Indholdsfortegnelse for February/March 2016 i SARIE KOS

Hier by SARIE en SARIE KOS is middagete ’n lekker sosiale geleentheid... Voor eenuur is ons almal so besig agter ons rekenaars dat daar nie veel gesels word nie. Maar oor een ding praat ek en Pieter Hugo, SARIE KOS se projekbestuurder, elke dag sonder uitsondering – wat gaan ons vir middagete eet, het jy iets van die huis af gebring of moet ons iets gaan koop … Ons eet nie by ons lessenaars nie, maar in ’n vertrek wat ons die chill room noem. Daar gesels ons oor alles en nog wat – en ons kyk wie éét wat. Baie van die redaksielede pak vir hulle middagete in kantoor toe en ek het al heerlike idees gesien. Lucelle Hough, SARIE se digitale redakteur, bring elke dag ’n slaai saam…

IN SEISOEN + RESEP Aarbeie Begin die dag van liefde reg met sjokolade en aarbeie! SJOKOLADE-FONDUE MET VARS AARBEIE GENOEG VIR 2 Sny 200 g aarbeie in dik skywe en ryg aan sosasiestokkies. Breek 100 g 70%-donkersjokolade in ’n mengbak. Verhit 125 ml room tot net voor kookpunt en gooi oor sjokolade. Roer tot gesmelt en sit dadelik voor saam met die aarbeie. VIR HOM EN HAAR LIEFDE IN ’N POT As jy net so baie van Le Creuset hou soos ons, sal dié hartvormige pot ook jou hart steel – en natuurlik sal die kos wat jy in hom kook, oorloop van liefde. Koop dit landwyd teen R1600 of besoek www.lecreuset. co.za  vir meer inligting. LESERSPEILING: SJOKOLADE OF ROSE Ons het op SARIE KOS se…

‘Wys jou liefde vir haar met lekker kosbederwe...’ "Ek is nie dikwels op Valentynsdag in Suid-Afrika nie,”sê Werner. Die afgelope twee jaar het hy op dié dag rugby gespeel in Las Vegas. Is hy wél tuis op Stellenbosch, braai hy die aand voor die groot dag filet, Zanyika se gunsteling. “Ek is die vroegopstaner, en op Valentynsdag maak ek plaatkoekies warm en rond dit af met bessies (dit móét van Woolworths wees). Soms verhit ek die orige filet van die vorige aand en sit dit vir haar voor met ’n medium-gekookte eier.” Zanyika voel ook spesiaal as hy tee saam met die ontbyt bring: gewone, vanielje, of as hy baie avontuurlik is, ’n rooi espresso. Werner reken mense moet met kosbederwe vir mekaar wys hoe belangrik hul liefde is. “Dit…

Bederf-ontbyt SJOKOLADE-IN-DIE-MIDDEL-PLAATKOEKIES Hou dit vir spesiale geleenthede, want dis nogal moeite om te maak. Jy moet net onthou om genoeg tyd toe te laat dat die sjokolade kan vries. GENOEG VIR 10 PLAATKOEKIES • sowat 150 ml sjokoladesmeer (Nutella)• 230 g (410 ml) bruismeel• knippie sout• 6 eiers, geskei• 280 ml melk• ongesoute botter om plaatkoekies in te braai• versiersuiker vir bo-oor sif Plaas ’n groot stuk bakpapier op ’n houtplank. Smeer 10 sirkels van 5 – 6 cm in deursnee op die bakpapier met die sjokoladesmeer (sien foto). Plaas oop in vrieskas tot hard gevries. Jy kan dit selfs die vorige aand al doen. Sif meel en sout saam in ’n mengbak. Klits eiergele en melk saam in ander mengbak. Maak ’n holte in die middel van die meel en voeg die eiermengsel by. Meng met…

Kaas-en-mielie-muffins GENOEG VIR 12 • 240 g (430 ml) bruismeel• 3ml sout• 10 ml bakpoeier• 1x 410 g- geblikte mieliepitte, gedreineer• 240 g cheddarkaas, gerasper• 4takkies pietersielie, fyngekap• 1eier• 225 ml melk• 50 ml gesmelte botter Verhit oond tot 180 °C. Spuit ’n standaardmuffinpan met kleefwerende kossproei. Sif meel, sout en bakpoeier in ’n groot mengbak. Voeg mielies, kaas en pietersielie by en meng deur. Klits eier, melk en botter saam en voeg by droë bestanddele. Meng goed met houtlepel tot deeg vorm. Skep in muffinpan en bak 20 – 25 minute in warm oond. Druk ’n toetspen in middel van elke muffin – as dit gaar is, sal die toetspen skoon uitkom. Haal muffins uit oond en laat afkoel voor jy dit in ’n GLAD Zip Seal-sakkie sit.…

SJOKOLADE MOUSSETERT Randkoek of flan is baie tradisioneel as yskastert gemaak word, en dis boonop ’n lekker manier om koek en mousse bymekaar te bring. Gebruik ongesoute botter in sjokolademousse – dit smaak nie so lekker met gesoute botter nie. GENOEG VIR 6 RANDKOEK (FLAN) • 140 g (250 ml) koekmeel• 200 g (250 ml) suiker• 40 g (100 ml) kakao• 5 ml bakpoeier• 1 eiers• 2,5 ml sout• 125 ml karringmelk• 125 ml sonneblomolie• 2,5 ml vanieljegeursel• 125 ml kookwater SJOKOLADEMOUSSE • 2 eiers, geskei• 65 ml strooisuiker• 12,5 ml brandewyn/sterk koffie• 100 g donker- of melksjokolade• 50 g ongesoute botter, in blokkies gesny• 250 ml room, styfgeklop• kakao vir oorsif Randkoek Verhit oond tot 150 ºC. Plaas al die bestanddele in die mengbak van ’n elektriese menger. Meng goed by medium-spoed. Spuit ’n randkoekpan van 20 cm in deursnee en 2½ cm diep goed met…

Ons het 16 dae lank in ’n groep van 12 gereis – van Casablanca aan die Atlantiese Oseaan noord na Meknes en Fes, deur Marrakesj af na Zagora en die gebergtes en dorpies in die suide tot in die Sahara-woestyn, voor ons terug is na Marrakesj. En van daar bra langtand huis toe. In Marokko word dinge met die hart gedoen – of dit nou kosmaak is of vier soene op die wang omdat julle mekaar by verlede week se markdag laas gesien het. In die medinas (ou dorpskerne in die stede) met hul bedrywige souks (markte) woel dit in die nou gangetjies soos rysmiere wat reën ruik. Maar altyd is daar tyd vir staan en ’n storie, vir ’n slukkie soet kruisementtee saam met vriend en vreemdeling. Dit word…

Boerdery is waarlik ’n kuns, met vele veranderlikes soos die grond, weer, werkers en bemarking wat in ag geneem moet wordAngus McIntosh Goeiemôre, my meisies!” groet Angus elke oggend sy spierwit lê-henne. “Hoe gaan dit met jou, hartjie?” vra hy vir die een onder sy arm en streel haar saggies oor die kop. Só herbevestig hierdie hoenderboer op die Spier-wynlandgoed, naby Stellenbosch, doelbewus sy liefde en toewyding aan dié diere. Dit vorm deel van die groter biodinamiese visie van die plaas as ekosisteem, sê Angus, wat onder meer behels dat kos van die hoogste gehalte geproduseer word met geen of baie min negatiewe impak op die omgewing. Hy glo gelukkige diere lewer smaaklike produkte, en hy is glad nie skaam om te sê sy henne se eiers is die beste…

maandag. HOENDERKEBABS MET KRUIE EN SUURLEMOEN Marineer die kebabs in laevetjogurt, dit help om die vleis lekker sag te maak. GENOEG VIR 8 • 8 takkies vars tiemie, fyngekap• 1 brandrissie, fyngekap• hand vol (30 g) Italiaanse pietersielie• 2 knoffelhuisies, fyngekap• 500 ml laevet-jogurt• sap en gerasperde skil van 2 suurlemoene• 25 ml vinkelsaad• 16 ontbeende hoenderdye sonder vel (sowat 1 kg)• 4 hout-kebabstokkies• sout en varsgemaalde swartpeper• 200 g vars aspersies• 45 ml kanola-olie• groenslaai vir voorsit 1 Maak marinade van tiemie, brandrissie, pietersielie, knoffel, jogurt, en sap en skil van suurlemoene. 2 Rooster vinkelsade in warm pan tot geurig, sowat 30 sekondes. Gooi by jogurtmengsel en meng deur. 3 Ryg hoender op houtstokkies. Plaas in plat bak en geur met sout en swartpeper. Gooi marinade oor. 4 maak só klaar Dompel aspersies vir 2 minute in kookwater en dreineer. Verhit riffelpan…

DIE WYN Sxollie Golden Deliciousappelwyn. Vanaf R25 per bottel in kleinhandel-drankwinkels in Kaapstad, Johannesburg, Durban en Port Elizabeth. Neil Ellis Cinsaut Noir 2012. Vanaf R275 per bottel direk van Neil Ellis se proelokaal of uitsoekwynhandelaars landwyd. Porcupine Ridge Chardonnay 2014. Beskikbaar vanaf R36 per bottel by uitsoek-wynhandelaars landwyd. Nederburg Winemaster’s Reserve Noble Late Harvest 2013. By boetiekwynwinkels of aanlyn by www.vinoteque.co.za teen R90 per bottel. OP DIE NEUS OP DIE TONG Begin jou oesfees met ‘n verfrissende drankie soos appelwyn. Hierdie weergawe van Sxollie – ‘n nuwe handelsmerk op die vlytbiermark – is gemaak van appels uit boorde in Elgin. Die soet karaktertrekke van die Golden Delicious-appel is goed teenwoordig, wat dit ‘n sappige en eiesoortige drankie maak. Boonop is appel en anys ‘n wonderlike kombinasie! Aardse en geurige disse…

Ester leer kook Ek het Ester op ’n bouperseel gekry, agter ’n kruiwa met sement en bakstene. Sy was verniel en maer, met diep lyne op die gesig, maar taai teen wind en weer. Sy kon geen ander werk vind as kruiwa stoot nie, maar dit het sy baie fluks gedoen. Ons het begin gesels en ek het gesê sy moet ’n draai by my kom maak. Sedertdien stryk sy vir my en maak huis skoon. Sy stap nou al drie jaar die pad saam met my. Ons het ’n wonderlike verhouding opgebou en vandag bak sy koek en melktert, en haar familie is baie beïndruk met haar bakvernuf. Sy het koskook ook onder die knie gekry, onder meer met behulp van SARIE KOS se spinasieresep (SARIE KOS Aug/Sept 2014).…

EET SOOS NEW YORK Die koskultuur in Amerika bestaan uit meer as net burgers en pizza. In Spuntino se tweede kookboek, Comfort Food (New York Style) (Phaidon, R540), neem hy jou op ’n kosreis van tipies New Yorkse troosresepte. Ons gunsteling is die klein lamfrikkadel-burgers op bl. 162. Sit dit voor met yskoue bier en verbeel jou jy is in die middel van dié polsende stad. KOOK GESOND Diabetes is vir baie mense ’n kruis, maar om vir diabete te kook kan self ’n groot uitdaging wees. Daar is hoop, met Hilda Lategan se nuwe kookboek, Suid-Afrikaanse Kookboek vir Diabetes (R220). Al die resepte is lae GI en getoets deur ’n dieetkundige. Kies jou volgende smulgereg uit ’n groot verskeidenheid, van gebak tot hoofgeregte. GOEDVOEL-GEREGTE Die sexy kosgodin Nigella Lawson…

HAM-EN-BOCKWURST-SOUTTERT (bl. 21) Ek het grootgeword met souttert met Weense worsies in die vulsel. Ek vervang dit vir hierdie resep met Duitse bockwurst, wat dit ’n heerlik rokerige smaak gee. GENOEG VIR 6 KAASDEEG • 300 g (535 ml) koekmeel• 150 g (165 ml) botter, in blokkies gesny• 240 g sterk cheddarkaas, gerasper• 3 eiergele• 60 ml koue water• 1 eierwit, effens geklits VULSEL • 240 g sterk cheddarkaas, gerasper• 250 g ham, in dik repe gesny• 4 bockwurst-worse, in skywe gesny• hand vol vars basiliekruidblare, grofgekap• 4 eiers• 500 ml room• sout en varsgemaalde swartpeper Kaasdeeg Verhit oond tot 180 °C. Plaas meel en botter in voedselverwerker. Meng tot dit soos fyn broodkrummels lyk. Voeg kaas by en meng goed. Voeg eiergele en water by en meng tot deeg vorm. Haal deeg uit voedselverwerker en maak toe met kleefplastiek. Plaas in yskas…

PARMESAANKAAS-EN-KRUIE-KRUMMELHOENDER Dis soveel makliker om ’n hoender in die oond te bak as om voor die warm stoof te staan en dit op ’n plaat gaar te maak. GENOEG VIR 8 • hand vol vars tiemietakkies• hand vol vars pietersielie• 155 g droë broodkrummels• 100 g parmesaankaas, fyngerasper• sout en varsgemaalde swartpeper• 8 hoenderboudjies• 8 hoenderdye• 2 eiers, geklits• 250 ml kanola-olie• vars lemmetjies of suurlemoene vir voorsit• vars roketblare vir voorsit Verhit oond tot 180 °C. Stroop blaartjies af van tiemietakkies. Kap tiemie en pietersielie baie fyn. As broodkrummels te grof is, kap dit fyner in voedselverwerker. Meng kruie, broodkrummels en parmesaankaas in ’n plat mengbakkie. Geur met sout en peper. Plaas hoenderstukke in ’n mengbak en geur met sout en peper. Gooi geklitste eier oor en meng goed deur tot al die stukke bedek is met eier. Gooi olie…

Maandag HOENDER-VOUPAKKIES (sien bl. 49) Maak die wraps sommer van Sondag se oorskiet. GENOEG VIR 4 • 4 tortillas• 120 ml roomkaas• 4 groot kropslaaiblare (iceberg)• 400 g oorskiet-hoender, gevlok• ½ komkommer, in lang stokkies gesny• 2 wortels, geskil en gerasper• 2 avokado’s• sout en varsgemaalde swartpeper Verhit ’n tortilla 30 sekondes in die mikrogolf. Plaas op werkvlak en smeer 30 ml roomkaas bo-op. 1 Plaas ’n slaaiblaar in middel, gevolg deur 100 g hoender, ’n paar komkommerstokkies, bietjie wortel en ’n halwe avokado. 2 Geur goed met sout en peper. Rol tortilla op in ’n stywe pakkie. Halveer met skerp mes. Herhaal met res van bestanddele. BLAARSLAAI-VOUPAKKIES (sien bl. 49) So heilsaam, net ’n blaar om al die interessante vulsels bymekaar te hou. GENOEG VIR 4 • 1 kropslaai (iceberg)• 2 avokado’s• ½ komkommer• 2 wortels, geskil en gerasper• 400 g oorskiet-hoender,…

SUURLEMOEN-EN-SJOKOLADE-YSKASTERT GENOEG VIR 6 • 500 ml swart koffie• 30 ml brandewyn• 200 g Boudoir-koekies• 250 g LANCEWOOD Low Fat Cream Cheese• 1x 385 g-blik kondensmelk• sap van 1 suurlemoen• 100 g 70%-donkersjokolade• 10 – 12 klein stroopwafelkoekies of koekies van jou keuse• kakao vir oorsif• vars aarbeie Gooi koffie en brandewyn in ’n bak. Doop Boudoir-koekies daarin en pak in een laag in ’n diep bak van sowat 18 cm in deursnee. Klits roomkaas, kondensmelk en suurlemoensap saam tot glad in ’n mengbak. Gooi die mengsel bo-oor koekies in diep bak en plaas in yskas vir sowat 4 uur tot gestol. Breek sjokolade in stukke en plaas in bak. Plaas bak op ’n kastrol met kookwater en laat staan tot sjokolade gesmelt het. Doop stroopwafelkoekies in sjokolade – net ’n klein stukkie van die koekie – en plaas op…

GENOEG VIR 2 LAM-TAGINE • ½ kg skaapvleis, in stukke gesny• 4 uie• knippie elk sout, swartpeper en gemmer• 1 draadjie saffraan• ¼ koppie olyfolie Maak die skaap skoon, Sny die uie in klein stukkies, meng met vleis, voeg speserye by en braai 1½ uur oor lae hitte in oyfolie. Voeg water by soos benodig, nie meer as 1 koppie nie. PRUIMEDANTE • 250 g pruimedante • 4 eetlepels olyfolie • 3 teelepels kaneel • ¼ koppie suiker Maak die pruimedante skoon en week met pit en al vir 15 minute in koue water. Laat kook 4 eetlepels olyfolie in ’n ¾ koppie water. Sodra mengsel kook, gooi pruimedante in en kook nog 15 minute sodat die vrugte kan swel. Voeg nou 3 teelepels kaneel en ¼ koppie suiker by en kook nog 5 minute in oop kastrol. Dit…

1 Eiers is een van die min voedselsoorte wat as ’n volledige proteïen beskou word. Dit bevat die 9 essensiële aminosure wat die liggaam nie self kan vervaardig nie en wat as die boustene van die liggaam beskou word. Dit help in die vorming van proteïen en is lewensnoodsaaklik om jou lyf gesond te hou. ’n Groot eier bevat sowat 6 g proteïen. 2 ’n Groot eier bevat maar 5 g vet, waarvan slegs 1,5 g versadig is – dus net ’n bietjie van die slegte soort vet – en so min as 294 kJ. 3 Eiers is een van die min natuurlike bronne van vitamien D. Die liggaam kan dit ook vervaardig as dit gereeld aan sonlig blootgestel word. 4 Eiers maak jou slim! Eiergeel is propvol cholien, ’n…

GOEIE KOFFIE Kitskoffie van Nescafé smaak net so lekker soos die beste filtreerproduk. Alta Rica is ’n ekstra-sterk koffie met geure van vanielje en neut. Die koffie het sy oorsprong in Suid-Amerika. Sowat R85,95 vir 100 g. SMEERBOTTER Min goed is so lekker soos botter op vars brood, en Ladismith maak dit maklik met ’n nuwe soort smeerbotter. Die produk is verpak in herseëlbare bakkies en word gemaak van regte botter. Sowat R39,99 vir 500 g-bakkies. SAG EN KOEL Die ontwerp van dié botterklok (bell) van Le Creuset sorg dat botter altyd sag en smeerbaar is. Vul die een deel met yskoue water en die ander met botter. Die twee dele seël mekaar dig, sodat die botter altyd reg is vir gebruik. Dit kos R420 landwyd. DIT SPRING Springmielies is…

KLEIN KOSBLIK Spesiale silikoonmateriaal maak hierdie moderne kosblik veerlig en plooibaar. Sodra hy leeg is, rol jy hom op sodat hy maklik gebêre kan word, in die kleinste moontlike ruimte. Koop dit aanlyn by www. yuppiechef.com  teen R150. Beskikbaar in blou en pers. BRIEFIE IN DIE SAK Laat jou geliefde spesiaal voel met briefies wat jy saam met sy kos vir hom inpak werk toe. Skryf dit op Game se vasplak-papiertjies. Pakkies van 4 is landwyd teen R27 te koop. Game is ‘n borg vir SARIE se 30 Dae van Kos + Dekor (Sien bl. 14.) APPELBIER VIR JOU PIEKNIEKMANDJIE Les jou dors op snikhete somerdae met koue appelbier (cider) van Cluver & Jack uit die Elgin-vallei. Die alkohol is min en die smaak droog, wat…

Skoenlappers op jou tong Babylonstoren, die prag-wynplaas naby die Paarl en Franschhoek, spog met ’n eerste Méthode Cap Classique-vonkelwyn, Sprankel Die landgoed se liefde vir elegante eenvoud is opvallend in die skoenlapper-tema op die bottel. Die etiket is ontwerp deur kunstenaar Peet Pienaar en pronk op ’n geronde Cuvée de Sacresbottel met ’n dun nek. Die bottel word verpak in ’n oranje boks met uitgesnyde skoenlappers. Slegs 4700 bottels Sprankel is te koop teen R495 by die nuwe Babylonstoren-proelokaal, die aanlynwinkel en by die plaas se gewilde restaurante. SEWE OESJARE, EEN WYN Die gewilde wynmaakduo Chris en Andrea Mullineux van Mullineux & Leeu Family Wines in die Swartland, het hul Mullineux Olerasay 1º (primero) uitgereik – Solera-styl wyn waaraan hul reeds sedert 2008 werk. Die resultaat is ‘n heldergoue strooiwyn…

VARKFILET-EN-AARTAPPELSLAAI GENOEG VIR 2 AARTAPPELSLAAI • 350 g baba-aartappels met skil• 125 ml suurroom• sap van 1 suurlemoen• 1knoffelhuisie, fyngekap• sout en varsgemaalde swartpeper VARKFILET • 1varkfilet• sap van 1 suurlemoen• 1knoffelhuisie, fyngekap• 30 ml olyfolie• sout en varsgemaalde swartpeper• 250 g strepiespek (streaky)• 40 g bronkors (watercress)• 4hardgekookte eiers, gehalveer• 4rooi sprietuie, in lengte gehalveer• olyfolie Aartappelslaai Plaas aartappeltjies in ’n klein kastrol en bedek met water. Bring tot kookpunt en kook tot sag. Dreineer in vergiettes en laat afkoel. Halveer aartappeltjies en hou eenkant. Meng suurroom, suurlemoensap en knoffel in ’n mengbakkie. Geur met sout en peper en gooi oor aartappels. Plaas in yskas tot benodig. Varkfilet Sny filet in skywe en plaas in bakkie. Gooi suurlemoensap, knoffel en olyfolie oor. Verhit ’n kleefwerende pan en braai filetskywe weerskante tot mooi bruin en gaar. Geur met sout en peper en haal uit pan.…

‘Ek gooi ’n tjop en wors op die vuur’ - Rina Toe sy en Johan jonk was, sê Rina, was Valentynsdag nie so ’n groot “hoo-ha” soos deesdae nie. “Ons het geweet daar is so iets, maar ons het eintlik niks daarvan gemaak nie.” Toe dit regtig gróót begin raak het, was Rina op die kruin van haar loopbaan en sy het dikwels opgetree. Daar was bloot nie tyd vir feesvier nie. “Noudat ons meer tyd het, is dit steeds nie ’n reuse-ding vir ons nie. As ons deesdae iets spesiaals wil doen, is daar vir mý, die braaier in ons huis, niks lekkerder as om ’n tjop of worsie op die vuur te gooi en pap te maak nie,” vertel Rina. Sy is mal oor pap in enige vorm.…

By De Vette Mossel is die kos eerlik en sonder fieterjasies en die manier van doen is eg tradisioneel en gasvry, vertel Niël. Nogal ’n eienaardige naam, dink jy wanneer jy die eerste keer van De Vette Mossel hoor. Tot die eienaar vir SARIE KOS verduidelik waar dit vandaan kom. “Ek het ’n broertjie dood aan Afrikaanssprekende restaurateurs met oorwegend Afrikaanssprekende klante wat hul restaurant die een of ander volksvreemde naam gee om fênsie te probeer wees. Toe ek my eerste restaurant 11 jaar gelede oopgemaak het, het ek besluit om dit die eenvoudigste Afrikaanse naam moontlik te gee – De Vette Mossel. Dit gaan vir my oor goeie, eerlike kos, sonder fieterjasies. Ons manier van doen is eg tradisioneel en gasvry, soos ons dit langs die Weskus doen. Die…

‘Ek glo nie eintlik aan Valentynsdag nie’ "Elke dag moet spesiaal wees vir mense wat mekaar liefhet,’’ meen Simone. Sy is baie romanties en sal vir seker eendag, as daar weer “iemand spesiaal” in haar lewe is, veel eerder vir hom kook as om hom na ’n restaurant te neem. Laasgenoemde kan partykeer so onpersoonlik wees en soms, veral as jy jou geliefde wil bederf, het jy nie lus om tussen hordes ander mense te wees nie, sê sy … Hoe sou sy die spesiale man in haar lewe wou bederf? “Ek sal begin deur te vra wat sy gunsteling-gereg is …” Maar sy voeg dadelik by: “As iemand mý wil bederf, wil ek hê dit moet ’n verrassing wees. Soos om ’n geskenk oop te maak en nie te…

CHICKEN RUN Dié animasieprent speel af op ’n Britse hoenderplaas. Die hoenders op die plaas wil ontsnap, want hulle gaan almal geslag word om pasteie te maak. In een van die tonele sê die hen Babs: “I dont want to be a pie! I don’t like gravy.” Mel Gibson is die stem van die Amerikaanse sirkushaan Rocky, wat op die plaas beland en die hoenders help ontsnap. HOENDER-EN-SAMPIOENPASTEI (bl. 71) Met apologie aan die geveerdes van Chicken Runwat so kliphard veg om uit die oond te bly, is daar vir my niks wat so lekker is soos ’n heerlike hoenderpastei nie. GENOEG VIR 6 • 60 ml olyfolie• 1 kg hoenderdye en -boudjies (met vel en been)• sap van 1 suurlemoen• 60 ml worcestersous• sout en varsgemaalde swartpeper• 300 g preie (leeks)• 30 ml olyfolie• 30 ml botter• 2…

MOOI BLINK Koper is steeds groot nuus, van mode en dekor tot in die kombuis. Hierdie koperpotte van H&M kan onder meer as versiering op jou tafel gebruik word. Dit kos R149 per pot. MY BEKER LOOP OOR Geen kuiertafel mag ooit sonder genoeg yskoue water wees nie. Gebruik hierdie oorgroot waterbekers van Woolworths om jou gaste se dors te les. Landwyd te koop teen R180 elk. DIEP BLOU Verf jou papiermaché-bakke soos op bl. 103 met Dulux se Royal Regatta 1 (30bb 08/188). Kies ’n verf met ’n glansvoorkoms om dit meer elegant te laat lyk. MENG DIT Maak jou eie mengeldrankies met dié nuttige kopermenger van Woolworths. Landwyd te koop teen R260. GESEËL IN GLAS Jy kan byna alles, van olywe tot soet mosterd, in Consol se mooi…

C Consol Glass Osbornestraat Wadeville Johannesburg 011 874 0000 Information@consol.co.za D Dulux 0860 330 111 www.dulux.co.za G Goeters Verhuringsonderneming Wellington 082 840 2928 www.baiegoeters.co.za H H&M 021 826 7451 www.hm.com/za L Le Creuset Winkels landwyd www.lecreusetshop.co.za M Mervyn Gers Ceramics Dorsetshirestraat 4 Paardeneiland Kaapstad 021 510 2385 S Strand Trading Post Hoek van Hoof- en Aerodromestraat Strand 021 853 6619 T The Pause Room Winkel 2A Tuine-sentrum Kaapstad 021 461 6488 V Veldt Aanlyn-winkel www.veldt.co.za W Woolworths 0860 022 002 www.woolworths.co.za…