wat ek nóg moes vervul. Nie eens die raadgewende verantwoordelikheid by PSG met meer as R200 miljard se bates kom naby die druk wat hierdie week op my geplaas is nie. Kyk, daar is niks waaroor ’n ouer so passievol is soos sy kinders nie. En by skaak glo elkeen dat sy kind gaan die volgende Bobby Fischer of Garry Kasparof wees. Niks mag in die pad staan, of die moontlikheid hê om in die pad te staan, van die ouers se drome vir hul kinders nie. As jy die een is wat hulle dink…

LIGGING Elliot,Oos-Kaap AANTAL HEELTYDSE WERKERS: 90mense KORTOM ■ Slagplase manipuleer nie vleispryse nie, sê ’n deurwinterde eienaar en bestuurder. ■ Inkomste uit die vyfde kwart gee meer bedingingsmag en stel slagplaaseienaars in staat om beter pryse vir boere aan te bied. ■ Die nadeel van die vyfde kwart is dat die prys kwaai wissel – van week tot week. As dit nie vir die inkomste uit die vyfde kwart was van vee wat geslag word nie, sou min slagplaas-eienaars vandag kop bo water kon hou. Só sê mnr. Murray Andrews (49), mede-eienaar en bestuurder van die Andrews-slagplaas op Elliot, ’n geregistreerde slagplaas met ’n hoë omset. Maar dit lyk ook asof die vyfde kwart, waarvoor die boer nie regstreeks vergoed word nie, ’n goudmyn kan wees as die verskillende dele…

As ’n deel van ’n kamp afgebrand het, moet vee aan die hele kamp onttrek word, anders gaan die diere op die gebrande deel konsentreer en dit oorbenut, wat ernstige veldagteruitgang sal veroorsaak. Kampe wat net gedeeltelik in die herfs, winter of vroeë lente gebrand het, kan wel bewei word voor die gebrande dele begin uitloop. Party navorsers meen as minder as 10% van ’n kamp gebrand het, kan die hele kamp wel bewei word en daardie deel aan oorbeweiding opgeoffer word. As meer as 10% van ’n kamp gebrand het, moet die hele kamp rus of die gebrande deel afgespan en van beweiding weerhou word. Dit is egter nie altyd prakties moontlik of ekonomies regverdigbaar vir die boer nie. Die koste kan veel hoër wees as wat dit die…

MIELIES Mieliepryse het stewiger geëindig vanweë die swakker dollar en kommer oor droë weerstoestande in dele van Amerika. Die groot wêreldmielievoorraad het verdere stygings beperk. Die Amerikaanse departement van landbou raam die aanplanting van mielies in Amerika op 36,1 miljoen hektaar, wat ’n rekord is. Die Amerikaanse oes word op 361,1 miljoen ton beraam – 3% meer op ’n jaargrondslag. Verbruik sal na verwagting 302,15 miljoen ton wees – effens hoër op ’n jaargrondslag. Die kleiner vraag na mielies vir die produksie van etanol word teengewerk deur ’n groter vraag vir voer. Uitvoer word op 71,12 miljoen ton beraam. Die Internasionale Graanraad (IGR) raam die 2014/’15mielieoes op 992 miljoen ton – 1 miljoen ton meer as in die vorige jaar. Plaaslike pryse het hoër geneig vanweë onsekerheid oor die oesvooruitsig.…

WENNERS! WENNERS! Oplossing van blokrassial no. 1330 Die wenner van R250 is: Anlie Dietrichsen, Posbus 508, Standerton 2430 WENNERS! WENNERS! Oplossing van blokrassial no. 1331 Die wenner van R250 is: Tossie van Drop, Huis Wittekruin, Vredenburg 7380 DWARS 5. Besorg (5) 7. Heeltemal alleen (7) 8. Motreën (5) 9. Pense (3) 10. Na buite (3) 11. Varswatervis (5) 12. Van geringe waarde (13) 15. Skort (5) 16. Manlike skaap (3) 18. Slaanding (3) 20. Gedurig kerm en kla (5) 22. Onnut (7) 23. Ongesteurdheid (5) AF 1. Flikflooi (5) 2. Buitengewone begaafdheid (5) 3. Al jouende agtervolg (5) 4. Antibioties (13) 5. Soort kleinvee (3) 6. Daglumier (7) 11. Danig (3) 13. Knellende (7) 14. Hulde (3) 17. Islamitiese heilige stad (5) 18. Katagtige roofdier (5) 19. Huidversiering (5) OPLOSSING…

MISDAAD Ikarus deur Deon Meyer Uitgewer: Human & Rousseau. Prys: R270 Deon Meyer se nuwe misdaad-en-spanningsroman sal nie sy aanhangers teleurstel nie. Die gekwelde speurder Bennie Griesel is terug en werk kort voor Kersfees saam met sy kollega Vaughn Cupido aan ’n hoëprofiel-moordsaak. Maar terwyl die Valke nog vae leidrade opvolg, begin bieg ’n bekende jong wynmaker teenoor ’n Kaapse advokaat oor sy verbintenis met die vermoorde… *Landbouweekblad plaas binnekort ’n volledige resensie oor Ikarus. KORTVERHALE Kamee deur Roela Hattingh. Uitgewer: Human & Rousseau. Prys: R175 Die bundel Kamee bevat 24 kortverhale waarin die spreker of protagonis dikwels ’n vrou is en onderskeidelik die klem lê op emosies, soos verlange, verlies, liefde, begeerte en wraak. Roela Hattingh is ’n bekende in literatuurkringe as outeur van akademiese artikels en kopieskrywer wat…

met die winter wat stadig nader kruip, word ’n mens lus vir aandkos met iets om die lyf. Eergisteraand het ek besluit om ’n eisbein te maak. Soos dit maar gaan op ’n plaas, val daar ’n paar goed voor en ek kom eers donker by die huis. Seën die Fransman wat in die 1600’s die stoompot ontdek het . . . Ek het met die idee van kolahoender in my kop geloop en besluit om iets soortgelyks met die vark te probeer. Lemoen is mos heerlik saam met vark. Die liter Fanta in my yskas is daarom vir aandete ingespan. En wat ’n aangename verrassing was die eindproduk nie – murgsag en klewerig met ’n lekker sitrusgeur! Ek het ’n paar speserye bygevoeg vir ekstra oemf en verder het…

Daar is ’n keuse wat die hele mensdom se toekoms bepaal. Dit is óf ’n geval van uitmekaarskeur en verswak óf saamstaan en sterk word. Is dit makliker gesê as gedaan? Soms is dit onvermydelik dat mense se paaie skei. As die ego’s te groot word en hebsug oorneem, is “verdeel en kry jou koers” die beste keuse. Jy kan jou keuse regverdig deur te sê: “Dit was ter wille van oorlewing dat ek dit moes doen.” Miskien is jy reg, of dalk bedrieg jy jouself. Wie sal weet, behalwe die Here en jyself? Soek die eenheid in Christus. Bring bymekaar wat bymekaar hoort. Daarteenoor is die opsie om saam te stry vir die goeie en só sterker te word. Die prediker het gesê: “Twee vaar beter as een. As…

Internasionaal: Die gemiddelde prys van mielies het met 1,8%, oftewel $2,64/t (R31,82/t), gedaal tot $147,47/t (R1 778/t). Op ’n jaargrondslag is dit 25,2%, oftewel $49,61/t (R598/t), laer. Verwagte pryse: Mei – $148,26/t (R1 787/t), Julie – $150,86/t (R1 818/t), September – $153,77/t (R1 854/t), Desember – $157,47/t (R1 898/t). Plaaslik: Die Safex-prys vir wit mielies het met 1,9%, oftewel R48/t, gedaal tot R2 543/t. Geel mielies het met 0,2%, oftewel R5/t, gestyg tot R2 385/t. Op ’n jaargrondslag is dit 19,1%, oftewel R602/t, laer vir wit mielies, terwyl geel mielies 10%, oftewel R265/t, laer is as in die ooreenstemmende tyd verlede jaar. Internasionaal: Die gemiddelde prys van koring het met 4,3%, oftewel $8,26/t (R99,57/t), gedaal tot $184,49/t (R2 224/t). Op ’n jaargrondslag is dit 26,4%, oftewel $66,13/t (R797,13/t), laer. Verwagte…

Mnr. Wandile Sihlobo (foto), ekonoom by Graan SA, het verlede week ’n klein verligting in die brandstofprys vir volgende maand voorspel. Verlede week se berekeninge het getoon dat die prys vir petrol op 6 Mei 2015 met sowat 15c/ℓ behoort te daal en die prys vir diesel met sowat 19c/ℓ. “Die internasionale olieprys, sowel as veranderinge in die wisselkoers het sover tot ’n oorverhaling in die plaaslike prys bygedra,” sê Sihlobo. Hy sê die rand is op sy swakste vlak teenoor die dollar weens ongunstige plaaslike en internasionale faktore. Suid-Afrika ervaar die grootste elektrisiteitskrisis sedert 2008 en op die internasionale front plaas die sterk dollar voortgesette druk op die rand. Teleurstellende Chinese handelstatistiek het ook verdere druk op die ekonomie geplaas. Aan die anderkant is die Brent-ruolieprys gesteun deur ’n…

APRIL UPINGTON 30 April2 Mei, Upington landbouekspo. Vee: (Nasionaal: Van Rooy; Streek: Dorper en Meatmaster). Beeste: (interras). Boerboelkursus en skou, jeugskou. Hein Swart, sel 082 783 4866, of Kosie Spangenberg, sel 082 487 5281. JULIE LUTZVILLE 30 Julie1 Augustus, Lutzvilleskou. (Streek: Dorper en Wit Dorper), BenedeOlifantsrivierperdekampioenskap. Perde, 083 398 0899. Kraampies, 083 620 2294. Epos: jeanetteafox@gmail.com. POTCHEFSTROOM 311 Augustus, AgriWorkslandbouekspo. Trimpark, Potchefstroom. CADEK Media, tel. 021 854 4700, web: www.agriworks.co.za, epos: info@cadek.co.za. AUGUSTUS GEORGE 2729, Outeniquaskou. Saalperdklubskou, Kaapse Boerperd, SA Boerperd en algemeen, André, sel 072 510 0099. Melkbeeste, Nico, sel 083 635 9907. Vleisbeeste, Tinnie, sel 083 367 8596. Angusveiling, Leon, sel 082 335 3094. Jeugskou, Jurie, sel 082 333 6646. Skape, Pieter, sel 082 825 3890. Pluimvee, Willie, sel 072 905 5858. Huisvlyt, kraampies, Susan/Dennis, sel 082 881…

Babcock het 22 takke wat toerusting verskaf, en vyf onafhanklike handelaars landwyd wat die hele Suid-Afrika van ’n volledige reeks onderdele voorsien, en veldspanne wat vinnig op kliënte se navrae reageer. Dit stel die maatskappy in staat om in vennootskap met sy kliënte op te tree vir die gebruiksduur van hul toerusting. Babcock bedryf twee opleidingsaanlegte wat ’n reeks kursusse vir groepe, vakleerlinge en private kliënte aanbied. Veiligheid is die belangrikste aspek in elke faset van Babcock se werk. Die toepaslike veiligheidstandaarde word in elke stuk toerusting ingebou om die operateur én die toerusting te beskerm.…

800 M. Wêreldwyd ly meer as 2 miljard mense aan wanvoeding en meer as 800 miljoen is nie in staat om daagliks die vereiste kalorieë in te neem nie. Volgens mnr. Wayne Witthöft van die SA Vereniging vir Suiweltegnologie sterf 2,2 miljoen mense, van wie die meeste kinders is, ook jaarliks aan diarree-verwante siektes weens besoedelde kos. 14 M. ’n Lorrie met 448 byekorwe daarop het ’n week terug chaos op ’n snelweg noord van Seattle in Amerika veroorsaak toe dit omgeslaan en gerol het. Die korwe het elk tussen 26 000 en 30 000 bye in gehad en volgens CBS se nuusdiens is altesame 14 miljoen bye op motoriste losgelaat. Byeboere het soveel moontlik probeer red. 15% Die landbou is Afrika se grootste ekonomiese sektor en met ’n omset…

‘Diegene wat die navorsing doen, is junior personeel wat nie agtergrond in navorsing het nie.’ Me. Nomfundo Gobodo, hoof grondeisekommissaris. Bl. 17 ‘Die wêreld oor is daar mense wat dit doen, met allerhande soorte strategieë. Jy het nie glifosaat nodig nie; dis net ’n kruk.’ Mnr. Grame Sait, Australiese gewaskonsultant, oor Roundup. Bl. 14 ‘Wit mans moet opstaan en hulself beskikbaar stel om die gemeenskap te herstruktureer sodat dit ’n beter een vir ons almal is.’ Mnr. Julius Malema in gesprek met boere. Bl. 14 ‘Boerdery in Suid-Afika gaan drasties verander, en die tyd van klein enkelboer-boerderye raak minder.’ Mnr. Dawie Roodt, bl. 16 ‘Ek is bekommerd daaroor dat die Wes-Kaapse minister van ekonomiese aangeleenthede verlede jaar gesê het slegs 1,6% van die grond in die provinsie behoort aan nuwe…

DIE Regering sê die land se drie grootste probleme is werkloosheid, armoede en ongelykheid. Daarom is dit onverklaarbaar dat hy soms deur sy eie optrede en wetgewing dié probleme vererger. ’n Sprekende voorbeeld is die verandering aan arbeidswetgewing wat werkgewers verplig om tydelike werkers ná drie maande se diens as heeltydse werknemers te beskou. Hulle moet dieselfde voordele ontvang as heeltydse werkers. Die Vryemarkstigting het, voordat hierdie Wysigingswet op Arbeidsverhoudinge in werking getree het, gewaarsku dat dit arbeidsmakelaars uit die arbeidsmark sal dwing en veroorsaak dat nóg 254 000 mense hul werk gaan verloor. Dít terwyl een uit elke drie mense in die land – wat in staat is om te kan werk – in elk geval nie werk het nie. Die doel met die wetgewing is edel omdat dit…

DIT is “onsinnig” om te sê jy kan nie sonder glifosaat winsgewend gewasse verbou nie, het mnr. Graeme Sait (INLAS), Australiese konsultant wat in grond- en plantgesondheidspesialiseer, op’nseminaar op Potchefstroom gesê. “Oor die wêreld heen is daar mense wat dit vermag met allerhande soorte strategieë. Jy het nie glifosaat nodig nie. Dis net ’n kruk.” Sait het vandeesmaand vier seminare in Suid-Afrika aangebied saam met sy Suid-Afrikaanse vennoot, Zylem, en die Amerikaanse Brookside-laboratorium. Sait, wat biologiese boerdery voorstaan, is al jare lank ’n uitgesproke lid van die anti-glifosaat-kamp. Hy haal gereeld die bevindings van die Amerikaanse emeritus-wetenskaplike Don Huber aan. Hy het onder meer beweer glifosaat maak mikroorganismes in die grond dood. Suid-Afrikaanse boere, net soos hul eweknieë in die meeste ander voorste graanproduserende gebiede, het in die jongste jare…

1 NAMIBIË | Beter weiveldbestuur ’n Nasionale weiveldbestuursbeleid en -strategie is twee jaar gelede deur Namibië se kabinet goedgekeur. ’n Koördineringseenheid het dit pas begin implementeer. Die eenheid moet alle aksies om weiveld te bestuur en bosindringing te bestry op nasionale en streeksvlak koördineer en bevorder om nasionale beleid ordelik te implementeer. Met Namibië wat weer ’n droogte beleef, is dit belangriker as ooit om bosindringing te bekamp sodat weiding kan verbeter. ’n Ondersoek in 2010 het getoon indringerbosse het sowat 30 miljoen ha se weiveld ingeneem en meerjarige grasse baie laat afneem. Naas die drastiese afname in drakrag, is die afloop van water na riviere en damme, en die aanvul van ondergrondse bronne, baie nadelig geraak. Erosie kom op 90% van Namibië se grond voor. Dié verslag het die…

’N Opwindende kanola-opbrengskompetisie, voorafgegaan deur twee kleiner Wes-Kaapse kompetisies, kan die kanolabedryf help om groter opbrengste en meer aanplantings te bereik. Dié aankondiging is onlangs deur mnr. Gerhard Scholtemeijer, voorsitter van die Proteïennavorsingstigting (PNS), by die Wes-Kaapse departement van landbou op Elsenburg gemaak. “Dit is vir ons belangrik dat die tonnemaat oor die volgende paar jaar aansienlik groei,” het Gerhard gesê. “Toe ons 20 jaar gelede met kanola begin het, het ons gedroom oor die dag wat ons dit op 50 000 ha plant. Verlede jaar het ons so na as dêmmit aan vloek aan 100 000 ha gekom. Teen 2020 wil ons by 150 000 ha uitkom en binne die volgende dekade by 200 000 ha.” Volgens Gerhard het hulle in Amerika, Kanada en Suid-Amerika gesien watter waarde opbrengskompetisies,…

In die afgelope 18 jaar (1996-2013) het biotegnologie-gewasse ’n bykomende 441,4 miljoen ton voedsel, vesel en veevoer op bestaande landbougrond opgelewer. ’n Studie deur die landbouadviesdiens Brookes and Barfoot (2015) dui daarop dat ’n ekstra 132 miljoen ha konvensionele gewasse nodig sou wees om dieselfde tonnemaat te produseer as daar nie GM gewasse was nie. ’n Onafhanklike studie deur die Duitse ekonome Klumper en Qaim verlede jaar het getoon dat die algemene aanvaarding van GM-tegnologie die gebruik van plaagbestrydingsmiddels met 37% verlaag het, oeste met 22% verhoog het en boere se wins in die beursie met 68% laat toeneem het.…

AUSTRALIESE wolboere produseer deesdae al hoe meer sterker wol, terwyl die produksie van fyner wol stadig afneem. ’n Ontleding van die Australiese woltoetsinstansie se toetsresultate toon ’n geleidelike toename in sterkwol vir die tydperk November 2013 tot November 2014. Van die sterkwoltipes toon skerp stygings, soos 29 mikron en 30 mikron wat met 32% gestyg het. Die rede is dat meer wolboere ’n strategie van ’n gemengde skaapboerdery met wol- en vleisskape begin volg weens die relatief hoë pryse vir lammers en vleis. Kenners meen dié neiging gaan voortduur en dat sterkwolproduksie gaan toeneem namate die tweede en derde geslag kruisrasskape geskeer word. Benewens die goeie pryse vir vleis en lammers, behaal sterkwol deesdae ook stewige pryse, danksy ’n groter vraag na meer duursame kleding. Volgens mnr. Peter Akcroyd, hoof…

Varkboere kan gerus daaraan dink om mieliestronke as deel van hul voermengsel te gebruik, sê dr. Arnold Kanengoni, voedingkundige van die Landbounavorsingsraad (LNR). Dit kan koste help bespaar én winsmarges verhoog, sê Arnold, wat sy doktorsgraad in veekundige wetenskappe aan die Universiteit Stellenbosch verwerf het. Hy is ’n senior navorser aan die LNR se Instituut vir Diereproduksie in Pretoria. Hy vind die hoë koste van voer en onderhoud staan dikwels in die pad van boere wat hul kleinskaalse varkboerderye in winsgewende, kommersiële eenhede wil omskep. “Varkboerderye ding om dieselfde reeds beperkte voedingsbronne as mense en die biobrandstofbedryf mee. Mieliestronke is een van die talle onderbenutte moontlikhede wat voedingstekorte in die bedryf kan help aanvul. “Daarom moet ons oorspronklike maniere vind om meer mieliestronke by varkkos te voeg, veral in die…

HOE HET JY BY DIE SLAGPLAAS BETROKKE GERAAK? Toe die rentekoers in die 1990’s tot 28% gestyg het, het ek in my broer Gary se slaghuis op Elliot gewerk. Ek moes uitspring en het twee jaar lank vir mnr. John Page, eienaar van die Claremont Farm en Elliot Broers-slagplaas in Oos-Londen, gewerk. Twaalf jaar gelede het ek en John die slagplaas op Elliot by Gary oorgeneem. Terwyl ons destyds net sowat 30 beeste en 100 skape per week geslag het, beloop dit nou onderskeidelik 250 beeste en sowat 700 skape per week. WAAR IS JUL AFSETGEBIED? Die hele Transkei en Lesotho, van Kokstad tot by Adelaide en van Aliwal-Noord tot by Oos-Londen en al die dorpe. Die winkelgroepe Shoprite, Checkers en Spar is deel van ons kernbesigheid. Ons verwerk die…

WAT WAS JOU BESTE BOERDERYBESLUIT TOT NOG TOE? Om my diere se genetiese gehalte te verbeter deur stoetbulle by my kommersiële koeie en verse te gebruik, en om vas te stel watter stelsel die beste in ons toestande werk en daarin te spesialiseer. WATTER TEGNOLOGIE BESKOU JY AS ONONTBEERLIK IN JOU BOERDERY? ’n Skaal en rekenaartegnologie by ons werktuie. WIE IS JOU MENTOR? My pa en die natuur. WAT IS DIE GROOTSTE FOUT WAT JY AL IN DIE BOERDERY GEMAAK HET? Om nie konsekwent te wees met praktyke wat in hierdie omgewing werk nie. WAT IS DIE BESTE RAAD WAT JY TOT NOG TOE GEKRY HET? Wees mededeelsaam met jou medemens, maar vrek suinig met jou tjekboek.…

Van drupbesproeiing tot revolusionêre landboubestuurstelsels – Israel is alombekend as ’n wêreldleier in landbouvernuwing. Dit is natuurlik ook ’n land met ’n ryke geskiedenis, en Israel se heilige plekke lok jaarliks miljoene besoekers van reg oor die wêreld. Moenie Landbouweekblad se unieke 9 dag lange toer na die Heilige Land in September misloop nie. Praat met die boere en navorsers wat die woestyn laat blom het, en hoor eerstehands waarom Suid-Afrika se voorste boere Israelse tegnologie inspan om hulle ’n mededingende voordeel te gee! Sien van die wêreld se beste plaastegnologie, praat met van die wêreld se beste boere en navorsers én stap in die voetspore van Christus! Vanaf net R33 805 per persoon wat deel. Alles ingesluit! DAG 1 (30 AUG.) Land op die Ben Gurion-lughawe. Reis noordwaarts na…

VEE DR. FAFFA MALAN OOGONTSTEKING BY LAMMERS Ek het twee bokooie wat elkeen tweelinge gekry het. Gister het ek hulle in die veld gaan haal om kraal toe te vat, toe sien ek een van die lammers se ogies is toe en sy kan nie sien nie. Die oorsaak van die ontsteking in die oog is heel waarskynlik die organisme Chlamydophila pecorum, wat die siektes chlamidiose en ensootiese aborsie veroorsaak. Die ontsteking geskied gewoonlik in albei oë en kan ’n voorloper van gewrigsontsteking wees. Kliniese tekens wissel van ’n waterige tot ’n slymerige, etterige uitloopsel wat die ooglede laat saamkoek. Die oogslymvliese is rooi, en sekondêre bakteriese besmetting kan ook plaasvind. Indien daar ’n verhoogde voorkoms van oogontsteking is, is dit raadsaam dat die veearts monsters neem en laat ontleed…

Beesvleis Wellington Ek maak al vir baie jare een van my gunstelingsjefs, Gordon Ramsay, se resep vir beesvleis Wellington. Dit was nog nooit nodig om ’n beter resep te soek nie, want hierdie een, hoewel eenvoudig, werk elke keer en smaak heerlik. Beesvleis Wellington is een van daardie geregte wat moeiliker lyk as wat dit eintlik is om te maak. As jy jou familie en vriende wil beïndruk sonder om te stres in die kombuis, is dit die resep vir jou. Boonop kan jy 90% van die werk vooraf doen. ■ 400 g sampioene, grof gekap ■ Sout en vars gemaalde swartpeper ■ Olyfolie ■ 750 g heel beesfilet ■ 30 ml aangemaakte Engelse mosterd ■ 6-8 dun snye Parmaham (sien kombuiswenk) ■ 500 g skilferkorsdeeg ■ Meel, om te…

‘Ek het in die afgelope agt jaar wel ’n paar foute langs die pad gemaak, maar is bly om te sê ek het uit elkeen geleer.’ Karin de Villiers was kleintyd al ’n entrepreneur wat haar sakgeld in haar pa se apteek en fotodiens op Durbanville verdien het. Sy het gehelp sakkies maak waarin films gepos word, medisynebotteltjies gewas en gedroog en in matriek, nadat sy haar rybewys gekry het, het sy ses leerders op pad skool toe opgelaai en elkeen R5 per maand gevra vir die saamry. Karin is 30 jaar gelede met Jean getroud en het haar onmiddellik in die boerdery uitgeleef. Sy het 12 jaar lank die melkery vir haar man behartig en in die proses haar een vinger in ’n kopklem verloor. Sy het ook kunsmatige…

VIR koringboere in die oostelike deel van die Suid-Kaap-streek het die nuwe planttyd knap begin, terwyl boere in die res van die winterreëngebied eers in Mei sal begin saai. Maar hoe lyk landboutoestande en die mark-, aanbod- en vraagomgewing waarin hulle boer? Ná ’n droë somer het boere by Heidelberg en Swellendam slegs 30 mm tot 40 mm reën in April gekry. Die Swartland ervaar tot dusver baie droë toestande, dog boere meen dit kan beteken dat plae dié groeityd minder sal wees. Volgens die Maart-verslag oor vraag- en aanbodramings vir Suid-Afrika word verwag dat die vraag na koring vir plaaslike gebruik en uitvoer altesame 3,43 miljoen ton sal wees. Dit sluit in sowat 3,11 miljoen ton en 20 000 ton wat onderskeidelik vir menslike en dierlike gebruik verwerk sal…

GAUTENG CARLETONVILLE ELANDSVLEI (249), 16 ha, aan J.A. Saunderson, van D.J. Venter, R750 000. KOOKFONTEIN (545), 120 ha, aan Bengapath (Edms.) Bpk., van Doc Farming Supplies BK, R5 500 000. NIGEL MODDERFONTEIN (76), 26 ha, aan Gauteng- Provinsiale Regering, van Assetgrow Inv. 10 (Edms.) Bpk., R24 500 000. VLAKFONTEIN (556), 581 ha, aan Dipaliseng-munisipaliteit, van P.F.H. Engelbrecht, R13 680 000. PRETORIA LANGKUIL (13), 21 ha, aan M. Briel, van M. Steenkamp, R400 000. BOVENEIND GROENFONTEIN (126), 23 ha, aan M. Gotta en I. Saverio, van John Main-trust, R2 350 000. KAALFONTEIN (513), 19 ha, aan Randquip (Edms.) Bpk., van Royal Anthem Inv. 81 (Edms.) Bpk., R1 850 000. KWAZULU-NATAL HELPMEKAAR HUDDERSFIELD (3319), 215 ha, aan P.J. Immelman, van A.E. Heine, R3 900 000. NEWCASTLE KLIPPLAATDRIFT (43), 688 ha ; en…

Brahman-stoeterypryse het gedurende die eerste kwartaal van 2015 bestendig gebly, ondanks swak klimaatstoestande in groot dele van Suid-Afrika. Op verskeie veilings is veral ’n goeie vraag na teeldiere ervaar. Die pryse van koeie met kalwers het die meeste verras. ’n Gemiddelde prys van sowat R18 300 stuk is op verskeie veilings gehandhaaf. Dragtige koeie het ook ’n styging getoon en is teen gemiddeld R17 900 stuk verkoop. Tydens die Sale of the Roses-veiling is ’n rooi vroulike dier teen die hoogste prys van R50 000 aan mnre. S. Kaitjizemine en A. Kavari van Windhoek, Namibië, verkoop. Die verkoper was Bonvu Brahmane van Vereeniging. Verse het gemiddeld R23 000 stuk behaal. Die vraag na bulle is bestendig. Tot dusver het bulle ’n gemiddelde van R30 600 stuk behaal, soortgelyk aan verlede…

ONBEKEND . . . ONBEMIND, GP, SKRYF: Manie, dis waar, niemand wil alleen wees en niemand wil nie iets vir iemand besonders beteken nie. Ek sal graag netjiese, eerlike, betroubare mans wil ontmoet. Ek is 74, netjies versorg en het geen afhanklikes meer nie. Ek weeg 50 kg, is 1,6 m en het blonde hare. Ek hou van alles wat sin maak. Mans, 74 tot 76, kan van hulle laat hoor. ASHOOP, W.KP, SKRYF: Manie, op my ouderdom soek ek eerder ’n maat as ’n man. Ek sal so bly wees as ek ook geluk vind. Ek wil daar wees in plesier en in nood. Ek is 72, geskei, 1,98 m, 60 kg, het blou oë en bruin hare. Ek behoort tot die NGK. Ek luister graag na RSG, hou…

Die Hilux het legende-status bereik toe die span van die gewilde BBC-motorprogram Top Gear ’n ou 1988-Hilux-dieselbakkie, wat meer as 305 000 km afgelê het, aan allerhande mishandeling blootgestel het. In hul poging om te sien of die Hilux werklik onvernietigbaar is, het Jeremy Clarkson en sy trawante die Hilux-bakkie ’n vuurdoop gegee: Hulle het dit teen ’n stel trappe af bestuur; teen geboue geskuur en trompop met ’n boom gebots; in die see laat staan vir vier uur; deur ’n tuinhuisie gery; ’n woonwa daarop laat val; die bakkie met ’n sloopbal bygedam en dit aan die brand gesteek. Laastens is die Hilux bo-op ’n hoë gebou staangemaak net voor die gebou gesloop is! Natuurlik het die Hilux nie net in een stuk tussen die rommel oorleef nie, maar…

Mercedes-Benz Suid-Afrika (MBSA) is ’n volfiliaal van die wêreldmaatskappy Daimler AG. Die maatskappy se vervaardigingsaanleg is in Oos-Londen, waar voertuie al sedert 1948 in Suid-Afrika gebou word. Vandag vervaardig MBSA Mercedes-Benz C-klas-motors met regterhandstuur vir die plaaslike mark en linkerhandstuur vir uitvoer na verskeie markte. Mercedes-Benz se kommersiële voertuie en busse, en Mitsubishi Fuso-vragmotors word ook hier gebou, terwyl Freightliner-vragmotors, ’n voorste Amerikaanse handelsmerk, hier aanmekaargesit word. Die maatskapy voer ook ander Mercedes-Benz-passasiersmotors, -vragmotors en -paneelwaenes, asook Smart-motors in, versprei en bemark dit. MBSA se hoofkantoor is in Zwartkop, Pretoria. Mercedes-Benz se Oos-Londen-aanleg het in die afgelope ses jaar deurlopend hoë vlakke van gehalte-vervaardiging gehandhaaf, soos blyk uit die verskeie internasionale J.D. Power and Associates-eerbewyse en die plaaslike Synovate/Ipsos-kliënte-meningsopnames. MBSA se aanleg het die afgelope ses jaar uitgestaan in die…

Vincent van Gogh, een van die 19de eeu se grootste kunstenaars, het aanvanklik min kunstalent getoon. Dit is nogal verstommend, siende dat hy uiteindelik Westerse kuns op sy kop gekeer het en dat sy skilderye deesdae vir honderde miljoene rand verkoop. Van Gogh het egter mildelik vir sy tekort aan talent vergoed met ’n brutale uithouvermoë. Hy het sy tegniek dag en nag lank geslyp, oor en oor, vir jare, tot hy dit finaal onder die knie gehad het. “Groot dinge gebeur as ’n reeks klein dingetjies saamwerk,” het hy opgemerk. ’n Boer in die Oos-Kaap vertel my nou die dag hy bly al vir langer as ’n dekade langs swart boere. Hy help waar hy kan, brand brandbane, help uit met bulle en gee raad wanneer dit gevra word.…

MNR. MURRAY ANDREWS is mede-eienaar van die Andrews-slagplaas op Elliot in die Oos-Kaap. Hy vertel op bl. 36 dat slagplase deesdae al hoe meer van die vyfde kwart vir hul wins afhanklik is. WAAR HET JY GROOTGEWORD? Ek is op Elliot gebore en het matriek aan die Selborne College in Oos-Londen voltooi. Daarna het ek B.Com. aan die Rhodesuniversiteit op Grahamstad gestudeer. JULLE IS STERK IN DIE OOS-KAAP GEWORTEL? Ja. Ek is een van vier kinders. My broer Mark het vir die Springbokke slot gespeel. My pa, Fish, het in die voormalige Transkei handel gedryf en later vir die afslaer Elliot Broers gewerk voordat hy sy eie onderneming op Elliot begin het. My broer Gary is ’n eiendomsagent op Elliot en my suster, Heidi, is ’n prokureur in Kaapstad. VERTEL…

EKONOMIESE groei van 1% of selfs laer kan vir die volgende jaar vir Suid-Afrika verwag word. “Sonder Eskom kon ons ekonomie minstens R300 miljard beter daaraan toe gewees het as nou,” sê mnr. Dawie Roodt, hoofekonoom van die Efficient Groep by Villiersdorp. Roodt was ’n spreker op die vleisbees-boeredag van mnr. Bertus Mong op sy plaas Florina buite dié dorp. Roodt het gesê die elektrisiteitskrisis en stakings berokken Suid-Afrika baie skade, wat veroorsaak dat die land se posisie afwaarts op die wêreld-ekonomiese skaal aangepas word. Suid-Afrika is twee kerwe weg van “rommelstatus”, het hy gewaarsku. Dit is in orde as ’n land se tekort op sy lopende rekening 5% van die ekonomie bedra, maar dan moet dié land ekonomies sterk groei, en dit gebeur nie met Suid-Afrika nie. “Die land…

CLOVER NOTEER IN NAMIBIË Clover is benewens die Johannesburgse aandelebeurs (JSE) nou ook op die Namibiese aandelebeurs (NSX) genoteer. Mnr. Johann Vorster, uitvoerende hoof van Clover, sê die NSX-notering kan Clover se beleggersgrondslag verbreed deur Namibiese beleggers in staat te stel om regstreeks in Clover-aandele te belê. “Die notering sal ook help om verhoudings met Namibiese belanghebbendes te bou, wat vir die Clover-groep belangrik is. Dit geld veral in die lig van ons strategiese langtermynplanne, wat verdere uitbreiding in Afrika insluit.” Mnr. Anthony Clark, ontleder by Vunani Sekuriteite, sê ’n sekondêre notering in ’n ander land hou gewoonlik nie in rand en sent voordele in nie: “Dit gaan meer oor ‘sagte’ kwessies, soos dat ’n maatskappy wat in ’n ander land genoteer is, lyk asof hy hom tot daardie land…

DIE miljoene rande in provinsiale begrotings om opkomende swart boere te steun, moet vir dié doel gebruik word, en nie in die belang van kommersiële boere nie. Só sê mnr. Senzeni Zokwana, Minister van Landbou, Bosbou en Visserye. Swart boere en gemeenskapslede wat die Parlement se imbizo op Oudtshoorn bygewoon het, kla dat bykans geen transformasie plaasgevind het nie. Zokwana sê heelwat mense het ook gekla dat die situasie breekpunt bereik het. Party is op die punt om hul projekte te verloor en het nie voordeel getrek toe hulle onder kuratorskap geplaas is om by medeboere opleiding te kry nie. “Ek is bekommerd daaroor dat die Wes-Kaapse minister van ekonomiese sake verlede jaar gesê het net 1,6% van die grond in die provinsie behoort aan nuwe boere.” Zokwana het gesê…

BIOSEKURITEIT is seker die belangrikste aspek om ekonomiese sukses in enige boerdery te verseker, sê dr. Faffa Malan, bestuurder van die Herkouerveterinêre Vereniging van Suid-Afrika (Ruvasa). Hy het aan Landbouweekblad gesê Februarie, Maart en April is die spitstyd vir siektes wat deur insekte en bosluise aan diere oorgedra word. Die meeste van dié siektes kan met entstof bestry word. Indien veeboere ’n behoorlike program van voorkomende immunisering teen verskeie siektes volg, is daar geen rede waarom hul vee hoef siek te word nie. “Die uitsondering is entstof vir bloutong waarvoor Onderstepoort Biologiese Produkte die alleenvervaardiger is, maar wat die afgelope maande geen entstof beskikbaar gehad het nie,” het Malan gesê. “As boere voorkomend immuniseer, sal siektes nie voorkom nie. Dit is hoekom baie boere geen probleme met siektes in hul…

KORTOM ■ Suid-Afrika gaan weer te min koring verbou om in die plaaslike vraag te voorsien. ■ Die prys gaan egter grootliks sywaarts beweeg, want wêreldwyd is daar genoeg koring. ■ In die noorde gaan koringaanplantings verder afneem. In die Vrystaat gaan dit vir boere waarskynlik lonender wees om sojabone te verbou, en die risiko is laer. Suid-Afrika is besig om ’n al hoe groter invoerder van koring te word. Meer as die helfte van elke brood wat in die land geëet word, bestaan uit ingevoerde koring – hoofsaaklik vanaf die voormalige Russiese republieke. Die land voer tans net minder as 60% van die koring wat hy verbruik, in. Die raming is dat Suid-Afrika in die huidige koringbemarkingsjaar sowat 1,8 miljoen ton koring gaan invoer. Die plaaslike oes in dié…

Menige Afrika-land noord van Suid-Afrika en Namibië het ongekende potensiaal wat wag om ontgin te word deur kundiges, hetsy boere of sakemanne. Landbouproduksie in Angola het in die boekjaar 2013/’14 met 12% gegroei teenoor die vorige boekjaar. Graanproduksie was 1,82 miljoen ton, sowat 10,2 miljoen ton wortel- en knolgewasse is gekweek en die produksie van eiers het van 18 miljoen tot 25 miljoen per maand toegeneem. Daar is dus groot landboupotensiaal in Angola. Verskeie Suid-Afrikaanse maatskappye het reeds hierdie potensiaal raakgesien. Die winkelgroep Shoprite behaal groot sukses in Angola sedert hy sy eerste winkel daar in 2003 geopen het. Vandag is daar 21 winkels in die land wat 3 000 werkgeleenthede geskep het, volgens die groep se webwerf. Ruim 60% van die voorraad word in die land geproduseer. Die beleggingsgroep…

Die bekende Beefmaster-groep het in 1980’s ontstaan toe mnr. Lourie van Reenen ’n voerkraal buite Christiana in Noordwes gevestig het. Die Van Reenens, met Lourie en sy seuns Louw (INLAS) en Roelie saam aan die stuur, het in die middel van die jare 2000 ná marknavorsing vleiskleinhandelswinkels in townships oopgemaak. Township-inwoners is die grootste verbruikers van die nie-winsgewende voorkwart, en naas die reuse opkomende mark, moet die talle shisa nyama-winkels in townships hul mark van vleis voorsien. Louw, wat vroeër vanjaar as voorsitter van die Suid-Afrikaanse Voerkraalvereniging uitgetree het, sê hulle het vroeg in 2004 marknavorsing gedoen om vas te stel hoe om vars vleis by die LSM 4 tot LSM 7-groep (die moderne, opkomende verbruikers) te kry. Daaruit het dit duidelik geraak dat die meeste township-inwoners bekommerd was oor…

Nadat hy stoetbulle by sy kommersiële koeie begin gebruik het, selekteer mnr. Gideon Melck doelgerig vir ’n aantal eienskappe in albei sy kuddes: ■ Raamgrootte. “Ek wil grootraamdiere teel, want hulle aard by my in die omgewing omdat ek geen bergveld het nie, waar sulke groot diere sukkel om te loop. My teelbulle weeg gemiddeld 900 kg.” ■ Melkeienskappe. “Melk maak kalwers groot en niks kan melk se voedingswaarde vervang nie. Koeie moet genoeg melk hê sodat kalwers tot speenouderdom van sewe maande tot agt maande kan suip.” ■ Oogpigment. “Ek soek goeie oogpigment. Herefords en Simmentalers is albei witkoprasse, en veral Herefords is geneig tot wit ooghare wat son weerkaats.” Simmentalers het “brille”, met effens donkerder ooghare. “Albei rasse kan oogprobleme ondervind as jy nie vir goeie oogpigment selekteer…

In die praktyk is dit nie altyd moontlik om ’n stuk gebrande veld vir twee groeitye te laat rus nie. As net ’n klein deel van die plaas gebrand het, kan die riglyne soos in die kassie (“As net deel ’n van ’n kamp gebrand het”) hierbo gevolg word om volle en vinnige ekologiese herstel te verseker. Hoe groter die gebrande dele op ’n plaas is, hoe moeiliker raak dit om veld vir twee groeitye te laat rus. Die boer moet dus sy veld só bestuur dat die langtermynskade tot die minimum beperk word. Praktiese riglyne in so ’n geval: ■ Herbereken die weidingvermoë, verminder vee en beplan vir voeraankope of huurgrond. Verkoop prulle, hamels, osse en tollies en hou net jou produktiewe kernaanteelkudde. Lammers, kalwers en ou diere kan…

Namate die klem verskuif het na produksie per dier het boere bewustelik of onbewustelik begin om diere te selekteer wat geneties geneig is om groter te wees. Te groot diere kan egter nie doeltreffend voortplant op natuurlike weiding nie en dit het gelei tot bestuursprogramme wat nie altyd winsgewend is nie. Met dié is wins per hektaar dikwels op die agtergrond geskuif. Kom ons kyk daarom na die sewe faktore wat die grootste rol speel in die verhoging van ’n boer se wins. Onthou egter dat sukses nie net van een van dié faktore afhang nie, maar eerder van ’n kombinasie van dié faktore. WEIVELDBESTUUR Weiveldbestuur is een van die faktore wat die grootste impak op ’n boer se globale winsindeks (GPI) het. Eerstens moet jy seker maak dat jy…

OPVOUBARE REËNWATERTENK BENUT REËNWATER IN ’N KITS Die EcoWell van Happy Cloud kan maklik deur selfdoeners geïnstalleer word. Die EcoWell is ’n opvoubare vaatjie of tenk van UV-bestande plastiek. Dié stelsel is by verskeie kleinhandelaars beskikbaar in twee groottes, 200 liter (60 cm in deursnee x 70 cm hoog) en 600 liter (98 cm x 70 cm), en het die nodige toebehore om die houer by die afvoerpyp van ’n geut aan te bring. Die grootste voordeel is dat dit ná die reënseisoen afgeslaan en gebêre kan word. NAVRAE: Builders Trade Depot, Mackenzie-straat 17, Bloemfontein. Tel. 051 447 3171. SONKRAG-LANTERN NIE NET VIR PERSKES INMAAK NIE Soveel dae, soveel slim planne. Die alombekende glasinmaakfles van Consol is nou ook beskikbaar as ’n sonkraglantern. Dié flesse van 1 liter het ’n…

Suid-Afrikaners is nou maar eenmaal ’n nasie van vleiseters. In die nuwe uitgawe van Landbou Boerekos (Winter 2015) bring ons hulde aan die hoeksteen van ons boerekoskultuur – vleis! Die boek is ingedeel in afdelings vir beesvleis, skaapen lamsvleis, varkvleis, Boerbokvleis, wildsvleis, hoendervleis, volstruisvleis, potjiekos, afval, braai en so meer. In elke afdeling is daar heerlike resepte en nuttige wenke en inligting oor hoe om spesifieke snitte gaar te maak, wat om daarmee saam voor te sit en ook onderhoude met vleiskenners. Ons gesels met ’n paar boere wat sorg dat ons winkelrakke kreun onder ’n verskeidenheid vleis. Landbou Boerekos Winter 2015 kos R45 en is vanaf middel-Mei in supermarkte beskikbaar.…

Op ’n somerse Sondagmiddag, terwyl die sonbesies buite skrou en die hitte in golwe uit die rooi sand slaan, sit ek met ’n yskoue glas witwyn op die kombuisvloer en knip koerante op. Grrts, grrts – deur Nkandla, grrts – deur die chaotiese parlementêre sitting, grrts – deur die weervoorspelling (warm en droog vir die res van alle tye), grrts – deur klimaatsverandering en bergbrande en motorongelukke en moorde en hidrobreking. Met ’n groot, swart skêr en groot genot knip ek lang stroke uit al die bisarre gebeure wat in die voorjaar se koerante vervat is. Dis nou die paar koerante waarop ons ons hande kan lê – Volksblad lewer nie juis af in die Hay-distrik tussen Niekerkshoop en Prieska nie. Dan maak ek ’n bekertjie styselgom aan met meel…

CAPE WOOLS se Merinoaanwyser het op 15 April met 2,1% gestyg en op R113,45/kg (skoonwol) gesluit. Dit is 1,6% hoër as op die openingsveiling en 8,3% hoër teenoor die ooreenstemmende verkope van die vorige seisoen. Op die Australiese mark het die aanwyser met 3,1% teruggesak. Cape Wools se aanwyser vir alle wol het met 1,7% gestyg. Die kopers meen die styging was ondersteun deur die swakker rand. Daar is ’n stewige vraag na goeie, lang Merinowol vanuit China. Plaaslike handelaars meen die kleiner wolvoorraad is voordelig vir wolprodusente wat beter wol aanbied. Die kopers meen die hoër prys was ondersteun deur die swakker rand. Op 15 April was die rand sowat 2,5% swakker teenoor die Amerikaanse dollar (R12,08) vergeleke met die vorige week se veiling en sowat 1,6% sterker teenoor…

DIE Suid-Afrikaanse sigoreilus is nog lank nie geblus nie, sê mnr. Loddie Greyling, landboukundige van Sigorei Suid-Afrika. “Die vooruitsigte vir die 2015/’16-oes lyk goed en ons verwag ’n oes van byna 18 000 ton teenoor die sowat 11 000 ton van 2014/’15. Die mark kan egter nog baie uitbrei en ons wil graag hê die plaaslike produksie moet 20 000 ton verbysteek,” sê hy. Dié maatskappy koop ál Suid-Afrika se sigorei aan. “Daar is nog sowat 2 500 ton sigorei wat moet inkom, voor ons produksietyd teen einde Mei afsluit,” sê hy. Vanweë die Oos-Kaap se gematigde klimaat kan sigoreiboere reeds vroeg weer met aanplantings begin en in Oktober ophou plant. Die oes- en planttyd oorvleuel vanweë die gematigde klimaat. Die bedryf beslaan ’n groot gebied vanaf Patensie in die…

ALGEMEEN 3-4 MEI: Delheim se wilde sampioensoektogte. Delheimwynlandgoed, Stellenbosch. Johan du Toit, tel. 021 888 4600, of epos: info@delheim.com. 7-9 MEI: Studenteekspo. Brooklynwinkelsentrum, Pretoria. Web: www.student-expo.com. 20–31 MEI: TLU SA se inligtingstoer na Georgië vir beleggingsgeleenthede. Bennie van Zyl, sel 082 466 4470, of epos: bennievz@gmail.com. 29-30 MEI: NamakwaWeskusekspo. Vredendalsportterrein. Pikkie Louw, sel 082 566 5880, of epos: pikkie@agrimega.co.za. 30-31 MEI: Delheim se wilde sampioensoektogte. Delheimwynlandgoed, Stellenbosch. Johan du Toit, tel. 021 888 4600. 4-5 JUNIE: Fine brandy fusion. Konferensiesentrum, Sandton. Danie Pretorius, epos: danie@sabrandy.co.za, of info@brandyfusion.co.za. Web: www.brandy fusion.co.za. 1-4 JULIE: Mega Petex. Megapark, Bredasdorp. Pikkie Louw, sel 082 566 5880, of epos: pikkie@agrimega.co.za. 23-25 JULIE: Studenteekspo. Greenstonewinkelsentrum, Johannesburg. Web: www.studentexpo.com. 31 JULIE-1 AUGUSTUS: !Nabakosenwynfees, Upington. Sonja, sel 082 410 7669. Web: www.nabafoodandwine.co.za. 27-30 AUGUSTUS: Kaapse Blommerykekspo. Megapark, Bredasdorp.…