Indholdsfortegnelse for 17 Jun 2021 i Landbouweekblad

AS ’n metafoor vir die stand van Suid-Afrikaanse politiek, is die wysiging van die eiendomsklousule in die Grondwet gepas – die land is aan die brand, maar leiers redekawel oor of hulle vonkelof gewone mineraalwater moet gebruik om die vlamme te blus. Die ad hoc-komitee wat dié wysiging moet bewerkstellig, kon nie die spertyd van 31 Mei haal om sy verslag oor die wysiging te voltooi nie, te midde van ’n heeltemal voorspelbare dooie punt tussen die ANC en EFF. Nou het die komitee gevra vir 30 dae uitstel om tot ’n tipe vergelyk te kom – en jy moenie daarop wed dat dit ooit sal gebeur nie. Me. Bulelwa Mabasa, prokureur en lid van die presidensiële adviespaneel oor grondhervorming, het uitgewys die verskille tussen die twee partye is diep…

WENBRIEF BOESMANLANDERS IS OP HUL KNIEË Baie van julle weet dalk dat ek die kinders by die huis skool gee. Só gebeur dit toe dat ons oor idiome praat, en my gedagtes dwaal sommer weer . . . Baie van julle dink seker dat ek altyd op dieselfde aambeeld hamer, maar wat die hart van vol is, loop die mond van oor, en ek probeer nie ’n moordkuil van my hart maak nie. Julle dink dalk dat ek nie al my varkies op hok het nie, maar ek sal oop kaarte met julle speel. As ek sê dat ons in die Boesmanland ons op haaivlakte bevind, maak ek beslis nie ’n berg van ’n molshoop nie. Ek vertel julle bloot die ABC van die droogte. Soms as ons oor koeitjies…

LEEUS KUIER OP WYNPLAAS Die Britse rugbyspan het vanjaar twee boere in sy geledere. Hulle is David Rollo, ’n veeboer in Skotland, en Dickie Jeeps, ’n vrugteboer van Cambridge. Die Leeus is onlangs in die distrik Worcester op Alfalfa, die plaas van mnr. Alf van der Merwe, op tradisionele vleisbraaiery onthaal. Veral Jeeps het die wêreld goed besigtig, en hy wou alles van Suid-Afrikaanse boerdery weet. Dié kranige skrumskakel is ’n kêrel wat alles van ’n vrugteboom weet. Hy boer sowat 19 km buite Cambridge met appels en pere. Hy het altesame 64 ha onder vrugtebome. Die Engelse grond is vrugbaar, sê Jeeps. ’n Mens kan die ploeg maar diep laat loop, want die grond daar is diep. Arthur Smith, kaptein van die toerspan, wat op ’n melkplaas grootgeword het,…

DIE landbousakekamer Agbiz verwelkom enige inisiatiewe wat doeltreffendheid en gesonde mededinging in die markte kan bevorder, want dit bevorder die volhoubaarheid en internasionale mededingendheid van plaaslike landboubedrywe. Dít was die reaksie van dr. John Purchase, uitvoerende hoof van Agbiz, op die nuus dat nog ’n digitale toepassing pas bekend gestel is om kopers en verkopers van graan en ander landbouprodukte by mekaar uit te bring. Die nuwe toepassing volg kort op die hakke van TonnUp, die aanlyn handelsplatform vir graan en oliesade wat in April in werking getree het. Die landboutegnologie-onderneming Skudu in die Paarl het pas met ’n nuwe vertakking, bekend as Skudu Match, begin om ook kopers en verkopers gratis aan mekaar bekend te stel. “Digitale tegnologie en platforms kan beslis ’n bydrae lewer om kopers en verkopers…

Wessels het gesê die drastiese styging in skaapvleispryse is in ’n mate danksy die uitvoer van lewende slagvee. Tot 6% van plaaslike produksie kan só uitgevoer word, wat baie vir die bedryf kan beteken. “Die RPO is opgewonde hieroor, en ons sal moet sorg dat dit permanent gebeur volgens ’n internasionaal aanvaarbare protokol oor dierewelstand. “Die stewige skaap- en lamsvleispryse is ’n aanduiding dat dat die vraag na vleis op die plaaslike mark steeds goed is. Die verbruikersopvoedingsprogram dra hiertoe by. “Die prys van velle is ook hoër – 16% op ’n jaargrondslag – wat die bedryf ’n hupstoot gee.” Hy meen Suid-Afrika is veral aan die beesvleiskant baie mededingend. Pryse is 30% onder die wêreldprysnorm. Beesvleisuitvoer is tans 4% van die produksie. By skape maak uitvoer 1% van die…

SUID -AFRIK ANERS was verlede jaar die naasgrootste groep buitelandse burgers wat as tydelike landbouwerkers in Amerika gewerk het. As die Amerikaanse beleid onveranderd bly, kan hierdie getal styg omdat die toenemende wêreldwye vraag na voerkorrels en sojabone vir veeproduksie, asook na veeprodukte self, die verwagte groei van die Amerikaanse landbousektor steun. Volgens mnr. Robert Mearkle, woordvoerder van die Amerikaanse ambassade in Pretoria, is daar in 2016 altesame 2 335 H-2A-visums aan Suid-Afrikaners uitgereik om tydelik in Amerika in die landbou te werk, teenoor 5 508 verlede jaar. “Elke jaar trek baie Amerikaanse boerderye en ondersteunende bedrywe voordeel uit die ondersteuning van duisende ervare plaaswerkers uit Suid-Afrika. Die meeste H-2A-reisigers gaan na plase in die Midde-Weste en suide. Die topvyf deelstate vir indiensneming was Noord-Dakota, Kansas, Arkansas, Mississippi en Suid-Dakota.”…

DIE skielike afsterwe van mnr. Perry Feldman is ’n reuseverlies vir die Vryemarkstigting se Khaya Lam-projek waarvan hy die bestuurder was. Die lewe van duisende of selfs miljoene mense wat dalk onbewus is daarvan, word deur sy dood geraak. Hulle sal moontlik nooit hul eie huise besit nie of ’n onbepaalde tydperk daarvoor wag. Só sê mnr. Leon Louw, uitvoerende direkteur van die Vryemarkstigting, in ’n huldeblyk aan Feldman. Hy is op 30 Mei in ’n Johannesburgse hospitaal dood aan Covid-19-verwante komplikasies. Feldman het Khaya Lam – wat “my huis” beteken – in September 2013 in die munisipale gebied van Ngwathe by Parys in die Vrystaat, waar hy geboer het, begin met die oorhandiging van 84 titelaktes. Sedertdien is altesaam 11 000 titelaktes reg oor Suid-Afrika aan voorheen benadeelde huisbewoners…

Suid-Afrikaanse belastingwetgewing bepaal dat die meeste bates wat van eienaar verwissel, deur middel van ’n transaksie sonder bevoorregting moet plaasvind. ’n Bate moet teen markwaarde na ’n trust oorgedra word asof die koper en verkoper in die gewone verloop van sake ’n ooreenkoms sluit. Gevolglik kan kapitaalwinsbelasting, hereregte en oordragkoste betaalbaar word. VERKOOP Die eenvoudigste manier om byvoorbeeld vaste eiendom na ’n trust toe te “verskuif”, is deur dit teen markwaarde aan die trust te verkoop met die gevolglike betaling van kapitaalwinsbelasting en oordragkoste. Ná die afhandeling van die transaksie bly die verkoopprys meestal as ’n leningsrekening verskuldig aan die verkoper, gewoonlik die individu wat ook ’n trustee of begunstigde is. Die vraag of vaste eiendom, soos landbougrond, regstreeks in ’n trust gekoop moet word, is nog nie beantwoord nie,…

Die stygende produksiekoste en probleme met dieregesondheid oorheers die landbouneigings in die Suid-Afrikaanse pluimveebedryf. Me. Marlene Louw, senior landbou-ekonoom by Absa, sê die pluimveebedryf ondervind prysverhogings van 15,9% tot 23,7% op ’n jaargrondslag. “Met die huidige mielieprys sowat 30% hoër as in 2020 word die winsmarge toenemend onder druk geplaas,” sê sy. Astral se tussentydse jaarverslag het dié neiging bevestig waarvolgens ’n afname in die bedryfswins van 37% gedeeltelik aan stygende produksiekoste toegeskryf is. Op die internasionale pluimveemark word bestendige prysvlakke ondervind danksy ’n goeie vraag na hoendervleis, veral in lande soos Amerika waar die Covid-19-pandemie sy greep begin verslap. In ander wêrelddele, soos Indië (met ’n verlaagde aanbod en strenger beperkingsmaatreëls), word prysverhogings ondervind. Volgens Absa sal die wêreldprys van hoendervleis na verwagting vanweë hoë graanpryse en ’n sterk…

Groter wynverpakkings blyk ál gewilder te raak onder Suid-Afrikaanse wynliefhebbers. Sedert 2014 het wyn in 3 liter- en 5 literboksverpakkings (ook bekend as bag-in-b o x ) veld gewen, terwyl die verkope van wyn in die tipiese glasbottels van 750 ml gedaal het. Só het me. Yvette van der Merwe, uitvoerende bestuurder van die Suid-Afrikaanse wynbedryfsinligting en -stelsels (Sawis), op Vinpro se virtuele inligtingsdae vir die Kaapse suidkus-, Paarl- en Swartlandstreek gesê. Die verkope van bokswyn het verlede jaar vir die eerste keer dié van wyn in glasbottels in Suid-Afrika verbygesteek. Volgens mnr. Christo Conradie, bestuurder van wynkelders by Vinpro, het die plaaslike verkope van wyn in glasbottels sedert 2014 met 23% gedaal. Daarteenoor het die verkope van 3 literboksverpakkings met 27% gestyg en dié van 5 liter-bokse met 33%.…

Die oesseisoen vir somergewasse het begin en produsente is druk besig om die oes in die silo’s te kry. Volgens die nasionale oesskattingskomitee se vierde skatting is die verwagte mielie-oes 16,18 miljoen ton. Gedurende die 2020-’21-bemarkingseisoen, wat van 1 Mei 2020 tot 30 April 2021 gestrek het, is die totale uitvoer volgens syfers van die Suid-Afrikaans graaninligtingsdiens (Sagis) 2,85 miljoen ton mielies. Dit is ’n nuwe rekorduitvoersyfer vir Suid-Afrika sedert deregulasie. Die totale hoeveelheid heel mielies wat gedurende die 2020-’21-seisoen deur grensposte na buurlande uitgevoer is, is 1,38 miljoen ton. Vir die nuwe bemarkingsjaar van 2021-’22 staan die nasionale landboubemarkingsraad se uitvoerskatting, gegewe die geskatte oes van 16,18 miljoen ton, op 2,8 miljoen ton (1,6 miljoen ton geelmielies en 1,17 miljoen ton witmielies). Dit is soortgelyk aan die 2020-’21-be-markingsjaar wat…

Onkruid is nie altyd ’n voorrangsaak aan die einde van die somerreënseisoen wanneer graan ryp word en oesvoorbereiding in alle erns begin nie. Hierdie onkruid kan egter waardevolle grondvog vir die komende planttyd opgebruik en die plantproses in die lente bemoeilik, veral vir boere wat minimum- en geenbewerking toepas. Onkruid groei veral vinnig indien daar voldoende vog in die grond is, die blaredak van die graan aan die afneem is weens die rypwordingsproses, en daar dus geen mededinging vir die onkruid is nie. Hierdie onkruid kan in ’n kort tydjie volwassenheid bereik, nog saad tot die onkruidsaadbank in die grond toevoeg en die probleem vir die toekoms vererger. Die bespuiting vir winteronkruid word dikwels uitgestel tot ná oestyd omdat produsente en kundiges meen daar is ná oestyd genoeg tyd om…

Palmer-misbredie (Amaranthus palmer i) ding besonder sterk met gewasplante mee om water, lig en voedingselemente. Die aanpasbaarheid van Palmer-misbredie by ’n wye reeks omgewingstoestande gee dit ’n voorsprong bo gewassoorte. Daarby maak die vinnige groeitempo en produktiwiteit (saadproduksie) dit ’n formidabele teenstander vir veral eenjarige gewassoorte. Palmer-misbredie word as Noord-Amerika se nommer 1-onkruid beskou. Navorsing dui daarop dat een Palmer-misbredieplant per m2 by mielies tot ’n opbrengsverlies van 10% kan lei, en tien plante per m2 tot ’n opbrengsverlies van 90%. By sojabone kan gemiddeld net 0,3 Palmer-misbredieplant per m2 ’n opbrengsverlies van 10% veroorsaak, en net drie plante per m2 tot ’n 50%-opbrengsverlies. Een plant kan tot 600 000 sade produseer. Sade kan drie jaar lank kiemkragtig in die grond bly. In ’n veldproef in Amerika is Palmer-misbredie-plantgetalle oor…

Dit is duur en tydrowend om indringerplante te bekamp en te vernietig, en daar is tans byna geen kommersiële waarde vir dié bome en plante nie. Dit maak die bekamping van probleemplante nóg moeiliker, veral in ekonomies taai tye, sê mnr. Cobus Meiring. Volgens Meiring is daar binnekort ’n belowende oplossing waardeur boere ’n inkomste uit uitheemse indringers kan verkry. Hive Carbon, die Suid-Afrikaanse filiaal van die Britse maatskappy Hive Energy, toets tans nuwe tegnologie waarmee hulle beoog om biokoolstof (biochar) en geaktiveerde koolstof van indringer-biomassa te produseer. Die maatskappy hoop om volhoubare en kommersieel vatbare hoeveelhede biokoolstof van hoë gehalte te produseer. “Die biokoolstof wat ons produseer, het uitsonderlik hoë koolstofwaarde en baie lae vlugtige vlakke. Wanneer dit by grond gevoeg word, verseker dit die herlewing van die grondlewe…

Volgens die mees onlangse syfers is daar 13,6 miljoen tot 13,8 miljoen beeste in Suid-Afrika. Jaarliks word 2,4 miljoen tot 2,6 miljoen volwasse diere en kalwers in abattoirs geslag. Van hierdie beeste word net meer as 2 miljoen in voerkrale afgerond. Die gemiddelde staantyd wissel van 120 dae tot 140 dae in die meeste voerkrale, wat neerkom op 2,6 tot 3 siklusse per jaar. Die totale getal kalwers in Suid-Afrikaanse voerkrale is dus sowat 600 000 diere. Die wêreldbevolking het in 2011 die kerf van 7 miljard verbygesteek. Na raming kan dit in 2050 tot 9,5 miljard styg. Met ’n toename in die bevolking styg die vraag na voedsel en gevolglik ook beesvleis deurlopend. Teen 2050 gaan voedsel- en beesvleisproduksie onderskeidelik met 70% en 100% toeneem. Terselfdertyd word hulpbronne soos…

Die rivierpypvis (Syngnathus waterme yer i) is die eerste keer in 1963 deur die igtioloog James Leonard Brierley (J.L.B.) Smith beskryf. Vir omtrent 30 jaar daarna, tot in die 1990’s, is hierdie geheimsinnige vis nie weer gesien nie, net om in 1996 “herontdek” te word. Teen 2003 was die rivierpypvis weer eens skoonveld, net om drie jaar later weer sy verskyning te maak. Ondanks noemenswaardige navorsings- en bewaringsprojekte sedertdien het die jongste opnames (in 2019-’20) rivierpypvisbevolkings in net twee riviermondings binne die vis se historiese verspreidingsgebied getoon. DIE VREEMDE LEWE VAN DIE PYPVIS Pypvisse behoort aan die Syngnathidae-familie. Visse in die familie word gekenmerk deur versmelte kake en ’n buisvormige snoet met ’n klein mond. Pypvisse se liggaam word gedefinieer deur beenagtige ringe. Hulle het geen pelviese vinne nie. Ander…

Die voorstel dat Suid-Afrikaners nie meer vuurwapens vir selfverdediging sal kan bekom nie, gaan nie net om vuurwapens nie, maar ook oor die staat wat in sy burgers se regte inmeng. Dit wat ons as “demokrasie” verstaan, is ten nouste ter sprake. As die wysigings aanvaar word, sal eienaars van baie miljoene rande se wapens ontslae moet raak, waarskynlik deur dit by die polisie in te handig, want wie sal met die nuwe wysigings ’n lisensie kan kry om dit oor te koop? Met ’n regering wat beoog om grond sonder vergoeding te onteien, kan ’n mens seker nie verwag dat hy vir jou besonderse versamelaarstuk sal opdok nie. Nadat ek die hele wysigingskonsep van 138 bladsye deurgelees het, is daar veral ’n paar sake wat ernstig aandag verdien. Ek…

MARKNEIGINGS PRYSE STABILISEER NÁ DROOGTE In groot dele van die Oos-Kaap lyk dit asof grondpryse stabiliseer ná die erge droogte in die provinsie. In die meegaande TABEL is ’n opsomming van grondtransaksies groter as 10 ha vir die 12 maande tot April. In 10 van die distrikte (29% teenoor 48% die vorige jaar) is dalende prysneigings waargeneem. In 5% van die distrikte teenoor 15% die vorige jaar, was daar geen transaksies geregistreer nie. By Barkly-Oos (21%), Gqeberha (17,7%) en Molteno (21,5%) het pryse met meer as 10% gestyg. Dit het met meer as 10% gedaal by Cradock (-14,6%), Graaff-Reinet (-13,6%), Joubertina (-10,6%) en Komga (-14,4%). In die betrokke tyd is 280 ooreenkomste (vergeleke met 264 die vorige jaar) in 34 distrikte gesluit. Dit is 5,7% minder as in die vergelykende…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 22-24 JUNIE: Africa Agri Tech, Sun-arena, Menlyn. Onderwerpe wat bespreek gaan word, sluit in die behoefte om tegnologie te aanvaar, watter tegnologie om toe te pas, vroue in die landbou en werksessies vir boerdery-opleiding. Web: www.africaagritech.co.za 25-26 AUGUSTUS: AgriTech 2021, Emperors Palace, Johannesburg. Onderwerpe wat bespreek gaan word, sluit in presisielandbou, water- en grondbestuur, landboutegnologie en kuberveiligheid. E-pos: kennedy@lead-africa.co.za, web: www.lead-africa.co.za 13-16 OKTOBER: Conexpo Africa 2021, Johannesburg. Werktuie, voertuie en produksiemiddele vir die landbou-, bosbou-, mynbouen boubedryf in Afrika suid van die Sahara. Web: www.bcafrica. com, e-pos: info@mm-sa.com, 011 476 8093. SKOUE 29-31 JULIE: Lutzville-skou. Louis Snyman, 083 712 3261; Rika Prins, 083 398…

Die uitgroei van verse as vervangingsdiere is ’n belegging op lang termyn in die oorlewing van die kudde. Indien ’n vervangingsvers net die plek van die vorige geslag moet inneem, sou die proses relatief eenvoudig wees. Die kudde moet duidelike teeldoelwitte hê met ’n teelbeleid om by daardie doelwitte uit te kom. Versgrootmaak begin by die keuse van die regte ouers om nageslag te produseer binne die onderneming se teelbeleid en hulpbronsamestelling. Dié vers moet ’n lewenskragtige kalf kan produseer elke jaar tot sy uitgeskot word. Dit is ’n mond vol wat alle aspekte van kuddebestuur dek, waaronder kuddegesondheid, voeding, voervloei en hulpbronbestuur. Die een aspek wat uitstaan vir suksesvolle vervanging is die moederkudde se reproduksietempo. TABEL 1 verwys na twee scenario’s met ’n speensyfer van 65% en 85%. Die…

ALS Beefmasters is in die Noord-Natalomgewing naby Newcastle. Die familiebesigheid boer vanaf 1993 met beeste en het in 2012 met die Beefmaster-stoetery begin. Volgens mnr. Gerrit Joubert is die rede hiervoor die feit dat hulle ’n tuiste gevind het in die groot Beefmaster-familie. “Die persentasie Bos indicus, waaruit die ras bestaan, is waardevol in ons omgewing waar baie siektes, soos rooiwater, voorkom,” sê Gerrit. Doelwitte is vir hulle noodsaaklik en Gerrit sê dit kan deur seleksie bereik word. “Vrugbaarheid, gehardheid en groei is die belangrikste eienskappe. Ons glo in ’n mediumraamkoei wat elke jaar ’n kalf lewer, maar sien ook dat die natuur daardie seleksie outomaties vir ’n mens doen. “Die dekseisoen vir ons verse is van Augustus tot Oktober. Hulle word as eerstekalfkoeie in Oktober kunsmatig geïnsemineer en val…

-30% ’n Nuwe voerbymiddel vir beeste wat van sitrus- en knoffelekstrak gemaak is, kan hul metaangasvrystellings met gemiddeld 30% verminder, volgens die vervaardiger, Mootral, ’n Brits-Switserse maatskappy. Die bymiddel verminder volgens Mootral die metaangasvrystellings met die ekwivalent van nagenoeg een ton koolsuurgas per bees per jaar. Mootral omskep hierdie besparings in koolstofkrediete wat deur die wêreldwye akkreditasieprogram Verra goedgekeur is. – CNN Business R153,1 miljard Diere en diereprodukte het, teen R153,1 miljard, in 2019 volgens nuwe data van Statistieke SA die meeste verkope gegenereer. Tuinbouprodukte het R86,3 miljard verdien, en gesaaides R61,9 miljard. Die algehele inkomste uit die landbou en verwante landboudienstesektor het van 2017 tot 2019 met 5,8% gestyg, van R314 miljard tot R351,4 miljard. Oor dieselfde tydperk het uitgawes in die sektor met 6,9% gestyg tot R330,4 miljard,…

‘Jy moet maar geld wegbêre as dit goed gaan vir die tye wanneer die wisselkoers teen jou werk.’ MNR. DEWALD OLIVIER, uitvoerende hoof van die Suid-Afrikaanse Voerkraalvereniging, oor die huidige sterk rand se effek op winsgewendheid van uitvoerbedrywe. Bl. 18 ‘Dit is van die begin af duidelik dat daar ’n korrelasie is tussen die lengtes van dae en nagte en die aantal veediefstalsake.’ DIE NASIONALE VEEDIEFSTALFORUM oor breë neigings in die voorkoms van veediefstalgevalle. Bl. 21 ‘Toe ons nog die status gehad het, het ons na sowat 42 lande uitgevoer. Sedertdien voer ons net op grond van bilaterale ooreenkomste na 21 lande uit.’ MNR. GERHARD SCHUTTE, hoofbestuurder van die Rooivleisprodusente-organisasie (RPO), oor die effek wat bek-en-klouseer op Suid-Afrika se rooivleisuitvoer gehad het. Bl. 15 ‘Die handel met onwettige tabakprodukte is…

Suid-Afrikaners was verlede jaar die tweede grootste groep buitelandse burgers wat as tydelike landbouwerkers in Amerika gewerk het. As die Amerikaanse beleid onveranderd bly, kan hierdie getal toeneem, aangesien die toenemende wêreldwye vraag na voerkorrels en sojabone vir veeproduksie, en na veeprodukte self, die verwagte groei van die Amerikaanse landbousektor aandryf. Volgens mnr. Robert Mearkle, woordvoerder van die Amerikaanse ambassade in Pretoria, was daar veral sedert 2016 ’n styging. In 2016 is 2 335 H-2A-visums aan Suid-Afrikaners uitgereik om tydelik in Amerika in die landbou te werk. Verlede jaar is 5 508 sulke visums uitgereik. “Elke jaar trek baie Amerikaanse boerderye en ondersteunende bedrywe voordeel uit die ondersteuning van duisende ervare plaaswerkers uit Suid-Afrika.” Die meeste H-2A-reisigers gaan na plase in die Midde-Weste en suide. Die topvyf deelstate is Noord-Dakota,…

TEEN druktyd is verwag dat die sneeu wat vir die eerste week van Junie voorspel is, ’n voorloper kan wees vir swaarder sneeuneerslae later die maand. Minimum temperature van -5 °C en selfs laer is vroeg in die maand oor die sentrale en oostelike dele van Suid-Afrika, asook die oostelike Hoëveld verwag, en daar was sneeuneerslae oor die sentrale en suidelike dele van die Drakensberg. Reën sou ook in die Noordoos-Kaap, die aangrensende dele van KwaZulu-Natal en die nabygeleë binneland van hierdie gebiede val. Die verwagting was dat frontale stelsels rondom 15 Junie weer reën na die winterreënstreek sou bring. Daar is ’n moontlikheid van sneeu in die tweede deel van Junie weens baie koue toestande en ’n bietjie tropiese vog wat oor Namibië kan afbeweeg, sê mnr. Johan van…

DIE Suid-Afrikaanse rooivleisbedryf moet goeie verhoudings met die staat nastreef. “Voorheen is die staat gesien as die probleem, maar die bedryf moet hom begin sien as deel van die oplossing,” het dr. Michael Bradfield, uitvoerende hoof van die Lewendehawe-registrerende Federasie (LRF), asook van die Wagyu-beestelersgenootskap, op die virtuele jaarvergadering van die Wes-Kaapse Rooivleisprodusente-organisasie gesê. Samewerking met die staat is belangrik, en die staat is bereid om saam met boere te werk. “Die bedryf moet die staat as ’n vennoot sien as Suid-Afrika rooivleisuitvoer wil uitbrei. Ons moet saam om ’n tafel sit en daarop aandring om te weet waarom ons nie na sekere lande kan uitvoer nie – ons soek antwoorde.” MARKNAVORSING Hy het gesê China is die grootste invoerder van rooivleis en moet gesien word as ’n belangrike deel…

1 ZIMBABWE| Verbod op invoer volg rekord-oes Zimbabwe verwag sy grootste mielieoes in 20 jaar, teen 2,7 miljoen ton. Dit is amper 200% hoër as in 2020 en 130% hoër as die gemiddelde oes. Die land verwag ’n graansurplus van meer as 820 000 ton. Dit is die grootste oes sedert die 2000-’01-oesjaar, die begin van oudpres. Robert Mugabe se grondonteieningsprogram. Die Amerikaanse departement van landbou verwag dat Zimbabwe sy grootste graanoes (mielies, sorghum, gort en manna) sedert 1984 verwag, teen tot 3,1 miljoen ton. Te midde van dié reuseverwagtinge het Zimbabwe einde Mei alle mielieinvoer opgeskort, wat ’n groot deel van Suid-Afrika se mielie-uitvoer kan raak. — AllAfrica/CAJ News Africa 2 LESOTHO Kommer oor voëlgriep Lesotho se departement van veedienste en die internasionale organisasie vir dieregesondheid (OIE)…

Druk gesprekke word gevoer oor die redes vir die sterk vraag na vleis en die feit dat pryse stewig bly, veral in 2020, midde-in die ergste ekonomiese insinking in die moderne geskiedenis. Die prys en vraag het ook sterk gebly in die eerste paar maande van 2021. Heelwat debatte word gevoer oor die sterk vleismark en of dit in die afsienbare toekoms kan voortduur. Aan die verbruikerskant spoor veral twee faktore die vraag na vleis aan, naamlik bevolkingsgroei asook ekonomiese groei, en dus groei in verbruikers se besteebare inkomste. Wanneer die ekonomie groei en werk geskep word, verskuif die dieet weg van styselgebaseerde voedselprodukte na ’n meer proteïengebaseerde dieet. ’n Navorsingsverslag deur Unilever oor die eetpatrone van Suid-Afrikaanse verbruikers oor die afgelope jaar is onlangs bekend gemaak. Dit bevestig dat…

Die 2020-’21-seisoen vir droëbone was een van die moeilikstes nog, sê mnr. Chris Kleingeld, hoofbestuurder van die Droëboonprodusente-organisasie. “Aanvanklik het die seisoen goed begin, maar ’n oormaat reën het die aanplantings bemoeilik.” Volgens Kleingeld is slegs 46 767 ha gevestig, 6% minder as die vorige bemarkingsjaar en 21% minder as die aanvanklike beplanning. “Volgehoue reën van November tot Januarie het meer as 60% van die aanplantings in die Oos-Vrystaat vernietig.” Die verwagte opbrengs is ook kleiner. Die organisasie verwag ’n opbrengs van 50 646 ton. Dit is 21% minder as die vorige oes. Kleingeld sê die pryse wat tans behaal word, is baie naby aan invoerpariteit. Hy skryf dit toe aan die hoë internasionale dollarprys vir alle soorte droëbone en lae plaaslike voorraadvlakke. “Klein, wit inmaakbone behaal tot R16 000/ton…

WATTER TEGNOLOGIE IS ONMISBAAR IN JOU BOERDERY? Google, www.yr.no en Google Earth. Ek gebruik dit vir die beplanning van lugbespuiting, voorbrande en stikstoftoedienings, die bepaling van hoogte vir byvoorbeeld die plasing van veesuipings en opgaardamme, die meet van oppervlaktes (soos kampgroottes), die beplanning van vlugte, en vir weervoorspellings. WAT IS DIE BESTE RAAD WAT JY AL GEKRY HET? Ek het 30 jaar gelede raad gekry om kalk op my landerye te begin toedien. WAT IS DIE GROOTSTE BOERDERYFOUT WAT JY GEMAAK HET? Ek was te bang vir risiko toe ek twee aangrensende plase kon koop. WIE WAS JOU MENTOR? My pa, Kerneels, wat my geleer het om hard te werk en spaarsamig te wees. WAT IS DIE VEELEISENDSTE ASPEK VAN JOU BOERDERY? Om die getal onproduktiewe personeellede te verminder en…

WATTER TEGNOLOGIE IS ONMISBAAR IN JOU BOERDERY? Embrio-inplantings en kunsmatige inseminasie deur ’n veearts, ’n kamerastelsel vir sekuriteit, tweerigtingradio’s vir kommunikasie, toerusting wat voer meganies meng en uitplaas, brandbestrydingstoerusting vir die veldbrandtyd, Logix vir stoetery-administrasie. WAT IS DIE BESTE RAAD WAT JY AL GEKRY HET? Die beste kunsmis is jou eie voetspore. Dus is dit noodsaaklik om self by die boerdery uit te kom. ’n Mens ry nooit verniet veld toe nie. WAT IS DIE GROOTSTE FOUT WAT JY IN JOU BOERDERY GEMAAK HET? Kampe waarin die koeie kalf, was te groot en het dit sodoende moeilik gemaak om die nodige beheer uit te oefen. Kalwers is gesteel voordat hulle gemerk is. WIE WAS JOU MENTOR? Tonnie van Wyngaardt het my as skoolkind betrek en aan beeste blootgestel, Johan Pretorius…

Die mentorskapprogram van die Suid-Afrikaanse Federasie van Veteraantrekker-enenjinklubs (Savtek) om die liefde vir die restourasie van landbouveterane onder ’n jonger geslag enjinbouers te laat herleef, is besig om vrugte af te werp. Mnr. Christo Pieterse, voorsitter van Savtek, sê die derde nasionale Engen-restoureerkompetisie was só suksesvol dat voormalige deelnemers vanjaar selfs as mentors opgetree het om die aflosstokkie aan nuwelinge oor te gee. In die eerste kompetisie in 2016 was daar agt finaliste. In die 2020-eindronde, wat weens die Covid-19-pandemie eers op 1 Mei vanjaar kon plaasvind, was daar 17 deelnemers. Die eindronde is by die Ferreira-museum in Bloemfontein aangebied. Om die verskillende vaardigheidsvlakke van die deelnemers in ag te neem, word die Engen-kompetisie in vier klasse ingedeel. Die intreevlak is vir deelnemers jonger as 18 jaar met kompakte enjins,…

AANSKOKSTELSEL NUWE LEWE VIR MOTORBATTERY Dit is die tyd van die jaar dat motorbatterye om geen rede nie oornag só koud word dat hulle op ’n vroeë oggend skaars ’n kreun uit ’n knormoer kan kry. Hoe dit só skielik gebeur, gewoonlik ’n dag of twee nadat die eenjaarwaarborg verval het, weet dalk net die mense wat die vervaldatum opgegraveer het. ’n Mens moet op die dorp kom en ’n tweede verband by die bank gaan registreer sodat jy ’n nuwe battery kan koop. Maar eers moet jy die dooie perd wat jou dorp toe moet neem, weer aan die loop kry. Dit is wanneer Mac-Afric se batterylose aanskokstelsel (jump-starter) tot jou redding kom. Dit gebruik daardie laaste bietjie krag in die “dooie” battery om jou voertuig aan die gang…

Ongebakte dadel-en-Rice Krispie-koekies Vir dié maklike koekies hoef jy nie eens die oond aan te skakel nie. Klein en groot sal hieraan smul. ■ 125 g botter ■ 125 ml ligbruinsuiker ■ 250 g ontpitte dadels, baie fyn gesnipper ■ 150 g (ongeveer driekwart-pakkie) Mariebeskuitjies, fyngekrummel ■ 750 ml Rice Krispies ■ 10 ml vanieljegeursel ■ Sowat 375 ml fyn klapper, vir rol Verhit die botter en suiker oor lae hitte in ’n kastrol en roer tot die suiker gesmelt is. Voeg die dadels by en verhit, terwyl geroer word, tot kook-punt. Laat prut vir 1-2 minute, bedek die kastrol en laat staan vir 10 minute. Haal die deksel af (die dadels behoort nou lekker sag te wees) en roer die koekiekrummels, Rice Krispies en vanieljegeursel by. Meng tot alles…

Môre,Ma.Komons braai vanaand, dan gaan soek ek ’n drinkding,” sê ek een oggend vir my vrou. “Jong, jy ry heeltemal te veel dorp toe, maar terwyl jy nou gaan, skryf: brood, botter, suiker en melk. ’n Klein sakkie aartappels, tamaties en ’n paar uie. Kry vir ons ’n lekker bottel wyn. Moet nou nie suinig wees nie!” In die dorp sien ek hoe oom Daantjie Dop sy Ford voor die off-sales parkeer. Dit lyk amper asof brandewyn van die mark af gaan, as ’n mens kyk hoeveel Klipdrift agter op sy bakkie gelaai word. “Môre, oom Daantjie. Hoe gaan dit vandag?” vra ek. “Nee, jong. Glad nie goed nie. Die hotel se brandewyn is op. Toe bied ek aan om ’n vrag te sponsor en te gaan haal. Wragtag, en…

■ Vroulike spermselle bevat 4% meer DNS as manlike spermselle. ■ DNS-gekleurde spermselle word in enkelgelid teen ’n snelheid van 60 km/h en druk van 276 kPa, in die vloeisitometer gespuit. ■ ’n Kristalvibrator breek dit stroom af in individuele druppels. ■ Spermselle beweeg voor ’n laserstraal verby — gekleurde DNS straal fluoressensie uit. ■ Fluoressensie word gemeet en ’n +ve- of -velading word op elke enkele druppel toegepas. ■ Spermselle beweeg tussen gelaaide deflektorplate: +ve-druppels beweeg in een rigting, -ve-druppels in ’n ander. ■ Die fluoressensie-bespeurders identifiseer en skei die vroulike (X) en manlike (Y) spermselle op grond van die DNS-inhoud. Die ongewenste spermselle word verwyder sonder om dit dood te maak.…

Rhenostervallei Beef-masters se doelstelling is om beeste te teel wat fenotipies en genotipies korrek is. “Daarom gebruik ons genomiese toetsing, ouerskapbepaling en streng seleksie op teelwaardes,” sê dr. Hendrik Meyer, eienaar. Hy en sy vrou, Ronel, bedryf saam die Rhenostervallei Beefmasterstoetery op die plaas Rhenostervallei in die distrik Pienaarsrivier, asook op die plaas Roodepoort op die Markenpad in die distrik Naboomspruit in Limpopo. “Goeie groei en melkeienskappe is belangrik, en baie waarde word geheg aan ons koeikudde. Ons selekteer koeie van medium- tot grootraam, met ’n wigvormige bouvorm, genoeg diepte, en goeie en korrekte uiers. Koeie wat genoeg been dra, is ook belangrik.” Meyer, wat reeds in 1982 as ’n veearts gekwalifiseer het, het Rhenostervallei Beefmasters in 2007 geregistreer. “Beefmasters is beeste met ’n goeie temperament en baie melk, het…

ANDERKANT DIE REËNBOOG ’N GROTE GROET Dit is ’n bittere ironie dat ’n man van inbors soos oom Perry Feldman aan Covid-19 moes sterf in dieselfde week waarin pres. Cyril Ramphosa uiteindelik ’n halfhartige poging aangewend het om ’n einde te maak aan die onsin wat in die parlement kwytgeraak word oor onteiening sonder vergoeding. EFF- en ANC-lede in die parlementêre komitee wat opdrag gekry het om te kyk na die moontlike bewoording van die klousule wat onteiening sonder vergoeding kwansuis eksplisiet in die Grondwet sal maak, het sommer op ’n dag begin onderhandel oor die moontlikheid dat die staat die voog van alle grond in land moet word! Dus, om die grond te nasionaliseer, soos wat die staat destyds in effek met minerale regte gedoen het. Toe Agri SA…

MNR. BP GREYLING bedryf ’n omvangryke gemengde boerdery by Wakkerstroom in Mpumalanga. Hy het die Langfonteinplan (genoem na sy woonplaas) ontwikkel waarmee hy seker maak hy behaal bogemiddelde opbrengste met sy gesaaides. Lees die artikel op bl. 44. VERTEL VAN JOU GESIN. Ek het drie kinders: Ghini (28) wat saam met my boer, sy tweelingsuster, Nina, ’n prokureur, en Rita (30), ’n bedryfsingenieur. HET JY NÁ SKOOL GESTUDEER? Ja, BCom aan die Universiteit van Pretoria. HET JY ’N STOKPERDJIE? Ek vlieg graag met my vliegtuig, hou daarvan om met my motorfiets te toer en is lief vir skiet. WAAR HOU JY VAKANSIE? Ek is lief vir die natuur (bos en see), maar my gunstelingplek is op my plaas. As ’n mens lief is vir dit wat jy doen, is jou…

DIE oggend van 21 Desember 2017 was die onsekerheid sigbaar op die gesigte van die Ramaphosa-gesindes op die vroegoggend-mediakonferensie tydens die ANC-konferensie by Nasrec. Laatnag is aangekondig dat die ANC die beleid om die Grondwet te wysig om onteiening sonder vergoeding moontlik te maak, aanvaar het. Mnr. Enoch Godongwana, toe die voorsitter van die ANC se ekonomiese transformasiekomitee, het die media te woord gestaan en die besluit baie halfhartig verdedig. Sy beste poging was dat die besluit geneem is om vier sake te kon hanteer, naamlik: ■ Die wysiging van die Grondwet moes dit wat implisiet in artikel 25 staan, eksplisiet maak. ■ Die wysiging mag nie die ekonomie skade berokken nie. ■ Die wysiging mag nie voedselsekerheid benadeel nie. ■ Dit moet nie die landbou of die finansiële sektor…

HOEWEL Suid-Afrikaanse landbou-uitvoerders in randwaarde minder wins maak wanneer die waarde van die rand versterk, het hulle geleer om stewig in die saal te bly as die rand bokspring. Verskillende bedrywe pak dié faktor op verskillende maniere aan, maar almal is dit eens dat goeie beplanning en sterk senuwees nodig is wanneer die rand, soos tans, op sy sterkste vlak in meer as twee jaar verhandel. “Produsente kan nie die verloop van die rand-dollar-wisselkoers beïnvloed nie, maar wel seker maak dat hulle ingelig is oor die gebeure wat die wisselkoers bepaal,” sê mnr. Valdor Dudley, bestuurder van GWK Pecans. Tot 95% van die Suid-Afrikaanse pekanneutoes word na China uitgevoer. Die wisselkoers het volgens Dudley ’n baie groot impak op die uitvoerwaarde van pekanneute en dus die winsgewendheid van plaaslike boere…

DIE speenkalfprys is tans 36% hoër as ’n jaar gelede. “Die voorspelling van ’n bykans 30% groter mielie-oes sal mieliepryse laat daal, wat sekerlik goeie nuus vir speenkalfprodusente is,” het mnr. Louis Wessels, uittredende voorsitter van die Wes-Kaapse Rooivleisprodusente-organisasie (RPO), in sy voorsittersrede op dié organisasie se jaarvergadering gesê. Die stewige produsenteprys is ’n kombinasie van ’n goeie plaaslike vraag en uitvoer wat ondanks die bek-en-klouseeruitbrekings na 23 lande hervat is, waaronder China, Koeweit, die Verenigde Arabiese Emirate en Jordanië. Hy het gesê die produsenteprys van lamsvleis is tans 15% hoër as ’n jaar gelede, en die prys van skaapvleis is 23% hoër. “Dit is is deels vanweë skaapslaggetalle wat op ’n jaargrondslag bykans 13% laer is.” Die laer slagsyfer is veral aan kuddebou toe te skryf, “maar die impak…

DIE onlangse moedswillige vernietiging van ongeveer 250 kommersiële byekorwe deur vermeende heuningdiewe in ’n kommersiële bosbouplantasie in KwaZulu-Natal was nie ’n alleenstaande geval nie. Byeboere met wie Landbouweekblad daarna gepraat het, het almal bevestig die diefstal van heuning uit byekorwe, gepaardgaande vernietiging van korwe en die doodmaak van hul swerms bye, asook die diefstal van die totale korwe, kom gereeld en wydverspreid in Suid-Afrika voor. Die eienaar van die byekorwe wat in KwaZulu-Natal vernietig is, mnr. Craig Campbell wat Midlands Honey besit, sê sulke misdadige optrede teen byeboere is veral erg in die Zoeloeland-omgewing, maar die res van die provinsie is “nie ver agter” nie. “Dit lyk asof dit erger word, nie net met diefstal van heuning nie, maar ook die totale vernietiging van toerusting en veral die doodmaak van…

INGRYPENDE beperkings op die tabakbedryf, wat in die wetsontwerp op die beheer van tabakprodukte vervat is, is nie op onafhanklik uitgevoerde ekonomiese beoordeling van die nasionale tabakwaardeketting gegrond nie, en die openbare deelnameproses oor dié wetsontwerp is ’n “skyn” en “blokkies-merk-oefening”. Só sê die Suid-Afrikaanse tabaktransformasie-alliansie (Satta) in ’n verklaring oor die departement van gesondheid se hantering van dié proses. Onder Satta se lede is die Swart Tabakboerevereniging, Limpopo Tabakverwerkers, Tabakprodusente-ontwikkeling, en British American Tobacco (Batsa). Mnr. Ntando Sibisi, voorsitter van Satta, sê die alliansie kan nie die bedreigings van die onwettige tabaksektor vir die wettige sektor oorbeklemtoon nie. “Dit behoort die belangrikste faktore te wees wat enige nuwe benaderings tot wetgewing rig. In ons taal word dit ekonomiese werklikhede genoem.” INTERNASIONAAL Prof. Corné van Walbeek, direkteur van die Universiteit…

TERW YL pres. Cyril Ramaphosa aan die parlement verduidelik het dat ’n stelsel van voogdyskap oor grond entrepreneurskap onder Suid-Afrikaanse boere kan demp, het mnr. Pierre Vercueil, voorsitter van Agri SA, by Badplaas aan die kongres van Mpumalanga Landbou verduidelik hoe die verantwoordelikheid om grondhervorming met private eienaarskap as vertrekpunt te laat werk, by kommersiële boere lê. “Dit moet werk en ons moet in-spring en seker maak dat dit werk, want as ons tot by 1994 terugkyk, sien ons daar spruit net ontevredenheid uit grondhervorming so-lank die kommersiële landbou op die kantlyn sit en kyk of iemand anders dit kan toepas.” DINK SOOS SAKEMANNE Vercueil het boere aangeraai om die emosie uit die debat te verwyder en soos sakemanne na die saak te kyk. Binne dié konteks is daar kwessies…

Belanghebbendes in die oliesade- en graanwaardeketting wat met gradering gemoeid is, het tot Donderdag 3 Junie kans gehad om kommentaar te lewer op die departement van landbou, grondhervorming en landelike ontwikkeling se voorgestelde tariewe en sakeplan vir gevolmagtigdes. Die departement beywer hom daarvoor dat die gevolmagtigde wat in 2016 aangestel is, met inspeksies moet begin. Volgens die sakeplan gaan die inwerkingstelling ’n bykomende R89 miljoen kos. Te midde van die huidige swak ekonomie gaan die verbruiker hiervoor moet opdok. Is dit regverdigbaar? Dit is juis die arm verbruiker wat van stapelvoedsel afhanklik is, wat die swaarste getref gaan word. Nie net onverwerkte graan en oliesade gaan geïnspekteer word nie, maar ook die produkte. Dit is ironies dat die departement so gretig is om die inspeksies aan die gang te kry.…

Die meeste fynbos-spesies kan in arm grond floreer en is bestand teen droogte. Dié plante is dus ideaal om as dekgewasse te gebruik. Kwekerye wat hierdie soort plante grootskeeps kweek, is egter skaars. “Dit behoort nogtans nie ’n struikelblok te wees vir diegene wat fynbos as dekgewasse wil beproef en vestig nie.” Me. Rose Jordaan van Bartinney Wines tussen Stellenbosch en Franschhoek meen enigiemand kan sy of haar eie fynboskwekery op die been bring. “Fynbos hervestig ongelooflik goed in enige van die fynbos-biome. Jy kan oorgenoeg sade en saailinge in die veld oes sonder om enige plant te beskadig of die voortbestaan van die ekologie in ’n spesifieke gebied te belemmer.” Jordaan het die afgelope 14 jaar die natuurlike, endemiese fynbos op hul plaas hervestig. Sy “oes” in Maart en…

Teen byna R14 miljoen sal ’n bottel wyn wat al ruimte toe en terug was, waarlik ’n besonderse (en baie duur) toevoeging tot jou wynversameling wees. Dié bedrag is hoeveel die afslaer Christie’s verwag ’n bottel Petrus 2000, ’n welbekende Merlot wat goed verouder, op ’n veiling kan behaal. Dit verhandel gewoonlik teen sowat $7 000 (R98 000). Die spesifieke bottel is in Januarie vanjaar teruggebring aarde toe deur ’n Dragon-vragruimteskip van die Amerikaanse maatskappy SpaceX, nadat ’n kis daarvan 14 maande lank in die internasionale ruimtestasie gehou is. ’n Proepaneel van die Universiteit van Bordeaux in Frankryk het in Maart noukeurig probeer vasstel watter invloed dié ruimtereis op die wyn gehad het. Luidens ’n verklaring deur Christie’s is dit vergelyk met ’n bottel van dieselfde wyn wat op aarde…

Die Lobesia vanillana-mot het wynboere in die Worcester-streek vanjaar heeltemal onkant gevang. “Een van die boere het skade van tot 7 t/ha in ’n Chenin blanc-wingerd gemeet. As jy die prys van druiwe in ag neem, is dit groot verliese,” het mnr. Pierre Snyman, Vinpro se wingerdboukundige vir die Worcester- en Breedekloofstreek, op ’n aanlyn Vinpro-streekinligtingsdag gesê. Hy het boere in die nabygeleë Breedekloofstreek gewaarsku om op hul hoede te wees dat die plaag nie ook daarheen uitbrei nie. Mnr. Robert Wilsdorf, tegniese bestuurder van Viking, het gesê dié mot het al ongeveer nege jaar gelede by Bonnievale kop uitgesteek. Daar het boere tot die helfte van hul oes weens die vernietigende aard van die mot verloor. Boonop was daar aanvanklik vrese dat dit die Europese druiwemot (Lobesia botrana) is,…

In Fortuine: Die wel en wee van Afrikaner-magnate, ’n nuwe boek deur die oudkoerantredakteur en skrywer Ebbe Dommisse, ontleed hy die bydrae van Afrikaner-magnate tot die Suid-Afrikaanse ekonomie. In twee van die hoofstukke, geskryf deur sy seun, die joernalis en entrepreneur Jacques Dommisse (foto bo), kom tien van die land se grootste boere aan die beurt. Hul aanvoeling, entrepreneuriese denkwyse, vooruitskouing, gesonde oordeel en strewe na verbetering lewer alles ’n bydrae, benewens dat hulle ook onderhandelaars, beraders, opvoeders en filantrope is. Hulle wil ’n verskil maak en vooruitgang verseker, en staan reeds jare lank aan die voorpunt van nog ’n nuwe tydvak, die vierde nywerheidsrevolusie, waar hulle reeds leiers in teelmateriaal, die landbouwetenskap en -tegnologie is. Van die boere sluit in Louis de Kock van Wildeklawer, die Du Toits van…

Opbrengsprestasie, stabiliteit, kompens asievermoë, basters se agronomiese eienskappe en pakkette vir siekterisiko’s speel ’n belangrike rol by basterkeuse. Stabiliteit en aanpasbaarheid oor verskillende produksiejare en -gebiede heen dui aan hoe betroubaar die opbrengsverwagting of oessekerheid is om risiko’s doeltreffend te bestuur tot voordeel van die aanplanting se winsgewendheid. Die kans op sukses verbeter aansienlik indien die basterkeuse volgens meerjarige resultate in verskillende gebiede gemaak word. Pannar se geelmieliepakket lewer goeie resultate by verskillende opbrengspotensiaalvlakke, in verskillende produksiegebiede en oor produksiejare heen. Dié stabiele basters is agronomies goed aangepas by Suid-Afrikaanse produksietoestande en is ’n uitstekende keuse vir produksie op droëland en onder besproeiing. Die volledige reeks groeitydklasse van konvensionele, stronkboorderweerstandbiedende, glifosaatverdraagsame en stapelgeenbasters is spesiaal ontwikkel om sukses te verseker. Hierdie pakket ultravinnige, vinnige en mediumgroeitydbasters bied goeie langtermynrisikoverskansing. Die…

Veldbrandeis’ngrootprobleem vir boere landwyd. Volgens mnr. Cobus Meiring van die Suid-Kaapse grondeienaarsinisiatief (SCLI) veroorsaak brande jaarliks skade van etlike miljoene rande vir boere, wat ’n verlies aan weidingshulpbronne, draad, vee, infrastruktuur en soms ook lewens insluit. Ná die verwoestende brande in 2017 op Knysna en 2018 in die Outeniqua het die SCLI met Thembani Projects op Bedford in die Oos-Kaap saamgewerk om ’n reeks gestandaardiseerde, brandbestande sparre wat van herwonne kommersiële plastiek gemaak is, vir boere beskikbaar te stel. Hierdie heiningsparre word volgens Mei-ring gemaak van ’n mengsel van nywerheidsplastiek, soos plastiekkabel-omhulsel, en gewone huishoudelike herwonne plastiek, soos sakke en bottels, en enige produk wat poliëteleen bevat. Verskeie omgewingsbestuurinstellings in lande soos Nieu-Seeland gebruik reeds geruime tyd herwonne plastiek vir alternatiewe gebruike, soos heiningsparre in die landbou, en Meiring meen…

DIEREVOEDING VOORKOMING VAN AFRIKA-VARKPES Ek soek meer inligting oor Afrika-varkpes en hoe om dit te voorkom. Afrika-varkpes kom voor onder vlakvarke, bosvarke, wilde en ander varke. Uitbrekings is vanjaar aangemeld in onder meer die Oosen Wes-Kaap, Vrystaat, Gauteng, Noordwes en Limpopo. Mak en wilde varke en hul produkte mag nie uit beheerde gebiede verwyder word nie omdat dit gevaarlik vir ander varke is. Afrika-varkpes is byna altyd dodelik en daar is geen geneesmiddel vir die siekte nie. Mense word egter nie deur die siekte geraak nie. Varke kan Afrika-varkpes opdoen as hulle in aanraking kom met ander siek varke of rondbeweeg in dele waar siek varke was. Varke kan ook die siekte opdoen van wilde varke en bosluise wat van die wilde varke afval in die Afrika-varkpes-beheerde gebiede. Varke kan…

Me. Marisah Nieuwoudt, wyntoerisme-bestuurder by Vinpro: Die eerste Great Big Wine Survey-verslag bevat waardevolle insigte vir die wynbedryf ten opsigte van segmentering van die mark, verbruikersgedrag en voorkeure. Een van die groot neigings van 2020, grootliks uit noodsaak weens die Covid-19-pandemie, is die versnelde digitalisering van verskeie dienste. Aanlyn verkope van wyn het wêreldwyd skerp gestyg. Uit erkenning vir hierdie geleentheid het Vinpro ’n reeks werksessies aangebied om ons wynkelders toe te rus om direk aan die verbruiker wyn te bemark en te verkoop. Mnr. Phillip Retief, besturende direkteur by Van Loveren: Aanlyn verkope was beslis een van die groot wenners tydens veral die geslote handelstydperk vir alkohol. In ander lande waar alkoholverkope nie verbied is nie, was daar wel ook groei. Ons eie groei in aanlyn verkope is dus…

Die aartsluiaard vir wie werk geen vreugde verskaf het nie, het sy standpunt verdedig deur daarop te wys dat werk eintlik ’n straf is wat God die mens opgelê het. Sy vaardigheid om dit met Bybelse bewyse te verdedig, het dan ook nie agtergebly nie. Hy het die wyse koning Salomo aangehaal wat gesê het ’n slapende beminde van die Here beteken vir Hom meer as ’n werkende dwaas wat “vroeg opstaan en laat opbly” (Ps. 127:2). Sommer vroeg in die Bybel met die sondeval word die straf wat die mens sou toeval, uiteengesit: “In die sweet van jou aangesig sal jy brood eet . . .” (Gen. 3:19). Werk is nie straf... dit is ’n seën wat bedoel is om nie net jóú lewe te verryk nie, maar ook…

Koedoe- en gemsbokbulle het stof in ander wild se oë geskop op Hanley Wildlife Services se veiling wat op Alldays deur Vleissentraal Bosveld aangebied is. Die beste prys was R14 000 wat vir ’n koedoebul betaal is. Die totale omset vir die 221 stuks wild wat verkoop is, was R860 350. Drie gemsbokbulle het saam R30 750 behaal. Met ’n gemiddelde prys van R10 250 was dié bulle se prys ’n kort koppie agter die gemiddelde prys van R11 750 vir ’n koedoebul. Koedoekoeie het gemiddeld R7 750 behaal en gemsbokkoeie gemiddeld R9 000. ’n Njalabul is teen R8 250 verkoop en vier swartwitpensbulle het saam R22 000 behaal. Met ’n gemiddelde prys van R8 679 het swartwitpenskoeie heelwat beter as ander vroulike diere presteer. Rooibokooie het ’n beter gemiddelde…

Jaarliks word 160 bulle van drie rasse op die Bos Blancobulveiling aangebied, naamlik 80 Beefmaster-, 60 Brahman- en 20 Boranen Bormanbulle. Die bulveiling is vanjaar op 18 Augustus. “Die sewe topprys-Beefmasterbulle in Suid-Afrika is almal rasegte Bos Blanco-geteelde bulle. Drie is deur ons verkoop en die res deur kuddes wat vroulike diere van Bos Blanco gekoop het,” sê mnr. Dennis Staal, eienaar van Bos Blanco Beefmasters by Kroonstad. “Ons geregistreerde kudde bestaan uit 550 koeie en 220 verse wat jaarliks kunsmatig geïnsemineer (KI) én gedek word. Ons insemineer jaarliks 500 koeie en verse met Bos Blanco-bulle. Die res is speenverse en -bulle.” Kalwers wat puik groei en koeie met goeie melkproduksie maak speengewig van 260-320 kg op sewe maande moontlik. Swaarder kalwers kan in droë jare jonger gespeen word, en…

Rockvalley Beefmasters by Potchefstroom in Noordwes se teelbeleid lê klem op seleksie vir vrugbaarheid en puik vleiseienskappe. Die oorspronklike kruisteelprogram was daarop gemik om ’n geharde, vrugbare mediumraamdier te teel met genoeg melk om goeie kalwers op suurveld te speen. Dit is presies wat die Beef-master is, sê mnr. Victor Lourens, mede-eienaar. Hy en sy broer Chris behartig die beesafdeling. Hulle en twee van hul broers, Thys jr. en Willem, boer saam in ’n maatskappy. Hul pa, mnr. Thys Lourens, het Rockvalley-beesboerdery in die 1970’s begin met Holstein-melkbeeste waarby Brahman-bulle mettertyd gebruik is. Só het dit in ’n vleisbeesboerdery verander wat later uit rasegte Brahmane bestaan het. Tydens die kruisteelprogramme is bulle van verskillende rasse by die Brahman-koeie gesit. “Ons wou bepaal watter kruisings die beste is. Die beste was…