Indholdsfortegnelse for June/July 2015 i SARIE KOS

Michélle van Breda redakteur SARIE Kom ek raai. Een van die redes waarom jy dié SARIE KOS gekoop het, is Barbara se sjokoladepoeding op die voorblad … Ja, jy, ek en derduisende ander lesers wat, soos die vroegste beskawings, daarvan oortuig is dat die kakaoboom en sy vrug ’n geskenk van die gode is! Op Twitter onlangs het ek half verveeld deur die dag se kommentaar gewerk, en toe met hartkloppings gaan stilstaan by dié onweerstaanbare hand vol karakters: Wat om te bak dié week – die perfekte sjokoladekoek, mooi, intens, smelt-in-die-mond-lig. Die kenners sê ons liefdesverhouding met sjokolade het duisende jare gelede begin in lande soos Mexiko in Sentraal-Amerika, waar dit bitter en skuimerig saam met speserye gedrink is. Teen die tyd dat dit in die 17de…

WAT VAN ’N GLASIE GRAPPA? Tradisioneel word skoon Grappa ná ’n maal saam met espresso genuttig, maar die alkoholinhoud van 43% slaan die meeste mense se asem weg! Distilleria Bottega, ’n vooraanstaande Italiaanse wyn-en-spiritusmaatskappy, produseer die regte teenvoeter vir hierdie probleem: ’n romerige, Grappa-gebaseerde likeur met net 17% alkohol. Geniet dit op sy eie of gooi ’n skeutjie in jou koffie. Kies tussen twee ewe lekker opsies: Bottega Gianduia, met sjokolade-en-haselneut-ondertone, of die Bottega Fior di Latte, wat proe na speseryagtige vanielje. Albei is beskikbaar vanaf uitsoek- wyn- en spiritushandelaars teen R209,50 vir ’n 500 ml-bottel. Muskadel voor die kaggel Wanneer die kaggels begin brand, is dit Muskadel-tyd. Hierdie gefortifiseerde dessertwyn word gemaak van muskaatdruiwe, en smaak op sy beste wanneer dit yskoud voorgesit word saam met sterk kase. Orange…

Prei (leek) Vir ‘n heerlike afwisseling, voeg preie in soppe en bredies (saam met die uie). Bedruip met olyfolie en oondbraai. Vir kapokaartappels met ‘n verskil: gooi die opgekapte wit gedeelte van die preie by die aartappels wanneer dit begin kook. Knolseldery (celereac) Kan rou of gaar geëet word. Besonder lekker saam met hoender, vis, olyfolie, bloukaas, lensies, appels, pietersielie, pere en witloof. Savojekool (savoy cabbage) Ondanks die voorkoms is die blare sag, selfs wanneer dit rou geëet word. Dit is ‘n soeter alternatief vir groen- of rooikool, wat dit ideaal maak vir wraps of as basis (English: bed) vir rys, vis of byna enige ander gereg. Witwortel (parsnip) Ware winterstapelkos. Witwortel is nie net lekker in soppe nie, maar ook heerlik as jy dit oondbraai. Vars kan dit net…

KLAPPERBROOD-POEDING (bl. 20) Die anysgeur in die mosbolletjies maak die broodpoeding besonder lekker. Koop mosbolletjies by ’n bakkery, of vervang dit met witbrood of selfs croissants. GENOEG VIR 4 – 6 • 6 eiers• 200 g (240 ml) strooisuiker• 250 ml room• 1 x 400 ml-blik klapperroom• 16 dubbele mosbolletjies• vars klapperstukke Verhit oond tot 180 °C. Breek eiers in mengbak van elektriese menger. Klits en voeg suiker bietjiesgewys by. Klits verder tot lig en romerig. Verhit room tot net voor kookpunt in ’n groot kastrol. Haal kastrol af van hitte en voeg geklitste eiermengsel by. Roer goed en plaas terug op lae hitte. Voeg klapperroom by en hou aan roer met houtlepel tot vla verdik het. Die vla moet die agterkant van die houtlepel goed bedek. Haal kastrol af van hitte en hou eenkant. Smeer…

VARKNEK GEBAK IN TAMATIES EN ROOIWYN GENOEG VIR 6 – 8 • 1ontbeende varknek, sowat 1,5 kg• sap van 1 suurlemoen• sout en varsgemaalde swartpeper• 3x 250 g-pakke rugspek• sowat 80 ml olyfolie• 1ui, fyngekap• 1selderystingel, in blokkies gesny• 3knoffelhuisies, fyngekap• 2x 400 g-blikke kersietamaties of heel tamaties• 250 ml rooiwyn• 2lourierblare Verhit oond tot 180 °C. Plaas varknek in ’n bak. Gooi suurlemoensap oor en geur met sout en peper. Pak genoeg spek op ’n werkvlak om die nek in toe te rol. Maak seker die spekstukke oorvleuel mekaar. Plaas die varknek bo-op en rol dit stewig toe. Gooi helfte van olyfolie in oondbak en plaas varknek in. Sprinkel res van olie oor en plaas in oond. Oondbak sowat 30 minute oop tot spek mooi bros is. Haal uit en rangskik ui, seldery en knoffel om die varknek. Plaas terug…

1 OONDGEBRAAIDE HEEL HOENDER GENOEG VIR 4 Verhit oond tot 180 °C. Plaas 200 g (220 ml) sagte botter in ’n mengbak. Voeg hand vol grofgekapte basiliekruidblare en 4 fyngekapte knoffelhuisies by. Meng goed. Maak vel op die maagkant van 1 heel hoender los en skep bottermengsel onder vel in. Plaas hoender in oondbak en gooi 80 ml olyfolie en sap van 1 suurlemoen oor. Geur met sout en varsgemaalde swartpeper. Maak bak toe met foelie en oondbak 30 minute. Haal foelie af en oondbak nog 1 uur. Haal uit en sit warm voor. 2 HOENDER- ROERBRAAI GENOEG VIR 4 Verhit 60 ml olyfolie in ’n diep pan. Voeg 400 g ontbeende hoenderborsierepe by en braai tot net bruin. Sny halwe ui in skywe. Voeg ui, 1 fyngekapte knoffelhuisie, 2…

5 MINUTE MET ... BERTUS VAN NIEKERK GARAGE-WYNMAKER Osbloed Wyne Eagle-singel 33 Somerset-Wes 083 400 2999 Vertel ons meer van die man agter Osbloed? Toe ek ’n laerskoolseuntjie in Windhoek was, het my pa sy wyn gebêre onder die werktoonbank in die garage, waar hy al sy stokperdjies beoefen het. Wanneer hy gebraai het, het hy altyd vir my gesê: “Boeta, gaan haal vir Pa ’n bottel osbloed in die waenhuis.” Ek het altyd fyn na die etikette gekyk en nooit die woord “osbloed” daar gesien nie. Dit was lank my droom om wyn onder die Osbloed-etiket te bemark. Ek drink self niks anders as net die beste koffie en wyn nie. Dis ’n eenvoudige manier om vreugde in elke dag te sit. Wat het jou geïnspireer om jou eie…

ROMERIGE TAMATIESOUS 1.  tamaties2.  room3.  knoffel4.  parmesaankaas5.  basiliekruid BLOUKAAS EN ASPERSIES 1.  aspersies2.  botter3.  room4.  bloukaas5.  parmaham SPINASIE EN STEURGARNALE 1.  olyfolie2.  strepiespek3.  steurgarnale4.  spinasieblare5.  parmesaankaas SPAANSE WORS MET SWART OLYWE 1.  olyfolie2.  Spaanse worse (chorizo)3.  rosa-tamaties4.  room5.  swart olywe VARKWORSIES EN TAMATIES 1.  varkworsies2.  olyfolie3.  soetrissies4.  rosa-tamaties5.  basiliekruid ROMERIGE TAMATIESOUS (bl. 69) Geen uie is nodig in hierdie klassieke sous nie. Gooi die geblikte tamaties direk in ’n warm kastrol en kyk net hoe maklik. GENOEG VIR 4 • 2 x 400 g-blikke gebreekte tamaties• 250 ml room• 2 knoffelhuisies, fyngekap• 100 g parmesaankaas, fyngerasper• hand vol vars basiliekruidblare, grofgekap sout en varsgemaalde swartpeper500 g fusilli-pasta Verhit ’n kastrol op stoofplaat. Gooi tamaties in kastrol en maak toe met deksel. Laat kook sowat 30 minute. Voeg room en knoffel by en geur met sout…

5 MINUTE MET ... LORNA SCOTT JENEWERSTOKER Inverroche Distillery Fynbos Gin & Botanique Liqueur Laurenskrik-landgoed Old Riversdale Road Stilbaai 028 754 2442 072 4474211 www.inverroche.co.za Vertel ons van die span agter Inverroche. Waar het dit begin? Ons storie is gewortel in fynbos, ’n geskenk van die natuur waarmee die mensdom al van die begin af geseën is en wat sal bly voortbestaan solank ons die omgewing beskerm waar dit floreer. Die talle unieke spesies fynbos hier in die suidwestelike kusgebied van die Wes-Kaap deurdrenk ons produkte en gee dit ’n unieke kleur en geur. Ek het Inverroche Distillery in 2012 hier begin, naby Stilbaai. My seun, Rohan, is die stookmeester en hy beheer die produksie. My dogter, Lauren, het kookkuns op Stellenbosch gestudeer. Sy beplan om ’n restaurant op die…

Resepte nagegaan deur dieetkundige Mariza van Zyl RD van BETER EET Voeding en Voedsel Konsult, www.betereet.co.za ASPERSIE-EN- PAMPOENSLAAI Pampoen hoef nie altyd soet gekook te word nie. Los die skil aan en oondbraai dit – en proe net hoe lekker. GENOEG VIR 4 • 8 skywe (800 g) pampoen, sonder pitte maar met skil• 20 ml anyssaad• 45 ml kanola-olie• sout en varsgemaalde swartpeper• 200 g vars aspersies• 80 g blare van jou keuse• 3 wiele fetakaas SOUS • 45 ml witwyn-asyn• 60 ml kanola-olie• 30 ml heuning• sap en gerasperde skil van 1 lemoen Verhit oond tot 180 °C. Plaas pampoen in oondbraaibak. Sprinkel anys, olie, en sout en peper oor. Oondbraai oop vir 20 minute. Voeg aspersies by en oondbraai verder tot pampoen begin verbruin en gaar is. Terwyl pampoen oondbraai, meng al die bestanddele vir die…

A Aartappel – potato Aarbeikonfyt – strawberry jam Agurkie – gherkin Amandel – almond Appel – apple Appelbier – apple cider Appelkooskonfyt – apricot jam Ansjovisfilet – anchovy fillet Anyssaad – aniseed Aspersie – asparagus B Bakpoeier – baking powder Balsemasyn - balsamic vinegar Basiliekruidblare – basil leaves Beesvleisaftreksel – beef stock Beesfiletporsies – Roast Beef servings Beesvleisrepies – beef strips Bier – beer Blokkiespek – bacon bits Blomkool – cauliflower Bokmelkkaas – goat’s cheese Bosbessie – cranberry Botter – butter Botterskorsieblokke – butternut blocks Braai – fry/roast Brandrissievlokkies – chilli flakes Bredie – stew Broodkrummels – bread crumbs Bronkors – watercress Bros – brittle/crisp Bruinbroodmeel – brown bread flour Bruismeel – self-raising flour C Crème fraîche (suurroom) – sour cream D Deeg – dough Deurskynend – transparent Draadklitser –…

Rig jou brief aan SARIE KOS, Posbus 1802, Kaapstad 8000, faks dit na 021 408-3099 of e-pos na Sariekos@sarie.com . Oorspronklike briewe, ook e-posbriewe, moet ’n volledige posadres en kontaknommer insluit. Dit mag nie aan ander tydskrifte voorgelê word nie. Die redakteur behou die reg om briewe te verkort. Boekie maak kosmaak makliker Wat staan ’n ma te doen as die kospryse genadeloos bly styg, die plakkate teen die lamppale weer ’n rentekoersverhoging aankondig, die kosbegroting klaar erger knyp as my skoene en my vier tieners reeds met ontbyttyd uitbundig wil weet: “En wat eet ons vanaand?” Die volstruistegniek wil nie werk nie. (Die volstruis druk mos glo sy kop onder die sand in as die gevaar vir hom te dreigend word.) Dis dieselfde as “leef van…

AVOKADO Sprinkel ’n bietjie suurlemoensap oor ’n halwe avokado en maak dit stewig toe met GLAD Wrap. Plaas in die yskas en dit sal ’n dag lank vars bly. WORTELS Plaas wortels in ’n GLAD Multi-Freshsakkie en bind stewig vas met ’n verseëldraadjie. Plaas in yskaslaai en dit sal 3 weke vars bly. UI Draai ’n halwe ui stewig toe met GLAD Wrap en plaas in die yskas. Dit sal 3 – 4 dae vars bly. SELDERY Seldery kan tot 2 weke vars bly in die yskaslaai as jy dit stewig met ’n draadjie verseël in ’n GLAD Multi-Fresh-sakkie. SUURLEMOEN Bedek daardie halwe suurlemoen wat altyd oorbly, stewig met GLAD Wrap en plaas in die yskas. Dit sal 2 – 3 dae vars bly. VARS GEMMER Jy gebruik altyd net…

HIER IS DRIE REDES waarom jy hierdie kans moet aangryp. Jou SARIE KOSintekening beteken 1 Jy weet jy sal nie ’n uitgawe misloop nie 2 Jy kan kies: jy betaal maandeliks of eenmalig 3 Dis ’n kans om jouself – of iemand vir wie jy omgee – te bederf TEKEN IN of HERNU BEPALINGS EN VOORWAARDES IS VAN TOEPASSING. DIE AANBOD GELD NET VIR INTEKENING OP DIE GEDRUKTE SARIE EN IS GELDIG TOT 28 JULIE 2015 (NET IN RSA). *DAAR IS GEEN AFSLAG OP POSGELD EN BTW NIE. SKAKEL 0877 401 020 E-POS sarie_inteken@media24.com EN ONS KONTAK JOU SMS SUBS SARIE na 32361 (geen leestekens) EN ONS KONTAK JOU (’n tarief van R1 per SMS geld) WWW Besoek SARIE.COM vir gewone en digitale intekening…

WARM ROOMKAAS-BROWNIES GENOEG VIR 6 – 8 • 250 g (270 ml) botter, in blokkies gesny • 300 g 70%-donkersjokolade • 3eiers • 250 g (315 ml) bruinsuiker • 100 g (180 ml) koekmeel • 5ml bakpoeier • 230 g LANCEWOOD Low Fat CREAM CHEESE • 250 g LANCEWOODTriple cream MASCARPONE • 125 g frambose (raspberries) Verhit oond tot 170 °C. Maak seker die oondrak is in die middel van die oond. Voer die bodem van ’n vierkantige koekpan van 22 x 22 cm uit met bakpapier. Spuit pan goed met kleefwerende kossproei. Bring ’n kastrol met water tot kookpunt. Sit botter en sjokolade in ’n bak wat bo-op die kastrol pas. Plaas bak op kastrol – maak net seker die water raak nie aan die bak nie. Skakel plaat af en laat sjokolade en botter smelt. Roer af…

Barbara Joubert loop ’n pad met kos. Soms is dit ’n reguit pad met ’n heerlike nostalgiese afdraai; ander kere volg sy ’n onverwagse kinkelpad na ’n heel nuwe proebestemming. Hoe haar pad ook al vurk, met Barbara is kos immer gelaai met op-winding en afwagting. ’n Paar jaar gelede het sy en haar gesin Parys in Frankryk besoek om te verken, én te proe. Ná die tyd skryf sy: “Ek het my oorgegee aan die stad, aan haar buie en ritmes, maar veral aan haar geure ...” En so is dit met Barbara; sy gee haar volkome oor aan elke kosondervinding, en dít is wat sy met ons deel in hierdie manjifieke kyk-lees-geniet-kookboek. Haar inspirasie vir die 80 resepte lê in die vele herinneringe en ervarings wat sy koester.…

BIER BROOD Die geheim van hierdie brood is om dit in jou elektriese menger te maak. GENOEG VIR 1 GROOT BROOD • 375 g (670 ml) witbroodmeel• 1 x 10 g-pakkie kitsgis• 375 ml bier• 5 ml sout• 5 ml suiker 1 Verhit oond tot 220 °C. Plaas meel, gis en bier in bak van elektriese menger. Meng 2 minute by hoë spoed met mengspaan (K-beater). Voeg sout en suiker by. 2 Meng nog 10 minute totdat deeg ’n bal vorm in die middel van die bak. Los deeg in bak en maak toe met kleefplastiek. Laat rys 30 minute op ’n warm plek of tot dubbel die volume. 3 Spuit ’n bakplaat met kleefwerende kossproei. Sif meel op ’n werkvlak en keer die deeg daarop uit. Sif ekstra meel bo-op. Vorm met vingerpunte ’n…

Minestrone-sop met oondgebakte lamskenkels As jy vegetariese vriende het, kan jy die sop sonder die skenkels vir hulle voorsit. GENOEG VIR 4 MINESTRONE-SOP • 300 g droë rooi gespikkelde bone• 60 ml olyfolie• 1 ui, fyngekap• 1 selderystingel, in blokkies gesny• 150 g klaar gesnyde wortelstokkies, in blokkies gesny• 2 knoffelhuisies, fyngekap• 1 x 400 g-blik gekapte tamaties• 750 ml groente-aftreksel• 500 ml kookwater• 1 lourierblaar• 2 takkies vars tiemie• sout en varsgemaalde swartpeper• 3 aartappels, geskil en in blokkies gesny OONDGEBAKTE LAMSKENKELS • 2 groot lamskenkels• 2 knoffelhuisies, fyngekap• sap van ½ suurlemoen• sowat 60 ml olyfolie• sout en varsgemaalde swartpeper Plaas droë bone in ’n mengbak. Bedek met koue water en laat week oornag. Dreineer. Verhit olyfolie in diep kastrol. Voeg ui en seldery by en braai sowat 5 minute. Voeg wortelblokkies en knoffel by en braai nog sowat 5 minute. Voeg tamaties, bone, aftreksel, kookwater,…

PIPE RIGATE Werk ook goed met ’n sous, want dit gaan lê lekker in die holte van die kort, vet buisie. TORTIGLIONI Gebruik dié breë buise met riffels saam met dik, ryk en bonkige vleissouse, én in gebakte pastageregte. LINGUINI Dié pastasoort (ook in volkoring beskikbaar) is plat en smal. Dis lekker saam met ’n verskeidenheid souse. Kies dit ook vir slaaie en roerbraaigeregte. FUSILLI Dié lang skroefies, ook in rooi en groen beskikbaar, is geskik vir die meeste souse en werk goed in slaai. Die naam beteken “geweer” in Italiaans. CANNELLONI Dié buise word tradisioneel gevul met ricottakaas en spinasie. GEMELLI Dié pasta, ‘n stringetjie styf om homself gedraai, kry sy naam van die Italiaanse woord vir “tweeling”. TAGLIATELLE Dis beskikbaar in gewone en spinasie-weergawes. Lekker saam met onder…

PAMPOEN POFFERS Ek erken dit: Ek is verslaaf aan pampoenpoffers. En as jy nog nie is nie, wag tot jy hierdie weergawe met klapper en amandel probeer het! GENOEG VIR 6 – 8 • 500 g pampoen, in blokkies gesny• 45 ml olyfolie• 15 ml anyssaad• 100 g fyn amandels• 100 g klappermeel• 15 ml bakpoeier• 1 eier• sout en varsgemaalde swartpeper• 20 ml heuning• 55 g (60 ml) botter• 250 ml dubbeldik room• 10 ml kaneel Verhit oond tot 180 °C. Pak pampoen op bakplaat en sprinkel olyfolie en anys oor. Bak 20 – 25 minute of tot pampoen sag en gaar is. Plaas pampoen met pansous in groot mengbak en druk fyn met aartappeldrukker. Voeg amandels, klappermeel, bakpoeier en eier by. Geur met sout en peper en meng goed. Spuit die 24 holtes van ’n happiegrootte kolwyntjiepan met kleefwerende kossproei.…

KEKERERTJIE SLAAI Dis so maklik om hierdie slaai te maak. Sorg net dat jy al die bestanddele het en was die skottelgoed, en jy’s klaar. GENOEG VIR 4 SOUS • 30 ml korrelmosterd• 60 ml olyfolie• 45 ml witwyn-asyn• hand vol koljanderblare, fyngekap SLAAI • 45 ml kanola-olie• 1 ui, baie fyn gekap• 2 knoffelhuisies, gekap• 1 brandrissie, fyngekap• 2 blikke kekerertjies, gedreineer (chickpeas)• sout en varsgemaalde swartpeper• 2 wiele fetakaas• 50 g granaatpitte• 30 g slaaiblare van jou keuse Meng al die bestanddele vir die sous met ’n draadklitser en hou eenkant. Maak nou die slaai: Verhit kanola-olie tot warm in groot braaipan. Voeg ui, knoffel en brandrissie by. Braai 5 minute of tot dit begin verbruin en verlaag hitte. Dreineer kekerertjies en spoel af onder koue water. Voeg by uiemengsel in pan op plaat en geur goed met sout en peper.…

KAAS IN ’N POT Net ’n lagie emalje en kyk hoe mooi lyk hierdie fonduepot van www. yuppiechef.com . Koop dit aanlyn in rooi, swart of roomkleur teen R1119,95 BOTTEL VOL LIG Jy sal nooit in die donker hoef te kuier met so ’n sonkraglampie van Consol nie. Al wat jy moet doen, is om dit minstens 4 uur in die son te los sodat die sonpaneel boop kan laai. Vanaf R239 MAAK OOP Met hierdie botteloopmaker van Mr Price Home maak jy jou bier sommer vinnig oop. Dis gemonteer op ’n houtplankie wat jy teen die muur kan vassit sodat die oopmaker nie wegraak nie. Sowat R90 landwyd LIG OP JOU TAFEL As jy nie ligte bo jou tafel wil hang soos ons op…

GROEN LEKKERTE In SA is die winkelrakke nou gelaai met ons eie vars avokado’s. Die veelsydige vrug in die groen skil werk goed as bykos en op toebroodjies, of eet dit sommer net so. Dis boonop propvol goeie vette. Beskikbaar landwyd by supermarkte. JOU DORING! Esdoringstroop (maple) word gemaak deur die sap van die esdoringboomstam te kook tot ’n goue karamelstroop. Kyk uit vir ’n goedkoper alternatief van Huletts – goue stroop gegeur met esdoring. Koop dit landwyd teen R22,99 vir ’n 500 g-bottel. 100% LEMOEN Nie aan die boom nie, maar in ’n boks, dis waar jy Liqui Fruit se suiwer lemoensap kry. Elke boks het ’n herseëlbare tuit wat dit perfek maak vir piekniekmandjies of langpad ry. Koop die 1 liter-bokse landwyd teen R17,98. WINTER SE GEUR Kaneel…

IN JUNIE... NOU TE KOOP! HOENDERBROODJIES Wie hou nie van ’n hoender-mayonnaise-broodjie nie? Hierdie nuwe weergawe is net so lekker. genoeg vir 6 – 8 • 1 ui, gekap • 2 knoffelhuisies, baie fyn gekap • 1 cm vars gemmer, fyngerasper • 150 ml sojasous • 1 brandrissie, fyngekap • 18 hoenderdye, sonder vel • 80 ml sagte botter • 16 snye brood van jou keuse • 1 rooi-ui, in skywe gesny • 200 g beleë cheddarkaas, gerasper Verhit oond tot 180 °C. Meng ui, knoffel, gemmer, sojasous en brandrissie saam. Pak hoenderdye in oondbraaibak en gooi mengsel oor. Maak bak toe met foelie en plaas in warm oond vir 30 – 35 minute of tot hoender baie sag is en van die been af wegtrek. Verwyder hoenderbene en vlok…

KOOK UIT JOU KAS Vir die haastige kokke onder ons het François Ferreira nou goeie nuus: ’n hele boek vol maklike, alledaagse kos wat jy kan kook met bestanddele wat in jou koskas is. Koskas kos (Lapa, R230) help jou met idees vir alles van voorgeregte, hoofgeregte en bykosse tot soetgoed. SOETGOED Dit klink na suikerhemel, gebak wat na karamel, vanielje, sjokolade en ander lekkertes proe. Dit alles en nog meer kry jy in Sam Linsell se nuwe boek Sweet (Struik, R250). In elke hoofstuk is ’n ander bestanddeel of geur uit die soet spens. Die sjokoladewafels met bourbonsous is ’n moet-maak! RACHEL SE KOOKBOEK Uit die pen van een van die sterre op die Britse kostoneel kom die splinternuwe kookboek Rachel Khoo’s Kitchen Notebook (Michael Joseph, R320). Dit lyk…

KONFYT OP YS Lus om konfyt te maak, al is dit winter? Kry vir jou ’n sak vol bevrore frambose by jou supermark en maak só: Plaas 500 g bevrore frambose plus 335 g (420 ml) suiker in ’n pot. Bring tot kookpunt oor matige hitte. Roer nou en dan deur. Kook 45 – 60 minute of tot dik konfyt vorm. Bottel en gebruik. Maklik! GROOT KOPPIES Die bekende porseleinkoppies van Le Creuset is nou ook beskikbaar in ’n groter volume van 400 ml elk. Jy kry dit in hul hele reënboog van 7 kleure. Koop dit landwyd by Le Creuset-winkels teen R249 elk. FEES VAN SJOKOLADE Maak seker jy is van 25 – 26 Junie in die Somerset-Wes-omgewing, want daar word ’n hele fees net vir sjokolade gehou. Besoekers…

5 MINUTE MET ... DAVID DONDE KOFFIEKENNER Truth Coffee Buitenkantstraat 36 Kaapstad 021 200 0440 www.truthcoffee.com Vertel ons meer van die man agter Truth Coffee? ’n Gebore en getoë Kapenaar. Ek het baie gereis en verlief geraak op koffie en kos op die mees vanselfsprekende, maar ook die mees onverwagte plekke. My koffiereis het in Langstraat in Kaapstad begin, waar ek gewerk het in ’n ateljee bokant ’n plek waar ’n bejaarde man gereeld koffiebone gebrand het. ’n Romantiese mite rondom die aromas het toe in my gedagtes begin groei. ’n Paar jaar gelede het die koffiebedryf skielik vlamgevat in Suid-Afrika. Het jy gedink dit sou so gewild word? Ja, daar was ’n leemte wat gevul moes word. Wat het jou geïnspireer om 'n koffiekenner te word? Tydens ’n reis…

"Oukei, buddy, sien jou môre. Ek skuld jou nog R10 vir daai broodjie wat ek nou-nou geëet het,’’ groet ene Stu. “Solank ek net nie naderhand vir my eie toebroodjies betaal nie …,’’ lag Richard Bosman, mede-eienaar van Bacon on Bree. “Dis ’n vriend wat saam met my op skool was,’’ verduidelik hy toe die man uitloop. “Is dit oukei as ons binne sit? My superbestuurder is by ’n begrafnis. Ek moet ’n ogie hou.’’ Richard skink ’n glas water, lui ’n rekening op, gaan sorteer iets in die kombuis uit … Met sy ernstige gesig en sjiek donker trui vertel hy dat hy besluit het om die stylvolle bacon bar te begin omdat “almal van spek hou. Dit is boonop baie veelsydig. Jy kan dit saam met kaas, eiers,…

5 MINUTE MET ... CHRIS EMMANUEL BOETIEKBIERBROUER 11 Shillings Parkhurst Ale 11shillingsale@gmail.com of The Tap Room, info@thetaproom.co.za, 011 334 6410 Vertel ons meer van die man agter 11 Shillings. Op 38 is ek ’n bemarkingstrateeg en -konsultant, ek hou van beleggings, en eiendomstransaksies is my stokperdjie. Die lewe is te kort om net op een ding te fokus. Ek het die mikrobierbrouery begin omdat ek baie van bier hou. Dis vinnig besig om ’n volwaardige onderneming te word. Wat het jou geïnspireer? Toe ek twee jaar gelede van Kaapstad af Johannesburg toe verhuis het, is ek aangeraai om in Parkhurst te kom woon. Die kleindorpie-atmosfeer van die voorstad het my dadelik opgeval en aangestaan. Ek het ’n gaping gesien vir SA se eerste bestemmingsbier (destination ale), want ek het geglo…

Op die tafel voor my is twee terte, nou nie Barbara Joubert en Herman Lensing nie, maar twee appelterte. Tert een is van Golden Delicious- en Granny Smith-appels berei en tert twee van rooies. Die eerste dubbel so groot soos die tweede. En ek is in die duister oor watter tert by watter kosredakteur hoort. In my SARIE-dae het ek die bekende kookskooleienaar Lesley Faull se Howard’s Apple Pie van ’n pastei in ’n tert verander en nogal gedink dit was iets besonders. Daar was ’n appel-en-klappertert, tarte tatin, Franse appelrandtert … ag, ek kan aangaan, maar dis nie hier ter sprake nie. Dis oor die nou en nie oor die gister nie. Barbara en Herman het my gevra om te kies watter een van hulle die beste appeltert kan…

BROS GEBRAAI Voorkom dat groente pap braai in die oond. Verhit eers jou oondbraaibak 10 – 15 minute. As jy die groente in die warm bak plaas, sal die natuurlike suiker daarin karamelliseer Sit dan die bak in die oond en oondbraai soos gewoonlik. Die resultaat is heerlike bros groente. TUISGEMAAKTE ‘VLA’-TER As jy tuisgemaakte vla maak en die eiers skif ... gooi die geskifte vla in ’n koue mengbak om die kookproses te stop. Klits die vla sowat 1 minuut met ’n staafmenger en dis so goed soos nuut! TE SOUT Hoe gemaak as jy te veel sout by ’n gereg gegooi het? Eenvoudig, voeg vars suurlemoensap by om die smaak te verbeter. BÊRE DIT SÓ Speserye bly langer vars in ’n koel donker plek soos ’n speserylaai –…

Tien jaar gelede het Steve Botha die eerste mikrokruie in Suid-Afrika gekweek. ‘’As jy in daardie tyd micro herb gegoogle het, was daar net 11 trefslae,’’ vertel hy. Vandag staan dit op 1,4 miljoen! Steve se inspirasie was die dapper Spanjaard Ferran Adrià, op sy dag hoofsjef van die befaamde restaurant elBulli in Spanje se Costa Brava-streek. Dáár was dit niks snaaks om sommer jare vir ’n ete-afspraak te wag nie. elBulli het in Julie 2011 gesluit. Die plan is glo om dit as kreatiwiteitsentrum te open waar kos-eksperimente gedoen word (nie as restaurant nie). Adrià het geglo aan die dekonstruksie van kos. Hy het ’n gereg dus “uitmekaargehaal” volgens die soet, suur en sout van die bestanddele en dit dan op ’n ander manier herskep om ’n heel nuwe…

1 ’n Avokado is ’n vrug, nie ’n soort groente nie. 2 In die Filippyne verpulp hulle dit met melk en suiker en eet dit as nagereg. In Brasilië voeg hulle dit by roomys. 3 Suid-Afrikaners eet sowat 0,859 kg avokado per jaar teenoor die Amerikaners se 2,5 kg. Elke Mexikaan eet ’n volle 8 kg per jaar! 4 Laat avokado’s teen kamertemperatuur ryp word – dit werk die beste. 5 Moet dit nooit kook of oorgaarmaak nie. Hoe rouer die avokado, hoe lekkerder smaak dit. 6 Bedek doopsouse, sop en salsas soos guacamole met kleefplastiek om te keer dat dit bruin word. Hoe minder lug tussen die oppervlak en die kleefplastiek, hoe beter werk dit. 7 ’n Enkele avokadoboom kan tot 500 VRUGTE per jaar lewer. In Suid-Afrika is…

BLOMKOOLSLAAI (bl. 89) Het jy al ooit blomkool in die oond gerooster? Maklik en lekker. GENOEG VIR 4 • 500 g blomkoolstukke• 45 ml kanola-olie• 30 ml heel komynsaad• sout en varsgemaalde swartpeper• 50 ml olyfolie• 45 ml sjerrieasyn• 30 ml korrelmosterd• 45 ml heuning• 1 brandrissie, baie fyn gekap• 50 g rosyntjies• 100 g gevlokte amandels• 1 x 80 g-sak baba-spinasie• 140 g suikerertjies (sugar snaps) Verhit oond tot 180 °C. Plaas blomkool in oondbraaibak en sprinkel kanola-olie, komyn, sout en peper oor. Oondbraai 15 – 20 minute oop of tot blomkool goudbruin en gaar is. Terwyl blomkool in oond is, meng olyfolie, asyn, mosterd, heuning en brandrissie saam met draadklitser om marinade te maak. Plaas warm blomkool, rosyntjies, amandels, spinasie en suikerertjies in groot slaaibak. Skep marinade oor en meng deur met twee groot opskeplepels tot alles met sous bedek is.…

DIE BIER Devil’s Peak APA. Beskikbaar vanaf R372 (vir ‘n kis van 12) op www.leagueofbeers.com, of landwyd by uitsoek-boetiekbier- en -wynhandelaars. Everson’s Single Varietal Cider. Beskikbaar vanaf R55 vir 660 ml landwyd by uitsoek-boetiekbieren -wynhandelaars. CBC Pilsner. Beskikbaar vanaf R396 (vir ’n kis van 12) op www.leagueofbeers.com, of landwyd by uitsoek-boetiekbier- en -wynhandelaars. Lakeside Hefeweizen. Beskikbaar vanaf R420 (vir ‘n kis van 12) op www.leagueofbeers.com, of landwyd by uitsoekboetiekbier- en -wynhandelaars. OP DIE NEUS Lietsjie en tropiese vrugte Gekneusde appel Suurdeeg Piesang OP DIE TONG ’n Bier met ‘n goeie hopen-moutbalans is die beste pasmaat vir dié ryk gereg. Die bietjie bitterheid van die hop sny as’t ware deur die ryk smake van die kaas, terwyl die mout die kaas se southeid aanvul. Devil’s Peak APA lei met ‘n prominente…

B BeerLab Home Brew Supplies Pinelands Kaapstad 084 031 2243 www.beerlab.co.za Blink Regentstraat 71 Seepunt 021 434 0541 C Consol Glass Osbornestraat Wadeville Johannesburg 011 874 0000 Information@consol.co.za I Interior Trading Sirkelsentrum Hoofstraat Somerset-Wes 021 851 7251 L Lumen (aanlynwinkel) lumenpretoria@gmail.com www.lumenpretoria.com 082 907 3050 M Mervyn Gers Ceramics Dorsetshirestraat 4 Paardeneiland Kaapstad 021 510 2385 Mr. Price Home 0800 212 535 www.mrpricehome.com My Bro Tie (aanlynwinkel) www.mybrotie.co.za P Pep Store Hoofkantoor Kaapstad 021 937 2300 info@pepstores.com Plascon 0860 204 060 www.plascon.co.za S Strand Trading Post Hoek van Hoof- en Aerodromestraat Strand 021 853 6619 T The Farmyard Farmstall Weskuspad naby Melkbos-afdraai 021 553 2563 Y Yuppie Chef www.yuppiechef.com…