Indholdsfortegnelse for 05-May-17 i Landbouweekblad

Die Departement van Water en Sanitasie het in die 2015-’16-boekjaar onreëlmatige uitgawes van R1,8 miljard aangegaan en R60,3 miljoen aan vrugtelose en verkwistende uitgawes, volgens mnr. Kimi Makwetu, die Ouditeur-Generaal. Van die onreëlmatige uitgawes het 74% verband gehou met betalings aan ’n kontrakteur wat deur ’n amptenaar aangestel is. Makwetu het aangedui vertragings in bouwerk lei tot miljoene rande se bykomende onkoste omdat kontrakteurs wat op só ’n grondslag aangestel word, vir hul tyd betaal word. Nou wil die burgerregtegroep die Organisasie vir die Beveg van Belastingvergrype (OUTA) dié bevindinge verder ondersoek. Die organisasie glo maatskappye en amptenare kon swakhede in die verkrygingstelsels vir water-infrastruktuur uitgebuit het om hulself te verryk. “Ons is uiters versigtig en maak staat op inligting van fluitjieblasers. Hier is waar die groot geld lê. Veral…

GELD WAT VERLIGTING aan die droogtenood van boere en diere moes bring, het skynbaar eerder in ’n verrykingskema vir diensverskaffers ontaard. Die Regering kon steeds nie ’n presiese uiteensetting gee van die beweerde R2,5 miljard wat vol-gens pres. Jacob Zuma se staatsrede vir droogtehulp bewillig is nie. Die hulp wat boere ontvang het, kom glo nie naby aan dié bedrag nie. ’n Sterk vermoede van bedrog en korrupsie met die aanstelling en dienslewering deur kontrakteurs wat droogtehulp aan boere moes verleen, het Agri SA nou genoop om die Openbare Beskermer en die Ouditeur-generaal te vra om ondersoek in te stel. WINSGELEENTHEID Landbouweekblad het vasgestel dat die Departement van Landbou, Bosbou en Visserye nie toestemming wou verleen dat ’n koeponstelsel ingestel word as maatreël om te verseker dat die bewilligde geld…

DA AR lê steeds ’n lang en onsekere winter vir veeboere in Kwa-Zulu-Natal voor, al het goeie somerreën, veral in Februarie, die droogte in die noorde van Suid-Afrika gebreek. Mnr. P.J. Hassard, ’n beesboer van Hluhluwe, sê hy sny tans vir die eerste keer in drie jaar hooi op sy plaas. “Die weiding wat weens die droogte die afgelope drie jaar beskadig is, gaan nie in een seisoen herstel nie. Daar is beslis meer weiding as verlede jaar hierdie tyd, maar dit gaan steeds ’n lang winter wees. “Die meeste boere het ook oor die afgelope paar seisoene hul kuddes aansienlik verklein en baie geld bestee om hul diere te voer. Kontantvloei gaan dus ’n knelpunt wees, want kuddes moet weer opgebou word.” Mnr. Greg Carter-Brown, ’n melkboer van Creighton,…

LESERS moet bedag wees op moontlike skelmstreke wat uit advertensies kan voortspruit en moet geen geld oorbetaal voor hulle nie seker is van die geldigheid van ’n transaksie nie. In die jongste moontlike voorval waarsku mnr. Jono Dent, ’n boer van Pietermaritzburg, dat hy aansoek om finansiering gedoen het na aanleiding van ’n advertensie in Landbouweekb l a d se geel bladsye. “Na vele onderhandelinge oor die leningsbedrag wou die finansier hê ek moes eers R20 000 in sy rekening inbetaal voordat die transaksie kon voortgaan. Ek het snuf in die neus gekry en die hele transaksie laat vaar.” Hy sê wat hom veral bekommer het, was dat die potensiële finansier weggeskram het van enige ontmoeting in sy kantoor. Voorbeelde waar boere al ingeloop is met advertensies was byvoorbeeld ’n…

SSuid-Afrika se koringinvoer het 2 062 765 ton in die 2015-’16-bemarkingsjaar beloop. In dieselfde bemarkingsjaar het Suid-Afrika tot en met week 28 reeds 1 063 115 ton koring ingevoer. Koringinvoer het vir die eerste 28 weke van die 2016-’17-bemarkingsjaar (Oktober tot September) slegs 426 271 ton beloop. Tot dusver is 119 147 ton koring via Suid-Afrika na sy buurlande ingevoer. Suid-Afrika het tot dusver 56 863 ton koring van Suid-Afrikaanse oorsprong na sy buurlande toe uitgevoer. Tot op hede is 636 844 ton koring minder oor dieselfde tydperk ingevoer as in die ooreenstemmende tydperk in die vorige bemarkingsjaar. Indien die koringinvoertempo van Mei tot September sou toeneem, kan dit bykomende druk op Suid-Afrika se uitvoerinfrastruktuur plaas om die wenslike 1,4 miljoen ton mielies tydens die bemarkingsvenster tot einde September vanjaar…

Roekelose en ondeurdagte uitlatings deur onder meer politici dra by tot ongunstige stereotipering en veralgemenings oor boere, veral wat arbeidspraktyke betref. Mnr. Kobus Visser van Agri SA se landelike veiligheidskomitee sê dit is frustrerend dat voorvalle aan boere toegedig word, terwyl dit by nadere ondersoek bevind word dat die betrokke mens(e) nie boer nie. Hy noem as voorbeeld ’n geval waar ’n plaaswerker naby Tzaneen deur ’n windbukskoeël getref is wat afgevuur is deur ’n persoon wat blou-ape probeer verjaag het. Mediaberigte het verkondig dat ’n boer daarvoor verantwoordelik was, terwyl dit inderwaarheid iemand was wat bloot ’n stuk grond gehuur en daarop gebly het. “Goed word aan boere toegedig wat van alle waarheid ontbloot is,” sê Kobus. Soortgelyke gevalle dra verder by tot ongunstige sienings en kan moontlik tot…

‘Boere moet dus seker maak dat hul veebelading ooreenstem met hul plase se weidingkapasiteit, en besef dat die veld in hierdie stadium baie vatbaar is vir oorbeweiding. Almal is dankbaar en bly ná die goeie reën, maar funksioneer die weiding-ekostelsel wel optimaal in al die weivelddele van Suid-Afrika? Watter letsels het die droogte agtergelaat, is die vraag wat veeboere hulself moet afvra. Watter veeproduksiestelsel en weiveldbestuur die situasie kan verbeter, is ook belangrik. Ná die afgelope paar jaar se rampdroogte-toestande was boere besonder opgewonde oor die milde najaar-reënval. Waar die droogte kaal oppervlakke gelaat het, is die grond weer met plantegroei bedek. In party dele steek net die heinings se punte uit. Hoewel dit ’n mens opgewonde maak, is dit juis hierdie plantegroei wat misleidend kan wees wat produksie betref.…

GOEIE SPEENKALFPRYSE LAAT TWYFEL Volgens mnr. Neville Schefermann, ’n beesboer van KwaZulu-Natal, maak die huidige speenkalfprys die besluit om beeste langer op die veld te hou en vet te maak, baie moeilik. “Daar is beslis ’n groeiende mark vir vleis van vrylopende diere en die verbruiker se begrip en agting van die bedryf verander. Hulle soek meer as net goedkoop vleis. Een van my buurmanne het ’n maand gelede ’n vier jaar oue os vir R20 000 verkoop. Daar is dus ’n mark vir diere wat op die veld groot- en vetgemaak word. Maar ons almal se boerderye is ingerig vir die speenkalfmark en dit is net ’n klein deel van die verbruikers wat die prys van vleis van vrylopende diere kan bekostig. Ek doen dus navorsing om te kyk…

WAT IS JUL RESEP VIR SUKSES? Ons werk hard, ons werk saam en op tyd. Ons kan uithou en aanhou. Ons sê altyd ons is nie naellopers nie, maar langafstandatlete. Ons klem is op goeie bestuur, veral finansiële bestuur. Ons monitor ons finansies maandeliks en kyk nie net aan die einde van die jaar wat oor is nie. WAT SÊ JULLE VIR ANDER MENSE WAT SO IETS WIL AANPAK? Gryp die geleentheid aan as jy dit kry en gebruik dit. Jy gaan dit dalk nie gou weer kry nie. Nie almal is so gelukkig soos ons om die geleentheid te kry nie, daarom moet jy dít wat jy het, gebruik.…

PLAASONTBYT OP MAKOADI Anna Moeoka werk al vir 28 jaar by die Joubert-familie op Makoadi, ’n groot groenteplaas met ’n varsproduktemark net ’n klipgooi buite Clocolan. Gaste wat op Makoadi oorbly, lê in die oggende weg aan Anna se rojale Vrystaatse plaasontbyt, wat sy met trots en ’n groot glimlag op haar vrolik gedekte tafels voorsit. En wat is ’n Vrystaatse ontbyt sonder mieliepap? Anna se ryk, romerige slappap (wat sy met melk kook en wat met botter en suiker bedien word) en donsige krummelpap, met tuisgemaakte tamatiesmoor, boerewors en eiers, is ’n treffer. “Om goeie krummelpap te maak, gooi jy die meel, kookwater en sout in ’n pot en jy roer dit. Dan maak jy die pot toe en laat hom lank stoom, vir drie tot vier uur,” verklap…

DIE insekoordraagbare siektes wat probleme veroorsaak het, is knopvel-, drie-dae-stywe-, bosluisgal- en perdesiekte, asook bloutong. Siektes wat deur bosluise veroorsaak is en wat in Maart deur veeartse by die Herkouerveterinêre Vereniging van Suid-Afrika (RuVASA) aangemeld is, is Afrika- en Asiatiese rooiwater, hartwater, bosluisgalsiekte en knopvelsiekte. Dr. Faffa Malan, bestuurder van RuVASA, sê dié siektes sal afneem namate die winter aanbreek. “Dit is nietemin nou die regte tyd om reeds vir volgende somer planne te beraam deur ’n bestuursprogram saam met ’n veearts uit te werk. Die meeste siektes kan voorkom word deur jou diere in te ent,” sê hy. Die TABEL som die siektes op wat in die verskillende provinsies aangemeld is. INWENDIGE PARASIETE Parasiete floreer wanneer dit goed reën. Daarom is verskeie veevrektes weens inwendige parasiete aangemeld, veral haarwurms.…

AANSIENLIK MEER PLAASLIKE KATOEN VERWAG Die plaaslike katoenoes vir 2016-’17 word op 75 040 bale vesel beraam, wat 47% meer is as die vorige seisoen. Die derde skatting in April was 1% laer as die skatting van die vorige maand. Volgens Katoen SA se nuutste markverslag toon droëlandhektare ’n toename van 320%, hoofsaaklik weens die beskikbaarheid van die katoen-“stripper”. Dié oesmasjientegnologie is nou suksesvol vir katoenboere gedemonstreer. Die verwagting is dat 72 173 bale van die Suid-Afrikaanse katoenpluksel gelewer sal word. Dit is ’n styging van 45% teenoor die vorige seisoen. Die balans van 2 000 bale vesel is die verwagte oes wat in Swaziland geplant en deur die Swazilandse pluismeule gepluis sal word. Wat die internasionale situasie betref, het aanplantings in die Noordelike Halfrond in April begin. Die Internasionale…

GAUTENG PRETORIA BOVENEIND GROENFONTEIN (126) 23 ha, aan Rawr Inv. (Edms.) Bpk., van Wilkinson-familietrust, R1 400 000. KWAZULU-NATAL PIETERMARITZBURG HILTON(12304)24ha,aan Edmabex (Edms.) Bpk., van Rich Rewards Trading 142 (Edms.) Bpk., R1 500 000. HOPEWELL (881) 716 ha, aan Embo Emfeni-gemeenskapstrust, van Mbatha-familietrust, R11 000 000. LIMPOPO MODIMOLLE BEESTPOORT (569) 541 ha, aan Halm Beleggings (Edms.) Bpk., van Werk & Bid Boerdery, R8 300 000. KAFFERSKRAAL (168) 600 ha, aan Waterberg Bestuursdienste (Edms.) Bpk., van Palala Boerdery-trust, R3 500 000. PAARDEPLAATS(378)343ha, aan G.P. Meijer en W. Meijer, van M.W.P. van der Walt, R3 800 000. PAARDEPLAATS(378)343ha, aan Mosokodi Business-trust, van G.P. Meijer en W. Meijer, R4 400 000. ROEDTAN HOLLANDSDRIFT (15) 29 ha, aan JW Dreyer-trust, van D.C. en E.C. Strydom, R1 600 000. SOEKMEKAAR VRYSTAAT(437)116ha,aan MCW Boedery, van Timber-trust, R1700000.…

FRIESPERD RAS WEN VELD Ten spyte van minder perdeverkope bly belangstelling in die Friesperdbedryf steeds goed. Mnr. Leroux Botha, voorsitter van die Suid-Afrikaanse Friesperdtelersgenootskap, sê die aantal telers en lede van die genootskap het die afgelope jaar met rasse skrede toegeneem. “Daar is sowat 200 telers van Friesperde in die land, met ’n totale Friesperdkudde van sowat 1 600 perde. Dit beteken dat daar jaarliks van 160 tot 180 vullens gebore word. Die belangstelling in Friesperde is baie goed. Ons sien dit in die aantal navrae wat ons van belangstellendes af kry.” Minder perde van dié ras is vanjaar teenoor verlede jaar verkoop. Botha sê dit is weens ’n verlangsaming in die ekonomie, asook ’n groter aanbod van Friesperde. “ ’n Perd bly ’n luuksheid en met die swak ekonomie…

Merinolandskaap, Ayrshire, Santa Gertrudis, Angus. Vir alle rasse, provinsiale en streekskampioenskappe, skoue, vertonings en veilings, besoek www.bloemskou.co.za of skakel APRIL BLOEMFONTEIN 27 April -7 Mei, Bloemskou. Nasionale kampioenskappe: SA Saalperd, Miniatuurperd, Friesperd, Merino Classic, 051 4489 894/5/6. MEI CARNARVON 12-13, Carnarvon se landbou-en-vliegekspo. Kleinvee, slaglammers, vliegtuie. Hennie Jordaan, sel 083 485 0464. Annemarie Mostert, sel 072 735 0082. AUGUSTUS LUTZVILLE 3-5, Lutzville-skou. Skaapkampioenskap en Benede-Olifantsrivier se perdekampioenskap. Melanie Agenbag, jeanetteafox@gmail.com, sel 083 620 2294, 072 269 9440. OKTOBER CRADOCK 26-28, Cradock-skou.SA Saalperd-streekskou , Walliese Ponie-klubskou, Kaapse Boerperd: Colin Moolman, colin. moolman@afgri.co.za, sel 082 928 0389. Merino, Dorper, Boerbok, Persie, Angora, slaglamkompetisie, Merino-kuddekompetisie: Hendrik Opperman, sel 082 325 5748. Streek: Oos-Kaap: SAVM: Koos, sel 082 400 4935. Stalletjies: Elmarie Barkhuizen (skousekretaresse van Cradock-landbougenootskap), sel 074 603 1407. Jeugskou: Heyla Meyer,…

Die Nampo-Oesdag by Bothaville het verlede jaar meer as 75 000 besoekers oor die vier dae gelok en die organiseerders is vol vertroue dat selfs meer mense vanjaar die skou sal bywoon. Senwes sal deur Senwes Grainlink verteenwoordig word. Die uitstalling wil die geheime van graan en graanbemarking ontrafel. As besoekers gewonder het hoe ’n silo van binne lyk en wat dit aan die gang hou, kan hulle die Grainlink-uitstalling besoek om ’n skaalmodel van ’n silokompleks te besigtig. Kom geniet die fassinerende 360 ˚- ervaring wat jou ’n kykie sal gee na die algehele graanhanteringsaktiwiteite wat binne só ’n silo plaasvind. RAAD EN DAAD Oudergewoonte sal ’n kundige span graanverkrygers byderhand wees om boere van advies te bedien en die nuutste graanpryse en verwagte neigings te bespreek. Besoekers kan…

74 In die 2016-’17-boekjaar was daar 357 bevestigde plaasaanvalle en 74 plaasmoorde, volgens AfriForum se navorsingsinstituut. Die organisasie het kort voor druktyd ’n verslag uitgereik oor toenemende geweld teen boere, en het ook ’n petisie met 175 000 handtekeninge teen plaasmoorde aan die Presidensie by die Uniegebou in Pretoria oorhandig. Landbouweekblad berig volgende week meer hieroor. — Afriforum R420 000 Vrystaat Landbou het met sy Dryf vir Veiligheid-gholfdag R420 000 ingesamel ten bate van die organisasie se veiligheidsfonds. Dit is R100 000 meer as wat verlede jaar ingesamel is. Die gholfdag is deur VKB aangebied. Mnr. Henk Vermeulen, uitvoerende hoof van Vrystaat Landbou, sê die geld sal gebruik word vir beveiliging en samewerking met die polisie. — Vrystaat Landbou 14 Die landboudienstemaatskappy Afgri besit nou 14 takke in die Australiese…

‘Wat het die sink van duur boorgate te doen met werklike droogtehulp aan die boere?’ MNR. OMRI VAN ZYL, Uitvoerende direkteur van Agri SA, oor regeringsteun tydens die droogte. Bl. 15 ‘Die onsekerheid oor die uitkoms van die hersiening in die koringtariefformule is onbillik.’ MNR. WESSEL LEMMER, Absa-ekonoom, oor die druk wat die wagtyd vir die tariefhersiening op die bedryf plaas. Bl. 26 ‘Hierdie vertraging het ’n groot verlies aan inkomste en die groei van die ekonomie in die omgewing veroorsaak.’ MNR. LEON BASSON, DA-parlementslid, oor die vertraging wat me. Nomvula Mokonyane, die Minister van Water en Sanitasie, se inmenging by bouwerk aan die Clanwilliamdam veroorsaak het. Bl. 15 ‘Die wettiging van handel in renosterhoring begin reeds veroorsaak dat die verkopers ’n premieprys vir hul diere verwag.’ MNR. RIEMPIES VICTOR…

KOOP SÓ DIE REGTE PLAAS ’n Plaas is waarskynlik die duurste enkele belegging wat ’n boer ooit maak. Dit is daarom raadsaam dat ’n voornemende plaaskoper hom of haar deeglik voorberei en presies weet waarop om te let voor tot die koop oorgegaan word. Só sê mnr. Kevin Leo-Smith, boer en besturende direkteur van ’n eiendomsagentskap in Pietermaritzburg. Hy sê ’n voornemende plaaskoper moet allereers duidelikheid hê oor veral die volgende: ■ Waarom wil hy of sy ’n plaas koop? ■ Waarom wil hy of sy ’n plaas in daardie besondere deel van die land koop? ■ Hoeveel geld het hy of sy om ’n plaas te koop en te bedryf? ■ In watter soort boerdery stel hy of sy belang? ■ Watter hulpmiddele word vir die betrokke boerdery benodig?…

DIE genoteerde voedselverwerker Pioneer Foods is een van die eerste slagoffers van Suid-Afrika se rommelstatus. Die maatskappy het onlangs bekend gemaak dat onderhandelinge oor ’n groot transaksie met ’n multinasionale maatskappy stopgesit is ná die graderingsagentskappe Standard & Poor’s (S&P) en Fitch se besluit om Suid-Afrika af te gradeer. Die maatskappy sê in ’n verklaring aan aandeelhouers op die JSE-nuusdiens Sens dat dié gebeurtenis en die moontlikheid van verdere afgraderings veroorsaak het dat onderhandelinge oor die beoogde transaksie in hierdie stadium gestaak is. Pioneer het aanvanklik op 7 Maart sy aandeelhouers in ’n omsigtigheidskennisgewing ingelig dat hy genader is om te onderhandel oor ’n transaksie wat ’n invloed op die aandeelprys kon hê as dit aanvaar en deurgevoer word. Die maatskappy het toe gesê die onderhandelinge is in ooreenstemming met…

SUID -AFRIK A se groeiende groep plaaseienaars van kleur besit in verskeie provinsies die grond met die grootste potensiaal vir landbou-ontwikkeling en kosproduksie. Navorsing oor grondbesit wat mnr. Johann Bornman van Agri Development Solutions tans met die samewerking van Landbouweekblad en Landbou.com Landbou.com doen, het reeds gewys dat die profiel van diegene wat landbougrond besit, sedert 1994 beduidend verander het. Daarby het swart eienaars – wat die potensiaal van grond betref – meer as die helfte van Suid-Afrika se grond in hul be-sit, en wat waarde betref, 24,5%. Bornman verduidelik dat grondbesit op drie wyses uitgedruk kan word: ■ Die oppervlak in hektaar; ■ Die geldwaarde van die grond; en ■ Die intrinsieke waarde of potensiaal van die grond. Hierdie potensiaal word uitgedruk as die drakrag per hektaar per grootvee-eenheid.…

PRES . Jacob Zuma se gesloer met die ondertekening van die wysigingswetsontwerp op die Finansiële Intelligensiesentrum (FIC) kan rampspoedige gevolge vir Suid-Afrika inhou. Mnr. Daniël Kriel (foto), uitvoerende hoof van Sanlam Private Wealth, sê dit kan tot ’n uitvloei van kapitaal lei. Volgens hom is buitelandse én plaaslike beleggers huiwerig om te belê as ’n land nie geskikte en internasionaal aanvaarde prosedures teen geldwassery het nie, die bron van rykdom nie bekend is nie en mense geld op ongeoorloofde maniere kan bekom. Vir Suid-Afrika om internasionaal mededingend te wees, moet hy aan internasionale standaarde oor finansiële markte en regulasies teen geldwassery voldoen. Kriel sê deursigtigheid en die openbaarmaking van inligting word wêreldwyd ál meer vereis. Dit is deel van pogings om geldwassery en terreur te bekamp, wat as ’n goeie…

Die Meester van die Hooggeregshof het klarigheid gegee oor die onafhanklikheid van trustees, trustees wat bedank en die deregistrasie van trusts. In sekere hofuitsprake is voorgestel dat familietrusts minstens een onafhanklike trustee moet hê om deel te neem aan die besluitneming van trustees. Die Meester het die voorstel ter harte geneem. Trustees tree op in ’n fidusiêre hoedanigheid, vir én namens al die begunstigdes. Die eienaars van bates in ’n diskresionêre trust is die trustees, maar in ’n fidusiêre hoedanigheid. Trustees moet ook altyd gesamentlik besluite neem, maar onafhanklik van mekaar. Alle Meesters moet by die registrasie van ’n nuwe trust toesien dat familietrusts ’n onafhanklike trustee het. Familietrusts het die volgende eienskappe: ■ Die trust kan kontrakte aangaan en dus krediteure hê; ■ Al die trustees hoef nie begunstigdes…

Plaasmoorde is in Maart vir die eerste keer tydens ’n vurige debat in die Parlement bespreek. Die debat is ter tafel gelê deur die Vryheidsfront Plus en weerspieël die groter verdeling wat oor die onderwerp van plaasmoorde en ook binne die breër Suid-Afrikaanse samelewing heers. Terwyl die DA, ANC en Vryheidsfront Plus grootliks saamstem oor die erns van die probleem van landelike veiligheid, het die EFF en Agang herhaaldelik verwys na gevalle van arbeidsmisbruike op plase, onder meer die Deense dokumentêr Bitter Grapes: Slavery in the vineyards waarin beweerde oortredings van die arbeidswet by die Robertson- en Leeuwenkuil-kelder begaan is. Beledigings is heen en weer geslinger en verskeie afbrekende aanmerkings oor boere kon uit die banke van die Nasionale Vergadering gehoor word. Mnr. Mosiuoa Lekota (foto), leier van Cope, het…

Groter bewustheid van die nadelige uitwerking wat die onoordeelkundige toediening van landbouchemikalieë op die omgewing en mense kan hê, maak navorsing oor doeltreffender tegnologie vir plaagdodertoediening noodsaaklik. Die doeltreffende toediening van plaagdoders kan ’n kleiner uitwerking op die omgewing tot gevolg hê, die wegdrywing van chemikalieë verminder, spuitoperateurs se blootstelling aan die middels verlaag en help om die produkte beter te laat werk, sê dr. Reinhard Friessleben, hoof van Bayer Crop-Science se afdeling vir toedieningstegnologie. Reinhard het op die kleingraanforumdag, wat Bayer CropScience by Kronenburg tussen die Paarl en Wellington gereël het, gesê daar word baie navorsing gedoen oor alles wat tussen die spuitstuk (nozzle) en die teiken (plaag) gebeur. Dit kan verbeter word deur byvoorbeeld die mees gepaste spuitvolumes, spoed van toediening en spuitstukke vir die taak te vind.…

Agri Dwala boer vooruit en het onlangs sy tiende bestaansjaar afgesluit met sy beste oes tot nog toe. Boonop is sy gastehuis ’n gewilde naweekbestemming en die konferensiegeriewe by die gastehuis bly besig met troues en onthale. Oor yskoue blikkies Coke op ’n stofwarm dag buite Napier spog mnre. Marius Engel, Gavin Jaars, Daniel Pieters, Harry Leners en Willem Jansen versigtig met gemiddelde opbrengste van 4,8 t/ha gars, 3,8 t/ha koring en 1,83 t/ha kanola wat hulle verlede jaar behaal het. Mee. Margaret Engel en Evelyn Jansen, die span by die gastehuis, vertel hulle het reeds 30 troues aangebied, die gastehuis is naweke gereeld vol en dit was selfs op televisie. Om alles te kroon het Agri Dwala-aandeelhouers verlede jaar die aandele gekoop van hul jare lange mentors, mnre. Kosie…

Om ysterpale vir ’n gewone beesheining in te slaan, is maklik. ’n Ysterpaal van 1,8 m word eenvoudig van grondvlak af met ’n swaar hamer ingeslaan. Wildheinings is egter ’n perd van ’n ander kleur. Ysterpale daarvoor is gewoonlik 2,4 m tot 3 m lank en jy moet bo-op ’n konka, 210 liter-drom of leer staan om dit by te kom. Dit vertraag die proses, en die mens wat die hamer moet swaai, moet terselfdertyd sy balans op die leer hou. Mnr. Riaan van Wyk, ’n saaiboer van Delareyville in Noordwes, het ná navrae van boere ’n standaardpaalstamper verleng met buispyp wat as handvatsel dien en ’n voetstuk daaraan geheg. Só kan jy lang ysterpale in die grond kap sonder om ’n leer saam te sleep. Riaan se leuse is:…

■ Botter en suiker, om mee voor te sit Meng die mieliemeel, sout en koue water in ’n bak en laat staan eenkant terwyl jy die melk in ’n groot kastrol verhit tot net onder kookpunt. Voeg die mieliemeel-en-watermengsel by die melk en verhit stadig oor lae hitte, terwyl aanhoudend geroer word, tot kookpunt. Laat prut die pap vir ten minste 30 minute, en roer nou en dan om te keer dat dit aanbrand. Roer die botter deur en sit voor met ekstra botter en suiker om oor te sprinkel. Lewer 6 porsies. The Cabin se skons Meer as tien jaar lank is The Cabin Farm Stall and Deli een van die gewildste stilhouplekke in die Oos-Vrystaat. Antoinette Roos, die eienaar, het dit uit vyf verlate plaaswerkershuisies opgebou tot die…

Dié keer spring almal in om die koms van ons vriendin Ansie se Noorsveld-prinsessie, Christina, met ’n spesiale ooievaarstee te vier. Sonder om twee keer te dink, stem ek in om iets te maak, want my man, Jay, is mos ’n boer én ’n sjef. Jansenville wou wys hoe warm sy kan raak en ons het besluit om vars sorbet te maak om die vroue te verkwik. Ek hoop Christina word so geseën dat sy vele reënbuie in die dorre Karoo sal ervaar, dat sy eendag die deursettingsvermoë en geloof sal hê van ’n boer wat op die droogte se einde wag, dat sy so vergewensgesind soos die Noorsveld sal wees ná die reën, wat geel blommetjies uitstoot net waar jy kyk en dat sy die ware hart van ’n…

Ek het ’n kosbare boek by my oupa Bun geërf: Kinderspeletjies van A tot Z, deur Anna de Jager. Sy het nagenoeg 670 speletjies versamel, georden en alfabeties gerangskik, alles van Aanslaan tot Xharrabee-gly (glo amper soos botterboomry, maar op ’n gladde stuk rots wat met aalwynsap gesmeer is). Slangetjie, byvoorbeeld, werk só: “Al die kinders vat hande. ’n Groot seun of meisie is die slang se kop, en die slang word ál skraler agtertoe. Die heel kleinste outjie is die punt van die stert. “Die slang hardloop dan draaie, vinniger en vinniger. Hoe verder ’n mens van die kop verwyder is, hoe doller en moeiliker word dit, veral vir die outjie heel agter, wat sy treë moet rek en letterlik oor die grond sweef. Daardie laaste man het dikwels…

Die uitvoer van Namibiese beeste na Suid-Afrika behels 56% van die markaandeel, met 165 927 diere wat verlede jaar uitgevoer is. ZAMBIË Die Zambiese mielie-oes sal na verwagting in 2016-’17 herstel ná die kleiner oeste die afgelope jaar. Die hoë pryse van en groot vraag na mielies uit sy buurlande sal waarskynlik meer aanplantings in Zambië aanmoedig. Die voorkoms van kommandowurms in die streek kan egter opbrengste verlaag as dit nie behoorlik bestuur word nie. Daar is in die algemeen genoeg mielies sedert die 2015-’16-seisoen in Zambië beskikbaar. Die oordragvoorraad sal na verwagting in die vraag voorsien tot teen die einde van die huidige bemarkingseisoen in April en selfs daarna. Ondanks die groot mielievoorraad en die volgehoue uitvoerverbod, bly die kleinhandelspryse van mielies en mieliemeel hoog. Dit is in ooreenstemming…

Met slegs 3 mm reën wat vanaf Augustus tot Maart in die omgewing van Prins Albert gemeet is, was dit ’n besonder moeilike seisoen vir vyeboere. Die vye-oes op die landgoed Weltevrede was beduidend kleiner, sê mnr. Jaco de Klerk van dié langoed. Weltevrede is een van Suid-Afrika se bekendste vyeboere wat onder meer ’n eksklusiewe verskaffer van Adamsvye aan Woolworths is. “Die boorde wat besproei word, was vanweë die kwaai droogte siektevry en die smaak van die vrugte was baie goed. Weltevrede is egter in die gelukkige posisie om waarde toe te voeg deur vye te droog, konfyt te maak en dit in versnitte produkte aan te wend. Sowat 66% van die oes word op die plaas verwerk. Die vye wat aan Woolworths voorsien word, word op George gelewer.”…

Die volgende ontleding van grondverkope in Suid-Afrika is van transaksies vir grond wat groter is as 10 ha in Limpopo, Gauteng en KwaZulu-Natal vanaf Februarie verlede jaar tot Januarie vanjaar. Gunstige prysneigings is in dié provinsies waargeneem. In Limpopo was 558 ooreenkomste wat 238 378 ha teen R3,144 miljard behels het. Daarvan was 18% transaksies van kleur. Dié soort transaksies sluit in verhandelings tussen individue, regeringsaankope van landbougrond en grond verkry vir stedelike ontwikkeling. Dit het 14,2% van al die verhandelde hektare in Limpopo teen R453 miljoen (14,4 % van die totale waarde) behels. Altesame 195 (35%) van die transaksies was vir grond kleiner as 50 ha. In Gauteng was daar 462 transaksies wat 60 636 ha teen R7,337 miljard behels het. Daarvan was 115 (25%) ooreenkomste van kleur. Meer…

Daar was strawwe mededinging om vroulike diere op die veiling van die Fortress Bonsmara-telersgroep en genooide verkopers op die plaas Fortress, Frankfort, te bekom. Die duurste groep koeie met kalwers (van Fortress) is teen R17 500 stuk aan mnr. Paul Fouché van Randgate verkoop. Koeie met kalwers het gemiddeld R15 532 per paar behaal. Twee groepe dragtige koeie (die een van Fortress en die ander van Mandyville Bonsmara) is teen die hoogste prys van gemiddeld R14 000 stuk verkoop. Die kopers was mnre. Chir Muller van Frankfort en André de Villiers van Bethlehem. Dragtige koeie het gemiddeld R13 036 stuk behaal. Twee lotte dragtige verse (van mnr. Martiens Aveling van Bethlehem en Weshoek Bonsmara) is teen gemiddeld R12 500 stuk verkoop. Die kopers was mnre. André van Zyl van Frankfort…

Dit is moeilik om dit aldag te verstaan. Hoekom Suid-Afrika se rugby so swak geword het, en hierdie byderwetse handel in die toekoms waar geld — soms sommer groot geld — gemaak kan word op grond van wat moontlik in die toekoms kan gebeur. Dat iemand êrens ’n mielie-, sojaboon-, sonneblom- of sorghumoes gaan lewer teen ’n sekere prys op ’n sekere datum, en dat daar op daardie toekomstige vooruitsig geld verhandel kan word. Kompleet met ouens wat jou sal uithelp indien jy nie daardie hoeveelheid mielies teen daardie prys op daardie datum kan lewer nie — natuurlik teen ’n tarief. En dít alles voor daar nog ’n pit in die grond is. Of, soos daar droogweg daarna verwys word, papiermielies. Ja, boere kan ook papiermielies plant. Daar is boere…

‘ONTEIENING SONDER VERGOEDING BESTAAN NIE’ Onteiening sonder vergoeding is ingevolge die Grondwet heeltemal onmoontlik, sê me. Annelize Crosby, regs-en-grondsakeraadgewer van Agri SA. Die afgelope tyd het pres. Jacob Zuma en ander politici gesê die Regering moet kyk na die moontlikheid om grond sonder vergoeding te onteien vir die doel van grondherverdeling. Maar tot die ANC op sy nasionale konferensie in Desember daaroor besluit, bestaan daar nie so ’n beleid van die ANC nie. WILLEM skryf: Ons is reeds ingevolge die Mineraalwet, wat die staat as voog oor minerale aangestel het, onteien. Sand, klip en water is per definisie minerale en dit behoort aan die Regering. Wat koop jy as jy ’n plaas koop? Sand, klippe en hopelik water. Die papiertjie waarop staan “Transportakte” is wat joune is. Jou plaas is…

Dink baie mooi oor jou mielieaanplantings vir die volgende seisoen, waarsku die span van die makelaarsfirma BVG, wat in die westelike somersaaigebied — waar hoofsaaklik wit mielies verbou word — werksaam is. Mnr. Johann Strauss, ontleder by BVG, sê die firma se verhandelaars op Schweizer-Reneke het die afgelope tyd met studiegroepe by Delareyville beraadslaag oor wat wit mielies se winsgewendheid in die volgende produksiejaar gaan wees. Die witmielieprys, selfs in nog ’n groter mate as die geelmielieprys, het die afgelope maande vinnig “rommelstatus” bereik namate ál meer berigte van rekordoeste ingestroom het. Die jongste amptelike oesskatting was selfs groter as die vorige skatting — ’n verwagte mielie-oes van 14,536 miljoen ton, waarvan 8,618 miljoen ton wit mielies en 5,917 miljoen ton geel mielies is. R9/TON WINS Vir talle boere lê…

L ANDBOUTRANSFORMASIE mag nie bloot as uiterlike vertoon gesien word nie. Dít was die boodskap van mnr. Pierre Vercuiel, voorsitter van Agri Noordwes, op Agri Noordwes se onlangse jongboerkonferensie. Vercueil meen transformasie bied geleenthede aan Suid-Afrikaanse boere, maar dan moet hulle dit reg benader. “Die owerhede se uitlatings en die huidige politieke klimaat stem baie boere pessimisties en hulle verlaat die land, maar daar is tog ook geleenthede vir boere wat die regte ingesteldheid het en geleenthede wil benut,” het hy gesê. Hy meen die geleentheid vir boere lê daarin om geleenthede te skep vir diegene wat nie in ’n landbou-omgewing grootgeword het nie. “Transformasie is ’n werklikheid en vir die boer van die toekoms lê daar ’n sakegeleentheid in. Familie-ondernemings is die ruggraat van die Suid-Afrikaanse landbou. Hierdie ondernemings…

 DIE huidige suikerriet-oes gaan na verwagting steeds kleiner as normaal wees, maar produksie is op ’n opwaartse kurwe ná drie jaar van droogte. ‘Die skade wat die droogte aangerig het, veral vir die meer as 20 000 kleinboere, sal nie in een seisoen ongedaan gemaak word nie.’ Mnr. Richard Nicholson, ekonomiese navorsingsbestuurder by Canegrowers, die SA suikerrietkwekersvereniging, sê ’n oes van slegs 16,5 miljoen ton word verwag. Dit is 17% laer as die bedryf se gemiddelde oes van 19,9 miljoen ton per jaar. “Dit is nietemin ’n toename van 10% in opbrengs teenoor die vorige seisoen se 15,074 miljoen ton. Boere met suikerriet op droëland het ’n goeie herstel beleef weens relatief goeie reën oor die grootste produksiegebied. Besproeiingsboere het egter ’n afname van 30% in opbrengs in die noorde…

’N STERK polisiemag was teen druktyd in die Coligny- en Lichtenburg-area ontplooi ná gewelddadige betogings aangeblaas is deur die dood van ’n 12-jarige seun. Party media het berig ’n boer het die kind aangerand en ander dat hy dood is nadat hy van ’n bakkie afgeval het. Mnr. Boeta du Toit, Agri-Noordwes se hoofbestuurder, het gesê ’n boer van die omgewing het wel drie vermeende diewe in sy sonneblomland be-trap en hulle agterop sy bakkie gelaai om hulle na die polisiekantoor op Coligny te neem. Een “dief” het van die bakkie afgespring en sy nek gebreek. “Die betogers het toe van die besighede wat die boer se familie op die dorp besit, geplunder en afgebrand,” het Du Toit gesê, maar daarop gewys dat die eerste protesoptogte reeds voor die gebeurtenis…

1 MOSAMBIEK| Hoenderbedryf gedy oor invoerverbod Die verbod op die invoer van hoender uit Brasilië het die om-set van plaaslike hoendermaatskappye die hoogte laat inskiet. In Tete het plaaslike maatskappye se omset met 200% gestyg, in Sofala met 100% en in Manica met 30%. Talle boere het die plaaslike media gekontak om te verseker dat hulle die gaping wat deur Brasiliaanse produkte gelaat is, sal kan vul. Mosambiek verbruik jaarliks sowat 75 000 ton hoender, waarvan 70 000 ton plaaslik produseer word. Volgens mnr. Max Tonela, Mosambiek se minister van nywerheid en handel, was die regering al in gesprek met die bedryf om te verseker veranderde marktoestande sal nie tot spekulasie lei weens voorraadvermindering nie. Boere het die versekering gegee dat minder mededinging nie tot hoër pryse sal lei nie,…

DIE jaarlikse veiling van Wildbedryf SA (WRSA) op Mkuze in KwaZulu-Natal het die huidige neigings in die wildbedryf bevestig toe goeie individuele pryse vir vlaktewild behaal is, maar verkope oor die algemeen onder druk was. Só sê mnr. Riempies Victor van Vleissentraal. “Daar is elke jaar net twee veilings in KwaZulu-Natal. Die renosterverkope was bietjie stadiger as verwag. Die wettiging van handel in renosterhoring begin reeds veroorsaak dat die verkopers ’n premieprys vir hul diere verwag. Kopers wil egter eers die waarde van die mark mooi onder die loep neem voordat hulle daarin belê,” sê hy. Hoewel goeie pryse vir vlaktewild behaal is, het die veilingsomset van R6,5 miljoen verlede jaar tot net oor R4 miljoen vanjaar gedaal. ’n Totaal van 538 diere, uit ’n aanbod van meer as 1…

Selfs die Oos-Vrystaat word gesien as die nuwe Elgin of Grabouw wat appelproduksie en -uitvoer betref. Vir die 2016-kalenderjaar het die bruto produksiewaarde van die landbou in Suid-Afrika nagenoeg R259 miljard beloop, aldus die Departement van Landbou, Bosbou en Visserye. Daarvan het akkerbou sowat 22% bygedra (dit sluit graan en suikerriet in), tuinbou se waarde was R79 miljard (sowat 30%) en die veebedryf se produksiewaarde is geraam op R123 miljard (sowat 48% van die landbou). Die tuinboubedrywe is ook die grootste uitvoerbedrywe en bly groei, terwyl die akkerboubedryf stadigaan stagneer. Dit is teen ’n mens se verwagtinge in dat die arbeidsintensiewe bedrywe tans die vinnigste groei en ook die grootste uitvoerders is. Dit lyk nie of dié tendens gou gaan verander nie. Dit is veral die geval waar die graanbedrywe…

Vanjaar het ongelukkig nie net ’n goeie reënseisoen en stewige mielie-oes gebring nie, maar ook weer eens ’n vlaag plaasaanvalle en -moorde. Geen boer kan dit meer bekostig om op ’n afgeleë plaas te woon en nie selfbeskerming toe te pas nie. In dié reeks kyk Landbouweekblad oor die volgende paar weke na plaasbeveiliging en gee raad oor die volgende aspekte: ■ Hoe gebiedsbeveiligingsnetwerke ’n hele gemeenskap betrek. ■ Hoe ’n goeie veiligheidsplan lyk. ■ Gedetailleerde raad oor praktiese veiligheidsaspekte, soos heinings, ligte en ander tegnologie. ■ Die regte honde vir ’n veilige plaaswerf. ■ Hoe om ’n inligtingsnetwerk op jou plaas te skep en te onderhou, waar goeie verhoudings met jou werkers dalk net jou lewe kan red. ■ Verskeie kort, praktiese wenke. Hou ook Landbou.com dop vir video’s,…

Oudergewoonte loer ek by my buurman, mnr. Ruben Gouws (65), van Pinevale in wanneer ek na Ida in die Noordoos-Kaap gaan. Dié afgetrede skoolhoof kry ek Saterdagmiddag 15 Augustus 2015 waar hy uit sy plaaswinkel kom. Dit is reeds skemer. Hy het net gou kom oopsluit vir ’n vrou wat tee en suiker soek. Ná ’n paar minute se gesels belowe ek om die Sondagoggend ook vir sy ma, tant Hermien (88), te kom groet voor ek weer in die pad Baai toe val. Twee uur later klop een van die ander Ida-boere, Trevor Stotter, dringend teen my voordeur. “Ek het vir jou slegte nuus. Ruben en sy ma is vermoor.” Ek sak op my knieë, verlam van die skok. “Onmoontlik, ek het dan nog netnou met Ruben gepraat.” In…

Dr. Reinhard Friessleben sê boere hou daarvan om produkte te meng om meer as een behandeling met een bespuiting te doen. “Ons doen baie toetse en het ’n paar gulde reëls wat kan verhoed dat spuitstukke verstop of sedimentasie in die spuittenk voorkom.” As dit volgens ’n produk se etiket toelaatbaar is om produkte te meng, is dit raadsaam om te begin by produkte wat vaste stowwe is, gevolg deur vloeistowwe, in volgorde van die volgende formulasies: 1. Benatbare poeier (WP), waterdispergerende korrels (WG) en oplosbare korrels (SG). 2. Suspensiekonsentraat (SC). 3. Emulsifiseerbare konsentraat (EC), emulsie, olie in water (EW), oplosbare (vloeistof) konsentraat (SL) en oliedispergerende middels (OD). 4. Olies en bymiddels (additive). Hy sê Europese boere hou daarvan om ook kunsmis by te voeg. Dit moet laaste gedoen word,…

HOE VOLHOUBAAR IS HIERDIE NISMARK VIR VELDVLEIS? AF: Dit is beslis ’n volhoubare mark. Heelwat vegetariërs, wat weens etiese redes nie meer vleis wou eet nie, koop een maal per week ’n enkele porsie vleis ten duurste en gaan dan huis toe en geniet die vleis. Net so het ons heelwat kliënte wat weekliks ’n bestelling vir maalvleis, kookvleis, wors en steak plaas teen ’n vasgestelde bedrag. Alles dui daarop dat hierdie mark ál meer groei. PP: Ek reken van 10% tot 15% van die totale beesvleismark sal oor ’n dekade deur die nismarkte vir veldvleis en vleis van diere wat vry rondloop en op die veld afgerond word, gevoed word. Tans is hierdie markte maar 2% tot 3% van die totale beesvleismark. Daar is dus nog baie…

Die aandeelhouers van die Agri Dwalasamewerkingsprojek se raad aan ander wat dit oorweeg om saam in ’n boerderyonderneming betrokke te raak, is om seker te maak hulle het dieselfde visie. “As jul visie en drome nie dieselfde is nie, gaan julle in verskillende rigtings trek.” Hulle heg ook hoë waarde aan goeie kommunikasie tussen aandeelhouers as ’n manier om konflik uit te skakel. Me. Margaret Engel sê mense moet bereid wees om na ander te luister as hulle raad gee. “Moenie altyd alle raad probeer gee nie.” Mnr. Kosie van Zyl sê dit is ook belangrik om te luister na die mense wat jy gekies het om jou te bestuur. “Dis waar baie van die projekte swaarkry . . . hulle vertrou nie die bestuur nie.” Die span sê ook…

PLANTVOEDING MET SKOP GOGGAS VIR GROOT OPBRENGS Meer as twee jaar se plaaslike proewe op neute, groente en selfs suikerriet en tabak het bewys ’n nuwe soort organiese plantvoeding met 17 verskillende mikrobes en hummussuur lewer uitstekende resultate. Mnr. Carel du Preez, wat Explogrow uit Europa invoer, sê die mikrobes en hummussuur sorg vir ’n groter wortelstelsel by plante. “Dit bring mee dat die plant voedingstowwe doeltreffender uit die grond kan opneem. Dit sorg ook vir ’n beter weerstandigheid en ’n gesonder, voedsamer produk met beter houvermoë. Ons toetse wys ’n opbrengsverhoging van tot 20% en terselfdertyd ’n waterbesparing van tot 20% wat met Explogrow moontlik is.” Die produk word as ’n vloeistof verkoop en die aanbevole dosis is 7-10 liter per hektaar. Die vernaamste mikrobes in die produk sluit…

Hoe maak ’n Suid-Afrikaanse boerseun wat in Australië werk wanneer sy trouvrou in Suid-Afrika bly? Hy bel die lyne warm en vlieg gereeld! Dís wat Nico de Villiers gedoen het nadat hy Esmeri deur gemeenskaplike vriende ontmoet het. “Met haar eerste kuier by my in Australië het ek haar Perth toe geneem vir die naweek en gevra om met my te trou,” vertel Nico. Sy’t toe al lankal geweet hy is die een, en het dadelik ja gesê, vertel Esmeri verder. Vandag bedryf hulle ’n saaiboerdery op die familieplaas, Zandfontein. Esmeri het ook haar eie besigheid wat in drapering, dekor en beligting vir funksies spesialiseer. Maar tussen al die mooimaak deur, maak sy tyd vir haar ander groot liefde – kosmaak en bak. Die liefde vir kosmaak kom van haar…

‘Dis baie spesiaal om te besef dat vyf geslagte van my familie al die vrug van hierdie wingerd kon proe.’ Op die plaas Langverwacht tussen Robertson en Bonnievale staan Oupa se Wingerd – 780 stokke Muskadel wat reeds in 1926 geplant is. Dit is die enigste blok druiwe in Suid-Afrika wat tot ’n nasionale gedenkwaardigheid verklaar is. Oupa se Wingerd het sy oorsprong in 1926, toe Klaas Jonker 16 000 stokke Rooi Muskadel geplant het. Nagenoeg 60 jaar later het Lourens Jonker – die derde geslag Jonker op die plaas – die meeste daarvan uitgehaal en grootliks met Chardonnay vervang. Tog het iets hom gepla. Die 1986-Muskadel uit dié bejaarde wingerdstokke is pas as nasionale kampioenwyn aangewys. Hoe vernietig ’n mens ’n hele blok wingerd wat nog só goed presteer?…

As ’n mens jou oë oophou en jou daarop instel om waar te neem wat rondom jou gebeur, sal jy dikwels verwonderd staan oor talle wonders van God waarmee hy jou verras. Ek praat nie van groot, opspraakwekkende dinge nie, maar van die talle klein wondertjies wat meermale ongesiens verbygaan. My jongste kniebuiging van bewondering vir die werke van die groot Wonderwerker het ek beleef terwyl ek op pad was om my buurman te gaan besoek. Dis ’n geplaveide paadjie wat ek dikwels loop, ’n paar meter van waar ons vir tye bly. Tussen die keiharde plaveistene moes ’n saadjie geval het en daar, waar weinig meer as ’n bietjie onvrugbare sementvulsel is, het hierdie saadjie ontkiem en ’n plantjie gevorm wat nou die allermooiste blommetjies dra. Dis haas onmoontlik…

INTERNASIONAAL: Die mielieprys vir die naaste maand se leweringskontrak het met $1,44/t (R19,03/t) tot $142,44/t teenoor die vorige week gedaal. Op ’n jaargrondslag is dit 5,9%, of $8,96/t (R118,41/t), laer. Verwagte pryse: Mei – $141,33/t (R1 868/t), Julie – $143,85/t (R1 901/t), September – $146,84/t (R1 940/t), Desember – $151,02/t (R1 996/t). PLAASLIK: Die Safexprys van wit mieies het met 10,8% tot R1 850/t teenoor die vorige week gedaal. Die prys van geel mielies het met 8,9% tot R1 946/t gedaal. Op ’n jaargrondslag is die prys van wit mielies 58,6%, of R2 615/t, laer, terwyl geel mielies 38,9%, of R1 237/t, laer is. Verwagte witmieliepryse: Mei – R1 836/t, Julie – R1 895/t, September – R1 964/t. Geelmieliepryse: Mei – R1 945/t, Julie – R2 007/t, September – R2…

Blaarvoeding word deesdae op gewasse wat ‘n hoë inkomste lewer én ekstensiewe gewasse gebruik. Dr. Johan J. van Biljon, hoofbestuurder van opbrengsverbeteringstelsels by Kynoch Kunsmis, sê blaarvoeding is aanvullend tot normale bemesting en kan nie die grondtoediening van bemesting vervang nie. Blaarvoeding is doeltreffender as grondtoegediende bemesting. Verder is gewasreaksie op blaarvoeding vinniger as met grondtoediening. Dit beteken dat ’n voedingstekort in sekere gevalle baie vinniger opgehef kan word. Die nadeel van blaartoediening is dat daar nie in die gewas se to-tale voedingsbehoefte voorsien kan word nie. Só kan daar met blaarvoedings nie in die totale behoefte aan makrovoedingstowwe, soos stikstof, fosfaat en kalium, asook sekondêre elemente, soos swael, kalsium en magnesium, voorsien word nie. Blaarvoeding word tipies gebruik om mikrovoedingstowwe, soos boor, koper, yster, mangaan, molibdeen en sink, toe…

PRIESKA / VELDRAMME / R19 000 Die 88 ramme en 38 vroulike diere wat op die 15de produksieveiling van die Prieska Veldramklub aangebied is, is teen uitstekende pryse uitverkoop. Die veiling se omset was R726 700. Die klub is bekend vir sy goeie, prestasiegetoetste ramme. Kopers het van so ver as Bloemfontein, Grahamstad, Springbok, Winterton, Vredendal en Christiana gekom. Die duurste Dorperram van mnre. H.G. Human (links) en sy seun, Johannes (regs), van Prieska is teen R19 000 aan mnr. Koos du Plessis van De Aar verkoop. Du Plessis was nie teenwoordig nie, maar mnr. Christo van Deventer (middel) het namens hom gebie. Die duurste Wit Dorperram het aan mnr. Tony Cahi behoort en is deur mnr. Connie Coetzee vir R18 000 gekoop. Boerbokke, Savannaramme en Van Rooyramme is ook…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan lbw@landbou.com ALGEMEEN 16-18 MEI: Energy Revolution Africa. Tegnologie-werksessies, uitstallings, verskaffers van hernubare energie. Web: www.african-utility-week.com/era BOEREDAE 11 MEI: Voermol-boeredag by die nasionale Skaapboer van die Jaar, Julian Southey. Manor Holme, Middelburg (Oos-Kaap). Shelley Cornish. E-pos: shelley.cornish@tongaat.com, tel. 032 439 5854. 17-18 MEI: Winterskool: Hoe begin ek oor ná ’n droogte? Nasionale Weidingsforum. Boereverenigingsaal, Helmeringhausen. Lizelle Murray. E-pos: murrayzel@gmail.com; tel. 00264 63 283 309. 23 AUGUSTUS: Noord-Vrystaat SAVM se “MEGA Boere”-inligtingsdag en veiling. Kroon-Boma, Kroonstad. Neline Pienaar. E-pos: Bennieneline@eleo.co.za; sel 082 440 4492. Met die samewerking van die boerevereniging van die Afrikaanse Hoërskool Kroonstad (Rooiskool). KONGRESSE 17-19 MEI: Rooivleisabattoirvereniging. Spier-landgoed, Stellenbosch. E-pos: info@rvav.  co.za; web: www.rmaa.co.za;…

Die reeks betroubare toerusting in High Power Equipment Africa (HPE Africa) se katalogus sluit Hyundai Construction Equipment se wêreldklaswerktuie in. Dié internasionaal bekende handelsmerk se gevorderde tegnologie is in al sy grondverskuiwing- en konstruksietoerusting ingebou. Operateursgerief en kontroles waarmee presisiewerk maklik en lang werksure gerieflik is, dra by tot die waarde van dié swaardienstoerusting. Danksy die uitgebreide verspreidingsnetwerk van takke en geakkrediteerde handelaars is verkope en tegniese ondersteuning landwyd beskikbaar. Danksy ’n omvattende onderdelepakhuis met genoeg voorraad is aankope vir onderhoud en herstelwerk ’n plesier. Tyd is geld en om jou en jou span weer vinnig aan die werk te kry, lewer HPE Africa se ervare tegniese span ongeëwenaarde naverkoopdiens. VERSKEIE MASJIENE Hyundai is ’n wêreldbekende handelsnaam met ’n reputasie vir die ontwerp en vervaardiging van betroubare, doeltreffende werktuie vir…