Indholdsfortegnelse for 01 Apr 2021 i Landbouweekblad

EEN van die redes vir die gebrek aan staatsfinansiering vir die landbou is die feit dat die Land Bank al die afgelope 18 maande nie funksioneer nie, skryf mnr. Noko Masipa, DA-lid van die parlementêre komitee oor landbou, grondhervorming en landelike ontwikkeling. Pres. Cyril Ramaphosa het onlangs in sy nuusbrief gesê verskeie staatsdepartemente het kleinsakeondernemings met lenings en toelae gehelp om die grendeltydperk te oorleef. In werklikheid het baie ondernemings egter nie hulp ontvang nie, en veral die landbou is afgeskeep. Die Land Bank het ’n skrale R100 miljoen ontvang om boere by te staan. Hoewel boere sukkel met kontantvloei, is hierdie finansiering steeds nie uitgeput nie. Boere was ook uitgesluit van die regering se gewaarborgde lenings van R200 miljard om ondernemings te help. Masipa skryf dat die departement van…

OUD EN JONK SE LEESGENOT WENBRIEF Ek stuur graag vir julle die foto van my pa, Daan Kunneke, en ons seuntjie, Frederick van der Merwe, wat saam Landbouweekblad lees. My pa het ’n ruk gelede afgetree en geniet sy beesboerdery nou ten volle. Hul plaas se naam is Daggakraal, in die Waterberge in Limpopo. Dit is in Marken/ Melkrivier se wêreld. Oupa Daan plant ook voer en werk hard aan sy veldherstelprogram om te ontbos en gras te kweek vir sy beeste. (Net die koedoes mag in die voer wei, ander soos bobbejane en varke word verjaag.) Oupa boer al daar vir sy hele lewe. Sy pa het die plaas opgebou en hy is daar gebore. Frederick is nou 13 maande oud. Oupa Daan en ouma Hilda het sy hele…

DIE staat kán nul rand betaal vir restitusiegrond wanneer hy kan bewys dat dit “regverdig en billik” is, sê prof. Elmien du Plessis, grondhervorming- en eiendomsregkenner van die Noordwes-Universiteit. Adj.pres. David Mabuza het op 17 Maart tydens vraetyd in die nasionale vergadering aangedui die plan is om nulvergoeding te betaal vir die grond waarop daar restitusie-eise is. Grond waarop daar nié sulke eise is nie, sal die staat koop om te herverdeel. Du Plessis sê die Wet op Herstel van Grondregte (Wet 22 van 1994) maak in artikel 42E daarvoor voorsiening dat die staat grond mag onteien om oor te dra aan ’n eiser wat voldoen aan die vereistes van die wet soos uiteengesit in artikel 2. “Die staat mag dus onteien vir restitusiedoeleindes.” Die huidige Grondwet, asook die voorgestelde…

DIE Suid-Afrikaanse rosynbedryf, bekend om sy hoë gehalte en verskeidenheid produkte, staan vanjaar voor ’n moeiliker seisoen. Tog meen mnr. Ferdie Botha, hoofbestuurder van Rosyne Suid-Afrika, dat ’n sterk uitvoermark en ’n groei in geprojekteerde produksie dit steeds ’n aanloklike bedryf maak. Botha het tydens ’n voorlegging van Rosyne Suid-Afrika gesê die land is die wêreld se vyfde grootste produsent van rosyntjies en produseer rosyne in alle droëdruifprodukkategorieë, insluitend Golden-, Flame-, Thomson- en Sultana-kultivars, asook korente. “Trouens, Suid-Afrika is naas Griekeland die grootste produsent van korente ter wêreld.” Hy het daarop gewys dat Suid-Afrika normaalweg sowat 85 000 ton rosyne, oftewel 6% van die wêreld se produksie, lewer. Die huidige seisoen, ’n allegaartjie van bykans perfekte weersomstandighede tesame met skade-veroorsakende koue en reën, het egter huidige oesskattings verlaag tot 65…

’N PROFESSIONELE span, pleks van boerevrywilligers, gaan voortaan die daaglikse werksaamhede van Agri Oos-Kaap behartig ten einde dienslewering aan boere te bespoedig. As deel van dié strukturele verandering is mnr. Brent Mc-Namara, voorheen die bedryfsbestuurder, reeds einde 2020 as besturende direkteur aangestel om die daaglikse bestuur van die organisasie oor te neem en so spoedig moontlik aan boere se dringende sake aandag te gee. Mnr. Peter Cloete, vise-president van Agri Oos-Kaap, sê dienste wat die staat lewer, soos die onderhoud van paaie, telefoondienste en elektrisiteitsvoorsiening, stort in duie. Dit beteken dat Agri Oos Kaap aan al hoe meer probleme aandag moet gee. McNamara sê dit is onregverdig om van boere te verwag om hul eie tyd op te offer vir sulke werk. Hy sal ondersteun word deur ’n span van…

Meer as 270 ton voedsel (oftewel 1 miljoen maaltye) is reeds aan geakkrediteerde organisasies gelewer sedert Standard Bank sy OneFarm Share-inisiatief in November van stapel gestuur het. Die inisiatief bring deur ’n digitale platform welwillendheidsorganisasies in kontak met boere en verskaffers wat hul oortollige, goeie vars produkte wil skenk of teen verlaagde pryse aan geakkrediteerde organisasies wil verskaf. Standard Bank sê in ’n verklaring dat sy mikpunt vir vanjaar tien keer groter is, en dat hy hoop om 7 400 ton kos reg oor Suid-Afrika te versprei. Dit is gelykstaande aan 30 miljoen maaltye. “OneFarm Share is ’n digitale platform wat belanghebbendes bymekaar bring — van produsente tot logistieke maatskappye, verbruikers en begunstigdes. Behoeftes kan vinnig geïdentifiseer en daar kan daarin voorsien word,” volgens mnr. Lungisa Fuzile, hoofbeampte van Standard…

Die Smit-familie is ook by ander bedrywe betrokke. Daar is ’n voerkraal, ’n saai-afdeling wat uit mielies en sojabone bestaan, en ’n jagvertakking wat hoofsaaklik op die internasionale jagmark gerig is. Mnr. Cobus Smit is ook sy lewe lank ’n diamantdelwer, met twee delwerye by Prieska en Kimberley. Marco se broer, Johan sien na die delwerye om en sy swaer, Kevin, en suster, Mieke, bestuur die lodge, terwyl Marco die jagafdeling, saai-afdeling, voerkraal en die Appaloosa-stoetery en syvertakkings bedryf.…

PLAASINLIGTING LIGGING: Windsorton, Noord-Kaap NAAM: Dagbreek GROOTTE: 5 000 ha eie en sowat 2 000 ha huurgrond EIENAARSKAP: Private besit VERTAKKINGS: Bonsmarastoetery en kommersiële Bonsmarakudde VELDTIPE: Gemengde soetgras-doringboomveld GEMIDDELDE REËNVAL: 450 mm per jaar Die gehardheid en aanpassingsvermoë van die Marochelkudde van mnr. Charl Uys het vanjaar die deurslag gegee in die aanwysing van ’n Suid-Afrikaanse Elitekoei vir die Bonsmararas. SA Stamboek het in 2020 die kudde as die Noord-Kaapse Elite-streekwenner in die vleisbeeskategorie aangewys. Uys sê sy diere moet gehard en aangepas wees om die Noord-Kaap se droë, warm siklusse te oorleef. Sy plaas het nie saaigrond nie en dus moet die beeste hul kondisie op natuurlike weiding handhaaf. In dié opsig vaar MCU 10-057 uitstekend. Met haar negende kalf aan haar sy word sy eersdaags 11 jaar oud.…

MNR. FRANCO LE ROUX VAN WIE LEER JY DIE MEESTE? Ek het my liefde vir die landbou by my pa, Ian, geleer. Hy het my en my broer in die landbou grootgemaak om ’n passie vir boerdery en die Overberg te hê. Die lede van die Klipdale-boerderygroep het ’n ongelooflike poel van kennis. Hulle ruil hul inligting vrylik uit tot voordeel van almal. Dit is ’n voorreg om deel te wees van só ’n span. Die geleentheid wat ek as landboukundige by Soill gehad het om boere te besoek en inligting by hulle te kry, is eintlik waar ek die meeste geleer het. WATTER TEGNOLOGIE IS ONONTBEERLIK IN JOU BOERDERY? Die nuwe werktuie wat ons het, maak kanolaverbouing makliker. Ek dink nie kanola kan só doeltreffend verbou word sonder hedendaagse…

LIGGING Heidelberg, Wes-Kaap KORTOM ■ Hierdie boere het hul verhewe onderdak-lamvoerkraal omgeskakel in ’n sentrum waar skape se voeromsettingsdoeltreffendheid gemeet en aangeteken word. ■ Die inligting word deurlopend aan SA Stamboek deurgegee sodat daar volledige inligting oor ’n dier beskikbaar is om topteelmateriaal te identifiseer. ■ Hulle stel hul gerief ook vir ander skaaptelers beskikbaar. Die skaapdoeltreffendheidsentrum wat mnre. Jan en Johann Wessels van die Waplaas-boerdery by Heidelberg, Wes-Kaap, bedryf, is waarskynlik een van die eerstes in sy soort in Suid-Afrika wat hoogs voerdoeltreffende ramme as uitstekende teelmateriaal identifiseer. Die inligting wat ingesamel word, word direk per rekenaar aan GrowSafe, ’n ramtoetsstelsel ontwerp deur ’n Kanadese maatskappy, en aan SA Stamboek deurgee om die genetiese inligting en groei-eienskappe van ’n skaapram (of ooi) saam te voeg en só die potensiële…

PAASSPESERYMENGSEL ■ 20 ml fyn kaneel ■ 10 ml fyn gemmer ■ 5 ml fyn neutmuskaat ■ 5 ml fyn pimento ■ 5 ml fyn kardamom Meng die speserye saam. Gooi dit in ’n glasflessie en verseël lugdig. Verdubbel of verdriedubbel die resep indien verkies. Lewer 45 ml paasspeserye. Vrugtekoekpaasbolletjies ■ 4 x 250 ml koekmeel ■ 1 pakkie (10 g) kitsgis ■ 20 ml paasspeserymengsel ■ 45 ml strooisuiker ■ 5 ml sout ■ 180 ml vrugtekoekmengsel ■ 60 ml versuikerde sitrusskil, fyngekap ■ 250 ml warm melk ■ 1 ekstragroot eier ■ 3 ml vanieljegeursel ■ 60 ml gesmelte botter Kruis ■ 60 ml koekmeel ■ Koue water Glaseersel ■ 30 ml suiker ■ 30 ml gouestroop ■ 45 ml kookwater Meng die meel, gis, speserye, suiker en…

BENODIGDHEDE ■ 8 x 2 m katoentou of stroke T-hemp-materiaal ■ Herwinbare houer van jou keuse ■ 1 of 2 houtringe (enige grootte) ■ Skêr, gomgeweer en gomstokkies CHINESE KROONKNOOP ■ Begin met hierdie knoop as die basis onder jou houer. ■ Lê vier toue oor vier ander toue, sodat dit in die middel kruis. Op die foto’s het ons net twee toue gebruik. ■ Elke kleur moet in ’n S-vorm neergelê word in kloksgewyse volgorde. ■ Begin met een kleur tou (bruin op die foto), vou dit kloksgewys en oorkruis dan die tweede kleur (pienk op die foto). ■ Neem nou die tweede kleur (pienk) en vou dit weer kloksgewys bo-oor die twee bruines. ■ Neem nou weer die bruin punt aan die bokant en vou dit kloksgewys oor…

Meegaande statistieke toon ’n ontleding van grondtransaksies groter as 10 ha in KwaZulu-Natal en Mpumalanga vanaf Februarie 2020 tot Januarie vanjaar. Altesame 191 transaksies is in 13 distrikte in KwaZulu-Natal gesluit en 47 204 ha is teen R1,398 miljard verhandel. In 61% van die distrikte word gunstige prysneigings waargeneem. By Kokstad het pryse met 10% gestyg, by Louwsburg met 10,9% en by Ulundi met 12,6%. Ten opsigte van plaasgrootte, lyk die transaksies soos volg (met die vorige jaar se syfer tussen hakies): kleiner as 50 ha, is 38% (40%); 50-150 ha, 20% (19%); 150-300 ha, 12% (14%); 300-450 ha, 17% (10%); 450-600 ha, 5% (6%); groter as 600 ha, 9% (11%). In distrikte soos Utrecht, Ballito, Underberg en St. Lucia het dalende prysneigings voorgekom. In Mpumalanga was daar 300 transaksies…

48,9 miljoen Die Voedsel-en-landbou-organisasie (VLO) van die VN beoog om meer as 48,9 miljoen mense wat op die landbou vir oorlewing staatmaak, te help om kosproduksie en voeding te verbeter. Die VLO wil ook ondersteuning bied met dié gemeenskappe se herstelvermoë ná rampe. Na verwagting sal die mense wat in 2020 erge voedseltekorte beleef het, meer wees as die 135 miljoen mense in 2019. Vier uit vyf mense wat akuut honger ly, woon in landelike gebiede en maak staat op die landbou vir oorlewing. – VLO 25% Diepsee-invoer van suiker het sedert April 2020 met 25% gedaal, sê mnr. Ebrahim Patel, minister van handel, nywerheid en mededinging, oor vordering met die suikermeesterplan. Die nywerheid- en handelsektor het as deel van die meesterplan ooreengekom om vir die volgende drie jaar 80%…

‘Die hele voedselketting word gekortwiek as paaie nie rybaar is nie.’ MNR. DAWIE BOTHA, afgetrede siviele ingenieur, oor die swak instandhouding van paaie. Bl. 16 ‘Vir die eerste keer in baie jare het toestande gunstig begin raak vir reën oor die droogtegeteisterde gebiede van die Noord-, Wes- en Oos-Kaap.’ MNR. JOHAN VAN DEN BERG, onafhanklike landbouweerkundige, oor die verligting wat in dié gebiede verwag kan word. Bl. 17 ‘Hierdie is net weer ’n ding wat op ons afgedwing word. Hoeveel dinge word daar nie op die landbou afgedwing nie?’ ’N BOER van Brits oor die staat se inspeksiediens by varsproduktemarkte. Bl. 24 ‘Wat ons nodig het, is ’n wet van algemene toepassing wat sal verseker dat enige onteiening in ooreenstemming met die Grondwet van 1996 is.’ ME. PATRICIA DE LILLE,…

Die minimum loon van plaaswerkers is tot die nasionale minimum loon verhoog omdat die landbousektor nie erg deur die Covid-19-inperking geraak is nie, met dié dat die voedselwaardeketting as ’n noodsaaklike diens beskou is, het mnr. Thulas Nxesi, minister van indiensneming en arbeid, gesê. Van 1 Maart af is die minimum loon vir plaaswerkers dieselfde as die nasionale minimum loon van R21,69/uur. Me. Heloïse Denner, VF Plus-LP, het ’n debat in die parlement onder meer hieroor aangevra. Nxesi het gesê die opposisie se redenasie is dat enige loon beter is as geen loon nie. “Ek wil dit beklemtoon: In absolute syfers is die styging maar R3/uur.” Hy het gesê dat ’n “skamele styging” van R3/uur nie enigeen bankrot sal laat nie. Die Wet op die Nasionale Minimum Loon (Wet 9…

GOEIE reën word in April en Mei oor droogtegeteisterde gebiede soos Williston, Carnarvon, Van Wyksvlei, Kenhardt, Loeriesfontein en De Aar in die Noord-Kaap, asook dele van die Oos-Kaap verwag. Mnr. Johan van den Berg, ’n onafhanklike landbouweerkundige, sê neerslae van tot 30 mm is einde Maart in bogenoemde Noord-Kaapse gebiede verwag en meer as 30 mm in dele van die Oos-Kaap. Volgens hom het tropiese laagdrukaktiwiteit in die Mosambiekkanaal die eerste keer sedert middel Februarie begin afneem. Tropiese vog het uit Sentraal-Afrika weswaarts geskuif oor Zambië en Angola. Dit het heelwat wolke en reën oor Namibië suidwaarts laat afbeweeg, wat reënvaltoestande oor veral die westelike en sentrale dele van die land laat verbeter het. “Vir die eerste keer in baie jare het toestande gunstig begin raak vir reën oor die…

DIE wysigingswetsontwerp op onteiening sal sekerheid bring vir Suid-Afrikaners en beleggers, want dit dui duidelik aan hoe en onder watter omstandighede onteiening gedoen kan word, het me. Patricia de Lille, minister van openbare werke en infrastruktuur, gesê. Dié wysigingswetgewing (B23 van 2020) wat die omstandighede uitstippel waarbinne ’n hof mag bepaal dat nulvergoeding betaalbaar is by die onteiening van grond vir openbare doeleiendes, dien tans voor die parlement. Openbare verhore word eersdaags gehou. Die wysigingswetsontwerp sal die huidige Wet op Onteiening (Wet 63 van 1975) vervang. De Lille het gesê onteiening word reg oor die wêreld gedoen. Suid-Afrika se bestaande wetgewing oor onteiening is verouderd, nie in ooreenstemming met die Grondwet nie, en die regstelling hiervan is reeds vertraag. Volgens haar gee bestaande stukke wetgewing die president, sewe nasionale ministers,…

1 NAMIBIË| Regering ‘nie verplig om boere te vergoed’ Mnr. Pohamba Shifeta, Namibiese minister vir omgewing, bosbou en toerisme, sê sy regering is nie verplig om boere te vergoed wie se vee en oeste deur wilde diere beskadig word nie. Ongeveer 1 350 stuks vee, insluitend beeste, skape en perde, is verlede jaar deur roofdiere doodgemaak. Shifeta het gereageer op vrae in die parlement oor die regering se plan met die opbrengs uit die opveil van olifante. Volgens hom is ’n beleid van regstreekse vergoeding aan individuele boere te duur. Die regering vergoed tans boere deur middel van ’n skema waardeur boere ’n bedrag per dier kry wat ver onder markwaarde is. — The Namibian 2 GHANA | Ooreenkoms ‘sal vrede bevorder’ Die Afrika-vryhandelsooreenkoms (AfCFTA) sal vrede en…

Vandeesweek kyk ons na spaar, of dan beleggings. Jy moet spaar as jy welvaart wil skep. Die vraag is: Waar en hoe? Die beleggingsveld bied baie geleenthede, maar nie almal is ewe goed nie. Die een kan vandag vir jou ’n rekordoes gee en môre kan jy alles verloor. Sulke goed is wat my betref nie beleggings nie, dit is dobbel. Die eerste oorweging as jy wil spaar, is risiko. Jy kan miljoene wen met dobbel, maar jy kan ook jou lewe lank geld verwed en alles verloor. Die risiko is te hoog vir ’n sinvolle beleggingsplan. Daarteenoor kan jy jou geld onder jou bed bêre, maar inflasie sal dit daar wegvreet (as dit nie gesteel word nie). Jy het ’n balans nodig tussen risiko en veiligheid. Ek hou van…

Dink twee keer voordat jy antibiotika voorkomend vir jou beeste toedien. Dit kan uiteindelik ’n langtermyninvloed op die gesondheid van kuddes én die winsgewendheid van die hele beesvleisbedryf hê. Só reken mnr. Roelie van Reenen, verskaffingskettingdirekteur van die Beefmastergroep wat beesvleisprodukte aan Suid-Afrikaanse en internasionale markte lewer. “Belanghebbendes in die bedryf moet voorstanders word vir die verantwoordelike gebruik van antibiotika en hul ingesteldheid daaroor verander,” sê Van Reenen luidens ’n mediaverklaring. “Dit moenie ’n bestuurshulpmiddel wees om siektes te voorkom nie, maar slegs onder toesig van ’n opgeleide veearts geskied wat weet wat om te gebruik en wanneer om siek diere te behandel. “Die soorte antibiotika wat tans tot ons beskikking is, moet beskerm word, want dit is uiters belangrik vir die behandeling van die talle besmettings wat vee onder…

Die Appaloosa-stoetery Two Moons het oor die afgelope 15 jaar in omtrent elke Appaloosa-klas denkbaar presteer. Die stoetery het onder meer die algemene jong raskampioen, die kampioen-Appaloosa-sportperd (vroulik), die kampioen-Appaloosa-sportperd (manlik), die Western-interrashings, die kampioen-Western-Appaloosahings, die kampioen-Western-Appaloosaryperdhings, en die kampioen- Appaloosa vroulike ponie tydens die 2020 Perd van die Jaar-kompetisie opgelewer. Two Moons is in 2017 en 2019 as die beste Appaloosateler van die jaar aangewys tydens die jaarlikse Appaloosa-eerbewyse. Die stoetery se Luke’s Like a Million is aangewys as die Appaloosahings van die jaar, Two Moons Hazel as Appaloosaponie van die jaar, Peru’s Scen Tao as die Appaloosasportperd van die jaar, en Hesa Cool Star as Western-Appaloosa van die jaar. Hesa Cool Star is boonop as 2019 se nasionale victor ludorum aangewys. Die stoetery het in 2019 op die…

PLAASINLIGTING LIGGING: Okahandja, Namibië NAAM: Maitland 538 EIENAARSKAP: Familieboerdery VERTAKKINGS: Bonsmarastoetery, saaiery en aangeplante weidings VELDTIPE: Soetveld Die korrekte en tydige insameling, aantekening en verwerking van data is die ruggraat van enige stoetteelprogram. Daarom konsentreer die Emok-Bonsmarastoetery van mnr. Edward Hansen van Okahandja, Namibië, sterk op goeie kuddeadministrasie en prestasietoetsing volgens die Bonsmarastelsel. Die toekoms van doeltreffende beesboerdery hang grootliks af van die mate waartoe prestasietoetsing toegepas, verstaan en verfyn word sodat die kommersiële boere die resultate doeltreffend kan gebruik, sê hy. Verder benut hy kundiges se dienste vir volledige kudde-ontledings ná die jaarlikse keurings. Dit behels onder meer die identifikasie van die beste teeldiere, advies vir die doeltreffendste parings, die uitwysing van tekortkominge vir teeldoelwit-aanpassings, die tipe bulle wat aangekoop moet word om leemtes in die stoetkudde aan te…

Mnr. Franco le Roux sê kanola is ’n gewas wat vereis dat die meeste bestuursaksies op die regte tyd gedoen moet word. Hy verduidelik: “As jy die eerste Sclerotinia-venster mis, kan jy dit net sowel los. Slakpille moet vroegtydig toegedien word. Daar moenie reeds kaal kolle op die land wees nie. Net só moet ruitrugmotlarwes gemonitor word, sodat jy kan spuit as drempelwaardes bereik word. As kanola platgesny moet word, moet jy sny.” Tog beskou hy kanola nie as ’n moeilike of buitengewoon riskante gewas nie. Hulle het immers in 2019 se moeilike toestande 1,71 t/ha met die gewas behaal. “Jy moet in kanola glo en die gewas wíl plant.” Hy sê boere kan baie meer doen om die eienskappe van die verskillende kanolakultivars te leer ken. “Daar is baie…

Sowat 50% van Nooitgedacht se oes word na Japan uitgevoer, waar Melmont-heuningbostee nie net vir sy gesondheidswaarde gewild is nie, maar ook vir sy smaak en aroma. Bergtee is soeter as rooibostee en het ’n herkenbaar blomagtige, appelkoos-, karamelen fynbos-soet aroma. Me. Eunice Nortjé vertel hoe Japan ’n koper geword het: “Nadat die internasionale markte in die vroeë 1990’s vir Suid-Afrika begin oopgaan het, het mnr. Clinton Gass, ’n Suid-Afrikaner wat al langer as 20 jaar in Japan woon en op groot skaal met rooibostee daar handel dryf, al die heuningbosprodusente hier kom besoek en besluit om met ons sake te doen. “Die Japannese is baie gesteld op smaakgehalte. Omdat hulle meerendeels tee (warm en koud) sonder byvoeging van suiker of melk drink, moet dit vir hulle elke keer presies…

Die bestuur van die veld speel ’n belangrike rol om haarwurm op die plaas te bekamp, veral tydens ’n uitbreking. Wisselweiding, waar beeste vóór die skape in ’n kamp gejaag word om die larwes op te tel, waarna die skape in die kamp gejaag word, moet sover moontlik toegepas word. Die skape moet so kort moontlik in die kamp gelaat word, waarna die kamp vir minstens twee en ’n halwe maande moet rus, indien moontlik. ’n Haarwurm se siklus is 21 dae vandat die eiers uitbroei tot die volgende eiers gelê word. In ideale weerstoestande sal die eiers in die veld beland en dan uitbroei. Die larwe sal op ’n grasstingel wag vir ’n gasheer om die gras te vreet, maar sal vrek indien dit nie ’n kleinveegasheer kry nie.…

DOEN-DIT-SELF SNY NETJIESE GATE MET DIÉ REEKS SAE Starrett bied ’n omvattende reeks silindersaagstelle vir die boer wat self installeerwerk op die plaas wil aanpak. Die reeks word in Suid-Afrika deur First Cut bemark en verskaf. Die sae, wat ook deur ambagslui, installeringsingenieurs en selfdoengeesdriftiges gebruik word, is in verskillende groottes beskikbaar, wat elk vir ’n spesifieke gebruik bedoel is. Dit sluit in bimetaal-, wolframkarbied- en diamantgrint of diamantpuntsilindersae sodat ’n mens deur enigiets van staal tot nie-ysterhoudende materiaal en plastiek kan sny. By die professionele silindersae met ’n dubbele tandhoek word die gladde sny-aksie van die vaste tandhoek-silindersaag saamgevoeg met die aggressiewe materiaaldeurdringing en snyselruimte van ’n verstelbare tandhoeksaag. Met dié veeldoelige saag kan ’n mens deur ’n wye reeks materiale sny, ongeag die dikte daarvan. Die silindersae vir…

LIGGING Riversdal, Wes-Kaap Anzette en Japie Finnemore het in 2014 sak en pak uit Johannesburg Riversdal toe getrek na ’n plasie wat hulle oor die internet gekoop het. Hulle het dit Fermier (in Frans beteken dit vrylopend) gedoop en boer nou met eiers van vrylopende hoenders, spinasie, koljander en neute. Julle het die stadsliggies gegroet om te boer. Vertel meer van jul boerderyfilosofie. Ons wou aan die stad en die geraas ontsnap. Mense wat fabrieksboerdery teenstaan en gesonde kos wil verbou, het ons geïnspireer. Ons wil deel van die natuur wees; nie dit uitbuit nie. Só probeer ons ’n gesonde lewenstyl handhaaf én ’n goeie bydrae lewer. Verbruikers moet besef wat eetgewoontes vir jou gesondheid beteken en hoe kos geproduseer word. Hoekom pas lêhoenders goed by jul stelsel in? Ons…

In Waar kom ons vandaan? – Van die begin van die heelal tot vandag ondersoek die skrywers Andreas en Schalk Engelbrecht die ontstaan van ons spesie – die oerknal, die ontstaan van die sterre, son en planete en die ontwikkeling van die mens van sy voorgangers se dae af. Stuur jou foto, saam met jou naam, ouderdom en adres aan Lucille Botha (lbotha@landbou.com) teen 12 Mei om in aanmerking te kom om dié boek te wen.…

Vanjaar het stewig begin vir telers van die Merino-skaapras met ’n hele paar ramveilings wat met hoë gemiddelde pryse kan spog. Die afgelope seisoen is gekenmerk deur ’n sterk vraag na aanteelvee en die kleinveemark is ook geen uitsondering nie. Boonop het goeie reën oor groot dele van die land geval. Boere is optimisties danksy goeie weiding en genoeg water om kuddes weer uit te brei. Tot dusver het Merinoramme baie goed in die ring presteer, soos Merino SA se veilingsresultate wys. Uit die ramveilings wat vanaf 15 Januarie tot 11 Februarie gehou is, kan daar rofweg uitgewerk word dat die gemiddelde pryse rondom R10 000 draai. Daar was egter uitskieters met uitstekende pryse. Drie ramme op drie verskillende veilings (Van Pletzen op Jamestown, Tussen Berge op Barkly-Oos en Retief…

BOEREDAE 27-28 MAART: Werksessie met Gabe Brown (’n Amerikaanse kenner van herlewingslandbou), aangebied deur die instituut vir volhoubare boerdery in Suid-Afrika, Lowerland-plaas, Prieska. E-pos: info@permaculture instituteforsouthernafrica.org FEESTE, EKSPO’S 2-5 APRIL: Sandstone-stoomtreinekspo. Tel. 051 933 2235 of www. sandstone-estates.com 7 MEI: Internasionale Sauvignon blanc-dag, aangebied deur Agri-Expo. WEBINARE 8 APRIL: Praktiese bestuur van kos vir akwakultuur. Gratis webinaar oor koskeuses, asook die koop, vervoer, opberging en hantering daarvan, voerprogramme, voedingstegnieke en opsporing van voerdoeltreffendheid. Aangebied deur Karen Veverica en Harrison Karisa. Registreer by bit.ly/3vsdbxM KONFERENSIES 22-24 JUNIE: Africa Agri Tech, Sun-arena, Menlyn. Onderwerpe wat bespreek gaan word, sluit in die behoefte om tegnologie te aanvaar, watter tegnologie om toe te pas, vroue in die landbou en werksessies vir boerdery-opleiding. Web: www.africaagritech.co.za 13-16 OKTOBER: Conexpo Africa 2021, Johannesburg. Werktuie, voertuie en produksiemiddele…

ANDERKANT DIE REËNBOOG DIE SLEGTE EN DIE GOEIE NUUS Die landbou het baie om te vier. Die Suider-Afrikaanse Sitruskwekersvereniging het laat weet ’n rekord-uitvoerjaar wink, en dit sal die derde agtereenvolgende jaar wees van rekorduitvoer. Vanjaar se beraamde 158,7 miljoen kartonhouers sal groei van ’n allemintige 22% in uitvoer wees in net twee jaar. In die beesvleisbedryf word gepraat van nog vyf jaar se stewige pryse, namate kuddes stelselmatig herbou word en beesvleisuitvoer weer begin kop optel. Daar is ook sprake dat die mieliepryse nog ’n wyle kan hou. Suid-Afrika het ook uiteindelik uitvoerprotokolle met China in werking gestel, waar die vraag na mielies beduidend toeneem namate dié land sy biobrandstofbedryf met ’n derde uitbou en varkkuddes flink herbou word ná die verwoesting van varkpes daar. In Suid-Afrika is daar…

“ DIE hele voedselketting word gekortwiek as paaie nie rybaar is nie. Eintlik gaan die besluit nie daaroor om ’n pad te maak of onderhou nie, maar om mense in staat te stel om ’n bestaan te kan voer en kos teen ’n billike prys te koop.” Só sê mnr. Dawie Botha, ’n afgetrede siviele ingenieur en voormalige direkteur van die Suid-Afrikaanse instituut vir siviele ingenieurs (Saice), oor die swak toestand van provinsiale paaie. Volgens hom moet die regering die paaiekwessie holisties beskou. Boereverenigings in verskeie provinsies is op die oorlogspad en pleit dat provinsiale regerings die gevaarlikste paaie eerste moet regmaak en hulle nie toe-spits op paaie wat goedkoop en maklik is om te herstel nie. Mnr. Boeta du Toit, hoofbestuurder van Agri Noordwes, sê benewens die swak teerpaaie…

DR.FERDIHARTZENBERG, wat op12Maartindie ouderdom van 85 in Lichtenburg, Noordwes, aan kanker oorlede is, was ’n politikus wat nie doekies omgedraai het nie en was ’n voorslagboer. Hartzenberg het sy doktorsgraad onder die legendariese prof. Jan Bonsma behaal oor faktore wat vroeë groei by vleisbeeste beïnvloed, en sy groot liefde was Bonsmara-beeste. Die Denand Bonsmarastoetery wat hy 40 jaar gelede op die been gebring het, het reeds verskeie eerbewyse gekry. Hy en sy twee seuns, Ferdinand en De Wet, het saamgeboer op die familieplaas Kleinuitschot naby Sannieshof, waar sy pa en oupa ook geboer het. Dit is hoofsaaklik ’n saaiplaas van meer as 1 500 ha. Volgens Ferdinand boer hulle daar met mielies onder spilpunte, droëlandmielies, -soja, -sonneblomme en -katoen, asook die Bonsmaras en ’n Ille de France-skaapboerdery. BREI UIT NA…

Uiteindelik weet ons watse skade die grendeltyd aan die Suid-Afrikaanse ekonomie berokken het. Statistieke SA het bekend gemaak dat die ekonomie in 2020 met sowat 7% gekrimp het. Sommige ontleders meen dit is die ergste ekonomiese inkrimping sedert 1920, wat beteken Suid-Afrikaners het ’n gebeurtenis beleef wat een keer in honderd jaar voorkom. In die versekeringsbedryf word dit as ’n totale uitskieter gesien; dit kan kwalik slegter gaan. Dit is dus te verstane dat baie maatskappye en besighede in 2020-’21 ernstige geldelike probleme ondervind. Verskeie genoteerde maatskappye moes bykomende kapitaal bekom om hul besighede staande te hou. Die erns van die diep ekonomiese insinking op ekonomiese produksie, verlies aan welvaart en verlies aan werkgeleenthede moet nie onderskat word nie. Hierteenoor het die landbou se bydrae tot die ekonomie in 2020…

Meer moeite moet gedoen word om te sorg dat plaaswerkers ’n sonbril en gepaste hoed dra wat hul oë behoorlik teen die skadelike strale van die son beskerm. Só sê navorsers van die Universiteit van Limpopo, die Noordwes-Universiteit, die Mediese Navorsingsraad en die Universiteit van Pretoria in ’n artikel wat in die vaktydskrif Photochemistry and Photobiology verskyn het. Hul aanbeveling is gegrond op ’n opname onder 71 werknemers van ’n makadamianeut-en-avokadoplaas in Limpopo. Te veel blootstelling aan die son se ultravioletstrale is nie net sleg vir die vel nie, maar kan ook mense se oë skade aandoen en lei tot oogtoestande soos katarakte (’n melkerige lagie oor die lens van die oog) en pterigium, ’n soort pienk groeisel op die oogbal en ooglid. “In die lig van die hoë voorkoms…

PLAASINLIGTING LIGGING: Napier, Wes-Kaap NAAM: Klipdaleboerdery EIENAARSKAP: Maatskappy VERTAKKINGS: Kanola, koring, gars GRONDTIPE: Nabankgrond (Glenrosa-vorm), gruiserige grond met klei in die onderlaag (Westleigh-vorm) GEMIDDELDE REËNVAL: 380 mm per jaar KORTOM ■ Die Suid-Kaapse wenner van die Proteïennavorsingstigting se opbrengskompetisie vir meer as 150 ha kanola meen suksesvolle kanolaverbouing begin by die goeie vestiging van en vertroue in die gewas. ■ Verder meen hy presisiebestuur – om die regte dinge op die regte tyd te doen – is deurslaggewend. ■ Die stelsel van aanhoudende gewasverbouing wat hy toepas, stel hoë bestuursvereistes, maar is tog buigsaam aangesien daar nie ’n weidingsfase is waarvoor voorsiening gemaak moet word nie. Boere skerts dikwels met landboukundiges en navorsers dat dit maklik is om van daardie kant van die plaashek raad te gee. Mnr. Franco le…

Hedera is derdegenerasie-blokkettingtegnologie. Die netwerk gebruik net ’n fraksie van die elektrisiteit van vorige generasie blokkettings. Belangriker, dit kan meer as 10 000 transaksies per sekonde verwerk, transaksies binne 3-5 sekondes afhandel, en die transaksiekoste beloop net $0,0001 per $1. Vergeleke daarmee is eerstegenerasie-blokkettingtegnologie, waarop bitcoin gebou is, duur en uiters stadig (lees ook “Stadige transaksiespoed hou blokkettings terug”, LBW, 25 Maart 2021). Met maatskappye soos Google, IBM, Boeing en Suid-Afrika se eie Standard Bank aan die stuur, spits hedera hom op twee dienste toe. Die eerste is die hedera-konsensusdiens om transaksies in chronologiese volgorde te plaas. Dit het die tweeledige doelwit om gebruikers in staat te stel om konsensus te bereik oor die geldigheid en volgorde van gebeurtenisse, en om deursigtigheid oor die geskiedenis van gebeurtenisse oor tyd te…

KORTOM ■ Die veld se toestand het ’n groot invloed op die risiko van ’n plaas. Goeie veld is aansienlik minder droogtegevoelig as swak veld. ■ Maak ook seker die tipe veld en die topografie van die plaas is geskik vir die soort dier wat jy daarop wil aanhou. ■ Ander belangrike faktore om in gedagte te hou, sluit in die risikoprofiel, boerdery-infrastruktuur en ontwikkelingspotensiaal, herverkoopwaarde en of die plaas waarde vir geld bied. Wanneer ’n mens ’n plaas koop, moet jy jouself deeglik vergewis van al die aspekte wat in ag geneem moet word om te verseker dat jy ’n goeie aankoop maak. Daar is ’n baie noue verband tussen die produktiwiteit en winsgewendheid van ’n veeboerdery en die veld se toestand. Dit is waarskynlik die heel belangrikste eienskap…

Structa Technology se Circotenk word vervaardig uit koudgerolde, gegalvaniseerde staalplaat. Die plaat word verder versterk met die inrol van ’n verstywende antiknik-profiel. Danksy die gebruik van ’n PVC-plastiekvoering word waterdigtheid verseker. Dit is dus ’n produk waarop ’n mens kan staatmaak. Die tenks is in twee reekse beskikbaar. Die midi-reeks bevat tenks van 1 000 liter tot 20 000 liter. Die maksi-reeks se tenkgroottes is 100 kiloliter tot 1,5 megaliter. Die maksi-reeks is veral gewild vir nywerheidsgebruik en massawaterverskaffing. Dit word op ’n betonringbalk-fondament opgerig. Die sirkelsegment-boutegniek word gebruik en dit is dus baie vinnig. Die tenks in die midi-reeks kan maklik aanmekaar gesit word. Die tenksegmente word maklik vervoer, het ’n staalbodem en kan self opgerig word. Danksy die konstruksietegniek kan die tenks sonder moeite bo-op ’n staander geïnstalleer…

Ons boere moet nou soos nog nooit vantevore nie moed aan die dag lê, want ’n onseker toekoms staar ons in die gesig. Die Oxford-woordeboek beskryf moed (courage) as krag in die aangesig van pyn of smart. (Die Verklarende Handboek van die Afrikaanse Taal beskryf dit as onverskrokkenheid in gevaar of moeilikheid.) Dit is iets waarmee boere vertroud is vanweë die aard van hul beroep. Jos. 1:7 sê: “Wees sterk en baie dapper! Voer al die opdragte uit wat Ek vir my dienaar Moses gegee het. Moenie links of regs daarvan afwyk nie. Jy sal dan suksesvol wees in alles wat jy doen.” Moenie links of regs afdraai, onseker wees of voortdurend van plan verander nie. Bly konsentreer op jou doelwit – dan sal jy met God se genade slaag…

GAUTENG CARLETONVILLE OUDEDORP (376),40ha, aan LNK-familietrust, van Nadeker-trust (Edms.) Bpk., R1 541 350. ROOIPOORTJE (453), 102 ha, aan K2018601683 SA (Edms.) Bpk., van E.M.M. en J.A. van Aswegen, R2 230 000. PRETORIA JAKHALSFONTEIN (528), 21 ha, aan C.T. van den Heever en P.W. Lawrence, van J.P.L. du Plessis, R1 700 000. KWAZULU-NATAL BALLITO COLERAINE (17122), 166 ha, aan Brown Sugar Harvesters BK, van Tongaat-Hulett Bpk., R7 007 500. HOLWOOD (17834), 130 ha, aan B.S. Sibiya, van Lethukuthula Sugar-Cane Farming BK, R4 341 524. PROSPECT THREE (17875), 115 ha, aan Class A Trading (Edms.) Bpk., van Mayo Macs SA (Edms.) Bpk., R5 655 000. HELPMEKAAR GT (18814), 454 ha, aan Mzinyashana-gemeenskapseiendomsvereniging, van Central Developments South (Edms.) Bpk., R4 070 000. KUICK VLEI (1396), 105 ha, aan Mjonaiza Trading BK, van B.M.…