Indholdsfortegnelse for 12 Aug 2021 i Landbouweekblad

VLOEDE het onlangs ongekende skade in dele van Europa en China veroorsaak. Terselfdertyd het uiterste hitte, droogte en wegholbrande tot honderde mense se dood in Amerika gelei. Navorsers weet namate die aarde weens klimaatsverandering warmer word, sal uiterste weerstoestande toeneem. Hoe warmer dit word, hoe meer vog kan in die atmosfeer opgegaar word en hoe meer reën kan op ’n slag uitsak, en hoe droër word dit waar verdamping verhoog. ’n Nuwe tegniek deur die soutinhoud van die oseane op die oppervlak te meet, help wetenskaplikes nou om te bepaal hoe reënvalpatrone op land gaan verander. Die gemiddelde soutinhoud is sowat 35 gram vir elke kilogram water. Op plekke waar baie verdamping plaasvind, is die soutinhoud hoër en in die poolgebiede byvoorbeeld weer laer. In wese is die oseane in…

Uitgewer Theuns Venter Assistentuitgewer Clint Ockhuis Kategoriebestuurder Armand Kasselman Administrasie Johan Terblanche Hoofbestuurder Leefstyl Nerisa Coetzee Hoofbestuurder Leefstyl en Nuus Minette Ferreira Intekenare Elmarie Eygelaar © Kopiereg: Landbouweekblad. Alle regte voorbehou. Menings van medewerkers, rubriekskrywers en korrespondente word nie noodwendig deur Landbouweekblad onderskryf nie. Gedruk deur Novus Print. Uitgegee en versprei deur die eienaar, Media24 (reg.no. 05/038385/06), Heerengracht 40, Posbus 2271, Kaapstad.…

’N VROEË beraming dui daarop dat die finansiële skade van die onlangse onluste, plundering en vernietiging aan die KwaZulu-Natalse landbou-ekonomie meer as R2 miljard kan beloop. Me. Sandy la Marque, uitvoerende hoof van die KwaZulu-Natalse landbou-unie (Kwanalu), sê volgens voorlopige bevindings is elke sektor in die provinsie se landbou-ekonomie op die een of ander manier nadelig geraak. Van die gevolge sluit in werkverliese, tyd en koste wat nodig is om handel te herstel, geld wat nodig is vir die heropbou van baie beskadigde dorpe, wat hul ekonomiese lewensvatbaarheid benadeel, en brandstigtingaanvalle op plase wat hul produktiwiteit en lewerings verminder. “Die uitwerking is ernstig en sal nog vir baie maande, indien nie jare nie, gevoel word. Ons het steeds ’n gebrek aan veiligheid vir die vervoer van goedere en dienste. Ons…

DIE staatsbeheerde fosforprodusent Foskor is weer terug op sy normale kapasiteit nadat ’n rits probleme hom gedwing het om weer ’n force majeure te verklaar. Mnr. Corné Louw, senior ekonoom van Graan Suid-Afrika, sê Foskor het aan dié organisasie gesê dat produksie weer na normale vlakke teruggekeer het nadat probleme met onderhoud, munisipale diensleweringsprobleme by sy aanleg in Richardsbaai en die onlangse opstande in KwaZulu-Natal produksie ontwrig het. “Ondanks die goeie nuus help dit nie die plaaslike landbou dat ’n voormalige sterk bate vir die land nie in staat is om genoeg produkte te voorsien nie.” Dit is algemeen bekend dat plaaslike kunsmismaatskappye nie meer op Foskor reken vir hul grondstofbenodigdhede nie en dit eerder invoer, selfs teen ’n hoër koste. Dit laat plaaslike kunsmispryse baie styg weens die wisselkoers…

Die jongste inflasiesyfer van Statistieke SA is steeds binne die Reserwebank se teikenband van 3-6%. Die inflasiekoers vir Junie van 4,9% was effens laer as Mei se 5,2%. Die brose ekonomiese stand van sake in Suid-Afrika, veral ná Julie se rampokkery in KwaZulu-Natal en Gauteng, het die vooruitsigte vir groei en werkskepping ’n knou toegedien, terwyl beleggersvertroue erg geskaad is. Daar is ekonome wat raam dat die onluste die ekonomiese groeikoers vir vanjaar met 0,5-1 persentasiepunt geskaad het. Nuwe beleggings en werkskepping gaan nie juis vorder in die baie onrustige politieke en maatskaplike omgewing nie. Daarom is dit moeilik om te verstaan waarom die Reserwebank meen dat hy rentekoerse in die volgende twee jaar sal moet verhoog, soos wat hy onlangs gewaarsku het, veral ook as ’n mens in ag…

Suid-Afrika sal na verwagting 17,5 miljoen kartonhouers pomelo’s van 15 kg verpak, wat effens minder is as die verwagte 18 miljoen kartonhouers aan die begin van die seisoen. Dít is luidens die Suider-Afrikaanse Sitruskwekersvereniging (SASKV) se jongste vooruitskattings. Dit is ’n toename sedert die 2020-oes toe 15,5 miljoen kartonhouers verpak is. Sedert Suid-Afrika in 2018 ’n rekord-pomelo-oes behaal het, het die lewering gedaal, met 2020 se lewering wat 11% minder was as in 2018 en 3% minder as in 2019. In 2020 is die meeste pomelo’s uitgevoer na Europa, wat 44% van Suid-Afrikaanse uitvoer ontvang het, met 33% wat bestem was vir Asië, 10% na Rusland en 5% elk na Brittanje en Noord-Amerika. Suid-Afrika is die vierde grootste pomeloverbouer as daar na die gemiddelde syfers van 2014-’15 tot 2020-’21 gekyk…

Een van boere se belangrikste produksiemiddele, grond, is ongelukkig ook ’n politieke speelbal, veral vir populistiese aktiviste en politici wat self niks het om hul volgelinge te bied nie, of nie bereid is om wat hulle het, op te offer nie. Hulle bied dus ander mense en instellings se grond aan vir mense wat bereid is om swak toegepaste wetgewing te ignoreer. Vir die besetters en die opstokers is die risiko minimaal en die gevolge is op die ergste ’n tik oor die vingers. Vir boere is die risiko en die gevolge baie groot. Dit wil ook voorkom of die gevolge vir hulle baie erger is as hulle self ingryp wanneer hulle die polisie as onbeholpe, onwillig en soms heeltemal afwesig ervaar. Met wetgewing wat baie klem op die beskerming…

WAT IS DIE BESTE BOERDERYBESLUIT WAT JY AL GENEEM HET? Om werknemers op die plaas meer verantwoordelikheid en onafhanklikheid te gee om hulle te kan uitleef in wat hulle doen. DIE BESTE RAAD WAT JY OOIT GEKRY HET? Wees altyd bereid om by ander te leer. Moenie dink jy weet altyd die beste nie. WAT IS JOU GROOTSTE PROBLEEM TANS? Die onvoorspelbare klimaatstoestande wat beplanning aansienlik bemoeilik. WAT IS DIE GROOTSTE GELEENTHEDE? Voedselvoorsiening en werkskepping. Boere kan hierdie probleme in ’n groot mate oplos indien die regering hulle bystaan en bemagtig om dit te doen. WIE IS JOU MENTOR EN WAT HET JY BY HOM GELEER? My pa. Ek het alles wat ek vandag van boerdery weet by hom geleer. Dit sluit geduld en nederigheid in WATTER TEGNOLOGIE GAAN IN…

WAT DIE BESTE BOERDERYBESLUIT WAT JY AL GENEEM HET? Om in tegnologie te belê. DIE BESTE RAAD WAT JY OOIT GEKRY HET? ’n Oom het eendag vir my gesê as boer moet jy ’n landbouer en nie ’n landrower wees nie. Die landbouer sit terug in die natuur en die landrower neem net. WIE WAS JOU MENTOR? Wat praktiese denke, my wil om te werk en werketiek betref, my pa. Oor besigheid en geldsake kry ek raad van my skoonpa. Ek is dubbel bevoorreg: My pa is op ’n goeie manier ’n slawedrywer en my skoonpa is ’n goeie sakeman wat baie lief is vir ’n begroting. WAT IS JOU GROOTSTE PROBLEME? Voervloei in die Noorsveld-Karoo.…

Met die veranderde klem op herlewingslandbou en die gebruik van hoëdrukbeweiding as ’n stuk gereedskap om hierdie proses te versnel, weet ons dat die tipe dier wat pres-teer, fenotipies effens anders lyk as waaraan ons gewoond was. Die Amerikaners het die begrip easy fleshing, wat hierdie dier sekerlik die beste beskryf. Ek het nog nie ’n goeie Afrikaanse woord of uitdrukking gekry wat hierdie soort dier só goed beskryf nie. En dit is nie weens die gebrek aan probeer nie. Ek het by ’n paar kundiges aangeklop en terminologie, soos vroegryp en aangepas, het na vore gekom, maar dit sê nog nie wat easy fleshing sê nie. Die woord wat ons verkeerdelik gebruik, is kleiner, maar dit gee nie hierdie waardevolle tipe die erkenning wat dit verdien nie. Ek lees…

Hoewel daar in groot dele van die Swart-land in middel-Maart goeie reën geval het, het April bykans geen reën opgelewer nie. Boere moes in moeilike toestande plant, wat gelei het tot ’n stadige planttyd wat later as gewoonlik geeïndig het. Hoewel hierdie droë toestande in die grootste deel van die planttyd geheers het, het die meeste gebiede van die Swartland goeie reën van 17 Mei af gekry. Vol-gens Kaap Agri se reënvaldata is 65,7 mm van 17-24 Mei op Malmesbury aangeteken, wat die toestande in die laaste deel van die planttyd aansienlik verbeter het. Koringaanplantings het daarna goed ontkiem en in die algemeen het koring in die Swartland vanjaar ’n goeie stand. Die laat reën het egter veroorsaak dat kanola-aanplantings later as beoog ontkiem het. Hoewel boere reeds van die…

Julle familie is bekend as wingerdboere. Waarom die verskuiwing na sitrus? Die wynbedryf is die afgelope paar jaar onder erge finansiële druk, daarom het ons winsgewender gewasse begin oorweeg. Nou verbou ons sagtesitrus vir uitvoer en ’n plaaslike kettingwinkel. Die ander helfte van ons aanplantings is suurlemoene en lemmetjies. Sitrus het ingepas by ons skedule, want die besige tyd is wanneer die wingerdvertakking stil is. Só kan ons arbeid regdeur die jaar produktiewer aanwend. Sitrus aard ook goed in ons omgewing. Aanvanklik het ons net sagtesitrus verbou, maar ons het die suurlemoene en lemmetjies “geërf” toe ons twee buurplase koop. Intussen het ons nog lemmetjies op die nuwe grond aangeplant. ’n Mens sien nie eintlik baie lemmetjies in Suid-Afrika nie. Hoe groot is die bedryf en waar word dit hoofsaaklik…

VONKEL VIR ENIGE TYD Met die ontstaan van die Nolo-wynkategorie (alkoholvrye en lae-alkoholwyn) wend ál meer kelders hulle tot dié neiging. Allure, ’n heerlike, nie-alkoholiese vonkelwyn, het onlangs op die toneel verskyn. Dit het al die elegansie van ’n klassieke vonkelwyn, maar sonder die alkohol. Dit is nie net gesonder nie (dit bevat slegs 64 kJ per 100 ml), maar dit is ook ideaal vir diegene wat moet bestuur, swanger vroue of diegene wat nie gek na alkohol is nie. Allure word gemaak van Pinot noir-(76%) en Chardonnay- (24%) druiwe en bevat minder as 0,5% alkohol. Dit is volgens tradisionele wynmaaktegnieke gemaak, waarna die alkohol deur gevorderde tegnologie en kelderpraktyke verwyder is. Die wynmakers het egter met groot sorg verseker die geure, getrou aan die druifkultivars, gaan nie verlore nie.…

Selfliefde is ’n woord wat ’n mens oopkop moet bekyk as jy nie wil kleitrap nie. As jy op ’n verkeerde manier daaraan uiting gee, kan dit maklik ’n voedingsbron word vir die opblaas van die eie ek. Maar daar is ook ’n mooi manier om daaraan uitdrukking te gee. Dan kan dit dien as motivering om dit wat jy ontvang het, aan ander diensbaar te maak. Wanneer Christus in die samevatting van die wet sê: “Jy moet jou naaste liefhê soos jouself” (vgl. Matt. 22: 39), word dit ’n opdrag dat jy nie moet wees soos ’n boom wat sy eie vrugte verteer nie, maar soos ’n leidam wat uitvloei na die nood van ander wat minder bevoorreg is. Dit is juis op hierdie punt dat die eie ek…

25 000 ton Suid-Afrika sal vanjaar sowat 25 000 ton bloubessies uitvoer, ’n toename van 63% vergeleke met verlede jaar. Produsente hoop om oor die volgende vier jaar sowat 5 000 ha bloubessies te verbou en teen 2025 reeds 55 000 ton uit te voer. Die bessies word veral na Brittanje en Europa uitgevoer, maar uitvoer neem ook matig toe na die Midde- en Verre Ooste. Internasionaal is Suid-Afrika egter ’n klein produsent met net sowat 5% van die Suidelike Halfrond se uitvoerproduksie. - Eurofruit Magazine 83% Die prys van kool op die Durbanse varsproduktemark het in die week ná die onluste en plundering in KwaZulu-Natal en Gauteng met 83% gestyg. Dit was waarskynlik weens ’n gebrek aan beskikbaarheid van kool by verkoopspunte en ’n sterk vraag namate verbruikers voorrade…

‘Baie uitvoerders het lankal gesê Maputo is deel van hul langtermynplan wat sitrusuitvoer betref. Die onluste en die kuberaanval het ons gedwing om daardie planne vinniger in werking te stel.’ MNR. JUSTIN CHADWICK van die Sitruskwekersvereniging oor die onlangse probleme met sitrusuitvoer. Bl. 15 ‘Mense is ook ’n groot aanwins in herlewingslandbou.’ MNR. DF FYVER van die Bhetjanebeesmaatskappy in Noordwes op ’n webinaar oor die rol van mense in herlewingslandbou. Bl. 19 ‘Wat ons vorentoe gaan doen tot dit reën, weet ek nog nie, maar ons glo daar sal vir ons uitkoms wees.’ MNR. SCHALK VAN DER MERWE van die distrik Tierpoort ná die verwoestende brand in die Suid-Vrystaat. Bl. 20 ‘Die uitwerking is ernstig en sal nog vir baie maande, indien nie jare nie, gevoel word.’ ME. SANDY LA…

DIE tekort aan voldoende onderdele vir die plaaslike landbou laat kommer ontstaan oor die komende produksieseisoen in die somerreënstreek. Mnr.Corné Louw, senior ekonoom van GraanSA, sê die onderbrekings in die verskaffing van onderdele aan die onderskeie landboumasjinerievervaardigers lei tot langer wag- en staantye. “Daar is ’n ontwrigting in die aantal skeepsvraghouers met onderdele wat Suid-Afrika binnekom, wat ’n groot probleem veroorsaak. Dit jaag op sy beurt logistieke pryse op, wat uiteindelik tot ’n groot styging in onderdeelpryse lei.” Louw sê landboumaatskappye probeer hul bes om betyds onderdele vir hul boere te verkry, maar die ontwrigting deur die onlangse onluste en lugvragontwrigting weens die covid-19-pandemie ry hul planne in die wiele. “Ons het altyd gesê covid-19 beïnvloed nie werklik die landboubedryf nie omdat ons ’n noodsaaklike diensverskaffer is, maar dit word…

GROOT dele van Limpopo se groenteproduksiegebiede gaan ’n duur prys betaal vir die koue lug vanaf die Suidpool wat Suid-Afrika die naweek van 23 Julie getref het. Aartappelboere by Dendron en Vivo is swaar getref deur rypskade, en mnr. Drickus Botha van TLU SA Noord meen daar kan vanjaar ’n tyd lank ’n groot aanbod van klein tot mediumgroot aartappels wees. Hy verwag ’n tekort aan groot aartappels en later selfs ’n tekort aan aartappels in die algemeen. Daar was ook baie groot rypskade noord van die Soutpansberg waar boere ’n verskeidenheid vars produkte, van aartappels tot tamaties, verbou. In die Limpopovallei en langs die Mogalakwena- en Palalarivier het boere miljoene rande se skade gely. By Alma tussen Modimolle en Vaalwater het boere skade aan hul aarbeie, groente en koring…

1 SUIDER-AFRIKA Die beste plek vir suiker Die Suider-Afrikaanse Ontwikkelingsgemeenskap bly die doeltreffendse streek vir suikerrietproduksie en -verwerking in Afrika. Dit het die potensiaal om sy jaarlikse produksie te verhoog indien infrastruktuur, water en energie verbeter kan word. Só sê die konsultantegroep Oxford Business Group, wat ekonomiese inligting oor die Midde-Ooste, Afrika, Asië en Latyns-Amerika bekend maak. Afrika verteenwoordig nagenoeg 6% van suikerrietproduksie wêreldwyd. Na verwagting sal die vasteland se markaandeel teen 2029 tot 8% groei. Suid-Afrika sal na verwagting 2,2 miljoen ton onverwerkte suiker in 2021-’22 oes. — Southern Times Africa 2 KENIA | Begroting vir landbou onvoldoende Al beweer die meeste Afrikalande dat landboutransformasie bo-aan hul ekonomiese sakelys vir groei staan, voldoen die meeste van hulle nie aan die mikpunte wat deur internasionale ooreenkomste, soos die…

MNR. FRANK LAWRENCE (68), die joviale, geliefde ondervoorsitter van GWK en besproeiingsboer van Douglas, is oorlede ná beserings wat hy opgedoen het in ’n fratsongeluk op sy plaas. Lawrence, ’n bekende en bekroonde boer, het ernstige inwendige beserings opgedoen toe hy op 19 Julie deur bewegende toerusting getref is. Hy was besig om plaaswerktuie te kalibreer. Hy is op 24 Julie oorlede. Sy dogter, Claire, was die dag op ’n vlug van Kanada na Suid-Afrika onderweg en moes die hartseer nuus met haar aankoms in die land verneem. “Hy was ’n steunpilaar in die gemeenskap, ’n vriend en ’n vaderfiguur vir baie mense. Hy het sy lewe aan ander gewy en ons sal hom baie mis,” het die familie in ’n verklaring gesê. Lawrence was van 2012 tot 2020 voorsitter…

Moenie bevindings oor bewaringslandbou en aanbevelings oor byvoorbeeld geenbewerking, die gebruik van dekgewasse en gewasrotasie van elders in die wêreld net só in Suid-Afrikaanse graangebiede probeer toepas nie. Hou in gedagte dat die Suid-Afrikaanse grond en klimaat nie dieselfde is as byvoorbeeld dié van Noord-Amerika, Brasilië, Argentinië en Australië, waar die meeste bestaande navorsing daaroor gedoen is en waar dit op groot skaal toegepas word nie. Suid-Afrika kort heelwat meer eie data vir verskillende gebiede in die land om seker te maak dinge word oral reg gedoen. Dít is die mening van dr. Gerhard Nortjé, ’n grondkundige die Universiteit van Suid-Afrika (Unisa), en prof. Giel Laker, ’n afgetrede professor in grondkunde aan die Universiteit van Pretoria, in ’n oorsigartikel in die South African Journal of Plant and Soil. Luidens die…

Onderstepoort is bygesleep by ’n uitgerekte stryd tussen twee wildboere oor die swartwitpensbul Thometelo wat sedert 2015 sloer, op die kruin van die wildverhandelingstydperk toe reusevoorbrand voor veilings gemaak is. Mnr. Reino du Toit van die maatskappy Greenchem het ’n klagte by die polisie aanhangig gemaak oor die vrekte van sy bul, wat na verwagting meer as R20 miljoen op ’n veiling op mnr. Piet Warren van Gravelotte se plaas sou behaal. In ’n beweerde soenoffertransaksie is die swartwitpensbul Zulu as vergoeding aangebied, maar die reëling het skeefgeloop en die hof het daarna in die guns van Warren beslis dat die R17 miljoen-sterk Zulu aan Warren terugbesorg moet word. Senior wetenskaplikes verbonde aan die Universiteit van Pretoria (UP) se veeartsenykundefakulteit is haaks met van hul oudkollegas oor die oorsaak van…

Mnr. Alexander Gibson wou aanvanklik nie vir die jongboerkompetisie inskryf nie. “Dit is nie regtig die soort ding wat ons familie doen nie. Ek sal egter die kompetisie vir enige jong boer aanbeveel. Die beoordelaars het my met die intrapslag gevra wat ek tafel toe bring, want ek het in 2009 hier aangekom en die tafel was reeds vir my gedek. Dit is die waarheid, en al was die vraag moeilik, was dit baie waardevol.” Dit het hom gedwing om self te oordeel watter waarde hy tot die boerdery toevoeg. Hy het besef dat hy besig is om ’n kultuur te skep sodat sekere doelwitte in die boerdery bereik kan word, asook om hulpbronne in te bring sodat daardie kultuur kan floreer. “Om terug te kyk oor die afgelope bykans…

Wat behels jou tuisonderneming? Buiten my vlagskip-skaapvelpantoffels maak ek enige ander leerartikel op bestelling. My klante stuur vir my ’n foto of skets van wat hulle in gedagte het, en ek maak dit. Hoe het dit alles begin? As ’n stokperdjie. Ek het klein artikels, soos armbande, gemaak. Versoeke vir gordels het gevolg, en die een ding het tot die ander gelei. Vir my eerste winterseisoen het ek besluit om my eie skaapvelpantoffels te ontwerp en te maak. Ek het baie gesukkel, maar glo steeds dit was die beste leerskool. Só het my pantoffelmakery begin, en vandag kyk ek nie terug nie. Het jy hulp? Ek het my assistent, Cornelia Langeveldt, aangestel toe sy verlede jaar tydens die grendeltydperk haar werk verloor het. Terselfdertyd het my pantoffelmakery net bly uitbrei.…

Sedert Glen Carlou weer in Suid-Afrikaanse besit is, het die familiekonsortium wat nou die eienaar is, groot beleggings in dié Paarlse wynplaas en wingerde gemaak, onder meer in droogtebestande onderstokke en nuwe klone. Dit werp vrugte af, en een van die wyne wat ’n mens beslis moet proe, is die Gravel Quarry Cabernet Sauvignon 2018. Dit word gemaak uit druiwe van ’n wingerd wat in ’n gerehabiliteerde gruisgroef groei, met sy wortels diep in verweerde graniet- en koffieklipgrond. Die wingerd kry die minimum besproeiing om te verseker die druifgeure is heerlik gekonsentreerd. Die wynmaker, Johnnie Calitz, sê jy kan ryp swartbessies, donker bessies, donkersjokolade, brame en seder op die neus te wagte wees. Prys: R440 per bottel.…

MNR. NICO BUYS, nuut verkose voorsitter van die Rooivleisprodusente-organisasie (RPO) in die Vrystaat, sê die provinsiale tak gaan hom in die komende jaar toespits op ledewerwing deur beter dienslewering aan sy sowat 3 600 rooivleisprodusente. “Die voorkoming van veral bek-en-klouseer wat sy kop weer uitgesteek het, is van uiterste belang vir die bedryf in die Vrystaat,” sê hy. Volgens Buys bly die bekamping van veediefstal ’n knelpunt wat voortdurend aandag van die Vrystaatse veediefstalforum verg. Die RPO spits hom ook daarop toe om boere en die afslaersbedryf oor die nuwe Apac-vereistes in te lig. Buys, ’n beesvleisprodusent van die plaas Milne, distrik Bultfontein, is aangewys in die plek van adv. Gielie Nieuwoudt. Mnr. Jan-Hendrik Liebenberg het Buys as ondervoorsitter opgevolg. Liebenberg bedryf ’n gemengde boerdery by Jacobsdal.…

GAUTENG CARLETONVILLE KOPJESKRAAL (517), 29 ha, aan Martini-trust, van J.B. Spence, R3 150 000. KWAZULU-NATAL LADYSMITH PLAAS (18665), 391 ha, aan Vergeziendt Farm (Edms.) Bpk., van Vergezient Mountain Retreat (Edms.) Bpk., R2 200 000. LIMPOPO ALLDAYS DONKIN (72), 1 178 ha, aan Vhembe Africa (Edms.) Bpk., van Alldays Prop Enterprises BK, R4 550 000. BURGERSFORT CHESTER (235), 25 ha, aan Moabetsi-boerdery (Edms.) Bpk., van L.V. Aitchison, R8 050 000. DERDEPOORT SCHOTSKAR (187), 653 ha, aan Electronic Credit Management (Edms.) Bpk., van Lentegeurboerdery (Edms.) Bpk., R5 000 000. MARBLE HALL MODDERFONTEIN (100), 185 ha, aan Madebo Farming (Edms.) Bpk., van Present Perfect Inv 203 (Edms.) Bpk., R3 500 000. NOODSHULP (193), 86 ha, aan M.J. Mogano, van E.S. en P.G.B. van der Merwe, R570 000. MARKEN SLANGFONTEIN (655), 2 106 ha,…

Die Suid-Afrikaanse rekordprys vir South Devons is drie keer op een veiling in 2020 verbeter. Drie bulle van die Winston South Devon-stoetery van mnre. John en James Miller van Cathcart het op hul 2020-produksieveiling die Suid-Afrikaanse rekordprys vir die ras verbeter. Die rekord is vir die eerste keer verbeter toe Winston Idaho vir R85 000 aan mnr. Dan Kriek van die Bellary South Devon-stoetery, Tweeling, verkoop is. Kriek het weer die rekordprys verbeter toe hy R125 000 vir Winston Incognito betaal het. Die nuwe rekord is egter kort daarna verbeter toe mnr. Shaun de Jager van Dundee vir Winston Incentive teen die huidige rekordprys van R134 000 gekoop het. Dit is bykans dubbel die vorige rekordprys van R78 000 wat in 2019 vir ’n South Devonbul betaal is. Volgens mnr.…

ANDERKANT DIE REËNBOOG OM TE WEET JY WEET NIE Dit bly maar die eienaardige ding van leer. Ná meer as ’n dekade van geduldig verskeie bewaringsboerderypraktyke toepas — van geenbewerking tot ultrahoëdrukbeweiding — vertel ’n vriend onlangs hoe hy nou eers besef hoe min hy eintlik weet van wat biologies in sy lande, in sy veld of met sy diere aangaan. Donald Rumsfeld, ’n voormalige Amerikaanse minister van verdediging, het daarna verwys as unknown unkowns, oftewel dié dinge wat ons nie eens weet ons nie weet nie. Vir Rumsfeld was dit die chaos van die Amerikaanse inval van Irak. Met herlewingslandbou kan dinge by tye ook redelik duister wees. Gelukkig was daar vir my vriend ’n paar bemoedigende suksesverhale langs die pad. Rekordaartappeloeste met aansienlik minder kunsmis as die vooraanstaande…

Vir MNR. ALEXANDER GIBSON van Doornkraal Agri by Ceres, vanjaar se Wes-Kaapse Jongboer van die Jaar, is geduld en geloof die waardevolste bates wat sy pa aan hom besorg het. Hy vertel op bl. 42 van sy bydrae tot dié familieboerdery, wat appels, pere, nektariens en pruime op sowat 600 ha verbou. VERTEL VAN JOU GESIN. Ek is in 2015 met Lindi, ’n opgeleide fisioterapeut, getroud. Ons het twee dogters, Alexia (3) en Alaiyah (1). WAAR EN WAT HET JY GESTUDEER? BAgric aan Elsenburg. WAAR HOU JULLE VAKANSIE? Ons hou van reis. Hoe verder ons dus kan ry of vlieg, hoe beter. Oorsee reis is een van die dinge wat ek die meeste tydens die covid-19-pandemie en reisbeperkings mis. Die volgende geslag boere moet geïnspireer wees deur die boerderypraktyke wat…

MET die stroopproses van somergewasse byna afgehandel, het die nasionale oesskattingskomitee sy skatting van die mielie-oes vir die sesde keer opwaarts aangepas – tot 16,431 miljoen ton, wat 7% groter as die 2020-oes is. Die skatting is 198 500 ton (1,22%) hoër as verlede maand se skatting. Die Vrystaat, Mpumalanga en Noordwes gaan na verwagting 84% van die 2021-oes lewer. Die oppervlakte onder witmielies word op 1,692 miljoen ha geskat, en dié onder geelmielies op 1,064 miljoen ha. Die oesskatting vir witmielies is onveranderd gelaat op 8,937 miljoen ton en die opbrengs is 5,28 t/ha. In die geval van geelmielies is die produksieskatting 7,494 miljoen ton, wat 2,7% hoër is as die vorige skatting. Die beraamde opbrengs is 7,05 t/ha. Die verwagte gemiddelde opbrengs is 5,96 t/ha. Die produksieskatting vir…

DIE mens moet besluit hoe hy die landbou-ekologiese stelsel met ekonomiese welvaart gaan balanseer, sê prof. Guy Midgley van die fakulteit plant- en dierkunde aan die Universiteit Stellenbosch (US). Midgley, ’n invloedryke klimaatsveranderingkenner, het op 29 Julie met die opening van die US se nuwe skool vir klimaatstudie, die eerste in Afrika, gesê die klimaatkrisis hou risiko’s én geleenthede in. “Die oormatige gebruik van die omgewing hou risiko’s in, soos natuurlike rampe, uiterste temperature, grootskaalse migrasie, aanvalle deur terroriste en waterskaarste. “Die ekologiese stelsel is honderde miljoene jaar oud en is in staat om bronne, soos water, sonlig, koolstof en voedingstowwe, in komplekse biologiese stelsels te ontwikkel. Ons is hieruit gebore. “Daarteenoor het die mens duisende jare gelede die ekonomiese stelsel geskep. Hoewel die mens voorrang gee aan die ekonomiese…

DIT wil voorkom of die storm wat maande lank oor die geloofwaardigheid van die Suid-Afrikaanse graanmark gewoed het, nou bedaar het. Inspeksies deur die JSE en die graaninligtingsdiens Sagis, het die afgelope paar maande geen noemenswaardige ongerymdhede blootgelê nie. Die feit dat Suidwes Landbou se Bloemhof-silo verlede jaar uitgevang is vir oortredings van die rapporteringsreëls van silovoorrade het tot meer wantroue gelei. Daar is bevind dat silosertifikate vir 10 800 ton eerstegraadse witmielies uitgereik is, maar daar was net 5 500 ton van dié mielies in die silo. Hoewel Suidwes die mielies in besit gehad het, was dit nie by die regte silo nie. Dit het tot ’n boete van R1,5 miljoen gelei en daar was ’n algemene siening dat nie alle sertifikate deur fisieke voorraad in die silo’s gerugsteun…

DIE onverwagse dood van mnr. Nico van der Merwe (68), uitvoerende direkteur van Sonop Farms-boerdery in Namibië en Naturesmart, wat varsprodukte-bemarking, -uitvoer en -verpakking doen, laat volgens sy gesin ’n groot leemte. Hy is op 17 Julie aan covid-19-verwante oorsake in die Panorama Mediclinic in Kaapstad oorlede. Volgens sy seun mnr. Nico van der Merwe “het my pa ’n ongelooflike lewenskennis en waardestelsel gehad waaruit ons vier kinders geleer het. Hy het al die vrugte van die gees uitgeleef. Hy was byvoorbeeld vriendelik, goedhartig, nederig en het selfbeheersing toegepas. “Hy het met passie geleef. Almal wat onlangs van sy dood verneem het, was bedroef – selfs mense wat hy onlangs leer ken het toe hy van Namibië na Yzerfontein verhuis het. Sy persoonlike en sakeverhoudings was uitstekend omdat hy integriteit…

Internasionale kunsmispryse het in die eerste helfte van 2021 ’n beduidende styging getoon teenoor die ooreenstemmende tyd in 2020, met relatiewe stygings van ongeveer 74,5%, 61,2% en 41,9% by onderskeidelik ammoniak, di-ammoniumfosfaat (DAP) en ureum. Die oplewing was die gevolg van groter aanplantings wat vereis dat meer kunsmis gebruik word. ’n Styging in ru-oliepryse wêreldwyd, die verhoogde koste van kunsmisproduksie en vervoerkoste dra tot die styging by. Suid-Afrikaanse kunsmispryse het in die ooreenstemmende tyd dieselfde neiging as wêreldpryse gevolg. Die Suid-Afrikaanse rand het egter in dié jaar met 12,7% teenoor die Amerikaanse dollar verstewig, wat die druk op die plaaslike kunsmispryse verminder het. Gevolglik het die prys van mono-ammoniumfosfaat (MAP), ureum en kalksteenammoniumnitraat (KAN) met onderskeidelik 31,5%, 18,7% en 15,5% gestyg. Die druk sal na verwagting nie afneem nie, want…

Biologiese produkte is die oorkoepelende term vir ’n versameling natuurlike produkte wat boere kan gebruik om grondvrugbaarheid te verhoog, hul gewasse se groei te stimuleer, en siektes en plae te bekamp. Biokunsmis is ’n groepering van biologiese produkte wat mikro-organismes gebruik om grondvrugbaarheid te verhoog. Maar wat is die opsies met biokunsmis? Die gebruik van organismes om grondvrugbaarheid te verhoog, is niks nuuts nie – die eerste produk is reeds in 1896 bekend gestel. Dit was met die gebruik van stikstofbindende bakterieë vir die behandeling van peulgewasse. Vandag is die gebruik daarvan by peulgewasse algemeen en daar is verskeie produkte op die mark. Net so is die gebruik van biokunsmis by nie-peulgewasse niks nuuts nie omdat die eerste middel reeds in die laat 1940’s geregistreer is. Wat egter nuut is,…

In ’n gewone testament bemaak ’n persoon sy of haar eiendom, stel ’n eksekuteur aan en skep moontlik ’n testamentêre trust vir kinders of ander erfgename. ’n Lewende testament is ’n regsdokument wat deur ’n persoon opgestel word wat bepaal wat sy of haar wense oor mediese behandeling is. Daarin word aangedui in watter gevalle mediese behandeling beëindig moet word. Dit kan selfs bepaal of die persoon se organe geskenk moet word of nie. Anders as in die geval van ’n gewone testament, is ’n lewende testament van toepassing voor die afsterwe van ’n persoon. Dit kan gesien word as ’n opdrag aan die familie en dokters oor staking van mediese sorg wanneer iemand nie meer in staat is om sy of haar wense te kan uitspreek nie. Een van…

Koemkwatkonfyt in die mikrogolf Wat inmaak betref, raadpleeg ek altyd Annette Human se Lekker vir later. Hierdie resep is afgelei van haar koemkwatkonfytresep. ■ 500 g koemkwats ■ 15 ml koeksoda ■ 600 ml kookwater ■ 310 ml suiker ■ 160 ml water ■ Sap van 1 groot suurlemoen ■ 5 ml fyngerasperde, vars gemmer Maak seker al die steeltjies is van die vrugte afgetrek. Sit die koemkwats in ’n groot mikrogolfbestande bak en sprinkel die koeksoda oor. Giet die kookwater oor en roer deur. Bedek die bak losweg met plastiek (of met ’n mikrogolfdeksel) en mikrogolf die inhoud vir 5 minute op hoog (100% krag). Haal die bak uit die mikrogolfoond en gooi deur ’n vergiettes. Laat afkoel. Druk met ’n skerp groentemes se punt ’n gaatjie of maak…

Gavin Whittaker (foto 1) van Van Loveren, Rene Groenewald (foto 2) van Woolworths en Lieza van der Merwe (foto 3) van Merwida Vineyards kan nou die titel Kaapse wynmeester agter hul naam skryf nadat hulle onlangs by die Kaapse wynakademie gegradueer het. Nog net 109 mense kon die afgelope 42 jaar dié gesogte kwalifikasie verwerf. Whittaker, Van Loveren se uitvoerbestuurder vir Asië en die Midde-Oosterse markte, se tesis het gehandel oor die markgeleenthede vir geen-alkohol- en laer-alkoholwyne. Groenewald, ’n produkontwikkelaar in Wool-worths se suiwelafdeling, het die plaaslike wynbedryf se omgewingsvolhoubaarheid ondersoek. Van der Merwe, ’n wynmaker wat tans Merwida se bemarking en proelokaal behartig, het ondersoek ingestel na hoe die droogte van 2015 tot 2018 die plaaslike wynbedryf geraak het. ’n Formele inhuldigingsgeleentheid sal vandeesmaand plaasvind.…

W YLE mnr. Brian Simons (67, foto), ’n varsprodukte-agent en sakeman by die George-varsproduktemark wat op 10 Julie oorlede is, was saam met sy vrou, Aletta, markbestuurder, die “gom wat die mark aanmekaar gehou het”. Só sê mnr. Francois Knowles, registrateur van die Landbouprodukte-agenteraad (Apac). Simons is in 2018 as een van drie markagente as raadslid van Apac verkies. Simons is aan covid-19-verwante oorsake oorlede. “Sy dood laat ’n diep leemte. Hy en Aletta het die mark op geoliede wiele laat loop. Hy was ’n gefokusde, opregte en uitstekende sakeman – alles eienskappe wat noodsaaklik is om ’n suksesvolle agent en skakel tussen boere en kopers te wees. “As raadslid was hy aktief betrokke en hy het ’n groot bydrae gelewer. Ons het altyd na sy voorstelle en bydraes geluister…

PRYSE STYG IN MPUMALANGA Grondtransaksies van groter as 10 ha in die 12 maande tot Junie vanjaar in Mpumalanga, Noordwes en die Noord-Kaap is in die TABEL . In Mpumalanga was daar 367 transaksies in ses distrikte. In die proses is 95 053 ha teen R2,755 miljard verhandel. In 83% van die distrikte in die provinsie is gunstige prysneigings waargeneem. In Noordwes was daar 559 transaksies in 12 distrikte. In die proses is 179 154 ha teen R2,464 miljard verhandel. ’n Verbetering in grondpryse is opmerklik in vyf distrikte. Pryse by Mahikeng het met 20,5% gestyg en by Delareyville met 14%. Distrikte wat nog geraak word deur die moeilike landboutoestande sluit in Coligny, Reivilo, Moloporivier, Bray, Wolmaransstad en Marikana. In die Noord-Kaap is 188 transaksies in 18 distrikte gesluit, en…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 16-17 SEPTEMBER: AgriTech 2021, Emperors Palace, Johannesburg. Onderwerpe wat bespreek gaan word, sluit in presisielandbou, water- en grondbestuur, landboutegnologie en kuberveiligheid.E-pos: kennedy@lead-africa.co.za, web: www.lead-africa.co.za 13-16 OKTOBER: Conexpo Africa 2021, Johannesburg. Werktuie, voertuie en produksiemiddele vir die landbou-, bosbou-, mynbouen boubedryf in Afrika suid van die Sahara. Web: www.bcafrica. com, e-pos: info@mm-sa.com, 011 476 8093. SKOUE 6-10 SEPTEMBER: BKB-Afrika-Alleras-lewendehawe-ekspo (BKBALE), Afridome, Parys. Alle bees-, skaap-, bok- en pluimveerasse is welkom om te skou of uit te stal. Stefan Coetzee (beeste), 083 384 3675; Jan Mostert (kleinvee), 083 306 8408; Carla de Kock (ander navrae), 082 447 1650; e-pos: info@bkbale.co.za 15-18 SEPTEMBER: Heidelbergskou. Vic Brand, 063…