Indholdsfortegnelse for 3-May-19 i Landbouweekblad

‘HISTORIESE’ APPELBOOM VIND NUWE TUISTE ’n Witte-wijnappelboom van Nederland is in die Kompanjiestuin in Kaapstad geplant as deel van die viering van wat beskou kan word as die geboorte van die Suid-Afrikaanse appelbedryf. Jan van Riebeeck het dieselfde soort appelboom met sy koms in die Kaap geplant. Die eerste twee appels is op 17 April 1662, 357 jaar gelede, in die Kaap geoes. Mnr. Buks Nel, kultivarkenner van Tru-Cape, (wat die boom plant) het saam met ’n kollega, mnr. Henk Griesel, ’n boek oor die appelbedryf se geskiedenis geskryf. Ná ’n lang soektog is ’n wijnappelboom in ’n private tuin in Nederland opgespoor. Hulle kon nie saad van die boom hierheen bring nie en moes ’n steggie gebruik wat lank in kwarantyn was. SWAAR TYE Die genoteerde dierevoer-, pluimvee-en-eieronderneming Quantum…

PIONEER FOODS is een maatskappy wat kan getuig van hoe die chaos in Eskom in die voorsieningsketting kan deursyfer, winsmarges uitvee en ’n dolk deur die hart van talle maatskappye kan steek. Pioneer is ongelukkig om ’n paar koring- en mieliemeulens in van Suid-Afrika se meer vervalle munisipaliteite te besit. Soos Walter Sisulu in die Oos-Kaap (wat Aliwal-Noord insluit) en Dihlabeng in die Vrystaat (wat Bethlehem insluit). Daardie munisipaliteite betaal reeds jare lank nie hul Eskom-kragrekening nie. Hoewel Pioneer wel sý kragrekening betaal het, het Eskom eenvoudig almal se krag in 2017 afgesny – die Pioneer-meul inkluis. Toe gaan Pioneer in Desember 2017 hof toe en kry vroeg in 2018 ’n hofbevel wat Eskom keer om krag na daardie meul af te sny sonder behoorlike kennisgewing. Eskom het dié hofbevel…

ARTIKELS & RUBRIEKE ■ Melkboere kry dalk goeie nuus ■ Stel grondverdigting vroegtydig reg ■ Groentesaad werk in Karoo se veewêreld ■ Wen vleis met slim voerder ■ Bingo! Dié appel gaan Asië verras ■ Saadbeheer sleutel tot onkruidbekamping ■ Van vullisprobleem tot oplossing vir grondgesondheid GESIN ■ Duitse lekkernye uit Namibië DIVERSIFIKASIE Hoewel Graaff-Reinet in die Karoo bekend is as veewêreld, glo die 35-jarige mnr. Antonie Troskie dat die droë, warm klimaat ook geskik is vir groentesaadproduksie. Danksy dié bykomende bedryfsvertakking kan hy sy boerdery se winsgewendheid verseker.…

’N HERRIE het losgebars in pres. Cyril Ramaphosa se adviespaneel oor grondhervorming nadat ’n ongepubliseerde verslag van die paneel in die media uitgelek het. Nadat die berig oor die verslag verskyn het, het mnr. Dan Kriek, voorsitter van Agri SA, dit luidens ’n verklaring duidelik gestel dat die verslag nie deur die hele paneel gesteun word nie. Op haar beurt het dr. Vuyo Mahlati, voorsitter van die paneel, Kriek daarvan beskuldig dat hy die proses vooruit loop en vertroulike inligting binne Agri SA bekend maak. Sy sê hy is in sy persoonlike hoedanigheid in die paneel, en vra dat die paneel tyd gegun word om sy verslag te voltooi. Die verslag was veronderstel om eers op 24 April aan die president oorhandig te word, maar daar is oor die Paasnaweek…

SUID -AFRIK A ANSE oesversekeraars is waarskynlik vir nog ’n dekade aan hul eie heil oorgelaat en maak staat op die voortgesette betrokkenheid van buitelandse herversekeraars. Mnr. Andries Wiese, hoof van landbouversekering by Hollard Insurance, het op ’n byeenkoms van die noord-streek van Landbouskrywers SA gesê hy verwag nie dat die regering binne die volgende 10 jaar oesversekering gaan begin subsidieer nie. In lande waar regerings dit doen, lewer die subsidie ’n groot bydrae om boere se premies te verlaag, wat daartoe lei dat meer boere hul oeste verseker. In Suid-Afrika vra die versekeringsbedryf en die landbou die regering al jare lank vir so ’n subsidie. Wiese sê die landboukomitee van die Suid-Afrikaanse vereniging van versekeraars (SAIA) spits hom daarop toe om ramp-oesversekeringsdekking op die been te kry en om…

DIE nadraai van die afgelope paar jaar se wisselvallige weerpatrone en die voortgesette druk waaronder verbruikers verkeer, is van die faktore wat ’n rol in Zeder se jaarresultate gespeel het. Dié JSE-genoteerde maatskappy, wat in ondernemings in die landbou-, voedsel- en drinkgoedsektor belê, het ondanks dié probleme sy wesensverdienste en dividende gehandhaaf. Sy herhalende wesensverdienste per aandeel het in die jaar tot 28 Februarie 2019 met 0,4% tot 27,7c gestyg. ’n Opwaartse billikewaarde-aanpassing, wat die suksesvolle verkoop van Capespan se belegging in die Chinese vrugteverspreider Joy Wing Mau weerspieël, het sy wesensverdienste per aandeel met 81,9% tot 45,1c laat styg. Vanuit ’n waardasie-oogpunt het Zeder se som-van-die-delewaarde per aandeel egter tot R5,64 gedaal, vanaf R7,85 in die 2018-boekjaar. Zeder sê in ’n verklaring dit is grootliks weens die daling in…

OP die jagveld verdien die wildbedryf deesdae meer geld as met veilings, het mnr. Johan Rabie, wildboer van Chimoyo Wildlife in Limpopo, op die kongres van Wildbedryf Suid-Afrika gesê. Hy het statistieke van verskeie instellings aangehaal wat toon dat buffels in Suid-Afrika in 2017 sowat R199 miljoen op die jagveld verdien het. Daarteenoor het die inkomste uit buffels op 2017-veilings R114 miljoen beloop. Rabie het gesê wildboere is geneig om na veilingpryse te kyk om die stand van die wildbedryf te bepaal. Hulle moet eerder kyk wat op die jagveld gebeur, want dít is waar die werklike waarde van wild weerspieël word. Navorsing van die Noordwes-Universiteit toon Suid-Afrika het sowat 200 000 biltongjagters. Wêreldwyd is daar 200 miljoen tot 250 miljoen trofeejagters. Suid-Afrika kan waarskynlik nie met die groot jagkonsessies…

DIE jongste bokhaarveiling is gekenmerk deur ’n rekordomset van R46 miljoen vir een makelaar. Ondanks die sluiting van China se grense vir Suid-Afrikaanse dierevesel ná die uitbreking van bek-en-klouseer in Limpopo vroeër vanjaar het dié veiling tog vir ’n paar rekords gesorg. Mnr. Pierre van der Vyver, bestuurder van bokhaar by OVK, sê Angoraboere word deur ernstige probleme soos die droogte en die uitvoerverbod in die gesig gestaar. “Dit spreek boekdele dat die bedryf in hierdie omstandighede steeds ’n rekordveiling kon hou.” Hy sê dit was nie net die grootste veiling vir die seisoen wat gewig betref nie, maar ook die een met die beste gehalte bokhaar. Mnre. Jerry en Wayne Pienaar van Bokvlei Farming naby Beaufort-Wes het ’n wêreldrekordprys vir grootbokhaar behaal teen R420/kg. Hulle het ook die hoogste…

Die stompkopkewer boor tonnels in ’n boom om eiers te lê. Omdat die kewer nie hout kan verteer nie, word ’n swam in die tonnels vrygestel waarop die kewers kan voed as hulle uitgebroei het. Die swam beskadig bome se hout. Elke vroulike kewer lê gemiddeld 34 eiers. Een manlike kewer broei uit vir elke tien vroulike kewers. Nie alle bome waarin die kewer broei, sal vrek nie. Hoewel die kewer dié skadelike swam in bome kan vrystel, sal dit net in ’n klein aantal bome broei. Reproduktiewe gashere kry die meeste aandag wat die bekamping van die kewer betref. In Suid-Afrika is kewers reeds by 80 verskillende boomspesies gevind, onder meer 35 inheemse boomspesies. Sowat 20 van hierdie spesies is reproduktiewe gashere. Kewers is al by makadamia-, perske-, sitrus-,…

WAAIER BLY KOELKOP AL IS DAAR BEURTKRAG ’n Mens verlang na die klein geriewe as dit jou beurt is om die las op Suid-Afrika se kragnetwerk te verlig – dinge soos ’n waaier. Die enigste ooglopende verskil tussen jou 220 V-staanwaaier en die Sky King-batterywaaier is die twee batteryklampe aan die 12 V-waaier se kragdraad. Jy het dus ’n battery nodig om hierdie lemme te laat draai wanneer die krag af is, maar me. Janine Coetzer van die maatskappy Switch to Green sê dit is nie nodig om die ou trekkerbattery te gaan uithaal nie. Hierdie waaier, met sy drie spoedopsies en waaierkop wat kan stilstaan of heen en weer draai, gebruik só min krag dat dit met ’n klein 35 Ah-battery kan werk. Coetzer sê sy het die eerste…

SLUITING VAN ’N OPENBARE PAD OM ’N PRIVATE PAD TE MAAK Ek besit ’n kleinhoewe met ’n volledige transportakte op ’n plaas wat baie jare gelede in kleinhoewes opgedeel is en waar mense op klein skaal geboer het. Mettertyd, en namate die kleinhoewes van eienaar verwissel het, het van die mense besluit om hul heinings te verwyder sodat die gebied meer soos ’n reservaat kan wees. ’n Komitee is gestig en ’n grondwet ontwikkel waarby ’n mens vrywillig kon aansluit. Die proses het só ver gevorder dat van die eienaars aansoek gedoen het om hul grond as ’n reservaat te registreer om dan deel te word van die Krugerpark-bewaringsgebied. Met hul aansoek is daar ook aansoek gedoen om die toegangspad, wat ’n openbare pad na ons eiendom is, ’n private…

Ná die ramptoestande wat in Mosambiek, Malawi en Zimbabwe voorgekom het weens die sikloon Idai vanaf ongeveer 10 Maart vanjaar, is daar baie spoke opgejaag oor die voorkoms en uitwerking van siklone, veral ook oor Suid-Afrika. Daar is verskillende benamings oor die wêreld heen vir dieselfde verskynsel. In party dele van die wêreld word dit tifone (typhoons, in die noordwestelike Stille Oseaan) of orkane (hur r icanes, Atlantiese en oostelike Stille Oseaan) genoem, maar dit is presies dieselfde as ’n tropiese sikloon. Tropiese siklone se sterkte word gemeet aan die gemiddelde windsnelhede, asook rukwinde se snelhede, en daarvolgens vanaf kategorie 1 tot kategorie 5 geklassifiseer. Kategorie 1 is die swakste (minder sterk) met windsnelhede van 90-125 km/h en kategorie 5 die sterkste met windsnelhede van meer as 280 km/h. Daarmee…

Dis ’n Dinsdagaand ná uitvaltyd. Die dag se stof sak stadig oor die Ceresvallei. “Ek’s op soek na Koelfontein se stoor,” vra ek twee opgeskote jong manne langs die pad. “Ô’s is op pad soentoe ... sal oom ga’ wys,” praat die twee gelyk in tipiese Boland-aksent. Die woorde trots en tradisie kom dadelik by jou op wanneer jy anderkant Prins Alfred Hamlet regs afdraai na die Koelfontein-landgoed, in die holte van die Waboomsberg. ’n Netjiese teerpad kronkel tussen akkeren vrugtebome na die plaasopstal waar sewe generasies Conradies al sedert 1832 hier ’n bestaan maak. Mnr. Handri en me. Noelani Conradie is deesdae aan die stuur van sake. Dis al sterk skemer toe ons by die stoor stop. Die twee latte sluit hulle aan by die res van die koor…

‘Wat help dit ’n mens tog om die hele wêreld as wins te verkry en sy lewe te verloor?” vra Markus 8:36. Ek glo behalwe die teenwoordigheid van die Here Jesus Christus tref ons die mens se siel in die sterkte van sy familie aan. Waar daar geen familie is nie, is daar geen plaas, geen toekoms en geen vreugde nie. Inteendeel, waar daar geen familie is nie, is daar geen lewe nie. Ons moet baie versigtig wees dat ons nie só besig raak om ’n bestaan te maak, die verband af te betaal en die plaas op te bou dat dit ten koste van die familie-eenheid is nie. Ek kan uit ondervinding getuig, want ek het my eie vyf kinders én 27 aangenome kinders grootgemaak, terwyl talle ander ook…

Suid-Afrikaanse telers van melkbokke ervaar ’n groot vraag na hul diere uit buurlande in die streek. Dit lyk asof kopers uit meer lande as voorheen kom en die vraag is groter as wat die aanbod is, sê mnr. Kenny van der Merwe, voorsitter van die Melkboktelersgenootskap. Gemiddelde pryse vir geregistreerde diere is tans tussen R3 000 en R5 000, terwyl telers onder mekaar bereid is om R15 000 tot R20 000 vir ’n dier te betaal indien hulle ’n spesifieke bloedlyn in hul stoetery wil inbring. Van der Merwe sê daar is toenemende erns onder genootskapslede om die melkbokrasse verder te ontwikkel. Die meeste melkbokke in Suid-Afrika is wit Saanens. Telers se bedrywighede word belemmer deurdat hulle, weens siektes in moontlike uitvoerlande, nie rasegte bokke uit Australië en Nieu-Seeland kan…

Die volgende ontleding van grondverkope in Suid-Afrika is van transaksies vir grond van meer as 10 ha in Limpopo, Gauteng en KwaZulu-Natal, van Februarie 2018 tot Januarie vanjaar. Grondpryse by Pretoria het heelwat gestyg (18%). In ses distrikte van KwaZulu-Natal is pryse oorwegend bestendig. Agt distrikte in Limpopo toon ’n daling in grondpryse. By Phalaborwa het pryse met 8,4% gedaal. In dié provinsie was daar 478 ooreenkomste in 12 distrikte. Dit het 168 950 ha teen R2,961 miljard behels. Daarvan was 22% transaksies van kleur. Dié soort transaksies sluit in verhandelings tussen individue, regeringsaankope van landbougrond en grond wat vir stedelike ontwikkeling verkry is. Dit het 28,6% van al die verhandelde hektare in Limpopo behels. In Gauteng was daar 450 transaksies, wat 54 384 ha teen R4,211 miljard behels het.…

Die 55ste produksieveiling van die stoetery Cronjé Dorpers op Kimberley het goeie pryse opgelewer. Die duurste Dorperram (nr. 16-81) van mnr. Gert Labuschagne van Bloemfontein is teen R10 000 aan mnr. M.C. van Straten van Boshof verkoop. Stoetramme het gemiddeld R 6 818 behaal, terwyl kudderamme teen gemiddeld R6 422 verkoop is. Wit Dorperramme (tipe 5) is teen gemiddeld R7 166 verkoop, stoetramme teen gemiddeld R7 125 en kudderamme teen gemiddeld R7 000. Wit Dorperooie het gemiddeld R2 723 behaal. GWK het die veiling aangebied en mnr. Deon Klopper was die afslaer.…

Landbouweekblad, jou gunsteling-landboutydskrif, word op 21 Mei 100 jaar oud. Lesers kan in die feesvieringe deel deur saam met ons te kuier by ons stalletjie in die Namposaal (nr. 72, 73, 78 en 79). ’n Nuwe reeks klere en speelgoed is beskikbaar, asook spesiale wyn en voorblaaie. Wees op die uitkyk vir die Landbouweekblad 100-logo op artikels met ’n beperkte uitgawe, soos ’n nuttige mes en wyn van Beyerskloof. Dié artikels kan aanlyn van Landbou.com se winkel bestel word. ’n Reeks yskasmagnete met van Landbouweekblad se mooiste voorblaaie word ook verkoop. Oudergewoonte kan jy en jou gesin of vriende ook jul eie, persoonlike voorblad van Landbouweekblad laat maak – vanjaar met die 100-mashoof. Kom neem ’n foto en neem jou eie voorblad, wat ons op fotopapier uitdruk, huis toe. Landbouweekblad…

■ LEMKEN het in 1780 in Alpen, Duitsland, ontstaan. LEMKEN SA het in 2012 sy deure geopen. Die hoofkantoor is in Garsfontein, Pretoria. In 2018 het LEMKEN SA sy duisendste werktuig in Suid-Afrika verkoop. ■ LEMKEN se werktuie word versprei deur ’n goedgekeurde netwerk van handelaars reg oor Suid-Afrika en in Afrika suid van die Sahara. ■ LEMKEN Duitsland het ’n toegewyde ontwikkelingsafdeling wat die pas aangee en tred hou met die nuutste tegnologie en behoeftes in die landboubedryf. Omgewingsbewaring geniet voorrang.…

Plaasbedrywighede kan slegs korrek bestuur word indien dit korrek gemeet word. Mnr. Marius Wagener, produksiebestuurder van Kloovenburg in die Wes-Kaap, en mnr. Heinrich Schlunz, verkoopsagent van FarmTrack, het die korrekte bestuur van die plaas bespreek. Die plaas het 65 ha tafeldruiwe, 70 ha wyndruiwe en 25 ha olywe. Hulle het in September verlede jaar besluit om FarmTrack se GPS-opsporingstelsels aan te skaf om die plaas beter te bestuur. FarmTrack se toestelle, wat op plaasvoertuie geïnstalleer word, maak aantekeninge van alle bewegings en rygewoontes van bestuurders en dra die data dan intyds aan die stelsel oor. “Ons wou al ons spuittrekkers ten volle monitor. Die werknemers is haastig om op Vrydagmiddae betaal te word, met die gevolg dat rye gemis of selfs oorgeslaan word. Dit kan lei tot die uitbreking van…

Mielieboere het meestal ook ’n paar landerye sojabone wat tipies in wisselboustelsels ingespan word. Hulle het ’n groot keuse van mieliekultivars, maar die keuse van sojaboonkultivars lyk aansienlik kleiner. Dié situasie kan in die volgende dekade verander, maar boere gaan help betaal om nuwe kultivarontwikkeling te stimuleer. Tientalle maatskappye wat op Nampo uitstal, lewer advies, dienste en produkte wat in die graanbedryf ter sprake is, waaronder die hantering, opberging en verhandeling in graan. Vir sojaboonprodusente is ’n nuwe heffing ingestel van R65/ton vir sojabone wat verhandel word. Hierdie statutêre heffing is deur die nasionale minister van landbou, bosbou en visserye ingestel nadat belanghebbendes in die bedryf, verteenwoordig deur die sonneblom- en sojaboonforum, daarvoor gevra het. Die tegnologieheffing wat op 1 Maart in werking getree het, word deur die Suid-Afrikaanse kultivar-…

4,5% Die verbruikersprysindeks in Maart was op ’n jaargrondslag 4,5% teenoor Februarie se 4,1% – ’n styging van 0,8%. Alkoholiese drankies se bydrae het tot 0,4 van ’n persentasiepunt gestyg teenoor Februarie se 0,3. Vervoer se bydrae het gestyg van 0,5 van ’n persentasiepunt tot 0,9. Behuising en munisipale dienste het van 1,3 persentasiepunt in Februarie tot 1,1 in Maart gedaal. Die verbruikersprysinflasie in 2018 was 4,7% en die jaar voor dit 5,3%. —StatistiekeSA 13 Danksy die ondersteuning van die transformasie-eenheid van die Suid-Afrikaanse wynbedryf kon 13 wynlandgoedere in swart besit vanjaar ProWein (een van die wêreld se grootste handelskoue vir wyn en spiritualieë in Düsseldorf, Duitsland) bywoon. Die skou is vanjaar die 25ste keer aangebied. Meer as 60 000 besoekers van 142 lande het die skou bygewoon. — Michelle…

‘Ons het ’n afsonderlike verslag saamgestel waarin ons ons eie siening oor grondhervorming weergee. Dit is gegrond op bewese landboupraktyke en volhoubare ekonomiese groei.’ MNR. DAN KRIEK, voorsitter Agri SA, oor verskille binne die adviespaneel oor grondhervorming. Bl. 14 ‘Daar bestaan ’n leemte in owerheidsgeledere omdat nie begryp word wat die verskil tussen intensiewe en ekstensiewe boerdery is nie.’ PROF. FERDI MEYER, direkteur van die buro vir voedsel en landboubeleid, oor neigings wat die landboulandskap in die toekoms drasties kan verander. Bl. 18 ‘Dit was belaglik om ontslae te raak van subsidies vir grondbewaring, omheining en besproeiingsinfrastruktuur. Hoe meer ons daarvan kan kry, hoe beter.’ PROF. NICK VINK, hoof van die department landbouekonomie aan die Universiteit Stellenbosch, oor die afskaffing van subsidies in die landbou ná 1994. Bl. 19 ‘Die…

HULDE AAN PETER EN JOAN BOYES Op Donderdag 4 April 2019 het ons met hartseer verneem van die afsterwe van me. Joan Boyes, wat ons enkele maande tevore op 92-jarige ouderdom ontmoet het. In Desember 2018 het Joan en haar seun, Duncan, by ons aangesluit vir tee by Voermol se uitvoerende kantoor in Maidstone, KwaZulu-Natal. Joan en haar oorlede man, Peter, het albei ’n sleutelrol gespeel in die stigting van Voermol Voere. Joan, wat twee romans geskryf het nadat sy 90 geraak het, het gou ons bewondering gewen met haar energie, skerpsinnigheid en joie de vivre. Tydens die besoek het Joan en Duncan herinneringe opgediep aan die jare toe Peter as ingenieur vir die Tongaat-suikermaatskappy gewerk het. DIE GEBOORTE VAN ’N ‘BULKALF’ Tot 1958 was die verwydering van melasse ’n…

AFRIKA-VARKPES het op nóg ’n plaas uitgebreek, dié keer naby Delmas in Mpumalanga. Die siekte het ook vroeër vandeesmaand op ’n plaas by Lichtenburg in Noordwes uitgebreek. Albei uitbrekings was buite die Afrika-varkpes-beheergebied. Die jongste uitbreking is op 17 April bevestig, luidens ’n aanmeldingsverslag van Mpumalanga se departement van landbou, landelike ontwikkeling, grond- en omgewingsake. Die betrokke boer, wat ’n kleinskaalse intensiewe varkafrondingsboerdery het, het op 15 April gesien dat 10 varke gevrek het en onmiddellik twee karkasse vir ’n nadoodse ondersoek na ’n plaaslike private veearts geneem. Die plaas is sedertdien onder kwarantyn. Amptenare van Mpumalanga se veeartsenykundige dienste het dit besoek en onder meer gevind dat die varke groente en afvalprodukte gevoer word. Omdat die boer sy varke op veilings koop, is varkveilings in die omgewing opgeskort. Intussen…

DIE gebruik van indekse oor reënval, koue en hitte om boere se oeste te verseker, kan ’n nuwe era vir oesversekering inlui, volgens mnr. Andries Wiese, hoof van landbou by Hollard Insurance. Hy sê indeksversekering is ’n doeltreffende manier om ’n groep boere wat in dieselfde omgewing met dieselfde gewasse boer, te dek teen bepaalde gevare wat ’n regstreekse uitwerking op hul opbrengs kan hê. “Verskillende versekeraars kyk reeds, onafhanklik van mekaar, na die moontlikhede van sulke produkte binne die Suid-Afrikaanse konteks.” Dit word reeds hier en daar, met wisselende sukses, elders in Suider-Afrika gebruik. Vir so ’n produk besluit die versekeraar vooraf watter gebied en watter spesifieke risiko hy dek. “Die grootste probleem is die afbakening van sinvolle gebiede, sodat ’n versekeraar nie byvoorbeeld somer- en wintergewasse op dieselfde…

INGRYPENDE veranderinge in die toekoms kan ’n groot invloed op die landboubedryf hê. “ ’n Ver pad sal egter gestap moet word voordat ons by die regstreekse nasionalisering van eiendom en bates kom. Suid-Afrika kan nie grondonteiening sonder vergoeding bekostig nie,” het prof. Ferdi Meyer, direkteur van die buro vir voedsel- en landboubeleid (BFAP), op Laeveld Agrochem se Seil-Safari aan boord van die MSC Musica gesê. Meyer het gepraat oor neigings wat die landboulandskap drasties kan verander in die toekoms, soos grondhervorming, infrastruktuur en dienslewering, internasionale markte en handel (wat baie gaan verander), klimaatsverandering en toegang tot datategnologie. Grondhervorming, infrastruktuur en dienslewering is kwessies wat eie aan Suid-Afrika is. Die groot vraag tans is “gaan ek in die toekoms die eienaar van my grond bly, of gaan die eienaarskapkonsep drasties…

BOERE moet ophou om op vergaderings van boereverenigings te kerm en kla oor afbrekende kwessies of oor radikale politici. Hulle moet eerder planne beraam om hul eie heil uit te werk. Dít was ’n deurlopende tema op vanjaar se jongboerkonferensie van Vrystaat Landbou (VL) in Bloemfontein. Dit help niks om die blaam vir jou omstandighede te verskuif of te verwag die regering of landboumaatskappye moet jou help nie, het mnr. Francois Wilken, VL-voorsitter, gewaarsku. Hy woon baie vergaderings van boereverenigings by, en het gesê dit lyk of baie min boere nog die verantwoordelikheid aanvaar het om hul eie keuses te maak en die gevolge daarvan te dra. “Op heelparty vergaderings van boereverenigings word ondervind dat die afbrekende onmiddellik aanvaar word, maar nie die opbouende moontlikheid nie, want dit verg harder…

TOT 3 miljoen kiesers wat tradisioneel vir die ANC stem, het in die vorige verkiesing nie gestem nie. As dié neiging in die komende verkiesing voortduur, kan kleiner partye se persentasies vergelykenderwys verbeter, sê dr. Piet Croucamp, politieke ontleder. Dit beteken egter nie noodwendig dat dié partye merkbaar meer stemme gekry het nie. Croucamp het ’n aanbieding oor verkiesingsvooruitsigte gedoen op Glacier van Sanlam se beleggingskonferensie op Golden Gate. “Die EFF se steun by die stembus het in daardie verkiesing persentasiegewys van 6,4% tot 8,4% gestyg, maar hy het net 100 000 meer stemme gekry. Dis onbeduidend, gesien in die konteks dat daar van 25 miljoen tot 26 miljoen mense geregistreer is om te stem.” Croucamp sê die rede waarom die ANC slegs 54% van die stemme gekry het in…

Danksy die mediadekking wat veral bitcoin gekry het, het die gewildheid van kriptogeldeenhede toegeneem. Die gevolge van só ’n belegging uit die oogpunt van ’n oorlede belegger behoort egter sorgvuldig oorweeg te word. Hoewel daar geen waarborg is wat opbrengs uit dié tipe belegging betref nie, is daar wel die sekerheid van die mens se onvermydelike afsterwe. Indien die belegging in so ’n digitale bate nie behoorlik gedokumenteer is nie, kan die waarde daarvan egter vir ewig vir die belegger se erfgename verlore wees. Tradisionele beleggings word gewoonlik by geregistreerde verskaffers van finansiële dienste gemaak en ooreenkomstig wetgewing gereguleer. Volledige rekords oor die belegging, transaksies en beleggingsgroei is geredelik beskikbaar en kan deur die eksekuteur van die boedel bekom word. Verslagdoening oor kriptobeleggings word tans nie deur wetgewing gereguleer nie.…

Drie jaar gelede het die onafhanklike grondoudit van ADS, Landbouweekblad en Agri SA dit ten doel gestel om die presiese omvang van grondeienaarskap in Suid-Afrika te bepaal. Die laaste data vir die 25-jaar-tydperk van 1994 tot 2018 is onlangs verwerk en ontleed. In die proses is 539 954 datalyne verwerk en in 165 627 transaksies, groter as 10 ha, in die databasis opgeneem, uit data verkry van die aktekantoor (Windeed). As vertrekpunt is die 1993-landbou-sensus van die departement van landbou, bosbou en visserye gebruik vir 1994 as basisjaar. Ter aanvulling is ontlede datastelle van satellietbeeldmateriaal vir 1994 en 2016 gebruik om die omvang en migrasie na stedelike en dorpsgebiede te bepaal. Dit is beskikbaar gestel deur GeoTerraImage. Dit plaas ons dus in ’n goeie posisie om ’n betroubare perspektief te…

Ek het onlangs ’n aantal voorleggings van ’n prominente internetwolkdiensteverskaffer bygewoon. Dit was opvallend dat die wêreld, soos ons dit ken, bitter vinnig verander. Ek was tegelykertyd opgewonde en angstig. Wolkverwerking is rekenaarverwerking wat as ’n diens aangebied word op die internet (met ander woorde “in die wolk”). Die alternatief is die ou tradisionele verwerking wat gedoen word op jou persoonlike rekenaar, of dalk selfs op ’n spesifieke bediener- of hoofraamrekenaar. Hoewel tradisionele verwerking met die jare aansienlik goedkoper geword het, is dit steeds duur. Daarom is intensiewe rekenaarverwerking by universiteite en navorsingsinstellings, soos die WNNR, gedoen. Navorsers of ingenieurs moes tyd bespreek op dié instellings se groot rekenaars om hul ingewikkelde en intensiewe verwerking te doen sodat hul idees of ontwerpe die lig kon sien. Die tyd op hierdie…

Roosmaryn-enrooiwyn-beeskortrib Kortrib ■ 2 kg beeskortrib ■ Ongeveer 8 takkies roosmaryn ■ 125 ml rooiwyn ■ 15 ml worcestersous ■ 500 ml water ■ 2 ml elk sout en swartpeper Sous ■ 30 ml elk blatjang, worcestersous en tamatiesous ■ Sout en varsgemaalde swartpeper na smaak Pak die kortrib in ’n platboomysterpot of in ’n stoompot en sit 3 van die roosmaryntakkies op. Meng die rooiwyn, worcestersous, water, sout en swartpeper en giet oor die vleis. Verhit tot kookpunt, bedek en laat prut vir ongeveer 1 uur (in ’n ysterpot) of 30 minute (in ’n stoompot) tot die vleis taamlik sag is. Voorverhit die oond tot 230 °C. Skep die vleis uit en pak dit in ’n oondbak. Meng die sousbestanddele en verf die vleis daarmee. Pak nog roosmaryntakkies op…

INTERNASIONAAL: Die Chicagoprys het met 0,54%, of $0,64/t (R8,98/t), tot $141,60/t (R1 987/t) teenoor die vorige week gedaal. Op ’n jaargrondslag is dit 6%, of $9,09/t (R127,56/t), laer. Verwagte pryse: Mei – $140,94/t (R1 978/t), Julie – $144,32/t (R2 025/t), September – $147,47/t (R2 069/t), Desember – $151,96/t (R2 132/t). PLAASLIK: Die Safexprys van witmielies het met 0,8%, of R20/t, tot R2 645/t teenoor die vorige week gestyg, terwyl die prys van geelmielies met 0,3%, of R8/t, tot R2 539/t gedaal het. Op ’n jaargrondslag is witmielies 33,6%, of R665/t, duurder, terwyl geelmielies 22,6%, of R468/t, duurder is. Verwagte pryse: Witmielies, Mei – R2 689/t, Jul. – R2 743/t, Sept. – R2 813/t, Des. – R2 886/t; geelmielies, Mei – R2 579/t, Jul. – R2 593/t, Sept. – R2 653/t,…

Voorlopige syfers van die Sentrale Energiefonds toon dat daar in Mei ’n op- en afwaartse prysaanpassing vir onderskeidelik petrol en diesel kan wees. Mnr. Dawie Maree, hoof van landbou-inligting en bemarking by FNB, sê die deursneeverbruiker met ’n petrolvoertuig sal dalk sowat 50 c/l meer moet opdok vir petrol, terwyl produsente, as hoofsaaklik dieselverbruikers, dalk so effense sug van verligting kan slaak. Die gemiddelde oorverhaling op diesel was op 22 April sowat 5 sent/liter. “Dit is maar ’n effense oorverhaling, en heelwat kan nog gebeur tot einde April. Die internasionale produkpryse vir petrol het aansienlik meer toegeneem as vir diesel en daarom die groot verskil. “Danksy die goeie vertoning van die R/$-wisselkoers is die verandering sowat 15 sent/liter beter as wat verwag is. “Indien die rand sy goeie lopie kan…

Die vraag na uitgesoekte Chianina-teeldiere oorskry steeds die vraag en hoë pryse word betaal. Daarvan getuig die pryse van stoetbulle wat tot R200 000 behaal en rasegte, kommersiële bulle wat vir méér as R50 000 verkoop word. April was weer Chianinaskoutyd in Bastia Umbra, Italië, die groot gebeurtenis op die Italiaanse skoukalender wat ook deur boere van Suid-Afrika, Botswana, Namibië en Swaziland bygewoon is. Mnr. Christiaan de Jager, eienaar van die O-La-La-stoetery by Badplaas, wat ook daar was, sê al die beste telers het meegeding. Kalwers of susters van sy koeie wat in Italië vir embriospoeling gebruik word, het in ses van die nege vroulike klasse en vier van die bulklasse op die rostrum gestaan. Die toer was ook ’n geleentheid om van die beste teelmateriaal vir Afrika te bekom.…

BOEREDAE 9 MEI: Winetech en Vinpro se streeksinligtingsdag vir die Swart-land, Fynbos-landgoed, Paardeberg. Gaynor Fortuin, 021 276 0432, e-pos: gaynor@vinpro.co.za, web: www.vinpro.co.za 29 MEI: Plaasbesoek aan Andrew Jordaan, Voermol se Skaapboer van die Jaar, Cradock. Leon de Klerk, e-pos: leondeklerk@ vodamail.co.za, 082 901 1073; Raymond Rudman, e-pos: raymond.r@tiscali.co.za, 082 571 2944. FEESTE, EKSPO’S 5 MEI: Wittenberg-boeremark, Piet Retief, Mpumalanga. E-pos: wittenberg@skyafrica.co.za, web: www.wittenbergschule. co.za/home 22-23 MEI: Ensminger-varksimposium, Aha Kopanong-hotel en -konferensiesentrum, Benoni, Gauteng. Web: www.ensminger symposium.co.za, e-pos: info@ ensmingersymposium.co.za 4-7 JUNIE: Hortgro se tegniese simposium. Thea van Zyl, e-pos: thea@hortgro.co.za, web: www. hortgro.co.za, 021 870 2900. KONFERENSIES 20-22 MEI: Ruvasa-kongres, Coastlands Umhlanga-hotel en -konferensiesentrum, Umhlanga.Web: www.vetlink.co.za, e-pos: conferences@vetlink.co.za, 012 346 1590. 21 MEI: RPO se nasionale veediefstalforum, Pretoria. Web: www.rpo.co.za, 012 349 1102, e-pos: rpo@lantic.net 29-30 MEI: Agripreneurskonferensie, Emperors Palace,…

As deel van die eeufeesviering plaas ons ’n keur van stories op ’n splinternuwe webwerf (www.netwerk24. com/landbou/eeufees). Lees meer oor die groot geeste in die Suid-Afrikaanse landbou, ontwikkelings wat ’n impak op die bedryf gehad het, asook gunstelinge, soos Opsitkers en spotprente. Jy kan ook op ’n gratis nuusbrief oor die eeufees inteken. Stuur e-pos aan cornelia.vdmerwe@24.com met die woord “eeufees” in die onderwerplyn. Ons publiseer ook graag stories oor die rol wat Landbouweekblad in jou boerdery en familiegeskiedenis gespeel het. Lesers is welkom om hul eie foto’s en stories deur middel van die eeufeeswebwerf in te stuur vir moontlike publikasie.…

Tegnologie verander die aangesig van die landbou deur boere in staat te stel om produksie te verhoog, koste te verminder en aktiwiteite oor die hele landbouwaardeketting heen meer vaartbelyn te maak sodat voedselsekerheid op lang termyn gehandhaaf word, sê Standard Bank. Mnr. Nico Groenewald, hoof van landboubesigheid by Standard Bank, sê die begrip “ontwrigtende tegnologie” word gebruik omdat dit die wyse verander waarop voedsel al geslagte lank geproduseer word. Hierdie tegnologie verander ook die boer. Hy sê ’n suksesvolle boer moet vandag tegnies vaardig wees en gereed wees om die deurlopende stroom landbou-innovasies wat aan die mark bekend gestel word, te omarm. BLOKKETTINGS In die algemeen verander besigheid vinnig. Dus word tegnologie wat vir ander doeleindes ontwikkel is, nou volgens boere se behoeftes aangepas. Die beste – en moontlik belangrikste…

Maak gerus ’n draai by Argo Industrial se standplaas by B29-B30 om McCormick- en Landini-trekkers te besigtig. Gaan kyk gerus ook na die Landini Super 100 DTtrekker wat op die spel is in Landbouweekblad en Argo Landini se trekkerkompetisie as deel van die tydskrif se eeufeesvieringe. As ’n getroue vennoot van Landbouweekblad en sy lesers het Argo Landini besluit om ’n groot geskenk in die honderdste bestaansjaar van die tydskrif uit te loof. Die wenner van hierdie kompetisie, wat oor die volgende paar maande strek, word op Nampo Kaap (4-6 September) op Bredasdorp in die Wes-Kaap aangewys. Vyf finaliste — een per maand — word vanaf April tot die sluitingsdatum op 16 Augustus aangewys. Dié finaliste sal as gaste van Landbouweekblad en Argo Landini na Nampo Kaap genooi word om…

Geen enkele trekkeroplossing kan in ál die behoeftes van ’n boer voorsien nie. Indien jy egter ’n graanprodusent is in ’n streek met moeilike grondtipes, kan die gebruik van rusperbandtrekkers die oplossing wees in alle toestande. Magnum Rowtrac-trekkers is ontwerp om die ideale balans te handhaaf, met bandopsies wat by die landery se rywydte en grondtipe aanpas. Danksy ’n ossillerende agterste rusperbandstelsel bly die krag op die grond deurlopend dieselfde in die strafste grondtoestande. Dié trekkers hou vier kontakpunte op die grond. Dit verminder oppervlakdruk en beteken minder gewigsoordrag van voor na agter. Dit bied beweegbaarheid en hantering wat met dié van ’n wieltrekker vergelyk kan word. TEGNOLOGIE Aan die voorkant bied die Rowtrac gevorderde hoëtegnologiebande wat met ’n laer lugdruk werk – sowat 40% – vergeleke met tradisionele MFD-trekkerbande.…

Dit is ’n buitengewone luukse om net botweg te weier om probleme op te los. Ek verwys na eenvoudige dinge, soos om kragsentrales te bou wat krag opwek, of om treine te koop wat op Suid-Afrika se treinspore pas. Waar is die Hendrik van der Biljs van ouds, wat Yskor en Eskom byna eiehandig tot stand gebring het? Ja, Vanderbijlpark is na hom genoem om sy rol in Suid-Afrika se industrialisasie te erken, maar miskien sou dit ’n beter erkenning van sy nalatenskap gewees het om Eskom nie te verwoes nie! Die onnodige herrie oor die verslag van pres. Cyril Ramaphosa se adviespaneel oor grond wat aan die media uitgelek het, is weer ’n tydige herinnering aan die onvermoë om probleme op te los. Wat die paneellid gedink het hy…

ONTEIENING ‘KAN SA TERUGPLAAS IN APARTHEIDSJARE’ Voorgestelde wetsontwerpe oor grondhervorming hou ’n bedreiging in vir alles wat deur die bevrydingstryd bereik is. Die Vryemarkstiging sê ’n verandering aan die Grondwet kan mense terugplaas in dieselfde situasie as gedurende die apartheidsjare waar op grond beslag gelê is teen geen of onvoldoende vergoeding. Luidens ’n verklaring sê die stigting die Grondwet waarborg tans eiendomsreg vir almal ongeag ras. As artikel 25 van die Grondwet verander word, sal dit hierdie beskerming ondermyn, en die kwesbaarste deel van die bevolking sal die grootste slagoffers wees. Geen vergoeding sal arm swart mense die kwaaiste tref, want hulle sal uitgelewer wees aan munisipale amptenare wat sal maak soos hulle wil. FLIPPIE VAN DYK skryf: Is julle laf?! Dit gaan ons terugplaas na die tydperk net voor…

AGRI SA en die sekuriteitsgroep Fidelity ADT het kragte saamgesnoer om die hoë vlakke van plaasaanvalle en misdaad in landelike gebiede te bekamp. Mnr. Tommie Esterhuyse, Agri SA se voorsitter vir landelike veiligheid, het dié aankondiging Dinsdag in Centurion gemaak. Landbouverwante misdaad het die bedryf die afgelope boekjaar sowat R7,7 miljard gekos. Dit dui daarop dat die boerderygemeenskap herhaaldelik slagoffers van verskeie misdade is. Esterhuyse sê die erns van hierdie geweldsmisdade het Agri SA dringend laat soek na geleenthede om die veiligheid van die landbougemeenskap te verbeter. “Die kwessie van plaasveiligheid is te groot vir ’n enkele organisasie, gemeenskap of owerheidstruktuur om te hanteer.” Hy het gesê daar is met genl. Khehla Sitole, die nasionale polisiekommissaris, vergader om samewerking met die polisie te verbeter. “Die polisie sukkel met infrastruktuur vir…

AS jy van R3 miljoen tot R5 miljoen kan afknyp, kan jy aansoek doen om ’n lisensie om dagga vir die uitvoermark te kweek. Met ramings dat die Suid-Afrikaanse daggabedryf binne vier jaar sowat R27 miljard per jaar werd sal wees, is dagga ’n moontlikheid vir boere wat wil diversifiseer. Mnr. Nico Kriek, besturende direkteur van die nakomingsburo vir dagga, het aan Landbou.com verduidelik hoe die proses werk om aansoek te doen om ’n lisensie. Hy sê jy moet ’n perseel hê wat goedgekeur is deur die Medisynebeheerraad, nie deur die departement van landbou, bosbou en visserye nie. Jou perseel word dus besigtig en die nodige planne opgestel. Dit sluit in ’n sekuriteitsplan vir die posisionering van jou tonnels. Sodra jou perseel gereed is, moet jy met die prosedure begin…

ZIM BABWE is die enigste land ter wêreld wat ’n beleid van onteiening sonder vergoeding toegepas het. In alle ander lande waar daar grondhervorming was, was daar altyd ’n mate van vergoeding betrokke, het me. Annelize Crosby, Agri SA se hoof van beleid- en grondsake, op die jaarkongres van die misstofvereniging van Suid-Afrika buite Stellenbosch gesê. “Die Grondwet verplig Suid-Afrikaanse howe om internasionale wetgewing te oorweeg.” Crosby het gesê die moderne benadering tot vergoeding word gegrond op die beginsel van gelykheid van die openbare las. “Die benadering behels dat wanneer een of meer individue ’n opoffering (soos die verlies van eiendom) ter wille van die breë gemeenskap maak, moet hulle vir hul individuele en buitensporige las deur die gemeenskap (met ander woorde die staat) vergoed word.” Volgens haar is daar…

NET 9% van Vrystaat Landbou (VL) se sowat 3 300 lede is jonger as 35 jaar. Dié onrusbarende syfer is op die VL se jaarlikse jongboerkonferensie in Bloemfontein deur die uitvoerende hoof, mnr. Gerhard Kriel, bekend gemaak. “Ons sal nuut moet begin dink en strategieë ontwikkel om meer jong boere by die georganiseerde landbou te betrek. Waar gaan ons andersins oor 20 jaar wees? Dan is daardie lede sowat 50 jaar oud.” Kriel het beklemtoon dat ’n mens nie meer in isolasie kan boer nie. Die boer het die steun van ’n netwerk van medeboere en sy inset- en diensverskaffers nodig. Daarom is dit noodsaaklik dat boere by die georganiseerde landbou betrokke raak. Mnr. Francois Wilken, VL-voorsitter, het gesê daar moenie toegelaat word dat die organisasie sy deure moet sluit…

’N VERANDERING aan die Grondwet kan mense terugplaas in dieselfde situasie as gedurende die apartheidsjare toe op grond beslag gelê is teen geen of onvoldoende vergoeding. Die Vryemarkstigting sê in ’n verklaring die Grondwet waarborg tans eiendomsreg vir almal ongeag ras. As artikel 25 van die Grondwet verander word, sal dit dié beskerming ondermyn, en die kwesbaarste deel van die bevolking sal die grootste slagoffers wees. Geen vergoeding sal arm swart mense die kwaaiste tref, want hulle sal uitgelewer wees aan munisipale amptenare wat sal maak soos hulle wil. As artikel 25 van die Grondwet verander word om onteiening sonder vergoeding moontlik te maak, sal die regering in wese, selfs met die erkenning van eiendomsreg, in sy grondwetlike plig misluk om hierdie reg te beskerm. BETEKENISLOOS “Erkenning sonder beskerming beteken…

KORTOM ■ Op makrovlak het Suid-Afrika voedselsekerheid, want hy voer meer landbouprodukte uit as wat hy invoer. Tog het ’n kwart van die bevolking te min kos. ■ As kinders ondervoed is, het dit nadelige gevolge op lang termyn. ■ Toegang tot grond waarborg nie voedselsekerheid nie, want armoede – en dus voedselgebrek – kom algemeen voor by mense wat bestaans- en kleinskaalse boerdery in kommunale gebiede bedryf. Sowat ’n kwart van die Suid-Afrikaanse bevolking leef onder die broodlyn van R411 per maand in 2015-pryse. Dit blyk uit die verslag Food security in SA, 2019 van Statistieke Suid-Afrika, die eerste in ’n beoogde reeks verslae, waarin met ontledings aangetoon word wat die vlakke van voedselsekerheid tot op huishoudelike vlak in Suid-Afrika is. Luidens die verslag is 25,2% van die bevolking…

KORTOM ■ ’n Voerkraal op Delmas kan Wagyutelers in staat stel om danksy die groot vraag na dié vleis met sy hoë mate van marmering (tussenspiervet) groot wins per karkas te maak. ■ Die voerkoste van die Wagyu is hoog weens die spesiale rantsoene wat gebruik word om marmering optimaal te bevorder, maar die diere kan nogtans kostedoeltreffend gevoer word. ■ Telers moet op hul beurt seker maak hulle volg die voorskrifte van die Wagyugenootskap van Suid-Afrika se Gesertifiseerde Wagyubeesvleisprogram. Sommige mense erken daar is ’n mate van agterdog oor die baie geld wat met ’n Wagyuboerdery verdien kan word, veral met die drastiese afname in die pryse van skaars wild nog vars in die geheue. Gaan die Wagyuborrel nie bars nie? wil hulle weet. Net ’n hand vol jare…

Goeie kennis van die sonneblomplant is nodig om deeglike beplanning te doen voordat die boer aan faktore soos landseleksie, kultivarkeuse, bemesting, plantdatum en plantestand kan dink. Mnr. Corné van der Westhuizen, landboukundige van Pannar in Noordwes, het die verskillende groeistadiums verduidelik. Dit bestaan uit vegetatiewe (V0 tot Vn) en reproduktiewe (R1 tot R9) stadiums. VEGETATIEWE FASE Van plant tot V0 vind ontkieming en saailingvestiging plaas. Dan word die eerste komponent van die opbrengspotensiaal vasgelê, naamlik die aantal blomme per hektaar. “Dit is raadsaam om heeltyd by die plantproses betrokke te wees om toe te sien die aanplanting is egalig en goeie saad-tot-grond-kontak vind plaas, want vinnige, egalige opkoms is nodig om aan elke plantjie ’n gelyke voordeel te gee.” Die grond moet 10 °C of warmer wees (ideaal 22-25 °C),…

Hoë produksiekoste en lae kommoditeitspryse dwing produsente om te kyk na alternatiewe metodes en praktyke om koste te verlaag. Een van die vrae wat ontstaan, is hoe lewensvatbaar dit vir produsente is om mieliegraan as saad terug te hou en die volgende seisoen te plant. Hierna word as terughousaad verwys. BASTERSAAD Bastersaad word verkry deur twee of meer ouerlyne met mekaar te kruis om sodoende ’n baster te vorm wat die eienskappe van albei ouerlyne besit. Die proses om ’n baster te teel neem baie lank, maar deesdae word nuwe tegnologie en rekenaars gebruik om die proses te versnel. Bastersaad het ’n paar voordele. ■ Die fisieke gehalte van saad word gewaarborg en gemonitor. ■ Die genetiese gehalte van saad word ook gewaarborg en gemonitor. ■ Biotegnologiese eienskappe kom in…

Benewens ’n rekenaar bly die boer se dagboek die algemeenste manier van aantekeninge hou. Dit is veral belangrik om aantekeninge te maak van die aantal dae wat verskillende kampe per jaar bewei word. Heelwat programme is op die internet beskikbaar wat hierdie data verwerk en hou, veral in Australië en Amerika. As intekenaar kos dit tot A$60 (sowat R600) per maand, wat taamlik duur is. Sulke programme bly nogtans ’n goeie alternatief teenoor die langdradige proses om deur ’n dagboek te blaai om te kan sien wanneer laas en hoe lank ’n spesifieke kamp bewei is. Danksy ’n gewone Excel-program kan ’n boer basiese aantekening van die beweiding van kampe op sy plaas in ’n maklike vorm hou. Veral gedurende droogtes is aantekeninge noodsaaklik. Dit is ook belangrik om vooruit…

Ons kostoer deur Namibië om stories en resepte te versamel vir die splinternuwe uitgawe van Boerekos was propvol hoogtepunte – en die watertandvleisgeregte wat aan ons voorgesit is, was een daarvan! Maar Namibië is ook bekend vir sy fantastiese seekos, heerlike Duitse gebak en allerlei ander lekkernye en streekskos. In Boerekos Winter 2019 vertel ons die stories en deel die resepte van Namibiese boere, bakkers en kosmense – ’n smuluitgawe! Laai dit sommer vandag nog in jou winkeltrollie. Boerekos Winter 2019 kos R55 en is by die meeste supermarkte beskikbaar, of bestel dit by www.landbou.com…

My skoonseun, Johan Pretorius, wil vir ons ’n potjie gholf bespreek op sy tuisbaan, Mount Maunganui, in die sonnige Tauranga op die Noord-eiland. Hoewel jy nie die see kan sien nie, hoor jy die Bay of Plenty se branders breek terwyl jy onder die ou immergroen bome swaai. Johan vertel daar is meer skape as mense in Nieu-Seeland – en soms voel dit asof daar meer gholfbane as spelers is. Al die klein dorpies het minstens een baan, waarvan die meeste plaaslike buiteklubs is. Dit beteken dat hulle nie gereeld in stand gehou word nie. Daar is ’n klein klubhuis, beman deur een persoon (gewoonlik die eienaar). As hy nie op sy pos is nie, help jy jouself met ’n telkaart, gooi jou inskrywingsgeld in die eerlikheidskissie, en geniet die…

Nektariens het perskes getroef as die gewildste van dié soort vrugte – nie net in Suid-Afrika nie, maar feitlik wêreldwyd, sê dr. Leon von Mollendorf van Culdevco, ’n plaaslike vrugtemaatskappy wat veral vrugtekultivars wat plaaslik deur die LNR geteel is, evalueer en uitvoer. Tans hanteer Culdevco meer as 150 vrugtekultivars wat deur die LNR geteel is. Von Mollendorf sê steenvrugte het ’n moeilike seisoen beleef omdat die internasionale vrugtemarkte in die algemeen oorvloei is deur verskillende ander soorte vrugte, waaronder baie tafeldruiwe en swartbessies. Die vraag na nektariens is egter wêreldwyd besig om dié van “gewone” perskes te oorskry en groei steeds. Daar is meer as 30 lisensiehouers in die land wat dié vrugsoorte teel en bemark. “Die afgelope jare oorheers die vraag na nektariens dié van perskes ten koste…

GAUTENG CARLETONVILLE BLAAUWBANK (125), 39 ha, aan CP Eiendomme (Edms.) Bpk., van J.F. en P.J. Janse van Rensburg, R1 300 000. NIGEL KLIPRIVIERSVAL (371), 78 ha, aan Gautengse regering, van Ayscough Clarke & Sons, R17 000 000. KLIPRIVIERSVAL (371), 90 ha, aan Gautengse regering, van R. Ayscough-Clarke, R2 000 000. WATERVAL (5), 25 ha, aan Zotec Developments (Edms.) Bpk., van PJJ van Vuuren Beleggings (Edms.) Bpk., R57 500 000. KWAZULU-NATAL BALLITO FU (18507), 205 ha; LOT 44 (1570), 315 ha; LOT 44 (1570), 25 ha en LOT 49 (862), 45 ha, aan Tongaat Hulett Developments (Edms.) Bpk., van IFA Hotels & Resorts SA (Edms.) Bpk., Tongaat Hulett-Zimbali Resorts (Edms.) Bpk. en Zimbali Resort Developments Joint Venture Partnership, R69 600 000. SPIOEN KOP (1125), 131 ha, aan Nohari Farms, van Glenlee…

Dr. Faffa Malan, Landbou.com se virtuele veearts en aanbieder van die veegesondheidinsetsel op Landbouweekliks, is weer op sy pos. Hy gesels graag oor dieregesondheidsake in sy “sitkamer” by die stalletjie. Sy jongste boek, Vra die Veearts – Wat beesboere moet weet (2), is ook hier saam met ander handboeke te koop. Handboeke oor gewilde onderwerpe, soos vee- en weidingsbestuur, sal te koop wees. Daar is ’n groot verskeidenheid in verskillende prysklasse. Sommige boeke is ook in Engels beskikbaar. Van die handboeke en tydskrifte wat te koop is, sluit in: ■ Vra die Veearts, Kleinvee – R285. ■ Vra die Veearts, Beeste – R300. ■ Die wonder van UHDSB – R120. ■ Boereplanne 4 – R49. ■ Ask the Vet, Cattle farmers – R230 ■ Ask the expert vet’s advice –…

Om in te skryf, moet jy ’n bona fide-boer wees. Inskrywings word beperk tot een (1) inskrywing per deelnemer per maand. Jy kan per SMS of e-pos inskryf. Stuur ’n e-pos na andrip@argosa.co.za of ’n SMS na 33677 met die antwoord op die volgende vraag: “Wie borg die trekker wat Landbouweekblad-lesers kan wen?” Stuur die antwoord saam met jou naam, van, plaas se naam en die streek waar jy boer. Voorbeeld: Argo Landini, Piet Nel, Blesfontein, Delmas-distrik. Deelnemers moet beskikbaar wees om by die trekking te wees tydens Nampo Kaap op Bredasdorp. Die reiskoste van ál vyf finaliste word gedek. ’n Volledige beskrywing van die veelsydige Landini Super 100 DT-trekker en sy spesifikasies is by www.landini.co.za te sien. Die reëls, bepalings en voorwaardes is op Landbou. com beskikbaar.…

Boere is welkom om op Nampo by standplaas A12-A14 in te loer en te gesels oor nuwe tegnologie, die voorrangvennote in John Deere se bedryfsentrum en wat die MoreTools-opsie vir hulle kan beteken. Soms is meer as net die werktuie en tegnologie uit John Deere se stal nodig om ’n boerdery se probleme te takel. John Deere het dus oor die jare heen goeie verhoudings opgebou met talle spesialis-insetverskaffers en handelaars omdat dié voorrangvennote dieselfde hoë standaarde handhaaf. “Produsente boer nie alleen nie. Hulle werk saam met kleinhandelaars, insetverskaffers, maatskappye wat sagteware ontwikkel, en baie ander om presisieboerdery toe te pas. John Deere erken dat boere hul boerderydata vinnig en maklik met vennote moet kan uitruil om betyds akkurate besluite te neem. Deur dit moontlik te maak dat rekenaartoepassings direk…

Plaaslaai bied ’n finansiële voordeel aan produsente in die meeste produksiegebiede en vergemaklik die oesproses. Die graan word op die produsent se plaas gelaai, en gevolglik bespaar hy vervoerkoste na die naaste silo, hanteringskoste en die dagopbergingsheffing van die graan by die silo. Bester Voer en Graan is daarop toegespits om saam met die produsent te werk om seker te maak die plaaslaai word so doeltreffend moontlik gedoen. Die infrastruktuur op die plaas is ’n belangrike faktor tot suksesvolle plaaslaai. Goeie deurvoergeriewe met genoeg kapasiteit is noodsaaklik vir doeltreffende en winsgewende plaaslaai. Graandamme, silosakke, sinksilo’s of ’n skuur kan ingerig word vir die deurvoer van graan. Die kapasiteit wat nodig is, sal afhang van die boerdery se grootte en die tempo waarteen gestroop word. Enige vorm van alternatiewe opbergingstrukture in…

Biotegnologie is enige tegnologiese toepassing wat biologiese stelsels of lewende organismes aanwend om hul produkte of prosesse vir ’n spesifieke gebruik deur die samelewing aan te pas. Biotegnologie het talle toepassings in die mediese en farmaseutiese omgewings, asook in die veeartsenykunde, mynbou, landbou en omgewingsbewaring. Plantbiotegnologie behels die toevoeging van selektiewe eienskappe by plante om nuwe plantkultivars te ontwikkel. Anders as tradisionele plantteling, wat die kruising van honderde gene behels, is plantbiotegnologie slegs op enkele wenslike gene toegespits. Hierdie noukeuriger wetenskap stel planttelers in staat om gewasse te ontwikkel met spesifieke, voordelige eienskappe of sonder ongewenste eienskappe. Die GMO-bedryf word streng deur wetgewing, regulasies, proewe en toetsing beheer. Biotegnologiese gewasse en die voedsel- en veselprodukte wat daar-uit ontwikkel word, is van die gewasse wat die meeste op groot skaal getoets,…