Indholdsfortegnelse for 31 March 2022 i Landbouweekblad

R40/L ‘BUITE DIE KOL’ Al voorspel sommige doemprofete dat brandstofpryse in April R40 per liter kan bereik, meen mnr. Dawie Maree, hoof van inligting en bemarking by FNB Landbou, dié bedrag is “ver buite die kol”. Volgens 15 Maart se syfers was die onderverhaling vir brandstof sowat R2,15 per liter vir petrol en R2,94-R3,08 per liter vir diesel. As dit bygetel word by die huidige petrolprys van sowat R22 per liter, is die nuwe beraamde prys sowat R25 per liter. Vol-gens hom maak die wisselkoers tans net 2c van die huidige onderverhaling uit. Die res is as gevolg van hoë internasionale produkpryse weens die konflik tussen Oekraïne en Rusland. MET ’N KLANKIE Suid-Afrikaanse Brouerye (SAB) gaan binnekort beesmis gebruik om energie op te wek danksy ’n ooreenkoms met Bio2Watt, ’n…

Dit is altyd vir my diep gerusstellend dat daar soveel mense is wat aansienlik beter as ek is in soveel aspekte van die lewe. Neem die verbysterende verskeidenheid dinge wat kan verkeerd loop met enige oes. Die vlak van risikobestuur wat dit verg, sit nie in elke ou se broek nie. Wat miskien in nóg minder ouens se broek sit, is die bewonderenswaardige kundigheid wat dit verg om kleiner familieplase se somme te laat klop. Daardie gerustelling het my laasweek weer opnuut bygeval toe ons die boek Uit klip gekap: Die storie van Agri Dwala — ’n Getuienis van seën oor die Overbergse boer Kosie van Zyl en sy vrou, Lize, se besonderse geestelike reis bekend gestel het. ’n Storie van diepe waardering vir ander se goedheid; van omgee en…

NOUDAT mense meer bewus is van wat hulle eet en hoe gesonde kos verband hou met gesondheid, is herlewingslandboupraktyke maklik om te bemark, sê mnr. Junior Herholdt, ’n boer van Philadelphia. “Sedert die covid-19-pandemie is almal bekommerd oor wat hulle eet, en dit maak ons saak so bemarkbaar.” Herholdt, wat erken dat hy in sy leeftyd as boer probeer het om die hoogste moontlike opbrengste te behaal, het mettertyd besef dat dit net moontlik was teen baie hoë kunsmistoedienings en nie noodwendig wins gemaksimeer het of goed was vir sy grond nie. Nou probeer hy om die grootste wins met die minimum eksterne insette te behaal deur grondgesondheid op sy plaas te verbeter, het hy op Landbouweekblad se herlewingslandboukonferensie by Stellenbosch gesê. Toe hy gevra is of dit beteken dat…

TE MIDDE van pleidooie deur die Suid-Afrikaanse landboubedryf vir beleggings in strategiese kapasiteit vir landbou-insette om die land minder afhanklik van invoer te maak, het Amerika se toplandbou-amptenaar miljoene vir dié oogmerk daar beskikbaar gemaak. Mnr. Tom Vilsack, Amerikaanse minister van landbou, het luidens ’n berig in Successful Farming $250 miljoen (sowat R3,7 miljard) beskikbaar gestel om plaaslike kunsmisproduksie te ondersteun om boere in sy land teen stygende insetkoste te beskerm. Dié stap volg op die grootskaalse ontwrigting wat die Russiese inval in Oekraïne in voedsel- en landbou-insetmarkte wêreldwyd veroorsaak het. Oekraïne het reeds vroeër die uitvoer van landbouprodukte, soos koring, mielies en sonneblomolie, begin beperk weens die Russiese inval, en oor die naweek van 12 Maart het dié land se regering ’n algehele verbod op die uitvoer van kunsmis…

DIE portefeuljekomitee vir justisie en korrektiewe dienste het op 1 en 2 Maart openbare verhore gehou oor die Wet op die Grondhof. Die landbousakekamer Agbiz was een van die organisasies wat ’n mondelinge voorlegging aan die portefeuljekomitee gedoen het. Die Grondhof sal jurisdiksie hê oor sake voortspruitend uit die Wet op die Herstel van Grondregte (Wet 22 van 1994), die Verblyfregwet (Wet 62 van 1997), die Wet op Huurarbeiders (Wet 3 van 1996), die Wet op die Voorsiening van Grond en Bystand (Wet 126 van 1993), die Wet op die Opgradering van Grondbesit (Wet 112 van 1991), die Ingonyama-trustwet (KwaZulu-Natal Wet 3 van 1994), die Wet op Gemeenskaplike Eiendomsverenigings (Wet 28 van 1996) en die Wet op die Tussentydse Beskerming van Informele Grondregte (Wet 31 van 1996). Die hof sal…

DIE polisie se hantering van die besit en gebruik van kannabis terwyl ’n wetsontwerp wat dit dekriminaliseer tans voor die nasionale vergadering dien, ontmoedig potensiële beleggings in die bedryf. Só sê mnr. Zakhele Mthembu, ’n navorser by die Vryemarkstigting. Hy wys daarop dat die polisie op dieselfde dag dat pres. Cyril Ramaphosa in sy staatsrede na die ekonomiese potensiaal van die kannabisbedryf verwys het, mense in hegtenis geneem het weens kannabisverwante oortredings. “Die president noem die bedryf as ’n bron van werkskepping in Suid-Afrika, terwyl die polisie landsburgers terroriseer met inhegtenisnemings.” Die geraamde waarde vir die plaaslike kannabismark is $1,2 miljard (R18 miljard), volgens navorsing wat hy aanhaal. “Die regulatoriese brabbeltaal oor hoeveelhede vir gebruik en kommersiële verkope neem nie die omstandighede in die voormalige swart gebiede in ag nie.”…

Volgens prof. Johnnie van den Berg, programbestuurder vir geïntegreerde plaagbekamping aan die Noordwes-Universiteit, kan SIT plae baie goed bestry, soos wat in Suid-Afrika met valskodlingmot gewys word. “Dit sal egter baie moeilik, indien nie onmoontlik nie, wees om ’n plaag soos die herfskommandowurm só te bekamp. Die probleme is onder meer die beleid oor GM-tegnologie in Afrika, plaagekologie en die koste van hierdie soort bekampingstrategie.” Hy sê om SIT doeltreffend te bedryf, moet die teikenplaag grootliks in ’n beperkte geografiese gebied voorkom waar die steriele manlike motte vrygelaat word. Die endemiese broeigebiede van hierdie plaag in Afrika is in die tropiese streke. Daar is slegs enkele gebiede waar die plaag permanent in Suid-Afrika gevestig is. “Dit is nie moontlik om te voorspel waar die plaag seisoenaal in die kommersiële mielie-produksiegebiede…

Danksy ’n benadering om nooit paniekerig te raak as krisisse opduik nie, het mnr. Willie van Niekerk sy boerdery van ’n nederige 20 ha opgebou totdat hy nou só ’n mededingende saaiboer is dat hy een van die afdelings in die Groei vir Goudopbrengskompetisie gewen het. Hy en sy seun, Willie jr., bedryf saam Belofte-boerdery by Vanderbijlpark, waar hulle sojabone en mielies saai en met Merino-Landskape boer. Hul opbrengs van 4,8138 t/ha met die kultivar DM 6.8iRR, wat deur Agricol bemark word, was die hoogste vir sojabone onder droëlandverbouing in die sentrale streek in Graan SA se kompetisie vir 2021. Oorskakeling na presisieboerdery en geenbewerking, asook goeie samewerking tussen ’n pa en seun wat nie bang is vir harde werk nie, het die boerdery in staat gestel om sy arbeidsmag…

Boedelsamesmelting is waar twee persone, getroud of nie, ’n gesamentlike testament opstel wat bepaal by die dood van die eerste van hulle sal die twee se afsonderlike boedels in ’n gesamentlike boedel saamsmelt. Met so ’n saamgesmelte boedel word dan ingevolge die bepalings in die gesamentlike testament gehandel asof dit een boedel is. Hier is ’n voorbeeld: A en B is getroud en wil hul boedel laat saamsmelt om by die dood van die eerstesterwende ’n kind uit die gesamentlike boedel (uit bates wat aan albei behoort) te bevoordeel. Die testament word só opgestel dat die kind byvoorbeeld ’n vaste eiendom erf. Die oorlewende party kry dan byvoorbeeld ’n beperkte reg, soos ’n vruggebruik, oor die eiendom. NIE BINDEND Die eerste probleem is dat so ’n testament nie bindend is…

Die aanvanklike probleem met kunsmis wat nie op standaard was nie, tesame met ’n praktyk wat vereis dat voedingstowwe dinamies en vloeibaar teen verskillende hoeveelhede toegedien kan word, het gelei tot ’n kunsmistoediener wat nie net verskillende hoeveelhede kunsmis kan toedien nie, maar wat selfs vir verskillende rywydtes gebruik kan word. Mnr. Danie Bester, planmaker-presisieboer van Balfour, het homself in ’n netelige situasie bevind nadat hy besef het ’n vrag kunsmis wat toegedien is, was nie heeltemal op dieselfde standaard as sy normale toediening nie. Boonop het ’n buitengewoon reënerige seisoen veroorsaak dat stikstof kwaai uitgeloog het en dat mielies nie ontwikkel het soos hulle moet nie, met potensiële opbrengsverliese. “Die wisselende standaard het beteken dat die mielies wat bemes is, nie die hoeveelheid stikstof en fosfaat gekry het wat…

L’ORMARINS PRIVATE CUVÉE 2014, in ’n pragtige bottel ontwerp deur die kunstenaar Mark Eisen, span die kroon op dié Franschhoekse kelder se Cap Classique-reeks. Wyle Anthonij Rupert, aan wie die plaas voor sy dood behoort het, het gedroom oor ’n Cap Classique-reeks vir L’Ormarins. Ná sy dood is sy notas daaroor ontdek en as wegspringplek gebruik om die reeks te skep. Die Private Cuvée word gemaak van die tête du cuvée, oftewel die beste sap van die eerste sagte pars, van Chardonnay- en Pinot noir-druiwe wat op Altima, ’n plaas in die Anthonij Rupert Wyne-stal, groei. Daarna is dit besonder lank – ses jaar om presies te wees – op gismoer verouder, voor dit dégorge (die verwydering van die dooie gisselle) en daarna vir nog ses maande in die bottel…

Die agterplaas en strook grond aan die suidekant van ons huis was beslis een van die bes bewerkte stukke grond op Porterville. Pa Ludwig se groot liefde was sy tuin. Daardie stuk grond is regdeur die jaar met baie moeite en groot sorg omskep in ’n groente- en vrugtelushof wat ons (as onkundiges) as vanselfsprekend aanvaar het. As ons maar net besef het hoeveel toewyding, beplanning en volgehoue sorg die stukkie grond geverg het. Ons het altyd groente en vrugte in die huis gehad – vars uit die tuin. Wat ’n voorreg. By ons agterstoep het ’n groot vyeboom agter die wasklip jou begroet. Dit het jaar ná jaar die lekkerste vye gelewer. Agter dit was my suster se pophuis, met ’n ry vaalblaar- en barlinkadruiwestokke daarnaas. Pa het die…

GAUTENG PRETORIA KROKODILSPRUIT (290), 24ha,aanFortunePending Inv BK, van M.J.M. Britz, R3 500 000. KWAZULU-NATAL NEWCASTLE WATERFORD (8580), 152 ha, enBRADFORDB(8174),274ha, aan BG-boerdery (Edms.) Bpk., van Catlett Farms (Edms.) Bpk., R14 500 000. PIETERMARITZBURG NEW BOSCHFONTEIN (12011), 20 ha, aan Kimbraflash (Edms.) Bpk., van D.R.I. Crowe, R4 500 000. LIMPOPO MARBLE HALL BEKEND (147), 342 ha, aan Lucius-trust, van Equal Housing Opportunities (Edms.) Bpk., R4 000 000. RONDEBERG (624), 343 ha, aan Telani Group (Edms.) Bpk., van Gerhard van Aardt-trust, R5 100 000. MODIMOLLE DE NYL ZYN OOG (62), 228 ha, aan Nondo Prop Inv (Edms.) Bpk., van J.J. Booysen, R2 700 000. GEGUND (679), 244 ha, aan Leeuwaarden Agri (Edms.) Bpk., van Gegund Tuinplaas (Edms.) Bpk., R2 500 000. OLIFANTSPOORT (414), 29 ha, aan Grid Capital (Edms.) Bpk., van G.J.…

KLEINVEE INHEEMSE VELDBOKKE LAAT REKORDS SPAT Inheemse veldbokke het rekordpryse op die nasionale veiling onder die beskerming van die Inheemse Veldboktelersgenootskap (IVG) in Bloemfontein behaal. Die hoogste prys vir ’n ram was vir ’n Kaapse Lob Ear van mnr. Schalk van der Walt, een van die veteraantelers van inheemse bokke van die plaas Gelykfontein, suid van die Gariepdam. Die R100 000 wat mnr. Nico Lerm van die wildonderneming Lazarus by Albertinia vir die ram opgedok het, is ’n rekordprys vir dié kleurgroep. Lerm se wildonderneming het ook ’n rekordprys van R60 000 vir ’n Kaapse Lob Ear-ooi met lammers betaal. Die verkoper is me. Ronell Retief van Richmond. Die bod van R14 000 vir ’n Mbuzi-ram het die rekordprys met R1 000 verbeter. Mnr. Gerhard Lourens, ondervoorsitter van die IVG…

DIE opsporing en monitor van voetganger-sprinkaanswerms is die doeltreffendste manier om sprinkaan-uitbrekings hok te slaan, sê prof. Frances Duncan, hoof van die skool vir diere-, plant- en omgewingswetenskappe aan die Universiteit van die Witwatersrand. “Ons het ’n beter begrip van sprinkaangedrag nodig sodat ’n beter strategie vir doeltreffende bestryding ontwikkel kan word.” Duncan meen toegespitse bespuiting van rustende swerms het ’n minder nadelige effek op die omgewing se ekologie as die lugbespuiting van volwasse sprinkane. Voetgangers beweeg 1-2 km per dag, en oornag in bosse. Deur vroegoggend chemikalieë op dié bosse te spuit, kan die meeste van hulle doodgemaak word. Daar is egter beperkte monitering van die Karoo weens die yl bevolking en groot plase. “Wanneer die voetgangers volwasse raak, kan hulle vlieg en groter afstande aflê. Die bruinsprinkaan is…

Landbouweekblad het omvattend berig oor die skade aan graanaanplantings en die oesvooruitskatting ná die ongewone swaar reën in Januarie en Februarie. ’n Kenner kyk nou ook na grondverlies en -erosie, wat nie aanvanklik op almal se radar was nie. VOLGENDE UITGAWE ARTIKELS & RUBRIEKE ■ Ondersoek: Die onsigbare koste van té veel reën ■ Oud-Bok ‘skrum’ nou teen die grootvoete ■ Herlewingslandbou: Al die nuutste navorsing op een plek ■ Gerrit van Zyl: Drie groot vraagstukke ■ Jannie de Villiers: Inploffing van gemeenskappe ■ Watergebruikslisensies: Al jou vrae beantwoord ■ Drywende vleie oplossing vir skoner plaasdamme SPESIAAL ■ Wie is wie? ■ Bloemskou GESIN ■ Beesvleis op jou bord…

en sy seun, Willie jr., van Vanderbijlpark het die hoogste opbrengs met sojabone op droëland in die sentrale streek in 2021 se Groei vir Goud-opbrengskompetisie behaal. Hulle plant ook mielies en boer met skape. Lees die artikel op bl. 40. VERTEL VAN JOU GESIN. Ek en Hettie het drie kinders – Hannetjie, Willie jr.en Glodina. HET JY GESTUDEER? Ja. Elektriese ingenieurswese aan die Vaal-universiteit van Tegnologie. WAT IS JOU STOKPERDJIES? Jag en visvang. WAAR HOU JY VAKANSIE? Enige plek waar ek kan rus.…

KONFERENSIEGANGERS het heelparty praktiese wenke by Kaapse boere gekry, maar ook van wetenskaplikes gehoor oor die wetenskap wat die boere se plaaswaarnemings ten grondslag het, op Landbouweekblad se herlewingslandboukonferensie by Stellenbosch. Die praatjie van mnr. Pablo Etcheberry, bees-en-saaiboer van Argentinië, was ’n meesterklas in die praktiese toepassing van ’n intensiewe hoëdrukbeweidingstelsel en gepak met boereplanne wat menige Suid-Afrikaanse boer sonder te veel sukkel kan toepas. Etcheberry het hulde gebring aan wyle mnr. André Lund van Beaufort-Wes vir al die vindingryke planne en patente wat hy ontwikkel het voor hy (Etcheberry) nog daaraan kon dink. Hy sê die oorgang van ’n ekstensiewe beweidingstelsel na ’n intensiewe stelsel moet stadig en deurdag plaasvind en welslae is net gewaarborg as boere alle faktore wat die reproduktiwiteit bepaal, voortdurend dophou. MINDER INSETTE Mnr. Rens…

SWAAR reën, hoër produksiekoste, logistieke probleme en geopolitieke spanning is van die faktore wat landbousakelui se sakevertroue in die eerste kwartaal van vanjaar laat daal het. Die landbousakekamer Ag-biz en die nywerheidsontwikkelingskorporasie (IDC) se landbousakevertroue-indeks was in dié kwartaal op 62 punte – 12 punte laer as in die laaste kwartaal van 2021, toe dit die naashoogste vlak nóg bereik het. Van die tien subindekse het vertroue in agt gedaal. Mnr. Wandile Sihlobo, hoofekonoom van Agbiz, sê die indekspunt van 62 weerspieël steeds gunstige toestande, hoewel nie so sterk as in vorige onlangse kwartale nie. Die meeste respondente het hul response ná 24 Februarie gestuur, die dag dat Rusland Oekraïne ingeval het. SOMBER LUIM Vertroue in die algemene landbousaketoestande het met 28 punte tot 60 geval. “Die oormatige reën sedert…

1 ZIMBABWE | ‘G’n plan B’ vir stikstof Zimbabwe voer jaarliks sowat ’n kwartmiljoen ton nitraat uit Rusland in, en hoewel daar tans genoeg voorraad in die land is vir die koringseisoen, sal daar waarskynlik weinig oor wees teen die mielieplanttyd. Rusland probeer tans produsente keer om nitraat-stikstof uit te voer. Mnr. Graeme Barr, besturende direkteur van Nutrimaster, ’n kunsmis-invoermaatskappy, sê “daar is geen plan B” nie. “Pryse vir stikstof gaan die hoogte inskiet.” Tabakboere, wat hoër winsmarges het, sal dalk die hoër pryse kan absorbeer, maar nie mielieboere nie, sê hy. — Bloomberg 2 ZAMBIË GM produkte van rak gehaal Die Zambiese bioveiligheidsgesag (NBA) het op 11 Maart tydens ’n klopjag op Shopriteen Choppies-winkels in Lusaka beslag gelê op voedselprodukte wat geneties gemodifiseerde organismes bevat en sonder…

Die voortdurende skerp styging die afgelope weke in voergraanpr yse knou intensiewe veebedrywe se winsmarges. Sommige is tans in verliesposisies. Dit wil voorkom of voergraanpryse ’n wyle hoog gaan bly weens die ontwrigting van graanuitvoer uit die Swartsee-gebied en swak oeste in Suid-Amerika. Dit hou pryse in dollarwaarde hoog. Voorraadvlakke was internasionaal reeds onder druk voor die krisis in Oekraïne. Plaaslike pryse van mielies en oliesade is naby uitvoerprysvlakke, maar steeds heelwat hoër as ’n jaar gelede ten spyte van betreklik goeie oeste. Dit het sedert 24 Februarie verder skerp gestyg. Winsmarges by intensiewe veebedrywe is gevolglik onder groot druk. Voerkoste, wat 60-70% van die produksiekoste uitmaak, het die afgelope weke skerp gestyg, terwyl produkpryse nie veel gereageer het om die bedrywe se marges te behou nie. Die verwagting is…

DEL MONTE FRANCE het pas die gebruik van komposteerbare plakkers op die piesangs wat hy in Frankryk verkoop, bekend gestel. Dié plakkers is omtrent so groot soos ’n R5-muntstuk – maar elke bietjie help, sê omgewingsbewustes wat bekommerd is oor die hoeveelheid onverweerbare plastiek wat op stortingsterreine en elders in die omgewing ophoop. Ook in Suid-Afrika is boere en verpakkers toenemend besig om alternatiewe vir plastiek te oorweeg en waar moontlik toe te pas. Die Verenigde Nasies se omgewingsorganisasie het juis vroeër vandeesmaand besluit om te begin werk aan ’n nuwe wetlik bindende verdrag oor plastiekbesoedeling, wat hopelik teen 2024 op die tafel sal wees. Die besluit is eenparig deur die 175 lidlande geneem. Die gevaar wat plastiek vir mense se gesondheid en die agteruitgang van die omgewing inhou, is…

Oekraïne, die tweede grootste land in Europa, het ’n baie lang landbougeskiedenis, maar onder die ou Sowjetunie is dié land se landboupotensiaal baie opmerklik aan bande gelê. Sedert sy onafhanklikheid in 1991 het produksie weer geleidelik tot sy eeue oue glorie begin herstel. Staats- en gemeenskapsplase is amptelik in 2000 afgetakel en landbougrond is in die vorm van grondaandele gegee aan die mense wat die plase onder die ou stelsel bewerk het. Dit het aanvanklik ’n skerp daling in produksie veroorsaak omdat landboumasjinerie verouderd was, daar ’n tekort aan produksiemiddele was en produksiekrediet nie bestaan het nie. Omdat Oekraïne se ekonomie egter van ’n kommunistiese stelsel na ’n vrye mark oorgeskakel het, het die vraag na landbouprodukte toenemend verhoog en het boere geleidelik markgerigte besluite begin neem wat lewende hawe…

Watter tegnologie is onmisbaar in jul boerdery? Alle nuwe tegnologie. As jy nie byhou nie, raak jy agter. Wat is die beste raad wat jy al gekry het? Gaan vorentoe of agteruit, maar moet nooit stilstaan nie. Wat is die grootste boerderyfout wat jy gemaak het? Om op instellings en mense te vertrou. Wie was jou mentor? My pa was my beste mentor. Hy het my nie geleer boer nie, maar om hard te werk en aan waardes vas te hou. Wat stel die grootste eise aan jou? Die moeilikste deel van boerdery is bemarking – wanneer om pryse vas te maak of nie.…

Hy het ’n kop vir syfers, maar sy hart is in beesboerdery. Mnr. Kobus Delport is al jare lank sinoniem met gesogte vertonings op veilings en in die skouring. Hy vorm ’n wen-span met sy dogter en regterhand op die plaas buite Potchefstroom, me. Mari Roets. Die Makojalo-stoeterynaam is saamgestel uit die Delports se name, Mari, Kobus, Jan-Hendrik (sy seun) en Louise (sy vrou). Mari se naam is eerste, want sy het as kind haar pa verpes om ’n hoewe te koop waar sy diere kan aanhou, maar toe koop hy ’n plaas! Volgens Mari kom hul oorspronklike swart Angus-koeie uit die hoofkoeilyne, Tessa en Rut, van dr. Jurie Geldenhuys (JHG). Vanjaar se Elite-Angus, KD 10-0996, stam uit albei moederlyne. Haar vaar, Makojalo Robin Hood, en moeder, Makojalo KD 08-0707,…

R 490 BESKERMING TEEN ENIGE BETREDERS Die veiligheidstoestel Bang-A-Lert is ontwerp om huisbewoners betyds te waarsku as hul eiendom betree word. Terselfdertyd word die oortreders afgeskrik deur ’n harde knal wat vanuit ’n pistool afgevuur word. Die eenheid kan op heuphoogte aan ’n muur, boom of paal vasgesit word. Dit word gelaai met ’n loskruitpatroon en ’n struikeldraad word dan gespan oor die opening, soos ’n ingang by hek, waardeur ’n betreder waarskynlik sal beweeg. Sodra die struikeldraad versteur word, sal ’n gelaaide slagpen die loskruitpatroon met ’n luide knal afvuur. Die toestel kan in enige weer gebruik word en is geskik vir deure, opritte, voertuigafdakke, stalle en kampeerplekke. Dit kan herhaaldelik gebruik word. Prys: R490. NAVRAE: Rupert, 074 209 8776; e-pos: jaques@thesecuritysolution.co.za Prys op aanvraag SPUITE ONTWERP VIR ’N…

Al bestaan daar voorgeskrewe produksiepraktyke vir suksesvolle druiweproduksie, meen mnr. Charles Jordan van Consortium Fruit dat dit belangrik is om dit nie blindelings te volg nie. “Ons werk in die natuur met lewende gewasse. Daar gaan beslis dinge buite ons beheer en buite die normale gebeur. Dan moet ’n mens in staat wees om vinnig te evalueer en produksiepraktyke daarby aan te pas.” Wanneer dinge normaal verloop, word 4 t/ha Bio Ganic van Atlantic Fertilisers van April tot in Oktober (teen volblom) toegedien. “Ons probeer om die huidige 110 kg stikstof per hektaar te verminder deur meer organiese produkte in te sluit.” Jordan streef na optimale vegetatiewe groei tot blomtyd. Die blaredak word ongeveer twee weke ná set oopgesny. Dit verseker die druiwe kry genoeg lig, asook ’n “terugbonsreaksie”, wat…

PG SLABBERT, hoof van Stellenbosch Hills, lig vanjaar sy glas op ’n kwarteeu by dié kelder, wat sy oorsprong het in die Vlottenburg-kelder, gestig deur boere wat wou saamwerk om hul eie toekoms uit te kerf ná die Tweede Wêreldoorlog. “Dit voel nie asof 25 jaar verby is nie. Ek leer nog elke dag en geniet my werk,” sê PG, wat sy klein span as familie beskou. Die kelder kry sy druiwe van 16 boere wat by Stellenbosch boer. In PG, ’n boorling van Upington, se tyd het die kelder meer klem op sy handelsmerk begin lê en van grootmaatwynproduksie na gebottelde wyne geskuif. Sy verouderingskelder het ook van 50 vate na meer as 800 gegroei. Van die hoogtepunte in PG se 25 jaar by Stellenbosch Hills sluit in die…

Hier waar ek op die oomblik sit en skryf, kyk ek af op ’n stewige grensmuur tussen my buurman en myself. Hierdie muur is oortrek met ’n rankplant wat min of meer so oud soos die muur self is. Ek praat nou van sowat 40 jaar. Een van my kinders het onlangs opgemerk dat die rankplant altyd net mooier geword het hier waar dit stil en selfversekerd ’n sagte, vriendelike atmosfeer aan die agterplaas gee. Die reën het oor die jare gekom, die wind en storms het oor dit gewaai en nou en dan het droogtes ook ’n paar geniepsige houe uitgedeel, maar die rankplant het al die jare stewig bly staan. Toe ek onlangs ’n paar takkies wou afbreek, was ek verbaas om te sien met hoeveel – stellig…

Grondtransaksies groter as 10 ha vir die 12 maande tot Februarie vanjaar in Gauteng, Limpopo en KwaZulu-Natal word in die TABEL langsaan aangetoon. Die vergelyking van pryse word bemoeilik deur die gereelde sluiting van die aktekantore vanweë covid-19. Daar was 456 transaksies in Gauteng en 52 114 ha is teen R2,175 miljard verhandel. Pryse by Pretoria het met 1,4% gedaal. In Limpopo is 549 ooreenkomste in 12 distrikte gesluit. Dit het 182 514 ha teen R2,343 miljard behels. In die helfte van die distrikte in die provinsie is verbeterings in grondpryse opmerklik. By Phalaborwa het pryse met 19,5% gestyg. Altesame 328 transaksies is in 13 distrikte in KwaZulu-Natal gesluit. Dit het 88 419 ha teen R2,405 miljard behels. In 61% van die distrikte is gunstige prysneigings waargeneem. Pryse by Port…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 30 MAART: Saai-simposium, Laingsburg. Sprekers sluit in Theo de Jager, André Duvenhage, Llewelyn Curlewis, Piet Grobler en Giepie Calldo. Die toekoms van boerdery in SA, politieke ontleding en perspektief vir die landbou, wapenwet en grondonteiening, saadverbouing en skaapboerdery word bespreek. Navrae: 082 745 3487. 25-29 JULIE: 57ste kongres van die Weidingsvereniging van Suider-Afrika, Aldam-vakansieoord, Ventersburg. E-pos: info@grassland. org.za KONGRESSE 2 JUNIE: Mpumalanga Landbou, Badplaas Forever Resort. Petro Geyer, 066 035 1231. VERGADERINGS 10 JUNIE: Agri-Expo-ledeskouevergadering, www.agriexpo.co.za 16 NOVEMBER: Sauvignon Blanc SA, tegniese seminaar, www.sauvignonblanc.com GHOLFDAE 13 MEI: Op die plaas-gholfdag, Morgenzon-gholfklub. Aangebied deur die Morgenzon-landbou-akademie. Gawie, 073 855 2321. FEESTE, EKSPO’S 2-3 APRIL: SA…

‘Waarom kan ons nie meer selfvoorsienend wees as ons oor hierdie hulpbronne beskik nie?’ MNR. CORNÉ LOUW, senior ekonoom by Graan SA, oor die onderbenutting van Suid-Afrika se kapasiteit om kunsmis te vervaardig. Bl. 18 ‘Ná covid-19 is almal bekommerd oor wat hulle eet, en dit maak ons saak so bemarkbaar.’ MNR. JUNIOR HERHOLDT, boer van Philadelphia, oor die relevansie van herlewingslandbou. Bl. 16 ‘Kyk eerder rond wat jy daar op die plaas het wat jy kan aanpas as om dadelik ’n nuwe werktuig te koop.’ MNR. ADRIAN BIGNELL, boer van Mazabuka in Zambië, oor hoe om die oorgang van konvensionele tot herlewingsboerdery te maak. Bl. 17 ‘Wees net behoorlik voorberei voordat jy enige rigting inslaan. Kry professionele hulp oor SEB, indien nodig. Dit is ’n baie mededingende en ingewikkelde…

80% Die landbousektor kry danksy die dieselrabat 80% van die brandstofheffing terug. Dié heffing behels R3,85 per liter vir petrol en R3,70 per liter vir diesel. Om dié heffings te skrap, sal dus geringe verligting vir die landbousektor bring, sê mnr. Dawie Maree, hoof van inligting en bemarking by FNB Landbou. Dit sal egter die sektore wat die landbou bedien, help en verbruikers se besteebare inkomste ’n hupstoot gee. — Michelle van der Spuy R217 000 ’n Hof in Hereford, Brittanje, het ’n skaapdief gelas om £11 000 (R217 220) aan sy slagoffers terug te betaal. Mnr. Daniel Smith (26) het skuld beken op klagte dat hy meer as 600 skape van November 2020 tot Januarie 2021 gesteel het. Die hof het bevind Smith het £11 000 se voordeel uit…

SA Stamboek bied sy jaarlikse Elite-prysuitdelingsgeleentheid vanjaar op 2 Mei in Bloemfontein aan nadat die geleentheid die afgelope twee jaar weens die covid-19-pandemie slegs virtueel uitgesaai is. Landbouweekblad is die naamborg vir die Eliteplatinumkoeikompetisie waarvolgens een koei per ras in aanmerking kom. In vandeesweek se tydskrif (sien bl. 52-53) en in die komende uitgawes word die finaliste geplaas. Vanjaar is daar 18 koeie — Angus, Ankole, Braunvieh, Beefmaster, Bonsmara (Suid-Afrika, Namibië en Brasilië), Beef Shorthorn, Charolais, Drakensberger, Hugenoot, Nguni, PinZ2 yl, South Devon, Senepol, Santa Gertrudis, Sussex en Tuli. Hierdie koeie voldoen aan die Logix-vleisbeesdatabasis se kriteria met betrekking tot produksie-, reproduksie-en genetiesemeriete-standaarde. Die Santa Gertrudisinskrywing behoort aan ’n teler in Zambië. ’n Brasiliaanse teler word ook vereer vir sy besonderse Bonsmara-koei.…

Die eerste SEBwetgewing is al vanaf 2004 van krag en die eerste kodes en riglyne het in 2007 in werking getree. Die landbou het sedert Desember 2012 Agri-SEB-kodes gehad. Wat die generiese SEB-vereistes betref, is alle staatsdepartemente en -organisasies kragtens die regering se aankoperiglyne verplig om jaarliks ’n SEB-sertifikaat te verkry. Die SEB-status van verskaffers moet ook met die toekenning van alle tenders in ag geneem word. Na gelang van die produk of diens wat gelewer word, kan daar verskillende riglyne vir die hantering van die aankoopproses wees en besighede wat met die staat sake wil doen, behoort hulle altyd te vergewis waaraan hulle moet voldoen. Alle verskaffers aan die staat moet ook ’n geldige SEB-sertifikaat indien om betalings vanuit die staatskas te ontvang. SEB-wetgewing maak voorsiening vir die skep…

NÁ tien jaar van rekordpryse vir makadamianeute bevind die bedryf hom nou in ’n kopersmark. Pryse beweeg sywaarts en daar is oorskotte van sommige produkte in makadamia-produserende lande. Tydens die Green Farm Nut Co. se onlangse reeks prysvergaderings met boere in Limpopo, Mpumalanga en KwaZulu-Natal het mnr. Alan Duncan, dié maatskappy se uitvoerende hoof, gewaarsku dat die huidige wêreldekonomie ’n versigtige benadering verg. Hy het gesê die wêreldekonomie bevind homself in ’n troebel, onstuimige see. China ervaar etlike ekonomiese probleme, waaronder enorme verbruikerskuld, die Russiese inval in Oekraïne het die res van Europa in onsekerheid gedompel en die wêreld herstel traag van die impak van covid-19. LEË HUISE Mnr. Alex Whyte, hoof van Green & Gold Macadamias se bemarking in Europa en die Midde Ooste, het gesê daar staan na…

Een van die wêreld se vernietigendste gewasplae kan eersdaags beveg word deur ’n “vriendelike” manlike herfskommandowurm. Dit is danksy steriele insektegnologie (SIT) wat die Britse biotegnologiemaatskappy Oxitec ontwikkel het. Luidens ’n artikel in die vaktydskrif BMC Biotechnology sal manlike motte met dié selfbeperkende geen in natuurlike bevolkings vrygelaat word om op gelyke voet om paarmaats mee te ding. Wanneer hulle met vroulike motte paar, sal die beperkende geen aan hul nageslag oorgedra word. Sodoende sal die vroulike nageslag gekeer word om voort te plant. Met deurlopende vrystelling van dié manlike wurms in gewaslande behoort vroulike wilde wurms mettertyd te verminder, en getalle sal afneem. Die herfskommandowurm veroorsaak jaarliks skade van nagenoeg R152 miljard aan veral gewasse soos mielies in Noord- en Suid-Amerika, Afrika, Asië en Australië. Sedert dit in 2016…

■ Baie kleiner en mediumgrootte melkboere verlaat die bedryf weens stygende produksiekoste en trae produsentepryse, maar mnr. Etienne Zeeman het planne om uit te brei. ■ Hy is een van Lactalis (Parmalat) se drie topprodusente wat gehalte en vaste stowwe betref. Dit maak sy Jersey-melk eksklusief, sodat daar altyd ’n vraag daarna is. ■ Zeeman het “half toevallig” ’n voermengsel van gras, klawer en lusern ontwikkel wat vandag nie net sy naam dra nie, maar taamlik wyd in die Suid-Kaap geplant word.…

Organismes wat voedingstowwe tot die grond toevoeg. Simbiotiese stikstofbindende bakterieë — Rhizobium- en Bradyrhizobium-spesies. Dit bind atmosferiese stikstof. Organismes wat voedingstowwe tot plantbeskikbare vorms omskep of hul opname deur plante vergemaklik, soos nitrifiserende organismes. Nitrosomonas- en Nitrobacter-spesies omskep die stikstof in ammoniak tot ’n beskikbare vorm vir plante. Swaeloksiderende mikroörganismes. Thiobacillus thioxidans en die meeste heterotrofiese bakterieë omskep elementêre swael en organiese swael tot beskikbare sulfate vir plante. Volgens www.biologyonline.com is ’n heterotroof ’n organisme wat nie in staat is om sy eie organiese koolstof-gebaseerde verbindings uit anorganiese bronne te sintetiseer nie. Dus voed dit op organiese materiaal wat deur ander organismes geproduseer word of wat reeds in ander organismes voorkom. Swamwortels of mikorisa. Blaasvormige en struikvormige swamwortels vergemaklik die opname van fosfor en sink deur die meeste landbougewasse. Organismes…

LAMSVLEIS-ENGROENTEBREDIE ■ 1,5 kg lamsvleisblokkies ■ 60 ml olie ■ 15 ml suiker ■ 5 ml elk sout en varsgemaalde swartpeper ■ 45 ml koekmeel ■ 500-750 ml vleisaftreksel ■ 1 blik (410 g) gekapte tamaties ■ 2 knoffelhuisies, fyngedruk ■ 2 lourierblare ■ 18 baba-aartappels, gehalveer ■ 4 wortels, geskraap en kleiner gesny ■ 12 klein uitjies, geskil ■ 250 ml bevore ertjies ■ 250 g groenbone, skoongemaak en grofgesny Voorverhit die oond tot 180 °C. Braai die vleis bruin in die olie in ’n groot oondvaste swaarboomkastrol. Sprinkel die suiker, sout en peper oor die vleis en braai vir 2-3 minute tot die vleis goudbruin is. Sprinkel die meel oor en braai vir ’n verdere 2-3 minute. Voeg 500 ml aftreksel, die tamaties, knoffel en lourierblare by en…

Die Skot Alexander Baldie, ’n baanbreker in die vrugtebedryf, het in 1904 die boerdery J Baldie & Sons by Misgund in die Langkloof gevestig. In dieselfde jaar het hy ’n kommersiële appelboord, met bome van die Pickering-kwekery in die Wes-Kaap, geplant. Boerderybloed vloei dik in die Baldie-are. Alexander se nasaat, Robin Baldie, wou van kleins af net boer. “Ek hou van boerdery omdat ek graag met mense werk, maar ook om die jong vrugtebome op te lei en hul groei dop te hou totdat hulle volwasse bome is,” vertel Robin, wat met 150 ha appels en 100 ha pere boer. Ná sy broer, Lloyd, en sy pa, David, onderskeidelik in 2008 en 2009 oorlede is, het Robin en sy broer Wayne nege jaar lank saamgeboer, tot kanker Wayne in 2017…