Indholdsfortegnelse for 30-Jun-17 i Landbouweekblad

“GROND is alles,” was die onweerlegbare boodskap van mnr. Julius Malema, leier van die EFF, aan die Suid-Afrikaanse eiendomseienaarsvereniging toe hy op dié organisasie se konferensie in Kaapstad op Woensdag 21 Junie ’n toespraak gelewer het. Hy het grondeienaars uitgedaag omdat hulle nie genoeg doen om die patrone van grondbesit ná apartheid te verander nie, maar hulle ook aangemoedig om korrupsie die stryd aan te sê. Malema was geklee in ’n chino-broek en ’n baadjie pleks van sy kenmerkende rooi oorpak, en het gesê hy was verbaas dat hy na dié konferensie genooi is. “Onder die mense wat vandag hier sit, is die begunstigdes van ’n misdaad teen die mensdom,” het hy gesê ná hy die huidige patrone van eiendomsbesit aan apartheid toegeskryf het. Hy het gesê die land stuur…

So ’n paar weke gelede het ’n artikel deur Wessel Lem-mer in Landbouweekblad verskyn oor leiers in die landbou (“Landbou het nou sterk leiers nodig”, 28 April 2017). Nadat ek die artikel gelees het, moes ek myself afvra: Is daar werklik leiers in die Suid-Afrikaanse landbou? Waarom vra meer as een mens so ’n landbouvraag? Ek besef dat Suid-Afrika van dag tot dag verander en godsdiens, politiek en finansies ’n groot rol speel, veral in die landbou. Met bogenoemde in ag geneem, is die landbouprentjie op die leiersverhoog taamlik tot ernstig duister. Statistieke op twee vlakke van die landbou het my bekommerd. Eerstens is daar die lidmaatskapsyfer van die georganiseerde landbou. Daar is beslis ’n afname in nuwe lede, asook bestaande lede wat bedank. Daar moet ’n rede wees, maar…

GROND GEKOOP VIR NAVORSINGSTASIE BY BETHLEHEM Vier aangrensende plase van altesame sowat 1 090 morg (935 ha) is deur die Departement van Landbou en die Departement van Lande by Bethlehem in die Noordoos-Vrystaat aangekoop met die oog op die oprigting van ’n landbounavorsingsentrum vir die gebied. Die totale koopprys was £56 300, wat neerkom op ’n gemiddelde prys van meer as £50 per morg. Dit is, sover bekend, die hoogste prys tot nog toe wat grond per morg in die gebied behaal het. Die vier plase is (met die naam van die eienaar, die grootte van die plaas en die prys tussen hakies): Honingdraai (mnr. W.K. van der Spuy, 100 morg, £6 500), Dankbaar (mnr. F.H. Willis, 225 morg, £11 250), Loch Lomond (mnr. P.F. van der Merwe, 495 morg,…

DIT is tyd om te erken dat hoewel daar sedert 1994 vordering was met die grondhervormings- en verdelingsproses, dit steeds nie voldoen aan Suid-Afrikaners wat voorheen onderdruk is se verwagtinge nie. Veral swart grondbesit en werkskepping het nie vinnig genoeg gebeur nie, het adj.pres. Cyril Ramaphosa gesê toe hy verlede week die Witzenberg-PALS-projek (Partners in Agri Land Solutions) se ledevergadering in die Koue-Bokkeveld bygewoon het. “Ek voel tuis hier. Ek is ook ’n boer,” het Ramaphosa, ’n bees-engraanboer, aan die gehoor gesê. “Soos ons die landbou probeer transformeer, is ons pynlik bewys van die skaal van die uitdagings wat ons moet oorkom.” Hy meen gevestigde boere, opkomende swart boere, plaaswerkers en die Regering moet saamwerk vir betekenisvolle verandering. “Doelbewuste stappe moet gedoen word om landelike hervorming te versnel en om…

ROOIWATER het binne sewe weke 35 koeie op ’n Gautengse melkplaas laat vrek. Mnr. Danie Schutte, ’n oudminister, sê dit is ’n groot terugslag vir die nuwe gesamentlike onderneming wat hy onlangs met twee vennote begin het. Die gesamentlike kudde het 500 tot 600 diere. Schutte se Bronberg-melkery is voorheen op 90 ha aan die buitewyke van Pretoria bedryf en was een van die min melkerye wat as organies gesertifiseer was. Die plaas is mettertyd deur ontwikkelings omring en aangesien die grond te klein was vir uitbreiding, het Schutte dit onlangs verkoop. Een van sy nuwe vennote besit ’n plaas van 463 ha naby Bronkhorstspruit en boer reeds daar met Ayrshires. Schutte se Ayrshires is sedert einde April op dié plaas en hy sê probleme met rooiwater is in Mei…

BYKANS alle groentebedrywe trek tans ongekend swaar en hoewel daar steeds relatief goeie volumes daagliks verkoop word, bly die pryse baie laer as normaalweg. Mnr. Charl van der Merwe, ’n groenteboer van die Koue-Bokkeveld, sê ’n jaar gelede het uieboere bo R55/kg vir ’n sakkie uie van goeie gehalte gekry, met ’n nasionale volume van 600 000 sakkies van 10 kg. “Tans is die volume steeds sowat 600 000 sakkies, maar die prys sukkel om bo R35 ’n sakkie te kom,” sê hy. Mnr. Ian Grummbacher, ’n direkteur van Dew Crisp, die landwye slaai-verpakker-en-verspreider, sê die slaaibedryf is ook onder enorme druk. “Tans is produksie normaal, maar die vraag na alle slaaie is verskriklik laag, wat druk op die prys meebring.” Mnr. Ebrahim Johnson, ’n sakeman wat vrugte en groente…

DIE mate waartoe boere plaagdoders gebruik en die manier waarop hulle verbruikers daaroor inlig, gaan in die toekoms belangriker raak én ekonomiese geleenthede vir boere inhou. Volgens mnr. Kobus Pienaar, tegniese bestuurder van Woolworths se Farming for the Future-projek, koop meer as 42% van hul klante dié supermarkgroep se vars produkte met die aanname dat dit gesond en veilig is. ’n Derde verkies Woolworths se produkte gegrond op maatskaplike en omgewingsgetuigskrifte. “Ons het ’n opname onder 30 000 klante uit verskillende LSM-vlakke gedoen. Die eerste vrae wat hulle vra is: Is die kos veilig? Is dit gesond? Dít is waar plaagbestryding van toepassing is,” het Pienaar op Hortgro Science se tegniese simposium op Simondium gesê. Hy het statistiek van die Wêreldgesondheidsorg anis asie aangehaal wat aandui dat dieetverwante siektes die…

DIE landbou is een van die belangrikste faktore vir radikale maatskaplik-ekonomiese transformasie, werkskepping en voedselsekerheid vir almal, het mnr. Senzeni Zokwana, Minister van Landbou, Bosbou en Visserye, in sy begrotingsrede in die Parlement gesê. Hy het ’n begroting van R6 807 miljoen ter tafel gelê. Zokwana het gesê R243 miljoen gaan in onder meer die rooivleisbedryf belê word. Die algehele beleggings van die departement sal oor 489 projekte versprei word, wat volgens Zokwana sowat 15 000 werkgeleenthede sal skep. Ná die afgradering van Suid-Afrika se kredietgradering deur kredietagentskappe bly verwagtinge van ekonomiese groei op kort termyn onder druk. Volgens Zokwana sal voorsieningsfaktore, soos die verhoogde beskikbaarheid van mielies weens die goeie somerreën, ’n gunstige uitwerking op die ekonomiese vooruitskouing hê. Hy het gesê die feit dat die aantal mense in…

Dit bly moeilik vir boere om hul bestuurders te behou. Ek verwys nou na jong manne wat hul studies aan ’n universiteit of landboukollege voltooi het en dan hul prakties onder die mentorskap van ’n boer doen. Die werklikheid is dat hierdie jong manne in die fleur van hul lewe en pas afgestudeer is. Hulle is ook in die seisoen van hul lewe waar hulle waarskynlik kort voor lank voor die kansel sal staan. En saam met die huweliksmaat kom nuwe finansiële verantwoordelikhede. Nie lank nie, dan sal die paartjie met ’n gesin wil begin. Dit is weer ’n ander tyd in hul lewens. Maar hoe gemaak as die boer graag ’n bestuurder se dienste wil behou? ’n Boer maak ’n plan, lui die spreekwoord, maar wat is die plan…

WAT DIE BESTE BOERDERYBESLUIT WAT JY AL GENEEM HET? Om elke dag op my knieë te begin en eindig en te vra vir insig en wysheid van ons Hemelse Vader. Alles is net genade. DIE BESTE RAAD WAT JY NOG GEKRY HET? Glo in jouself. WAT IS DIE GROOTSTE FOUT WAT JY IN JOU BOERDERY GEMAAK HET? Om te versigtig vir uitbreiding te wees. WIE WAS JOU MENTOR? My pa, Fanie, het my van kleins af geleer waaroor boerdery gaan. Ek was soos ’n stertjie agter hom aan. WAT IS JOU GROOTSTE PROBLEME IN DIE BOERDERY? Droogtes, en om aan te pas by veranderings, soos pryse en bemarkingseise. EN DIE GROOTSTE GELEENTHEDE? Om te groei, nie net in kwantiteit nie, maar ook in kwaliteit. WAAR HET JY GESTUDEER? Ek het…

Op sosiale media-platforms, waar breedvoerig oor wild en wildboerdery gepraat word, bestaan onsekerheid oor die wildmark. Wildpryse het dramaties verlangsaam en wildtelers én beleggers is onseker oor wat om nou te doen. Ek wil ’n beroep doen op kalmte onder alle wildboere. Kyk na die groter prentjie en besef dat die wildbedryf onlosmaaklik deel vorm van die res van die Suid-Afrikaanse ekonomie. Ek weet nie van ’n sektor van ons ekonomie wat tans beter daaraan toe is as wat dit ’n jaar gelede was nie. Trouens, die Suid-Afrikaanse ekonomie is amptelik in ’n resessie en baie markte het substansieel agteruitgegaan. As ek byvoorbeeld ’n mielieboer is, en ek het die afgelope 20 jaar met mielies geboer, kan ek terugkyk na verlede jaar se mielieprys van nagenoeg R4 500 per ton…

PUNT VAN STAAL SIEN IS GLO MET GRONDBORE ’n Ondernemer van Potchefstroom wie se ervaring van grondkunde en grondwater tot die ontwerp van sy eie grondbore gelei het, bied sy toerusting aan waarvan die punte van harde staal gemaak is. Mnr. Johan Thiart glo elke saaiboer het ’n grondboor nodig, onder meer om grondmonsters te neem, om die grondvog te bepaal vir die toediening van stikstof en om te bepaal hoeveel vog van een seisoen na ’n volgende oorgedra word. Johan sê die beginsel van sien is glo, geld vir produsente wat hul grondvogvlakke wil nagaan, ondanks die beskikbaarheid van vogmeters in besproeiingslande. Die grondbore is ook nuttig om die vrywater-diepte van watertafelgrond vas te stel. PRYS: R600 tot R800 vir volledige bore (los punte is ook beskikbaar). NAVRAE: Mnr.…

Smoorsnoektert Vir dié tert gebruik jy dieselfde kors as vir die spinasie-en-fetapastei, maar net die helfte daarvan. Jy kan die resep halveer, of die hele hoeveelheid aanmaak en die helfte daarvan vries om later te gebruik. Deeg ■ Halwe hoeveelheid klaarbereide Kaasbroskors (sien resep op bl. 73) Vulsel ■ 1 kg snoek ■ 250 ml water ■ 2 uie, fyn gekap ■ 2 knoffelhuisies, fyn gekap ■ 3 tamaties, geskil, ontpit en gekap ■ 1 blik (425 g) gekerfde groenbone ■ 250 ml gerasperde cheddarkaas ■ 125 ml mayonnaise ■ 125 ml jogurt ■ 125 ml melk ■ 3 eiers, geklits ■ 30 ml fyngekapte pietersielie ■ Sout en peper na smaak Voorverhit die oond tot 180 °C. Smeer of bespuit ’n losboomtertpan van 24 cm. Deeg: Rol deeg uit…

Die land is soos ’n swartpot met drie bene, skryf Mamphela Ramphele in haar jongste boek, Dreams, Betrayal and Hope, wat onlangs by Penguin Random House verskyn het. “Suid-Afrika word ondersteun deur een baie sterk been, die Grondwet. Dis ’n politieke ooreenkoms. Die tweede, kort been, is ons onderpresterende ekonomie. Ons het egter nodig om saam te werk om ’n sterk, derde been te bou, wat ’n emosionele ooreenkoms is,” het sy in ’n onderhoud met Landbouweekblad in haar huis in Kampsbaai gesê. ELKE PROBLEEM HET ’N OPLOSSING Dit maak nie saak hoe duister dinge in Suid-Afrika raak nie, Mamphela bly optimisties oor die land. Sy skryf immers: “Die werklike geleentheid vir ons samelewing lê in die besef dat ons vir elke maatskaplike probleem ook die oplossing het.” Sy het…

Toe ons onlangs Paastyd gevier het, was ons van twee dinge bewus: Jesus Christus het op Goeie Vrydag vir ons sondes gesterf en hy het op Paassondag in ál sy glorie weer uit die dood opgestaan. Die Here het my dit swaar op die hart gelê dat ek optimisties en ’n man van geloof moet wees wanneer dit by die landbou kom. Ons lees in Romeine 8:11: “Omdat die Gees van Hom deur wie Jesus uit die dood opgewek is, in julle woon, sal Hy deur wie Christus uit die dood opgewek is, ook julle sterflike liggame lewend maak deur sy Gees wat in julle woon.” Dis nou tyd om ernstig aan ons geloof te bou. Romeine 10:17 sê: “Die geloof kom dus deur die prediking wat ’n mens hoor,…

Die droogte in rooibosproduksiegebiede maak bemestings- en voedingsproewe moeilik, sê mnr. Naudé Smit, wat besig is met ’n doktorsgraad in grondkunde aan die Universiteit Stellenbosch (US). Smit was in Mei ’n spreker op Rooibos Bpk. se navorsingsdag buite Clanwilliam. Hy probeer vasstel teen watter fosfaattoedieningspeile dit begin giftig raak. Sy vorige navorsing toon dat rooibosplante selfs by lae fosfaatvlakke reageer, dog vanjaar is hy nie seker oor sy resultate nie juis omdat dit die afgelope twee jaar so droog is. Die droogte beïnvloed ook proewe wat hy doen om te kyk hoeveel fosfaat rooibosplante oor verskillende oeste uit organiese misstowwe (gekomposteerde hoendermisprodukte) en kunsmis haal. Verlede jaar het die chemiese kunsmis beter gevaar, vermoedelik omdat dit in die droogte meer geredelik aan plante beskikbaar was as die organiese kunsmis. Die…

Die volgende ontleding van grondverkope in Suid-Afrika is van transaksies vir grond wat groter is as 10 ha in Limpopo, Gauteng en KwaZulu-Natal vanaf Mei verlede jaar tot April vanjaar. Net drie distrikte in Limpopo toon dalende grondprysneigings. In dié provinsie was daar 543 ooreenkomste in 13 distrikte wat 230 723 ha teen R2,991 miljard behels het. Daarvan was 18% transaksies van kleur. Dié soort transaksies sluit in verhandelings tussen individue, regeringsaankope van landbougrond en grond verkry vir stedelike ontwikkeling. Dit het 12,8% van al die verhandelde hektare in Limpopo teen R387 miljoen (12,9% van die totale waarde) behels. In Gauteng was daar 511 transaksies wat 54 868 ha teen R7,069 miljard behels het. Daarvan was 130 (25,4%) ooreenkomste van kleur. Meer as 61% van die transaksies was vir grond…

Die Val-boeredag is een van die grootste boeredae in Suid-Afrika en beslis die grootste raakvatdag ten opsigte van werktuigdemonstrasies, sê mnr. Tinus Prinsloo, hoof- uitvoerende beampte van AFGRI Landboudienste. AFGRI is weer die trotse hoofborg van dié boeredag. Dié boeredag is vir AFGRI belangrik omdat dit insiggewend is vir boere om nuwe tegnologie eerstehands te ervaar en die vermoëns van die werktuie te kan waarneem en beoordeel. Op die boeredag kan boere tegnologie in aksie sien en saam met ander boere kuier en gesels, sê Tinus. “Dit is vir ons belangrik dat boere die tegnologie en werktuie in werking sien. Só kan hulle bepaal of die nuwe tegnologie tot die vooruitgang en volhoubaarheid van hul boerdery kan bydra. Dit gee hulle die kans om met sekerheid die regte besluite te…

6,9% Kosprysinflasie was in Mei ’n rapsie hoër as in April, en het van 6,7% tot 6,9% gestyg. Dié styging is grootliks te wyte aan ’n styging in vleispryse wat meegebring is deur laer slaggetalle weens kudde-heropbou ná verlede jaar se droogte. Tog glo die landbousakekamer Agbiz dat volgehoue hoendervleis-invoer en ’n verwagte oplewing in plaaslike pluimveeproduksie die pas van vleisprysinflasie kan verstadig. 7% Die uitvoer van verkoelde produkte van Suid-Afrika was in die eerste kwartaal van vanjaar 7% hoër as ’n jaar gelede, grootliks danksy ’n goeie tafeldruifoes en sterk vraag na Suid-Afrikaanse druiwe in Europa. Vooruitsigte vir verdere groei lyk ook goed danksy ’n verwagte groei van 5% tot 7% in die sitrusoes. Sitrus verteenwoordig meer as die helfte van Suid-Afrika se uitvoer in verkoelde houers. – Maersk…

‘Daar is nie hiervoor beplan nie. Wat sou julle doen?’ ME. NOMVULA MOKONYANE, Minister van Water en Sanitasie, se uitdaging aan parlementslede oor noodbouwerk wat in die Wes-Kaap nodig is. Bl. 16 ‘Ons het die kommissie op die perseel verwelkom, want ons het niks om weg te steek nie.’ MNR. ARNOLD PRETORIUS, uitvoerende hoof van Karan Beef, oor die Mededingingskommissie se klopjag op hul kantore as deel van ’n kartel-ondersoek. Bl. 20 ‘SEB is nie ’n luukse nie. Dit is ’n werklikheid waaraan ons nie kan ontsnap nie.’ MNR. GARTH STRACHAN, adjunkdirekteur-generaal van ‘Swart boere in Mpumalanga huil dag ná dag vir water. Daar is water, maar hulle het nie waterregte nie en daarom word daardie plase afgevat.’ MNR. DERICK MNGUNI, ANC-LP, oor waterregte aan swart boere. Bl. 18 ‘Indien…

SEWE VOERKRALE BEKYK VIR SAMESPANNING In ’n skok-optrede is op die persele van sewe voerkrale toegeslaan oor beweerde samespanning. Die Mededingingskommissie het die klopjagte uitgevoer. Jan van der Stel skryf: Maar dit weet ons mos al jaaaaaare. En hul gesamentlike weiering om Afrikaner- en Nguni-speenkalwers te koop, is dit ook samespanning? Jakes Louw skryf: Ek het gewonder wanneer hierdie storie gaan bars. Ek verstaan net nie R40/kg vir ’n graad A-karkas aan die boer, maar die vleis is gemiddeld meer as R100/kg by die groothandelaar. Dit is ’n 160% wins. Ek verstaan daar is verdere verwerkingskoste, maar soveel mark-up? Tony Louwrens skryf: Nie net in voerkrale nie, (samespanning) in alle aspekte van die Suid-Afrikaanse samelewing. Supermarkte, meulenaars, brandstofverskaffers, voermaatskappye. Suid-Afrikaners sal nooit op ’n ope mark kan meeding nie. Ons…

’N DISPUUT oor grond wat al meer as 40 jaar voortsleep en frustrasie met die Regering se trae vordering met grondhervorming het tot grondbesetting buite Queenstown gelei. ’n Groep mense het laatmiddag op 19 Junie op die plaas Primgradia tussen Queenstown en Tarkastad in die Oos-Kaap opgedaag en mnr. Charles Featherstone, die eienaar van die grond, laat weet dat hulle sy grond as weiding gaan gebruik. Tydens ’n gesprek tussen Featherstone en die groep het hulle beweer dat grond in die omgewing in 1976 aan hulle belowe is, dat die grond volgens die Regering nou aan hulle behoort en dat hulle dit mag beset. Die groep het hulself op die stoep van mnr. Amos Nxenye, Featherstone se plaasbestuurder op Primgradia, tuisgemaak. Volgens me. Jeanné Feather-stone was sowat 15 mense betrokke…

‘SEB is nie ’n luukse nie. Dit is ’n werklikheid waarvan ons nie kan ontsnap nie.’ DIE REGERING sal die pluimveebedryf deur invoertariewe bly beskerm, maar die bedryf moet ook sy kant bring. Die bedryf moet aandag gee aan mededingendheid en tegnologie, maar ook aan die “onaanvaarbaar lae vlakke” van swart ekonomiese bemagting (SEB). “SEB is nie ’n luukse nie. Dit is ’n werklikheid waaraan ons nie kan ontsnap nie.” Só het mnr. Garth Strachan (foto), adjunkdirekteur-generaal van die Departement van Handel en Nywerheid, op vanjaar se AVI Africa-pluimveekonferensie in Kempton Park gesê. Strachan is voorsitter van die Regering en die pluimveebedryf se taakspan wat aan oplossings vir die krisis in die bedryf werk. Die oplossings moet volgens hom gesamentlik gevind word. Ongunstige kommentaar deur leiers in die bedryf, soos…

‘Ons kan net hoop dat die proses so vinnig as moontlik sy gang gaan.’ DIE Mededingingskommissie se ondersoek na ’n beweerde sameswering in die voerkraalbedryf – met rooivleis tans die duurste wat dit in jare was – kan die bedryf skade berokken. Soortgelyke ondersoeke na groot rolspelers in die varsprodukte-waardeketting en die kookoliebedryf is reeds van stapel gestuur. Die kommissie het inligting van sewe van die land se grootste voerkrale bekom om bewerings van kartelvorming en prysvasstelling te ondersoek. Bedryfslede meen die tydsberekening van dié ondersoek is verkeerd, aangesien die klag reeds 18 maande gelede by die kommissie ingedien is, op ’n tyd toe die vleisbedryf en veral voerkrale weens die droogte onder enorme druk was. Die destydse gebrek aan weiding en rekordhoë mieliepryse het die aanbod van speenkalwers die…

‘In baie lande verteenwoordig boere minder as 5% van die bevolking.’ DIE EUROPESE UNIE (EU) het onlangs ’n “reusesprong” oor geneties gemodifiseerde (GM) gewasse gemaak. Produkte met GM-tegnologie wat deur die EU goedgekeur is, is in ’n register aangeteken en mag ingevoer word. Die streek het nou egter beweeg van zero-verdraagsaamheid teen die voorkoms van ongoedgekeurde GM produkte in ingevoerde voedsel en veevoer tot ’n skrale 0,1%. “Dit is steeds ’n handelsversperring,” het dr. Wynand van der Walt, Suid-Afrikaanse biotegnologiekenner, by die landboubiotegnologiebedryf (ABI) se jaarlikse mediakonferensie oor die stand van GM oeste wêreldwyd gesê. Van der Walt het gesê die verandering is ’n reusesprong vir die EU, maar ’n baie klein verandering vir lande waar GM gewasse vir aanplanting goedgekeur is. Volgens hom is dit duur om graan vir…

DIE Wes-Kaapse departement van landbou, bosbou en visserye het ’n omvattende jaarverslag bekend gestel oor die verpligte diensjaar vir veeartse wat verlede jaar ingestel is. Dit is die eerste provinsie (en sover die enigste) wat só ’n verslag saamgestel het. Verlede jaar was die eerste jaar waartydens gegradueerde veeartse ingevolge die Departement van Landbou se program verpligte gemeenskapsdiens moes verrig. Vanjaar is altesame 125 veeartse aan provinsies gesekondeer om broodnodige dienste te lewer. Volgens die Rooivleisprodusente-organisasie (RPO) is dit ’n eiesoortige program in die veeartsenyveld en verskeie lande stel belang om dit na te volg. Altesame 19 veeartse is verlede jaar na die Wes-Kaap gestuur met die doel om hul verpligte gemeenskapsdiens te verrig. Luidens die provinsiale departement se verslag het ses veeartse by die afdeling open-bare veterinêre gesondheid gewerk,…

Onkruid wat weerstand teen onkruiddoders ontwikkel, keil Wes-Kaapse wingerdboere op. Raaigras (Lolium spp.) is die grootste sondaar, terwyl vaalskraalhans (Conyza bonariensis) en Natalgras (Melinis repens) toenemend ’n probleem raak. Ander moeilike kalante is ramnas (R aphanus raphanistrum), turksnael (Erodium moschatum), kiesieblaar (Malva parviflora) en brandnetel (Urtica dioica). Tongblaar (Plantago lanceolata) is op spesifieke plekke, soos Simondium, Robertson en McGregor, ’n probleem. Dr. Erik Eksteen, tegniese kundige vir graan en Kaapse vrugte by Syngenta, sê boere bestee baie geld om hierdie onkruide hok te slaan, maar die resultate is nie altyd goed nie. “Die ontwikkeling van weerstand het dit nie makliker gemaak nie. Dit is ook moeiliker om doeltreffende kostebeheer en volhoubare boerdery bymekaar te bring,” het hy op VinPro/Winetech se inligtingsdag vir die streke Paarl, Wellington, Franschhoek en Tulbagh gesê.…

Danksy moderne produksiepraktyke kon die melkbedryf in Amerika sedert 1944 sy koolstofspoor per kilogram melk met 63% laat krimp. “Met verloop van tyd het die melkbedryf groter en intensiewer geraak. In die meeste lande sien jy meer koeie in behuising as 20 jaar gelede,” sê dr. Jude Capper, dierewetenskaplike van Brittanje. Amerikaanse statistieke toon elke koei se koolstofspoor het van 1944 tot 2007 verdubbel. In 1944 was bykans die helfte van die Amerikaanse nasionale kudde Jerseys/Guernseys en die res was Holsteins/Ayrshires. “Deesdae bestaan die kudde sowat 90% uit Holsteins. Die koeie is groter, vreet meer en breek meer winde op. Daarom is dit waar dat die koolstofspoor per koei hoër is. Maar produktiwiteit en doeltreffendheid het ook verbeter, want ons almal boer beter as ons ouers en grootouers.” Die koolstofspoor…

Verrassende resultate het aan die lig gekom in ’n studie oor genetiese diversiteit binne die Letelle-skaapras. Dié ras, deesdae met twaalf geregistreerde telers, beoefen al nege dekades lank ’n geslotekuddebeleid, uit ’n oorspronklike kudde van net 35 ooie en drie ramme. Familie-, lyn- en inteling is dus wyd oor die ras gedoen. Die genetiese studie het nou gewys dat daar desondanks steeds voldoende genetiese variasie binne die ras is om ’n volhoubare toekoms te verseker. Die genetici wat die studie gedoen het, het bevind die ras se intelingvlakke is baie vergelykbaar met dié van ander skaaprasse, ook rasse wat uit baie meer diere bestaan. Inteling binne die totale Letelle-bevolking is gemeet, asook binne die onderskeie kuddes. Nie net was daar hoë genetiese variasie binne die nasionale kudde nie, maar ook…

Inmaakappelkose is tans so gewild dat verwerkers selfs bereid is om boere se aanplantings te finansier, maar ’n situasie van oorproduksie kan weer blitsig ontstaan. Só het mnr. Wiehahn Victor, uitvoerende hoof van die Inmaakprodusentevereniging (IPV), op die organisasie se jaarvergadering op Worcester gemaan. Die pas afgelope seisoen kon verwerkers skynbaar nie hul hande op genoeg Bulidaappelkose lê nie. “Daar was ’n uitstekende vraag na appelkose. Dit was die eerste keer dat ons ondervind het dat verwerkers kontrakte vir perskes opskort omdat hulle nie genoeg appelkose kon kry nie.” Volgens Wiehahn het Bulida-aanplantings in 2014 en 2015 met onderskeidelik 2 ha en 7 ha gegroei. Verlede jaar het aanplantings egter skerp gestyg met 46 ha. Daar staan nou sowat 1 461 ha se appelkoosbome in Suid-Afrika. In die seisoen 2016-’17…

BEHANDELING TEEN SPYKERWURM Hoe word spykerwurm aan skape oorgedra en hoe kan dit voorkom word? Ek verstaan die wurm kan ’n dier feitlik “lewend” opvreet. Hoe kan ek spykerwurm bekamp en kan ek terselfdertyd ’n makrosikliese laktoon en bloednier-entstof spuit? Die naam “spykerwurm” laat ’n mens dadelik aan wurmbesmetting dink. “Spykerwurm” is egter ’n beskrywing van die maaiers van die beesbrommer (Chrysomya bezziana). Hierdie brommer is kort en breed, en is metaalblou, met ’n geel gesig en rooibruin oë. Agter die kop, op die bokant van die vlieg, is daar twee donker merke wat soos driehoeke lyk. Die beesbrommer se vlerke is deursigtig. Die beesbrommer kom veral in Limpopo, die Laeveld van Mpumalanga, die Oos-Kaap en KwaZulu-Natal voor. In nat somers kom hulle in ’n baie groter gebied voor. Hulle…

Kort voor die winter aanbreek, begin boere se gewildheid onder hul stadsvriende toeneem. Jy hoor kort-kort hoe goed jy lyk in two tones en by padblokkades staar spietkops aandagtig na jou paneelbord in die hoop op ’n ou soutpunt (biltong). Dit moet die begin van die jagtyd wees! Vanjaar het ons jagtyd egter baie rustiger afgeskop. Ons het die jaarlikse Opening of the Season-fees op Jansenville misgeloop om Albertus Heroldt en Lize-Mari MacDonald se troue by te woon. Albertus boer by Malmesbury en ons noem hom Bushwack. Hy is een van daai karakters wat glo: “As jou plaas se naam nie Wel-Af is nie of as jy nie Tafelberg van jou plaas af kan sien nie, kan jy maar ophou boer.” Lize-Mari is pragtig, sag en vriendelik, maar agter daai…

‘Al my Krulkop-handewerk word uitgestal in rakke wat eers bedoel was vir borde en glase.’ Hoe is Krulkop Creations gebore? Ek is ’n dromer en leef die meeste van die tyd in my eie wêreld. Ek sien goed asof dit reeds bestaan – is dit nie maar hoe geloof veronderstel is om te wees nie? My ma is in 2010 oorlede en ek het daarna met my baba- en kinderklerereeks begin. Waar kom jou liefde vir naaldwerk vandaan? My ma het my met baie geduld geleer hekel voor ek plaasskool toe is. Ons het met pienk wol begin en ek was veronderstel om ’n vierkant te hekel, maar terwyl sy gaan eiers uithaal het, het ek die pad byster geraak en dit in ’n driehoek verander! My liefde vir hekel…

BEWARINGSLANDBOU WES-KAAP (BLWK) se jaarlikse Jack Human-bewaringslandbouweek word vroeg in Augustus in die Boland gehou. Die konferensiedag vind op 1 Augustus op Elsenburg plaas, terwyl die praktiese dag op 3 Augustus by die Hoër Landbouskool Boland gehou word. Drie buitelandse en Suid-Afrikaanse sprekers het reeds bevestig dat hulle die BLWK-konferensie sal toespreek. Dr. Ken Flower van die Universiteit van Wes-Australië in Perth is geen onbekende by Kaapse bewaringsboere nie. Hy gaan oor sy ondervinding met en navorsing oor verminderde en geenbewerking praat. Nog ’n kundige wat nie heeltemal onbekend by Kaapse boere is nie, is dr. Wendi Taheri, eienaar van die Amerikaanse maatskappy TerraNimbus. TerraNimbus doen navorsing oor die beste maniere om te bepaal of daar arbuskulêre mikorisaswamme in grond is. Sy gaan op die konferensiedag oor mikorisa (swamme wat…

Berekenings teen die middel van die maand dui daarop dat verbruikers begin Julie vir die tweede agtereenvolgende maand kan uitsien na ’n daling in brandstofpryse. Mnr. Dawie Maree, hoof van landbou-inligting en bemarking by FNB, sê ’n daling van 50c/l tot 60c/l kan verwag word vir petrol én diesel weens oorverhalings by albei. “Dit is interessant dat die beweging in die wisselkoers verantwoordelik is vir gemiddeld 3c/l in die oorverhaling. Die daling in internasionale produkpryse is verantwoordelik vir ’n verdere oorverhaling van 55c/l tot 57c/l.” Hy sê die herstel en redelike sterk vertoning van die wisselkoers is goeie nuus vir toekomstige prysverwagtinge, tensy daar weer een of ander onnodige politieke skok kom. “Wat die internasionale prys van ruolie betref, het Opul (die olie-produserende uitvoerlande) gepoog om verdere produksiebeperkings in te…

BOEREDAE 9 AUGUSTUS: Gauteng-suiweldag. Belnori-boetiekkaasmakery, Bapsfontein (Gauteng). Sprekers sluit in Benita Bekker van Bloemfontein, Kobus Mulder van Kaapstad, Leon Kruger van die LNR Irene, dr. Brylene Chitsunge en dr. Chris van Dijk. Daar sal ook praktiese hoefsny- en onthoorningdemonstrasies wees. Verskaffers van onder meer dierevoer, dieremedisyne, benodigdhede vir kaasmakery en sonkragverhitting sal stalletjies hê. Besprekings noodsaaklik. E-pos: Belnori220@gmail.com; tel. 082 377 5698. 23 AUGUSTUS: Noord-Vrystaat SAVM se “MEGA Boere”-inligtingsdag en veiling. Kroon-Boma, Kroonstad. Sprekers: Hendrik van Pletzen (Genetiese vooruitgang danksy gehalteramme en die ekonomie), dr. Faffa Malan (Johne se siekte, weerstandige inwendige parasiete en rooiluise, ramsiekte, vrotpootjie, absesse, skaapbrandsiekte). SAVM nooi veral vroue wat tot die landbou toe-tree, jongboerstudiegroepe, skoleboereverenigings en kommersiële en stoettelers van alle skaaprasse. Neline Pienaar. E-pos: Bennieneline@eleo.co.za; sel 082 440 4492. Met die samewerking van die…

WAAR IS JAN BONSMA? “Wat ’n besonderse dier,” skud my pa sy kop in ongeloof tydens ’n onlangse besoek aan ons in die Kaap van sy Oos-Kaapse plaas af. Landbouweekblad lê op sy skoot. ’n Foto op die veilingsblaaie van Arthur de Villiers se top-Bonsmarabul op sy onlangse produksieveiling roer dié deurwinterde mede-Bonsmaraboer steeds diep. Die bul is die indrukwekkende produk van jare se talentvolle toewyding deur een van Suid-Afrika se mees legendariese beestelers. Ondanks al sy talent rus hy egter steeds op die skouers van ’n ware reus, die geniale prof. Jan Bonsma, die vader van die ras. Bonsma was ’n diep gelowige man, vir wie die Bonsmararas altyd meer as net ’n bees was. Dit was, in sy eie woorde, ’n uitbeelding van die waarhede wat hy in…

MNR. HANNES ESTER­HUYSE van Williston glo jy moet net soveel tyd in jou kantoor as in jou skaapkraal of land deurbring. Hy het sy skaapboerdery vlerke gegee met lusern- en uiesaadproduksie. Artikel op bl. 36. VERTEL VAN JOU GESIN. Ek en Irene het op Cradock ontmoet. Ons drie kinders gaan op Vredendal skool. Narene is 16, Elismé 14 en De Waal 10. LEES JY GRAAG? Ek is leergierig en benewens my Bybel lees en kyk ek alles wat vir my interessant is. Koerante, outobiografië, literatuur oor die grensoorlog, ’n bietjie politiek, sport en tegnologie wat op die landbou van toepassing is. Ek moet weet wat in die wêreld aangaan, en op hoogte bly van nuwe ontwikkelings en neigings. HET JY STOKPERDJIES? Ek is ’n buitelugmens. Enigiets wat ek dus in…

’N RITS produksieprobleme en entstoftekorte by Onderstepoort Biologiese Dienste wat reeds jare lank voortsleep, dwing die private dieregesondheidsektor om nou ál meer sy eie planne te begin beraam. Boonop is daar weens ’n gebrek aan leierskap geen vooruitsig dat dié krisis gou opgelos kan word nie. Landbouweekblad verneem betroubaar selfs die OBP se bestuur meen sy personeel kan nie die mas opkom nie. Daar was die afgelope jaar ernstige probleme met die produksie van entstof vir bloutong en Afrikaperdesiekte. Talle besendings entstof wat daar vervaardig is, was onbruikbaar. Intussen is benoemings vir ’n plaasvervanger vir dr. Steve Cornelius, die vorige uitvoerende hoof, reeds aan die Minister van Landbou, Bosbou en Visserye oorhandig, maar die aanstelling, tesame met ’n nuwe raad, is nog nie gemaak nie. Intussen neem die huidige raadslede…

1 NIGERIË | Toelaes gevra oor ‘gevaarlike’ plaaswerk ’n Vakbond vir plaaswerkers in Nigerië wil hê die regering moet ’n risiko-toelaag vir sy lede instel. Mnr. Robert Okoroafor, die adjunkvoorsitter van die landbou- en geallieerde werkersunie van Nigerië (AAEUN), sê die Nigeriese presidentskantoor en parlement moet só ’n toelaag aan landbouwerkers oorweeg omdat plaaswerk en verwante werk onder die drie gevaarlikste beroepe in die wêreld is. Die vakbond het kort voor die vorige regering se ampstermyn geëindig het, ’n voorstel in dié verband voorgelê, maar daar het niks van gekom nie. Die AAEUN beywer hom al meer as 15 jaar vir só ’n toelaag. – AllAfrica.com 2 ZAMBIË | Staat gryp verkeerde trokke Die Zambiese regering het nagenoeg 272 vragmotors wat geskut is in ’n operasie om die onwettige handel…

BOERE in Limpopo is bekommerd oor die moontlike impak van die verval van Zimbabwiese werkpermitte, veral die ZSP (Zimbabwean Special Permit), op die provinsie se arbeidsituasie. Die permitte verval teen einde Desember vanjaar. Daar werk ’n geskatte 500 000 Zimbabwiërs in Suid-Afrika, die meeste in Limpopo. Baie van hulle werk op plase. Landbouorganisasies verduidelik dat boere in ’n groot mate van hierdie buitelandse arbeiders afhanklik geword het. Die Limpopo-landbouforum het in ’n onlangse persverklaring sy kommer uitgespreek dat daar nie weer permitte vir die huidige Zimbabwiese werkers uitgereik gaan word nie. “Die Departement van Binnelandse Sake het nog geen aanduiding gegee dat daar ’n alternatiewe permitstelsel gaan kom wat die bestaande stelsel gaan vervang nie. Vorige aanduidings was dat die permithouers ná die verstryking van hul permitte na Zimbabwe sal…

“IN Afrika het boere die vermoë om op landbougebied saam te werk ten spyte van hul eie lande se betrokkenheid by internasionale politiek,” sê dr. Theo de Jager, nuwe voorsitter van die Wêreldorganisasie vir Boere (WFO). Hy het met Landbouweekblad gepraat terwyl hy die spitsverkeer in Pretoria getrotseer het op pad na ‘n vergadering waar hy boere van Limpopo se belange op nasionale vlak gaan verteenwoordig. Hy sê om onderlinge samewerking tussen verskillende lande se landbouorganisasies te bewerkstellig, is een van die groot hindernisse wat hy in sy ampstermyn van twee jaar by die WFO die hoof moet bied. “Die Mexikaanse boere wil nie met die Amerikaanse boere saamwerk nie, want die Amerikaanse president dreig om ‘n muur tussen dié twee lande te bou. Die Russe en die Europeërs grom…

E en ding waaroor produsente nie besorg hoef te wees nie, is of Suid-Afrika voldoende infrastruktuur in die hawens en ook ten opsigte van spoor- en padvervoer het om ’n groot deel van vanjaar se mielieoes doeltreffend te kan uitvoer. Suid-Afrika het in die bemarkingsjaar 1994-’95 altesame 4,7 miljoen ton mielies uitgevoer. Daar is egter vier struikelblokke wat ’n stok in die wiel van uitvoer kan steek. Eerstens sal die uitvoer van mielies uit Mpumalanga nie optimaal kan geskied nie. Die wedywering met die vervoer van steenkool in daardie provinsie maak uitvoer moeilik. Tweedens het plaaslaai toegeneem en dit maak staat op die padvervoerinfrastrukuur. Treinvervoer het nie toegang tot plaaslaaigeriewe nie. Derdens is toewyding aan die uitlaai van silo’s 24 uur per dag en sewe dae per week ’n vereiste…

Die ekonomiese groeikoers vir vanjaar se eerste kwartaal was ’n negatiewe 0,7%, maar vir die landbou was dit positiewe groei van 22,2%. Die syfers het skokgolwe deur die private sektor gestuur, want die -0,7% volg op die vierde kwartaal van verlede jaar se groeikoers van -0,3%. Dié syfers beteken Suid-Afrika se ekonomie verkeer volgens die definisie in ’n resessie, met twee opeenvolgende kwartale wat negatiewe groei gerealiseer het. Vooruitsigte vir die res van die jaar is nie goed nie. Die herstel in die landbou volg ná ’n paar kwartale se diep insinking weens die effek van die droogte. Die verwagting is dat die landbou se groeikoers en bydrae tot die ekonomiese groeikoers in die res van die jaar gunstig sal wees (sien GRAFIEK 1 ). Die dilemma is dat die…

HET JY ’N MENTOR? Een van die redes vir ons boerderysukses is my en my pa se goeie verhouding. Hy is wyd belese met ongelooflike kennis, leierskaps- en bestuursvaardighede. Ek sal hom ewig dankbaar wees vir die wyse waarop hy sy boerdery aan my oorgegee het. Ek het baie van my bestuursvaardighede by hom geleer, maar die belangrikste wat hy my geleer het, is om te dink oor dinge, om goeie menseverhoudinge met my werkers te hê, om goeie beplanning te doen en die vermoë te hê om ’n besluit te neem. HOE ERG IS DIE DROOGTE SE INVLOED OP JOU OMGEWING? Ons boere sukkel finansieel, maar die grootste impak is emosioneel. Baie manne suffer in silence. Jou boerderybestuur word heeltemal omvergewerp. In die goeie tye sal jy een keer…

Die Letelle is oorspronklik uit die Spaanse Merino geteel. Dié tipe het in 1785 ’n tuiste op die Franse regeringsproefplaas Rambouillet net buite Parys gevind, en as die Rambouillets bekend geraak. Die Spaanse skape was sonder plooie en met fyn wol. Van Frankryk af is hulle na ander lande uitgevoer, Suid-Afrika inkluis. Die eerste Suid-Afrikaanse teler was wyle mnr. T.P. van der Walt (LINKS), wat in die 1920’s 35 groot, plooilose ooie met fyn wol buite Barkly-Oos in die Noordoos-Kaap bekom het. Hulle was meestal van die Rambouillet-tipe. Sy ideaal was om ’n poenskopskaap te teel wat die maksimum hoeveelheid vleis en wol per hektaar kan lewer. Die hoofdoelwitte was skaapvleis van ’n goeie gehalte op ’n vroeë ouderdom, saam met egte Merino-wol – dus ’n gebalanseerde Merino wat aangepas…

Pekanneutboere moet sorg dat genoeg sonlig die bome bereik deur verskeie metodes toe te pas, soos minder bome per hektaar, die uitdun van bome namate hulle groter word, snoei en chemikalieë. Twee Amerikaanse wetenskaplikes het hul kennis aan plaaslike boere oorgedra en nuttige wenke verskaf. Dr. Jim Walworth van die departement van grond-, water- en omgewingswetenskappe aan die Universiteit van Arizona en dr. Richard Heerema, voorligtingspesialis in pekanneute aan die Universiteit van New Mexiko, het ’n gesamentlike lesing oor ligbestuur aangebied. Hulle het verduidelik dat boorddigtheid reeds aan die begin van die boord se lewe belangrik is. Die bestuursproses begin met die plant van die bome; dus by die ontwerp van die boord. Die digtheid behoort van só ’n aard te wees dat die bome so gou moontlik genoeg neute…

Vir die eerste keer in Suid-Afrika. Kempston Agri bemark die Stara Fenix 3000-sleepspuit. Dit kom van Brasilië en het ’n spuittenk van 3 000 liter en ’n 24 m-spuitbalk. Ander opsies is modelle met spuitbalke van 18 m en 21 m. Die ronde tenk se voordeel is dat dit baie stabiel is terwyl die spuitstof rondskommel. PRYS: R930 240. NAVRAE: Mnr. Etienne van Wyk, tel. 063 296 5211. Die spuitbalk van die Tronor 3000-18-spuit van Agri Services van Ballito is 18 m lank, maar ’n model met ’n balk van 21 m is ook beskikbaar. Dit is ontwerp volgens die beginsels vir presisieboerdery en beskik oor variërende toediening van spuitstof. Albei modelle het ’n tenk van 3 000 liter. PRYS: R524 400 en R592 800. NAVRAE: Mnr. Danie Kok, sel…

WATERREGTE OP PLAAS Ek is in die proses om ’n plaas te koop waar die verkoper beweer daar is waterregte wat aan die eiendom toegeken is. Die aanboden koopkontrakte was só opgestel dat die koop onderhewig is aan die oordrag van die waterregte. Dit het nou aan die lig gekom dat die waterregte moontlik deur ’n vorige eienaar gekanselleer is. Waar kan ’n mens vasstel of die waterregte wél nog aan die eiendom toegeken is? In die meeste gevalle waar ’n plaas oor waterregte beskik, is dit as titelvoorwaardes in die plaas se kaart en transport vervat. Dit is dikwels ook waterregte wat uit die een of ander besproeiingskema in die omgewing verkry word. Indien dit wél die geval is, word die verkoop van die plaas en die nuwe eienaar…

OVERVAAL SE ILE DE FRANCE-KAMPIOENE 1 Senior en grootkampioenram. Eienaars: Mnr. Johan (regs, sel 071 344 8100) en mev. Corné Fouché (middel), Corlee-stoetery, Schweizer-Reneke. Hanteerder: Mnr. Petrus Mothusi. 2 Junior en grootkampioenooi. Eienaars: Mnr. Johan (links) en mev. Corné Fouché (middel), Corlee-stoetery, Schweizer-Reneke. Hanteerder: Mnr. Jacob Rathou. 3 Reserwe senior en reserwegrootkampioenram. Eienaars: Mnr. Gerrit (middel, sel 082 553 9881) en mev. Louresa Erasmus (links), Gerunéstoetery, Stella. Hanteerder: Mnr. Johannes Moholo. 4 Reserwe junior en reserwegrootkampioenooi. Eienaars: Mnr. Johan (links) en mev. Corné Fouché (middel), Corlee-stoetery, Schweizer-Reneke. Hanteerder: Mnr. Solomon Pelele. OVERVAAL SE DORPERKLUB-KAMPIOENE WIT DORPERS 5 Senior en grootkampioenram. Eienaar: Me. Annelie Jonker (sel 071 351 5486), Chafrastoetery, Pretoria. Hanteerder: Mnr. Banda Laytoni. 6 Senior en grootkampioenooi. Eienaars: Mnr. Henk (links, sel 082 495 2979) en mev. Jaené Greeff…

As jy lekker wil kuier én eet, kom kuier jy by die Krugers op Poortjie, vertel Frans en Rosa se vriende. Daar is almal altyd welkom, jy kan sommer net inval, en Frans staan graag reg met iets om op die kole te gooi. Frans het in 1994 plaas toe gekom om saam met sy pa te boer, maar nadat sy pa in 1995 in ’n ongeluk oorlede is, moes hy vinnig leer om alles self te doen. Hy het destyds begin om kunsmis te verkoop en die besluit was ’n goeie leerskool –ook vir sy eie boerdery. “Ek het met die kunsmisbesigheid elke dag by ander boere op hul plase gekom. Dan sien jy wat party reg doen en ander verkeerd doen. Dit het my baie geleer,” sê hy.…

Desembervakansies oor die Groot Dae het ons skaapwagter met leave gegaan en dan moes ek en Sarel, my ouer broer, om die beurt vee oppas en op die veewerf uitslaap. Ma het jou kos vir twee dae in ’n looisakkie gesit en jy het dit op jou rug saamgedra. Gelukkig het ons twee werfhonde ook saamgeloop. Ek was nog op laerskool en om snags alleen in die oop veld te slaap, was vir my as kind ’n onaangename ondervinding, want ek was bang. By die veewerf was net ’n drom water en ’n takskermpie met jou beddegoed. Saans het jy ’n vuurtjie gemaak en ’n stukkie geëet en kort-kort bang oor die heining geloer. Dan het jy later die duikerkleedjie oopgerol en onder die velkombers ingekruip, met die twee honde…

Produsentepryse vir braaihoenders het sedert einde verlede jaar stewig gestyg. In Februarie was die prys gemiddeld R23,13/kg, luidens die jongste prysverslag op die webwerf van die Suid-Afrikaanse Pluimveevereniging (SAPV). Dit is 7,4% hoër as in Januarie en 26,2% hoër as verlede Februarie. In die laaste kwartaal van verlede jaar was die gemiddelde prys R20,69/kg, 13,2% hoër as in die derde kwartaal. Die stygings volg nadat die Regering se pekelperke in Oktober in werking getree het en nadat produsente lank geen of klein prysverhogings gehad het. Die gemiddelde produsentepryse was verlede jaar, te midde van groot voerkostestygings, slegs 2,7% hoër as in 2015. Pryse van vars hoender was in Februarie vanjaar 8,6% hoër as ’n jaar gelede, en van kitsbevrore stukke aan die been (IQF) 27,2%, nadat laasgenoemde se pryse verlede…

GAUTENG DERDEPOORT AMSTERDAM (227) 1 372 ha, aan PPB Kement SA (Edms.) Bpk., van Pretoria Portland Cement, R10 976 000. DWAALBOOM (217) 70 ha, aan PPB Kement SA (Edms.) Bpk., van Pretoria Portland Cement, R1 250 000. PARYS(226)405ha,aan PPB Kement SA (Edms.) Bpk., van Pretoria Portland Cement, R1 950 000. PARYS (226) 591 ha, aan PPB Kement SA (Edms.) Bpk., van Pretoria Portland Cement, R2 800 000. PRETORIA KAALLAAGTE (122) 35 ha, aan Sabulela Props 24, van Adventure Addicts Events, R5 950 000. KAMEELFONTEIN (297) 21 ha, aan WP & HA Strauss-familietrust, van L. Otto, R1 100 000. KLIPFONTEIN (268) 118 ha, aan Linked Thoughts Consulting, van Golden Tau Developments (Edms.) Bpk., R53 010 000. KLIPFONTEIN (268) 118 ha, aan Stad van Tshwane Metropolitaanse Munisipaliteit, van Linked Thoughts Consulting, R85…

Die Braunvieh-telersgenootskap sien uit na sy volgende nasionale veiling in Oktober nadat verlede jaar se veiling op 5 Oktober in Kimberley te midde van een van die moeilikste seisoene vir beestelers geskied het. Op dié veiling is nietemin 15 van die 16 bulle wat te koop aangebied is, verkoop, met ’n hoogste prys van R55 000 en gemiddelde prys van R27 567. Van die vyf dragtige koeie wat op die vorige veiling aangebied is, is net twee teen gemiddeld R9 500 stuk verkoop. Die enkele dragtige vers wat aangebied is, is teen R12 000 van die hand gesit en nege koeie teen gemiddeld R14 167 stuk. Drie niedragtige verse is teen gemiddeld R8 000 stuk verkoop. Vanjaar se nasionale veiling is op 4 Oktober, weer in Kimberley, en dit word…