Indholdsfortegnelse for 28-Oct-16 i Landbouweekblad

GEE MY NOG! Weens die droogte moet wild in sommige gebiede gevoer word. Dié diere raak baie mak. Hierdie besonderse koedoebul, Koning, kom staan elke oggend en middag voor die kombuisdeur vir sy daaglikse bederf. Hier voer mev. Lita Richter hom. Die sebras en vlakvarke staan natuurlik ook in die ry. Lita en haar man, Gerhard, woon op die Marekele-landgoed buite Thabazimbi. PLAN MET KLEURVARIANTE WENBRIEF Rakend die kwessie van die teling van kleurvariante by wild, het daar ’n idee by my opgekom. Ek dink nie dat ek slimmer is as die mense wat aangestel is om die besluite daaroor te neem nie; ek wil slegs ’n voorstel maak. Suid-Afrika het al ongeveer die helfte van sy buitelandse jagters verloor. Die meeste van hulle wat nou in ander lande gaan…

DIE Wes-Kaap het reeds alles wat nodig is om ’n florerende wildbedryf te vestig en kan munt slaan uit die res van die land se wildboere, wat reeds skoolgeld betaal het. Mnr. Wiaan van der Linde, voorsitter van Wildbedryf SA en mede-eienaar van verskeie wildondernemings, sê die goeie infrastruktuur, kultuur, omgewingsgesinde denkwyse en gesonde leefstyl tel in dié provinsie se guns. “Ons moet egter hard daaraan werk om Suid-Afrika weer die voorkeurbestemming te maak. Vier, vyf jaar gelede het drie keer meer jagters na Suid-Afrika toe gekom as na Namibië, maar vandag het Namibië vier keer meer jagters as Suid-Afrika. “Daarin lê ’n groot geleentheid vir die Wes-Kaap.” Van die Suid-Afrikaanse wildbedryf se suksesse is dat 20 miljoen hektaar marginale grond, met ’n beleggingswaarde van R200 miljard, omgeskakel is in…

’N MENS kan deesdae selfs ’n biefstuk vervaardig met ’n 3D-drukker, en kriekhamburgers is reeds in Amerika te kry. Met sulke drastiese veranderings in kosproduksiemetodes en verbruikersmaak sal boere moet spring om relevant te bly. Dit was die boodskap van mnr. Ernst Janovsky, hoof van Absa-Agribesigheid se sentrum vir uitnemendheid, op die Namibiese Landbou-unie (NLU) se landbouvooruitskouings-konferensie in Windhoek. Dit is reeds moontlik om ’n sel uit ’n bees te onttrek en vleis daarmee in ’n laboratorium te kweek. Vertikale voedselproduksie sal toeneem en voedsel sal danksy nuwe tegnologie geproduseer word waar dit benodig is. Vanweë tegnologie gaan supermarkte oor ’n paar dekades iets van die verlede wees namate mense méér artikels oor hul selfone kan bestel. Bemarking sal op individuele basis geskied. Hy voorsien dat die hele wêreld se…

STATISTIEKE SA het in 2011 gemeld dat 36,3% van veediefstalsake nie deur die slagoffers aangemeld is nie. Dié syfer het in 2012 tot 40,1% gestyg, in 2014 tot 64,4% en verlede jaar tot 67,7%. Clack sê dit is onmoontlik om die regte prentjie van die ware omvang van veediefstal in Suid-Afrika te skets omdat ’n oormaat raaiselagtige inligting – wat eintlik niks beteken nie – aan besluitnemers beskikbaar gestel word. “Die SA Polisiediens (SAPD) het ’n verandering in sy statistieke aangebring wat die indruk wek dat veediefstal besig is om te daal. Daarteenoor meld boere in tot 68% van die gevalle nie veediefstalsake aan nie. Dit plaas die SAPD se syfers onmiddellik in ’n twyfelagtige lig,” sê Clack. Volgens hom is dit egter nie moontlik om die 68% by die…

Almal streef na doeltreffende koeie. Gewoonlik word ’n kudde as doeltreffend beskou wanneer jy meer kilogramme met minder koeie lewer. Dink egter weer oor die stelling dat sekere koeie doeltreffend is omdat hulle die swaarste kalwers speen. Doeltreffendheid is meer as net speenkalfgewig. Om werklike doeltreffendheid te bepaal, moet daar dieper gedelf word. As jy net na speengewig kyk, lyk dit of die koeie met swaarder kalwers produktiewer is, maar die probleem is dat kilogramme per dier nie noodwendig meer wins beteken nie. Dit help tog nie jy het ’n onwinsgewende kalf van 300 kg nie. In dié geval kies ek eerder ’n winsgewende kalf van 230 kg. Ander inligting wat jy in berekening moet bring as jy na doeltreffendheid kyk, is: • Het jy meer hektare nodig vir dieselfde…

Goeie vooruitsigte word vir die plaaslike verbouing van oliesaadgewasse in die algemeen en sojabone in die besonder geskets in die jaarlikse vooruitskouing van die Buro vir Voedsel- en Landboubeleid (BFAP). Die verbouing van sojabone het verlede jaar wêreldwyd gestyg, terwyl die verbouing van ander belangrike oliesaadprodukte, soos sonneblomme en kanola, teenoor 2014 gedaal het. Die internasionale kanola-opbrengs sal vanjaar na raming met 2 miljoen ton daal omdat aanplantings op grond met ’n hoë opbrengspotensiaal gedaal het. Nie eens die 700 000 ha bykomende kanola wat Indiese boere op laerpotensiaallande geplant het, kan daarvoor vergoed nie. Die pyplynvoorraad gaan gevolglik die laagste sedert 2003 wees. Die oesopbrengs aan sonneblomsaad behoort 5% meer as verlede jaar te wees, maar steeds minder as in 2014. Sojabone maak die grootste deel van die internasionale…

Hy kon nie glo dat vrugteboere so met traplere in oestyd sukkel nie. Daarom het mnr. Koos Wilkinson – ’n man wat nog altyd lief was vir “wieletjies en draadjies” – ’n selfloper-plukplatform ontwerp wat op drie vlakke kan werk. Volgens mnr. Francois Hess, produksiebestuurder op die Stellenbosse vrugte-enblommeplaas Morgenzon, het dié platform sy lewe sommer baie vergemaklik. “Die enigste nadeel is dat ons net twee het! Ek vra vir meer,” vertel hy laggend. “Ons gebruik dit tydens snoeityd, om uit te dun, vir somersnoei én om te oes. Alles wat tradisioneel met traplere gedoen is, word nou met die platforms gedoen. Waar dit altyd ’n gesukkel was om deur uitdun en snoei te kom, is ons produktiwiteit nou heelwat hoër, wat die koste afbring. Ons is 30% tot 35%…

UIT DIE AFDELING: KOOK SLIM EN SPAAR In die grootste afdeling in die tydskrif is ekonomiese resepte vir elke dag – etes met hoender, pasta, maalvleis, varkvleis, kaas, eiers of ’n paar blikkies uit jou spenskas. Varkvleisroosterkoekburgers Burgerkoekies ■ 1 kg gemaalde varkvleis ■ 5 ml koljander ■ 5 ml komyn ■ 7 ml sout ■ 5 ml vars gemaalde swartpeper ■ 1 ui, gerasper ■ 4 knoffelhuisies, baie fyn gekap ■ 60 ml gekapte, vars kruie van jou keuse ■ 8 roosterkoeke ■ Botter ■ Slaaiblare ■ Tzatziki, mayonnaise of suurroom Meng al die bestanddele vir die burgerkoekies goed saam. Vorm 8 frikkadelle en druk effens plat. Braai die koekies in ’n bietjie olie in ’n pan tot goudbruin en gaar. (Jy kan dit ook oor matige kole braai.)…

Hoe het die onderneming ontstaan? Tydens die Fauresmith-perde-uithourit in 2008 het ons spontaan verblyf vir ’n paar mense gegee toe hulle niks op die dorp kon kry nie. Dit het elke jaar gegroei en ons het 11 kamers binne en buite die huis begin mooimaak. Vanjaar het 38 mense by ons gebly en elke aand by ons geëet. Ons verhuur ook deesdae verblyf aan groepe en huisves gaste van dag tot dag. Wanneer het jy die melkstal gerestoureer? Ek het nog altyd die plaas se ou melkstal bekyk en gedroom om iets met dié mooi klipstal te doen. In 2013 wou een van ons kinders in die melkstal trou. Ek het geweet dis my kans – een maal reg vir ’n troue, altyd reg. Ons het begin regmaak en letterlik…

Die Suid-Afrikaanse Weeg en Wen-kompetisie gee erkenning aan die land se voorste mielie- en sojaprodusente. In hierdie afdeling kyk Landbouweekblad na elke finalis se inskrywing en basiese boerderyomstandighede en -metodes. Dit was die eerste keer dat die Weeg en Wen-kompetisie aangebied is vir alle graanboere in Suid-Afrika (ouer as 18 jaar) wat enige geregistreerde kultivar van enige saadmaatskappy aanplant. “By DuPont Pioneer was ons doel nog altyd om gevorderde wetenskap en tegnologie na die wêreldmarkte te bring op maniere wat die meeste saak maak. Die opbrengskompetisie is nóg ’n voorbeeld daarvan. Dit bied aan boere ’n geleentheid om pret te hê, terwyl hulle nuwe produksiepraktyke toets, leer hoe om opbrengste te maksimaliseer en om idees uit te ruil,” sê mnr. Rikus Schoeman, bemarkingsbestuurder by DuPont Pioneer in Suid-Afrika. “Boere het…

Vanaf die N7-hoof-roete tot by die Coetzees se plaas, Grootriet, is daar 11 plaashekke wat jy moet oopen toemaak. “Ja, dis ’n entjie van die dorp af, maar dis waar ons gelukkig is. Ek sal in elk geval nie op die dorp kan aard nie,” gesels Gerda, wat van kleins af net wou boer. Ná haar troue moes sy haarself leer kook, want sy het nie regtig in die kombuis belang gestel nie. “Maar ons Namakwalanders is baie lief vir eet,” skerts Gerda terwyl sy ’n gebraaide Lambertsbaai-snoek vlok vir die tert wat sy vir ete maak. “As jy op so ’n verafgeleë plaas bly, moet jy kan planne maak as dit by kosmaak kom. Jy kan nie vir enige dingetjie winkel toe ry nie.” Hier waar die Coetzees boer,…

O or die lewe van ouer mense in ’n aftreeoord bestaan groot verwarring en misverstande in die hedendaagse samelewing. Die menslike verouderingsproses en ouderdomsverwante omstandighede is deesdae ’n gespesialiseerde wetenskap. Om ná jou aftrede in die aftreeoord Trans-50 Witfield Park te woon, is dus eerder ’n voortsetting van ’n vorige leefstyl vir die ouer mens, veral ná die verlies van ’n lewensmaat. Trans-50 Witfield Park is deel van ’n waardegedrewe organisasie en die personeel benader elke inwoner met waardigheid en respek. Inwoners word sover moontlik in staat gestel om so onafhanklik moontlik te funksioneer deur middel van verskeie ondersteuningstelsels en dienste. ’n Mini-superette, haarsalon, biblioteek, etes, snoekerklub, ’n besoekende geneesheer, deeltydse arbeidsterapeut en mediese nooddiens en sekuriteit 24 uur per dag is deel daarvan. Die oord is by ’n groot…

DIE Suid-Afrikaanse en Amerikaanse pluimveebedryf kan vennote wees om saam die robuuste geleenthede in Suider-Afrika te ontwikkel, sê sen. Chris Coons. In Suid-Afrika is daar egter “wanbegrip en wankarakteriserings” van die gehalte van Amerikaanse hoender en Amerika se bedoeling om uitvoergeleenthede te soek, het Coons in die Amerikaanse deelstaat Delaware aan ’n besoekende groep Suid-Afrikaanse joernaliste gesê. Coons het by ’n verwerkingsaanleg van Mountaire Farms, die sewende grootste geïntegreerde pluimveeprodusent in die land, met die groep gepraat. Hy het in 2014 en 2015 hard baklei dat Suid-Afrika sy hoendermark oopstel vir die invoer van Amerikaanse hoenderstukke aan die been, as voorwaarde om deel te kon bly van die Amerikaanse wet op groei en geleenthede in Afrika (Agoa). Coons het gesê as politikus verstaan hy dat karakteriserings plaasvind wanneer ’n debat…

Die politieke verwikkelinge rondom minister Pravin Gordhan en die gepaardgaande verswakkende wisselkoers gaan veroorsaak dat verbruikers volgende maand weer ’n verhoging in die brandstofprys in die gesig staar. Hoewel die situasie nog kan verander, sê mnr. Dawie Maree, hoof van landbou-inligting en bemarking by FNB, dat die onderverhaling op petrol teen 13 Oktober 45c/liter was en vir diesel 63c/liter. “As niks verder verander nie, is dit min of meer die verhogings wat ons dan kan verwag. Die situasie is egter nou baie onseker, gegewe die politieke speelveld. Die wisselkoers ry wipplank met ‘n verswakkende neiging en die waarskynlikheid is daar dat die verhogings nog groter kan wees. Hy sê ruolieprys is ook redelik konstant bokant $50/vat wat ook heelwat meer is as verlede maand se gemiddelde prys. Verlede maand het…

6,1% Suid-Afrika se verbruikersinflasiekoers het op ’n jaargrondslag verhoog van 5,9% in Augustus tot 6,1% in September, volgens Statistieke Suid-Afrika. Op ’n maandgrondslag het pryse met 0,2% gestyg. Kerninflasie, wat die pryse van kos, nie-alkoholiese drankies, petrol en energie uitsluit, het op ’n jaargrondslag tot 5,6% gestyg. –Reuters 12 milj ha Daar is landwyd 12 127 071 hektaar plaasgrond in mynmaatskappye se besit. Hierdie is dus landbougrond wat potensieel aan mynbou afgestaan kan word, volgens ’n analise deur die Buro vir Voedselen Landboubeleid (BFAP). Die buro se mnr. Gerhard van der Burgh het op by Agri SA se kongres gesê 4 394 859 ha daarvan is in Mpumalanga en 1 896 073 ha in Noordwes. 97 Die moordkoers op plase in Suid-Afrika is 97 per 100 000, teenoor die 52…

Die multinasionale landbouchemikalie-vervaardiger BASF is besig om biologiese oesbeskerming in Australië drasties uit te brei met ’n opgradering, ter waarde van meer as $1 miljoen, van sy entstof-aanleg aan die sentrale kus van Nieu-Suid Wallis. Die Somersby-aanleg is een van die Duitse maatskappy se sleutelpunte vir die ontwikkeling van nie-chemiese produkte wat voordelige bakterieë, parasiete en ensieme gebruik om plae en siektes te bekamp in tuinbougewasse. Dié opgraderings sal die maatskappy se kapasiteit om biologiese bestanddele te kweek beduidend uitbrei. Die aanleg sal ook bydra tot die maatskappy se internasionale voorraad van sy nuwe insekdoder, Velifer, wat op die glashuis- en onderdak tuinboubedryf gemik is. Biologiese spuitprodukte het verlede jaar slegs sowat 2% uitgemaak van die wêreldwye oesbeskermingsmark, wat sowat $76 miljard werd is. BASF reken egter dié mark het…

REGSMAN LAAT BOERE ROOI SIEN OOR GROND Mnr. Henk Smith, ’n prokureur van die Regshulpbronsentrum, het in ’n debat oor grondhervorming op Agri SA se kongres baie afgevaardigdes woedend gemaak toe hy gesê het vir 200 jaar is grond gesteel en afgeneem sonder dat mense die waardigheid gehad het om te onteien. “As dit ’n gegewe is dat ons voorouers hul titel op grond gratis gekry het, is dit miskien nodig om ’n 20% diskonto op markwaarde daarvoor toe te laat. As die waarde van transformasie vir die samelewing ook só belangrik is, regverdig dit dalk ’n verdere 20% diskonto. Dit is nie onwerklik om te sê kom ons begin met ’n 40% diskonto nie. Dit gaan oor billikheid en regverdigheid.” SEKELBOS skryf: Mnr. Smith, as daar ’n diskonto ter…

VERSKEIE striemende aanvalle is die afgelope week gedoen op dr. Steven Cornelius, die uitvoerende hoof van Onderstepoort Biologiese Produkte (OBP). • Verlede Dinsdag het mnr. Mike Mlengana, direkteurgeneraal van Landbou, Bosbou en Visserye, Cornelius voor die parlement se portefeuljekomitee vir landbou, bosbou en visserye uitgetrap en van leuens beskuldig weens sy deurgaanse versekering dat daar genoeg entstowwe is. • Die Opkomende Rooivleisprodusentevereniging (Nerpo) het Mlengana se politieke hoof, mnr. Senzeni Zokwana, gevra dat Cornelius vervang word. • Dr. Pieter Prinsloo, ondervoorsitter van die nasionale Rooivleisprodusente-organisasie (RPO) het by die Aldamvleisbeesskool gesê die Rooivleisbedryfsforum oorweeg regstappe teen OBP weens die benarde entstofsituasie. Mlengana was verlede Dinsdag sigbaar gefrustreerd met Cornelius. Dié het skaars begin antwoord op parlementslede se vrae of Mlengana het hom tot orde geroep en gesê Cornelius gaan “weer…

“ONS as landbouers sal moet begin om ons boodskap op emosionele vlak oor te dra.” Só sê mnr. Hein Lindeman, wetenskaplike bestuurder van natuurlike hulpbronne by die Departement van Landbou, Bosbou en Visserye se direktoraat vir grondgebruik en bodembestuur, oor die behoud van landbougrond in mededinging met ander bedrywe. Lindeman het op Agri SA se kongres op ’n paneelbespreking terugvoer gegee oor konsepwetgewing om landbougrond te beskerm. Hy het gesê die landbou kan oor die gebruik van emosie by die Departement van Omgewingsake gaan kers opsteek. Dr. Gerhard Verdoorn, direkteur van die Griffon-gifinligtingsentrum, het gesê: “Soos ek boere ken, is hulle vol emosie, maar as dit by baklei kom, is dit net feite.” Mnr. Derek Light, ‘n prokureur van Graaff-Reinet wat Karoo-grondeienaars verteenwoordig wat skaliegasontginning teenstaan, het gesê boere moet…

DAAR is sowat 70 000 kommersiële boere in Suid-Afrika, 30 000 meer as die syfer van 39 966 wat deesdae gebruik word om allerhande afleidings oor die sektor te maak. Prof. Johann Kirsten, hoof van die Buro vir Ekonomiese Ondersoek (BEO) aan die Universiteit Stellenbosch, en dr. Frikkie Liebenberg van die Universiteit van Pretoria het tydens die Rethinking Agriculture-konferensiedialoog, wat van 11 tot 13 Oktober in Kaapstad gehou is, gesê die manier waarop landboudata versamel word, het daartoe gelei dat net “groot” boere getel word. Hulle het inligting uit die landbousensus van 2007 en die die bevolkingsensus van 2011 geneem om te dui dat Suid-Afrika eintlik 69 966 kommersiële boere het. “Die metode waarvolgens ons data oor kommersiële boere versamel, voorselekteer groter landbou-ondernemings, en dit is waarom ons die wonderlike…

Die Regering se nuutste plan om ’n formele register van boere in Suid-Afrika op te stel, is om voorligtingsbeamptes op te lei om swart boere te tel. Die Departement van Landbou, Bosbou en Visserye sukkel reeds sedert 2008 om só ’n register te begin sodat hy steunprogramme aan boere kan monitor. Statisieke SA het in 2014 aangedui hy sou sowat R330 miljoen benodig om kleinen kommersiële boere te tel. Geen amptelike syfers bestaan oor hoeveel kleinboere Suid-Afrika het nie. In 2007 was die raming sowat 200 000. Mnr. Joe Kgobokoe, adjunkdirekteurgeneraal vir beleid, beplanning en monitering by die Departement van Landbou, Bosbou en Visserye, het verlede week gesê ’n loods-telprojek in 2009 in die Capricon-distrik van Limpopo het besonderhede van 799 produsente ingesamel. ’n Rekenaarstelsel vir die boereregister is ook…

 TE midde van globale beleidsverskuiwings loop Suid-Afrika die gevaar om agtergelaat te word en is op baie gebiede reeds agter, meen mnr. Peter Draper, ekonoom en besturende direkteur van Tutwa Consulting. ‘Suid-Afrika se beste opsie is om bilaterale ooreenkomste met enkele lande aan te gaan om só handel met Afrika-lande te bevorder.' Tog, voeg hy by, gaan daar tans uitstekende handelsgeleenthede in Afrika oop. “Om dié geleenthede te benut, vereis egter strategiese beplanning, met die voordeel dat landbouwaardekettings reeds goed gevestig is op die vasteland.” Volgens Draper word globale handels- en beleggingsbeleid hoofsaaklik deur twee kwessies aangevuur. “Die eerste kwessie is hoe multinasionale maatskappye wêreldwye waardekettings dikteer, en die vraag in dié verband is hoe lande hulself in dié nuwe wêreld van handel en beleggings moet posisioneer.” Die ander groot…

SPEENKALF-UITVOER uit Namibië na Suid-Afrika behoort binne die volgende drie maande amper tot normaal terug te keer, sê dr. Gerhard Neethling, hoofbestuurder van die Rooivleis-abattoirvereniging. “ ’n Aantal voerkrale en slagplase het reeds permitte ontvang om skape en beeste te ontvang, wat die uitvoer van Namibiese lewende hawe na Suid-Afrika begin herstel,” het Neethling gesê. Die stelsel waarvolgens voerkrale en slagplase geoudit moet word vir permitte, het egter nog nie heeltemal ’n aanvang geneem nie, en sal van hierdie maand af in volle swang wees. Speenkalf-uitvoer het in Julie tot stilstand gekom toe Suid-Afrika strenger invoerregulasies ingestel het.…

Die Aldam-vleisbeesskool is ’n unieke geleentheid waar beesboere, belanghebbendes en kundiges vir twee dae bymekaarkom om kennis uit te ruil en gesprekke te voer oor die pad vorentoe. Uit die aard van die saak word heelwat aandag gegee aan teel- en seleksietegnologie, maar vanjaar is baie aandag aan bemarking gegee. Voorbeelde wat bespreek is, is hoe die Australiërs dit regkry om omtrent dubbel soveel vir hul speenkalwers te verdien as die Suid-Afrikaanse boer. Dit word vermag met ’n gevorderde bemarkingstelsel wat ’n wye keuse aan verbruikers bied, en die gehalte van die produk waarborg. Dit geskied binne ’n naspeurbaarheidstelsel van wêreldgehalte. Alles word gedoen om die maksimum wins te verkry deur in die verbruiker se uiteenlopende behoeftes te voorsien. Alle klas A-beesvleis is nie dieselfde nie, maar in Suid-Afrika word…

Suid-Afrika het ’n nuwe superbuffel, Inala, ’n bul wat onlangs op die jaarlikse Thaba Tholo-wildveiling naby Thabazimbi teen R168 miljoen verkoop is aan ’n konsortium wildboere, onder wie die megaboer mnr. Piet du Toit. Dit was Piet wat tot op die bitter einde gebie het. Hoewel hy al laat deurskemer het dat daar groot planne vir Inala is, sê hy dat hy en sy vennote nog nie reg is om die besonderhede daarvan bekend te maak nie. Een ding is egter seker: Inala gaan vir die volgende paar jaar ’n beduidende rol in die buffelmark speel. Die 55 duim-buffel Horison, waarin ’n 25% aandeel vroeër vanjaar teen R44 miljoen verkoop is, het reeds diep spore in die wildbedryf getrap. Op die Bloodline-telersgroep se veiling vanjaar is Anita, ’n dogter van…

Die De Rustica-olyflandgoed naby De Rust het sommer van die wegspringslag af rimpels in die land se olyfbedryf gemaak. In 2013, slegs die tweede jaar waarin olyfolie op die landgoed gemaak is, het dit met drie goue medaljes op die SA Olive-toekenningsgeleentheid weggestap. Sedertdien was mnr. Joop Steenkamp, bestuurder van De Rustica, en sy vrou, Precilla, gereeld op die verhoog by die toonaangewende geleentheid: Vanjaar is De Rustica die tweede jaar agtereenvolgens as die topprodusent aangewys met sy medalje-oes wat kop en skouers bo die res uitgestaan het. Met 118 ha olyfbome het De Rustica hom binne ’n paar jaar as een van die groot produsente in die bedryf gevestig. Vanjaar het die landgoed 1 300 ton olywe geoes en 200 000 liter olyfolie geproduseer – amper 10% van die…

Die John Deere 5065E-CAP-plaastrekker het ’n driesilinder-dieselenjin van 2,9 liter en ’n elektroniese, hidrouliese transmissiestelsel wat ’n beter gebruiksduur as ’n normale, nat koppelaar het. Die 5065E-CAP is deel van die nuwe reeks John Deere-trekkers wat die 5003-reeks vervang. Die 5065E-CAP is die kleinste trekker in die land met ’n kajuit wat ten volle toegerus is. Dit het onder meer ’n lugversorger en ’n radio. Die trekker het ’n gewone driepuntstelsel, asook twee stelle hidrouliese koppelpunte agter. JD Implemente van Swellendam het die trekker vertoon. Dit kos R513 000. Navrae: Mnr. Driaan Schwartz, sel 082 579 1681. Human Landboudienste van Riviersonderend voer die Valtra A95-plaas-trekker uit Finland in. Dit is toegerus met ’n viersilinder-Agco Power-dieselenjin van 75 kW. Dit het 16 ratte vorentoe en 8 truratte, en het alle normale…

BASISOLIE PRESTASIE VIR (OUER) DIESELENJINS Fuchs se Titan Cargo Sae 15W-40 is ’n dieselenjinolie wat spesiaal ontwikkel is vir die jongste geslag kommersiële landbouvoertuie met verlengde diensintervalle en turbo-aanjaers. Die kombinasie van moderne bymiddeltegnologie met ’n nuwe basisolie wat ’n hoë oksidasiestabiliteit het, bied hoë vlakke van prestasie en enjinduursaamheid. Ongeag die aantal kilometer kan ouer dieselenjins sonder enjinspoelvereistes na Titan Cargo Sae 15W-40 oorgeskakel word. Die olie is mengen versoenbaar met konvensionele handelsmerk-enjinolies. Om die volle voordeel van Titan Cargo SAE 15W-40 te kan benut, moet dit egter verkieslik nie met ander enjinolies gemeng word nie. Voordele van die produk sluit in: • Die beskerming van uitlaatgas-behandelingstelsels met lae vlakke van sulfaatas, fosfor en swael. • Duursame beskerming teen aggressiewe sure en roes. • ’n Verlaagde inhoud van swaarmetale,…

Toe ons vier jaar gelede die eerste uitgawe van Boerekos uitgegee het, was ons klem ook op ekonomiese etes, want toe reeds het ons die knyp van hoë kospryse gevoel. Nou, in 2016, het heelwat produkte se pryse verdubbel en raak dit regtig moeilik om die kosbegroting te laat klop. Dit is waarom ons besluit het om met ons negende uitgawe die klem op ekonomiese etes te plaas, maar sonder om van ons Boerekos-wenresep af te wyk: Maklike, geurige kos, gemaak met goeie bestanddele. Deur ’n bietjie te beplan, oor jou koskeuses te dink en slim te kook, kan jy ’n hele klomp geld spaar. Benewens die groot klomp sakpas-resepte vir aandete en die vleisbraaivuur, isdaarookresepte vir Kers- en vakansiegebak, ‘n paar ekonomiese planne vir kinderpartytjies, ’n heerlike Boere-Italianer-Kersspyskaart, leersame…

Daar is nog baie tekens van Engelse soldate se teenwoordigheid op die plaas, soos hempsknope, lepels en bekerstukke wat in die veld bly lê het. Op Hillston Farm, buite Middelburg in die noordelike deel van die Oos-Kaap, word twee van die strukture wat reeds 116 jaar gelede in die omgewing opgerig en agtergelaat is, vandag ingespan as lapa en as skeerhuis. Jonathan en Riana Southey se oudste seun, William, is die derde geslag wat tans op dié plaas met Merino’s, Angoras en Sussex-beeste boer. Ná die oorlog kon boere vir die barakke wat in hul omgewing gebou is, tender, vertel Riana. “Sodra ’n tender toegestaan is, kon die barakke afgebreek en op ’n plaas benut word soos nodig. “Die destydse eienaar van Hillston Farm het die blokhuis wat die Stormberg-treinspoor…

NAMIBIË ’n Afname in MIELIEOES word in 2015-’16 verwag weens die droogte. Die afname volg op ’n buitengewoon goeie oes in die 2014-’15-produk-sietyd toe mielieproduksie toegeneem het. Namibiese boere kan nou weer VEE , veral speenkalwers, na Suid-Afrika uitvoer nadat groot vordering in permitonderhandelinge tussen die twee lande gemaak is. Namibië voer gewoonlik heelwat speenkalwers na Suid-Afrika uit, maar uitvoer is op 1 Julie vanjaar gestaak nadat die Suid-Afrikaanse Regering streng invoervereistes ingestel het. ’n Aantal Suid-Afrikaanse voerkrale is geakkrediteer om uitvoer vanaf Namibië te ontvang en nóg voerkrale is in die proses om geakkrediteer te word. Die Suid-Afrikaanse direktoraat van dieregesondheid het egter nog geen invoerpermitte aan hulle uitgereik nie. Die Namibiese vleisraad het kennis daarvan geneem dat dit belangrik is dat die datums van inentings teen siektes, soos…

Goeie reën, gekoppel aan ’n daling in die mielieprys, is een van die faktore wat gunstige vooruitsigte vir die plaaslike varkbedryf kan bied. Mnr. James Jenkinson, voorsitter van die SA Varkvleisprodusente-organisasie (Savpo), het op die organisasie se jaarvergadering in Pretoria gesê die dalende mieliepryse kan welkome verligting vir die bedryf bring. Die vorige seisoen is gekenmerk deur ’n ernstige droogte. Volgens hom neem die verbruik van varkvleis ook steeds toe. “Dit is die gevolg van die uitstekende bevorderingsaksies wat deur Savpo verrig word om plaaslike verbruik aan te moedig,” het hy gesê. Me. Marieta Human, bemarkingskoördineerder by Savpo, het gesê die organisasie se verbruikersopleidingsaksies bestaan uit promosies saam met kleinhandelsgroepe, kookkompetisies, ’n inligtingsveldtog en streeksprojekte. “Ons moet verbruikers leer om hul vooroordele oor varkvleis te laat vaar,” het Human gesê.…

Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG CARLETONVILLE DE PAN (51) 345 ha, aan Surego Inv 22 BK, van J.F. Kok, R7 500 000. ELANDSFONTEIN (346) 219 ha, aan Wagterskop Development, van Afrikaner Klein Beleggings BK, R3 000 000. SLUIS (46) 46 ha, aan Benji-mix (Edms.) Bpk., van Tashcartrust, R678 180. SYFERFONTEIN (81) 599 ha en WOLVENFONTEIN (74) 257 ha, aan Henlo 131 (Edms.) Bpk., van Netrac Inv No 119 (Edms.) Bpk., R9 852 302. WOLVENFONTEIN (74) 343 ha, aan Henlo 131 (Edms.) Bpk., van Syferfontein Farming BK, R4 147 698. NIGEL MAHEMSFONTEIN (544) 233 ha, aan Leighgor BK, van B.L. Gordon, R1 250 000. KWAZULU-NATAL BALLITO COTTON LANDS (1575) 31 ha, aan U. Govender, van B.V. Govender, R330 000. ULUNDI DORSTFONTEIN (526) 342…

ALGEMEEN 4-5 NOVEMBER: GWK-oewerfees, jeugkamp , SAWMGA-kompetisie. Karla Britz, sel 082 215 0497. E-pos: oewerfees@gmail.com. BOEREDAE 4-5 NOVEMBER: Agri-Workslandbou-ekspo, Stellenbosch. Van der Stel-sportterrein. Tel. 021 854 4700. Web: www.agriworks.co.za. E-pos: info@cadek.co.za. 4-5 NOVEMBER: Gamtoosekspo, ten bate van Laerskool Gamtoosvallei. Patensie, Oos-Kaap. Tel. 083 556 3206. E-pos: info@gamtoos.co.za. Web: www.gamtoos.co.za. KURSUSSE 3 NOVEMBER: Fynproewersampioenverbouing,kleinskaal. Johannesburg.(Alternatiewelikvia rekenaargesteundeonderrig.)Dr. AdriaanSmit,sel0827498553. 8 – 11 NOVEMBER: Inleidende kursus in varkproduksie. LNR, Irene. Annetjie Loubser, tel. 012 672 9153. E-pos: aloubser@arc.agric.za. 16 NOVEMBER: Winsgewende Boerbokboerdery. Potchefstroom. Johan Steyn, sel 072 594 4626. Web: www.boerbokke.co.za. 17-18 NOVEMBER: Kommersiële fynproewersampioenverbouing. Johannesburg. (Alternatiewelik via rekenaargesteunde onderrig.) Dr. Adriaan Smit, sel 082 749 8553. 21-23 NOVEMBER: Kunsmatige inseminasie: Beeste. Krugersdorp. Di Rothman, sel 082 772 1208. Andy, sel 082 770 0480. Web: www.rltsafrica.com. 21-23 NOVEMBER: Kunsmatige inseminasie: Skape. Krugersdorp. Di Rothman,…

CANDY, GP, SKRYF: Manie, ek is ’n 55-jarige verpleegsuster wat nog nooit getroud was nie. Ek is 1,67 m, 62 kg, met bruin oë en hare. Ek behoort tot die NGK. Ek het goeie morele waardes. Ek is baie lief vir my stokperdjies: Hekel, brei, kook, bak en luister na musiek, van gospel tot Afrikaans. My grootste liefde is my twee hondjies. Ek sien baie uit na mansvriende wat bereid is om gereeld te skryf. TOLBOS, GP, SKRYF: 61-jarige, geskeide vrou, 1,77 m, 75 kg, met bruin oë en rooibruin hare. NGK. Hou van verf, die natuur, naaldwerk, kosmaak, tuinmaak, goeie musiek, braaivleis, stap en om kreatief te wees. Sy is ’n goeie gelowige. Verlang goeie, gesellige, spontane, liefdevolle, avontuurlustige, ordentlike mans wat nie drink nie. Hy moet bietjie langer…

‘Hy gaan nou sê die entstowwe is daar, maar as ons môre gaan kyk, is daar weer niks.’ MNR. MIKE MLENGANA, direkteur-generaal van Landbou, Bosbou en Visserye, oor die entstofkrisis by OBP. — Bl. 14 ‘Arbeid is ’n ander gruwelstorie.’ DR. FRIKKIE LIEBENBERG, landbou-ekonoom by die Universiteit van Pretoria, oorlandboudata. —Bl.18 ‘Ons kan nie bekostig om regeringsparasiete op kommersiële plase te skep nie.’ MNR. ERNEST PRINGLE van Agri SA se beleidskomitee vir landbou-ontwikkeling. — Bl. 16 ‘Die borrel is so groot, hy kan nie meer bars nie.’ MNR. WIAAN VAN DER LINDE, wildboer oor wildpryse. — Bl. 20 ‘Die trekkerbestuurder van 2050 sal waarskynlik ’n jong, slim persoon wees wees wat agter ’n rekenaar sit.’ MNR. ANDRÉ SCHREUDER, uitvoerende hoof van Villa Crop Protection. —Bl.15 Hierdie is een van daardie…

ANDERKANT DIE REËNBOOG KANT BRING Soos ek hier skryf, sak daar skaflike reën oor groot dele van die somerreëngebied uit. Vanoggend sommer 68 mm by Twee-ling, met ’n 80% kans op goeie neerslae oor die sentrale dele vir die res van dag. Teen volgende Dinsdag of Woensdag, wanneer u hier lees, is die nuus hopelik nog beter. En vir elke druppel bly ’n mens diep dankbaar. Vir diegene wat nog nie ’n ordentlike bui gehad het nie, is Thys Grobbelaar van Senwes se opmerking op bl. 14 miskien ’n riem onder die hart. Suid-Afrika se twee grootste mielie-oeste nóg was in normale produksiejare. Dus toe ’n gevreesde El Niño of ’n natterige La Niña geen rol gespeel het nie. In 1980/’81 was die oes 14,66 miljoen ton en in 2013/’14…

KUIKENS IN VELERLEI KLEURE Spuit ’n bietjie gewone koekkleursel in ’n bebroeide hoendereier — en die kuiken is die kleur van jou keuse. Dit is wat mev. Babs van der Merwe van die kleinhoewe Kleingeluk by Kuilsrivier, naby Kaapstad, doen nadat sy by mnr. Willie Hall, ’n bekende in pluimveekringe, van die tegniek gehoor het. Hoendereiers broei gewoonlik 21 dae ná bevrugting uit. Die kleurproses kan van die veertiende tot die sewentiende dag ná bevrugting gedoen word. Die eiers wat met koekkleursel ingespuit gaan word, word eers met ’n toestel ondersoek om seker te maak dat hulle wel bebroeid is. Die bebroeide eiers word aan die kant van die inwendige lugblasie gemerk, want die kleursel word in die lugblasie gespuit. Voor die kleursel ingespuit word, moet dit tot dieselfde temperatuur…

DIE konsensus op ’n bespreking oor grondhervorming was dat intense onderhandeling en kompromieë van alle kante nodig is om grondhervorming te laat slaag en nuwe boere suksesvol te vestig. Mnr. Masiphula Mbongwa, raadgewer by die Ministerie van Landelike Ontwikkeling en Grondhervorming, sê dit is soos ’n gesin met meningsverskille. “As lede van dieselfde gesin moet ons eenvoudig met oplossings kom om vorentoe te beweeg. Die één vereiste is dat produksie nie versteur moet word nie – nie tydens die proses nie en ook nie daarna nie. Almal moet beter daaraan toe wees en voedselsekerheid moet nie in die gedrang kom nie.” Mnr. Ernest Pringle, voorsitter van Agri SA se beleidskomitee vir landbou-ontwikkeling, sê grondeienaarskap moet die grondslag vorm, begunstigdes moet beter gekeur word en hulle moet sterk ondersteuningstelsels hê. “Ons…

DIE gevolge van staatsdepartemente se onvermoë om landboudata met ’n sensus in te samel en die gebrek aan kundiges wat die data kan ontleed, is as ’n “nagmerrie” beskryf op ’n konferensie in Kaapstad. Dr. Frikkie Liebenberg van die Universiteit van Pretoria sê die situasie word vererger deurdat die Departement van Landbou, Bosbou en Visserye nie met Statistieke Suid-Afrika kon ooreenkom hoe om data in te samel nie. Liebenberg sê volgens amptelike syfers produseer boere in Suid-Afrika genoeg voedsel op die helfte van die bewerkte oppervlakte in 1960. “Dit is dalk die waarheid, maar as jy die bewerkte oppervlaktes vergelyk met die beelde wat deur afstandswaarneming verkry is, word meer grond vir produksie gebruik.” Die gemiddelde plaasgrootte het sedert die 1990’s die hoogte ingeskiet – ’n statistiek wat hy in…

KOMMERSIËLE boere, en nie die Regering nie, is die eintlike sleutel tot landboutransformasie in Suid-Afrika, sê mnr. Jeff Every, uitvoerende hoof van Amadlelo Agri, ’n hoogs suksesvolle transformasieprojek wat deur 70 wit, kommersiële boere uit die Oos-Kaap en KwaZulu-Natal begin is. Every het op Landbouweekblad se konferensie gesê boere kan óf toelaat dat derde partye hul toekoms bepaal óf beheer neem en hul eie lot bepaal. “Om ’n plaas in wit besit te vat en dit vir ’n swart ou te gee, doen absoluut niks vir Suid-Afrika se ekonomie nie. Ons plase moet winsgewend, prakties en volhoubaar wees.” Every is in die voormalige Ciskei gebore en praat vlot Xhosa. Hy het die landboupotensiaal in die voormalige Ciskei en Transkei se besproeiingskemas in sy visier geplaas, waar 12 000 ha landbougrond…

DIE steenvrugtebedryf glo ’n stelselbenadering sal help om Europese owerhede te oortuig die nodige stappe is gedoen om te verseker Suid-Afrikaanse perskes en nektariens is vry van valskodlingmot. Dit het onlangs aan die lig gekom die Europese Unie (EU) oorweeg dit om valskodlingmot teen aanstaande jaar as ’n beheerde plaag te klassifiseer. “Dit is nog spekulasie, maar die waarskynlikheid is 95% dat dit gaan gebeur,” het mnr. Hugh Campbell, hoofbestuurder van Hortgro Science, op ’n inligtingsessie oor valskodlingmot op Stellenbosch gesê. “Ons bestuur egter die proses vroegtydig. Sodra daar duidelikheid is, sal ons vinnig en doeltreffend met alle bedryfsrolspelers kommunikeer,” het Campbell daarna in ’n verklaring gesê. HUIDIGE PRODUKSIEJAAR Me. Lindi Benic, bestuurder van marktoegang by die Sagtevrugte-produsentetrust, sê valskodlingmot is in 2009 op Ugandese soetrissies gevind wat na Nederland…

MNR. Johan Styger van BTB Simmentalers by Klerksdorp is by die jaarlikse Aldam-vleisbeesskool as Suider-Afrika se Stoetteler van die Jaar aangewys. Hy het teen mnre. Joggie Briedenhann (Bonsmarateler van Stampriet, Namibië) en Christopher Sparks (Brangusteler van Harrismith) om dié titel meegeding. Pick n Pay, Landbouweekblad en Breedplan bied die kompetisie aan. Mnr. Mninawa Hargreaves Qotoyi van Mountain Dew is die wenner van die Pick n Pay-eerbewys vir die Boer met die Beste Vordering die afgelope Tien Jaar. Hy boer met Bonsmaras, Jerseys en Dohne-Merino’s in die distrik Elliot in die Oos-Kaap. Die Bonvu-Brahmanstoetery van mnre. Andries Marx en Fanie van der Merwe van Biesiesvlei en Vereeniging, en Bertie van Zyl (Edms.) Bpk. van Letsitele, wat met Pinzgauerbeeste boer, deel die eerbewys vir Zoetis en Landbouweekblad se Stoetbul van die Jaar.…

Twee Matie-fakulteite span van aanstaande jaar af saam om ’n nuwe M.Sc.-graad aan te bied wat koskundiges oor voeding- en voedselsekerheid leer. Die universiteit hoop dit sal beleidmakers en mense in nie-regeringsorganisasies help om ingeligte besluite oor koskwessies en voedselsekerheid te neem. Die nuwe kwalifikasie is ’n tweejaar-graadprogram wat aanstaande jaar sal begin, sê me. Engela Duvenhage, woordvoerder van die fakulteit agriwetenskappe. Die fakulteit agriwetenskappe se departement voedselwetenskap en die fakulteit mediese en gesondheidwetenskappe se departement interdissiplinêre gesondheidswetenskappe sal die nuwe graadkursus saam aanbied. “Voedsel- en voedingsekerheid gaan nie net daaroor dat ons moet sorg dat niemand honger ly nie. Dit gaan ook oor hoe om te verseker dat genoeg van die regte soorte kos geproduseer word en dat alle landsburgers toegang het tot voldoende gesonde opsies,” sê prof. Gunnar…

Jou wyn en kaas word onder die Fairview-handelsmerk verkoop, jy het ’n eie bierhandelsmerk en jy verskaf vleis aan jou restaurante. Die waardeketting is duidelik baie belangrik vir jou. Ek is nie soseer ’n boer nie, maar ek probeer altyd om waarde tot landbouprodukte toe te voeg. Ek dink dis uiters belangrik om in die waardeketting betrokke te wees. Daar is eintlik geen ander manier om te oorleef nie, tensy jy ’n baie groot primêre produsent is wat skaalvoordele kan geniet. Hoe ontwikkel jy nuwe idees? Ek doen marknavorsing, maar baie van my idees is partykeer ’n bietjie radikaal. Die groot fout wat ek maak, is om te hoog te mik. Ons kry nie altyd die tydsberekening reg nie, want soms is die mark nog nie gereed vir die produkte…

Smith Wigglesworth, ’n bejaarde man van God en loodgieter van Yorkshire in Engeland, het altyd gesê: God sê dit, ek glo dit, en dit is al wat tel. In Markus 1:41 lees ons oor die melaatse: “Jesus het hom jammer gekry, sy hand uitgesteek en hom aangeraak. Hy sê toe vir hom: ‘Ek wil. Word gesond!’ Sy melaatsheid het onmiddellik verdwyn en hy het gesond geword.” Ons moet Jesus méér spesifiek vra waarmee ons wil hê hy moet help. Hy sal méér as gewillig wees. Ek was onlangs in Brittanje waar ek oor elf dae in vier lande gepreek het. Wat God my op die hart gelê het, is dat ons dit nie kan bekostig om die heilige, geskrewe Woord van God, die Bybel, te betwyfel nie. Mense redeneer voortdurend…

Die Blue Mountainaftreelandgoed is ’n onoortreflike ontwikkeling op George in die Suid-Kaap. Dit bied twee keuses aan inwoners en voornemende kopers. Vrystaande woonhuise, woonstelle en ’n versorgingseenheid is in die Blue Mountain-landgoed en tuinwoonstelle is in The Gables beskikbaar. Die vrystaande woonhuise in die Blue Mountain-landgoed het parkagtige tuine en gehalteafwerking vir die kieskeurige koper. Nog net ’n paar deeltitelopsies is in hierdie gevestigde ontwikkeling beskikbaar. The Gables se tuinwoonstelle is die ideale kombinasie van ’n toesluit-en-ry-leefstyl en bystandversorging. Dit bied goed ontwerpte behuising met een slaapkamer, ’n badkamer, oopplankombuis, eet- en sitkamer, motorafdak en patio. The Gables is ideaal naby aan die dienssentrum – inwoners behou dus hul onafhanklikheid, maar het die gerusstelling dat versorgingsdienste beskikbaar is. Die wooneenhede het ook ’n kommunikasiestelsel wat 24 uur met die dienssentrum…

Van links is mnre. Grewe van Dyk van die plaas Nuwedam naby Baardskeerdersbos, H.A. Kemp van Crodinie naby Swellendam, Adriaan Botha van Goudyn naby Rawsonville, Zak Louw van die Opstal-landgoed naby Rawsonville en Gavin Seton van die onderneming Starbrite. Van links is mnr. Tommy Joubert van die plaas Eco Marine Lodge, Gouritsmond, me. Sanet Breet van Hartenbos en me. Elmien en mnr. Johan van Rooyen van Hazenjacht, De Rust. Van links is mnr. Morné en me. Amelia Kohn, van Dew Crisp, en me. Heidi en mnr. Zack Schultz van die Zack Schultz-boerdery, almal rondom Philippi. Van links is die pa en seuns mnre. Marius, Basie en Izak Wiese van Taaiboschkraal, Clanwilliam. Van links is mnre. Johan Stemmet van die plaas Uitkyk naby Swellendam en Chris van Deventer en Pero Roux…

Ondanks die droogte is sowat 320 inskrywings (die meeste in baie jare) in die kleinvee-afdeling ontvang. Van links is mnre. Heinrich Coetzee, Xico Coetzee, Merven Muhoko, Meraere Kaapama, W.J. Otto, Ramos Ktjangua, Alfons Hamakale, Werner Kahibuura, Christiaan Burger (voorsitter van die kleinveekomitee), Neels Coetzee (topvertoner met die meeste punte) en Joseph Lewies. Mnr. Wim Lubbe (regs) van Grootfontein, Namibië, het die slagoskompetisie oorheers. Hy het die pryse vir die kampioen- en reserwekampioen-enkelkarkas en die beste groep van drie karkasse met sy Brahman-Simmentaler-kruisings ontvang. Hy het ook dieselfde pryse in die afdeling vir lewende diere gewen. Hier ontvang hy die prys vir die beste karkas van mnr. Christo van Zyl van Voermeester. Skaaptelers wat aan die skou deelgeneem het, is, agter van links, mnre. Gerhard Henning, Ryno Mans, Johan van Niekerk…

Die pryse vir blomkool was die afgelope twaalf maande baie wisselvallig. Mnr. Cor Christie, bestuurder van RSA Markagente se groente-afdeling, sê dit was weens die droogte, prysgevoeligheid, weerstand weens hoë pryse en swakker aanvraag. “Die droogte het veroorsaak dat daar minder produkte op die mark was. “Die gehalte was by tye ook ’n groot probleem. Die verskil in volumes tussen tweedegraadse en eerstegraadse produkte was baie groter as gewoonlik. “Daar was baie meer produkte van swakker graad, wat nie ideaal is nie, en die algemene prys benadeel. Weens die swak ekonomie het die vraag ’n groter rol as gewoonlik in prysbepaling gespeel,” sê Christie. Verlede jaar was die prys op die Johannesburgse varsproduktemark gemiddeld R12 789 per ton en op die Pretoriase mark R12 894 per ton. Vanaf Januarie tot…

Die volgende ontleding van grondverkope in Suid-Afrika is van transaksies vir grond wat groter is as 20 ha in die Wes-Kaap vanaf Augustus 2015 tot Julie 2016. Altesame 488 ooreenkomste is in 29 distrikte gesluit. In 12 van die distrikte word dalende prysneigings waargeneem – waarvan slegs een in die Karoo is. In die proses is 242 778 ha verhandel teen R3,893 miljard. Daarvan was 26 transaksies van kleur – 5 % van die totaal. Dié soort transaksies sluit in verhandelings tussen individue, regeringsaankope van landbougrond asook grond verkry vir munisipale gebiede. In dié proses is 8 556 ha (3,5%) teen R596 miljoen (15,3 % van die waarde) van hande verwissel. Drie transaksies was vir die koop van landbougrond, 9 was vir dorpsontwikkeling en 13 kan as private transaksies bestempel…

DIE PRYS van Brangusbeeste het vanjaar goed tred gehou met die baie goeie gemiddeldes van verlede jaar– ondanks die droogte wat Suid-Afrika se koeigetalle baie laat daal het. Die gemiddelde prys vir Brangusbulle op vanjaar se nasionale veiling het R59 000 stuk beloop, wat goed vergelyk met verlede jaar se R61 886 stuk en 2014 se gemiddeld van R59 900 stuk. Vroulike diere het vanjaar gemiddeld R21 857 stuk op die nasionale veiling behaal, teenoor verlede jaar se R21 858 stuk en 2014 se R17 224 stuk. Goeie pryse is ook op streekveilings vir goeie teelmateriaal betaal. Die gemiddelde pryse wat op hierdie veilings behaal is (bulpryse eerste genoem, gevolg deur pryse vir vroulike diere) is soos volg: Sentraalklub (Parys): R35 388 en R17 764; Mpumalangaklub (Ermelo): R37 727 en…

OKTOBER PARYS 17-26, Alfa-week (beeste). Afridome-skouterrein. Caroll-Ann Mienie, sel 079 477 4416. Web: www.afridome.co.za. LOERIESFONTEIN 22-24, Loeriesfontein-skou. Inligtingsdag vir opkomende boere. Klubskoue: Saalperd, Boerperd, swart perde en ponies: Riaan van der Merwe, sel 083 643 5352. Meatmaster-ekspo en -veiling: Henk Kearney, sel 083 952 5057. Jeugskou: Penny Brand, sel 072 217 1432, of Jannie Loots, sel 082 859 1439. CRADOCK 27-29, Cradock-skou. SA Saalperd-streekskou, Walliese Ponie-klubskou, (Nasionaal, Kaapse Boerperd), Colin Moolman, sel 082 928 0389. E-pos: colin.moolman@afgri.co.za. Merino, Dorper, Boerbok, Persie, Angora, slaglamkompetisie, Merino-kuddekompetisie. Kleinvee: Hendrik Opperman, sel 082 325 5748. (SA Persie): Kobus Lötter, sel 082 432 2393. Streek – Oos-Kaap: SAVM: Koos, sel 082 400 4935. Stalletjies: Elmarie Barkhuizen, sel 074 603 1407. Jeugskou: Heyla Meyer, sel 083 347 3832. NOVEMBER PHILIPPOLIS 3-5, Skaaphonde: Abe de Beer, sel…